مساء الخير ..
عارفه انى طولت الغيبه نسبيا يعنى بس شكل الدكتور الحر ادانى عين جابنى الارض ههه
المهم عودا احمد ..
احمد مين ..
ماعلينا
الصراحه اللى اخرنى طبعا عن سلسلة يومياتى اليوميه (( ياعينى ع الكلمتين مع بعض ))
زى البتنجان المقلى مع صلصة البتنجان الحاره
طبعا السببين كانوا .. ان كان مطلوب مننا بحث ف الاوفثلمولوجى عن السكر والعين
ونعمله برزنتيشن كمان والحمدلله انجزت المهمه بكل سلاسه ونجاح ..
بس مش كان ده السبب الاساسى الصراحه
السبب الاساسى هو انو كان اسبوع مظلم ومكنش ليا نفس اعمل اى حاجه
بعد الحادثه اللى نزلت علينا كالصاعقه
السبب الاساسى هو انو كان اسبوع مظلم ومكنش ليا نفس اعمل اى حاجه
بعد الحادثه اللى نزلت علينا كالصاعقه
...
دخول 200 طالبه م الفرقه الاولى باحدى كليات الازهر بالزقازيق
مستشفيات جامعة الزقازيق من كلية الشريعه الاسلاميه
دخول 200 طالبه م الفرقه الاولى باحدى كليات الازهر بالزقازيق
مستشفيات جامعة الزقازيق من كلية الشريعه الاسلاميه
بدا الموضوع باتصال م عمتى علينا هنا ف البيت
بابا ::الو
عمتى :: الحقنى يااخويا
بابا :: ايه خير
عمتى ::بيقولوا ان جامة الازهر ولعت والبنات كلهم ف المستشفى وانا خايفه ع رحاب
.. روح خلى ياسمين تدخلنا تدخل تطمن عليها
بابا قفل معاها وجالى جرى .. كنت يادوب لسه رايحه ف النوم
بابا :: ياسمين اصحى قومى بسرعه
انا :: ومفتحه ربع عين .. ف ايه ياحاج
بابا :: رحاب بنت عمتك ولعت ف الكليه
انا :: نطيت م السرير بقيت ف وسط الاوضه ازاى ده حصل معرفش
بس بعدها عرفت انه يجى منى ف الباليه والله
انا :: ايه يابابا بتقول ايه رحاب هتولع ف الكليه ازاى ..
بابا راح حكالى اللى عمتى قالته واللى قلتهولكم فوق ده ..
عمتى ::بيقولوا ان جامة الازهر ولعت والبنات كلهم ف المستشفى وانا خايفه ع رحاب
.. روح خلى ياسمين تدخلنا تدخل تطمن عليها
بابا قفل معاها وجالى جرى .. كنت يادوب لسه رايحه ف النوم
بابا :: ياسمين اصحى قومى بسرعه
انا :: ومفتحه ربع عين .. ف ايه ياحاج
بابا :: رحاب بنت عمتك ولعت ف الكليه
انا :: نطيت م السرير بقيت ف وسط الاوضه ازاى ده حصل معرفش
بس بعدها عرفت انه يجى منى ف الباليه والله
انا :: ايه يابابا بتقول ايه رحاب هتولع ف الكليه ازاى ..
بابا راح حكالى اللى عمتى قالته واللى قلتهولكم فوق ده ..
يادوب لبست وخدت ديلى ف سنانى وخدت بابا ونزلنا جرى ع المستشفى
طبعا مش ده خالص مستشفى الجامعه اللى كنت لسه سيباه م ساعه
امن مركزى محاوطه م كل حته والناس قافلين الطريق براا
مايعادل 1000 واحد ويمكن اكتر
جريت .. ها .. ايوه انا طالبه هنا .. كارنيه حضرتك
اتفضل .. اتفضلى
لا .. الاستاذ مينفعش .. ده بابا .. برده مينفعش
ف ايه ياعم صلى ع النبى المستشفى مستشفانا .. ووروحت مدخله بابا ودخلت ورااه
طبعا منظر فوق المريع وتحت الفظيع
البنات مرميين ع السلالم وف الطرقات اللى بتنزف واللى دراعها متكسر واللى دماغها مفتوحه
واللى دايخين وهما مش عارفين عدنهم ايه واللى مغمى عليهم واللى عندهم نزيف داخلى
واللى جروح واللى كدمات واللى واللى واللى
...
منظر كارثه بكل المقاييس
منظر كارثه بكل المقاييس
..
المهم طبعا توهت لما لقيت بنت عمتى اخيرا لان طبعا مفيش موبايلات ...
المهم طبعا توهت لما لقيت بنت عمتى اخيرا لان طبعا مفيش موبايلات ...
موبايلاتهم وكتبهم وكل حاجه راحت ف المدرج
طبعا لقيتها بتعيط .. ف ايه يابنتى حمدالله ع سلامتك .. انا كنت فكراها بتعيط م الخضه
قلتلها احمدى ربنا انتى كويسه اهو وتمام هاخدك ونعملك فحص كامل ونطمن
البنت بتعيط بطريقه .. لا مش ممكن تكون بسبب الخضه
طب ف ايه رحاب .. اهدى اتكلمى .. ونزلت الصاعقه .. اصل .. اصل ..... ماتت
طبعا ده اللى فهمته م كلامها ان بنت صاحبتهم ماتت
انا طبعا الى الان كنت زى الاهبل ف الزفه معرفش ايه الموضوع وحدوده فين وكده
بصيت حواليا طبعا لقيت المنظر ميسرش عدو ولا حبيب
وضميرى الطبى نقح عليا .. فجريت طبعا اللى قدرت اعمله عملته
م انى انقل بنات للعيادات المتخصصه او افوقهم ونقيسلهم الضغط ونعلقلهم محلول وغيره
وبعدين وانا بخيط بنت صوباعها مفتوح تلات غرز .. فهمتنى الليله كلها بقى
اصل احنا كنا ف المحاضره بعدين لقينا سور الكليه بيولع والسقف ف المدرج بيولع واللمبات بتضرب
فكلنا اتنفضنا وجرينا ع باب المدرج وكان مقفول فكسرناه وخرجنا
...
سيدى الفاضل 200 طالبه بيخرجوا م بابا مترين ف مترين .. ضرفه مقفول وضرفه مفتوحه
سيدى الفاضل 200 طالبه بيخرجوا م بابا مترين ف مترين .. ضرفه مقفول وضرفه مفتوحه
طبعا العمر مش بعزقه الكل بيزق ف كله والكل بيطحن ف كله
واللى كسروا ازاز الشبابيك ونطوا مش مهم رجليهم تتكسر المهم يهربوا م خوفهم
اينعم هو الموضوع مكنش حريقه ولا حاجه بس رعب المنظر اللمبات بفرقع ياناس والسور مولع
السور مولع يارجاله لان كابلات الكهربا بيمشوها ع السور م فوق ويوصلوها للاماكن اللى عايزنها
قمه ف الاهمال وقمه ف اللامبالاه وقمه ف سوء التصرف وقمه ف الجهل والتعامل مع الكوارث
يعنى م اهمال ف الكهربا وف اساسيات
ممكن ف ثانيه تبقى خطر ع حياة الانسان بدل ماهى اساس ف نفعه
لخطأ م البنات ف التصرف بس العيب مش عليهم ماهو مفيش مناهج تدرس ولا خطط تتحطط للتعامل مع الكوارث
لسوء تصرف م المستشفى واهمال طبى كان السبب ف ان بنات تموت اصلا لان الرعايه الطبيه اللازمه اتاخرت عليهم
طبعا كان نتيجة الحادث وفاة 13 بنت
..
اللى منهم خارجه الصبح وبتخطط هتزاكر بعد مترجع
اللى منهم خارجه الصبح وبتخطط هتزاكر بعد مترجع
واللى طلبت م مامتها تعملها حاجه معينه ع الغدا لما ترجع
واللى كانت متخانقه مع اختها وقررت انها لما ترجع م الكليه تنكشها وتصالحها
ياه احلامهم وحياتهم ضاعت ف ثانيه كده
وبقية ال 200 طبعا .. بعضهم كسور وخياطه وكدمات
.. والاغلب فاق ومشى
وانفضت الليله ..
انفضت ع ايه بقى
انفضت ع ايه بقى
..
ع صرف 5000 لعائلة المتوفيه
و 3000 لعائلة المصابه
و 3000 لعائلة المصابه
يافرحتى .. ارقص ياقلبى .. غنى ياعنيا
مسمعناش عن برنامج اتحط علشان يعلم ولادنا ازاى يتصرفوا ف الكوارث
مسمعناش عن ايه سبب الماس ده ..
وان ف اجراءات فوريه هياخدوها لتغيير اى سبب ممكن يكون خطر ع حياة الطلبه تانى
لا كل اللى عندهم ..
الكارثه تقع ..
يحصل بروبجاندا ..
يطلع المحافظ وكام وزير لابسين بدل سودا
.. ويصرفوا تعويض
الله اعلم بيتصرف اصلا ولا ايه
وتروح الكارثه وتحصل وراها كارثه جديده
وتنطوى صفحة اللى استشهدوا ويستشهد غيرهم وم قبلهم راح غيرهم
دفع حياتهم نتيجة اهمال وسوء تصرف وطن باكمله
حرااام حرااام حرااام
ارواح البنى ادمين ياناس
..
انا حاسه بمراره اوى وانا بتكلم لان بجد عشت االلى حصل وحطيت نفسى مكانهم ومكان اهاليهم
انا حاسه بمراره اوى وانا بتكلم لان بجد عشت االلى حصل وحطيت نفسى مكانهم ومكان اهاليهم
ربنا يصبر اهاليهم ويدخلهم فسيح جناته
ويشفى اللى اتصابم ... ويقوينا كلنا ع اللى بيحصل ده
وفعلا م افضل النعم ع الانسان انه انسان .. فهيا بنا ننسى
ع موعد اخر بالكارثه اللى هتنسينا كارثة اصابة 200 طالبة بجامعة الازهر الزقازيق
ياترى هتبقى ايه
تحياتى
14 comments:
اولا انا أحب اشكرك على ترحيبك بيا على مدونتك.
وبعدين أنا مش عارف أقول ايه؟؟؟؟؟
الموقف بالفعل صعب يتقال فيه ويتحكي قصص وقصائد رثاء.
بس هنقول ايه؟؟؟؟؟
للاسف دي مش اول مرة في مصر تحصل فيها كوارث نتيجه لجهل ..أو اهمال ..او استهبال مسؤلين..والخ الخ الخ
و في كل مره الموضوع بينتهي بإن المسؤل الاهبل ..أو الآخر العبيط يطلع ويبرئ تماما نفسه من المسؤليه ويطلع العيب في واحد غلبان يلبس الموضوع كله ....
سياسه غايه في الهبل والغباء
والأمثله كثيره من عباره ..لقطر..لمسرح.لمدرج في كليه (محترمه...)أو غيره
ومهما كانت التعويضات _اللي مبتوصلش للناس_ عمرها ما تعوض عن حياة انسان يا جماعه
أنا آسف عالإطاله ..وشكرا لحرقة الدم
سلااااام
اولا:
انا زعلان انى مش اول تعليق,,, ابقى قوليلى قبل ما تنزلى التدوينه الجديده
ثانيا:
حقيقة الموضوع مؤلم.. ومستفز..
عن نفسى فانا بشوف ان الموت نعمه.. صدقينى ساعات كتير بحس ان اللى بيموت بيستريح ايا ما يكون فهو عند الله ورحمة ربى وسعت كل شىء
لكن المؤذى هى طريقة الموت "الموت تحت الاقدام"
شىء صعب حقيقى انك تتصور انك هتموت مفروم تحت ارجل بشر ... امر صعب فعلا..
انا لاارى اهمال كثيف ف الكليه" ولا يمكن ان انتظر منهم شىء"..ما تقدريش تقوليلهم حاجه .. وعلشان نكون موضوعين ايه اللى كانت ممكن تعمله الجامعه ..
الاهمال الحقيقى انا بشوفه ف المستشفيات... البنات اللى نايمه ع الارض...دى مهزله
حقيقيه المستشفيات ف مصر كوارث " تعرفى ان ده كان من اسباب عدم رغبتى ف انى اكون طبيب..ده طبعا ف البدايه"
انا مش عارف ازاى مستشفى جاااااامعى يبقى بالمنظر ده.. وغير مستعد لاستقبال الكوارث .. اذن فمن يكون المستعد
اخيرا:
موقفك اللى عملتيه بداخل المستشفى موقف نبيل
...
تحياتى
السلام عليكم
الله يسامحك
مأساه طبعا بكل مقاييس
تعرفي اكتر حاجه زعلتني ايه ان احنا كمصريين مش كلنا بنحس بالمشكله الا لما نكون طرف فيها
واحنا غالبا بنكون كده فعلا
يعني لو مفيش حد قريبنا او حد مننا يبقى المشكله مش كبيره قوي
******
لكن اللي حصل وبنشتكي منه ده اكيد وللاسف مش غريب نهائيا انه يحصل في مصر لأن مفيش حاجه مضبوطه
يعني انتي كنت لسه خارجه من الكليه زي ما بتقولي
هل كانت الكليه بتعلمك صح أو بتعلمك صح او بتمتحنك صح او او او
........
ربنا يشفي المصابين
ويصبر أهالي القتلى
ويجازي اللي كانوا السبب
وكان عمر بن الخطاب يقول
ويحك يا بن الخطاب
لو عثرت بغلة في العراق لسألت عنها لم لم تمهد لها الطريق
ربنا كبير******
*******
وشكرا يا ستي على ثقتك الكبيره دي
طيب الحمد لله ان احنا اتقدمنا قوي
زمان كنا نستنى الكارثة تحصل عشان نتحرك
دلوقتي حتى بعد الكارثة مش بنتحرك
ربنا ياخد بايد البلد من اللي ماسكين فيها بغرا
ومخلينها تنزل كل يوم باسعار البشر
وتعلى باسعار الحياة
لك تحيتي
سعيد انى اتعرفت على حد من الزقازيق
متتصدميش
انت عملك طبيبه هيكون معظمه تعامل مع كوارث
فخدي من دا كتير
ربنا يصبر أهل المصاب
ويعينك على حياتك القادمه
اما مصر بقه فحالها غنى فيه الشاعر
ازيك يا أجدع بنوته
أنا مش عارف أقول إيه....بس حمد الله بسلامة بنت عمتك و ألف سلامة عليكي يامصر
الحادثة كانت غبية جدا
بقرف لما افتكر تفاصيلها اللى انا عارفها بحكم انى من الزقازيق
وعرفتها من زمايلنا النواب بتوع المستشفى
غلطات غبية بلا حدود ةالمهم انها بتحصل لسه برضه
مدونتك حقيقى رائعة جدا
وعندك قدرة مذهلة على كتابة بوست كل يومين تقريبا
يارب اوعدنا
تناديك روحى حضرتك منور مدونتى ..
بس لحد امتى هنستنى الكارثه تحصل وبعدين نتحرك
امتى بقى هيجى اليوم اللى نتحرك ونعمل حساب الكوارث
يارب ميجبش كوراث اصلا
تحياتتى
دكتر سيد .. بس كده بعد كده هبقى اول مضيف بوست جديد
هروح اخبط ع باب مددونة حضرتك .. بس كده
حضرتك تؤمر
لا مستشفى متجهز للكوارث ولا طوارىء حتى
والكليه اصلا السلوك كانت متعريه يعنى ساهمت ب 70% ف الكارثه
ودورى لا نبيل ولا حاجه .... ده واجب اى انسان ف ايده انه يقدم مساعده
تحياتى دكتر سيد
لا والله بنحس يادكتور حتى لو مكناش فيها
بس لما بيبقى ليك طرف فيها او بتشهدها بتحسها اكتر واكتر ده طبيعى يعنى
لا الصراحه كليتى لا بتعلمنى صح ولا بتختبر قدراتى صح ولا بتمتحنى صح
وع راى المثل اللى مش فهماله معنى اصلا
العدد ف اللمون
تحياتى دكتور حر وحضرتك اهل للثقه طبعا
يارب يادكتور سمير
ياخد بايدها وبايدنا جميعا ياااااااااااااارب
منور المدونه وانا الاسعد طبعا
ياه ياماسك الحياه صعبه فعلا
الواحد اول مره شاف منظر الدم علم معاه واول حد مات واول حد اتخيط
واول واول
ولو ان الاكبر مننا بيقولوا ان احنا قلبنا هيموت مع شوية ايام
بس واضح انه مش ناوى يموت والله
تحياتى ومشرفنى بكومينتك ماسك
الحمدلله تمام يانبيل .. انت ازيك فينك كده .. مبتجيش لييه
متبقاش تيجى خالص .. لووول
الله يسلمك يارب انت ومصر ويسلمنا جميعا
منور كالعاده يازميلى
وى وى وى وى
كريمى باشا .. يعنى احد عمداء طب الزجازيج
يعنى الباشا صاحب البشوات
وى وى وى وى
منور البوست و المدونه والمجتمع التدوينى والنت كله
طبعا اللى فوق ده كان مجامله يعنى (( واضح طبعا :P:P ))
لوووووووووول
ميرسى ع زوق حضرتك ياكريمى باشا
واهو ياموسهل .. النهارده الخميس ومتنكر ف الاتنين
اهو عنيكم ده اللى هتجبنا الارض
هههههههههههههههههههههههههههههههه
وباذن الله ع ادينا احنا جيل الاطباء الجديد
نتفادى الاخطاء والاهمال ده
يارب يقدرنا يعنى
وتحياتى جدا ومنور ومشرفنى بالكومينت جدا جدا
Post a Comment