Tuesday, March 25, 2008

حقيقة .. انى انا .. حقيقه غير قابله للنقاش





حقيقة .. ان جدو على عنده قطه اسمها شطه وولدت قطه وقطه

هى رنة تلفونى .. حقيقه غير قابله للنقاش ..

هتقولى انى بقيت 21 سنه .. هقولك ..ريكس يهب وهوبا يشب يحب اللعب ف وقت اللعب
...............................................

حقيقة .. انى بقعد ع رجل بابا وينطنطنى لفوق .. ويقولى مين حبيب بابا ..

حقيقه غير قابله للنقاش

هتقولى انى بقيت 21 سنه .. هقولك مين روح بابا .. برده انا

...............................................

حقيقة .. ان بس يعنى قولى يعنى اصل يعنى القلب يعنى .. اغنيتى المفضله

حقيقه غير قابله للنقاش

هتقولى انى بنت مثقفه .. هقولك .. قولووووووووووووووووووو

...............................................

حقيقة .. ان البغبان عالموون م اختيارى .. وان ماتتطلع اليه ليس هو ما تراه

حقيقه غير قابله للنقاش

هتقولى انى بقيت 21 سنه .. هقولك .. انا هموت واشترى بغبغان غلباوى بنص لسان

...............................................

حقيقة .. ان بت جدعه وبمية راجل ..

حقيقه غير قابله للنقاش

هتقولى انى بنوته والانوثه مش رقة كلمات .. هقولك وهى عامله ايه دلوقت ..


ياراجل ومين غسلها المواعيين

...............................................

حقيقة .. انى بموت ف الاطفال وبلعب معاهم ف الطين .. لووول

حقيقه غير قابله للنقاش

هتقولى انى بقيت 21 سنه .. هقولك .. بابا اوبح ..

...............................................

حقيقة ان اللى ف قلبى ع لسانى ومش خلبوصه ومش بسقى السم ف العسل

حقيقه غير قابله للنقاش

هتقولى انى بقيت 21 سنه .. هقولك سيبها ع الله

...............................................

حقيقة انى مسلمه مصريه طبيبه

حقيقه غير قابله للنقاش

هتقولى انى بقيت 21 سنه ولسه متخرجتش اصلا .. هقولك خف تعووووم

...............................................

حقيقة انى بحب .. اهلى .. اصحابى .. زملائى .. المدونين .. الشعب المصرى والعربى والعالمى

حقيقه غير قابله للنقاش

هتقولى ده ازاى .. هقولك انا قلبى مساكن شعبيه

...............................................

حقيقة .. ان زى النهارده م كل سنه اطلب م ماما تعملى تورته وهى ترفض وتعملهالى بعد اسبوع

حقيقه غير قابله للنقاش

هتقولى واحنا مالنا .. هقولك طب والله منا مدوقاك منها حاجه

...............................................

حقيقة .. انكم مش فاهمين لحد دلوقت انا عايزه ايه م البوست ده

حقيقه غير قابله للنقاش

هتقولى خنقتينا .. هقولك معلش عيد ميلادى بقى

...............................................

اجدد نيتى لله .. للوطن .. لعلاقاتى البشريه .. لنشاطاتى اليوميه

ع ان اكون عند حسن ظن اهلى بي ..

عند حسن ظن عباد ربى بى ..

استغل ما منحنى الله اياه م عقل وقلب وحياه وروح الى ان ’تقبض بأمره

ف تطوير نفسى .. ومساعدة غيرى ..

وان اسعى جاهده لاكون سبب ف ابتسامة احدهم ..

او ازالة الم وضيق عن احدهم ..

21 عام قضيتهم ..

اطمح ان اقضى مثلهم ..

ليس الا .. لــ

1- مزيد م الاعمار ف الارض
2- مزيد م طاعة ربى واتباع سنة رسوله
3- انهل م علم وخبرة م سبقنى الكثير والكثير

ربى لاتزغ قلوبنا بعد اذ هديتنا

وهكذا ..

ان اراد ربى .. استيقظ غدا

لافتح كشكول بسلك 300 ورقه .. جديد .. واسطر به يومياتى

ياعالم .. هكمله .. ولا هسيب فيه ورق غيرى يكمله

ولا مش هكتب فيه حاجه اصلا

يلا ياجدعاااااااااااان

غنولى ..

هابى بيرث داى تو مىىىىىىى

هابى بيرث داااااى تو سمسمه .. ياسمين .. اجدع بنوته

ليس اسم واحد

ولا اسمان

بلا ثلاث

حقا .. جيليت مايستحقه الرجال

لوووووووووووووووووووول
..........................................................
..
حقيقة .. ان البوست ده تافهه .. حقيقه غير قابله للنقاش
..
هتقولى اومال اتحفتينا بيه ليه .. هقولك .. وش بيطلع لسانه
...
عاعوعاااااااااااااااااااااااااااااااااااا
......................

Saturday, March 22, 2008

انا عندى مبدأ .. يابنى كشكشها ومتعرضهاش ؟؟



نهاركم .. لذيذ

انا عندى مبدأ يابنى ....

كشكشها ومتعرضهاش ..

.. ضاقت بيك .. تبقى عايزنى اكون حواليك

.. ضحكت ليك .. اخلاصى يكون حمل عليك

.. ف الحالتين انسانى .. لا بنساك ولا عايز انساك ..

لووووووووووووووووووووول

ياعم بقولك عندى مبدأ

ياعم بقولك كشكشها ومتعرضهاش

ها هو .. يتقدم ف خطوات ثابته .. زى ماعملها المره اللى فاتت بالظبط

يصعد المنصه .. ينظر لنا جميعا بعيون نصف مكسوره .. وع وجهه ابتسامه

لا اعرف لها سبب ,, انا ف ترقب .. .. تصل لى همسات م بجوارى

معقول هيعملها تانى ..

يترقب الجميع .. ها هو .. سلاح الجريمه ..

اذن .. نحن ع مشرفة جريمة قتل مع سبق الاصرار والترصرر

.... يفتح كراسة الغياب .. تك تك تك .. يعلم ع كل الغياب اللى عنده

صح .. صح .. صح .. صح ...

اذن .. انه امرا كان مفعول ..

ثار ضميرى .. فلم اجد نفسى .. الا وانا براا .. وبتكلم وبشجب

ولو كررتها تانى انت حر

.. الواحد معملش لسه بشلن حسنات علشان تشيلنا ذنووب

فين ضميييييييرك .. .. اقسم بالله .. وهتعرف .. وهتشوف .. وهتعمل

وكأنى .. حرم وزير الدفاع الامريكى .. واللى برنة تليفون منه

يتحرك المارينز والهليكوبترات والحربيات والمدرعات ..

دخلت تانى وجت الدكتوره وقد قاموا فاعلات خير غيرى

وقلولها ان .. دفتر الغياب اتلعب فيه

فرزعتنا كلمه ..

انا بعد كده لما اخرج هاخد شنطتى .. الواحد ميضمنش ؟؟؟

ااااااااااه .. همست ف اذن ياسمين بجوارى .. قصدها ان احنا حرميه يعنى

لا لا ياشيخه ... هى يمكن قصدها انها تاخدها علشان لو حبت تشترى حاجه

وهى ف الريست بين الشرح يعنى

ياشيخه .. طااااااااااااااايب

........................................................................................

كعادتى الدئوبه .. عرجت الى المكتبه ..

اهو ازاكرلى كلمتين بعيد ع النت ..الواحد اول مبيجى البيت مبيعرفش يفتح منه كتاب

بزاكر ف حالى .. heavy metals

قعد جنبى حد ملتحى .. بنطلونه قصير وعلامة الصلاه هتخرم وشه

.. انه احدهم .. فيرست بارت م ماستر اطفال ..

(( لغير الناطقين بالعربيه .. بيعمل ماجستير يعنى ))

لحد كده .. كويس جدا .. ربنا يوفقه وعؤبالنا كده ف العقد الجاى لما نبقى زيه

لقيته بسلامته .. كشكها ومتعرضهاش هو كمان

مطلع ورقة الحضور .. وعمال يفبرك الامضاءات

لقيت ضميرى بيقوم عليا .. فميلت .. لا مش ع الشخص

ميلت ع الكتاب قدامى وقلت ازاكر بدل ماتشهد المكتبه

ع جريمة هتك عرض ورقة غياب ..

وامسكها اقطعهاله واضيعله مستقبله ..

بعد مخلص لقيته بيووريها للشخص الاخر اللى معاه وبيقوله شوف

تيبيكل .. ولا حد يعرف يفرقهم م بعض .. والتانى بيقوله تسلم ايدك ياعم الشيخ

شيييييييييييييييييييييييخ .. ياخيبتها اللى عايزه خلللللللللللللللللللللللللف

غطونى وصوتوا عليااااااااااااااااااااااااااااااااا

قولت لا مبدهاش بقى .. لابد ان ادخل عليها ..

وروحت راشقه عينى ف ورقهم .. بطريقه مستفزه

وروحت راشقه لسانى .. هو حضرتك بتعمل كده ازاى

ده حلال ولا حرام ...

ويارتنى ما سالت ويارتنى مطلعت المكتبه ف اليوم ده

ويارتنى ماكنت زاكرت الهيف ميتلززززززززززززز

قالى حلااال .. قال ايه ياولاد .. حلال

حلال ازاى ياولاد .. لان الدنيا كلها ظلم والكليه كلها ظلم

هتيجى عليا يادكتوره ..

قولتله لا متجيش عليك .. ياشخص .. اسفه مقدرش اديك لقب دكتور

لانك ف قاموس حياتى .. متستاهلوش

ال حلال ال .. ده عند امه ياادهمممممم ..

وكان نفسى اجيب شوية arsenic

واحطهم ف بؤه وش كده

الموضوع كبر ف دماغى .. عملت استفتاء بقى

لقيت نتيجته ايه بقى

كشكها ومتعرضهااااااااااااااااااااش وبالثلث

تحت مبدأ الغايه تبربر الوسيله

تحت مبدأ الكوسه ماليه البلد اجيب حقى بايدى

تحت مبدأ اشمعنا ولاد الدكاتره مبيجوش وغيابهم متقفل

تحت مبدأ بالغيظ ف البت المعقربه سمسمه ..

لذلك .. انا اعلنها عاليه متعاليه

انا اسفه يازميلى العزيزى .. بعد كده لما تحب تغير غيابك

قلمى تحت امرك .. ولو حبيت حد يأمنلك المكان علشان الدكتوره متقفشكش

فانا تحت امرك .. شعارنا للمرحله القادمه

الازازه ف البزازه

.............................................................................

ما هو الضمير ؟؟

ايه تعريفك للضمير ؟؟

رجاء الجميع الاجابه ع السؤال ؟؟

هل انت م .. اصحاب .. انا عندى مبدأ ؟؟ ام هتكشكشها ومهتعرضهاش ؟؟

Tuesday, March 18, 2008

الحناكيـــش

لو مكنتش انت تدلعنى .. مين هيدلعنى
..
بوست جديد .. ع ابنتى الاخرى
..




من هما الحناكيش .. ومن هو الحنكوش ؟؟

سؤال لطالما .. تسائلت به .. (( يعنى ايه تسائلت دى ))

الحنكوش .. ف لغتى الخاصه .. هو حنكوش

ببساطه جدا .. الحناكيش هم حناكيش

اسم فاعل لفعل مقصور منتهى بياء وشده

ونقطتين وم اول السطر

.....

بامبووووووووووووووووووووو

الحنكوش هو ذلك الشخص المبتسم دائما

يقابلك يوميا ف اى مصلحه حكوميه ترتاد اليها

ويقولك كل سنه وانت طيب ......

بامبووووووووووووووووووووو

الحنكوش هو ذلك الشخص اللى برده مبتسم دائما

والذى يطالعنا يوميا ف الصحف والتلفاز

ويقولنا بان الحال زى الفل .. وان عشرات المصريين يتمتعون بالرخاء المتقع

بامبووووووووووووووووووووو

الحنكوش هى تلك السيده التى تخرج م اى غرفه

ف اى مستشفى سواء كانت محترمه او غير محترمه

لتقول لك .. فين البشاره

بامبووووووووووووووووووووو

الحنكوش هو ذلك الطفل المسكين صاحب بشره

بصم عليها الزمن .. تجده ف اى مكانا ممسكنا بعلبة مناديل

ويقولك .. اى حاجه بس يااستاذ

بامبووووووووووووووووووووو

الحنكوش هى تلك السيده الغير متزوجه

صاحبة ال 70 عاما .. رئيسة مجلس حموم المرأه

وتقولك .. لابد م حماية المرأه م زوجها المفترس

بامبووووووووووووووووووووو

الحنكوش هو ذلك الاستاذ لا يفتأ يشعرك بانك اغبى خلق الله

ليأتى لك ف ساعة صفا

ويقولك .. انت بس لو تاخد عندى درس هتفرق كتير

بامبووووووووووووووووووووو

الحنكوش هو ذلك الشيخ صاحب لحيه مسجله بموسوعة جينس

ويقولك .. اوعى تنام ع جنبك الشمال .. حرام حرام حرام

بامبووووووووووووووووووووو

الحنكوش هو ذلك الطبيب يخدعك بضرورة .. شيل المراره والا ستفقد حياتك

وتخرج م الغرفه تبحث عن كليتك اليمنى .. فتخبط دماغك ف الحيط

بامبووووووووووووووووووووو

الحنكوش هو ذلك الميكانيكى الدمس الهيئه

تذهب له لتغيير الكاوتش .. يطالعك

بضرورة تغيير الموتور والا فان السياره ستنفجر بامر الله

بامبووووووووووووووووووووو

الحنكوش هو صديقك .. واللى هيكون معاك

ف الوش دلايه وف القفا سلايه

بامبووووووووووووووووووووو

الحنكوش هو ذلك الانسان خلقه ربه

ليعمر ف الارض .. لا اعلم لماذا ولكنه اشاع فيها فسادا

بامبووووووووووووووووووووو

الحناكيش هم نحن .. ونحن هما الحناكيش

فمرحبا بكم ف عالمى .. اعزائى الحناكيش
...
هل م اضافه .. لتعريف الحناكيش ؟؟
.................
...................
تحديث

د/اجدع بنوته said...
عاشقه ياحبيبتى انا اقصد الراجل المتستر بعباية الدين وطالع يتاجر بفتاويه وسايب كل مايشغل حياتنا م متناقضات واثام ممكن تدمرها انه يفتى ان النوم عن الجنب الشمال حرام حرام حرام وكأن بايد اى حد مننا يختار النومه اللى هيفضل عليهااو انه يقرر انه هينام ع اليمين وعمره مهيتقلب تحياتى
March 18, 2008 2:24 PM

د/اجدع بنوته said...
ميرو ..انا لا بتريق ع الشيخ ولا ع اللحيه انا بوصف المتستر بلحية الدين وعباية الايمان وماشى يتاجر بفتاويه لدرجة ان بقى اهم م تحريم الزناا و القضاء ع التحرش ان النوم ع الجنب الشمال حرام حرام
وان الواحد لو ف اتوبيس وجنبه راكب معاه الجرنال وهو بص فيه
فده حرام حرام حرام .... مبقاش عندهم اسهل م الحرام والحلال

Saturday, March 15, 2008

يامواطنين .. ع ماتفرج



الصراحه بقى انا محروقه اوى .. قلولى محروقه م ايه ياياسمين

وانتم مالكم .. يالهوى ع ده شعب م كتر فضوله مناخيره بقت واصله لركبه

وانا ركبى حديد ..

ايه اللى انا بقوله ده ..

خد عندك عزيزى المواطن ..

ابن السيد نظيف .. يعمل ف القريه الذكيه بمرتب شهرى 100 الف جنيه ..

بيعمل ايه .. بيعمل اسم النبى حارسه انت مالك انت .. دع الخلق للخالق

سكرتير اى وزير مرتبه الشهرى لا يقل عن 20 الف جنيه ..

وعدد سكرتارية الوزاره الحاليه 544 ... لو معاك كلكليتور احسبها براحه كده

والسكرتير ده بيعمل ايه .. بيطبخها باميه محصلتش انت مالك انت .. دع الخلق للخالق

بيقولك انهم عايزين يخصخصوا قناة السويس ..

يعنى ايه الصخصخه دى .. يعنى هيبعوهاااااااااااا

والقناه بتعمل ايه .. بتعمل دوخينى يالمونه انت مالك انت .. دع الخلق للخالق

لا وانت عارف يامعلم .. المنتخب الوطنى لما عكش الكاس .. عكش معاه 10 مليون جنيه

والمنتخب بيعمل ايه .. بيعمل عجين الفلاحه انت مالك انت .. دع الخلق للخالق

تعرف كمان .. ان جهاز حماية المستهلك .. بيقولك اوعى تشترى م محل ميكنش معلق سياسة البيع والاستبدال

اه يااخويا .. تشترى الجاكيت ابو 200 جنيه م هنا .. تلاقيه خياطته فاكه م ناحيه .. متعرفش ترجعه

وجهاز حماية المستهلك ملهمش الا انت ياضناياااا .... هيحموك يعنى هيحموك

هنقفل الباب بالترباس ويحممممموك بالليفه ياعباس

والمستهلك بيعمل ايه .. هيستحمى وانت مالك انت .. دع الخلق للخالق

بيقولك ايه كمان انهم لحد دلوقت اعتلقوا 700 اخوااان .. علشان المحليات يامعلم

مش واخدلى بالك ولا ايه ..

والمحليات بتعمل ايه .. بتعمل فوت علينا بكره يامحمد وانت مالك انت .. دع الخلق للخالق

بيقولك بقى ان المحليات هى اللقمه الطريه .. ورك البطه يادقن القطه

ال ايه .. بيهون عليه فراقى .. ال ايه المحليات ذهب منها 450 مليون ولم يعدواا

لا متفهمش غلط .. اوعى تتخيل انهم اغتلسوهم او سرقوهم .. لا ياراجل عييييييب

دول بس اخدوهم بيحوشوهم لينا .. خليك مواطن ذو نوايا سليمه

مش عيزاك تبقى مواطن نواياك نويئه خالص

ايه يعنى انك مش لاقى تاكل العيش الحاف

عايش انت ولا مش عايش

رد عليا .. عايش ولا مش عايش

هتنهببببببببببببببببببببب يعنى

والله العظيم اللى اسمعه منكم يشتكى

او يقول نص كلمه ف حق الحكومه ورعاة الشعب وانجال رعاة الشعب

هعلقه ع باب المدونه .. حتى يكون عبره لمن لا يعتبر يامواطنين ع ماااتفرج

كل واحد يحط لسانه ف بؤه .. ويمشى جوا الحيط

انتو فاهميييييييييييييييييييييييين

صحيح ..

مواطنين كل شين كان ....

.
.
.
اه والدهب .. بقى ب 150 جنيه
وانت لسه بتحلم تجوز .. ياحيلتها ..!!

اختر م بين الاقواس ..


المصير المفضل لك عزيزى المواطن .......

!! اروح انام !!
!! اروح اموت !!
!! اغور واريحهم !!

Wednesday, March 12, 2008

ادم وحواء وعلاقات لامحدوده


باركولى اولا .. قد ايه فرحانه


بولادة مولودى البلوجى التالت


هههههههههههههههههههههههه


واضح انى هاخد البلوج سبوت مقاوله


ادم .. حواء .. ف علاقات لا محدوده


حاجه كده م العيار التقيل اوى يعنى


اتمنى يارب اقدر افيدكم م خلالها
وتفدونى كمان
,,,,,,,,,,

Monday, March 10, 2008

وزارتى صمام امان للجميع وكبسه للبعض الاخر



..
الاخبار .. الصفحه الرئيسيه

بالبنط العريض ...

اجدع بنوته .. وزارتى صمام امان للجميع وكبسه للبعض الاخر ..!!

تحت هذا العنوان الصادم

قامت السيده / اجدع بنوته بتشكيل الوزاره الجديده

وزارة الامان والكبسه كما تطلق عليها

هذا التشكيل الذى نم ع تفكير ناضج واختيارات ف مواضعها

وف سابقه م نوعها قامت رئيسة الوزراء بتحويل بعض الوزارات الهامه

لمجموعه تقوم بنفس المهام حتى لا تترك ادنى مجال للخطأ

وقامت ايضا باستحداث بعض الوزارات ..
...

وزارة الثقافة

..السيد /عصفور المدينه

ومتفرع منها

رئيس هيئة اداب البشر السيد / دكتور حر

رئيس هيئة الصحوه الدماغيه السيد / صاحب المضيفه
...

وزارة الإعلام

..السيد /احمد على يوميات عيل مصرى

ومتفرع منها

رئيس هيئة رعاية الطفوله السيده/ بت خيخه واى كلام

رئيس هيئة الدماغ العاليه السيده / مش قادره

رئيس هيئة هنعالج الالام الناس السيده/ خمسه فضفضه

رئيس هيئة اضحك م قلبك السيد/ سووو

رئيس هيئة الطبيعه المصرى السيده / بنوته مصريه

رئيس هيئة قلمك حر السيده / نميمه اروش صحفيه

رئيس جرائد مصر القوميه السيد/ محمد هشام عبيه

رئيس المجلس الاعلى للثقافه السيده / مروه جمعه
...

وزارة التعليم

السيده / هنودا ع اسم مصر

متفرعه منها

رئيس هيئة تعليم الكبار السيده / أأأأبى

رئيس هيئة تعليم الاطفال السيده / ولاء انا موجوده

رئيس هيئة تعليم المراهقين السيده /غاده برايد

رئيس هيئة الانشطه التعليميه السيد / خالو احمد الصباغ
رئيس هيئة البحث الطبى ..
مناصفة بين السيده/ لماضه والسيد /ض خالد بتاع مصر المأروصه

هيئة البحث الاكاديمى السيده / نيرفانـــــــــــــــــــــــا
...

وزارة كيف تعيش مسلما .. ع حق ربنا( وزارة الاوقاف سابقا )

السيد / مهندس مصرى بس قرفان

السيده / عاشقة الفردوس

السيده / عاشقة النقاب

السيد / خبيب

السيد /الجمعاوى الاصيل

السيد / جمعاوى التقليد فكك منى
...

وزارة نحو صحه افضل ( وزارة الصحه سابقا )

برئاسة

الدكتور علام ..

الدكتور مودى مودك ..

الدكتور شيتوس ..

دول هيبوظوا الوزاره وهترجع تقيلهم

وتعين مكانهم

الدكتور بدر

الدكتور محيى
الدكتور محمد جمال ندا

الدكتور محمد مصباح
...

وزارة .. ع قد ماربنا يقوينا .. هنعدل ( وزارة العدل سابقا )

السيده / دوبااااا

السيد / لكم دماغكم وليا دماغى
...

وزارة الداخلية

السيد / الراقص مع الذئااااااااب
...

وزارة الخارجية

السيده / فرنسا هانم مناصفة مع السيد / ادهم عن كل شىء
...

وزارة الهجوم (وزارة الدفاع سابقا )

السيد / السيد شبل بلا اسم
...
وزارة النقل المواصلات

السيد / صوت م مصر
...

المجلس الاعلى للانفاق الحر ( وزارة الماليه سابقا )

السيده / قطة الصحراء

السيد / بحبك يامصر

السيد / احمد الجيزاوى

السيد / رئيس جمهورية نفسه
...

وزارة الاتصالات

السيده / مروه الزارع
...

وزارة همم المم ياروحى ( وزارة الزراعه سابقا )

السيده / سنووايت

السيده / سهر الليالى

السيده /محاولات للبحث عن الرحيل
...

وزارة الحب للجميع

السيده / شاهى معندهاش حاجه
...

المجلس الاعلى للابداع والكريتفيتى

السيد / على قرقر

...

المجلس الاعلى لكلمات رقراقه

السيد / محمود قصائد مبعثره

السيد / مصطفى تناديك روحى

السيده / يونيييك

...

المجلس الاعلى للقضيه الشعبيه

السيده / حطم قيودك
...

المجلس الاعلى لابادة الحموات او تعليمهم الادب

السيده / المفقوع مرارتها حماتى ملاك ..
.
.
...

ع ان تقوم هذه الوزاره بحلف يمين الدوله العسقلانيه العظمى

ف المزرعه الجمهوريه امام السيد الرئيس ابو العساقيل

يوم التلات الموافق

31/2/2040

تمنياتنا جميعا بالتوفيق للوزاره الجديده

وان تكون صمام الامان لنا جميعا

استنونا بكره

ف حلقة جديده م الثانيه عشر مساء

احمد مصطفى السيد معتز الدمرداش

………………….

نظرا لان التاج شكله اتغير تماما

فلينك التاج اهو

وزارة ابو العساقيل

كل اللى ذكرتهم ف وزارتى فوق دول

مطلوبين للاجابه عليه والمثول فورا

Thursday, March 6, 2008

.. الحكومه م استاد البلوجرز الدولى vs الشعب




العواف عليكم ..

نحييكم .. ونقدم لكم .. المباراه النهائيه لكاس مصر ..

مباشرة م استاد البلوجز الدولى .. معكم الكابتن سمسمه فروه

مباراه تنبأ ستادنا البزرميطى بانها ستكون حامية الوطيس ..

الحكومه vs الشعب

زى مااحنا شايفين قدامنا المنتخب الحكومى بالفنلات البيضا والجزم الاديداس السيلفر

منوريين ف ارض الملعب

ايه ده .. ايه ده .. شايفين اللى انا شايفاه ياجماعه

وانتو تشوفوا ليه اصلا .. اما شعب ابن طماعه ميملاش عينه غير التراب

زى ماانا شايفه .. ان وزير الاعلام مش موجود ف الملعب

و ع دكة الاحتياطى وزير الاسكان .. وزير الاستثمار .. وزير البيئه والبتاع ..

ونزل الملعب فريق الشعب بفنلاتهم السودا وكوتشيات باتا (( متانه وخياطه))

وزى مااحنا عارفين ياجماعه ان باتا شىء يفخر بيه كل مصرى ..


زى مااحنا عارفين ان باتا ابتدت سنة

ايوه وزى مااحنا شايفين الحكام نزلت الملعب .. كابتن شلضم ابو دومه ..

وحاملى الشومه الكابتن مصطفى سنجه والكابتن عبده دهشور ..

ومع انطلاق صافرة كابتن شلضم .. ابتدت المباراه

خرج كابتنا شلضم ربع جنيه مخروم .. اختارت الحكومه الوش ..

وبرده اخدت الضهر .. الحكومه تاخد كل حاجه ياغجررررر

حدف الحكم الربع جنيه .. منزلش الربع جنيه .. اشار الحكم ان الكوره مع الحكومه

ابتدت المباراه .. الجماهير تتعالى هتفاته مصر مصر تحيا مصر .. مصر يااما ياثفينه

الكوره مع السيد الفاضل الوزير على مصيلحى .. ترقيصه .. يباصى لوزير الصحه

ترجع للدكتور على مصيلحى .. وجوووووووووووون م برا ال 19 .. الله عليك الله عليك

(( المواطن المصرى يستطيع ان يعيش ب ثلاثين جنيها شهريا لا غير ))

الكوره دلوقت مع الشعب .. تتقدم نقابة المعلمين .. يراوغها وزير التعليم

ولكن ياووووووووولد جووووووووون .. هو ده المدرس المصرى النيل رواه والخير جواه

(( يقتنص المعلمين الكادر الخاص بزيادة راتبهم بعد طول معاناه))

الكوره دلوقت مع السيد الوزير حاتم الجبلى .. شنكله وكعبله ف وسط الملعب

صفاره وشاره .. ركنيه ع الشعب .. يلعب الركنيه السيد وزيرالسياحه

تسقيطه وجوووووووون .. الجون التانى للحكومه احرزته السيده عائشه عبد الهادى

(( المجتمع المصرى به فائض م وظائف العمل لا تجد م يشغلها .. لذلك لا يوجد مايسمى بالبطاله ))

الكوره مع الشعب .. والنتيجه 2/1 والجماهير عليت بالهتافات ياجماعه

تسقيطه لنص الملعب .. توصل لنقابة الصيادله .. تشابك شديد و يسحبها منهم وزير الصحه

((ضجر الصيادله م قرارات الخاصه بجداول الادويه وحبس الصيادله المخالفين ))

كوره عرضيه رائعه .. تخلصها الضرائب العقاريه بنجاح ..

(( اضراب العاملين بالضرائب العقاريه مطالبين بزياردة رواتبهم ))

ون تو لنقابة الاطباء .. ولا ارووووع .. ياجماعه الناس دى مش نازله تهزر

(( تهديد الاطباء بالاضراب ف حالة عدم الموافقه ع كادر الاطباء ))

اىىى شنكله .. نقابة الاطباء ع الارض ..

ايه ده لا فيه كارت ولا شاره ولا صفاره ولا حاجه

ماعلينا .. ياجماعه الكوره اجوان .. الاسعاف دخل وشال نقابة الاطباء

ان شاء الله خير ياجماعه

ايه اللى انا شيفاه ده .. مدرب الحكومه بيسخن ونزل الملعب

مش ممكن ياجماعه المباراه دى هتدخل التاريخ ..

الكوره دلوقت مع مدرب الفريق .. باكتساح

عابر المستطيل الاخضر كامل .. يطويه كمن يطوى قميصه بعدما كواه

ايه ده .. محدش قادر يسلك الكوره ياجماعه .. ايه اللى بيحصل ده

ايه اللى انا شيفاه ده

جووووووووووووووووووووووووووووووووووووووووووووون

رائعه للسيد الدكتور قائد الفريق احمد نظيف

(( ليس م حق اى موظف حكومى ان يضرب عن عمله .. عايز تعترض

اعترض براحتك محدش قالك متعترضش .. مارس عملك عادى

بس علق شاره سودا ع كتفك حدادا ع مطالبك اللى ابقى قابلنى لو طولتها

بعد متخلص ساعات عملك الطبيعيه خد زمايلك اللى عايزين يضربوا معاك

واطلعوا هاتوا شمسيتين وكرسيين واقعدوا ساعه اعتراض قدام محل عملكم

قانون العمل بيقول ان مش م حق اى موظف انه يضرب .. فاهمين .. ولا ليلتكم هترسى ع ايه

يعنى انتم موظفين حكومه محترمين لابسين جزم باتا محصلتش .. تيشرتات سودا ماركة اتقمع واتلمع

مش عاجبيكم .. شايفين اى عامل ف شركه او مصنع خاص بيضرب .. لا طبعااااااااااااااا

لانهم ناس اخلاقهم عاليه بغض النظر عن انهم واخدين حقوقهم وع قد مبيشتغلوا بياخدوا ..

لكن كفايه انك موظف حكومى بتخدم بلدك .. يعنى انت لو بتحب بلدك تشتغل ببلاش

دى مصر انتو فاهمين مصرررررر ))


.......

واخيرا اطلق الحكم صافرة نهاية المباره ..

ويبقى الوضع كما هو عليه ..

.. هذه الخربوشه ليست للسخريه م احد ..

حاشا لله ..

.. ولكن تعبيرا عن مواقف واراء مضاده ف اطار ترفيهى ..

.. اكن لجميع م ذكرتهم المزيد م الاحترام ..

.. تمنياتى للفريقين بالنجاح والفوز بالكاس مناصفه

.. حتى نحيا ف سلام ..

كان معكم زى مقلتلكم ف الاول مش فيلم هو

كابتن سمسمه فروه

تششششششششششششش

ااقفلى التلفزيون يافوزيه

..
قفلته يااخويا .. كورة ايه وهم ايه .. صحتك بالدنيا

Wednesday, March 5, 2008

الوجه الاخر للضحوكه دائما .. للكبار فقط






.. كل اما اشوف عمرى جرى بيا ..

بخاف

.. كل اما تدبل وردتى فيا ..

بخاف

.. بخاف .. لتموت الفرحه ..

.. بخاف م الدنيا الجارحه ..

هموت .. هسيبهم ..

خلاص مش هشوفهم ..

خلاص علاقتى بالدنيا انتهت ..

خلاص للابد .. خلاص مبقاش فيه قعدة صحابى

خلاص مبقاش فيه شات .. خلاص مبقاش فيه اكل

خلاص مبقاش فيه ماما ولا بابا

اااااااااااااه

رايحه لربنا .. اه فرحانه ومبسوطه اوى .. بس ايه .. لوحدى ..

تحت التراب .. روح تخرج .. قصه تنتهى .. ذكريات ونزل عليها تتر النهايه

ناس بتبكى .. بس هتنسى ..

امى هتفتكرنى .. لما تدخل اوضتى تلاقيها فاضيه

لما متسمعش صوتى الصبح بقولها .. انتى ياست انتى فين شرابى البمبى

اللى انا اصلا معنديش شراب لونه بمبى

وابويا هيفتكرنى لما ميلاقيش العربيه كل تلات ايام عطلانه بسببى

هيفتكرنى اكيد لما يصحى الصبح يلاقينى اكلت البقسماط كله اللى جابه امبارح بليل

علشان نفطر بيه الصبح


صحباتى هيفتكرونى لما ميلاقوش موبايلاتهم بترن الساعه 3 بليل

زملاتى ف السكشن هيفتكرونى لما ميلاقوش حد يلم كانريهاتهم علشان الدكتوره تاخد الغياب

جيرانى هيفتكرونى اكيد لما ميسمعوش صوت سرسعه الساعه 4 الفجر اصل ياسمين بتزاكر

وبتغنى بقى المبدعه بسلامتها


صحابى ع النت هيفتكرونى لما ميلاقوش حد كل شويه يبعتلهم نيدنج ورينج ويطلع اوف لاين

ويدخل تانى يهنجلهم اميلاتهم

كمبيوتر بتاعى هيفتكرنى .. لما ميلاقيش حد ينضفه والتراب يكركب عليه

لبسى هيفتكرنى لما ميلقيش حد يلبسه ولما يتزنق يقعد بيه ع اى عربيه فيات قدام الكليه

قلامى هتفتكرنى لما ميلاقوش حد بيقرقض فيهم وولما يتعصب يحدفهم واحد ورا التانى م شباك المنور

مصحفى هيفتكرنى .. لما ميلاقيش حد بيفتحه وينزف دموع جواااه

انتم هتفتكرونى .. لما متلاقوش حد بيتعفرت ف مدوناتكم

هيصعب عليا امى وابويا اوى .. انا قردتهم الوحيده هههه اه ع اساس ان احنا عايشين ف جبلايه

هخاف اوى .. وانا لوحدى هناك

بضحك وانا بين نفسى وبينى خوف الدنيا كله ملينى

بخاف .. نتفارق .. بخاف يسبونى

كل اما احن لناس حبيتهم .. قلبى يحس بشوق ناحيتهم

ااااااااااااه .. اللهم هون علينا جميعا سكرات الموت

اااااااااااه .. يارب رحمتك .. يارب غفرانك .. يارب جنتك

يارب زهد دنيتك .. يارب محبة رسولك .. يارب بصمه حلوه ف دنيا زوال

Monday, March 3, 2008

!!.. اعلام مفتـوح .. بزراير مفتوحـه .. لامؤاخذه






اعلام واقمار ..اوربى وهندى .. غزو سماااوى وسمماوى ( بتشديد الميم ) ..

وافكار بتدخل .. وثقافات بتبث كالسم الزعاف .. شخصيات ضعيفه ..

تربه خصبه .. مستقبلات جيده .. تمتص هذه الافكار .. لتنبت لنا اجيال جديده بفتكير مسخا

لا هو بتفكيرنا ولا هو بتفكيرهم .. ولكنه مزيج من طبائع وعقليات لا تفيد اكثر مما

تضر .. تؤثر فينا وفى مجتمعاتنا .. لا تظهر هذه النبتات اليوم ولا غدا ولا بعد غد ..

تظهر على المدى البعيد تجد نفسك متسائلا كيف فعلت ذلك .. هذا ليس انا ..

نعم سيدى .. هذا ليس انت .. هذا هو نتاج الطفره السلوكيه الجديده الناتجه عن تأثير خارجى ..

لما يسموه بالاعلام

الاعلام .. تلفاز .. وصحافه مسموعه ومرئيه .. راديو .. وغيره

الكل اجمع ان للاعلام تأثير قوى ابتداء من تحرييف فى رؤى سياسيه وقضايا لم نعاصرها ..

مرورا بتشوييه افكار وسلوكيات ثابته .. وبث افكار جديده باساليب غايه فى الدهاء ..

الفيديو كليب .. احدى الاساليب الماكره سالفة الذكر .. اتخذوه ظاهريا وسيله للتعبير عن كلمات الاغنيه

واحساسيس المطرب وعاطفته وما الى ذلك من فتيات راقصات كاسيات عاريات بحركات وشقلبظات ..

الشباب الا من رحم ربى عايز يظيط ويشوف اللى عمره مهيشوفه الا بعد ماربنا يكرمه ويتجوز ف الالفيه

الجايه .. ده ان لحق كمان .. بيحبوا جدا الفيديو كليبات ..

وبنات الفيديو كليبات .. واللى بيظبطوا شعر بنات الفيديو كليبات .. وجيران بنات الفيديو كليبات ..

البنات لا .. بيكرهوهم كره العما ..

منهن اللى بجد بيكرهم علشان دينهم واخلاقهم .. بتشوف ان ده سلوك خارج فى الممنوع ...

وفى منهن اللى بيكرهم علشان اكلين الجو منهم ..







والشباب بقت عايزه ترتبط ببنت زى اللى فى الكليب مع الحصان .. او مع التعبان حتى ..

ولذلك اصبحت الفتيات تتبنى سياسة خاصه فى سلوكياتها ولبسها وتصرفاتها ..

تحت مظلة الشباب عايزين كده ..

والشباب موافقين .. تحت مظلة وايه يعنى اهم يظيطونا ..

مع نيه خفيه بانه لا ياحلوه يوم مرتبط مش هرتبط بواحده لبسها وتصرفاتها كده ...

وفى شباب تتظيط وترتبط وايه يعنى وبعدين يبقى يغيرها ويربيها تانى

ولما الدنيا تبقى كده والبنات الاولنيين يلاقوا البنات التانيين متظبطيين ..






والشعب كله بيجرى وراهم ..

يحسوا بالنقص ويعملوا زيهم بقى .. وتبقى هيصه

الطريف .. ان الشباب شايفين ان البنات بكده بقم سلعه رخيصه ومش محترمين ..






ومن جواهم بيحتقروهم ..

وبيدعولهم بالهدايه .. وان بعد ده كله .. ربنا يرزقهم بالاهبل اللى يتجوزهم ..

الاطرف بقى .. لما هو كده متواجهوا البنات اللى كده بالحقيقه كده يمكن يتغيروا كده ..

انتى بتهرجى ياحجه تحرمينا من الفرجه ببلاش ..






ده حتى الجامعات تقفل والواحد ميبقاش ليه نفس يتعلم

والله .. ده هما الحته الطريه اللى فى الحياه

طب ودور البيت معانا ايه .. تؤ .. بيوت كتير .. واهالى بنات كتير بقوا شايفين ان ده العادى ..

عايزين يفرحوا ببناتهم .. ويشفوهم موزه .. لوكشه يعنى ..

وبيخافوا عليهم كمان ليعنسوا جنبهم .. فبيسمحولهم يلبسوا كده

وفى اهالى تأبى ان بناتها تخرج بلبس كده .. بس لو ادوا لبناتهم فرصه يلبسوا كده ..

اه فى من البنات دى اللى هتلبس ولما هتصدق .. وفى اللى هتتمسك بلبسها المحترم ..

بس الاغلب هيلبس ويدلع..

الظريف بقى .. يا .. شباب .. لو انتم كنتم بنات كنتم هتعملوا ايه .. واللى حصل كالاتى


هراعى نفسى اولا ودينى ... ** ربنا يبارك فيك ويكتر من امثالك

هاجرى رجاله تجاره ورايا ... ** عربية الرش جت ياولااااااااااااه

ممكن كنت امشى ع الموضه برده ... ** فعلا الشيطان شاطر

الله اعلم تفكيرى هيوصلنى لايه ... ** اه ياسوسن وكمان بتشربى بيبسى

كنت هلتزم شرع ربنا ... ** الله اكبر ولله الحمد

غالبا كنت هروش لان الواد عايز واحده روشه ... ** هو فى كده ياناس

كنت هعرف كل يوم ولد ... ** تاااااااريخ والله

كنت احترمت ادميتى ... ** اكيد ده فى طب

كنت مشيت على اللى يناسب مجتمعى ... ** مسك العصايه م النص يعنى

كنت بقيت روشه بس مش مسخره ... ** افادكم الله


طب يابنات ..

لو انتم كنتم شباب وكنتم تعرفوا بنات بالمواصفات دى شعوركم هيكون ناحيتهم ايه .. وكان الاتى


عمرى ما كنت افكر ارتبط بواحده كده ... * * البنات تقلب شباب معييز برده هيفضل تفكيرهم فى الجواز

احب اتعرف على شخصيتها ... ** متنسيش تبقى تقريها من اول السطر

النصح مش اكتر .. ** الاسعاف على 123 .. هو فى حد بيقبل نصح الايام دى

عادى هبصلها كتير ... ** السطووور تحت بعضيها .. سين .. ياشين

هابص الناحيه التانيه .. ** طب عينى ف عينك كده

هاحسسها بنفسها .. ** طيرى ياطياره طيرى

عمرى مابصلها لانها عايزه نديها اهتمام .. ** شكلك فاهمه ياام غاده

هاضحك عليها ... ** وش كده

هاحب اعرفها واتمنظر بيها .. ** بس هتحبيها موديل كام ..


ده واحده من ملايين الافكار السممومه اللى بتدخل بيوتنا يوميا ..

لبس .. سلوكيات .. مواقف .. ثقافات مغلوطه ..

وده صوره معكوسه من البؤره لاحدى تأثيرات الاعلام على بناتنا وشبابنا ومجتمعنا ككل


كان معكم من نفس ذات البؤره ..

د/اجدع بنوته