Friday, February 29, 2008

تحرير المرأه .. حررونى يرحمكم الله ..

.
.

حقا .. لست ادرى من اين ابدا .. ولكن اعى جيدا انه موضوع العصر

فهو قطعة السكاكر التى لا يسع اى امرأة كانت مثقفه من خلافه ان تمضغها فورا ..

عندما تتعرض لاى شكل من اشكال قهر الرجال ..

وما اكثره ..

انه تحرير المرأه .. تمكين المرأه .. مساواة المرأه بالرجل

انها تلك المصطلحات المتعلقه بمنح المرأه جواز سفرها بمفردها فى عالم الحياه

تحرير المرأه مصطلح اعتدت عليه .. وانتم ايضا اعتدتم عليه ..

واصبح قاسم امين اول من نادى بتحريرها .. العدو الاول للرجال ..

تمكين المرأه هذا هو الجديد ..

تمكين المرأة من ماذا .. ولماذا .. وهل لازالت المرأه فى حاجه الى تمكين

ام انه حانت اللحظه للرجال .. ان يطالبوا بمساواتهم بالمرأه فعلا .. كما يزعمون

ويطالبون بما يسمى بحقوق وتمكين الرجال ..

ربما لما لا ..

المرأه الان لديها حق الخلع .. فلم تعد فى حاجه لان ترى فيلم الرائعه فاتن حمامه اريد حلا

لانه وببساطه .. عندما تريد المرأه حلا فانها تخلع وبكل سلاسه ..

المرأه الان اصبحت منافس للرجل فى كل الاعمال فى كل نشاطاته اليوميه

تعمل وتفعل وتقول مثلما يعمل ويفعل ويقول

ولذلك لم تعد ايضا بحاجه لان تحضر مناديل الكلنكس استعدادا للبكاء على الست امينه

وسى السيد بيقولها .. انا مخلفتش رجاله ياامينه .. ابقى خلى السوارس تنفعك


اذن لماذا نتحدث اليوم عن تحرير المرأه

الازالت المرأه فى حاجه الى تحرير

نعم لازالت .. ولذلك ولغير ذلك نتحدث سويا اليوم .. عن تحرير المرأه

لا تبحث ِ عن اعجاب ادم ..

اتعجب كثيرا من انثى هذا العصر .. فلازال من طموحات اى فتاه

ان ترى ادم .. يذوب حبا ويهيم عشقا فيها

فتتبارى الفتيات فى اظهار مواطن جمالها .. جمال اللسان .. جمال الشكل .. جمال العقل

اخصك عزيزى القارىء بسر انثوى بحت .. الفتيات يمتنعات ..

انه لمن دواعى سرور اى فتاه ان تسمع كلمة مدح منك فى اخلاقها او شكلها

من قبيل .. ايه الجمال ده .. ايه التفكير ده .. ايه الكلام ده ..

ايه اللى انا بقوله ده ..

اذن لابد ان تتحرر المرأه من نفسها ومن سيطرة ادم الباطنيه (( من العقل الباطن )) عليها

فتعيش دون البحث عن اعجاب الرجل ..

ولست فى حاجه .. ان اخبرك انه هناك بعض من حوااء .. تعيش .. لترى نظرة اعجاب ادم

وتفعل فى سبيل ذلك .. ما لا يمكن لادم ان يتخيله

حانت اللحظه لان تشعرىِ يا حواء بنفسك وبجمالك وحدك ..

اترك ِ ادم واعجابه وانطلقى لما هو احرى بالتفكير ..

انه عالمك الخاص .. ان كان فيه ادم معجبا .. فمرحبا به

وان لم يكن .. فلا داعى من بكاء الاطلال .. والسعى وراء ذلك

حررها ياادم .. فى رؤيتك لعالمها

لازال ادم يسخر من حواء ومن تفكيرها ..

لازال يشعر وكأن من المفترض من حواء ان تبقى ظلا له

تابع .. يتبعه فى تفكيره فى ارائه

ادم .. باطنيا .. لديه اليقين من ان حواء لم تفكر ولن تفكر

وعندما يجد حواء تفكر وتجبره على الاعتراف بجودة افكارها ..

فهذه هى حواء التى تحررت وحررت

تحررت من تبعية ادم .. وحررت عالمها منه ايضا

احزن كثيرا عندما اسمعها من احدهم

(( ماشاء الله فى ستات بتفكر ))

وماذا فى ذلك ياسيدى .. فانا مثلك .. نمتلك عقلا ومقومات للتفكير

فلماذا .. تكون هذه الفكره العامه والنظره المسيطره على الجميع

ان كل ادم يفكر ويبدع ..

وحواء تفكيرها سيكون من العدم وفى العدم ..

ادم ..احترم اهتماماتها

فلها الحق ان ترى المسلسل وتبكى عليه كما له الحق ان يرى الماتش ويفرح بالفوز

يرى ادم حواء سعيده .. لان منى اتجوزت احمد بعد قصة حب جميله

يسخر ادم منها .. ويقول .. (( ايه التفاهه دى ))

ترى حواء ادم .. سعيد بالهدف الذى احرزه فريقه المفضل فى الدقيقه السابعه من الوقت بدل الضائع

ومن حقها ايضا ان تسخر منك ياادم .. وتقول (( ايه التفاهه دى ))

كوره وبيجرى وراها 22 ادم .. (( الجمله سالفة الذكرى المكونه من ثلاث كلمات .. التفاهه .. ))

عليك ياادم ان تحترم اهتمامتها

والا ترى ان عالمها الخاص ومكوناته من مكياج الى الوان الموضه وغيره .. عالم تافهه

فانت ايضا لديك عالم خاص ومكوناته .. اكثر تفاهه فى نظر حواء

مجتمع يرى حواء .. لابد وان تكون بجانب ادم

لم اصل للمتسبب فى هذه النظره .. ولكنه من المؤكد انه ادم

عندما تصل حواء للسن المناسبه للزواج .. يبحث لها الجميع عن الزوج المناسب

تتقدم حواء فى السن .. تتضائل فرص زواجها من ادم يكافئها

فيبحث لها الجميع عن زوج اقل ماديا او اجتماعيا

(( المهم انها تتجوز وخلاص ))

عندما يصل ادم للسن المناسبه للزواج .. لن تجد ابدا من يبحث له عن زوجه

ولا من يذكره بانه على شفا حفره او اادنى من شبح العنوسه

(( فالطبيعى .. ان الست تعنس ولكن الراجل مبيعنسش ابدا ))

لماذا ياهذا ..

ان يرى المجتمع .. ان مكان اى حواء لابد وحتما بجانب ادم .. وان ضل راجل ولا ضل حيطه

الا تستطيع حواء ان تعيش بدون ادم بجانبها وان تفضل الحيطه ..

من حق حواء ان تكون فى الثالثه والاربعين من عمرها .. ولازالت فتاه ..

والا يتحدث عنها احد .. والا ترى نظرات العطف فى عيون كل من يراها

والا تسمع اهااات المحيطين بها .. منهم من يشفق لحالها ومنهم من يسأل لماذا

الى الان .. هذه ليست متزوجه ...!!!

دعوها تتزوج فى سن الخمسين ..

على النقيض تماما .. من حق ادم ان يتزوج فى سن الخمسين والستين ولو شاء لتزوج فى السبعين

ولو اراد لتزوجها فتاه تصغره عقد من العمر ..

ولكن ماذا .. حواء .. تتزوج فى الخمسين .. انه عار .. ولو لها ابناء .. سيصبون جم غضبهم عليها

ويهددوها على الفور .. لو نفذتى اللى فى دماغك .. انتى لا امنا ولا نعرفك .. هتفضحينا فى وسط الناس

ادم :: انا اخرج فى الوقت اللى يعجبنى ..

نعم ياادم وانا ايضا اخرج فى الوقت اللى يعجبنى ..

عندما تتجول فتاه فى الشارع بعد منتصف الليل .. حتى وان كان هذا بدافع عملها

دعك من تفكيرك هذا .. انها طبيبه .. مش رقاصه وبترقص

اولا .. يتحدث عنها الجميع .. يركض خلفها .. كلاب الطريق

وكأنها ايضا تؤكد انها ذكورا تعى وتفهم ان هناك حواء ع الطريق

فلماذا هذه الكلاب .. لا تركض خلف ادم الموجود فى الشارع الى مابعد الرابعه فجرا

نعم .. اعرف ان هناك فتيات يخرجن فى مثل هذا الوقت ..

ولكن انت بماذا تصفهم ياادم .. (( ماشيين على حل شعرهم ))

الم يحن الوقت .. لان تخرج حواء وقتما شائت والا تتتبعها بنظراتك وبكلماتك الساخره

ادم ليس عليه غبار فى شىء

لماذا ادم من حقه .. ان يرتدى مايريد .. فلم اجد احدهم يعنف ادم

لانه يرتدى سوار كالفيتات .. او انه ضارب شعره احمر ..

ولكن حواء يتفحصها ادم بحثا عن اى شىء داعى لان يقول (( اما تقاليع صحيح ))

من حقها ايضا ياادم ان (( تتقلع )) كيفما تحب .. مثلك تماما ..

لماذا يا ادم عارك لك وماضيك لك وحدك .. وحواء عارها لاهلها وماضيها للجميع

ادم .. من حقه .. ان يحب .. ان يخوض فى علاقات مشبوهه .. ان يفعل مايفعل ولا ينظر له احد

وحواء .. عندما تحب .. تحب فقط وربما لمره واحده.. تكون حواء ذات ماضى

لا يتقبله اى ادم .. ولو انتظر لحظات وتذكر جيدا كم فتاه واعدها وكم فتاه احبها وكم فتاه ضحك عليها

ستعتريها هستريا ضحك ربما لن ينهض منها مرة اخرى ..

ادم عندما يقدم على الزواج .. يبحث عن فتاه بيضاء الصفحه ..لم يسطر فيها احدهم او يترك امضائه

ولكن اليس من حق حواء ايضا ان تبحث عن رجل ابيض الصفحه

فان اردت ان تتزوج فتاه لم تحب غيرك ولم ترِ غيرك.. فمن حقها ايضا ان تتزوج ادم ليس له ماضى

ادم عندما يخون زوجته .. يطالبها الجميع بالغفران .. وانه مهما لف اكيد راجع لبيته

حواء عندما تخون .. تقوم الدنيا ومتقعدش ..

لست اطالب بمنح حواء الحريه فى ان تخون او لا ..

ولكن اطالب ادم .. بالا يخون .. واطالب الجميع ان يكون مصير ادم عندما يخون كمصير حواء اذا خانت ..

عندما انتشرت ظاهرة تدخين الفتيات للشيشه وتناولها الجميع اعلاميا وصحافيا

ومن البنات دول مش لاقيين اللى يلمهم .. مرورا بـ اصلهم بنات منحلات .. انتهائا بـ بنات عايزه الدبح

تبنيت انا اتجاه اخر .. من حق حواء ان تدخن .. وان تشيش .. وان تشرب مخدرات ان ارادات

وع الملأ كمان .. فهذه حريتها وهذا قرارها ..

الم تفعلها من قبلها ياادم ..

لست انشر بذلك دعوه وتبرير للفتيات بان يفعلن مايفعلن مسواة بادم

بالعكس .. تماما

ولكن ان ارادت ان تفعلها .. فليس من حقك ان تعيبها عليها ياادم لانك تفعلها ايضا

اترك غيرك يعيبها عليها .. اترك حواء من بنات جنسها تنقدها ..

ومتفتحش بؤك انت .. علشان متلاقيش اللى تقف تقولك

منتا بتشيش انت كمان .. ولا صح ليك غلط ليها ..

حقا .. انه لمجتمع ذكورى بحت ..

يقهر فيه ادم .. حواء

حواء زوجته .. حواء اخته .. حواء امه ..

وكأنه لا يشعر برجولته .. الا عندما يبكيها او يقهرها

نعم .. ستظل حواء جزء منك ياادم .. ولكن بلطف ..

لا سبيل لان تخرج حواء عن عالمك ..

ليس وعدا منى بذلك .. ولكنه كلام الله .. وشرعه

حواء من ادم والى ادم ..

وانا وانت .. لنكتمل معا فى وحده واحده ..

الا مجال .. من ان نعمل معا .. من ان نفكر معا

هل لى مكان بجانبك ياادم ..

ولكن بشرط .. الا تعتبرنى منافس لك

ولكن انا وانت .. ’ننافس معا .. لنصل لنفس القمه

تجلس عليها انت .. واشعر انا بالسعاده (( لاننا عملناها سوا ))

احترمها ياادم .. و لا تقهرها .. فانت من دونها .. وهى من دونك

يختل هذا الكون بطبيعته .. فهى القلب وانت العقل

ولكن لها ايضا عقلا .. ولك ايضا قلب

ادم = حواء

ادم + حواء = عالم بمفردات ناجحه

وبهذا ..

يكون تمكين المرأه من عالمها ومن حرية قرارها تصنعه كيفما تشاء

وتحريرها من نفسها .. من رؤية ادم لها .. من رؤية مجتمع .. ’صبغ منذ قرون بالذكوريه

هل ستتمكن المرأه من ذلك ؟؟

هل سيدعها ادم تفعل ذلك وبكل بساطه ؟؟

الله اعلى واعلم

اترككم فى رعايته وامنه ..

د/اجدع بنوته

Thursday, February 28, 2008

اسمى طلع ف الدستور .. لوول




الصراحه انا مش م قرائه .. ولكن بعد كده
هقراه كل يوم طبعا .. هحفظه كمان
الصراحه انا بتعجبنى مواضيعه وازاى بيلم كل مجتمعنا ف 20 صفحه
بس معرفش ليه هواه مبيجيش ع قلبى وبقرى الاخبار والجمهوريه

اللى نصهم اخبار فنانين واين تذهب هذا المساء

احتمال علشان الوطنيه اللى مقطعه بعضها معايا فبحب اشجع منتج حكومتى

كنت ف الكليه واذا فئجتن جتلى اخبار غريبه بان اسمى نزل ف الدستور
انا اتخضيت الصراحه .. دستور ايه ده انا بمشى جوا الحيط .. تحت مظلة ياحيطه ابلعينى

.روحت طبعا جبته ولقيت ان اسمى نازل مع كوكبه م عمالقة المدونين

عصفور المدينه واحمد الصباغ ولماضه وفرنسا هانم وبت خيخه واى كلام وابو العساقيل ودكتور حر

اختكم د/اجدع بنوته
الصراحه اتصدمت وفرحت
اتصدمت م انى اسمى يلحق بهذه الكوكبه الرائعه

. الشخصيات الرائعه بارائها الرائعه باقلامها الرائعها بضميرها الحى

اتبطست اوى وجدا لسبب واحد

.ان لقيت ناس كتير ف الكليه عارفين اجدع بنوته ههههههه

.لان الخبر جالى م كزا حد .. بس الحمدلله انه اولها كان م شلتى
والا كنت هزعل اوى لو جه م براهم الاول .. بقى انا شلتى بيقروا الدستور

.وانا بقرى ميكى .. وصيحفة مصر الالكترونيه .. اخر زمن

.فقريبا كده هغير اسمى ف السجلات لاجدع بنوته ..
راجعه بقى ف العربيه بقول لبابا شوف اسم بنتك منور الصفحه ازاى

.تقلش بقية رئيسة تحريره ههههه

.رد بابا ف ثبات شديد .. اجدع خيبه
ههههههههههههههههههههههههههههههههه

.حبيب هارتى والله يابابا .. بيهزر معايا طبعا

.وقالى انا عارف افكارك الشاذه دى .. هتودينا ف داهيه

.بس احلى حاجه ياسمين يابنتى عملتيها .

نا قولت بس الراجل هيقول كلمتين حلوين اهو

.رميت الكتب والشنطه ف الكنبه ورا

.وادورت بقى علشان اسمع الدرر

.قالى ان اسمك اجدع بنوته
يعنى وقت الطوفان .. لا انتى بنتى ولا اعرفك

.هى بقت كده .. طااااااااااااااااااااااااااااااااااااااااااااااااااااااااايب
._____________________________
...
.
قريت خبر حالا .. عن وفاة بنت مصريه ع الحدود برصاص القوات الاسرائيليه
وكالعاده انتقل الى مكان الحادث لجنة تحقيق دوليه
وسنشجب وسنعمل وسنفعل
اما انا فقول حاجه واحده
هأأأأأأأأأأأأأأأأأأأأأأأأأأأو
نصيحه لاهل سينا الكراام .. بلدكم الكريمه .. مش قادره تحافظ ع امنكم الكريم
ولهذا .. فيفضل ان تعبروا الحدود الكريمه..
هناك ههتبقوا ف امان اكتر معاهم
هأأأأأأأأأأأأأأأأأأأأأأو بزياده
لما تلاقى .. رصاصه طايشه م عدو تجيبك
والناحيه التانيه علم بلدك بيرفرف ف ايدك .. بيأكدلك انك واقف ع ارضك
يبقى انت اكيد ف مصر
حاسه بمراره .. بهواان .. بخضوع ..
بدمعه بارده نازله ع الخد تجرح
.
اين .. سيادتنا .. ع اراضينا ؟؟

.. واااااااااااااااااااااااااااااامعتصمااااااااااااااااااااااااااه

عاشت مصـ حره مستقله ـــر

..هأأأأأأأأأأأأأأأأأأأأأأأأأأأأأأأأأأو

Saturday, February 23, 2008

!!.. هتحكمكم بالبيضه والحجر






هل يقبل الرجال ان تحمهم امرأه .. ف غضون مسواة المراه بالرجل
.
.
وما الى ذلك من منحها حقوق وواجبات ودور فى نهضة المجتمع
.
.
حقا .. لم يتغير الوضع كثيرا .. فلازال .. الرجل يأبى ان تحكمه امرأه ..
.
.
ولسان حاله يقول (( هما هيبقوا فى
.
.
البيت وبرا البيت .. مش كفايه هى الحاكم جوا .. هتبقى كمان حاكم برا .. دى تبقى خربت ))
.
.
ولازالت المرأه نفسها لا تجد انها قادره على هذا المنصب ومايتطلبه من قوه وتحمل كبير للمسئوليه
.
.
فهو ليس مسئولية اسره .. او اولاد .. انها مسئولية شعب بأكمله
.
.
ولازالت المرأه نفسها تجد ان الرجل رجل والانثى انثى .. انثى لن تحتمل ان تتخذ قرار بالحرب ..
.
.
لن تحتمل ان تكون سببا فى تشريد وخراب .. فالعاطفه عندها سيدة الموقف .. اما الرجل فمن السهل
.
.
عليه جدا ان يتخذ مثل هذه القرارات دون ان يرجف له رمش .. فالرجل له هيبته .. ولديه سيطرته
.
.
لازالت المرأه تجد فى الرجل مروضها .. تجده فارسا يمتطى جواده وفى يده الكرباج .. له سطوته
.
.
والغريب انها امرأه وترى ان امرأه من بنى جنسها اذا تولت هذا المنصب فستكون عدوانيه ..!!
.
.
لازالت المرأه ترى فى بنات جنسها انهن ضعيفات .. من السهل التأثير عليهن والسيطره عليهن ..
.
.
وبالتالى فلن يستطعن القيام بمهام الرئاسه على الاطلاق
.
.
... احمد الله ان صادفت من تشجع المرأه على توليها للرئاسه ولكن سرعان ما تبددت فرحتى
.
.
فهى تريد ان تتولى المرأه الرئاسه (( علشان تعمل للستات منظر )) هكذا يافتاتى .. يرحمكم الله
.
.
ولاول مره وفى سابقه سندخل بها التاريخ من اوسع شبابيكه .. يتضامن الرجل مع المرأه على رأى
.
.
واحد .. فاجمع اغلب الرجال على انه من المستحيل ان تتقلد المرأه مفاتيح الحكم ..
.
.
لكونها ضعيفه وعاطفيه وعنيده وهايفه (( احم احم )) وعقلها مش شغال وتفكيرها على قدها وغبيه
.
.
وغير مؤهله لذلك ومش عندها امكانيات وصعب التفاهم معاهم وشرعا غلط وكمان مينفعش .. هيطلع
.
.
عليها اشاعات (( اشاعات ايه ياسيد )) ...
.
.
اكمل سريعا .. نظرا لارتباطى بموعد مع سيدات الحى .. سنخرج فى مظاهره بعد قصايد الغزل اللى
.
.
قالوها الرجاله فينا دى .. ولذلك فلن اطيل عليكم
.
.
ولكن واحمد الله مره اخرى انى وجدت من الرجال من يوافق على تولى المرأه منصب الرئاسه ..
.
.
ولكن لماذا .. افطن معى لماذا .. اطلق لخيالك العنان ..
.
.
لان الحريم حلوه .. وهتكون واجهه بس .. فمش مشكله .. وبباكو لبان هتخلصلنا مصالحنا
.
.
والدنيا هتبقى حلوه اوى ..
.
.
وبذلك ايضا سرعان ما ذابت فرحتى ..
.
.
وايقنت تماما ان ليس لي فرحه فى هذه الصفحه .. اتركونى .. انى راحله
.
.
ولكن قبل ان ارحل .. اعلنها عاليه ..
.
.
الدينا مش ماشيه بالعضلات .. سيبوا الرياسه بقى للستات
.
.
بعيدا عن المشاعر الحساسه .. وربنا لامسك الرئاسه ..
.
.
مش هنبطل .. مش هنهيس .. بكره سمسمه هتبقى الريس
.
سمسمه .. اللى هو انا يعنى .. احم احم
.
وان غدا لناظره قريب





Tuesday, February 19, 2008

الانوثه && العنوسه





.
.
طلعت فوق السطوح هز الهوى كمى .. كل العيال اتجوزت وانا قاعده جنب امى ..
.


.
بس يابتتت .. متبصليش كده


..

انا حلوه وواثقه من نفسى .. ده كفايه بصات الناس فى الشارع عليا.. طب ايه مش هنتكلم جد ولا ايه


..

مش هنهزر احنا لانه فى الغالب هتقلب بضحك


.
.
امى الحاجه .. ربنا يباركلى فيها يارب (( قول امين ))


.


.


كانت بتقولى ان المهندسه ولاء لاحول ولاقوة الا بالله


.
.
دخلت السن الحرج ,, سن حرج ايه ياماما .. يعنى بتلعب فى الوقت الضايع يابنتى ..


.


ربنا يرزقها يارب
.
..نهايته.. بس لو يعرفوا الجواز اخرته ايه ولا كانوا ... يلا


.


.


(( اوعى تاخد بالك من احساس امى الهايل بقيمة
.
الزواج .. لانه وببساطه كان النتيجه انا .. وهذا كافى .. على ..نهايته .. يلا ))
.
معقول المهندسه ولاء .. بقت بتلعب فى الوقت الضايع
.
ده انا على كده هفضل على دكة الاحتياط طول عمرى
.
البنت .. مال وجمال وانوثه .. وحسب ونسب ..
.
ودين واخلاق وعلم وتفكير .. وطول وعرض وارتفاع ..
.
بس ايه .. تفتكر ان من كتر خطابها بارت فعلا ..
.
ليه لا .. اكيد كل ماكان يجيلها عريس تدخل بقى وفى احلامها الفارس

.

ابو ببيونه سوداا ودبوس اصفر وشعر جيل
.
هيركوود .. تشوفه ياولداه من هنا لا تلاقى ببوينه ولا شعر من اصله ..

.

وتحس انها اتشكت دبوس جامد اوى .
.
.
وتقعد تقول اكيد هيجيلى الاحسن .. اكيد هيجيلى الفارس ..
..
بس ياعينى الفارس الظاهر جاى على ضهر حمار .. او فار .. المهم انه لسه مجاش
..
هل معقول ان الانوثه والجمال تكون سلاح ذو حدين كده ..
.
يعنى تخليكى اميره كل ذكور الاشياء بتجرى وراكى
..
ابتداءا من شباب حضانة بيبى كوول اللى فى ضهر بيتكم مرورا بكلاب الشارع ..
.
اللى ماتت هوهوه اقرارا
..
بجمالك الفتان .. هى هى اللى توصلك انك تلعبى فى الوقت بدل الضايع
.
وياحسره متلاقيش متفرجيين يشجعوكى
..
حتى .. متحصليش حتى غزل المحله وهو بيلاعب ناشئين الفجاله ..
.
بس لا .. مش يمكن هى مستخسره ملامحها الصاروخيه دى .. ومش شايفه ان ولا راجل يستاهل الفوز بنظره
.
مجانيه .. الصراحه بقى هما اصلا ميستاهلوش فعلا ..
.
ياسلام لو الواحده تجوز واحد .. يشوفها باتنين جنيه
.
.. يسمع صوتها .. بخمسه جنيه .. .. تكون مستقبلها وهى حاطه رجل على رجل ..
.
بس عارف ... صدقنى صح .. فى بنات بتعشق جمالها لدرجة انك
.
لما تبصلها فى اى وقت مطر طين بعد يوم
.
عاصف .. تحس انها لسه خارجه من بيتهم حالا .. اللبس والميكب كله متظبط اوى ..
.
وتبص الناحيه التانيه
.
تلاقى بنت هدومها مكرمشه تقلش طالعه من بؤ كلب ..
.
(( لا اوعى تفكر .. مش انا طبعا .. مش انا البت يعنى ))
.
فازاى واحده بالمواصفات دى .. اكيد طبعا من كتر خطابها بارت
.
الخلاصه
.
ان كل واحده وحشه تحمد ربنا على النعمه دى .. فى احتمال انك تجوزى .. اكيد هنلاقيلك راجل مناسب
.
لكن لو انتى حلوه اوى .. هنجبلك راجل حلو من فين .. وكمان منعوا استيرادهم ..
.
يعنى تاخديها من قصيرها وتروحى تقعدى جنب الحاجه ربنا يباركلك فيها (( قول امين ))
.
مش كده ولا ايه
..!!
د/اجدع بنوته

.

Monday, February 11, 2008

ماضى البنت .. لتصبح خائفة م شىء ما ..

الماضى .. كلمه كبيره اوى .. كلمه غامضه اوى ..
..


ممكن تبقى دوامه تخطفنا ونغرق فيها ..
.
.
ماضى اى حد جزء منه .. مش بالضروره يكون ماضى اسود ممكن يكون
..
ابيض وفى وسطه بقعه واحده سوداا
.
.
يهمك تعرف ماضى الشريك اللى هتربطك بيه علاقه .. ولا ميهمكش ..


..


تفرق معاك اذا كان ابيض او اسود او
.


.
كحلى حتى ..ممكن تغفر .. ممكن تسامح .. ممكن اللى ينكسر يتلزق تانى ..


..


ولا خلاص اللى بيتكسر مبيتصلحش ..
.


.
طيب ايه هو الماضى فى حياة البنت ..
.


.
علاقتها بالصبيان .. قصة حب وارتباط سابق وفشل ..


..


سلوك غير شريف ومشيها البطال.. كل حاجه ممكن تندم
.


.
عليها .. اى حاجه تأثر على سمعتها .. واخيرا تعريف شامل عامل ..


..


الماضى هو اى حاجه مرتبطه بحياتها
.


.
الشخصيه
.


.
ماضى البنت بيأثر على حياتها الجايه ..
.


.
مش كل البنات هتتأثر .. هيضفلها خبره ومش هيخليها ساذجه ..


..


ممكن بالسلب وممكن بالايجاب حسب البنت
.


.
نفسها .. ممكن يأثر ويدمرلها حياتها ويبقى نقطه سوده فى حياتها بعد كده ..


..


مش هيأثر لان دى حاجه مش ليها
.


.
ذنب فيها ولو بدأت صفحه جديده من حياتها.. اكيد البنت هتحترم نفسها وتخاف ترتبط تانى ..
.


.
هل سهل نسيانه ولا ايه ..
.


.
30% شايفين انه اه سهل يتنسى و 70% شايفين انه مش ممكن يتنسى تحت اى ظرف وكان فى راى اشمل ..
.


.
حسب ماضى البنت نفسه وحياتها فى الوقت ده ..
.


.
طيب وممكن يمثل عقده فى الحياه ..
.


.
والله هيأثر بس حسب نوع الماضى ده سواء ارتباط فقط او سلوك غير شريف وحسب شخصية البنت نفسها
.


.
وحسب حياتها فى الوقت ده .. بس الاكيد انه هيسيب بصمه فى حياتها طبعا ..
.


.
تفتكر البنت هيكون عندها الجرأ ه الكافيه للاعتراف بماضيها لزوجها او شريك حياتها ..
.


.
ياريت بدل مايعرف من بره وعلشان تبقى صريحه من اول الطريق ..


..


مش ضرورى وكمان علشان اذا بليتم
.


.
فاستتروا.. اه بس بشرط لو شايفه ان جوزها متفاهم وممكن يسامحها ..


..


لو متأكده ان افعالها دلوقت غير ماضيها
.


.
فتقول بصراحه ..تقول علشان ميصحلش مشكله بعد كده ..


..


لا خالص لانه هيديله انطباع وصوره وحشه عنها
.


.
ممكن يتسبب الماضى فى فشل العلاقه ..
.


.
لو الزوج معندوش ثقه كافيه فيها .. لو كان ماضيها اسود اوى طبعا ممكن يتسسب فى فشل العلاقه ..




وكمان لو
.


.
كان الزوج نفسه متدين وطباعه شرقيه اوى ..


..


لا مفروض الزوج يتفهم ويساعدها انها تقوله وبكل صراحه ..
.


.
بتختلف نظرة المجتمع لماضى البنت ولماضى الولد ..
.


.
اساسى جدا .. ماضى الولد لنفسه وماضى البنت لاهلها .. لان ماضى البنت بيخص الشخص اللى هترتبط بيه
.


.
وهتشيل اسمه فطبيعى يهتم بيه .. لا ده تخلف ورجعيه


..


المفروض ان ماضى البنت زيه زى ماضى الولد
.


.
مفروض الاتنين يتوزنوا بميزان واحد وبكفه واحده .. الولد ميعبوش حاجه ..


..


البنت اى تصرف بيسيب ليها
.


.
علامه ..
.


.
للاسره دور ومسئوليه فى ماضى البنت ..
.


.
اه وكتير .. دور والماضى ده بيتكون وبيترسب فوق بعضه ودور كمان فى القضاء عليه ..
.


.
وعلشان كده دايما ماضى البنت بيرجع لاهلها ... بعكس ماضى الشاب ...
.


.
لان البنت مخلوق ضعيف بطبيعة الحال اى حاجه بتأثر فيه .. فى كل مراحل حياتها بتحتاج لحضن تبقى فيه
.


.
واى حاجه غلط تحصل ليها فى اى مرحله من دول .. بيكون نتيجة تقصير من صمام الامان اللى بيحتويها فى
.


.
المرحله دى .. وصمام الامان ده بيكون الاهل بيكون الزوج بيكون الاولاد ..
.


.
شوفنا ان فيه اتفاق اعتراض .. اه ولا .. معاكم .. وضدكم .. وهكذا هى الطبائع البشريه ..
.


.
منهم من يسامح الفتاه على ماضيها منهم من يجده حاجز لايمكن بوجوده اكمال علاقه ..
.


.
والكل اجمع على انه سيترك بصمه وتأثير فى الحياه ..
.


.


اذن حقا .. تستحق هذه الكلمه المكونه من اربعة احرف ان تغير حياه بل تزيلها على الاطلاق
.


.
استحقنى الماضى .. واصفة اياه بالغموض .. بالاعصار .. بالدوامه اللى تخطفنا وممكن نغرق فيها
.


.
ولكن النتيجه واحده .. فلتحافظن على نفسكن فتياتى .. بماضى ناصع البياض ..


..


بقلب مغلق .. ينتظر شريك واحد
.


.
يقدم عليه بقوه ويفتتحه فى ليله يتذكرها الجميع .. ترتدين انتى فيها الابيض ..


..


كماضيك .. لا تشوبه شائبه
.


.
انها ليلة العمر


..
لكم منى افضل التحيات

Sunday, February 10, 2008

هابـى .. فلانتيـم .. دااى



.

.

عارفه كويس اوى .. ان بعد البوست ده ..
.
.
سيتهمونى بالزندقه (( يامتزندقه ياسوسن ))
.
.
انا بكرهه هذا اليوم بمسماه .. الفلانتيم ...
.
.
بس بستعوض ذلك بانه يوم الحب ..
.
.
سيبكم م انه مناسبه خارجيه وداخليه .. وهجوم شرس م افكار
.
.
غريبه ومستهجنه م اللاوعى الشعورى ف الانبثاقه الذاتيه
.
.
وتعالوا ندى الامور ما تستحقه ليس اكثر م مسمياتها ..
.
.
نديها ايه بالظبط حضرتك.. اديها اللى تدهولها ياعم
.
.
ماتركزش ومتاخدش ف بالك ..
.
.
انا لا اتعدى كونى كائن محب ومتحاب ..
.
.
واعشق هذا اليوم .. يوم الحب .. واتمنى م حجرات قلبى الاربعه ان السنه تبقى كلها كده
.
.
.. اعياد وحب .. ياسلااااااام
.
.
استيقظ صباحا لارى الدنيا محمره .. ده حتى الشمس يومها بتبقى حمرا
.
.
طب ابقى اتاكد كده .. احس ان الدنيا كلها حابه بعضها ..
.
.
ان الكون كله تصالح مع نفسه فى لوحة تعبيريه راقصه انسجها بخيالى ..
.
.
تتراقص فيها الاشجار فوق صفحات الماء يداعب النسيم الماء ..
.
.
فتتطاير قطرات ع طير يقف ف سكون فينفض جسده ف انسيابيه ..
.
.
تحسده السحاب عليها .. فتنفض نفسها هى الاخرى بدورها .. لتسقط قطرات المطر
.
.
تتناثر ع عدسات نظارتى الفامييه ... تتكاثف وتحجب الرؤيه .. تبتعد اللوحه عنى .. ام ابتعد انا
.
.
.. وتعود مع اختفائها روحى .. اغتسلت م احزان .. محمله بورود حب زهرية اللون
.
.
اخرج م صومعتى .. اجد الجميع وقد اكتسى .. اكتسى حبا ..!!
.
.
ام محمد بائعة الخضار تخلت عن عادتها اليوميه م مناهدة استاذ سيد
.
.
لانه مصمم ياخد كيلو الطماطم ااقل بريزه .. وهى تقوله
.
.
ياانا يالبريزه .. طلقنى ..
.
.
وكابتن مصطفى بائع الانابيب .. تخلى عن ازعاج الجميع بعزفه سمفونيته المشهوره
.
.
والمسجله باسمه ف اتحاد الفيفا للانابيب الدوليه تحت .. دقتين والتالته بيب .. اناببيب
.
.
وسائقى الميكروباص .. والتى تجمدت وجوههم .. حتى انك لم تعد بقادر على التأكد
.
.
م انهم بشر ينبضوا قلبا وقالبا ام انهم تماثيل مصمته ابدع صانعها .. لتحاكى واقع مؤلم
.
.
ارى ابتساماتهم ف هذا اليوم .. بل ومنهم اللى (( بيعدى )) ويضحك بصوت عالى كمان
.
.
م اين لهم هذا ..؟؟
.
.
هما ليسوا بمثقفين وليسوا بحبيبه حتى يعلموا ان اليوم عيد الحب .. ليسوا سوى بشر
.
.
تقودهم فطرتهم نحو احاسيس مجهوله .. ليس لها عله
.
.
قررت ان اتجاوز خيالى هذا .. واقطع الشورت ف البسين .. وسألت ام محمد
.
.
صباح الفل ياام محمد .. يسعد صباحك ياست البنات ودكتورة الدكتورات
.
.
(( ام محمد لو قلتلها صباح الخير ف اليوم العادى .. ستكتفى فقط بالنظر اليك
.
.
وتحريك شفتيها .. العليا 2 سم الى اعلى .. والسفلى ربما تجدها ثابته ع مستوى نظرك
.
.
ايام مكان عندك نظر ولكنها ف واقع الحال تتحرك بس بالمينس ))
.
.
لكن ايه ياام محمد انتى مزاجك اخباره ايه .. زى الفل ياست الكل .. ربنا يديمها نعمه ياام محمد
.
.
بس ليه يعنى برده اشمعنا النهارده.. بصتلى ام محمد وكادت شفتيها ان .. فشكرتها ع * دوقيقاتها الثمينه
.
.
التى استنفذتها من رصيدها المتبقى ف الحياه ...
.
.
واسرعت قبل ان ’تسمعنى .. عفوا لقد نفذ رصيدك معايا ياحلوه
.
.
لن احدثك عزيزى .. عن اجواء الجامعه فى هذا اليوم .. فانت اكثر درايه منى بذلك
.
.
ولكنها .. دنيا تتحاب .. وبشر تتعاطف مع نفسها قبل غيرها
.
.
الجميع يستسلمون لعاطفتهم رافعين الرايه الحمرا .. مرددين هابى فلانتين داى
.
.
اما انا فارددها .. كل عام وانت تحب الله والبشر اكثر ..
.
.
اريدهم على هذا الحال كل يوم .. ليصبح كل يوم هو يوم حب
.
.
يوم سلام .. يوم موده .. يوم يتغزل كل منا ف نفسه ..
.
.
يرفرش حبه لنفسه وللاخرين ..
.
.
ولكنها ستكون الكارثه والتى معها لن تكتمل اى قصة حب
.
.
فمن م * الفلانتينريه .. لديه الدعم الكافى ليحضر* لفلنترينته هديه كل يوم ..
.
.
اترككم .. محبين ع خير سلام ..
.
.
فانا لست سوى .. كائن محب ومتحاب ..
.
.
احبك ربى .. احبك رسولى .. احبك عروبتى .. احبك وطنى .. احبك دنيتى
.
.
احبكم اهلى .. احبكم اصدقائى .. احبكم زملائى .. احبك نفسى
.
.
فاحبونى .. بلا عقد ..
.
.
...

دوقيقه .. هى دقيقه بس على بيبى شويه ..
.
.
فلانتينريه .. هما المحتفلين بالفلانتين .. العالم اللى داقه عصافير وبتجيب هدايا دول
.
.
فلانترينه وفلانترين .. هو الطرف الاخر واللى بتجيله الهديه .. الله يسهللله يااابا
.
.

واخيرا لست اتحدث .. عن هذا الفلانتيم الكريهه مسمااه .. انا اتحدث عن يوم يحب فيه كل منا الاخر
.
.
ولمن يفهم غير ذلك .. فـ اعزك الله ..!!
.
اترككم ف رعايته و
امنه ..

الرفعه .. والمجد .. لمصــــر






























وى وى وى وى مــــصــــر وى وى وى وى
.
.
بصوا بقى .. لما نقول *الفراعنه يبقى تقف تسمعنا مااحنا المصريين ..
.
وبكل حماس .. جابولنا الكاس ست مرااات
.
.
ده احنا ولادنا الرجاله ع طول ف احسن حاله .. الروح الحلوه مابينهم يلا كلنا ندعيلهم
.
.
بالعربى كده مصر هى اللى بتكسب ع طول .. واهى مصر كسبتهم عملتها وكادتهم
.
.
والله وكسبنــــــــــــــــــا والكاس بقى نصيبنـــــــــــــــــــــــــا
.
.
وبلدنا بينا فرحانه بينا يانــــــــــــــــــاس
.
.
م العين ربنا يحرسنـــــــــــــــــــــــــــا
.
.
مصـــــــر .. مصـــــر .. مصـــــــر
.
.
الاسبوع ده بقى بالنسبالى كان اسبوع وطنى شديد الحساسيه
.
.
امبارح تم افتتاح اسبوع فتيات الجامعات الاول .. واختكم الزوغيره
.
.
اللى هو انا يعنى (( موشن بيحرك رموشه )) كنت م مراسلى مجله الجامعه
.
.
اللى بتغطى اخبار الحدث ...* اندعكنا شغل م الساعه 8 للساعه 2 واقفين ع رجلينا
.
.
بنصور وبناخد اراء الناس ف الحدث ..
.
.
مش هقولكم شعورى .. وربنا تقولش بحرر ميت غمر بعد مااحتلوها الصلبيين ف القرن السامغ عشر
.
.
كنت طالعه نازله بقى ف الاستاد كله تنطيط .. وانزل بهدومى ف التراااب
.
.
والناس القاعدين يقلولى هدومك متربه خالص .... بس هدوووووم ايه وده وقت هدووووم
.
.
انا بعمل حاجه لمصررررررررررررررر .....
.
.
ناهيك عن ان حضر الاحتفاليه هانى هلال وعلى مصيلحى ومحمد عوض تاج الدين ويحيى عبد المجيد
.
.
ومعرفش مين كده صفى الدين خربوش رئيس حاجه ف الشباب
.
.. وفؤاد سعد الدين .. ورؤساء جامعات مصر المحروسه كلها
.
.
الحدث كان مشرف جدا .. وطابور العرض كان يفرح وبدات الاحتفاليه بعزف السلام الوطنى
.
.
* 150 ولد م رجالة تربيه رياضيه الزقازيق شايلين اعلام وماشيين اسووووود
.
.
ووراهم افواج جامعات مصر كلها .. 19 جامعه .. سوهاج وبنى سويف والمنيا والفيوم
.
.
ومنوفيه وزقازيق والقاهره وعين شمس والمنصوره وحلوان وبنها وطنطا وغيره وغيره ..
.
.
ع انغام موسيقى وطنيه بقى وجم اتجمعوا ووقفوا ف ارض الملعب ... ياخراشى ع منظرهم
.
.
يافرحتك بولادك يامصرررررررر ...
.
.
ونزل بعدها كبارات المقصوره الرئيسيه .. ولعوا الشعله بقى اعلانا بان المهرجان بدأأ
.
.
وجه بنات تربيه رياضيه الزجازيج ف لوحات ماروعهاااااااااا
.
.
ماشاء الله عليهم وع ليقاتهم بتاع 2000 بنت ف الملعب بيعملوا عرض متماسك بطريقه
.
.
وبعدين جت مى كساب غنت اغنيتين .. سالونى مين هيا انا قلت دى صبيه النيل مكحلها وعيونها عسليه
.
.
وغنت ياوجع قلبى .. انا ف الوقت ده كنت تحت ف الملعب بقى معاها .. وانا بعشق الاغنيه دى
.
.
والعيال يمسكونى وانا اغنىىىىىىىىى واصقف هههههههه والاستاد كله ورايا والمقصوره الرئيسيه
.
.
وكل اللى واقفين معانا تعجبوا م انى حافظه الاغنيه كلها ازاى لمطربه الى حدا ما مش مشهوره اوى
.
.
وطبعا ممسكتش نفسى غير لما بقيت ف وشها ونتشتها صوره فيس تو فيس
.
.
ضحيت بالغالى والثمين ف سبيل انى اوصلها بالقرب ده يعنى ...
.
.
بغطى الحدث بقى هههههههههه ورجعنا بقى مركز المعلومات ودعم اتخاذ البتنجان (( القرار ))
.
.
ونزلنا الصور ع الكمبيوتر وكتبنا الاراء ع الكمبيوترز .. وروحنا بقى الساعه 4
.
.
وسبنا السنيور ماستر بتاع المجموعه هناك د/سمير زكى ومعاهم زميلنا العزيز نبيل
.
.
بيظبطوا بقية الحجات وروحوا تقريبا 8 بليل ياعينى .. ربنا يقويهم يارب
.
.
م الاخر بقى ... بجد تلات ساعات متواصله م القشعريره .. لا اعرف سببها
.
.
وجسم الواحد عمال يتنفض بجد ... يخربيت كده ياجدعااااااااااااان
.
.
ع حب مصر .. وكلمة مصر .. ومنظرنا لما بنتجمع ونبقى حاجه كبيره كده ومنظرها حلو
.
.
م الاخر ..... انا بعشق البلد دى واهل البلد دى ....
.
.
وكملت بقى النهارده بالبطوله .. انا كنت بتنطط ف البيت ورابطه علم مصر ع دماغى
.
.
هههههههههه ... قرد انطلق ف البيت .. وانا بتنطط جامد اوى خبطت ف النجفه هههه
.
.
ومره تانيه كنت هتحدف م البالكونه وانا باشاهد احتفالات الفوز بالبطوله ف مدينتنا الموقره لولولوى
.
.
بس انا كده اتأكدت م حاجه ... ان ع استعداد تام للاتحاق بجيش مصر
.
.
وان البلد دى لو جرالها حاجه .. انا روحى قدام الحاجه دى
.
.
وامى تقولى اتهدى ياهبله ... دى مصرررررررررر ياماما
.
.
كانت اللى خلفتك يعنى ... وخلفت ابويا كمان ياماماااا
.
.
انا بحبها .. بعشقها .. بدوب ف ترابها .. ف جوها ..
.
.
طبعا واضح م الكلام انى شويه وهقوم امسك القصافه وانزل الحدود احارب هههه
.
.
بس بجد انا بكلمكم بلا حدود وسايبه احساسى هو اللى بيكتب ..
.
.
انها روح اكتوبـــــــــــــــــــــــــــــــــر
.
.
ملحوظه
.
.
رؤساء الجامعات بتوعكم ياشباب .. كلهم ظرااف جدا بجد وكلهم بقوا يندهولى بالاسم
.
.
بجد ناس كووومل ماعدا اتنين بس كانوا راسمين نفسهم علينا .. والباقى بجد ولا اروع
.
.
وافواج الجامعات كلها دمهم خفيف جدا ومع انهم بنات بس ماشاء الله لا ينقصونى جدعنه
.
.
البنات المنايفه واضح انهم قويين جدا .. والطنطاويه برده .. والفيوم دمهم خفيف بزياده
.
.
وبنى سويف برده بيكلمونا ع اننا اصحابهم مش ناس ميعرفهمش اصل .. وحلووان جامديين
.
.
اندعكنا .. هذا مصطلح م مصطلحاتى الخاصه ويعنى ف العربيه ان احنا تعبنا
.
.
الفراعنه .. بعيد عن المشاعر الدينيه وان الفراعنه معرفش مالهم .. بس الكلمه ف موضعها
.
.
تعنى القوه واللى هيفضل المصرى بيها حتى وهو ف اضعف لحظاته
.
.
وف الاخر اسيبكم مع ... حب مصر ..
.
.
انا بحبك اوى يامصر .. بحبك بزياده .. بحبك بعنف .. بحبك اخر حاجه
.
.الرفعه والمجد لمصــــــــــــــــــــــــــــــــــــــــــــــــــــــــــــــــــــــــر

Thursday, February 7, 2008

!!,, اشهد يازمانى .. انهم مدونون سلبوا عالمى الخاص

......
..
انتم مدونون سلبتم عالمى الخاص..اعيدوه لـــى !!
.
.
إحتسيت فنجان القهوة لأتذكر حليم بفناجنه المقلوب ..تتساقط شفطاتها الحارقة
..
.
لتذيب الجليد المتراكم من على ضلوعى ..جلست والخوف . بعينيها .. تتأمل فنجانى المقلوب
..
.
قالت ياولدى لا تحزن ..فالتدوين عليك هو المكتوب
...
.
لم أجد منها مفر وكأنها كانت (( أى أم السعد إللى بتبين زين )) تدرك جيدا ما تقول
..
.
ولم لا ..إتخذت القرار .. أعددت العدة للتنفيذ .. إرتديت الأيس كاب والشراب أبو كورتين
..
.
وتهيأت نفسيا لخوض هذه التجربة..ترى أين سيكون مصيرى
..
.
إلى خارج الخدمه الكيلو 45 جونتنامو الوطنى .. أم ع صفحات الدستور والمصرى اليوم
..
.
أم ..حسنا .. ليكن ما يكون
.
.
وضعت قابس الكمبيوتر الكهربائى .. لتنير شاشته الصغيرة..يظهر الدولفين الجميل كحافظة المكتب
.
.
إذن .. جائت اللحظه الحاسمة..ولكن .. إنتظرى .. لما هذا الخوف
..
.
أنا أسطر أفكارى منذ زمن على صفحات عديدة .. فمن ماذا اخاف
..
.
هل لأن هذه هى الأولى لتكون أفكارى جميعها على صفحة واحدة .. مالكها الوحيد .. هو أنا
..
.
إذن أين أدون .. على مكتوب أم على جيران .. تمتد يدى بغتة إلى الماوس مسارعة بالقرار
..
.
لتيقظه من ثبات الذى دام يومين .. ويهرعوا سويا كوحده واحدة إلى
www.blogger.com
...
.
لأنشىء حسابى الخاص .. وأنضم رسميا للمدونين او مايسمى بالبلوجرز
..
.
أين كنت منى ياهذا الشعور الغامر بالرضا
..
.
فحبيبة قلبك ياولدى نائمة فى قصر مسدود .. من حاول فك ضفائرها
..
.
ياولدى..مفقووووود..مفقووووووووووووووووووود
.
.
أتجول بين رحاب هذا العالم الجديد .. كطفل تركه والده تائها فى مولد .. ليحضر له لبن العصفور
..
.
من هؤلاء .. وأين أنا
..
.
هذا يكتب عن إنه لا يوجد إله
..
.
وهذا يقول إن الله الواحد الأحد هو الخالق لا سوااه
..

.
وهذا يقول إن الحكومه بنت كـ ناهبه البلد
..
.
وآخر يقول إن الشعب هو إللى إبن هوهو مطلع سيئات الحكومه
..
.
وهذا يقول إن الأهلى هو نادى القرن وكل قرن
..
.
وآخر يعلنها عاليه إنه زملكاوى حتى النخاع
..
.
أحدهم يقول إن أنابولوس حقق نتائجه المرجوه
..
.
وآخر يسب ويلعن ويقول مش هما أنابولس طب أنا حرامى
.
.
ماهذا الزخم الفكرى المتناقض (( إللى حدفت نفسى فيه )) .. عالم صاخب
..
.
مسرحية هزلية لحياه أو أكثر طبائع بشريه ترتدى قناعات نتنه ..إنسحب .. لا
..
.
هيهات .. نياهاها (( ضحكه شريره )) ....ولا أعلم لم حضرنى موقف المعلم حنفى وهو يدشن الباخره
.
.
نورماندى تو .. تو .. توو مع تدشين أولى بوستاتى التدوينية..تو برده .. تو .. تربتاتتو
.
.
بمرور الأيام إبتلعنى هذا البحر الجديد .. فأخذتنى أمواجه من بوست إلى بوست ومن مدونة إلى أخرى
..
.
فوجدت تصاميم مختلفة وأشكال أبهرتنى
..
.
فقررت أنه حان الوقت إللى أشغل فيه الجمجمه وأطلع شوية البرمجه إللى إتعلمتهم
..
.
وكانت أولى تجاربى البرمجيه بتجديد ستايل المدونه والذى بفضل ربى حاز على إعجاب الآخرين
..
.
(( يااجدع بنوته ياجامددده )) .. وبعد اللف والتعلب فات فات فى أوبشنات المدونه سبع لفات .
.
.
تفتقت قريحتى عن إمكانيات هائلة من إضافة عداد للزائرين
.
.
(( يعنى تعد كام واحد زار مدونتك النهارده وتقوم معاهم بالواجب ))
.
وإضافة تقويم للعام الميلادى (( قال يعنى الناس معندهاش نتايج فى بيوتهم )) وإضافات أخرى
.
.
..بالإضافه إلى إمكانية هائلة وهى أن تضيف لنكات مواقعك المفضلة ومدونات أصدقائك
.
(( يعنى هتسيط أصحابك آخر حاجة )) .
.
.
لن أخفى عليك عزيزى القارىء (( ده إنت بقالك دققتين بتقرالى ياشيخ
..
.
لم أكن أتوقع أى ثناء من الآخرين على الإطلاق
..
.
أنا أعى جيدا إن أفكارى الشاذه (( إحم إحم مش إللى ف بالك
..
.
وأسلوبى الخنييق جدا كافيين لإقناع أى حد بإن الإنتحار أفضل وسيله للتخلص من أمثالى
..
.
ولكن والحمدلله .. واضح إن البشر كلها بقت من أمثالى
..
.
فوجئت بالثناء من الجميع بل والحث (( الحث ايه ده يااخويا )) على إكمال الطريق
..
.
أصبحت أنشر عليها أفكارى ويومياتى الخنيقه برده .. (( ماأهو أكيد واحد مصرى هيشجع إيه يعنى
..
.
تعرفت فى عالم التدوين على أشخاص (( م الآخر دماااغ عاليه أوى
..
.
فشكرت ربى .. وحمدته (( وبوست إيدى بطن ورجل
..
.
إن هذا الجيل لازال ينبت منه أفكار تجبرك على إحترامها .. بالإضافه إكتسبت صداقات جديدة
..
..
..
.
وكان أبرزهم الصباغ (( ستشعر انه م اسرتك حتما ))
.
.
وبابا عصفور المدينه (( للحكمه عنوان )) ومحمد دكتور حر (( الجليس الصالح ))
.
.
والدكتور حماس والدكتور سيد شبل وجمعاوى (( رساله م شباب مسلم )) ..
.
.
والشاعر بن هلال .. ومحمود فرج بهزلياته واشعاره ورودى وماسك ودمعاتى ويونيك ..
.
.
والرقيقه أأبى (( معرفش م ايوها حته عرفت انها رقيقه بس احساس ))
.
.
وقطة الصحراء والبت الخيخه (( حتما ستشعر انهما توأمتيك .. التى لم تلدهما الحجه ))
.
.
هنودا ع اسم مصر ولولو احلى الاوقات وولاء انا موجوده .. (( صوت حواء الدافىء ))
.
.
سووو ياسووو (( وقلمه الساخر )) .. حظابط محمد (( اللى بيرقص مع الذئاب حتما ستراه انتيمك ))
.
.
خبيب (( وم شدة عقلانيته .. لم استطع الرد ع ولا بوست رغم متابعتى اليوميه لمدونته .. بس حقا فاقت تفكيرى ))
.
.
خمسه فضفضه ومش قادره (( المصريه بنكهه خاصه )) مروه الزارع (( بسلطتها المميزه ))
.
.
فرنسا هانم (( وصالونها المميز )) زمرده (( بلحظاتها الحنينه والدافئه جدا )) ..
.
.
مفلس افندى الرايق (( لما تحب تضحك م القلب )) واحد مش فاهم حاجه (( صدقونى ده فاهم كل حاجه ))
.
.
ام يوسف دوبا .. (( قلب الام )) .. عاشقة الفردوس (( يارب ليها ولينا )) ..
.
.
دكتور علام .. ودايخ ف عالم بايخ .. مسجون ف دمعتى (( معلنيين الطب مبياكلش دماغنا ))
.
.
كلام عربى (( عربى عربى يعنى )) بحب مصر (( تسلم
.
.
نور العظماء ..(( واللى كان ع وشك انه يحدفنى بأى حاجه يطولها لما عرف انى حزب وطنى
.
.
لماضه (( مع انها هتكون اكبر منك ف السن بس هتحسها دلوعتك الزوغيره ))
.
واخيرا .. مصر ممثله فيه (( يوميات اجمد عيل مصرى ))
.
.
. ابطال طب الزجازيج الاخرين والذين يبدعون ف اماكن مجاوره ..
.
.
ابص تحت قيادة المايسترو الجعر وابو رومانه .. مطرح ماترسى دقلها بقيادة اركان حرب كريمى
.
.
حكاوى القهاوى رافعا نبيل شعار وداعا للاسعار السياحيه .. على قرقر قاهر النساء هههه مبيثقش ف تفكيرهم
.
.
وعنده احساس دفين ان ولا واحده اصلا بفتكر ..
ماجيك رغم عدم امتلاكه مدونه وبالرغم م ذلك احترمت ارائه
.
.
بشده
.. على المحروقى ليجند اوف زى فوول (( مدون يستحى م قلمه .. ربنا يباركله يارب )) ..
.
.
فرى كيلر .. الطالبه المثاليه .. شخصيه تدخل القلب م غير استئذان بمدونتها الساخره الرائعه ..
.
.
الجوهرى (( ملك مصر والسودان والحى الشعبى ومدرج اولى وتانيه
.
.
م ادهم عن كل شىء (( الزمساوى عاشق الانجليزيه وللعقل تفكير اخر
.
.
وبلدك يا رأفت تحت قيادة كابتن منتخب للعاقلين فقط .. احمد هشام
.
.
واخيرا مدونات لم اخط بها برأى ولكن لم املك الجرأه لاقتحم عرينهم .. لست ادرى لماذا
.
.
رغم اقتناعى بافكارهم .. اعجابى بتجاربهم .. الا انه هكذا
.
.
مش كده .. مداح القمر .. كلبوزه بس سمبتيك .. قهوه زياده
..
مايهمش .. عايزه اتجوز .. عازف الناى
.
.
حفار القبور .. ضربة شمس .. شهد الكلام .. الافكار الرئعه ضد الرصاص
..
المضيفه وصاحبها .. شاهى .. ابن حجر العسقلانى
.
.
جبهة التهييس الشعبيه .. تهيؤات .. بنت مصريه .. ايوه خدامه

.
.
هؤلاء جميعا .. بعضا منهم ترك بصمه .. والبعض يترك حاليا .. واخرين فى طريقهم لترك بصمتهم
.
.
اسعد كثيرا بكل راى .. ليس كل راى .. بل كل كلمه بتكتبوها
..
.
شعور داخلى بالرضا .. بالحنين .. بالحميميه .. تحديدا معرفش
.
.
شعور داخلى بانكم لى .. ومنى .. وانى سأ ستيقظ صباح يوم .. اجدكم معى بجوارى ف منزل كبير
..
.
تجمعنا حياه واحده
.
.
لم ارى وجوهكم .. لكن ويشهد الله ف كل بوست بقراه لحد منكم ..
.
.
بطفى سكرين الكمبيوتر وبشوفه ف عتمتها
.
.
ملامح .. عاطفه .. تجردت لي ارواحكم تطوف سالبه منى عالمى الخاص
..
.
بالرغم م قصر المده التى امضيتها ف رحاب عالمكم ايها المدونون .. ولكنها بمثابة حياه
.
.
حياه .. اختاركم انتم ان تكونوا بطالها
.
.
اريدكم جميعا معى ف حياتى ..
.
.
هل تقبلون .. ؟؟
.
.
واثقه انه لا سبيل لذلك
.
.
ولكن أسال الله راجيه ان يجمعنا جميعا ف حياه اخرى .. تدوم الى مالانهايه
.
.
فى الجنه جميعا .. ان لم استطع ان اكون بجواركم ف دنيانا
.
.
سأحيا ع هذا الامل .. ان تكونوا انتم واخرين والذين لا يفوقوكم تقديرا منى .. معا
.
.
ان .. عاجلا .. او عاجلا ..
.
.
ما تحدثت عنه اليوم هو عالم التدوين .. بما فيه من أحداث .. إقتربت من بابه الحديدى
..
.
طرقته بأناملى الصغيره .. لا أسمع منه سوى أهات ماوسى .. تتبعها إناآات كيبوردى
..
.
يليها ثمرات الطماطم ..إللى قدرتونى بيها جميعا .. بعدما اطلت عليكم
.
.
شكرا ياجماعة .. وربنا يجعله عامر
..
.
تمنياتى لكم جميعا بالتوفيق .. فى كل اهدافكم .. اثق تماما انها كلها اهداف جيده تستحق
.
.
ان ادعى ليكم م كل قلبى يوميا .. ان يحققها لكم الواحد الاحد
..
.
وان .. وكما تحدثت بها ف الاعلى
.
.
يجمعنى بكم جميعاااااااا
..
.
تقبلوا .. حبى .. احترامى .. كامل تقديرى وتحياتى لشخصكم الجـــ
....