Saturday, February 2, 2008

عفوا .. لا اتزوج فتاه انترنتيه ..




عفوا لا اتزوج فتاه .. تعرفت عليها م الانترنت
..
.
عفوا لا اتزوج فتاه .. تكتب ف منتديات ف الانترنت
..
.
عفوا لا اتزوج فتاه تدخل الانترنت .. م اصله
..
.
اللى حصل كالاتى
..
.
عامل فيها معلم ولا عارف يتكلم .. عامل فيها شجيع سيما وهو يادوب كتكوت
..
.
موضوع كبير .. وبيمثل شريحه كبيره جدا
..
.
مابين مؤيد ومعارض
..
.
الشبكه العنكبوتيه اصبحت جزء اساسى م حياتنا .. حاجه منقدرش ننكرها

.
انا واحده م الناس الكمبيوتر والنت عندى اساسى قبل البوتجاز والنجف
..
.
يعنى وصلة النت تيجى قبل العريس .. هههههههه

.
طيب
..
.
واحد وبيحب بنت لدرجة انه عارف انه لو متجوزش البنت دى .. هتبقى حياته بتساوى صفر

.
طب متجوزها يابنى .. انتو بتهرجوا عرفتها م النت .. طب تصبح ع خير

.
واحد تفاجأ ذات مره ان مراته بتكتب ف المنتديات وبتكتب عن ايه .. ف نشر الدعوه الاسلاميه

.
راح مطلقها .. طب تصبح ع خير برده

.
واحد رايح يخطب واحده .. شاف عندهم كمبيوتر .. فسال والدها وانتو عندكم نت ياعمى
..
.
الراجل استغرب م السؤال طبعا .. فقالوا اه يابنى ليه .. قالوا طب فرصه سعيده جدا

.
وخد اهله انكجيه ومشيوا .. طب برده تصبح ع خير

.
يعنى ايه و ليه .. النت بيتشاف م عليه افلام وصور غلط .. معاك جدا
..
.
اللى عايزه تشوف عندها او تى فى .. بعد الساعه 12 .. بتقلب نت .. هععع

.
النت بنات بيكلموا شباب وبيعملوا علاقات
...
.
اللى عايزه تعمل عندها الموبايل واى 10 ارقام جنب بعض وممكن نتعرف عادى

.
بلاش موبايل .. خليها تلفون بيت .. ميناتل كمان والكارت ب 10 جنيه بيديك ساعه تعارف .. يابلاش

.
سيبك م ده كله
..
.
يبقى انت الصح بقى .. انك تقول ايه
.
عفوا لا اتزوج فتاه .. تدخل النت .. تشاهد التلفاز ..
تمتلك موبايل نوكيا او سامسونج موتورلا خارج المنافسه ..
.
مع اقرار شخصى تحت امضاء اتنين موظفين راتبهم يتجاوز ال 140 جنيه .. بانها لم تتحدث قط ف اى كابينة

.
اتصالات .. مع توقيع الكشف الطبى .. بانها لم تخلع ولا سنه
..
.
اه طبعا لازم تتطمن ع البضاعه .. اوعى يخموووك .. وبعد الفحص والتمحيص

.
تكتب الكتاب .. وتركبلها النمر
..
.
ومتنساش تبقى تغيرلها زيت وفلتر وتشييك ع تيلل الفرامل .. وهذا م فضل ربى

.
بجد ناس تفكيرها غريب .. وطريقة حكمهم ع غيرهم اغرب
..
.
وداله تماما ع سطحية شخصيتهم
..
.
منكرش فضل النت عليا .. ف تعميق شخصيتى .. تثقيفى ف مجالات كتير
..
.
عملت م عليه صداقات افديهم بروحى
..
.
وم الاخر بقى التربيه والاخلاق والدين هى اللى بتحكم البنت وتصرفاتها .. مش بتدخل نت ولا بتاكل جبنه رومى

.
لو البنت م جواها عايزه تعمل حاجه غلط .. الله ف سماه .. هتعمل لو ف وسط صحرا

.
ولو البنت ايه ون .. خلوقه ومؤدبه .. لو ف وسط مغريات الدنيا كلها .. مهيتحرك ليها رمش حتى

.
.. دور ع الدين والاخلاق والتربيه والاصل .. مش تسيب الاساسيات وتشبط ف الفرعيات ياشبطه
.
وعارفين عارفين بقى ...
.

انا فتاه تدخل الانترنت وفخوره جدا بكده وتكتب ف منتديات ف الانترنت .. وليا كمان مدونه ع النت
.
ولديها موبايل وتشاهد التلفاز بس معندهاش او تى فى .. هعع .. وتعشق كونان وميكى وبكااار ..
.
وان شالله تولع ..
.
واقبل ان اتزوج شاب تعرفت عليه من الانترنت ويكتب ف منتديات فى الانترنت ويدخل شات
.
وبيلعب ميدل اوف هونر ولديه حساب ع الفيس بووك كمان .. بس يكون شخصيه وتفكير وثقافه وعقل يحترمنى
.
ويحترم تفكيرى ..
.
هذا للعلم ولاتخاذ اللازم .. لووووووووووووولات
.
وسعوا تفكيركم بقى .. طول منتوا قافشين ف تفاهات كده .. طول مااحنا هنفضل تحت
.
خلونا نعلى بقى ونوصل ... دينا واخلاقنا معانا .. يبقى اكيد هنبقى ف السليم
.
وان شالله ماحد اتجوز هههههههه

26 comments:

Unknown said...

الله ينور عليكى
لا ده انتى جدعه بحق
اللى عاوز يعمل حاجه غلط بيعملها
والاهل لو عارفين ان النت ده حاجه وحشه ومش واثقين في بنتهم مكنوش سمحولها تقعد عليه
بس برضه النت مليان حاجاه وحشه العاقل سواء بنت او ولد انه يفتكر دايما ان ربنا شايفه وان االنت ده مكان للثقافه والترفيه العاق امحترم ويكتسب منه معلومات قد اما يقدر

Anonymous said...

انا عاوز اقولك حاجه واحده بس
انتى غيرتى تفكيرى بجد عن البنات وخاصه بنات كليتنا المصونه كليه الايزو

ربنا يكرمك يارب بجد ويزيدك من عنده كل شىء حلو

zordeak said...

هههههههههههههه

عندك حق طبعااااا فى كل كلمة قلتيها

أنا واحد انترنتى النزعة وعندى بلوج وبكتب فيه كمان وعندى كمان أكونت عالفيس بووك ومرتبط بواحدة انترنتية زيى بالظبط

أى حد طمعان فيا يعنى يصرف نظر

:D

:p


بجد الناس دى فكرها متخلف جدا وكلهم فى الاخر بيتضحك عليهم صدقينى وبتبقى مصيبتهم سوده

والبنت المؤدبة ام ضفاير بيلاقوها خبرة

الواحد زى ما قلتى لازم يدور عالاصل الطيب والعيلة والاخلاق والتربية


__________________________

تانى حاجة بقى انا اتصدمت اول مشفت الصور اللى تحت دى

الشباب دول معانا فى الكلية وكانو معايا فى معرض الكتاب الخميس اللى فات

وبيبو غنى كمان وكان صوته حلو

سبحان الله الدنيا دى قصيرة فعلا

تعيش طب الزقازيق حرة مستقلة وهتفضلى ولادة يا كليتنا يا حبيبة

وسعيد جدا لما كتشف بلوج لحد من زمايلنا بالصدفة

فرصة سعيدة جدااااااااااااااا


أحمد فؤاد

الفرقة السادسة

:)

صوت من مصر said...

مع انى مصرى زى اى راجل بس تفكيرى غير كده خالص مش عارف ليه
بحب البنت بشخصيتها ان كانت بتحب النت او بتكلم مع بعض من عليه وموافق اتجوزها

الـسـيـدة نـون said...

ايه ده
بجد والنبى فيه لسة ناس بتفكر كدة
دول شوية شوية هيقيموا عليها الحد
هى الرجالة اللى بتفكر كدة معندهاش مخ ولا ايه
هما مش عارفين ان فعلا الواحد اللى عايز يعمل حاجة غلط هيعملها من غير انترنت ودش
ايه الدماغ الصغيرة دى
تحياتى يا اجدع بنوتة
اختك خيخة

walaa said...

ههههههههههه
لا على فكره انا معاكى جدا النت لا هو عيب ولا حرام ولا قلة ادب وكل حاجه لها استخدمها الكويس والوحش ودى تكنولوجييا حديثه واصبحت جزء من حيانتا وكل انسان يقدر ينظم نفسه
بس هو لسه فى ناس تفكيرها على قدها هههه
بس انا مدمنة نت والنت علمنى حاجات كتييير قوى
تحياتى ولاء

Anonymous said...

معاكى جدا والله الى عاوز يعمل حاجه غلط حيعملهامهما كانت المعوقات قدامه لكن طالما عارفين ان ربنا شايفنا ومراقبنا حنعمل الصح والى يمليه ضميرنا
ولو فى ناس بتفكر كده لسه يبقى مش يصبح على خير بس لا واحلام سعيده كمان
يعنى هو كمان ميرضاش تقوله لا عشان بتقعد على النت وعرفت خمسين ستين واحده قابلى
المفروض يا جماعه ان احنا عدينا المرحله دى وتفكيرنا اكبر من كده

3ala asm masr said...

ههههههه
على فكره أنا قابلت ناس كده كتير
بس أنا معاكى بقى
أحنا بنات نتاويه وبنكتب فى المنتديات وهنعمل حساب على الفيس بوك بالعند فيهم

Lobna Ahmed Nour said...

هههههههههههه

حلو البوست الثوري ده يا اجدع بنوته

فعلا النت بقى جزء من حياتنا
بس انا مش معاكي في ان النت يبقى
وسيلة التعرف على ابن الحلال

انتي مستغربة من العريس اللي بهرب اول ما يشوف النت .. ده فيه اللي بيهرب من مجرد وجود الكمبيوتر .. عقليات متفتحة اوي هههه

nour el 3ozamaa said...

والله انا معنديش اى ازمه انى اتجوز بنت اتعرفت عليها من علي الانترنت المهم يكون في توافق بيني و بينها وتكون صادقه معايه انما الكلام المتخلف انى متجوزش بنت من علي الانترنت ده كلام هبل


وتحياتى ليكي يا جميل :)) حقيقي مدونه عظيمه جدا

د/اجدع بنوته said...

لماضه .. هو ف كده ياناس

حبيبة هارررتى

والاهل لو عارفين ان النت ده حاجه وحشه ومش واثقين في بنتهم مكنوش سمحولها تقعد عليه


لا فض فوووكى

د/اجدع بنوته said...

شكرا ياجماده

ويارب اكون غيرته للاحسن

تحياتى

د/اجدع بنوته said...

ربنا يوفقك يارب يااحمد

ومتخافش محدش طمعان فيك

شوفت الدنيا صوغيره جدا

وانا اسعددد بتشريفك مدونته

د/اجدع بنوته said...

حضرتك كده فعلا من مصر


شكرا جداا ع رايك ده

د/اجدع بنوته said...

الحد والتلات والاربع ياخيخه يااختى كمان

د/اجدع بنوته said...

منوره ياولاءء

لسه والله ف ناس تفكيرها ع قدها كده

د/اجدع بنوته said...

صغنونه عسوله

منورانى

احلام سعيده وهابى دريمز كمان

ههههههههه

د/اجدع بنوته said...

ياجامد انت ياهنوود يامعدى

بنات نتاويه اااااه

هههههههههه

د/اجدع بنوته said...

النت كوسيله عاديه للتعارف يايونيك

زى الصالونات زى الجامعه زى خبطتى ف كتفه

مره وانتى خارجه م عمرو افندى

كده يعنى

اهو كله تعارف ميضرش

د/اجدع بنوته said...

نور ربنا يخليك ده م زوقك

بس تمام كده

تانى ولد يوافق يتجوز م النت عاتشى

۩۝۩ Dr. Flavio ۩۝۩ said...

أحييكي علي هذا البوست الرائع

أنا اتسألت السؤال ده من كام يوم وقلت آه ولم أكن قد قرأت هذا البوست

ولكن بعد قراءته ... آه وألف آه

ولكن هناك نقطه
أنا مقولتش آه اني أتعرف ببنت من النت وأتجوزها ... يبقي حب ايه ده اللي علي النت .. أنا قلت آه علي أني أتزوج بنت تفتح نت وتشوف أخبار وتتكلم وليها علاقات طيبه .. لكن شايف انه صعب يتكون عندي حب علي الانترنت مش عارف ليه

إختلاف أهداف ومعايير يمكن

سلمت يداك .. تدوينه روعه

3araby said...

اتفق معاكى فى الرأى يا دكتورة

و أرى ان مثل هذه الاراء المتخلفة يجب أن تحسن من تفكيرها و تتحضر لأننا لا يجب أن نحكم على الأمور الظاهر بل يجب أن نتريث فى اصدار الحكم على من نتعرف عليه أو من نرغب فى الزواج بها.

كمان فيه حاجة :
يعنى اللى يروح يتقدم لواحدة قاعد طول فترة الارتباط أو مرحلة الاعجاب و لم يتعرف على سلوكها وتربيتها ويثق فيها , و بعدين يتخلى عنها بسبب ان عندها نت .
ده يبقى انسان تافه والبنت هى اللى كسبانة .

بوست جميل يا دكتورة كالعادة .

د/اجدع بنوته said...

صح يامحمود

بس احنا مقلناش تتجوز م النت

احنا بنقول بنت بتدخل نت

وتسلم ع الاه وع المشاركه

د/اجدع بنوته said...

ميرسى ياعربى جدا

وع رايك والله

بعد تلات اربع سنين ماشيين مع بعض

يوفاجىء انها نتاويه

ههههههههههههه

semsem said...

البوست ده حلو اوى
بس ع فكره ولاد كتييييييييييييير بيفكر بنفس الشكل
ربنا يهدي
المبدأ لا يتجزأ
والله عندأ حق فى كل كلمه قولتيها
واسلوبك حلو اوى
ربنا يكرمك
واللى عاوز يعمل حاجه غلط هيعملها وبجد عندك حق

سمسمة said...

لا مؤاخدة يعنى الرجالة اللى بتتكلم دى وبتشوف ان البنات بتكون بشخصيتين على النت هى البنت مين؟ البنت دى امى واختى حتى ولو مش عندك نت فى البيت امال مين فى السيابر ولو مش بتخرج اصلا اكيد فى وحدة صاحبتها بتزورها وعندها كمبيوتر فى البيت ومعاها موبايل كمان N 73 وعلى فكرة ياشباب مفيش شىء فى الدنيا لة مقياس ثابت نقدر نقيس علية كل الامور وعلى فكرة البنت لو عاوزة تعمل حاجة غلط فعلا لو فى وسط صحرا ولو مقفول عليها الف باب والف سجان انا معنديش اى مانع انى اتزوج من النت هما اللى بيفعدوا على النت دول غير صالحين للاستهلاك الادمى ولا اية ههههههههههههههههههه