يامساء الهنا ..
النهارده وانا جايه م الكليه شوفت منظر الصراحه
لا يسر عدو ولا حبيب
شوفت ايه ياسمسمه .. شوفت ايه ياسمسمه
وهى ع صرخه واحده مخدوش يابابا مخدوش يابابا
شوفت خير اللهم اجعلو خير
ياجماعه هو منظر مقرف فانا اهو بقول م دلوقت
علشان اللى بيقرف لحد هنا وميكملش
شوفت ..ايه
لا ياجماعه انا قلت المقرفين يمتنعون
متخلصى يابت وتحكى ف يومك
طيب ياأبيه حاضر بس متزقش
.
.
شوفت قط ياجماعه بيقطع ف لحم قط ميت وبياكله
ان ان ااان
مش انا قلت المقرفين يمتنعون .. ذنبى ايه انا تبصلى البصه المنقرفه دى
ياترى ايه الظروف اللى زنقت هذا القط هذا المزنق
مع ان كيلو الفيران ف الجمعيه ب جوز جينهات مش لاقى اللى يشيل
ولا كيلو سمك .. ده انا اشرفلو يقلب نباتى ولا انو ياكل لحم اخيه القط
الصراحه بجد منظر غريب يعنى
بس برده مهما كان ومهما حصل هل هذا يستحق ان يدفع القط ده للجرم الفزيع ده
وكعادتى طبعا انى اربط اى حاجه باى حاجه ف اى حاجه وانا مش فاهمه حاجه
فمعقول موقف القط ده ممكن يتكرر .. بس معانا نحن البنى ادمين
معقول ممكن انسان تضطره الظروف انو ياكل لحم اخوه الانسان
سرحت بدماغى كده وقلت ليه لا .. ممكن
ف المجاعات لو ملقمناش ناكل حاجه ..
هيبقى مش قدامنا غير حاجتين سيدى الفاضل ..
يانموت ..
ياناكل بعض ..
يانجيب رز م الامم المتحده وقمح م ايران ولحمه م جنوب شرق اسيا ..
هـــــــــــــــع ..
وافتكرت جملة السيد الرئيس محمد حسنى مبارك .. من لايملك قوته لا يملك قريته
اين هو قوتنا .. ده .. فى مزارع ومصانع ودول بعيده
يعنى باذنك يارب يوم مهيقفلوا علينا الحنفيه .. هنعض ف الارض
ومش هنلاقى قمحايه نحلف عليها ونقول والنعمه دى .. بحبك
كما قالها الشاعر الكبير مصطفى كامل
مشفتوش بقى ف الحزييييييييين
فين .. فى الحزيييييييييييييييين
والتيته ف الننا .. وبابا اؤا اه بابا اؤا
اذن تخيل معى المنظر عزيزى المتخيل
قامت الحررب العالميه التالته ..
وقطعت كل الدول المصدره لينا الحجات اللى بتصدرها ..
وبقينا ف عزله عن العالم .. وكل واحد ياكل ف اللى عنده
وبقت الانبوبه ب سبعه وعشيين جنيه ماهو ساعتها مش هيبقى ف دعم طبعا
وهو ده وقت انابيب مش لما نلاقى اللى هنطبخه الاول
اذن يانموت .. ياناكل بعض .. يانخزن م دلوقت ونعمل حسابنا
عن اذنكم انزل اجيب ب خمسه وتلاتين جنيه شيكولاته جلاكسى
علشان اللحمه وعرفنا هنحلها ونجيبها م فين
لكن ساعتها هجيب انا جلاكسى م فين
مثلا مثلا م فين يعنى
مش كده ولا ايه ..
يلا خلص الكلام .. احلى سلام
نونونونونونووووووووو
10 comments:
طب ادينى خبر خلينى انا كمان اروح اخزن كادبورى
امال يعنى اموت انا والواد من الجوع
بس تعالى هنا قوليلى
بجد انتى شوفتى المنظر ده
ولا بتشتغلينا
اختك خيخة
انتي بتقولي فيها يا ياسمين
طب ايه رأيك ان ده حصل فعلا قبل غزو التتار مباشرة لمصر
وكان فيها وصلت مصر لمرحلة من الفقر لدرجة ان الناس بقت تاكل اي حيوان تقابله وبعد كده بقى القوي ياكل الضعيف فعلا والله ده كان بيحصل
وممكن يحصل في مصر لو مصر خلتها بالشكل المزري ده
لكن ان شاء الله ربنا كبير
والامل هييجي ان شاء الله
لكن يا ستي بالراحه علينا شويه
كل يوم بوست جديد كده
لك تحياتي
ان مش معلق
وحياة ربنا وحياة ربنا الكلام ده كبير كبير
انت بنت زى العسل يا سمسمة
لا للاسف ياام شريف شوفت المنظر ده للاسف الشديد يعنى ..
ويلا خزنى اهو واعملى حسابك
دكتور حر هههههههه معلش الوحل لما بينزل بينزل مره واحده هههه
بس يالهوى مكنش عندى خبر انها حصلت فبل كده
يعنى انا مبتنبأش بحاجه جديده يعنى
طيب ع بركة الله
ميرسى يادكتور سيد ربنا يخليك
والكلام ده كبير بس صدقنى مش هيكون الاخير
مع تحيات المطرب الفنان الصاعد الواعد
افرض مثلا مثلا يعنى
بجد أنا مش قادر أمسك نفسي من الضحك. أنا مش قادر أكمل قراية باقي البوستس
أنا كل ما ألاقي نفسي مخنوق هابقي أدخل أقرا حاجة من كتاباتك.
سلام علشان ألحق أنا م أصل محاضرة الدكتور طارق بكرة الصبح.
نبيل زميلى العزيز يارب ميحرمكش م بوستاتى علشان تفضل تضحك كده ع طول
هههههههههههههههههههههههههههه
يا مساااااء الجمال .. انتى بتقولى فيها خلاص الدعم حيتلغى أهو والحياه حتبقى أوحش أكتر ماهى أوحش وكله على الشعب الغلبان اللى حيقطع بعضه علشان لقمه العيش يلا ربنا يسامحهم والمفروض ان جمله الريس من لايملك قُوْته لا يملك قوَّته ولا ايه؟!
ههههههه قوته .. قريته مبقتش فارقه .. سينا م سونيا هههههههههه
Post a Comment