الصراحه بقى انا محروقه اوى .. قلولى محروقه م ايه ياياسمين
وانتم مالكم .. يالهوى ع ده شعب م كتر فضوله مناخيره بقت واصله لركبه
وانا ركبى حديد ..
ايه اللى انا بقوله ده ..
خد عندك عزيزى المواطن ..
ابن السيد نظيف .. يعمل ف القريه الذكيه بمرتب شهرى 100 الف جنيه ..
بيعمل ايه .. بيعمل اسم النبى حارسه انت مالك انت .. دع الخلق للخالق
سكرتير اى وزير مرتبه الشهرى لا يقل عن 20 الف جنيه ..
وعدد سكرتارية الوزاره الحاليه 544 ... لو معاك كلكليتور احسبها براحه كده
والسكرتير ده بيعمل ايه .. بيطبخها باميه محصلتش انت مالك انت .. دع الخلق للخالق
بيقولك انهم عايزين يخصخصوا قناة السويس ..
يعنى ايه الصخصخه دى .. يعنى هيبعوهاااااااااااا
والقناه بتعمل ايه .. بتعمل دوخينى يالمونه انت مالك انت .. دع الخلق للخالق
لا وانت عارف يامعلم .. المنتخب الوطنى لما عكش الكاس .. عكش معاه 10 مليون جنيه
والمنتخب بيعمل ايه .. بيعمل عجين الفلاحه انت مالك انت .. دع الخلق للخالق
تعرف كمان .. ان جهاز حماية المستهلك .. بيقولك اوعى تشترى م محل ميكنش معلق سياسة البيع والاستبدال
اه يااخويا .. تشترى الجاكيت ابو 200 جنيه م هنا .. تلاقيه خياطته فاكه م ناحيه .. متعرفش ترجعه
وجهاز حماية المستهلك ملهمش الا انت ياضناياااا .... هيحموك يعنى هيحموك
هنقفل الباب بالترباس ويحممممموك بالليفه ياعباس
والمستهلك بيعمل ايه .. هيستحمى وانت مالك انت .. دع الخلق للخالق
بيقولك ايه كمان انهم لحد دلوقت اعتلقوا 700 اخوااان .. علشان المحليات يامعلم
مش واخدلى بالك ولا ايه ..
والمحليات بتعمل ايه .. بتعمل فوت علينا بكره يامحمد وانت مالك انت .. دع الخلق للخالق
بيقولك بقى ان المحليات هى اللقمه الطريه .. ورك البطه يادقن القطه
ال ايه .. بيهون عليه فراقى .. ال ايه المحليات ذهب منها 450 مليون ولم يعدواا
لا متفهمش غلط .. اوعى تتخيل انهم اغتلسوهم او سرقوهم .. لا ياراجل عييييييب
دول بس اخدوهم بيحوشوهم لينا .. خليك مواطن ذو نوايا سليمه
مش عيزاك تبقى مواطن نواياك نويئه خالص
ايه يعنى انك مش لاقى تاكل العيش الحاف
عايش انت ولا مش عايش
رد عليا .. عايش ولا مش عايش
هتنهببببببببببببببببببببب يعنى
والله العظيم اللى اسمعه منكم يشتكى
او يقول نص كلمه ف حق الحكومه ورعاة الشعب وانجال رعاة الشعب
هعلقه ع باب المدونه .. حتى يكون عبره لمن لا يعتبر يامواطنين ع ماااتفرج
كل واحد يحط لسانه ف بؤه .. ويمشى جوا الحيط
انتو فاهميييييييييييييييييييييييين
صحيح ..
مواطنين كل شين كان ....
.
.
.
اه والدهب .. بقى ب 150 جنيه
وانت لسه بتحلم تجوز .. ياحيلتها ..!!
اختر م بين الاقواس ..
اختر م بين الاقواس ..
المصير المفضل لك عزيزى المواطن .......
!! اروح انام !!
!! اروح اموت !!
!! اغور واريحهم !!
97 comments:
انا اروح انام واموت وانا نايم وهغور واريحهم
ولو ع الجواز اتفقنا نخليها فضه او دبله واحده للعريس بس
لا جامد بجد انتي بدأتي
الله يستر علينا وعليكي
وبالنسبه للانجال اشمعني ده اللي باصينله في اللقمه
دا بيشتغل شهرين ونص عشان يجيب العربيه اللي بيحلم بيها
تخيل معاناه شهرين ونص واحنا نايمين ومرتاحين
وان ماكنتش انت تدلعني مين هيدلعني
والله اسلوبك ممتاز جدا
انا تقريبا بايت هنا من امبارح عمّال اصول واجول فى المدونة
ــ
احيانا كثيرة يهرب الشعب من همومه فيستقطبه الهروب ويتحول الى فن فتضيع معه مذاهب القضايا ما بين زيف ابتسامة او عنت البحث عن لقمة العيش
ــ
هو ايه اللى انا كنت بقوله ده .. انا هفضل نايم افضل
ـ
تحياتى
اغور واريحهم
و ده اللي أنا باعمله حالياً
بأحاول أغور
بس موضوع ممتاز لميتي فيه بلاوي كتير بإسلوب 10/10
:)
بمناسبة الدهب ابو 150 جنيه ده
سمعت دلوقتى انهم بياجروا الشبكة من عند الجواهرجى بـ 50 جنيه فى اليله
يعنى العريس والعروسة يروحوا له كدا احنا قادصينك فى خدمة يا عمونا
احنا هنلبس شبكة بكره
وخد الخمسين جنيه وعليهم بوسة
وهنمضى لك على شيكات وايصالات امانة وعقد الاوضة اللى هنعيش فيها فوق السطوح واوضه نوم ام حمادة جارتنا واديلنا الشبكة نلبسها قدام الناس ونجيبها لك الصبح
والله مبهزر سمعت الموضوع ده ابمارح بس
علي راي الزعيم عادل امام ههههه
احنا نغور احنا دا احنا ولاد.....
يخرب بيت اللي مبيحبكش
ويخرب بيت اللي بيحبك وهو من جواه مبيحبكش
ويخرب بيت اللي بيحبك وهو من جواه بيحبك وفي واحد جنبة مبيحبكش
القائد الزعيم والثورة وكل الزعماء
اللهم اديله جريجيرة اللهم جرجرة بحق جاه النبي
واديلة طحينة اللهم اطحنة
واديلة بطيخة من غير بزر الزعيم يلهط على طووووووووووووووول
دا عادل امام اللي بيقول كده
ههههههههههه كل سنه وانت ريس يا طيب
تعيش الحكومة
والباقي يغور ويموت ولو ربنا كرمه ينام بس ابقي خليهم يدعموا المنومات
طبعا احنا لينا غير حكوماتنا النظيفة الرشيدة
طب ده كلام يعنى ايقطعوا نفسهم علشان خاطرنا
عامة انا رايح انام اهو موت صغير برده
تحياتى يا اجدع بنوته
خالد
انا عن نفسي اخترت الإجابة رقم 3
وبالفعل غورت في داهية وسبت البلد كلها وطفشت وانا دلوقت في الإمارات
شوفي كل الكلام اللي انتي قولتيه ده حلو بس هي فيه احصائية جميلة بتلخص كل ده
الاحصائية بتقول ان 5 في المية من المصريين هم اللي بيملوكوا الثروة وال 95 في المية الباقيين بيخدموا عليهم ويمكن يتباعو في سوق العبيد قريب
وبعدين احنا مالنا هي البلد بلدنا ولا بلدهم
وايه يعني الدهب يوصل 150 جنيه أو 200 جنيه يعني هو فيه حد هيتجوز اصلا انتي شوفتي اسعار الشقق وإيجارتها عملت ايه، يبقى جت على الدهب يعني
على فكرة فيه قرية في الصعيد أعلنت ان الجواز من غير شبكة خالص احتجاجا على أسعار الدهب ياريت كل القرى والمدن يعملوا كدة لو حبوا يبقو إيجابيين شوية
تحياتي
مصري غلبان يعمل في الإمارات
لا انا هشتكى
وهشتكى
وهشتكى
ومحدش يقدر يعلقنى على باب المدونه
بجد مس ياسمين
انتى طلعتى كل اللى جوايا
انا سانك يو
بجد شكرا لكى على البوست ده
وبعدين هو ابن السيد نظيف جاله الكادر ؟؟؟؟؟؟
يابنتي مالك ومال الناس ما تخليكي ف حالك
هو يعني واحد وزير ولا رئيس وزاره ابنه حايشتغل بكام ؟ ميتين جنيه زي ابن اي واحد مالوش لازمه ؟
ده اذا كان الريس بيورث ابنه شعب بحاله يبقي رئيس الوزاره مش حايعين ابنه ب 100 الف جنيه .
بطلوا حقد بقي
انتي مش عارفه ان كل واحد بيعين ابنه مكانه يعني بكره ابن رئيس الوزاره ده حايبقي رئيس وزاره زيه وساعتها حايجيبك
اذا كان ابن الممثل بيطلع ممثل وابن الشاعر بيطلع شاعر زيه
هو انتو لازم تفضلوا تقروا ع الناس وخلاص
وقناه سويس ايه ومنتخب ايه ما تخليكي ف اكل عيشك اللي ماحدش لاقيه دلوقتي
طب سمعتي ان العيش حايتوزع علي بطاقه التموين ؟
اهو ردي بقي
ساعتهااللي مالوش بطاقه تموين حايعمل ايه ؟
ربنا يستر
تحياتي
علا بركات
ايه دى بتبشرينا يعنى ولا ايه
وعلى فكره الشبكه الوقتى بقت فضه مش ذهب
ابشرووووا
هههههههههههه
موضوع جامد بجد
بس انا عندي اجابة رابعة يعني ولا هنام لاني لو نمت اكيد هيجي يوم واصحي وهتبدا المصيبة تاني
ولو هموت هفرحم
ولو هغور بعيد عنها هبقي زي اللي بيدفن راسه في الرمل اوبيخبي وشه تحت البطانية من عفركوش
ولكل ده كررت اني مسكوتش اعمل اي حاجة بس مسكوتش
والعيار اللي ميصبش يدوشششششششششش
مش كده ولا ايه................ !شكرا علي الموضوع مرة تانية
ههههههههههههههه
ايه المرتبات الضعيه الى انتى قلتيها دى
100 الف ايه و
و20الف ايه
كل ده كلام فاضى
ودهب غلى عادى عادى عادى
بسم الله الرحمن الرحيم الاجابه
!! اروح اموت !!
هههههههههههههههههه
لا والف لأه كله ألا الحكومة
لأ والنعمة والختمة الشريفة ده مايحصل خالص الحكومة ديه غلبانة ازاى هتحكم 70 مليون بيقر بس
مش كفاية ان الحكومة تعبانة معانا في تسعيرة الترب والمدافن والمقابر ياعني أروح أموت وارقفهم دنيا وأخره
أنا أغور من وشهم أحسن
وكشكيشيها يأجدع بنوتة عشان الطوبة ماتقعش في المعطوبة
انا قررت اغور واريحهم ومش هسمع كلام بابا اللي بيقلي ( يا اهبل ) انت كده بتعمل اللي هما عايزينوا
بس اهبل اهبل هو الواحد هيعيش كام مرة
وبعدين انتي ذكرتي حاجات الواحد مكنش عارفها يعني بتحرقي دمنا زيادة متسيبي اللي يسرق يسرق واللي يختلس يختلس احنا مالنا هي فلوسنا
انتي مش فلوسك في جيبك ؟؟هه مضش في جيبك ؟
حتى حق الاختيار في أي حاجة من اللي حطيتيهم مش من حقك
خايف ابص من الشباك مالاقيش مصر
لمت هدومها وخادت حاجاتها قرفت طفشت تعبت
لمت هدومها وخدت هرمها على نيلها وطفشت وحلفت ميت يمين ماهى قاعدالنا
مابينى وبينك برضه احنا زودناها كاننها استعمرنا ورثناها
هى دى البنت الاموره اللى كانت زى القمر
فجأه كبرت عجزت وبان عليها الكبر
خايف ابص من الشباك فجأه ومالاقيش مصر
للشاعر عمرو سلامة
لا ....أنا أروح أموت أريحلي وأريحلهم
عشان لا يتحرق دمي ...و لا أعكر مزاجهم
:(
و عالعموووم مصيري أنا عرفته خلاص
نقيب الأطباء أعلن أننا لو مخدناش حقنا.. كل الدكاتره هيعملوا أستقاله جماعيه
و هنفتح أكشاك قدام مستشفيات الحكومه للعلاج بالمجااااااان
هههههههههههه
و الله فكره جااااااامده
يلااا ... أفرحوا يا جماعه ...مصيرنا للكشك
:)))
ياستى مش هتفرق كتيير نغور ولا نموت ولا ننام وعلى راى سنووايت ياريت يدعموا المنومات
بس بجد لو كله صحى هنبقى بنعمل حاجة
وشكرا على الافكار الغير محفزة من نوم وموت و غوران
السلام عليكم ورحمة الله وبركاته
انام ولا اموت ولا اغور واريحم ؟؟.....وانتِ مالك انتِ ....دعِ الخلق للخالق
:-)
طيب انتى هتنامى وضميرك مستريح علشان مسرقتيش حد ولا اخدتى حق مش حقك
الناس دى بتنام ازااااااااااااى؟
عندك حق ناس عندها حقد طبقي
بجد بياخد 100 الف جنيه , بس هو حقيقي بيتعب ما تلاقي صاحبنا ده اللي مخمخ في حكاية الحكومة الاكترونية اللي ريحت الشعب علي الاخر حتي روحي لاي مخبز عيش وشوفي التكنولوجيا اللي علي حق ..
وبمناسبة قناة السويس ياريت لما يجيوا يبيعوها قوليلي اصلي عاوز اشتريلي حتة اعوم فيها شوية مراكب ورق واهو نبقي لحقت حاجة من البلد قبل ما تتباع كلها !!
اما حكاية المحليات ما هي النتيجة معروفة مسبقا بس هما حرصا علي اموال الشعب عاوزين يوفرواالفلوس اللي بتتصرف من ميزانية الدولة " بدل تزوير " !!!
ربنا يجعل بيتهم عمار ويتخرب بيت الشعب مش مشكلة امال مين اللي ايضحي عشان البلد.
سلام يا ياسمين واي حتي تحسي انه عنده حقد طبقي ولا حاجة بلغي عليه عالطول
هوا انا يابنتي مش قلتلك مية مرة ارحمي نفسك و ارحمينا معاكي.
طب انا رايح انام بقي
وهتجوز ........ من عبد الرحيم عمرو !!!!!!!هههههههههههههههه
انا عايز اشتغل جزمجى الريس
بصراحه كرهنا الفقر
طيب وفيها ايه لما نظيف الابن ياخد له 100 الف في الشهر يعني بلاش الولد يكوم نفسه , ما هي العيشه بقت صعبه برضه طيب شوفي البي ام بقت بكام دلوقتي واللا العيون و اللا الشاليه في الساحل بقي بكام ....وان ماكانش هو اللي حاياخدهم ميييين اللي حايخدهم يعني , الاخوان اعداء الشعب مثلا ... ليه ما هم واكلين شاربين قايمين نايمين (في السجن) ببلاش , واللا المدونين اعوان الاستعمار , واللا الاطباء مصاصين الدماء واللا ...واللا...
بلاش الافكار الهدامه دي بقي مليتو البلد
عزيزتى
بجد عجبنى تحيتك الجامده للقلة المحترمه
ومش عارف ليه لما خبر زى ده بيتنشر مش بيحصل فيه تحقيق
مرتب ابن وزير مثلا
وابن الوزير التانى اللى اتنصب عليه فى 3ملايين جنيه
ومتقهرش تصدقى ولا جتله سكته هو تعهبان فيهم
والمنتخب اللى فالز بالكاس ما هما بيخدوا من الاتحاد الافريقى ومن جهات كتير ياخدوا ليه من الدوله احنا اروبا
فى لعيبه افارقه بيسرفوا على منتخباتها
وجهاز حماية المستهلك اللى سايب التجار يغلوا ويتلعبوا بالاسعار من اول السلع الرديئه لحد الاحتقار
وطبعا اعتقال الاخوان ومحاولة ابعادهم عن المحليات باى طريقه مش كفايه مجلس الشعب كمان المحليات
واللى نفدوا بقه من الاعتقال او الابعاد مش هينفدوا من التزوير المعتاد
وفى ناس برضوا بتكره الاخوان كانهم مسئولين عن الفساد اللى فى الدولة
وبلاش سيرة الدهب بقه علشان الشباب الصغير ميتعقدش اكتر والكبير مينتحرش
بلدنا بتندبح وخلاص شكلها خربت
خربوها والكل بيسرق
بقولك ايه
خراب يا مصر
سلام
مش هنسيب مش هنسافر
هنفضل موجودين
يا احنا يا هما
تحياتي
لا يا سمسمه قاعده على نفسهم هأخد حقى يعنى هأخده
مش هسيبها لهم مش هخليهم يقعدوا على مراوحنا هنفوق من الغيبوبه قريب
اما عن استحمام جهاز المستهبل هههههههههههههههههه فصح فكل اللى قولتيه ههههههههههههه
ربنا يستر عليكى يا سمسمه من الناس اللى عندهم كهرباء ببلاش دول وكلاب فىالساحه الخلفيه هههههههههههههه
يا ساتر على الحقدتصحيح بس ابن رئيس الوزراء مرتبه 50 الف جنيه بس فقط لاغير واضافه وزير الاستثمار لديه 26 سكرتير وسرتيره خريجى جانعات اجنبيه فى المكتبين بتوع جنابه وكلهم حديثى التخرج ونعمه الخبره
المحليات مش بس بتاعت فوت علينا بكره يا سيد المحليات بتاعت اهدار 750 مليون جنيه سنويا وبتاعت التصريح الشهير الفساد للمحليات وصل للركب ده ايام التسعينات زمان المحليات غرقت فى الفساد
واسمع سلام انا عايش ومش عايش للهضبه عمرو دياب
تانى كدة
ابن نظيف بياخد 100 الف جنيه
ده بجد ده
ولا دى غلطة مطبعية
وانا مالى صحيح دع الخلق للخالق
اختك خيخة
لا أعلم من أين
جئت
ولكننى أتيت
انتى مجرمة
بتوقعينى على روحى من كتر الضحك
وحلوة قوى يا مواطنيين ع ما تفرج
الا هيه هتفرج امتى بقى
احسن الواحد خلالالالالالالالالالالالالاص
بيشد ف شعره
سلام يا اجدع بنوتة
هبة
كدة ونص
شعب معندوش
من الاحمر
بيتدخل فى اللى
ميخصوش
احنا
المفروض نتفرج ونسقف
ونطبل كمان
حرام عليكى قلبتى علينا كل المواجع من كله
العيش و سنينه و الذهب و سنينه و العيشه و سنينها
يعنى نموت روحنا يعنى ؟؟؟
حسبى الله و نعم الوكيل
امبارح شفت واحد واقف فى طابور عيش بيقول فى التليفزيون لو الناس دى هاجت و قلبت عليهم مش هايقدروا عليهم يعنى هايخسروا ايه اكتر من اللى خسروه
دكتوره سمسمه
انا متضامن مع اببى انا قاعد على قلبهم وهاخد حقى من عين التخين انا مشكلتى مش مع الحكومه والله هما حراميه وعنيهم بجحه وانا مش حرامى. اسيبهم واهرب؟ ولا انام ولا اموت؟لو ربنا احيانى قاعدلهم وهطالب بحقى
كده انتى قربتى من مورا الشمس
ولا يهمك يا دكتوره مش هنسيبك وراكى
تحياتى
طيب هو طبيعى جدا ان ابنه يا خد 100الف مش قاعد على الكتب انتى عاوزاه يقعد على المكتب وياخد 50الف بس انتى بصراحة تبقى مفترية هو الراجل هيموت نفسه دا كتر خيره انه بييجى اصلا
ياسلاااااااااااااااااااااااام
أبن السيد أحمد نظيف -حفظه الله- بيقبض 100 ألف جنية؟
أبن سعادة السيد طويل العمر قاي مقام السيد العنتيل بياخد 100 ألف جنية؟
طيب
المقاتلون بدماء مصر
ينامون فوق صدور الغواني
ويبكون بالشعر عهد الوليد
وتحت المضاجع أشلاء عمر
وأحزان أم وذكرى شهيد
وفي الكأس تبكي بقايا دماء
وأنقاض عطر وأنفاس غيد
ويلقون فوق رؤوس الصغار
ثياب الغواني وخبز العبيد
وفي كل يوم يبيعون شعرا
ويبنى على الشعر قصر جديد
يسيرون بالشعر في كل درب
وفي كل يوم مزاد فريد
تعالوا نقاتل من جوع مصر
ونلقي على الناس حلو القصيد
تعالوا نصافح آلام شعب
ونصرخ بالحزن هل من مزيد؟
تعالوا لنسكر من دمع أرض
ونغتال فيها الزمان السعيد
تعالوا نحطم أحلام مصر
وندفن فيها الصباح الوليد
تعالوا نتاجر في دمع أم
تعالوا نبيع رفات الشهيد
تعالوا لنسخر من حزن ثكلى
على راحتيها شباب شريد
تعالوا لنحرق أزهار عمر
ففي الزهر يرقد حلم جديد
تعالوا ففي مصر سوق العطاء
ومنها ربحنا وفيها المزيد
تعالوا نبيع بعطر الجواري
دموع الصغار ويأس القعيد
تعالوا لنلقى على مصر صبرا
ونغرس فيها هموما تبيد
وهيا لنكتب شعرا جديدا
فما عاد في العمر شيئا يفيد
* * *
وآه إذا الجرح أضحى رخيصا
تباع الدماء بسعر زهيد
وتحت المضاجع أشلاء عمر
وفي الكأس تبكي دماء الشهيد
يصيحون فوق صدور الغواني
يعيدون بالشعر عهد الوليد
فاروق جويدة
ايه ده لاحول ولاقوة الا بالله
سمسمه ياحبيبتي خدي بالك من نفسك يااختي
اديكي قولتيها عندنا تلات اوبشانات
اختاريلك منهم واحد واسكتي
حسبنا الله ونعم الوكيل
اروح اموت..يمكن دى سلبيه بس فعلا الواحد حاسس بالظلم والاحباط حاسس انه نفق مظلم لا نهاية له...الله المستعان
ألا إن نصر الله قريب
صبرا صبرا..فيسرا فيسرا عن قريب ان شاء الله
جزاك الله خيرا
سأسعد أختي بزيارتك لمدونتي الجديدة والبسيطة
http://tamoha-e-90.blogspot.com/
اغور و اريحهم
بس لازم و حتما و لا بد
انى اقرفهم شويه
هو يعنى الواحد دمه يتحرق ببلاش
اسلوبك لذيذ مووووووووووووت
كده ياسمسم تعرفينا المرتبات كنتى خلينا كده على عمانا صحيح ياجدعان الحقيقة بتوجع
بس انتى عرفتى المرتبات دى منين هو انتى تعرفى جواسيس هههه
" عجبتنى اوى "يامواطنين ع ماتفرج
عيش جبان تموت مستور
يا بنتى وانتى بتتكلمى فى الكلام دة ليه بس
دعى الخلق للخالق
تصدقى فعلا
بس اية المانع
خلوا الناس تعيش
اية الحقد دة
باين عليكي ماشربتيش من نيلها
ولا حتى فكرتي تغنيلها
انونيموس .. اختيار موفق
تخيل يشتغل شهرين ونص علشان يجيب العربيه
يااااااااه ع المعاناه ... ربنا يقويه
انكسارات .. لقيت بطاطين ولا ياعينى بايت ف الطل كده
لا طالما ناوى تنام تانى .. نبعتلك بطانيه فورا
عملت خير والله يامهندسنا
اختيارك ولا اروع .. برافون برافون
انا اعرف تأجير الشبكه ده م زمن ياقطتى
بس الاجدد بقى ان ف محافظات لغت الشبكه اصلا
وقريبا هيلغوا الشقه هههههههههههههه
يعمر بيتك وبيته يامودى والله ههههههه
يدعموا ايه ياسنوووووووو
انا مش قولت مش عايزه مواطن يفتح بؤه بطلب نهائى
انت عارفه قناة السويس اللى عايزين يخصخصوها ولاد الحراميه دول
بتدخل دخل شهرى لو وزع على الناس بعدل ربنا يكفى الناس اصلا قبل ما يزفتو حاجه الفلوس دى بتروح فييين ومين بقه اللى هيشترى العز ده كله برخص التراب
بالله عليك ممكن اسالك سؤال هو ليه احنا ساكتين وسكوت فظيع على البهدله دى
هههههه خالد .. النظيفه الرشيده المتطنوره
برافو عليك . يامصرى والله
بس لا .. انا بقى م ال 5% اللى مش بيتخدم عليهم
لا اللى محروق دم اللى خلفوهم ومش عارفين يعملوا ايه
عبده رجل المحليات الاوحد
كادر ايه ياعم .. وحد الله .. ده الدعم بيطلع م بيتهم
تقولى جاله الكادر
انا اعرف ياعلا .. هخلينى ف حالى طبعا
بلا خيبببببببه
شبكه ايه ياحسام
المصطلح ده انقرض م زمان
هتعملى ايه يازهره ياحبيبتى
اهدى بس كده ومتخليش الحماس يطغى عليكى
هعععععععععع
اجابه نموذجيه يابطوطططططططططط
لا متقع براحتها يامودى فور ايفر .. واحنا بيهمنا
اخرتها ايه .. هى موته ولا اكتر
اى خدمه ياهيرو باساهم ف ازاحتكم م الجانب المظلم
وحرقة دمكم اكتر .. هو انا يتحرق دمى لوحدى يعنى
متجيش
جامده اوى العصيده دى ياشهرزاد
مصر ... مبقتش مصر
اومال بقت ايه
وانتم مالكمممممممم
هههههههههههه هنفتح اكشاك يامصطفى ياعلام
ربنا يباركلك والله ...
طبيبنا اللى بلا سماعه .. مين يصحى مع مين
السك نازل ع النفوخ عامل
انهبيشن للصحيان سنتر اللى ف االسربيلم
محدش فاضى يفكر يصحى
ااااااااااااه سكتناله دخل .. بعربيته الجيييب
ماشى ياخمسه فضفضه
ال وانا مالىىىىى ال
هما بيناموا وزى الفل ... ياتايهه
الهى يقلق منامهم دنيا واخرررررره
متقلقش يافارس .. انتم كلكم اتبلغ عليكم م زمان
ههههههههههه خد بالك هيخبطوا عليك دلوقت حالا
حضر شنطتك وانزل معاهم بهدوء وزلازه
ههههههههههههه نبيل
هو عبد الرحيم لسه عايش ...
محمد قولنا كمال .. لو لقيت فرصه خدنى معاك
اشتغل قلم الريس
واحنا امتى هنكوم نفسنا احنا كمان ياعصفوررر
ولا ليه صحيح . ماحنا متكومين خلقه
تحقيق ايه يامدحت ياانا مش موافق
انت بتلعب ف عداد عمرك
خد بالك م نفسك بقى
احمد سعيد بسيونى
ربنا يقويييييييييييك
استحمام جهاز المستهبل .. جربتيه ولا لسه يا أأأبى
بيقولوا ولا ارررررروع حاجه ببلاش كده
50 الف بس يامحمود باشا
انت ادرى بقى ... هو انت اللى بتقبضهمله ولا ايه
سؤال يطرح نفسه
ايووووون شاطره ياخيخه
وانتى مالك صحيح
هتفرررررررررررررج
هاتوهااااااااااااااااااااااااااااا
دوبا عندها طموح انها تفرج
مكنش انعزر ولا باع جزر ولا قالش اسف واعتزر
مدحت هههههههه
بس انت تسقف واحنا معاك
ناس ايه اللى تهيج ياجواز وسنينه
الناس دلوقت بتفكر تجيب عيش باقل عدد ساعات ممكنه تقفه ف الصف
ربنا معاك يااحمد بحبك يامصر .. اقعد براحتك يااخويا
يديك الصحه انت وأأأبى
شكر الله سعيكم يااحمد .. كتر خيره انه بيجى فعلا
ويثبرررررررررررررر ولا اروع
المقاتلون بدماء مصر
ينامون فوق صدور الغواني
حاضر ياعاشقه يااختى
هاخد بالى م نفسى وان مخدتش
هاخد ع دماغى
مبقتش تفرق
خدنى معاك .. ان كنت رايح تموت
خدنى معاك .. لالالالا
شموع سوداء فعلا
ياموسهل ياشيماااااااء
اجابه جديده دى .. نغور بس لامن وحتمن ولابد نقرفهم الاول
جامده ياأم حبيبه
هههههههههههه موناليزا
نحن عيون الشعب الثاقبه
عيش مواطن .. تموت مقهور ياانور
اسكت يعنى .. يانميمه
انتى شايفه كده
طااااااايب
الشعب ساكت السكوت الفظيع ده ياولاء
عشان
احنا محدوفين ف دواااااامه
مين يفكر يتكلم
وهو مفروض يوفر لقمة عيش لعياله
وهو مفروض يجوز بنته
وهو مفروض يعالج ابنه
مفيش حد بيتكلم غيرنا احنا الجيل الجديد
اللى لسه مش وراه مسئوليه تقتله
بس مجرد مهنشيل مسئوليه
انسى مش هيبقى قدامنا وقت نفكر ف اى حاجه
أنا فى الأول كنت داخل على المدونهبتاعتك علشان واحد صاحبى قاللى إنك لو عايز يجيلك تعليقات فى المدونه بتاعتك ادخل على مدونه أجدع بنوته
بس أنا لما دخلت لقيت إن المواضيع تستاهل تتقرى ومش مهم حتى الرد عليا
أما عن الموضوع فلا أملك غير إنى أقول
"هشتكنا وبشتكنا يا ريس
ده إنت رئيس والنعمه كويس
يامشخلعنا يامدلعنا
قول لعدوك قوم اتليس
هشتكنا وبشتكنا يا ريس "
بس أنا فعلا شايف إن دى مش غلطته إنه بقى ابن رئيس الوزرا دى غلطه أبوه "يعملوها الكبار ويقعوا فيها الصغار"
ودع الخلق للخالق
أما عن الاجابه على السؤال
فأنا لازم أروح أقول لأبويا يبقى رئيس وزرا
علشان أنا آخد 100000000000 دعوه عليا من الناس وده فى الفمتو ثانيه
انا مسبهله
والله هو انا مشيت من البلد الحمد لله
بس نفسى اكبس على انفاسهم اصلا
حسبى الله ونعم الوكيل
ههههههههههههههههههه يامنسى
هى مدونتى بقى مصيدة ردود ولا ايه
ههههههههههههههههههه
انت جاوبت ع نفسك اهو
الفاصل هو جودة المواضيع
كتير الواحد بيدخل مدونات مشهوره ومليانه ردود
و يلاقى مواضعها متستاهلش غير اقرب باسكت
وميردش
وكتير بدخل مدونات مغموره جدا وابتابعها دايما
وبكون يمكن الحد الوحيد اللى بيرد
ع العموم تحياتى ومنور المدونه
تفتكر الريس هيهشتكنا اكتر م كده
قول ياااااااارب
حسبنا الله ونعم الوكيل يارينا جميعا
انا معترض
هوا كل قرش بيأخذه وزير أو أبنه تبصوا فيه ؟؟
إيه يا جمااعة ؟؟ ينفع كدا ؟؟
بس بجد بوووست جااااااااااااااااااامد
http://ikhwangeeee.blogspot.com
انتي بسم الله ما شاء الله
افتريتي قوي يا دكتوره
انا فاكر اول ما فتحتي مدونتك
دلوقتي حاجه ما شاء الله
طلعت منك حاجات كتير
مواضيع رائعه
وصياغه نغبطك عليها
بالنسبه للموضوع
هسيب المدونه للمدونه
وأروح انام
وحسبي الله ونعم الوكيل
اسيبها مخضرة
ههههههههههههه
انا عارفه يااخوانجى يااخويا
شعب مفهوش غير عنييين صحيح
ربنا يخليك يادكتور ابوزيد
ولسه ياما هيطلع
هههههههههههههههههه
سوووو هههههههه
والله عملتى خير
Post a Comment