العواف
..
يحكى ان ان وان ... الصراحه
يحكى ان ان وان ... الصراحه
.
مش عارفه اول مااقول الصراحه دى بحس انى هكدب ههههههه
الصراحه الصراحه .. انى حاسه بانفراجه ف شعورى الوجدانى
معرفش ده علشان خلصنا الراوند التانى
.
ولا علشان حضرت البرزنتيشن بتاع روند 1 واتاكدت ان احنا شغلنا ف الكوبسى كان برقبتهم
ملحوظه .. لو انت مش ف طب متحاولش تفهم السطر اللى فوق ده
ملحوظه تانيه .. لو انت ااقل م 4 طب فبرده متحاولش تفهمه
بس المهم انى حاسه بانفراجه وخلاص ... ديمها علينا يارب انفراجه
.
وبارك ف زاويتها الحرجه
الجو برد جدااا ... النهارده واحده بقولها الجو برد بقى احنا ف طوبه
قالتلى اه الرطوبه عاليه اوى
...
مرضتش طبعا اوضحلها الكلمه علشان البنت متتقهرش ع سمعها اللى راح ف الكليه
ولا نظرها ايام مكان عندها نظر .. كله راح كله اتكسرررررررررر
مش عارفه ياجدعان انا حاسه ان احنا كل مبنكبر سنه ف الكليه
.
كل مبنكش وبتزيد علينا ملامح الشيخوخه
ندخل بقى ف الموضوع
حاسب ياابنى وانت داخل .. خد بالك م البلاطه المكسوره
صلو ع النبى .. امبارح بليل كنت ف حديث شيق مع ناس مايتخيروش عنكم
ثقافة ايه ورجاحة عقل ايه وكاريزما ايه وكيبورد ايه
...
الواحد منهم يتفك بتلاته نايتى
كنا بنتكلم عن نظرية المؤامره .. هل فعلا الشعب المصرى
بقى مريض بالمؤامره
طبعا مش محتاجه اقلكم .. احم احم ..
انى انا اللى افتتحت المناقشه وانا اللى رشيت الميه
...
وكعادتى مع كل فكره بطلقها م نفوخى العامر بالافكار الشاذه
وكعادتى مع كل فكره بطلقها م نفوخى العامر بالافكار الشاذه
.
بتقابل باستهجان شديد م كل المحيطين بيا
فالصراحه .. انا خدت بالجزم .. لاااااااااا مخدتهاش ع دماغى
عيب ياشخص تظن فيا كده .. اخدتها تذكار طبعا
ليه دلوقت ....
تقابل اى حد ف الشارع يقلك اصل البلد .. اصل ولاد الحرميه .. اصل اصل
ابنك لو سقط ف الامتحان هيقلك يابابا اصلها كوسه يابابا
عماره وقعت اصل الحى ومهندسينه واكلينها والعه يابيه
واحد مسلم او مسيحى غير دينه .. اصل معرفش ايه والدول الخارجيه
.
وتمويل خارجى ودسائس وفطير وباتيه بالجبنه
روحت محترم تجدد رخصة عربيتك الغير محترمه لقيت عليها غرامات .. اصل ولاد الحرميه
ابن العميد بتاع كليتك طلع اول دفعتكم .. اصل ولاد ستين ف سبعين فاكرينها وراثه
الاهلى خسر الماتش
..
يطلع المدرب يقولك .. اصل ياجماعه الظروف الجويه كانت غير ملائمه .. اللاعيبه كانت لابسه شورتات خفيفه
يطلع المدرب يقولك .. اصل ياجماعه الظروف الجويه كانت غير ملائمه .. اللاعيبه كانت لابسه شورتات خفيفه
تطلع اللاعيبه تقول .. اصل والله الحكم ابن الظالمه .. كان لينا ضربة جزاء مستحقه
يطلع الحكم يقولك .. انا واثق م نفسى .. دوروا ع الباقيين
تطلع الظروف الجويه تقولك .. لا تكشف راسها وتدعى عليهم كلهم
ليه دايما نظرية المؤامره متحكمه فينااااااااا
حضرتك شلت ماده .. اصل الدكتور ف يوم عديت وبصتله بصه م تحت النداره فهو اتغاظ منى وقال لازم اشيلك
حال البلد وحش .. اصل حكامها ومسئولينها ناهبينها
ست ام احمد اتخانقت مع جوزها .. اصل نفيسه جارتهم عملاله عمل .. او اصل اخته الناقصه مقوماه عليها
الملكه ديانا ماتت .. اصل معرفش مين دبرلهم الحادثه
فيلم الممثله هانم طالعه السلالم فشل .. اصل الفنانه هايدى اللى هيا والحته الجونيه
.
وست ابوها تئامرواا عليها وضيعولها الفيلم
.
لقيوا افلام ومشاهد مش ولابد للفنانه نازك اللى ماشيه بشرفها ..
.
اصل الفنانه التانيه اتغاظت م نجاحها المبهر فحبت تضيعها فتئامرت عليها
.
ياخوفى ف يوم م الايام يجيلى عيان .. اقوله مالك ياحاج .. يقولى اصل جسمى متئامر عليا .. اعضائه عملت ثوره
.
دور وفتش ف نفسك انت كمان .. هتلاقى عدى عليك موقف ع اقل تقدير .. رجعت وفسرته نسبه للمؤامره
ياخوفى ف يوم م الايام يجيلى عيان .. اقوله مالك ياحاج .. يقولى اصل جسمى متئامر عليا .. اعضائه عملت ثوره
.
دور وفتش ف نفسك انت كمان .. هتلاقى عدى عليك موقف ع اقل تقدير .. رجعت وفسرته نسبه للمؤامره
.
ليه لما حاجه تحصل منقولش .. قضاء وقدر .. او احنا غلطنا ف كزا علشان كده حصلت الحاجه دى
ليه لما حاجه تحصل منقولش .. قضاء وقدر .. او احنا غلطنا ف كزا علشان كده حصلت الحاجه دى
مش اول الاسباب دايما نلجأ للمؤامره
ليه منفكرش ف الحاجه م زوايا كامله ناخدها فوميين تفكيرر لحد متقرح ف ادينا
.
ولا هل بنستسهل ونشترى دماغنا
ولا هل بنستسهل ونشترى دماغنا
..
معاك ياباشا ان ف فعلا حجات بتبقى مؤامره ونص
معاك ياباشا ان ف فعلا حجات بتبقى مؤامره ونص
.
ع راسى ياباشا .. ع راسى م فوق كمان
ع راسى ياباشا .. ع راسى م فوق كمان
.
بس مش كل حاجه بتحصلنا تبقى مؤامره
بس مش كل حاجه بتحصلنا تبقى مؤامره
.
هل الشعب المصرى م كتر اللى شافوه ع وشك انحدار نفسى
هل الشعب المصرى م كتر اللى شافوه ع وشك انحدار نفسى
واوله هو المؤامره
..
هل ف يوم م الايام هنمشى .. وكل واحد بيتلفت للى جنبه
هل ف يوم م الايام هنمشى .. وكل واحد بيتلفت للى جنبه
وخايف يجى حد م ورا يضربه ع قفاه
..
هل اى حد هيحط ايده ف جيبه هتنتظر انه يطلعلك مطواه
هل اى حد هيحط ايده ف جيبه هتنتظر انه يطلعلك مطواه
..
وهتفاجا انه مطلع المنديل يمسح عرقه
علشان هو كمان نظرية المؤامره هدتله حيله وجابتله هرنيااا
هل تحديات المجتمع والمعوقات والصعوبات اللى عايشنها
.
والزمن اللى بقى ع رقبتنا زى السكينه
بتنحر فينا وف اخلاقنا وف صحتنا وف نفسيتنا
..
ومما لاشك فيه انها بتنحر طبعا ... زى السكينه ف الحلاوه
ومما لاشك فيه انها بتنحر طبعا ... زى السكينه ف الحلاوه
.
ع فكره
ع فكره
..
ف ناس وحشيين بتحركهم اغراض دنيئه واقفين ع باب المدونه
ف ناس وحشيين بتحركهم اغراض دنيئه واقفين ع باب المدونه
بيضربوا اى حد يدخل عندى
..
علشان كده مش هلاقى منكم اى كومينات ياحبايبى
علشان كده مش هلاقى منكم اى كومينات ياحبايبى
شوفتوا المؤامره
.
بلد بتاعة مؤامرااااااااااااااات صحيح
بلد بتاعة مؤامرااااااااااااااات صحيح
كلكم عليااااااااااااا ولا ايه
30 comments:
اااااااااااااه...
والله كبرنا بقى وبقينا نتكلم فى السياسة..
هيقبضوا عليكى ..
ولما تروحى بقى هناك ..
ابقى اقعدى فكرى بقى على الناس اللى تآمروا عليكى ..
وبلغوا عنك وكدة..
وبعدين انتوا مالكم بالسياسة ..
ومؤامرة ايه ..
البلد زى الفل اهى ..
تصدقى انا كان نفسى ابقى فى اتحاد الكلية ..
بس تآمروا عليا وطلعونى ..
ااااااااااااه..
تحياتى على الروعة
السلام عليكم يا دكتورة
نظرية المؤامرة حقيقة لا يشك فيها إنسان متمرمط في هذه الحياة
ولكن على المستوى السياسي العالمي والمحلي تكون موجودة بعمق على مستوى الإجراءات الحكومية تكون موجودة بدرجة أقل على مستوى الحياة الفردية أحيانا
لكن ينبغي أن يكون التفكير البداءي لنا دائما ماذا علي أن أفعل الآن
مش قولت لكى انا متفقه معاكى من الاول ما هى بالبلدى كده بنعلق خيبتنا على شماعه حد تانى فهمتى لازم ندور لمبرر على غلطنا والاهم معرفتيش مش الحر طلع مؤامرة صهيونيه والبرد كمان اللى احنا فيه دلوقتى هههههههه
بجد انتى مدونه عظيمه وكلامك جميل اوى واحنا جيران علي فكره :)))
نظرية المؤامره موجوده زى ما قال عصفور المدينه بس انا متفق معاكى احنا بنستسهل وده لان الانسان دايما لما يقع فى مشكله بيكون عايز يطلع قدام نفسه برئ زى اللمبى كده فيدور على اى حد يحطه فى الذنب (يلبسه القضيه) وطبعا ده غلط لان مواجة الخطأ بأسبابه الحقيقيه هى اللى هتخلينى اتفادى الوقوع فى الخطأ مره تانيه
بس يادكتوره اعذرينا من اللى بنشوفه هو اللى بنشوفه شويه؟
العواف يا دكتورة
هعهعهعهعهع
بصى يا ستى
البوست دة جامد من الاخر
بس انا داخلة اقول كلمتين وخلاص
وامرى لله
انا مش مع مبدأ الشماعات اوى تماما
لكن دلوقتى
فى الزمن دة
كل الشماعات دى حقيقة
ومحدش ينكر
بس خلاص
سلام ياقمر
ههههههههههههههههه
والله انتى روعه بجد واسلوبك روعه ايه خفة الدم دى يلا الحقى اضحكيلك يومين قبل ما تتخرجى وتبتدى اميتاز ومش عارف تعينك جه فين ومش عارف هياخدى نيتبة ايه وياخراشى جالك عريس لا مش عاجبنى لا عاوزه حلويه كه شبه مفلس افندى ياختى ربنا يكون فى عونك
انا عارف انك عاوزه فتى احلام شبهى بس تصاميم البيت بقى عارف غصب عنك شوفتى المؤمرات
بلد بتاعت مؤمرات
وكله من حسنيه وفتكات
والبت سنيه وخالتى عدلات
يا رب تتجوز كل البنات
واوزع فى فرحك يا اجدع بنوته شربات
شربات حريمى وللرجاله فانلات هههههههههه
بجد كلامك جميله وخفة دمك اجمل
أولا هيا الكوبسي دي اختصار لإيه؟
عموما رابعه سهله وأي كلام من الأخر يعني
بكره تعرفي انها نعمه لما لما تدخلي الباطنه
المهم يا سمسمه
أنا متفق معاكي جدا في موضوع المؤامره ده
معظم الشعب كده
delusion of persecution
delusion of refrence
كل ده موجود ومخليني أجزم ان كل المصريين مرضي نفسيين بما فيهم أنا وانتي
لو مفهمتيش الجملتين اللي فوق ..ولو انهم سهلين قوي .. اسأليني وأنا مش هاقوللك
يلا مستني البوست اللي بعده
ايه ده يا كتورة
انتى متآمرة مع امريكا واسرائيل والحكومة علينااا
كمان بتقولى بتحبى الحزب الوطنى
لالالالالالا انتى شكلك متأمرة مع بتوع الوفد
يا حبيبتى اصلا الناس تايهه
محدش عارف هو مين ولا رايح فين ولا جاى منين
لدرجة انهم بقوا بيكرهوا نفسهم
السلام عليكم يا دكتورة...مدونتك جميلة...اتمنى انك تقبليني ضيف وصديق لمدونتك...بالنسبة لموضوع المؤامرة ده فهو لحد ما صحيح يعني اهي شماعة بنعلق عليها فشلنا وبنريح نفسنا من عذاب الضمير اللي هو اساسا المفروض ان حصل له
atrophy
وبمناسبة المؤامرات ليه البوست ده ميكنش كمين؟والهدف منه ان كل اللي يعلق يروح ورا الشمس؟ههههههههه.....بالتوفيق دائما والى الامام
احنا فعلا عندنا مشكلة في تقبل الامور على انها قدر من الله على انها نتاج لعوامل كتير واسباب يعلمها الله
عندنا مشكله في تقبل الاختلاف لدرجة ان انتي ممكن تخافي تقولي رايك لحد يفتكرك جزء من مؤامرة انتي ما تعرفيش عنها حاجة
اكيد المؤامرة موجودة ولكن المؤامرة عمرها ما نجحت امام قوة الانسان وربنا سبحانه وتعالى يقول ويمكرون
ويمكر الله والله خير الماكرين
كريمى باشا منور
وشوفت كبرنا اه وبقينا بنتكلم ف السياسه
لا انا اشهد بقى فعلا ان الاتحاد السنادى كان مؤامره
وملعوبه حلو اوى كمان
بابا عصفور .. ازى حضرتك
هو الكلام ده فعلا
ماذا على ان افعل الان ؟؟
ابببى المتفقه معايا دائما
حلو اللقب ..
البرد ده بقى والله ماله حل
الطف بينا يااارب
نور .. جيرااان ياراجل
ع كلا يكفى ان احنا اخوات .. بنشرب م ميه واحده
لووول
وميرسى ع الزياره
لا اللى بنشوفه مش شويه طبعا يابحبك يامصر
مش عارفه كل مااشوف اسمك احقد عليك
احس انك بتستفرد بحب مصر لوحدك
واقول ف سرى طب وانا كمان بعشقها بس هىىى واطلعلك لسانى
ههههههههههههه
الله يعافيكى يامروه
اتفضلى شاااى
بس خلاص
هو ده المفيد
بلد بتاعت مؤمرات
وكله من حسنيه وفتكات
والبت سنيه وخالتى عدلات
يا رب تتجوز كل البنات
واوزع فى فرحك يا اجدع بنوته شربات
شربات حريمى وللرجاله فانلات هههههههههه
انت اللى مشكله يامفلس والكلمات بتجرى ف ايدك حلاووه
كوبسى يامحمود اختصار ل
كوميونتى اورينتد بريمرى كييير
Community Oriented Primary Care
C O P C
لا فهمتهم يامحمود متقلقش
البركه ف الوافى والمورد ..
مش مخليين نفس الواحد ف فوكابلرى واحد
قطتى هو منين بيودى ع فين
انتى هتلبسينى تهمممه
اينعم انا افكارى شاذه بس مش لدرجة
انى اكون مع الوفد
تحياتى
ميرسى جدا ياعمر ..
انت اللى ايه ده كللله عندك 7 مدونات
تتش ووود ماشاء الله وكلهم جامدين جدا
باذن الله افضى نفسى خميس وجمعه وادخل انهل معلومات منهم لحد مشبع
لا متخفش مش كمين ولا حاجه
صح يايونيك
لو اجتمع الناس ع ان يصبوك بضرا .. لن يصيبك الا ما كتب الله لك
د\اجدع من اجدع بنوته
سلام عليكم اولا كل سنه وانت بخير
طبعا لازم اتقدم باعتذار عن الغياب بس مش بأيدي كان عندي امتحانات ومازالت وربنا يتممها بالستر
انا اتفق معكي ان الانسان لابد ان يصلح نفسه ولا يحمل كل شيء خطأ في حياته للمؤامره
لكن لا احد ينكر ان هناك مؤامره
مؤامره تهدف الى شغل الناس باي حاجه غير انهم يطالبوا بحقوقهم
او يفكروا في اي شيء غير لقمة العيش او امتحانات الثانويه العامه او الكوره
وغير كده لاأ
لكن ده مش معناه ان احنا ماعندناش اخطاء علشان في كلمات جميله تقول "أيا ما تكونوا يولا عليكم" وبس
كل سنه وانت طيبه مره تانيه
الساعر بن هلال
copd
كوميونتي
حرااااااااااام
دي بقه مزبلة كليات الطب ... عباره عن ماده مش عارف حطينها هنا ليه
أنا عارف ومتأكد انها من أهم مواد الكليه علي وجه العموم بس اللي بيحصل فيها وانها سبب معاناة طالب الطب في جميع كليات مصر .. دي هيه المشكله لأنه مش عارف يزاكرها ازاي أصلا
ربنا يوفقك ويقويكي
وبعدين الوافي والمورد مش يفيدوا قوي زي ما تاخدي حالة سكيزوفرينيا وفيها الحاجات دي لووووووووولي
عموما أقوم أنام لأني عندي بكره نفسيه الصبح وسمعت ان الحاله هتبقي
depression
دعواتك
مينفعش كل كارثه تحصل نقول بس انه قضاء وقدر وكون في غيره
ولا ينفع نتخيل نفسنا تحت تاثير مؤامره من اشباح وهميه لمجرد اننا نشبع غرور اننا متصابين عين واننا عملنا اللي علينا بس المتامرين وعمايلهم بقه
ضروري كل مشكله يكون فيها سبب حقيقي
لازم يتعرف عشان يتعالج
انما الاب اللي ابنه بيسقط ويفكر في انه سببه ان جاره عمل لابنه عمل عشان يسقط
فدا تهرب من المسؤليه ودفن راس في الوحل
ودا اللي بينتج عنه كل المشاكل بعد كده
ولو رجعنا لاصل المشكله هانلاقي ان امريكا هيه اللي ربت فينا الطباع الوحشه دي لانها بتغيير مننا
;)
يا ختشى والله انا كنت ماشية بين المدونات لقيت حد كعبلنى فى رجلى وجابنى هنا على ملى وشى - اقولهم فيه ايه رايحين فين يقولولى اخرصى
جيت بقى مجبرة
الاقيهم معاهم حق
عملالى مظاهرة ومؤامرة
مهو لازم نتاخد ونتضرب كمان
=======
المشكلة عدم القدرة على الاعتراف بالخطأ المرتكب وان حد يقول انا آسف الغلطة غلطتى
انا مذاكرتش
متمرنتش
مشتريتش
مأديتش دورى كويس
وما الى ذلك
للأسف عندنا بعض المشكلات فى مجتمعنا بس اللى عاجبنى ان فيه ناس كتير قوى بقت مشغله دماغها كويس وشايفة الغلطات دى وبتتلاشاها
تحياتى يا اجدع دكتورة
انا مفمتش السطر اللى فوق
ابقى فهميهولى اللى تنجحى
يلا سلام
هبة
انت متعرفش يامحمود
قد ايه الكميونتى فاقعلنا مرارتنااااااا
امريكا بتغيير مننا اه
بس فعلا عندك حق امريكا هى اللى نمت فينا الشعور ده
كل كارثه تحصلهم يقولك مؤامرة بن لادن
مؤامره ارهابيه
مؤامره عراقيه
لووووووووول
ام يوسف عندنا يامرحبا يامرحبا
اضرب نار يابنى كتيييييير
السطر نؤنؤ .. دى اسرار طبيه
وفعلا المشكله الاساسيه عدم الاعتراف بالخطأ
بن هلال ربنا يوفقك يارب
شد حيلك يوم الامتحان يتشرد الطالب او يهاان
مفيش حل وسط هع
وكل سنه وانت بخير وبصحه
واوافقك الراى ف كل كلمه سطرتها
تحياتى
Post a Comment