Wednesday, January 9, 2008

انا عايزه احب واتحب



اضع بين ايديكم اليوم .. موضوع غريب جدا

ده حديث دار بينى وبين احدى زميلاتى فى الكليه المصونه

وانا استأذنتها انى انقلهلكم هنا فردت وقالت

,, وريهلهم يمكن يحسوا باللى انا كنت فيه ويعرفوا فضلك عليا ,,

لا فضل ولا حاجه ياشيخه عيب تقولى كده .. احنا ولايا زى بعض لوووول

البنت عباره عن قنبله موقوته كانت على وشك الانفجار فعلا

وهذه البنت مقدما كده مش انا وربنا

كل ماكان يشغلها ف الحياه انها .. عايزه تحب وتتحب

البنت ع درجه كبيره جدا م التدين وحتى علاقاتها بزملائنا الاولاد ف الكليه

محدوده جدااا تصل الى العدم اصلا وملهاش لا ف اللف ولا الدوران

كعادة كل بنات كليتنا المصونه

بس برده كل انسان منا وليه مشاعيره

هو الانسان ايه غير بنطلون وتيشيرت وشوية مشاعر فوق بعض

تحكى هذه الفتاه فتقول ..

شايفه ياياسمين .. كل البنات اتخطبت وبقت ماشيه مع خطيبها ورايحه وجايه

ويتصل يقولها وحشتينى وهى تعمل نفسها مكسوفه وم جواها هو واحشها مليون مره

يقولها بحبك .. ويجبلها ايس كريم

,, ايون انا عملت زيكم اول ماسمعت ايس كريم ده جبت الارض م الضحك ,,

قلتلها ياستى لو ع الايس كريم منتى كل يوم بتاكليه معانا

فردت وقالت .. وهى خلقكم دى خلللق .. قلتلها اه فعلا الواحد محتاج يجدد مناظر

الحب ده .. ااااااااااااااااه .. ولقتلكم عنيها دمعتت .. وع وشك الانفجار فعلا

فاخدت الموضوع بجديه وقولتلها قمستك ونصيبك هيجولك اكيد

وحوشى عاطفيتك اللى هتغرقنى ده ..

قسمتى ونصيبى ماكل يوم بيجولى .. بس بابا الهى ... ربنا يهديه

المهم تبينت ان البنت طبعا كحال كل البنات بيجيلها عرسان طبعا

والسيد والدها المحترم بيطفشهم بكل سلاسه حتى بدون الرجوع عليها

بحجة ان لسه قدامها كتير ف التعليم ..

الخلاصه بقى ,,

ان البت هتحب ع روحها .. وبتقف تبص لكل الكوبلات اللى عندنا ف الكليه

بكمية غل مصاحبه بشلحة حقد مضاف اليهم ملعقة يارتنى كونت مكانك يامعصعصه

ومش كان حاكمها بجد غير دينها ..

انا مبقلش انها كانت ع وشك الانحراف .. لا .. ولا هو ده المضمون

النظريه كلها البنت كانت عايزه تحب ياجدعاااااااااااااااااان

وانا مروحه ف العربيه مع بابا حقا ترددت وكنت ع وشك ان افاتحه

واخد راية ف الموضوع ده .. كعادتى دايما مع بابا انى بستنجد بخبرته

بس معرفش ايه اللى شلضم لسانى واكتفيت باختلاس النظر ع كل الكوبلات اللى ماشيه ف الشارع

وافتكرت ايام الفلانتين ,, انا لا اطيق هذا اليوم بهذا المسمى ,,

بس ارجع واقول الفكره نفسها .. وكل اتنين مختوبين جايبين هدايا لبعض وبيعبروا عن حبهم

واحنا قاعدين زى عواجيز الفرح نتفرج عليهم ...

فوجدت انى الاخرى

كثيرا وكثيرا تمنيت ان اكون مكانها .. ياتى اليها ممسكا ورده

فاقول له يااما جاب الغراب لامه ههههههههههههه

حقا هذه هى رومانسيتى لكنها طبعا كانت هتقوله وحشتنى ياحبيبى

فعلا حق لكل انسان انه يحب ويتحب .. مين منكم ممكن ينفجر لو ملوش اصدقاء

يحبهم ويحبوه .. ومين منكم منفسوش يحب ويتحب

حب برىء .. مشاعر واحاسيس ناصعة البياض ,, مغسوله بأومو

اى دين واى دستور لا يكفل هذا الحق

اذن هو حق لكل انسان انه يحب ويتحبب .. مش انه يتجوز

اصل بعد الكلام ده كله حاسه انى مش عارفه اوصلكم وجهة النظر

بنتكلم عن الحببببب ياجماعه .. الحب البرىءءءءء ابو قلب ابيض ده

وعندما توصلت لهذه الحقيقه .. رفعت سماعة التلفون مباشرة

محدثه ماما صاحبتى .. وحقا كانت جرأة المجنون

وقولتلها اللى فيه النصيب .. وكانت النتيجه

هذه الفتاه ع موعد مع قراية فاتحتها يوم الخميس المقبل

ع ان تعقد حفله ع الضيق يوم السبت الموافق 26/1 ويلبسوا شبكه

لن ولم ولا استطيع ان اصف لكم كم تبدل حال هذه الفتاه ع النقيض تماما

بقت زى الورده اللى اجتمعت فيها الوان الدنيا وصبغتها بلون مختلف

واجتمعت فيها روايح الدنيا واكسبتها طعم ونكهه وريحه مميزه

فتذكرت مقولة امى لما نروح نزور اى عروسه ونباركلها

فتقلها .. هى اللى بتتجوز بتحلو كده ..

طبعا لازم تحلو مش لقيت نصها التانى

اوعدنا ياااااااااااااارب ..

وهذه محادثه م اخرى تحادث زوجها عبر الماسنجر ..

يعنى هما مكتوب كتابهم وفاضلهم شهر ويتجوزوا

ذاتــــــــــــــــــــــــــــي is now Offline

نـــــــــــ: احلى باك

نـــــــــــ: وحشتينى على فكرة

نـــــــــــ: يعنى انتى غيبتى حوالى 20 ثانية

نـــــــــــ: و الثانية فيها حوالى 15 فيمتو ثانية

نـــــــــــ: يبقا الناتج حوالى 300 فيمتو ثانية

نـــــــــــ: و الفيمتو ثانية فيها حوالى مليون ذرة حب بقلبى ليكى

نـــــــــــ: تبقى وحشتينى حوالى تلاتة مليار ذرة حب

نـــــــــــ: و ذرة حبى الواحدة لعيونك تساوى فى مكنونها شمس من الشموس

نـــــــــــ: يعنى وحشتينى قد تلاتة مليار شمس او نجم سماوى

نـــــــــــ: وحشتينى فى الحبة دول قد الكون كللة

نـــــــــــ: وحشتينى

ياحنيييييين ياعاتفى هو ف كده ياناس

ملحوظه متملحظه :: ليها حق البت تتعقد والله تلاقيها قرتلها كام محادثه م دول

نصيحه لكل اب لبنت او لولد .. لازم تحط ف حسابك ان ليهم مشاعر واحاسيس

مينفعش تتجاهلها ولو مفيش فرصه ان بنتك او ابنك يرتبط حاليا

ممكن تفضل جنبه ف اصعب فتره ممكن تمر ف حياته وتحاول تسد الفراغ العاطفى بتاعه

لحد ما ربنا يرزقه بشريك حياته بالصوره اللى ترضى دينه وربه
.
وملحوظه كمان علشان محدش يفتكر ان احنا بننشر الرزيله ولاا حاجه
ههههههههههههههههههههههه اكررر احنا بنتكلم عن الحب الصافى
الذى لا تشوبه شائبه ... اشتته يارب بعد ده كله متفهمش غلط

واختم بهذا البيت والذى دوما ما يردده د/ علاء الفقى

استاذ الانف والاذن بالكليه عندنا

اذا انت لم تعشق ولم تدر مالهوى
قم فاعتلف تبنا فانت حمار
.
واسال الله ان يرزقنى واياكم بالشريك الصالح
اللى يعينا ع عبادته ومواصلة المسيره ف الحياه

41 comments:

appy said...

يااااااااااااا على الحب بس هو فين بجد عارفه لما تلاقى واحد تديله كل مشاعرك وهو فى دماغه غرض واحد بتبقى نيله بس بجد انتى بنت سكر وموقفك مع والدة صحبتك يقول انك بنت ايجابيه وانا هبقى اقف لكى الموقف ده لو اتزنقتى مع اهلك هههههههههه وبتمنى السعاده لصحبتك ولكل البنات يا رب فى الدنيا

Desert cat said...

جدعه يا دكتورة
فعلا البنى ادم مننا شوية هدوم فوق بعضها بس فين الاهل الى يقدروا
ربنا يرزقك باب الحلال الللا يستتك ويستاهلك يا شابه

Mask said...

أيه دا !!
يعني البنات بيحبوا زيينا كده
والقلب عندهم بيدق ويزمر مزامير العشق كده
وانا اللي فاكر البنات بيتحبوا بس
:)

شوفي يادكتوره
انت تسيبك من الدوا والعيانين
وتفتحي عيادة الحبيبة المتبهدلين
ويابخت من علم كيوبيد النشان

حقيقي بحييكي على موقفك الايجابي
لان البنت دي ربنا اولا يحفظها ويكملها معاها بالستر والسعاده
لو شاب من الذئاب البشريه اللي ماشيين في الشارع
حصل وجت الظروف انه يتكلم معاها وحس بوجود الفراغ العاطفي دا
اكيد كان هايستغله بمعسول الكلام
وحته ايس كريم
وكانت صاحبتك هتحلق مع العصافير اللي بتيجي فوق دماغ توم لما جيري يضربه
على راي ميخو صاحبي
بيقول ان الحب هو الوقود النووي للحياه
انا عن نفسي عندي مفاعل نووي في قلبي وان شاء الله يجي معاد الافتتاح بقه
احسن المحطه عشش فيها العنكبوت
عارفه انا لو مكنتش صاحبتك دي هاتتخطب
كنت خليتك توفقي راسي انا وهيه في الحلال
بس يله خيرها في غيرها
انت دعبسي كده
اكيد هاتلاقي زمايل ليكي تانيين عندهم نفس المشكله
تقومي فاتحه موضوع تاني
وانا طبيعي هقراه
بس المشكله اني مش هاحط كومنت
هاخد ديلي في سناني واقفل الصفحه واجري
اصل الجري في الزمن دا كل الجدعنه
يله عقبال كل البنات اللي بيحبوا على روحهم لما يجوزوا عشان الواحد بقه يمشي في الشارع يتزحلق في حب ويكعبل في حب
والمقطع العاتفي اللي كتبتيه دا كلام شات
اقطع دراعي ان افتكره لما يجوزوا
بلوبيف مي دا بس في الاول
اصل البنات بتفتكر ان بعد الجواز هايفضل الراجل يخترع كلام حلو كده
باحب انبه ان اي بنت مخطوبه تشبع قوي من الكلام الحلو معرفش بيجبوه منين دا
لان بعد كده اخرها هاتسمع سؤاله عن فردة الشراب البني و القميص الفوشيا فين

mahmoud farag said...

طبعا تاني مره أكتب كومينت كالعاده لأنني أواجه مشكله مع مدونتك العزيزه في الكومينت ... مش عارف ليه

ادعي بقه اني افتكر كل الكلام اللي قولته في الكومينت اللي ضاع

يااااااااه يا دكتوره .. موضوع جامد جامد جامد
لسه كنت بكلم مدون صديق في الموضوع ده وفعلا هيا مشكله قائمه

لكن الحب
الحب ده أجمل شيء خلقه ربنا
وزي ما قال زميلنا المدون محمود سليمان .. نحن نحب لأننا بشر .. ونحن بشر لأننا نحب
وأنا برضه كنت كتبت قبل كده قصيده في الحب بعنوان .. الحب سيد الأشياء
اسمحي لي انقلها هنا


>>الحب سيد الأشياء<<


الحبُّ ليـس كـباقي الأشـياء



الحـبُّ نـورٌ بالظـلام أضـاء


الحـبُّ يـمـنح زائدا ً معـطاء


حـيـن التقاني والعـيون بكاء


أخـذ الـفـؤاد لِجَـنة ٍ فـيـحـاء


الروح فـيها تـشـتهي لـغـناء


واللـيل فـيها يمـتطيه ضياء


والطير يشدو بالسماء مساء


والزهر يـزهو لونه بصفاء


والعـطر من نسماته قد جاء


فأزال عـنـِّي لـوعة ً وشقاء


أحسـست حيـن لقـيته بعلاء


وكـأنَّ قـلبي لامَسَـتـْهُ سماء


فـعـرفـتـه وجـعـلـته كـدواء


يشفي أنين القلب يمحو الداء


لا إنـَّه لـلعاشـقـيـن .. وجـاء


بـل إنـَّه يـعـلـو كـما هـوَ شاء


فالحبُّ دوما ً سـيـد الأشـياء

ــــــــــــــــــــــــــ


معلش أنا طولت عليكي بس ده مش هييجي ربع اللي هقوله ... لسه القصايد كتير

فكرت في كليتنا المصونه

هل ياتري طول كليتنا الفظيع ده مطلوب عشان يقتل الحب فينا والواحد لما يتخرج يتعامل ببرود مع المرضي .. هل فيه علاقه بين طول الكليه وبرود الدكاتره زي ما بيقولوا؟؟

أجمل سنين العمر بتعدي في الكليه تخيلي .. سبع سنين .. من 17 الي 24 .. يعني السن اللي فيه كل شاب أو شابه لازم يحب ويتحب عشان يبقي زي بقية البشر... مش عارف ايه اللي خلانا ندخل طب

بجد موضوعك شديد جدا وجامد قوي وفي وقته تمام ومس أكيد ناس كتير وخصوصا أطباء المستقبل منهم

بالنسبه بقه لشكل مدونتك .. هو جميل الصراحه بس تقيل شويه وكل شويه يضيع الكومينت وأقعد أكتبه تاني
تخيلي انا انهارده قعدت أكتر من نص ساعه في الكومينت الأولاني وضاع
المهم

أسف لأني طولت عليكي .. لكن موضوعك هو السبب

أنا هاضيف لينك مدونتك عندي ... ده طبعا بعد إذنك ... أنا اعتبرتك وافقتي مبدئيا وحطيته

شكرا ليكي كتير يا دكتوره .. سلامي إلي كل من يحب بصدق

Rain man said...

" مش كده و لا ايه "

الله يرحمك يا فؤاد يامهندس

..

اولا و قبل كل شىء
الاستاذ نـــ : ده رهيب رهيب رهيب
لو ينفع اخد ايميله يبقى كويس الواحد بيعانى من حالة تتنيح لا بأس بها قدام حبيبته ونفسى اتخلص منها
ثانيا
دمك زى العسل و الله العظيم
انا مش بعرف اجامل بطبعى و دى صفة بيشترك فيها كل الشعب المصرى طبعا
ثالثا
السلام عليكم
عشان كنت نسيت اقولها فى اولا
رابعا
همسة فى أذن الاستاذ محمود فرج
" مش ملاخظ ان الكومينت اكتر من البوست نفسه ؟ "
وبعدين سورى يعنى عشت فى الجامعة من 17 الى 24 ليه
دانا 23 و متخرج بقالى سنتين
خامسا
انا سعيد بإكتشافى مدونتك يا اجدع بنوته و هكرر الزيارة اكيد

ابو اعصار said...

شوفي يا دكتور ده مش مشكله بنت واحده على حسب علمي ولا في مصر بس بعد ده مشاكل متكرره في اكتر من دولة عربيه واللي شفتيه ده نموذج واحد منهم الاباء احيانا عقليتهم متحجره لابعد حد عنده نقص لدرجه انه بيحس بكده اما يتحاور مع بنته او حتى ابنه ويتفهم عواطفهم ويحسسهم انه عمره ما مر بام المواضيع ده
بل منهم الي يحسسك انك داخل بيعه لما تخطب بنته ميعرفش انه ده شراكه عمر ولنكن صريحين ده من احد اسباب الوقوع في المشاكل وفي المقابل الكل يرفض ان الاب يترك الباب بحري
شوفوا الوسطية حلوة بجد في كل حاجا مش عاوزين لا تفلت ولا تزمت حتى في الصدقه على الفقراء الوسطيه حلوة
مش انا اللي قلت كده القران قال كده في ايتين وتحياتي لك على موضوعك

mahmoud farag said...

السلام عليكم ورحمة الله

معلش يا د سمسمه استحمليني

أنا داخل أرد وأمشي علي

RAIN MAN

Rain man said...رابعا
همسة فى أذن الاستاذ محمود فرج
" مش ملاخظ ان الكومينت اكتر من البوست نفسه ؟ "
وبعدين سورى يعنى عشت فى الجامعة من 17 الى 24 ليه
دانا 23 و متخرج بقالى سنتين
ــــــــــــــــــــــــــــــــــ

حلو تعليقك عليا
بس انت مخدتش بالك اني بتكلم عن كلية الطب

أنا أولا لم أعش من 17 إلي 24 في الكليه لأنني ببساطه 22 سنه دلوقتي وفي سنه خامسه وده والحمد لله طبيعي في كلية الطب

أنا قلت في كلامي ان الموضوع ده منتشر في كليتنا قوي بحكم طولها واي دكتور خلقه ربنا .. بيقعد من 17 الي 24 في الكليه واللي مخليه باين كده ان بنات طب مش بيتخطبوا بدري كما هو واضح أمامي في عدد زميلاتي اللاتي لم يرتبطن

ده ردي علي همستك

وبالنسبه لطول التعليق .. هو صحيح طويل لو تشوفه من بعيد ولو مقريتهوش كله

معلش يا د سمسمه .. زميل مهنه بقه ولازم نستحمل بعض

تحياتي ليكي

UNIQUE said...

اذا انت لم تعشق ولم تدر مالهوى قم فاعتلف تبنا فانت حمار

مقولة حلوة اوي ههههه

صحيح الحب نازل زي المطر في الجامعة لكن

معظم الحالات دي مش بتعبر عن الحب

الحقيقي قد ما بتعكس الفراغ العاطفي

اللي البنات والولاد عايشينة

ماعلينا .. تسلم ايدك على البوست

الجميل وربنا يستجيب دعائك

خبيب said...

الحب فطرة وطبيعة

وجميل أن يوجد

لكنه بين الولد والبنت قد يشوبه قدر من الغريزة

طبيعي

عشان كده :

"لم ير للمتحابين مثل النكاح" حديث

أجمل بكتير من قعدة الكورنيش

وعشان كده برضه :

"أكثرهن بركة أقلهن مهرا" عشان كل واحد بيحب واحدة

وكل واحدة بتحب واحد

ينجزوا ويتجوزوا

شكرا على البوست العاطفي جدا

:)

لماضة said...

ههههههههههههههههههههه
والله انا مت على نفسى من الضحك
اولا الحوار بنك وبينك صحبتك يا سمسمه تقريبا كنت بسمعه يوميا وانا لحد 4 كليه كده وكنت بعمل زيك بستغرب هى البنات ملهوفه على ايه مهو جايلها جايلها
لما وصلنا لسنه 6 بقى بقينا كلنا بنسمع نفس النشيد الوطنى ده
ههههههههههه
حتى يوم ما نخرج ناكل ايس كريم سوا نقعد ندعى لبعض ولما نشوف اتنين ماشين بياكلوه نتنحلهم نص ساعه كده لحد ما الاس كريم يدلدق على ادينا وبعدين نبص لبعض وفى نفس واحد وانا اللى خارجه مع الاشكال اللى زيكوا
بجد فكرتينى بايام جميله والله
الف مبروك لصحبتك
وعقابلك يا اجدع بنوته واجدع دكتوره

Soooo said...

عارفه .. كلامك جه عالجرح والله
امبارح قاعد عالقهوة مع جماعه صحابي من ايام الكليه
اللي اتجوز ومراته بتقوللو ماتتأخرش عشان نروح مش عارف فين نتفسح
واللي خطب وخطيبته بتأكد عليه انه يجي يتغدا معاهم بكره عشان هي عايزه تخرج مش عارف فين
وانا قاعد لوحدي زي قرد قطع ولا حد عبرني برنه عالموبيل
وفين وفيييييين
لقيت ابويا بيتصل بي بيقولي ما انساش اجيب عيش ولبن وانا راجع


انتي بتتكلمي في نقطه مهمه جدا
بس انتو يابنتي صغننين ولسه قدامكم
انما العالم العواجيز اللي زي حالاتي دول خلاص
ماينفعش معاهم حب وبتاع
ماعدش عندنا مشاعر لحب وغرام ورمانسيه






سلاموووووووز

الراقص مع الذئاب said...

السلام عليكم
علي الرغم أني مش في المود بس اسلوبك جميل اوي يا دكتورة ودمك خفيف
وفتحتي موضوع زي ما يكون متنشن

والله متنشن

ومش هتصدقيني إن من بضعة ساعات انهيت مشروع لخطوبتي ببنت ممتازة بسبب تعنت والدتها الشريرة

منها لله امها بقي


تخديش رقم تلفونها وتديها اللي فيه النصيب؟؟؟؟؟؟؟


كل سنة وانتي طيبة...

دكتور حر said...

منهم لله اللي كانو السبب

بس مش عارف أقول ايه والله
احنا بين خراب المجتمع
وفساد الأذواق
والعادات لعبيطه في السن
والثقافه المستورده اللي قتلت الفطره والعفه

ربنا يسترنا كلنا ويستر بناتنا يا رب

ويوفق كل حبيب لحبيبه
بس الموضوع بس محتاج نيه سليمه من كل واحد وواحده
وربنا بيسهلها والله

مروة الزارع said...

الحب دة احلى حاجة فى الوجود

بيديك دافعة للأمام

من غيرة العيشة مملة

وخنيقة

وبتحس انك احلى واجمل

دايما بقول

انت بالحب اجمل

3ala asm masr said...

بجد الحب ده احلى حاجه فى الدنيا
بس الحب اللى بجد
ابو قلب زى ما بتقول
زى لبن بيتى كده
واسال مجرب
بس المشكله دى بجد ليها اكتر من سبب واكتر من اتجاه مش هتكلم فيهم عشان مطولش عليكى
ربنا يوفق صحبتك ويكرمك ويكرمنا معاكى

! ! ! ! said...

موضوع بالفعل جميل ومشكله بنقابلها كل يوم .......في كليتنا المصونه طبعا غالبا
بس هو ده تمن التميز....دا حسب مالناس بتقول


بس انا كان ليا عتاب بسيط ....أنتي طول البوست مصممه ان في حب برئ ..وحب مش برئ
الحب هو الحب
وأي حاجه تانيه غير الحب اللي أنا عارف ان انتي بتقصديه...... لا يمكن أن يطلق عليه حب من أساسه
ممكن نقول عليه اي كلمه تانيه

أشكرك د/ ياسمين
تقبلي تحياتي

مطرح ما ترسى....دقلها said...

يااما جاب الغراب لامه ههههههههههههه...
يابنتى اصلا مش هيبقى معاه فلوس يجيب ..
لا لامه ولا حتى ليكى..
هههههههههههههههه

احنا بقينا مش عارفين اى حاجة...
نظرية الفوضى..

مش عارفين الصح والغلط..
مش عارفين فيه حب برئ ولا لا ..
هل الاباء يسمحوا بيه ..

ان دماغى ركبت بقى..
ابقى دوريلى بقى على حد اكمل معاه انا كمان

حماده عزو said...

دماغك عاليه واللهى

د/اجدع بنوته said...

ابىىىى

ايون ربنا يخليكى .. وتقفيلى نفس هذاالموقف ياراب

وعن قريب كدهه

د/اجدع بنوته said...

يااااارب ياقطه يرزقنا جميعا

د/اجدع بنوته said...

ماسسك كومينتك زى السكر

وفعلا شكلى هفتح عيادة حبيبه ومتبهدلين ومكتب خاطبه


قول ياارب

د/اجدع بنوته said...

ده انا اقطملك رقبتها يامحمود انت بتقول ايه

ال ايه مدونتى مقصوفة الرقبه تسبب لمحمود باشا مشاكل

الحب سيد الاشياء

مفيش كلام بعد كده

د/اجدع بنوته said...

الاستاذ نــ ده فظيع فظيع فعلا يارين ماان

د/اجدع بنوته said...

لازم نستحمل بعض طبعا يامحمود

المدونه مدونتك

د/اجدع بنوته said...

الفراخ العاطفى

تمام يايونيك

د/اجدع بنوته said...

واحنا بنطالب بكده والله ياخبيب

ياموسهل الكل يتجوززز بقى ونخلص

د/اجدع بنوته said...

لماااضه هو انتى معانا ف حزب

الايس كريم ده

ياختى عؤبالك وعؤبالنا كلنا يارب

د/اجدع بنوته said...

سوو يا سوو ربنا يرزقك يارب ببنت الحلال


اللى تهريك فسح ومصاريف وعزومات وانت تدفففع

ههههههههههههههه

د/اجدع بنوته said...

لا حول ولاقوة الا بالله

ربنا يرزقك ببنت الحلال ويعوضك ان شاء الله ياحظابط


وربنا يهدى والدتها يارب

د/اجدع بنوته said...

والله النيه سليمه وزى الفل يادكتورنا الحر


وشكرا ع المرور

د/اجدع بنوته said...

انت بالحب اجمل

تسلم ايدك يامرووه

د/اجدع بنوته said...

حلو لبن بيتى ده


اصدى حلو الحب البيتى ده ياهنوده

د/اجدع بنوته said...

تميز ايه بس ... كنتى فين يا لا لما قلت انا ااه


اااااااااااااه

انا كنت عماله اكرر حب برىء برىء علشان بس متفهمش غلط

تحياتى

د/اجدع بنوته said...

مش عارفين الصح والغلط..
مش عارفين فيه حب برئ ولا لا ..
هل الاباء يسمحوا بيه

شكرا ع التعقيب المتشائم جدا ياكريمى

د/اجدع بنوته said...

الناس يتغاظوا مايتغاظوا .. ع سنانهم كزوا ولايهزوا

ميرسى ياحماده

دموع القلب said...

انا نفسى بجد احب من قلبى اوى اوى بس انا خايفة من نفسى لان انا اتصدمت قريب من واحد كنت فاكراه بيحبنى لان هو اللى قاللى كده وهو اللى بدا وجه اتقدم عندنا فى البيت وكان كل يوم ولحظة يقولى انه بيحبنى بجد والاخر قاللى انا محبتكيش ومش عارف احبك بعد اربع شهور وكان ملتزم وحافظ القران ووثقت فيه عشان دينه بس هو الاخر طلع ندل اوى وكمان شوفته مع واحدة تانية قدام الكلية بتاعتى وكانت صدمة بالنسبة ليابس بجد ادعولى من قلوبكم انه ربنا يكرمنى بالزوج الصالح عن قريب

mirooo said...

السلام عليكم
تصدقي ان ده نفس شعوري وكان نفسي اقول الكلام ده من زمان بس الاختلاف الوحيد اننا ولد مش بنت تخيلي والمشكلة اللي عندي اننا قادر الان والحمد لله اننا اخطب بس اخطب مين انا شغال بره وعايز لما انزل اجازة ان شاء الله اخطب بس مفيش حد بحبه والاجازة مدتها قليلة وخايف اروح اخطب واحدة من غير حب لان طبعا مش هاكون اتعرفت عليها كفايه قوليلي ايه رايك

Anonymous said...

借錢網 借錢網 借錢網 借錢網 借錢網 借錢網 借錢網 借貸票貼急救網 借貸票貼急救網 借貸票貼急救網 借貸票貼急救網 借貸票貼急救網 借貸票貼急救網 票貼指南 票貼指南 票貼指南 票貼指南 票貼借貸急救網 票貼借貸急救網 票貼借貸急救網 票貼借貸急救網 票貼借貸急救網 票貼借貸急救網 借貸指南 借貸指南 借貸指南 借貸指南 借貸指南 借貸指南 支票貼現 支票貼現 支票貼現 支票貼現 借錢網 借貸票貼急救網 票貼資訊網

Anonymous said...

I like your blog
借錢 借貸 票貼 當舖 當舖 票貼 借款 借貸 借錢 票貼 二胎 週轉 融資 借錢 借貸 票貼 借貸 當舖 票貼 借錢 借款 借錢 借貸 票貼 借貸 借錢 票貼 當舖 借貸 票貼 借錢 借錢 借貸 票貼 貼現 貼現 借貸 票貼 二胎 借錢 借貸 借款 二胎 二胎 借款 借貸 借貸 借錢 當舖 借錢 借貸 票貼

Anonymous said...

طيب لما حد يحب حد وهو مش بيحبو يعمل اية بس هو لحد دلوقتى حاسيس ان الطرف التانى بيحبو اوى قولولى يعمل اية

Anonymous said...

ياريت تيرودوعلية بسرعة