هذا البوســت
لا صحاب الدماغ العالى والفكر العالى
والكعب العالى يمتنعون .. لوووول
مفيش فايده ......
سعد زغلول
لو لم اكن مصريا لوددت ان اكون مصريا .........
مصطفى كامل
وما الحياه الا حلة محشـــــــــــــــــى كبيره .............
اجدع بنوته
فرضيات النظريه ...
المحشى .. جوا الحله .. ف صفوف .. الاقرب منها الى النار والابعد
المحشى .. جوا الحله .. صوابع متخته واخده مساحتها وصوابع مزنوقه
المحشى .. جوا الحله .. مختلط .. البتنجان وورق العنب وفلفل
المحشى .. جوا الحله .. متختخ كان او مزنوق .. هيتاكل
..................................
احنا .. جوا الحياه .. ف طبقات .. الاقرب منا الى النار ..مشقات الحياه
لا صحاب الدماغ العالى والفكر العالى
والكعب العالى يمتنعون .. لوووول
مفيش فايده ......
سعد زغلول
لو لم اكن مصريا لوددت ان اكون مصريا .........
مصطفى كامل
وما الحياه الا حلة محشـــــــــــــــــى كبيره .............
اجدع بنوته
فرضيات النظريه ...
المحشى .. جوا الحله .. ف صفوف .. الاقرب منها الى النار والابعد
المحشى .. جوا الحله .. صوابع متخته واخده مساحتها وصوابع مزنوقه
المحشى .. جوا الحله .. مختلط .. البتنجان وورق العنب وفلفل
المحشى .. جوا الحله .. متختخ كان او مزنوق .. هيتاكل
..................................
احنا .. جوا الحياه .. ف طبقات .. الاقرب منا الى النار ..مشقات الحياه
تلهبه والابعد اليها تكتفى بلسعه
من لا يجد قوت يومه .. ومن لا يملك مايكفى لشراء حلم عمره ف الرفيرا
حتى ينضج الجميع ع نار هاديه .. يحترق منهم م يحترق ..
..................................
احنا .. جوا الحياه .. ف ناس متختخه واخده مساحتها وناس مزنوقه
ناس عارفه تعبر عن رايها .. ومجرد متقول كلمه بتتسمع
وناس بتلالى ف مالطه ومحدش معبر ابوهم ..
حتى يتزنق الجميع .. يختنق منهم م يختنق ..
..................................
احنا .. جوا الحياه .. مختلط .. رجالا او نساء .. سودا او بيض
مصريين او فرنسيين
يختلط الجميع .. ينصهر منهم م ينصهر .. ليصبح مسخا لاحدهم
..................................
احنا .. جوا الحياه .. متختخين كنا او مزنوقين .. بنلالى كنا
او مسموعين .. محروقين كنا او مستويين .. مختلطين كنا او منصهرين
حتى يؤكل الجميع .. ’يهضم منهم م ’يهضم ..
ومن يأكل اليوم .. سيؤكل غدا ..
لانه سيكون صوباع محشى ف حله اكبر ..
ولذلك
وما الحياه الا حلة محشى كبيره ...
سؤال المناقشه ؟؟
انت ورق عنب ولا بتنجان ؟؟ ونوع حلتك ومقاسها ايه
119 comments:
ان بى :: اللى مش هيفهم البوست
ميقلقش
انا هنزله حل ف الجرايد القوميه
قوميتنـا وطنيتنـا حماها الله
ملحوظه :: البوست ملوش اى طابع سياسى
الحياة حلة محشي كبيرة
فيها اللي النار بتلسعه ..وفيها اللى النار بتحرقه
الناس زي المحشي
فيها المتختخ وفيها المزنوق
اممممممم
هو انتي نقلتي الكمبيوتر جوه المطبخ ولا ايه
ايه البوست اللي يجوع ده
عموما هي وجهة نظر معقولة برضه
ولا دي طبخة ناوية تدخلي بها مسابقة محشي الصين العظيم
بس مش بوست زي ده كان المفروض توزعي معاه عصير في الاخر ..علشان بس يتهضم كويس
يا نهار ابيــــــــــــــــــض
نظرية جديدة جدا جدا جدا
لا بجد......تخيلي اول مرة اخد بالي ان انا صابع محشي طويل شوية
لا مش كدة وبس
دة انا من النهاردة هأبحث عن كوني محشي ورق عنب او محشي كوسة او لا مؤاخذة محشي كرنب
انتي مكانك مش هنا....انتي مكانك على كوكب المريخ حيث العلماء
هههههه
تحياتي واحتراماتي
اه والله و ما الحياة الا حلة محشى كبيرة جدا وواسعة جدا و فيها على كل لون
نظرية عبقرية و بوست رائع
تحياتى
:)
حلو اوى الشغل دة
تشبية عالى اوى
انا على كدة محشى بتنجان
وكل اللى حواليا كوسة
انا نفسى مرة ابقى محشى كوسة
دعواتكم معانا
هههههههههههههههه
ده انتي حتة دماااااااغ
هههههههههههههههه
انا حلتي تيفال مقاسها 39 برباط
اما انا بعتبر نفسي محشيايه فلفلايه خضرا و شكلها حلو و لما تاكليها تلاقيها طلعت فلفلايه حراءه
و كبيره و محطوطة فى نصف اللحله
تحتيها صوابع محشي
وفوقيها ما فيهاش حاجه غير غطاء الحلة
هههههههههههههههههههههه
ده انتي حتة دماااااغ
يارب يفهموا البوست
هههههههههههه
مين؟؟؟؟؟؟؟؟؟
صوابع المحشي
ههههههههههههههههه
فين القصه اللى كنت بحب اقراها؟؟؟؟!!!!!
أولا البوست ده طعمه جميل جدا.. لاني انا بحب المحشي جدا جدا جدا..هههههههه
بس الحياة مش بالتشبيه ده.. صحيح كله هيعاني.. لكن لما الفقير البسيط يعاني غير اللي معاه الملايين.. يعني باختصار محشي الكوسة غير محشي ورق العنب..
بس للاسف انا مش بحب محشي الكوسة خالص.. بحب محشي الكرنب..ههههه
تحياتي
تشبيه جميل
بس بيتهيالى فى اصناف ناقصه من انواع المحشى مقابل ليها بعض اصناف الناس؟!!!!
ههههههههه
شكرررررا على الابتسامه ياكتوره
إيه الوجبه الدسمه دي
محشي وبتاع والكالوريز
انا بالنسبالي اموت ف ورق العنب
لأن بإدينا نخليه أد بعضه وبإدينا نخلي فيه صغير وكبير
هيتبقي بس فرق اللي قريب م النار واللي بعيد عنها
وده العادي انو لازم يكون فيه فرق
الناس كده لازم تفرق عن بعضها
بشغلها
بمجهودها
بقدرها بنصيبها بس بتختلف
ده هوه اللي بيفرق ف زنقتها وسماع صوتها
الحله م تحت ضيقه وم فوق واسعه
تحت مزنوقين وفوق لأ
بس عزاءهم ان ف الاخر كله هيطلع
بارادته هيطلع بغير ارادته هيطلعوه
واللي هيتبقي ف الاخر مين هينفع يتاكل لانه استوي ومين هيبأه ناقص سوي
لانه بس اعتمد ع ظروف كونه فوق
ومستريح ونسي ازاي يعرف يستوي
***********************************
ههههههههههههههههههه
ههههههههههههههههههههههههه
مش ممكن
ههههههههههههههههههههههه
بس تعرفى عندك حق
اه والله
الحياه زى حله المحشى بجد
وانا بحب البتنجان عموما يعنى
ووااااااااااااااااااضح انو ملوش اي طابع سياسى
وحشانى واللهى يا ياسمينا
اوىىىىىىىىىىىى
ايه يااخواتى التشبيهات دى جوعتينا ياشيخه وشغلتينا بالمحشى ونسينا الفزوره بتاعتك دى
بس الحل هوا البطيخه هههههههههه
عالعموم انا لابتنجان ولا ورق عنب الاقيش عندك كرنب
انا ورق عنب ولا بتنجان ؟؟ ونوع حلتي ومقاسها ايه
طيب استني كد لما اشوف الكتالوج
ههههههههههههههه
دمتي على عرش الحكمة يا سمسمة
الدنيا حله محشى؟؟
وجه نظر برضه
هو الانسان ايه غير شويه حاجات فوق بعضيهم
والمحشى برضه كده
الانسان ايه غير كوسه واشياء اخرى
والمحشى برضه كده
دا غير ان مأستنا واحده
ومش متحمين فى مصيرنا بنفس الشكل الى بيكونه المحشى فى الحله
ولسه بنلعن فى الى كان السبب اننا نكون جنب النار وابن المحظوظه موجود فوووووووووووق جنب الغطا
بوست هايل بجد ومنتظرين الترجمه
:)
جميل
حلو اوى التشبيه ده البعيد
ولكنه قريب الى الحقيقة
بس ايه يا ترى الفرق بين المحشى بتنجان وورق عنب
فى هذه النظرية
:)
ورق عنب ولا بتنجان
أخرتها عنب وبتنجان يا دكتور
طيب أفهم مقاييس الإختيار طيب
بس عجبنى التشبيه والإسقاط
بس ياترى
إللى قريب من النار هيفضل قريب
وإللى فوق هيفضل فوق
انا بموت فى حلة المحشى اوى
بس ايه الفلسفه الجامدة دى
حتى حلة المحشى هتفلسفوها والله انتى عسل
وربنا يخلى لنا حلل المحشى
ههههههههههههههههههههه
تقبلى مرورى
الباحث عن الحقيقه
الكمبيوتر دلوقت نزلت بيه ع بير السلم
اهو
ههههههه
العصير بقى مع البوست الجاى باذن الله
ايه القراء اللى داخلين ع طمع دول
العريس الجديد
سمير باشا
ده ايه النور ده
بحث موفق باذن الله
وابقى طمنا ع النتيجه
صيدلانيه مطحونه
الله يخليكى
واحد مش فاهم حاجه
ده م بعض ماعندكم
بدانا نعلى معاكم
ولسه اللى جاى
مفروستى
ههههههههههههههه
لا فلفلايه وحرائه
روحى حله تانيه غير اللى انا فيها
فورااااا
السلام عليكم
يارب تكوني بخير
عملتي ايه في امتحاناتك ؟
فكرة حلة الماحشي والبتنجان دي جديدة ماتطلعش غير من تلافيف مخ العبقرية أجدع بنوتة
تحياتي
فى حب مصر
هههههههه
ليه بس ده محشى الكوسه طعمه حلو والله
انا كده قلبتها برنامج .. طبختك مع سمسمه
تلميذه سلمان الفارسى
هو فاضل ايه ممكن يتحشى
ههههههههههه
دكتور بهدوء
برافون عليك
ردك ابلغ رد لحد دلوقت
شكلك هتاخد جايزة الفازوره
سمسم
بالهنا والشفا البتنجان
البوست ليه طابع مطبخى بحت
سمر الشافعى
بطيخه ايه
لا لسه بوست الفواكهه مش هينزل دلوقت
هننزل الاول بالحلو
يونيك
ههههههههههه لا مش الكاتلوج بقى
كتاب فن الطبخ
هههههههههههه
بطوط
هو ف ترجمه بقى بعد ردك ده
شكلك فاهم يابطوط
امام الجيل
الفرق كبير
البتنجان كبير
ومساحته السطحيه اضعاف ورق العنب
ولذلك بيتعرض للنار اكتر
وبتلهلبه اكتر
فرق كبير .. صح
فزلوكه ..
للاسف هيفضل
رئيسة حزب الاحلام
واحنا ورانا حاجه
لازم نتفلسف طبعا
مش بعيد البوست الجاى
نديها اسقاطه عن البانيو ولا حاجه
على صوتك
تلافيف ايه وعبقرية ايه بس
الله يكرمكم
والحمدلله الامتحانات كانت زى الفل
وشكرا ع السؤال
السلام عليكم ورحمة الله وبركاته
تصدقي نظرية برضو
الحي سجليها في الشهر العقاري قبل ما حد يلطشها منك
عن نفسي باحب محشي ورق العنب ويكون فحله تيفال عشان مايلزقش وينزل كده طبقات ن الصوابع المتختخه الغير محروقه ويا حبذا لو كان في قاع الحله طبقه من شرايح البصل والبطاطس والطماطم والجزر زياده في الاحتياط عشان ما يتحرقش
:)))))))))))))))))
و انا من مكانى فى الحلة و من هذا المزنق احب اقولك ابدعتى يا بنوتة
ههههههههههههههههه
يخرب بيت دماغك
والله بوست يجنن:))
انا اكيد ورق عنب
سمباتيك بقى وبتاع
بس مقلس حلتى من الحجم الكبييييييير
بعدد الناس اللى بعذبهم معايا:))
تسلم دماغك والله
يعنى انتى شايفة ان الحياة بتختصر فى حلة محشى صح و الله انتى شبهتى الحياة و معاملة الناس لبعضها فى حياتنا بصوابع المحشى.
بوست حلو اوى بس جوعتينى نفسي فى حلة محشى دلوقتى ههههههههه
"تحياتى"
المشكلة بقى لنك بتخيرينى بين اكتر نوعين محشى بحبهم فعلا فعلا يعنى
(فمش هقدر اختار (طمع وكدة
وبالنسبة لمقاس حلتى فأنا ساعات بشوفها ضيقةا وى اوى
وساعات واااسعة بشكل خياالى
بيس ياقمر
بتوحشناااى بتوحااااشنى
نياهاهاهاهاااااااااااااا
حلو التشبية
يخربيت تشبيهاتك
وناس بتلالى ف مالطه ومحدش معبر ابوهم
ههههههههههههههههههههههههههههه
ههههههههههههههههههههههههههه
ههههههههههههههههههههههههه
هههههههههههههههههههههههههههه
انتي بتتخانقي وانتي بتكتبي
بتكتبي بحرقة جداااااااا
هههههههههههههههههههههههههههه
سؤال المناقشه ؟؟
انت ورق عنب ولا بتنجان ؟؟ ونوع حلتك ومقاسها ايه
بسم الله الرحمن الرحيم
الإجابة تونس
ههههههههههههههههههههه
الإجابة
ممممممممممممممممم
أنا الجوهري ههههههههه ونوع الحلة خرسانة مسلحة ومقاسها 176.5
أضيفي الي معلوماتك
علشان لما نتغدي عندكم
أعشق من المحشي ورق العنب وأحيانا الخس
وأكره بعنف الكرنب والعياذ بالله
نظرا لان الصوباع بيتزحلق ونظرا لرياح الخماسين
لوووووووووووووووووول
هههههههههههههههههههههههههههههه
خالص التحية
كالعادة
دماااااااااااااااااااااااااغ من يومك
رديت عليكي وانا رايح امتحان اهوووووووو
علي الله يتمررررررررر
أهي كلها اجابات
فلسفة على فلسقتك بقى
أنا مش شايف خالص أن أحنا في حلة ولاأن أحنا صوابع محشي وكفتة ولا حاجة من كده خالص
المحشي أحنا اللي بنحطه في الحلل ونديله التخختخة ونزنق عليهم
أما احنا ربنا خلانا كلنا متساويين واحنا اللي بيشتغل فينا ويفكر هو اللي بيوسع لنفسه
عموما أحسن حاجة في البوست ده أن الإنسان يفكر في حاجات كبيرة وهو بيعمل حاجات عادية
إبداع يعني
واتمنى مكنش تقيل عليكي
و سفرة دايمة
الله عليكى وعلى حللك
ايه الدماغ العاليه دى
بس السؤال اللى محيرنى انا انتمى لانهى فئه...الفئه الورق عنبيه ام الفئه البتنجانيه
ام انا مجرد حبة ارز سقطت سهوا
؟؟؟!!!
ايه ده يا بنتي
انا لو منك بجد
متنازلش عن برائة اكتشاف
هوة في حاجه اسمها كده
بصي روحي سجلي النظرية دي في الشهر العقاري
صدقيني الفرضيات مقبولة اوي
ومنطقية
والتعبير جديد
غير موضوع الصابونة والخيارة
خالص تقديري وامتناني
أنا اصلا مش بأحب المحشى أساسا
و بعدين مش مكمن تمشى
و ما الدنيا الإ صنية مكرونة بالباشميل كبيرة ؟؟؟؟؟؟؟
يا دماغك يا جميل
بجد تسلم لفك بس انا بتنجانى انتى عارفه
وبعدين عندك غلطه مطبخيه الورق العنب لوحده والبتنجان لوحده مع الكوسه
وورق الخس والكرنب لوحد برضه مينفعش تخلطى كله بس فى النهايه كله جوه الحله
اى خدمه
مم
نفسى دماغى تكون رايقة كده زيك
اجازة بقى
بس هو فى حاجة فى ناس عايشين بعيد عن النار والزنقة زالزحمة دى
تصوير جميل
ملحوظه :: البوست ملوش اى طابع سياسى
ياراجل
طيب ماشي هنقول كده
بس انا جوعت دلوقتي ايه الحل
انا ماليش في السياسة مش هتكلم بقى
الغاليه خمسه فضفضه
حلقات م البصل والبطاطس والخيار
دى كده قلبت مطبخ رسمى بقى
Sou
طب مقولتلناش .. مكانك فين ف الحله
بلو ويف
مش بالضروره ورق العنب يكون سمباتيك
ههههههههههههههههههههههههههههه
نونى ..
اتفضلى نفطر سوا
ولا انتى مش صايمه
ع العموم اتفضلى وخلاص
بس للاسف مش محشى ..
تونـــــــــــــــــــــــــــــه
دعاء
هههههههههههههههه
هههههههههههههههه
ههههههههههههههه
انتى مفهمتيش اللعبه اصلا
جوهرى ياجوهرى
يارب تكون عملت كويس ف الامتحان
عاشق الدعاء
هههههههههه
ماشى .. شكرا ع فلسفتك
يدوم العز
حطم قيودك
جامده اوى حبة رز سقطت سهوا دى
هههههههههههههههههههه
امجد
ومين قالك انى هتنازل عن البرائه
ده انا هدخل بالنظريه دى التاريخ
جمعاوى شرفت ونورت
لو بتحب المكرونه
خلاص احط نظريه تانيه فورا
ومالدنيا الا صنية مكرونه بالباشميل كبيره
أأأأبى
هههههههههههههههه
حلوه يسلم لفك دى
ابقى خدى بالك بقى .. البوست ع النار
ليشيط ولا حاجه
دارك سكيز
اجازززززززة ايه
صحيح ابو جمل بيحسد ابو معزه
هههههههههه
برنسيس ويثبرر
اتفضلى ياحبيبتى
انا بقى مش هينفع كده
لازم نوزع فعلا محشى ع البوست ده
بسم الله الرحمن الرحيم
الاجابة رقم واحد ( ورق عنب ) , صح ؟
بس بجد يانظريااااااتك , بهنيكى على الاكتشاف التحفة دا جدا , بس باين عليكى بتكرهى المحشى اوى , علشان تشبيهيه تشبيه وحش زى كدة هههههه
ههههههه
فلسفة جامدة اوى
بس نعتبر دة حبا فى المحشى ولا حب للحياة اللى عايشنها اكتر
انا بتنجان اسود
مقاس
m
شكرا
هههههههههههههههههههههههه
اخر روووووووووووقان
تقبلى مرورى
دمتى بخير
يا نهارك الوووووووووان
اية الكلام الكبيير دة
على فكرة انا نوعى حلة ورق عنب
مرصوصة رصة اية واحدة واحدة
فاضية بقى
بجد حلو جداااااااااا
دومتى مبدعة
سيادتك لييييكى تاااااااااج تقبلية منى
هدية لاجدع بنوتة فى الدنياااااا
السلام عليكم ورحمة الله وبركاته
(وما الحياه الا حلة محشى كبيره ))
تصدقى فعلآ
نظرية تستحق
التفكير والنظر
كنت بحس الشعور
ده زماااان ايام
ما كنت بأركب موصلات
مش بس انى صوباع محشى
لألألألألألألألألألألألألألألألألألألأ
كنت بحس انى حلة شوربة
من كتر الفعصة والزنقة كمان
كلاااااااااااااااامك لطيف وجميل
اممممممممممم
مابحيش محشي البتنجان والا ورق العنب
ينفع معاكي محشي كوسة باللحمة المفرومة وحواليه كام قرن فلفل محشي برده وحامي جدا
أصل انا بحب الفلفل الحراء من غيره المحشي مايبقالوش طعم
الحياه حلة محشي كبيرة بس لذيذة
المهم النفس
يعني الرك ع الصوابع
هانعمل الخلطة ونحشيها إزااااااااااااي
سلام عليكم
سلام على الجدعنه اللي متلخصه في بنوته و دكتوره اسمها اجدع بنوته
مساء المحشي وردا على سؤال الحلقه انا ما بحبس البدنجان لذلك اختار ورق العنب ويارب تكون الاجابه صح واكسب الحله ...
بصي ياستي بالنسبه للنطريه المحشيه الجديده فانا اوافقك الرأي في ان هناك ثمة وجه شبه
لكن اختلف معكي ان صوابع المحشي ماهي الا مجرد خلطة رز موضوعه داخل رداء من اوراق العنب او خلافه حسب التوزيع الجغرافي الذي تحدده الست الوالده حسب القانون المعمول به في بيتنا
لكن المحشي لا يملك ارادته ونحن نملكها نحن نستطيع ان نغير الاوضاع داخل حياتنا ان تشبعنا بهذا المعنى وان عشناه حقا وان عملنا عليه لاننا في النهايه بشر لنا عقل ولنا اراده ولنا قدره ولنا مقومات الحياه جميعها وزي ما قال محمود درويش :
ولنا الحاضر هنا والحاضر والمستقبل
ولنا الدنيا هنا
ولنا صوت الحياة الاول
بعد اذنك اروح ادور على حاجه في التلاجه لاني جعت
الشاعر بن هلال
معدتي هترقع من الضحك تشبيه رووووعه وعبقري
انا بفضل النار اللي بتلسع الحلة
تسلمي بس انت جوعتينا
انا رايح اتغدى
دمك شربات و انا معاكى ان الحياة حلة محشى كبيرة جدا
ههههههههه
تحياتى
هههههههه
انتي كنتي جعانة لما كتبتي البوست ده
بقى الحياة دي كلها ... تطلع حلة محشي
عموماً : انا مش عارفة بصراحة انا ايه بالظبط
لو كان في نوع محشي بيتغير كل شوية كنت هختاره
ممكن الأكلة الجاية تمشي معايا
دمتي بخير ياقمر
فعلا هو أخبار الفلفل ايه أصلى بحبه أكتر
بس يا ترى حلة المحشى ده طازة ولا باينة من امبارح :D
تحياتى
اسمحي لي اشارك في البوست ده لأنه فعلا جذاب جدا وريحته طالعه في كل المدونات اللي حولينا واطرح سؤال مهم ومكمل للنظرية المحشي على زفر ولا ارديحي وكمان بالنسبة للكبير اللي كابس على نفسنا ممكن نعتبره محشي ورق جرايد ولا محشي ورق فجل
مع تحياتي
طيب انا جعت دلوقتي
مفروض تدي كا معلق صوباعين ورق عنب
اوروفوار
ما الحياة الا حلة محشى كبيرة
اممممممم
ممكن اكون انا البتنجان لانه اكتر حاجة بحبها فى المحشى بس يا ترى ايه دلالته
يخرب عقلك يا لهوىىىىىىىىىى دة انا فاتنى كتير قوى فى مدونتك الحلوة دى..البوست حلو حلو يعنى وشكلك دمااااااااااااااااااغ..ربنا يحميكى
للعلم بالشىء انا بموت فى ورق العنب تانى حاجه بقى الحله صغننه ؟
وعلى راى شرين مشربتش من نيلها
لا شربت كبايه واحده بس ومش قادر اكمل مع فى ناس عملت مواسير للبيت بتاعها ؟
انا بتجااااااااااااااااااان مخلل
انا اكاد اكون خارج الحلة يبنتى
ايه التشبيه الجامد ده جاى ع المعدة تمام
بجد بوست جامد جدا
تحياتى
ههههههههههههههههههههه
شكلك بتموتى فى الطبيخ
احيكى على هذا البوست الرائع
والمواضيع الاجمل
دمتى بكل ود
ههههههههههههههههههههه
جامد جدا البوست ده
وتشبيه جميل جدا
مدونتك رائعة سعدت ابالمرور
لاء انا بحب ورق العنب
وانتى ايه نظامك فى المحشى؟
هههه والله حلوة النظرية دي فعلاً الحياة زي حلة محشي عملاقة ..كله متلخبط على كله ، ساعات الحلة بتلسع و الطبخة بتبوز ...:) تحياتي
ههههههههه
حلو اوى تعبير الحياة حلة محشى
وبردو الحياة حلة كوسة
شكرا ع البوست الروعة دة
شوفى انا بحب المحشى جدا بجميع انواعه
بس بعد النظريه بتاعتك دى هعيد النظر
يعنى فى كل موقف بيحصل وكل حد اقابله
افضل اقارن بينه وبين موقعه فى حلة المحشى
جميل ياقمر النظريه دى بس انا كده حاسه انك هتجننى قريب من كتر التفكير
محدش واخد منها حاجه هونى على نفسك
ايه الحلاوة اكد يعنى الشعب كله عبارة عن
حلة محشى انا سعيد بزيارتى لمدونتك ومستنى
زيارتك وتعليقك
عجبنى التشبيه اوى .. له فكر مـبتكر ويجمع بين الحياه اليوميه للست في المطبخ وما بين رأيها في احداث المجتمع
لا بجد عجبنى اووى
....
ممممم اما عن انا ايه ...
ممكن بتنجان ... والحله متوسطه
بس تيفال
احساس
بيقولي اني عايش في حلة محشي كوسة
هي الكوسة مش اختياري
ولكن
المهم طريقة العمل
د/ تفتكري ليه حلة محشي كبيرة
مش زي اللمبي ما قال خلاط
ولا حتي كمبيوتر عليه فايروس
بحيكي علي ابداعاتك
بحييكي علي الموضوع اللي فات
وحقولك حاجة
نخلص من الطرق والحكايات والتعليم والزكريات
بأن القناعة
من الاقتناع
والرضا من الرضا
وان من يهده الله فلا مضل له
ومن يضلل فلا هادي له
تناقض الاشياء
......................
هو انا كل لما ادخل هنا هجوع فين جديدك يا دوك
انتي شكلك كنتي جعانة يا ياسمين وانتي بتكتبي الموضوع هههههههه
بس معاكي حق , حلة المحشي مجتمع صغير زي مجتمعنا الكبير بس الفرق بينا ان المحشي بيبقي مرصوص جواها وراضي وساكت لكن الناس مش بتبقي ساكته بتتخانق وتزق بعضها وتموت في بعضها
ياريتنا زي صوابع المحشي.
حمدلله علي سلامتك وحشتيني
بقه انتى زقزوقه طب مش تقولى دا انا عماله ادور على المدونيين الزقازيق ..بس مدونتك حلوه واحلاها واطعمها حلة المحشى دم كتاباتك خفيف ..ربنا يوفقك وتبقى دكتوره شاطره ده عنوان مدونتى شرفينى بالزياره http://ayzaatalawa.blogspot.com
ادعوك لزيارة مدونتى المتواضعة والمساهمه بتعليقاتكم
www.eyuon.blogspot.com
وشكرا
http://awladna-amana.blogspot.com/
تابعوا معنا جديد ... أولادنا أمانة
وشاركوا في نشر المدونة
هى مصر ولدت فسثاغورث جديد ولا ايه؟؟؟؟
قصدى فيثاغورث بس الكيبورد بعافيه شويه
تحيـــــاتى
المصـــــــــرى
مفيش جديد
ههههههههههههه
حلوه اوى النظريه دى انا قمت بصيت فى المرايه واعدت اشبه على نفسى انا شبه البتنجانيه ولا ورقه العنب وفى الاخر ماستقريتش على بر معرفتش لما اجى مصر بقى تبقوا انتو تقلولى
بس على فكره كلام جامد جدااااا وصح جدااااا
نونااااا
ارجو من جميع المدونين زيارة مدونتى للاهميه
حمد اله بالسلامة
اشتة عانظريات اللي بتجري الريق
انا باحب الصباع اللي اكله يكون متختخ شوية و الرز مستوي فيه اوي و ياسلام لو باظظ منه كام رزاية كدة و يكون متغمس في صوص
و بالشفا
بوست جميل جميل اوي
وتشبيهاتك قريبة اوي من الواقع
تحياتي لك على تحليلاتك الرائعة
هاني يس
ممكن اقول ان دى فلسفة جديدة
و هنقدم للعالم الفيلسوفة الصغنتوتة
أجدع بنوتة ..هههههههههه
ايه الدماااغ العالية اوى دى
ممكن اعرف الطاسة معمرة بأيه بالظبط علشان تجيب المستوى ده من علو الدماغ
انا عن نفسى شايف انى الحلة ذات نفسيها
هههههههه..بجد .. لانى شايف انا وزى كتير من الشباب هما الحلة الى بتاخد كل النار وفى الاخر بتفضل حلة و ماحدش بيسأل فيها تحياتى ليكى اوى اوى
بسم الله الرحمن الرحيم
يقوم مجموعه من المدونين وانا من ضمنهم بتكوين رابطه لانقاذ ومساعدة اطفال الشوارع
التفاصيل كلها هنا
http://awraqwasrar.blogspot.com/
يسعدنا انضمامكم
ههههههههههههههههههههههههههههههههههه
عسسسسسسسسسسسسسسسسسسسسسل
انا مش متختخه خاااااااااالص
هههههههههههههههههههههههههه
اذيك ياياسمين وحشاني والله
تعرفي اني كنت التعليق رقم 100
حلو والله رقم جميل
حمد الله علي السلامة
نتشبهيش الحياة بحلة المحشي
حلة المحشي احلي و اطعم بكتير
اما انا ممكن اكون ورق عنب علشان بحبه اولا
و علشانعلش كول ماما بطلعه ناقص سوا
طيب بما ان الحياه حلة محشي
ليه محش اورديكي من غير لحمه
وليه بنستوى على تلج مش نار حاميه
وليه محشي بالذات افرض مش بحبه
وهل انا ملفوف باختياري ام انا مجبر على لفتي
اسئله كثيره تحشي نفسها في الساحه
بس يامين يجاوب
بما انى مالبش تقل على محشى ورق العنب ولا محشى الباذنجان مش هقدر افيدك
ان كنت الاول فاهم انه عن المحشى
>لسه واكله النهارده<
وبعدين لقيت الكلام عن الناس
الصراحة كلام لذيذ ومسبوك
بس بوظ
حلاوة المحشى
وبالمناسبة انا بتنجان
اه نسيت اقول الاول
سلامو عليكو دى اول زيارة وطبعا بازورك واعلق عشان تزوري مدوننتى وتعلقى
وطبعا هاقول ان مدونتك عجبتنى والكلام المكرر دا
سيبك انت
تحياتى
فعلا البوست ملوش اى طابع سياسى ده بيتكلم عن المحشى وطبعا من ضمن المحشى اللى فى الحلة الكوسة ودى أهم صنف من اصناف المحاشى واهو كله بيتحشى
جميل البوست قوى
وبجد الله عليكى
سلام
انا من ایران و عایش بطهران
تفضلی و شوفی مدونتی
khaldun.blogfa.com
انتى فقر بجد ههههههههههه
ايه يا بنتى النظريات الجامدة دى لا بجد ممتازة واللهى عجبتنى فكرة البوست جدا
انتى دايما كده رائعة وكل مرة جديد
ايه البوست المتكلف ده
والله تشبيه جميل ونظرية تستحق التفكير
ياترى احنا ايه بقى؟
والله يا خوفى لنكون الطبقة اللى منها للنار عدل واخرتها تتحرق وتترمى
سلامى ليكى
هههههههههههه انا بتنجان
احييكى بشده
نظريه جميله وواضحه
تحياتى ليكى سومه_87
خليتى نفسى راحت للمحشى واحنا الفجر دلوقتى
لو على نظريتك يبقى الجماعه الهليبه محشى بتنجان وبيكونوا على وش الحله
اما الغلابه بقى فمحشى كرنب وفى قعر الحله
الوسط ممكن يكون محشى ورق عنب
اما القمه على ما اعتقد فبتكون للفلفل عشان ندرته فى الحله وكده
بس فيه مشكله صغيره فى اختراع حدانا اسمه"الكلنس" وهو خليط من بقايا الخلطه الارزيه مع قطع من عروق الكرنب الطازجه المحلاه بقطع شبت وبقدونس مع لتلر ونص .....لالالالالالالالالالا مش بيبسى كولا لا ميه لزوم السوى وكده
دول بقى مين ؟؟؟
نسيت اقول حاجه
انه فى الحله دى وفى الحله دى بالذات
البتنجان كاتم على نفس الكرنب ع الاخر لحد مستوى
لو كنت انا محشي
فساكون بالتاكيد محشي بامية
واقرب الي النار
وليس لي وضع داخل حلة المحشي
بينما هي
بالتأكيد هتكون
محشي فروالة
صباح الدماغ العالية
شكرا لطرافة الموضوع
فعلا لم يسبقك في هذا
اي زعيم بشري او بيطري
بالمناسبة لم اكل محشي منذ 6 سنوات
لظروف السفر
حد ممكن يعملي لي بلييز
ما شاء الله
لقد اصبحنا حلة محشى فى مجتمع الفول والطعمية
بقى هوه ده جزأنا
بقينا محشى
انا لله وانا اليه راجعون
تحياتى اليكى
وتسلمين
ana aro7 we agi ala2i nfs elbost ????
fin gdidk ya hanm???
wa7shani
و بالهنا و الشفا
:)
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم
زيارتكم ةالتعليق ينعنى
عيد فطر سعيد اعاده الله عليكم باليمن والخير والبركة ، وادام سعدكم وحقق احلامكم
زيارتكم والتعليق ينفعنى
Thanks for ones marvelous posting! I seriously enjoyed reading it, you are a great author.
I will be sure to bookmark your blog and definitely will come back down the road.
I want to encourage one to continue your great writing, have a
nice morning!
Look into my web blog: click
Post a Comment