هاشى ماشى ميتا .. وتاجنا م لبانيتا

الصراحه .. عندى تاجيين .. واحد من اختشى الكبيره أبى

.
وواحد من خالو احمد .. وبما ان الرجال قوامون ع النساء

.
اذن .. انا لا مسطول ولابتطوح .. انا جاى اجاوب ومروح

.
هل توافق على حزف خانة الديانة من البطاقة الشخصية ؟

.
سعاد .. انا شربت حشيش ياسعاد .. من تاسع المستحيلات ..

.
حجات فى حياة اى حد فين اساسيات .. م غيره هيبقى كائن هلامى

.
الاسم .. السن .. الجنسيه .. الديانه

.
ما رأيك فى المثليين ؟ هل هى حرية شخصية ؟

هل توافق على الإعتراف بالمثليين ؟ هل لديك أصدقاء من المثليين ؟

.
الصراحه انا بتبنى راى خاص فى الموضوع ده قد يختلف معى الكثيرون .. بل قد يختلف مع الجميع

.
اما انا فاراه حريه شخصيه .. بشرط .. الا يدعو المثلى غيره لذلك .. بمعنى

.
هو مثلى هو حر فى نفسه يولع بجاز ,, لكن ميعملش مدونه ولا يتكلم عن نفسه وعن تجاربه والحجات المقززه

.
دى .. انطباعى الشخصى تجاهم .. بقرف منهم جدا .. لكن كحريه شخصيه .. طالما الملحدين عندهم حريتهم

.
المثليين .. الملحدين .. الزناه .. المدمنين .. كلهم بيضروا نفسهم وبيضروا علاقتهم بربنا

...

فربنا كفيل بيهم .. طالما مش ف ادينا حاجه نعملها للملحدين .. فمنهم هما والمثلين واى حد بيتبنى اتجاه عكس

.
شرع الله .. فمنهم لربنا طبعا

.
لا اوافق تماما على الاعتراف بالمثليين .. هو حر يبقى مثلى بس فى الخفاء مع نفسه .. لكن ميعلنش لده

.
لا ليس لى اصدقاء مثليين الحمدلله .. بس ع الهاى فيف والكلام ده شوفت ناس يونسكشوال وباى سكشوال

.
وفرحانين بنفسهم اوى . ربنا يهديهم.. لووووووووول

.

هل تعتقد بوجود إضطهاد للمسيحين فى مصر ؟

.
خالص خالص خالص .. مفيش اى تفرق بين المسيحين والمسلمين امام قوانين وسياسات الدوله

.
ومفيش فرق بين معاملة المسحين والمسلمين والعكس .. بس طبيعى اى حد لما بيبقى موجود هو

.
مثلا وصاحبه بس ف وسط جروب كبير بيعرفوا بعض او بيجمعهم حاجه مشتركه .. نفسيا وداخليا بيحس ان

.
ف تمييز ف المعامله وان الناس دى بتعامل بعضها احسن ... فده احساس داخلى م جوا اخوانا المسحيين

.
لكن ف اضطهاد .. لا لا لا

.

من هو الشخص الذى تختارة لرئاسة مصر ؟

.
انا .. بعد 20 سنه .. (( احم احم .. اللهم ديمها نعمة التواضع عليا يارب

.

أذا قمت بتأسيس حزب سياسى

..

من هم الأشخاص الذين ستقوم بضمهم فى الحزب ليشاركوك فى حكم مصر حال فوزك فى الإنتخابات ؟

هل توافق على مشاركة كل من : الإخوان المسلمين - الأقباط فى الحكم ؟

.

كل المدونيين .. هيبقوا معانا فى الحزب .. اللى بيكتبوا شعر واللى بيكتبوا ف السياسه والساخرين وغيره
.
وده سر نجاح اى حزب .. واللى ولا حزب لسه وصله . انك حزب بتمثل شعب .. بكل شرايحه بكل طوائفه
.
شغلك مش بس سياسه .. لازم تغطى افراد مجتمع كامل بتفكيرهم ..
.
هنشارك الاخوان والاقباط عادى .. بس مع تغيير ف بعض القوانين ..
.
ويصبح قانون الدوله .. القانون السماوى .. وليس القانون الفرنسى
.
فى رأيك الشخصى .. ما هى أفضل مدونة على بلوجر قمت بزيارتها ؟

.
كتير جدا ماشاء الله بجد .. مدونة بابا عصفور المدينه ومدونة ماما حلم .. طياره ورق

.
مدونة خالو الصباغ ومدونة اجمد عيل مصرى .. ومدونة خيخه ومدونة دوبا ومدونة سوو

.
ومدونة برايد ومدونة ... م الاخر بقى كل الناس اللى انا حطاها ع الشمال دى ..

.
كل مدونه م دول مميزه جدا .. باسلوبها وتفكير صاحبها ومبادئه

..

بيخلونى اقعد افكر مع نفسى كده .. لما البلد مليانه شباب ورجاله وافكار زى الفل كده

.

البلد ليه مبتعلاش بيهم .. بوصل لنتيجه .. انهم اكتفوا بالتعبير عن افكارهم نظرى
.
ولا حد فكر او لقى الفرصه انه يطبقها عملى
.

هل توافقين على الزواج من رجل مطلق ؟
.

اوافق على الزواج من رجل مطلق .. بس لما اكون وصلت سن ال 30 كده وفيما فوق
.
لكن م دلوقت لا ..

.

اذا تزوجت وأنجبت ولدين وبنتين .. أى الأسماء تحب أن تسمى ؟
.
ولدين .. اسر .. ادهم

.
بنتين .. اسيل .. ديما

.

هل تعتقد أن توريث الحكم فى مصر . . سيتم فعلا أم لا ؟

.
اعتقد بنسبة 75% .. حتى لو متورثش رسمى .. وبعد عمر طويل يعنى

.
الشعب هيفضل اللى يعرفه عن اللى ميعرفوش وهيبقى اختياره بايده لصالح التوريث برده

.
وكانك ياابو زيد ماغزيت

.
فى رأيك الشخصى : ماهو أفضل إنجاز لحكومة مبارك ؟ وما هو أسوأ عمل قامت به ؟
.
الصراحه وبامانه انجازات كتير والله ... محطات ميه .. وكبارى .. وسى تى اه ..
.
... اسوأ عمل ع الاطلاق توشكى وعايزنها تبقى خضره .. ولحد دلوقت لشفناها فوشيا حتى
.

وفلوس راحت ف الارض

.....................

تاااج السكره أأبى واللى مألفاه اصلا خالتشى فرنسا

.

دخلت مجلس الشعب من اوسع ابوابه ايه هو رمزك الانتخابى المفضل ؟؟؟؟

.

رمز المشرط .. لسه كده .. بعشق هذا ال 5 سم م المعدن

.

كنت تفضل الدخول مستقل او تتبع حزب معين ؟؟؟؟

.

ع حزب وداد قلبى ياابويا .. اه تبع الحزب الوطنى

.

اذا دخلت مستقل هل توافق على التوقيع للحزب الوطنى بعد نجاحك كمستقل ؟؟؟؟

.

انا كده كده هكون فيه ..الواحد لازم يلعب ف المضمون مش عايزه اقولكم انى اصلا دلوقت فيه

.

ايه اول حاجه هتعملها لنفسك ولاسرتك ؟؟؟؟؟

.

ليا .. هشترى سبتلايزر للعربيه علشان ابويا مش راضى وهطلعله قرار رسمى بختم النسر

.

يالاسبتلايزر يالحبس

.

.. وم باب اولى بقى اجبلى عربيه جديده .. م غير سواق انا اللى هسوق

.
لاسرتى .. هطلعهم يحجوا ع نفقة الدول ... واطلع انا معاهم مرافق

..
لولاااااااااااااااااااااات
.

ايه المشروع اللى ناوى تعمله لاهل دايرتك ؟؟؟؟دون ذكر اسم الدائره ان اردت

.

يالهوى ياجدعان .. ده انا هعمل بزياده وربنا

..

م كتر ماهعمل مش عارفه هعمل ايه اصلا

.
بس الاكيد انى هعمل كتير اوى

.
ازكان م وانا برا المنصب بعمل لمصر

..

اول لما امسك سلطه بقى (( بضم السين )) مش السلطه بتاعة حبيبة قلبى مروه الزارع

.
هروح للناس الاغنياا واجيب منهم دعم للفقرا

..
واروح لكل دكتور واطلب منه يكشف ع 2 مجانا بس يوميا

.
وكل صاحب مصنع ناخد منه مكسب انتاج يوم ف السنه .. ونعمل مشروع خيرى
.
بس الواضح ان كل شغلى مش هيبقى ع الحكومه .. هيبقى اهليه ف اهليه
.
وده اللى انا شيفاه بحكم خبرتى التافهه جدا ف الحياه
.
ان مش هيصلح البلد دى غيرنا .. ومش هيساعد بعض غيرنا
.
الحكومه مش هتعملنا حاجه .. ياسوسن
.

قعدت فى المجلس جنب نائب مميز . من هو النائب ؟؟؟

.

بابا عصفور المدينه

.
وف البنش اللى قدامنا هيكون فيه

.
الصباغ ومحمد دكتور حر .. وورانا البت خيخه واللى مش هتبطل رغى مع دوبا

.
وباذن الله رئيس المجلس اللى هو هيكون اكبر عيل مصرى .. هيطردهم براا

.
والبت لماضه هى اللى هتضرب الجرس ..
.
واببى وقطة الصحراء بدون اى مناسبه هيبقوا ع طول موافقون موافقه
.
اما خمسه فضفضه ومش قادره ع طول هيكونوا معترضين

.

ع ايه مش عارفه ... مروه الزارع بقى هتنام كتير ماهى شيفاها خربانه خربانه

.

قدمت سؤال للحكومه ايه هو السؤال ؟؟؟؟؟

.

هو ليه السى تى اه الكمسرى قاعد ورااا .. ومع ذلك الباب اللى قدام بيفضل مفتوح

.

والناس تطلع منه برده .. يايقفلوه .. يايحطوا كمان كمسرى قدام
.
ممع دعم بشرايط وسى ديهات وتسجيلات
.
وهتبقى حمله ادخل بيها التاريخ والجغرافيا مره واحده ف سابقه

.

استجواب لوزير ؟؟؟ وليه؟؟؟

وزير الماليه .. فلوس مصر بتروح فين .. وليه لحد دلوقت مش عارفين نسدد ديون اللى علينا
.
واقدمله خطه جهنميه بتعديل مسارات اانفاق الدخل القومى
.
لووووووووووووووووووووووولات
.

طلبين احاطه موضوعهم ايه وبقدمهم لمين؟؟؟؟

.
وزير الصحه .. وده هنتدردش سوا بقى م التأمين الصحى لمافيا الادويه

.

لمستشفيات والعلاج اللى ع نفقة الدوله واللذى منه
.
وزير الثقافه .. ثقافة ايه ده والنبى .. شيلاه ياثقافه
.
اوبرا عايده وعايده اوبرا .. حتى معرض الكتاب
.
الكتاب ب 35 جنيه .. ده انا اشترى كيلو لحمه اكله افيد
.
وانزل الكتاب م ع النت وخلاص

.

هل انت مع الخصخصه ؟؟؟؟؟؟

.
مع الخصخصه للمصرين .. بمعنى اخصخص لصالح المصريين
.
ابيع بنك .. اوك اطرح الاسهم كلها للاكتتاب
.
ابيع عمروافندى .. ابيعه للمصريين ماشى .. بس مابعش ولا شبر م ارضى لحد
.
غريب .. ماسلمش القط مفتاح الكرار .. ولا احرص الديب ع الغنم
.

هل انت مع قطع العلاقه مع اسرائيل ؟؟؟؟؟

.
لا .. واه
.
بمعنى لا للتطبيع واستيراد بضائع او تصدير منتجات او غزو افكار
.
اه .. نفضل ع علاقه معاهم دول وطن وشعب زى اى شعب وناس بتدافع عن بلدها
.
ع فكره هما شايفين ان الفلسطينين هما اللى مغتصبين ارضهم برده
.
وان كل اللى بيعملوه هما ده دفاع مشروع عن النفس والوطن
.
فهما شعب زى اى شعب .. الصراحه انا بتعاطف معاهم ف اوقات
.
اتكتب عليهم الحرب برده م 48 .. مش بتعاطف مع قيادات
.
بتعاطف مع شعب .. بيموت منه جرحى وبيتيم منه ناس .. زيهم زى
.
الفلسطينين يعنى

.

هل تؤيد الحرب على العراق ؟؟؟؟؟؟؟؟

.
خالصصصصص ولا اؤيد اى حرب ف الدنيا م اصله
.
حق الحياه حق مشروع وبتهيالى مفيش اقدس منه يعنى
.
فحرام انه يتسلب م ناس ابرياء كده .. وليه يتسلب من اى حد اصلا
.
الا بأمر الله .. يعنى لا حروب ولادم وكفايه اوى كوارث الطبيعه

.
هل تؤيد مرور الامريكان فى القناه ؟؟؟؟؟؟

.
اه بس بعملتنا مش بالدولار ولا اليورو .. بالجنيه المصرى فقط لا غير
.
والله لو اتعملت الحركه ده هتبقى فيها نصره جامده لمصر وهيبقى اممنا القناه
.
مره تانيه

.
بتمرر التاج ده لمين ؟؟؟؟؟؟؟؟

....

3ala asm masr
.

Sooo Ya Sooo

.
UNIQUE

.
اجرى ع الله

.
احلى الاوقات

.
انا موجوده

.
الراقص مع الذئاب

.
العظماء

.
بحبك يامصر

.
بلا اسم علشان افكاره مش ممكن يحتويه اسم

.
بلدك .. يارافت

.
تناديك روحى

.
حكـاوى القهاوى

.
خبيب

.
خمسه فضفضه

.
د/حماس .. راجل صاحب رساله

.
دايخ فى عالم بايخ

.
دكتور حر

.
دمعااتى

.
سلطة مروه الزارع

.
عاشقة الفردوس
.

قصائد مبعثره

.
قطه وافضل م مية اسد ميااو

.
كل يوم فى جديد

.
كلام عربى

.
لحظات زمرده الحنينه

.
لماضة لمضه زى السكر

.
مسجون فى دمعتى

.
مش قادره

.
مطرح ماترسى دقلها

.
مفلس افندى الرايق

.
هبــه

DoBa
.

واحد مش فاهم حاجه

.

اللى جاوب ع واحد منهم

.

يجاوب ع التانى

.

واللى جاوب ع الاتنين

.

الله يسهللللللللللله بقى

.

لكن شوفتوا صورة التاج بتاعى

.

هاشى ماشى ميتا .. وتاجنا م لبانيتا

..

عفوا .. لا اتزوج فتاه انترنتيه ..

عفوا لا اتزوج فتاه .. تعرفت عليها م الانترنت

..
.
عفوا لا اتزوج فتاه .. تكتب ف منتديات ف الانترنت

..
.
عفوا لا اتزوج فتاه تدخل الانترنت .. م اصله

..
.
اللى حصل كالاتى

..
.
عامل فيها معلم ولا عارف يتكلم .. عامل فيها شجيع سيما وهو يادوب كتكوت

..
.
موضوع كبير .. وبيمثل شريحه كبيره جدا

..
.
مابين مؤيد ومعارض

..
.
الشبكه العنكبوتيه اصبحت جزء اساسى م حياتنا .. حاجه منقدرش ننكرها

.
انا واحده م الناس الكمبيوتر والنت عندى اساسى قبل البوتجاز والنجف

..
.
يعنى وصلة النت تيجى قبل العريس .. هههههههه

.
طيب

..
.
واحد وبيحب بنت لدرجة انه عارف انه لو متجوزش البنت دى .. هتبقى حياته بتساوى صفر

.
طب متجوزها يابنى .. انتو بتهرجوا عرفتها م النت .. طب تصبح ع خير

.
واحد تفاجأ ذات مره ان مراته بتكتب ف المنتديات وبتكتب عن ايه .. ف نشر الدعوه الاسلاميه

.
راح مطلقها .. طب تصبح ع خير برده

.
واحد رايح يخطب واحده .. شاف عندهم كمبيوتر .. فسال والدها وانتو عندكم نت ياعمى

..
.
الراجل استغرب م السؤال طبعا .. فقالوا اه يابنى ليه .. قالوا طب فرصه سعيده جدا

.
وخد اهله انكجيه ومشيوا .. طب برده تصبح ع خير

.
يعنى ايه و ليه .. النت بيتشاف م عليه افلام وصور غلط .. معاك جدا

..
.
اللى عايزه تشوف عندها او تى فى .. بعد الساعه 12 .. بتقلب نت .. هععع

.
النت بنات بيكلموا شباب وبيعملوا علاقات

...
.
اللى عايزه تعمل عندها الموبايل واى 10 ارقام جنب بعض وممكن نتعرف عادى

.
بلاش موبايل .. خليها تلفون بيت .. ميناتل كمان والكارت ب 10 جنيه بيديك ساعه تعارف .. يابلاش

.
سيبك م ده كله

..
.
يبقى انت الصح بقى .. انك تقول ايه
.
عفوا لا اتزوج فتاه .. تدخل النت .. تشاهد التلفاز ..

تمتلك موبايل نوكيا او سامسونج موتورلا خارج المنافسه ..

.
مع اقرار شخصى تحت امضاء اتنين موظفين راتبهم يتجاوز ال 140 جنيه .. بانها لم تتحدث قط ف اى كابينة

.
اتصالات .. مع توقيع الكشف الطبى .. بانها لم تخلع ولا سنه

..
.
اه طبعا لازم تتطمن ع البضاعه .. اوعى يخموووك .. وبعد الفحص والتمحيص

.
تكتب الكتاب .. وتركبلها النمر

..
.
ومتنساش تبقى تغيرلها زيت وفلتر وتشييك ع تيلل الفرامل .. وهذا م فضل ربى

.
بجد ناس تفكيرها غريب .. وطريقة حكمهم ع غيرهم اغرب

..
.
وداله تماما ع سطحية شخصيتهم

..
.
منكرش فضل النت عليا .. ف تعميق شخصيتى .. تثقيفى ف مجالات كتير

..
.
عملت م عليه صداقات افديهم بروحى

..
.
وم الاخر بقى التربيه والاخلاق والدين هى اللى بتحكم البنت وتصرفاتها .. مش بتدخل نت ولا بتاكل جبنه رومى

.
لو البنت م جواها عايزه تعمل حاجه غلط .. الله ف سماه .. هتعمل لو ف وسط صحرا

.
ولو البنت ايه ون .. خلوقه ومؤدبه .. لو ف وسط مغريات الدنيا كلها .. مهيتحرك ليها رمش حتى

.
.. دور ع الدين والاخلاق والتربيه والاصل .. مش تسيب الاساسيات وتشبط ف الفرعيات ياشبطه

.
وعارفين عارفين بقى ...

.

انا فتاه تدخل الانترنت وفخوره جدا بكده وتكتب ف منتديات ف الانترنت .. وليا كمان مدونه ع النت

.
ولديها موبايل وتشاهد التلفاز بس معندهاش او تى فى .. هعع .. وتعشق كونان وميكى وبكااار ..

.
وان شالله تولع ..

.
واقبل ان اتزوج شاب تعرفت عليه من الانترنت ويكتب ف منتديات فى الانترنت ويدخل شات

.
وبيلعب ميدل اوف هونر ولديه حساب ع الفيس بووك كمان .. بس يكون شخصيه وتفكير وثقافه وعقل يحترمنى

.
ويحترم تفكيرى ..

.
هذا للعلم ولاتخاذ اللازم .. لووووووووووووولات

.
وسعوا تفكيركم بقى .. طول منتوا قافشين ف تفاهات كده .. طول مااحنا هنفضل تحت

.
خلونا نعلى بقى ونوصل ... دينا واخلاقنا معانا .. يبقى اكيد هنبقى ف السليم

.
وان شالله ماحد اتجوز هههههههه

عايزه اخلعه .. علشان بيشرب شاى

النهارده .. قريت خبر قتلنى م التفاهه

سلاموو عليكم الاول

زوجه تخلع زوجها بسبب وجبة كباب

أحالت المحكمة العامة بمكة المكرمة دعوى زوجة طالبت بالخلع إلى لجنة إصلاح البين

التي عجزت عن الآصلأح بينهما لتقترح التفريق بينهما على أن تعيد الزوجة نصف المهر .

كانت الزوجة قد دعت صديقاتها لتناول وجبة عشاء حيث طلبت من زوجها إحضار ثلاثة كيلو كباب

إلا أن الزوج احضر اثنين فقط .. وبعدما قدمت الزوجة الطعام لضيفاتها اكتشفت انه ليس كافيا

وشعرت بأن زوجها أوقعها في حرج بالغ. وتركت الزوجة على الفور زوجها وذهبت إلى بيت أهلها

ولم تفلح محاولات الزوج لإعادتها بعد اتهامها إياه بالبخل حيث تقدمت بطلب الخلع إلى المحكمة العامة

هع .. هعتين .. تلات هعااات .. مين هناااااااك

.

ده انا ع كده باذن الله .. ابو العيال يوم ميعطس واسمعله صوت

.

اطلب الخلع ع طول .. لا ولا مش ناقص ادخل الاقيه بياكل قدامىى

.

مطلع معلقه وبياكل .. اياااى .. ع بيت ابويا ع طول

.

ومش ناقص بقى غير انه يدخل التواليت زى بقية خلق الله

.

ده هيبقى بيستعبط اوى ... ولا ولا يكون بيلبس شبشب بصباع

.

او بيحب المسقعه ... ده يبقى اتجنن رسمى

.

تحبى تخلعى جوزك ليه يامدام ؟؟

بيحط برفيوم دااارك ماان وانا مبحبش ريحته ياسعادة القاضى

.

انشالله عنه مااحط ولا يحط كالونيه ست خمسات حتى

.

يالهوى ياجدعان وصلت تفاهة زوجه انها تخلع جوزها علشان جبلها

.

اتنين كيلو كباب بدل تلاته ... ياستى المحل شطب

.

انا افتكر زمان .. لما كان يرجع واحد لمراته يقولها

.

اخ نسيت اجبلك الخضار ونسيت ونسيت ونسيت ونسيت

.

وضيعت المرتب وعملت حادثه بالعربيه وفصلونى م الشغل

ولازم نعزل م هنا وهنقعد ف الشارع واحتمال اطلقك قريب

.

ترد هى عليه وبكل برائه .. المهم صحتك بالدنيا يااخويا

.

دلوقت لا صحه ولا بتاع

..

حبيبتى سورى جبتلك جلاكسى فلوتس .. بدل جلاكسى اللى بالبندق

.

طلقنى ياحبيبى

..

ياعينى ع قداسة الحياه الزوجيه

..

كان زمان الراجل يمسك مراته يعلقها ف عمود النور ولا حد يقوله هو ف ايه

.

.. قولنا ماشى معاكم حق حرام العنف ضد المراه

.

دلوقت بقت الستات هى اللى بتضرب اجوازها وبالشبشب وعهد الله وطلعوا فتوه انه حلال

.

كان زمان الراجل يهدد الست كل شويه بالطلاق

.

قولنا ماشى تاخد هى كمان حق الخلع علشان لو مطلع سيئتها تاخد حريتها منه

.

لكن تتخلع علشان جوزها بيمضغ ع الناحيه الشمال وهى بتمضغ ع الناحيه اليمين

.

هل كل مابنبعد عن شرع ربنا ياجماعه كل مابينهار المجتمع

.

التكنولوجيا ليها اضرارها

.

هتقعد ع كمبيوتر وتكلم عمك اللى ف غانا وخالتك اللى ف زمبابويا

.

بس ف نفس الوقت هيجلك استجمتزم (( نوع جديد م جلاكسى بالرومان

..

هل ع هذا الميزان نقدر نوزن .. قضيتنا النهارده

.

كل مابعدنا عن شرع ربنا كل ماانهار المجتمع

.

ربنا قال الراجل اللى يطلق .. عملنا الخلع .. ادى احنا شايفين

.

الشرع قال الراجل مأذون وقاضى وحاكم .. دلوقت بقى ف ست قاضيه ومأذونه وحاكمه

.

فعلا .. ربنا خلق الكون والبشريه .. وادانا كاتلووجه

.

شرع الله

..

عايزين بقى يطوروا ف الكتالووج .. يستحملواا بقى

.

الرامات هتضرب

..

والبروسيسور هيلم هدومه ويروح عند امه

.

علشان المزر بورد .. ظبطه .. متلبسا ...بيــ

.

يلا ان الله حليم ستار

.

وملحوظه لاى راجل .. قبل متكتبلها القايمه يابنى

.

تكتبلك هى قايمه بالافعال اللى ممكن تخلعك عليها

.

علشان تضمنلك مستقبلك برده

.

مش بعد متاخدك فورد ترميك فيات 124

.

وياستات .. بطلوااا تفاهه بقىىى

.

بدل متخلعيه علشان بيشرب شاى .. احبسيه ف اوضة الفيران

.

وخليه يشربه هناك براحته

.

القاكم عما قريب