اضراب يوم 4/5 .. ويوم 2/5 ..
ويوم نتيجة الثانويه العامه لو الناس معجبتهمش درجات عيالهم
ويوم التنسيق لو طب بشرى خدت م 98% ... ويوم ما اللبن يزيد ربع جنيه ....
شعب .. عرف نقطة ضعف النظام .. وازاى يلوى دراعهم
زى الواد سحلب لما عرف مدخل ابوووه .. لو مجبتليش عربيه والله ماامزاكر
لو مزودتش مصروفى .. والله مامزاكر ...
لو مطلعتنيش الرحله .. والله مامزاكر ..
طب انت لو ابو سحلب هتعمل ايه ..
هتقله اخبط دماغك ف الحيط بقى ..
وهو ده بالظبط اللى هيحصل لو الشعب ساق كتير ف لعبة الاضراب ده
والله لو مااكلتوناش هنضرب والله لو مشربتناش هنضرب
ويوم التنسيق لو طب بشرى خدت م 98% ... ويوم ما اللبن يزيد ربع جنيه ....
شعب .. عرف نقطة ضعف النظام .. وازاى يلوى دراعهم
زى الواد سحلب لما عرف مدخل ابوووه .. لو مجبتليش عربيه والله ماامزاكر
لو مزودتش مصروفى .. والله مامزاكر ...
لو مطلعتنيش الرحله .. والله مامزاكر ..
طب انت لو ابو سحلب هتعمل ايه ..
هتقله اخبط دماغك ف الحيط بقى ..
وهو ده بالظبط اللى هيحصل لو الشعب ساق كتير ف لعبة الاضراب ده
والله لو مااكلتوناش هنضرب والله لو مشربتناش هنضرب
والله لو منضفتلناش التواليت هنضرب
طب واخرتها
اضربوا دماغكم ف الحيط ...
وادى اول اثبات ع اتقان الشعب لحرية التعبير والرأى واسهال الاضراب اللى جاى
مليوووووووون حاجه ممكن تتعمل تعبيرا .. عن غضبنا
فكره واحد مبدع الصراحه .. نكتب ع كل جنيه ف جيوبنا
اللى لسه ف جيبه جنيه يعنى .. كلمة لااا .. جعانين
كل واحد يعلق ف بلكونته .. رايه بيضا مكتوب عليها جعان ..
حجات زى كده مثلا ..
لكن اضرب يوم واوقف حركة الانتاج واعطل بلد بحالها
طب محدش منكم فكر .. تانى يوم هناكل ازاى ....
اليوم ده ..
الف مصنع بيطلع الف منتج غذائى
الف مؤسسه حكوميه .. بتخلص الف حاجه خدميه لمواطن زى وزيك
الف مستشفى بتعالج الف مريض
الف عسكرى واقف ع الحدود بيحمى الف كليومتر م بلدك
يوم .. تصاب بلد كلها بالشلل ..
فكره جيده .. وخطوه كويسه م شعب بدا يقول انا اهو ومضايق وهعبر عن غضبى
اضراب طائفه م طوائف المجتمع ماشى
لكن يوم .. يضرب فيه الشعب كله ...
ده عتاولة الحريه والسياسه برااا ... محدش فيهم عملها
اه صح .. م زمان وانا نفسى يكون لينا ريادة عالميا
اول شعب يعلن العصيان التام .. وندخل التاريخ هييييييييييه
.... اعبر عن غضبى .. لكن مضرش مصلحة بلدى .. مضرش اقتصاد بلدى
اوك هو مضروب خلقه .. بس متجيش منى ....
وده ببساطه كان رأيى ف فكرة الاضراب الجماعيه .. ومرحبا جدا بكل الاراء المضاده
اضراب جماعى .. يعنى اقاطع منتج بلدى واقاطع مصلحة بلدى واللى هى مصلحتى انا شخصيا
لا .. انا مع مصر ... مش ضد مصر ..
ولذلك .. انا مش مضربه
طب واخرتها
اضربوا دماغكم ف الحيط ...
وادى اول اثبات ع اتقان الشعب لحرية التعبير والرأى واسهال الاضراب اللى جاى
مليوووووووون حاجه ممكن تتعمل تعبيرا .. عن غضبنا
فكره واحد مبدع الصراحه .. نكتب ع كل جنيه ف جيوبنا
اللى لسه ف جيبه جنيه يعنى .. كلمة لااا .. جعانين
كل واحد يعلق ف بلكونته .. رايه بيضا مكتوب عليها جعان ..
حجات زى كده مثلا ..
لكن اضرب يوم واوقف حركة الانتاج واعطل بلد بحالها
طب محدش منكم فكر .. تانى يوم هناكل ازاى ....
اليوم ده ..
الف مصنع بيطلع الف منتج غذائى
الف مؤسسه حكوميه .. بتخلص الف حاجه خدميه لمواطن زى وزيك
الف مستشفى بتعالج الف مريض
الف عسكرى واقف ع الحدود بيحمى الف كليومتر م بلدك
يوم .. تصاب بلد كلها بالشلل ..
فكره جيده .. وخطوه كويسه م شعب بدا يقول انا اهو ومضايق وهعبر عن غضبى
اضراب طائفه م طوائف المجتمع ماشى
لكن يوم .. يضرب فيه الشعب كله ...
ده عتاولة الحريه والسياسه برااا ... محدش فيهم عملها
اه صح .. م زمان وانا نفسى يكون لينا ريادة عالميا
اول شعب يعلن العصيان التام .. وندخل التاريخ هييييييييييه
.... اعبر عن غضبى .. لكن مضرش مصلحة بلدى .. مضرش اقتصاد بلدى
اوك هو مضروب خلقه .. بس متجيش منى ....
وده ببساطه كان رأيى ف فكرة الاضراب الجماعيه .. ومرحبا جدا بكل الاراء المضاده
اضراب جماعى .. يعنى اقاطع منتج بلدى واقاطع مصلحة بلدى واللى هى مصلحتى انا شخصيا
لا .. انا مع مصر ... مش ضد مصر ..
ولذلك .. انا مش مضربه
..
بتضرب بس ,, لوووووووول
بتضرب بس ,, لوووووووول
31 comments:
فكرة حلوة والله كل منزعل من حاجة بدل منواجها نعمل إظراب أصل أحنا عايشين في نيويورك
أصلا الشعب ده أغلبه فاضي مش وراه حاجة يعملها يوم يدنه واقف قدام فرن العيش يجيب عيش
واليوم التاني يعمل إضراب مهي موضة وخلاص وهي إجازة
واليوم اللي بعده يقلب من الشغل بدري بدري
المشكلة ان كله بيعمل إضراب في نفس وقت وكله عايز كادر خاص ولو اتوافق لواحد التاني بقول وانا
اسبب في المشكلة ديه كلها ان أحنا معندناش مؤسسة لإعداد القادة
فلو كان فيه كفائات لتضع خطة لقيادة البلد ويتم انتخابها لتمسك الحكم على اساس انها تنفذ اللي قالت عليه هتتحل كل المشاكل
لاكن في النتخابات الاخيرة محدش حط خطة غير الحزب الوطني ده غير ان أغلبية الشعب مرحش الانتخابات
واللي راح وانا منهم ملقتش قدامي غير اني انتخب الوطني لانه الوحيد اللي لامم كفاأات البلد
طبعا انا مش مع الانتاج
يوقف ولا دنيا تتخرب
بس يا سمسمه الحكومه بتاعتنا اتحركت لما شافت الناس زهقت تفتكري هي مش باديها تحل من غير بهدله ما اظنش خطوط اللعبه فى اديهم يا سمسمه
ربنا يكرمك
قال الله سبحانه وتعالى (ولو كنت فظا غليظ القلب لانفضوا من حولك )
المشكله إن الدعوه لا يمكن أن تنفصل عن شخص صاحبها , يعني مينفعش أكون غوغائي وفوضوي وصاحب ثقافة تفرقه وزرع للإحباط وأطلب من الناس انهم يتبعوني ويلتفوا حولي , في كل الدنيا هناك طريقين للمعارضه إنك تقعد تقول غلط غلط أو تحاول تبصر الناس وتعمل الصح وأصحاب الدعوه للإضراب دي بيستسهلوا وبيختاروا
الإختيار الأول
تحياتي لكل من يحب مصر
واكثر لمن يحبها بشكل صحيح
تحياتي لك أجدع بنوته
اولا والله يا ياسمين الاضراب لو على حاجه فارغه يبقى بلاش منه لكن ده عشان مصلحتك ومصلحتى
لكنكم لو فعلا لقيه رغيف عيش يبقى بلاهه اضراب
السلام عليكم يا احلى دكتورة صغنتوتة
انا برضه بحب بلدي مهما حصل وبخاف عليها اوي وشايفة زي ما انتي شايفة كل اللي انتي شايفاه
طبعا احنا لازم نبقى ايجابيين وناخد خطوة صح ومدروسة نقول بيها احنا تعابانين وجعانين بس منن غير ما نتبهدل ولا نبهدل بلدنا
وانا شايفة ان اللي عمله اتحاد نقابات عمال مصر دة صح مية في المية اضرب بطريقة حضارية ومحترمة بعد الاضراب بتاع 6 ابريل بيومين
وعاملين مجموعة من الطلبات بيقدمها الراس الكبيرة بتاعهم ووعدوا انهم اذا اتنفذت طلباتهم هيعوضووا كل دقيقة اضربوا فيها ووقفوا العمل بيتهيالي دة اضراب بطريقة حضارية ومن غير بهدلة ودة برضه عمله عمال مصنع السنة الللي فاتت وفعلا بعد ما طلباتهم اتنفذت عوضوا الوقت اللي وقف فيه العمل
ياريت يبقى ااضراب بطريقة حضارية وعن طريق النقابات مثلا ومن غير بهدلة انما نوقف البلد واذا ما نففذتوش هنكسر معلش دة يبقى شعب بلطجي وبرضه هيصلح اللي كسره من ضرايبه ويبقى يستاههل
تحياتي
السلام عليكم
دكتورة بجد يا دكتورة
هو دا اللي كنت عاوز اقوله
محدش خسران غيرنا احنا
سلمت يمينك...والا انتي بتكتبي بالشمال؟؟
جزاك الله خيرا علي الرؤية الموضوعية الجميلة العاقلة الراسية
يا دكتور الإضراب تعبير عن غضب
ومظنش إنو على كل حاجة الشعب هيضرب
ودليل على كدا ‘نو استنى الفترة دى كلها على ما ثار
فكرة إنو يقول لأ بقت موجودة عنده ودا فى حد ذاته مهم جدا
أما حكاية ضرب الدماغ فى الحيط
فالحكومة عمرها ماهتقدر تقول كدا
لإن الموضوع أكبر من عربية ومذاكرة
ومعاكى فى وسائل التعبير التانية
ومعاكى برضوا إن الإضرابات لازم تكون مقننة
عموما حتى لو الاضراب مجابشى فايده
لكن برضه الحكومه حست ان فى شعب عايش على ارض مصر
هما كانوا من كتر خنوع الشعب نسيوا اصلا ان فى شعب
والحكايه مش هتوصل للاضرابات الكتير دى على الفاضى والمليان
لا طبعا انا مش معاكى خالص وشايف انك بتفكرى بطريقة بتاعت دول زى ما بتقولى عندهم حكومة بتدور على مصلحة شعبها مش منفضاله
وبعدين ياست الكل مصلحة اية اللى هتقف لما العمل يقف يوم ولا اسبوع حتى وهو اصلا فى انتاج بجد عندنا اذا كان الناس بتاكل من صناديق الزبالة يبقى انتاج اية وبتاع اية بس سيبك من الكلام بتاع المصلحة العامة والحاجات دى بتاعت الحزب لان دى مش حقيقة لو هما خايفين عالمصلحة العامة ماكنش ده كله حصل ولو انتى شايفه ان الشعب خرب يبقى انتى غلطانه لان الشعب مش هو اللى خرب وكلنا عارفين ده وبعدين فين الحل الاخر للمشكلة عشان يتحقق مطالب الشعب ده اللى حقه متاكل
ولا هتقوليلى القنوات الشرعية زيهم اللى هى لا مؤاخذة القنوات دى
المشكله مش في الاضراب المشكله ازاي نضرب
عندك حق أضربنا مرة ... كفاية
مش كل مرة تسلم الجرة
تحياتي
طيب والكادر محدش ناوى يضرب علشانه ولا ايه ؟؟؟؟؟؟؟
انا متفق معاكى فى إن احنا منعطلش اقتصاد بلدنا ونوقفه خالص بالطريقة دى لكن اختلف معاكى إن هى دى الطريقة الوحيدة اللى توضح للحكومة إن الشعب خلاص جاب آخره ومش مستحمل أى حاجة تانية. ده بغض النظر عن اللى حصل فى المحلة من تخريب وخلافه طبعا ده أسلوب مش حضارى لأن اللى بيكسروه ده مال ناس زيهم بالظبط
بس كويسة فكرة الرايات البيضاء وفكرة الجنيه دى
تحياتى
تحياتي لفكرك وجرأتك في تقديمه يا دكتورتنا
----
س : هل يستطيع أحد أن يكره شخصا على العمل إذا لم يحصل على أجره ؟
ج : لا يستطيع ، وإلا عُد ذلك من قبيل السخرة
س : هل يستطيع أحد إكراه شخص على شراء بضائع قل وزنها وغلا ثمنها ؟ أو على استخدام وسائل المواصلات أو حتى النزول من منزله ؟
ج : لا أحسبه يملك الحق في فعل ذلك
س : هل هذه الأفعال تسمى إضرابا ؟
ج : في تصوري ، نعم
س : هل تقتصر هذه الحقوق على طائفة معينة ؟
ج : لا ، وإنما يُستثنى منها أوقات الأزمات ، فلا يصح لطبيب الطوارئ مثلا أن يُضرب مضحيا بحياة مريضه ، وهو إنما يفعل ذلك بدافع تجاه ربه ودينه والتزاما تجاه وطنه فحسب لا أكثر
س : فما بال المظاهرات والاعتصامات وغيرها ؟
ج : الشرط هنا ألا يطال الأمر أموال الناس أو أرواحهم أو يتحول إلى فوضى تضر بالمجتمع
هذه وسائل احتجاج وتعبير عن الرأي ، وهذا أمر مباح
فإن تحولت إلى وسائل فوضى وتخريب ، فهذا أمر مُحرم
س : يعني .. هات م الآخر
ج : آآآه ، قلبنا ، طيب :
أؤمن أن كل وسيلة سلمية للتعبير عن الاحتجاج - ما لم تتجاوز ذلك إلى تخريب مادي - تعد حقا مشروعا ، ولكن لكي يتحقق ذلك لا بد أن تضمن أن الفئة التي ستنفذه ستلتزم بهذا ولن يتحول الأمر إلى فوضى لا هدف من ورائها
وهذا لا يعدو أن يكون رأيي
-----
بالمناسبة
"لكن يوم .. يضرب فيه الشعب كله ...
ده عتاولة الحريه والسياسه برااا ... محدش فيهم عملها"
غاندي عمل كده بشكل مختلف مع الاحتلال الانجليزي ، وأسقطه
ومارتن لوثر كنج عمل كده عشان يحصل على حقوق السود
والسودان أسقطت نظامها العسكري الحاكم في الستينات بدون طلقة رصاص واحدة
-----
دي فتوى قرأتها على موقع ، والله أعلم بصحتها
جزء من حوار لجريدة العربي الناصري مع الدكتور نصر فريد واصل مفتي مصر الأسبق
"=قياساً علي ما قلتم فضيلتكم هل يمكننا القول بأن التظاهر والعصيان المدني ضد الحاكم المستبد يصل إلي حكم الواجب علي المسلم؟
- بالتأكيد ...ولدينا قاعدة شرعية تقول لا ضرر ولا ضرار وهناك قاعدة أخري تقول ارتكاب أخف الضررين واجب أي إذا كان ترك الأمور وسلبيته وعدم قدرته علي تغير الأمر فعلي الإنسان أن يأخذ بالأساليب ما يغير الأمر ومنها الأخذ بالأمور السلمية مثل المظاهرات والاعتصام وغيره فإذا كان هذا الفعل يؤدي إلي رفع ضرر أعم وأعظم للأمة وبه مصلحة أكبر للناس فهنا التظاهر والاعتصام واجب علي ه أو جائز أو حتى مشروع له .
=يصل إلي درجة الواجب فضيلتك ؟
- نعم يصل إلي حد الوجوب."
الموقع :
http://www.almesryoon.com/ShowDetails.asp?NewID=25053&Page=11
لا
الاضراب المرادي مش هايبقى يوم واحد
ومش هايبقى محدد لفتره
هايبقى اضراب لحد ما يسقط النظام
لحد ما تتلخلخ قواعد الحكومه والرئاسه
وتنزع جذور الظلم من قواعدها
الاضراب هايبقى عصيان مدني عام وشامل
قطيعة تقطع السياسة وسننها
أكتر حاجة بكرها في مصر لما أسمع حوار سياسي
فلو قلت ليتاع الأخوان انا مش عجبني رأيك يقولي انت مش بتحب الدين والرسول
وممكن يطلعني كافر ويقيم عليا الحد وممكن لما يمسكوا البلد وده بعدهم يقولوا ان في زمن الخلفاء الراشدين مكنش فيه انتخابات والمفروض نعمل ذي السعودية
ولما اناقش واحد وطني يقولي الأرقام بتقول وطبعا انا مش بفهم حاجة في الارقام ديه وممكن يطلعني غبي
ولما اناقش واحد معارضة احس انه مش فاهم حاجة خالص ويقولي كفاية بقا
عشان كده قررت منقش اي واحد في السياسة الى عن طريق النت وهو مش عارفني ؟؟؟
خصوصا ان مفيش حد فاهم حاجة وكله بيدور على مصلحته وطظ في مصر
فكرة جميلة كالعادة
المثل بيقول الشيء اللي يزيد عن حده بينقلب لضده، وكتر الاضراب هيخلي حياة الناس أصعب، والحكومة مش هتتأثر بحاجة لانها ناوية تبيع اللي فاضل في البلد علشان تغطي عجز الميزانية بتاعة السنة الجاية.
أنا كتبت موضوع هيتنشر الاسبوع ده عن ازمة الغذاء والاستقرار في المنطقة، ولقيت ان المشكلة مش بس في مصر بالعكس انتي تلاقي العالم كله فجأة بقى عنده مجاعات، الهند وقفت تصدير الرز، والمكسيسك شهدت اعتصامات الخبز، واضطرابات حصلت في دول افريقية، بس طبعا المشكلة كانت اكبر في مصر لان مستوى المعيشة اساسا كان منخفض، وبالتالي لما نيجي نعمل اضراب يبقى هنقلل الانتاج ونزود المعاناة والعجز.
ساعات كتير بكون مقتنع ان المشكلة فينا احنا المصريين، نادر جدا دلوقت تلاقي واحد بيعمل شغله بضمير، لغايو ما بقينا اكتر الدول تخلفا في المنطقة، احنا عندنا ازمة ضمير مش ازمة خبز ولا معيشة.
انا مش مقتنع بفكرة الاضراب رغم انه حق دستوري، وما شاركتش في الاضراب اللي فات، ولا اللي جاي، لاني بصراحة مش في البلد، وحتى لو كنت فيها مش هشارك.
لو عايزين نعمل حاجة ايجابية منستاش الحكومة توزع العيش علينا، نتحرك.. نفكر في حلول.. الحكومة عاجزة.. هل نبقى احنا كمان عاجزين.. لا
السيدة د/ أجدع بنوتة
قلت صدقاً لا فض فوك. وأؤيد التوازن الذي طرحتيه في أنه قد يقوم البعض دون الكل بالإضراب حتى لا يضر ذلك بمصلحة الوطن، فالإنتقام من الأفراد يجب ألا يعم به البلاء عل الأمة بأسرها.
وكما قلت في مقالتنا السابقة بعنوان "لماذا؟"
http://kawlansadida.blogspot.com/2008/04/blog-post_07.html
أنه قد تم التغرير بمن رصدناهم وسخرناهم وقلنا أنهم هم من سينصرون دين الله ورسوله صلى الله عليه وسلم -ألا وهم أبناؤنا الطلاب- وكان مصيرهم من جراء تلك الأفعال أن ذاقوا غياهب ظلمات العتقلات وضاع مستقبلهم وانحرفوا عن أهدافهم.
أكرر وأقول "
أنا لا أمانع في فعل أي شيء لا يخرج عن نطاق الشرع إن كان هذا سبيلاً في تغيير الأوضاع السيئة وتقويم الإعوجاج .
لكني أقول أن نصرة الله تعالى والمصطفى صلى الله عليه وسلم مقدمه على نصرة أنفسنا.
وإن كنتم قد دعوتمونا واستنكرتم علينا ردود أفعالنا وقلتم سنرد عليهم بأبنائنا
فمن فضلكم
حافظوا عليهم"
إحترامي وتقديري
الله عليك بجد
انا عملت مدونه تانيه عشان اتكلم فيها عن المواضيع الى زى دى
لم اجرؤ ان اتكلم عنها فى مدنتى الرئيسيه لان الناس تكره الاختلاف
بجد انتى اجدع بنوته
بجد ماشاء الله عليكى
كل مره اعدى من عندك اذداد اعجابا برايك
وبقلمك
وبفكرك
ونضجك
ماشاء الله عليكى انتى بصيتى من ناحيه تانيه خالص غير الناس كلها
بصيتى للموضوع بعقلانيه مش بعواطف
رغم انى مكنتش فى مصر وقت الاضراب
بس اتمنييت اكون موجود واشارك ولو باى شىء
صدقينى بجد بجد بلدنا حلوه اوى
واحنا احسن من ناس تانيه كتير
بس يمسك البلدد دى ناس بتحبها بجد
وبتحب ممصلحتها
تحياتى لقلمك الرائع المميز
اخيكى احمد سكر
السلام عليكم
والله طبعا انا مع حضرتك انه ده تعطيل لمصالحنا قبل ما يكون تعطيل للبلد كلها
لكن زي ما انت قلت برده مصر لازم يكون لها ريادة عالمية يعني لازم تعلم علي العالم كله
ولا ايه؟
بس اهي حاجة عملها الشعب بدل ما يعد ساكت ويكمل سلبيته
بس ابو سحلب يقول لابنه يتفلق لان ابنه لو ماذاكرش هيضر نفسه مش ابوه يعني هو مش هيشتغل ويقبضه..
لكن الحكومة دي من غير انتاج الشعب لا قيمة لها..ولما نضرب مرة واتنين وتلاتة الضرر هيزيد عليهم اكتر كل مرة ..ممكن نضر احنا كمان زي ما بتقولي فعلا..
لكن احنا كدا فعلا مصريين..مش مستعدين نضحي عشان الصح..خايفين نضر نفسنا شويتين مقابل اننا ناخد حقنا او نعبر عن نفسنا او ع الاقل نعرفهم اننا لسه "عندنا دم"...نختلف لكن تحياتي ع البوست
احنا مقلناش نضرب على التفاهات يا ياسمين
ماضربناش عشان دقيقة المحمول غليت
ولا اضربناعشان كنتاكى غلى تمن الوجبه
ولا حتى اضربنا عشان كيلو اللحمة ب40 جنيهلا كان فى اختراع اسمه العدس والفول والقرنبيط وسمك واهى ماشية
انما لما مغصة الجوع تقرص والناس متلاقيش فول ولا عدس حتى
يبقى ساعتها يضربو ولما التجار الجشعين لاقو الرز هيسوس فى المخازن اللى كانو ناوين يغلوه هبيبعوه والناس هتاكل
حرام عليكى الزيت اللى بتتقلى فيه الطعمية اللى لو كلناها بتجبلنا حموضة غلى
يعنى الناس تاكل زباله يعنى وبعدين ايه مصلحة مصر مصلحة مصر
انتى مفكرة البلد مظلومة ولا زى ما بتقرى فى الجرايد يا بنتى الحكومة بتسرق مع التجار وهاتيلى عيل اهبل فى الشارع هتلاقيه عارف المعلومة دى
لكن عندك حق فى حاجة لو خدو على ان الشعب يعنل اضراب كتير مش هيبقى ليه قيمة
زى مظاهرات القاهرة واللى محدش بقى بيهتم بيها
اكيد الموضوع عاوز ترشيد استهلاك
لا ياسمين مش كده ابداااااااا
افكارك كويسه وكل حاجه
بس الاضراب مش فكرته وحشه
ده صرخه لان من حقنا نصرخ
هو كان ناقصه شويه حاجات بس فكره حلوه
وهو كان اضراب سلمي مفهوش تخريب
الحكومه هي اللي استعدت له كانها حرب
كلنا مع مصر
بس يمكن باتجاهات مختلفة
فكرة الاضراب على طريقة اليابانيين دى ممكن تنجح مع نظام ياباني
ازاي
فكرة الاضراب مع حكومة زي دي مش مجرد اننا نعبر عن استياءنا
والا يبقى نكتة
لأن الحكومة عارفة من زمان ومش محتاجة
ولأنها بتقول لنا اضربوا دماغكم في الحيط
فكرة الاضراب هنا تبقى احتجاج عملي
ولوي دراع
وتوحيد للأغلبية الصامتة
يادكتوره انا مش مع تكرار الاضراب سريعا
لانه فعلا هيفقده معناه وقيمته بصراحه انا قبل الاضراب كنت خايف احسن الحكومه تعرف اننا شعب هايف ومتسألش فينا بس ربنا كارمنا بحكومه غبيه عرفت ازاى تعمل للاضراب قيمه هما روجوا اكثر للاضراب من خلال تحذير الناس من المشاركه فيه فى وسائل الاعلام الرسميه وده جاب نتيجه عكسيه وكمان واجهوا التظاهرات بالقمع والظرب والاعتقال وكمان بالبلطجيع بتعهم اللى بيخرجوهم من السجون عند الحاجه ليهم
من الاخر عملوا للاضراب صوت مسموع وكويس كله فى الاخر لينا احنا حتى المكافأت اللى الحكومه اغدقتها على عمال المحله اثبتت انه نظام هش يعنى كمان اضراب بس يكون اقوى شويه من كده والنظام مش هيكون موجود
بس اعتقد ان تكراره فى الوقت الحالى خطأ كبير
اما بقه مسألة انه مضر للاقتصاد القومى وكده انا اختلف معاكى هو فين الاقتصاد بتاعنا ده
تحياتى
كلنا اكيد مع مصر مش ضدها بس موضوع الاضراب ده ذى ماتقولى كده بينفس عن غضب الشعب انه مش لاقى حد معبره ولا سائل فيه وانا معاكى ان فيه مصالح كتير هتقف بس برضه الناس مش حجر وعايزين يقولوا والله بنحس بكل اللى بتعملوه فينا فملقوش قدامهم غير كده وخصوصا اننا طول الوقت بنشتكى ومفضوحين على الفضائيات ومع ذلك ولا حد سائل
وتفتكرى لو الاب مجابش لابنه ياكل ابنه ده هيذاكر ازاى وهو جعان!!!
اولا بصى يا دكتوره علشان نبقى متفقين الاضراب بيخسر مصر 2.5 مليار جنيه يوميا او عن كل يوم اضراب يعنى لو اتنفذ صح بنخسر مصر صح
بس السوال من المبلغ ده كله بيدخل للشعب المصرى كام وبيتهرب منها كام لسويسرا
حنضرب وحنخسر بس بكره حنكسب والشعب معزور اول ما قرب ميعاد الاضراب تم فتح باب الاستيراد وتخفيض الجمارك ومنع التصدير وازمه العيش اتحلت ولما حصل الى حصل فى المحله خده شهر مكافاه ووعود تانى
تفتكرى ده عيب شعب ولا عيب حكومه بتعشق العين الحمره
كلامك جميل و فيه جزء كبير من الصحة . أحيييكي علي الأسلوب.
حلوه حكايه لو كلمتين شتيمه وهيريحوك
انا اشيفه ان عندك كلام جميل واسلوب لا بأس به
بس ممكن تعبرى بكلام اقل من كده _خير الكلام ما قل ودل_
انا متاكده انك لو اختصرتى شويه حيزيد عددالمعجبيبن بكتباتك اووووووووووووى
اتمنى ميكنش كلامى زعلك لانهم فعلا كلمتين ريحونى من غير ما اكون بلسانين_على ما اعتقد_وانتى اخدتى ثواب
Post a Comment