.........................................................
...
...
هذا المكان مفروض يكون فيه صوره.. بس اعزرونى هرجع
...
...
............................................................
رساله الى السيد والدى العزيز
مش عايزه اكل لحمه يابابا .. م اليوم انا نباتيه
بابا مش عايزه انزل الفلف بالعربيه واشم هوا .. م اليوم مرحبا بالموتورجلى
مش عايزه جلاكسى وكم يعتصر قلبى وانا بقولها .. م اليوم اهلا باجيرسى نو
مش عايزه موبايل يابابا .. بص يابابا ولا نت كمان
ولا الكهرباااااا .. هزاكر ع لمبة جاز .. بس الجاز هيغلى يابابا
بابا .. هو انت ازاى بتدلعنا ب ال 400 جنيه المرتب..
عارفه هتقولى الحمدلله واحنا مرتاحين جدا عن ناس كتير
لا يابابا .. الحمدلله علشان ابو جدى كان عمده .. وظبطنا صح
رحمك الله ياابو جدى وبشبش الطوبه اللى تحت راسك
بس مش كنت تدكن كمان شويه يعنى ..
ده افترااااااااااااااااااا
وعهد الله ده افترااااااااااااااااااا
ده تجاوز لكل الحدود الحمرا ياعالمممممممممممم
لا ده كده كتير وبزيااااااااااده
ياناس ارحموناااااااااااااااااااااااا
ياعز باشاااااااااا نبوس راس ابو الهول
ارحمنا ببدلك السينيه .. بدلتك تفولى العربيه سنتين ياكبيررررررر
تمن العربيه كلها اصلا ميجيش ربع ربع تمن ساعة سعاتك
هو الوقت بيهمك للدرجادى ياباشا
احنا بننداسسسس
وعهد الله بننداسسسسس
احنا كمان عايشين معاكم والله ..
لا سمح الله مقصدش اساوى الروس ..
بس والله احنا كمان عايشين ..
بنتنفس احنا كمان وبناكل .. يالهوى لا مبناكلشش
لا يسمعوا كلمة بناكل دى .. يزودوا االضرايب ع السلع الغذائيه
انا وم حبى للبلدى .. وشدة اعتزازى بيها
بقولها وحياة الغالين بقى
بينى وبينك تلات سنين .. الهف الشهاده واغور ف ستين داهيه
انا هرجع لكتابى دلوقت وهزاكر وهفحت ف الصخرررررر
علشان لما اهاجر .. اهاجر لمكان محترررم ..
اخد فيه ع قد مجهووودى اصل انا تعبت بجد
متقلبش وشك كده .. وتشير ليا م الجانب المظلم
وتقول الخاينه اهى
لا انا مش خاينه .. بس انا ولا مؤاخذه اتفقعت
اه والله اتفقعت ....
اتفقعت.. مش علشان مش هتعشى ..
بس علشان فيه اللى لا هيفطر ولا يتغدى ولا يتعشى
اتفقعت مش علشان صفيحة البنزين زادت 12 جنيه
اتفقعت ع اللى هياخدها كعابى بعد مهيوفر جنيه المواصلات يشترى رغفين عيش
اتفقعت مش علشان ضرايب العربيه هتزيد ف السنه للضعف
اتفقعت ع الراجل اللى وشه اتكشف م كتر ماقال الضرايب مصلحتك اولا
اتفقعت مش علشان سجاير السيد الوالد هتسحب م صحته وم فلوسنا المزيد
اتفقعت ع اللى مش هيلاقى سجاير ويعض ف صوابع رجليه ويخمس مع كلاب السكك
تولع العربيه وتولع مصلحتهم و تولع مصلحتنا
امضاء
مواطنه مفقوعه بشده وبعمق وبارتفاع
رساله الى علية القوم ..
استحملونى بس التلات سنين دووول يمين ع يمينكم
هسبهالكم مخضرره .. انا خلاص فهمت الرساله
اه وربنا فهمت الرساله .. واضحه زى الشمس اصلا
هطفش لوحدى بالزوق والله ..
مش محتاجه ترفعوا ضغط والدى ولا تجبوله ذبحه
لما اطلب منه 2000 جنيه للكورس و 700 جنيه لامتحان العملى
وبنزين عربيه وهم الممم ونت وكهربا وتليفون وميه وهدوم وسجاير
وشحن موبايلات .. وضرايب بيت وعربيه وفلوس نضافه
ودوا وجلاكسى .. لووووووول
ارجوكمممممم .. خلاص انا استسلمت
ارفعوا الراياااااات وكفوااا عن تطفيشنا .. هنطفش لوحدناا
.............
رحم الله اجدادكم جميعا
رحم الله اجدادكم جميعا
..
وبارك لكم ف ثرواتهم
..
عوده مره اخرى لاجازتى التدوينيه
119 comments:
Hello, Yasmeen!
I loved this post and this blog.
Have a nice day.
بصى يا ستى الحكاية بقا اية انك حتى لو طفشتى ده مش بالساهل ليه بقا اقولك انا ومن موقعى هذا
لانك عشان تطفشى على دولة اجنبية لو عرفتى لن تعملى كطبيبه اولا
ثانيا اذا طفشتى الى دولة عربية فهم لن يقبلوكى هكذا
اذا كنتى طبيبة ممارسة لابد من الخبرة خمس او ثلاث سنوات اذا ستأجلى سفرك
او ان تكونى متخصصة لا مؤاخذة
بيان رقم 33 من طبيب بلا سماعة
والسلام عليكم ورحمة الله وبركاته لم نكن نقصد التيأييس لاننا يائسون بالفعل جميعا ولكن هذا هو الحال فلا مفر قريبا
يا لهوووووي
دة حتى عمك الحاج ديفيد سانتوس عجبه البوست
قشطة يا ياسمين..مبروك
بصي يا ياسمين
مش هاقول غير
صمت....غضب...ذهول...رغبة في البكاء
دة شعوري والله
تحياتي
احنا ضعفا فقدنا الإراده
والأهم من كده
فقدنا إيمانا بربنا
بإنه
لا يغير الله ما بقوم حتى يغيروا ما بأنفسهم
نسينا أنه
دوام الحال من المحال , أن عليك أن تسعى وليس عليك إدراك النجاح
أن تتوكلوا على الله حق توكله , يرزقكم كما يرزق الطير ..
احنا متخلقناش عشان نستمتع , وندور ع الراحه فين ونروحلها
إحنا خلقنا في كبد
وظيفتنا العباده
العباده بالصلاح
والعباده بالإصلاح
وقبل ما تقرا البروفيل بتاعي وتقول يا عم ده في الكويت مش حاسس بحاجه
أقولك حاسس
لسه معنديش شقه في مصر
ومعنديش صيدليه
ومعنديش عربيه خاصه
ومش عارف هاجيبهم امتى
ومستريح هنا من وجهة نظر كل اللي حواليا
لكن والله
بحلم باليوم اللي أرجع فيه مصر
من السهل لما تبقى في معركه وتشد عليك , تدي ضهرك للعدو وتخلع
بس انا راجع ومش هاخلع
آسف يا د. أجدع بنوته أنا بحترمك قوي والله بس مش موافقك في تفكيرك ده
وهو تفكير ناس كتير الصراحه
تحياتي
والله نفس كلامى بس لما كنت بكتبه بيقولولى انت محبط انتى مودك ايه
الظاهر العيب فينا احنا
احنا شعب وحش قليل الاصل مش خسارة فيه كل اللى بيجراله
امانه عليهم يصدرونا ويجيوبا شعب تانى ربنا كارمه ووراث ومش محتاج حاجه من الحكومة
بدل الشعب ده اللى عينه فارغة وال عايز ياكل ويشرب ال
هو زي ما قلتي كده ..
أمام أي إنسان يقاسي هذا الكلام أحد حلين ، وله مُطلق الحرية في الاختيار ! :
1- يبقى ، ويجاهد من أجل دعوة وعد الله بنصرتها ، ويتحمل في سبيلها كل شئ .. بدءا من ندرة رغيف العيش وغلاء البنزين وحتى الشق بالمنشار !
2- يهرب !
ودعوة الله سائرة في الحالتين ، يُقيض لها سبحانه من يقوم بها ..
غير أنها ..
واجبة !
وهو ما يجعل الحل الثاني مرفوضا - غير أن له حرية اختياره إن شاء - ..
ويُفسح المجال للحل الأول ، تُصدقه الآيه : "أحسب الناس أن يُتركوا أن يقولوا ءامنا وهم لا يفتنون؟"
---
قبح الله وجوههم
ورد للناس أموالهم التي سرقوها منهم
فالله حسبنا وحسبهم .. ونعم الوكيل
وهو لا ينام ، ولا ينسى !
حمتك يارب
بس لا ياسمسمه انا مش متعوده منك علي كده
احنا بقي قاعدين علي قلبهم
اصلا دي بلدنا احنا وهنقعد هنقعد
وهناخد حقنا باذن الله
سلامي ليكي ياقمر
وسيبك من الجلاكسي دي
انتي شكلك مدمناها اوي
انا هشترى عجله
بس مش هقول اكتر من كده كفايه
تنام عينه وعين الله لم تنم
حسبي الله ونعم الوكيل
ومين سمعك عرفة دلوقتي السرقة بقت عيني عينك وفي عز الظهر وحدث ولا حرج لس ياما هنشوف
ارحمنا يارب
تفائلي وقولي يارب
تحياتي
ليه الحقد ده ؟؟
انت عايزة تقارنى بينا و بين حمادة عزو
ده جزمت سيادته تمنها اكتر من دخل اسرة من خمس افراد فى الشهر
هتقارنى ايه بايه ؟
عايزة تهاجرى هاجرى بس لازم تعرفى انك هتتعبى جوه و بره
جوه علشان مش هتعرفى تسافرى بسهولة
و بره لان هناك مفيش ياما ارحمينى
ربنا جعل لنا الرزق فى كل مكان و مفروض نسعى له
ربنا معاكى و يحقق لكى اللى بتتمنه
اوعي تسلمي بالساهل كدة لازم تحاربي .. ماتخافيش وعد مني مكتوب علي ورقة دمغة بكرة اكيد هايبقي أحسن ... عشان مافيش أسوأ من كدة
ربنا يسامحك
قلبتى علينا المواجع
بس المشكلة ح نعرف نطفش ولا لا؟
كلنا بنقول كده وبقينا برضو بنفس الحال
يارب ارحمنا فأنت بنا راحم
تحياتي
عايزه تعليق مختصر مفيد يا دكتوره
احد الوزراء يحيط معصمه بساعه ثمنها 100 الف دولار او ما يزيد
عايزه تعليق تانى يا سمسمه فى مصر فرح اتكلف 30 مليون جنيه اه وربنا 30 مليون جنيه
عايزه تعليق تانى يا سمسمه
انا قرفت وماليش نفس انزل المكتب اصلا لانى عارف اى موكل حياجى حيقولى مش معايه ويا اسيب القضايا يا اشتغلها مجانا
اختنا الفاضلة اعزكى الله اعتذر عن التقصير
ليكى تاجين عندى تعالى خديهم
احنا شعب بلا قيمه شعب بلا كرامه احنا مش شعب اصلا
كل بلاد الدنيا عباره عن شعب ليه قائد احنا قائد ليه شعب والله انا مش عارف اقول ايه انا بحاول انتقى كلامي عشان انتي بنت بس بجد دي قلة ادب اللي بيحصل ده قلت ادب
حسبي الله نعم الوكيل فينا مش فيهم عشان احنا ساكتيين
مش لاقيه كلام اقوله بس دوام الحال من المحال
جسمى قشعر يا بنوتة
اسمحيلى هاعمل لينك للبوست ده عندى على المدونة
تحياتى ليكى
اختك خيخة
مش لاقى كلام اقوله
تحياتى ياسمين
ياسمين بنت
اه الكلام دا
على فكره بدله فعلا جامده
لما اتخرج ان شاء الله بعد 7 سنين دراسه هشترى واحده باول مرتب
واه يعنى لما يزود البنزين والسولار
المشكله ان 80 مليون مش فاهمين المصلحه فين
وانا منهم مش فاهم
وبعدين على متسفرى يدكتوره
انا كنت حاسبها زيك وقلت قشطه كلها خامسه بتخلص وسادسه فى رجيلها
وفله شمعه منوره
لحد مكتشفت ان فى بعديهم شويه
يلا بجى
عقجبال بجيت السلع
والله وانا نفسى اسيبهلهم مخضره
ومش بعد تلات سنين
لا كلها سنتين ان شاء الله
بس ربنا يسترها فى الامتحانات
دعواتك
مستر ديفيد سانتوس
ثانك يو فيرى ماتش
الله يكرم اصلك ياطبيبنا بلا سماعه
انت كده هتخلينا اقوم انط م البالكونه وانجززز
سمير ياعزيزى
صمت غضب ذهول .. ضربه ع القفا
احساس بعدم التواززززززززززززن
محمد فوزى .. احنا عملنا كتيرر
وتعبنا كتيررر واضربنا وحاولنا حلول سلميه
الا انها واضح انها .. مفيش فايده
صوت م مصر ..
مودى يامحمد واحد ماسكينه
بيشدوله شعره شعرايه شعرايه
تفتكر موده هيبقى ايه
اهو ده عيبه
دى بقت وثييييييييييييه
خبيب .. ماهو يانهرب يانقعد ونتقهر
مع سياسة اخبط دماغك ف الحيط دى
لا حلول سلميه ولا حلول دمائيه نافعه معاهم
عاشقة الفردوس
هما اللى قاعدين ع قلوبنا
وكاتمين نفسناااااااااا
الهى يكتم نفسهم البعده
أأأأبى
شوفيلى عوامه معاكى
علشان انا نويت اشرخ ع ايطاليا
عاشقة النقاب
انا بقول كده وانا بيتصرف عليا
اومال لو بصرف كان زمنى فجرت نفسى
ربنا يكون ف عونكم وف عون اهالينا
اه يارينبو
تصور عايزه اساوى الروس واقارن بينا وبينهم
خسئتتتتت ازاى نفسى اللومامه بالسؤ
تسولىىى هذا
ام احمد .. ف اسوء
يلمونا ويشغلونا ف السخررره
جمعاوى .. والله اولعلهم ف نفسى لو مطفشونيش
انشالله حتى اهاجر للسودان ههههههه
ع الاقل الجنيه السودانى ب 2 وحاجه مصرى
ابو مالك صاحب المضيفه
خد بالك منها .. قريب هيجردونا م ممتلكاتنا
المضيفه لو عطشانا نرويها بدمانننا
مش عايزه حاجه يامحمود يارئيس جمهورية نفسه
محمود .. ممكن تضمنى للشعب بتاعك
واحيى ف الجمهوريه بتاعتك
لوووووول
النجم القادم .. ميرسى جدا
بس تاجات ايه ف الظروف دى
ده مفروض نلبس فيها سلطانيات
مش تاجاتتتتتتت
ياوائل
احنا شعب .. بلا شعب اصلا
داى دريمينج .. هو ده فعلا
نوران ياعزيزتى
كلنا اتنفضنا مش قشعرنا بس
حسبنا الله ونعم الوكيل
تحياتى ياهيثم
هو احنا بقى حيلتنا غيرها
يارب ميشلوش م عليها الدعم بس
ابو حنف
والله مبقتش فارقه بنت م ولد
المهم انى لسه فاكره انى انسان
اعيش واتنفس هع
بطوط ربنا معاك يارب
ونخلص وننجز
انا واحده جالى الضغط
عايزه اتخرج ياناس قبل ميجيلى حاجه تانيه
ههههههههههه
يابنتى روحى ذاكرى والله احسنلك
نعرفى انا كمان نفسى اطفش قوى من هنا
يالا نبقى نسافر سوا هستناكى ال3 سنين دول
خلى بالك من المذاكره
مرحى يا ياسمين اخيرا قررتى تسيبى البلد على فكرة انا اللى مسلطهم عليكى وكمان لو قررتى تسافرى مكان معين عرفينا ممكن نبقى فى دولتين جيران وبالنسبة لموضوع مش عايزة نت اوعى بوستاتك بقت جزء اساسى من الامسية بتاعتى
ربنا يوفقك ويوفقنا وناخد الشهادة وكمان انتى وعدتينى وعد وما نفذتهوش فين شرح السكونت الامتحان قرب
حاضر يارحيل ياحبيبتى
شكلنا كلنا هنطلع كده ف مركب واحده
ويغرقونا وخلاص
هههههههههههههه
ماجيك يازميلى
انا ضفت ميلك اهو علشان اشرحلك السكوينت
ولا تحب اشرحهولك هنا ف بوستات
ههههههههههههههههههههه
اهو الناس تستفاد بالمره
لووووووووول
السلام عليكم
أنا عن نفسي أخدتها من قصيرها وطفشت بدري بدري وسيبتها مخضرة بس خايف ارجع ألاقيها نشفت خالص واتحرقت؟؟؟؟؟؟؟؟؟
ساعات كتير لما بتكلم مع أصحابي المصريين هنا نسأل سؤال واحد ازاي احنا بوضعنا الأفضل ده والحمد لله بنعاني أمال الشباب اللي لسة هيتخرج ويبدأ حياته هيعمل ايه؟؟
طبيعي يكون الاحباط وصل الذروة، وانا دايما بيتهموني بالكآبة، بس السبب اللي بشوفة بيحصل في البلد.
يلا خلصي انتي بس وانا أبقى أشوفلك شغلة هنا..ههههههه
ومبروك عليكم زيادة التلاتين في المية
على رأي المثل من دقنه وافتله
تقبلي مروري
على فين العزم ان شاء الله
شوفى يا ضنايا
مشيناها خطى كتبت علينا
ومن كتبت عليه خطى مشاها
مش ضرورى ناكل
بلاش فجعة
مش كفاية هما بياكلو
تحياتى
احمد
لا يا دكتورة
دي بلدنا ومش هنهاجر منها
أحنا قاعدين نصلح فيها وأجرنا علي الله
ايه الكوسة دى بقى طيب مانا كان ابو جدى الله يرحمه عمدة هوه كمان وماسابلناش حاجة ...بس اصله الله يرحمه كان راجل بتاع مزاج ... مش عارف بصراحة اتجوز كام واحدة ...اصل اختلفت الاقاويل
عزيزتى
معلش بقه هتقل عليكى
موضوع مهم قوى عندى
اتمنا تكون صريحة زى ما جيتى قولتى عندى
البينه ع من ادعى والدليل ع من انكر
والموضوع ده اظن هيكون واضح ومفهوش اى انكار
عاوز رائيك الصريح بالحق فقط
فى انا مش موافق
تحياتى
سلام
فعلا مش رجعك الا الشديد القوي
وانا حاسس بيكي والله وخاصة ان كانت عربيتك 2000 سي سي بتاخد صفيحة 92 كل يوم
وليا طلب وانتي بتطفشي ابقي خديني معاكي ومش لازم بلد محترمة قوي لأن اي بلد هتفكري تروحيها هتبقى اكثر احتراما من هنا ان شاء الله حتى موزمبيق
وبرغم المعاناة دي كلها بس انا ضحكت كتير والله على اسلوبك اللي ملوش حل ده
بصي يا ياسمين انا زعلان من حاجة واحدة ان الناس بدأت تفكر فعلا انها تسيبلهم البلد وده اللي هم عايزينه واللي انا عايز اوصلهولك
ان احنا زهقنا من الحكومة المصرية بس لسة مزهقناش من مصر ومش حنزهق
هم اللي لازم يمشو ويسيبوها وبالذات السفاح اللي اسمه حمادة عزو
ملحوظة : انا متغاظتش من ارتفاع اسعار البنزين والجاز قد ما اتغاظت من احمد بيه عز هو اللي زاع القرار حسيت انه بيطلع لينا لسانه بيقول انا غليت الحد وبالعند فيكم حغلي البنزين :p
حسبى الله وهو نعم الوكيل
أجدع بنوته و حشتينا جدا..هوه يعنى لازم تحصل مصيبه علشان تكتببى
ربنا معاكى فى المذاكره انتى و كل اللى زيك يارب
و بعدين تعالى هنا يا دكتوره لما انتى و بطوط وغيركم من الدكاتره الجميله تسيبوها مخضرة...حتسيبونا احنا اصحابكم لمين يعالجنا....ولا انتو متأكدين ان بعد سنتين و لا تلاته حنكون متنا من اللى بيحصل فينا
....انا كنت فاكره انى بقى عندى اصحاب دكاتره اتفشخر بمعرفتهم ..واتعالج على حسهم ببلاش..وادخل ازور اى عيان مش فى مواعيد الزيارة الرسميه علشان عندى واسطه...ارمى حمولك على اللى خلقك....كل كبير له كبير و ربك اكبر من ايتها كبير
ربك ما بيحبش الظلم....ده اختبار منه لينا
وبعدين يا جميل كل الفلوس اللى انتى حاساها عبء على باباكى ....كلها حتتحول عندما تتخرجى لفرحة ما بعدها فرحة و فخر و روحى اسئليه لو مش مصدقانى....ربنا يخليهولك..و تفرحيه بتخرجك..و يبقى ماشى الناس تشاور و تقول ده بابا اجدع بنوته...
وانا كمان يشاوروا عليا و يقولوا البت مفروسه اهه صاحبة د\اجدع بنوته و بطوط و ابن بهية
صحيح ما حنا كده كده ماشيين ماشيين
انا مش عارف هما مستعجلين ليه
اختنا الفاضلة اجدع واحسن دكتورة منتظرك تيجى تاخدى التاجات والمرة الجاية هخليها حاضر سلطانيات
الفواتير اللي تحرق الدم كتير يا بنتي خلينا ساكتين احسسسسسسسسسسسن
بنت
ازاي تتكلمي عن عز باشا وعن بدلته وعن ساعته
دي جايالو هديه من المدام
انتي شكلك بتحقدي عشان ماعندكيش مدام زيه
يالهوي .. بطلو احقاد بقى
ملحوظه
ضرايب العربيه مازادتش الضعف .. دي كانت في السنه الواحده ستاشر جنيه .. خلوها ميه وستاشر جنيه
واخده بالك
سلامووووووووووز
اهلا اهلا بالمتغربين صوت م مصر
الشباب اللى لسه هيتخرج قصدك يعنى اللى زى حلاتى كده
قطعا قطعا وبلا ادنى شك . هيشحت
ههههههه ربك كبير
طول عمرهم ياصباغ بيقولوا ان البلدى احسن م غيرها
انا دلوقت حابه ادخل التاريخ واعدل المثل ده
استاذى العزيز فليعد للدين مجده
وليعد للشعب كراامته
وليعد للبد عزتها
ولـ ولـ امتى بقى هتبقى وعاد ..
الدبيوج هههههههههههههههههههههه
والله انا جدى ظبطنا فبترحم عليه
ربنا يكون ف عون جدك برده وتترحموا عليه
وبلاش حقدددددددد
احساس لسه حى .. انا مشغوله جدا والله الفتره دى
ويادوب بقتطع م وقتى نص ساعه ترفيه
ربنا يسهل
هيرو ههههههههههههههههههه
92 ياعينى ...
اللى يشوف اتنين وتسعينات غيره تهون عليه تسعيناته
اه ياتامر
اهو ده اللى فرسنى فعلاااااااااااااا
واقف هو بنفسه يزود علينا الاسعار
ياربى اللى كان يطولنى حزام ناسف وقتها
كنت نسفت التفزيون بكل اللى كانوا جواااه
ونعم بالله يادوبا ..
82 مليون واحد بيتحسبن
ربنا يكون طبعا ف عونكم والله يامفروسه
اصحاب البيوت اللى بيصرفوا دوول
افاق ههههههههه
ليه يمشونا بعدين لما فيهم يمشونا دلوقت
النجم القادم .. حاضر باذن الله
وميرسى جدا ع التمرير والله
بس مزاكره بقى ربنا مايوريك
ميس سوسا
هو لسه متحرقششششش
سووووووو يااخويا المكلبظ
مش صعبان عليا والله قدك
هتعمل ايه بعد المجاعه اللى احنا داخلين عليها دى
ربنا يصبرك
ضريبة العربيه ف السنه 1600 سى سى كنا بنكع 75 جنيه
بقت 150 جنيه
ولا عزاء للسيات الرشيقه
مدونتك جميلة
انا اول مرة ادخلها
وان شاء الله مش هتكون اخر مرة
هههههههههههههه
ايه يابنتي ده
ياعيني عليكي
لا علينا كلنا
اقولك تعالي نحط همومنا علي بعض وانا هجيبلك جلاكسي من معايا
مستنياكي عندي بس انتي متاخره لازم اما تيجي تقري البوستين الاولانين علشان تفهمي القضيه
وحتي الاختلاف في الراي لايفسد للوز مهلبيه:)))))))
سلامي
حزلووووقه
دكتوره ياسمين
انتى بالطريقه دى مش هتعرفى تاخدى اجازه من التدوين وتذاكرى لان كل يوم فى مصر فى حاجه تحرق الدم وتوصل الواحد للاحباط ده
بس تعرفى العنوان جميل جدا انا شخصيا زيك لو مش اللى تركه الاجداد كنت روحت على اقرب جامع ومديت ايدى الله يرحمهم ربنا جعلهم سبب فى سترنا وهما عايشين وكمان بعد اما ماتوا
انا عشان مش هعرف اطفش وعشان لسه عندى امل اصل الامل فى ربنا مش فيهم هما عشان ده كله قاعد على قلبهم ومش هطفش
تحياتى
حسبى الله ونعم الوكيل
عندى احساس ياسمسم ان الوضع مش هيستمر كده كتير لانها ضاقت على الشعب اوى وفيه مثل بيقول ماضاقت الا وفرجت
فنحن فى انتظار الفرج وليس الهرب
ركزى انتى بس فى مذاكرتك ومحدش عارف بكره هيكون فيه ايه
سلام ياقمر
السلام عليكم
ازيك يا ياسمين
انا مرارتى مفقوعه
انا جاى اسلم عليكى بس
تحياتى
اه ونبى ياياسمسن
قوليلى انتى كمان هتغيرى لبنزين 80
ولا هتبقى زى ماانتى
هههههههههههههه
العربية علي بعضها متجيبش ربع ربع تمن الساعة
علي رأيك والله
ههههههههههههههههههههه
موضوع تحفة يا ياسمين
كالعادة
متألقة
السلام عليكم ورحمه الله وبركاته
مش لازم نياس ولازم يفضل جوانا امل
وانتماء لبلدنا ونحاول نغير بكل الوسائل
اجمل شيئ ان الانسان يعيش لهدف ويسعى لتحقيقه
وربنا عز وجل يحاسب على الاعمال وليس النتائج
اهدى بس شويه
متقلقيش الجلاكسى مزادتش ولا حاجه
كنت عاوز اسال بس الله يخليكى هتسيبى البلد و تروحى فين علشان شكلى هنوى عليها انا كمان
تحياتى
يعنى بعد 3 سنين هتعملى ايه.
ههتتخرجى من الطب طبى من بقك
ده الجنيه غلب الكارنيه.
ونقووووووووووول بااااك
:)
كم تسعدني رؤيتك تعودين وبقوه
اهلا بيكي تاني وتالت ورابع
واجازه سعيده
اللي فيه داء مش سهل يبطل
التوبيك كان رائع
ولو ان سمسمه م غير جالاكسي......اي دونت ثينك سو
مش بعيد وانتي بتشوفي الرد تكون ف ايدك
حسبي الله ونعم الوكيل
اعتقد ان قصد الحكومة اننا نقرب من ربنا اكتر لاننا عايشن دلوقتي بالدعاء
اه قصدل بعد 3 سنين هتبقى دكتورة
الكارتة ان الجنيه غلب الكارنيه
فاكرة لما قالله دكتور على نفسك يا كلب
:(
ايه ده ؟
مش هتأكلى جلاكسى ... و هتقلبى على جيرسى
طب احمدى ربنا انك هتعرفى تاكلى جيرسى اساساً...
و انا مش مع فكرة انك تسيبى البلد
اعتقد انها سلبية
ولا ايه ؟
تحياتى / نضال
و سامحينى لانى ما كنتش ببقى متواجد على الانترنت اساساً من فترة
مقااااااااااااااااطع
هههههههههه
بجد مش عارفة اضحك ولا اعيط ولا اقولك المقال حلو اوي ولا اقولك ايه اللي خلاكي تسيبي المذاكرة وتجيي هنا تاني دلوقتي
وبعدين مين مستر دايفيد؟
وكمان اول تعليق
بجد يا ياسمين
مين دا
مدونتك حلوة و البوست حلو
و لا أيه طبعاً
كتير بفكر الناس كانت تاخد العلاوة و لا ما تاخدهاش
لقيت ان الافضل ان الناس ما تخدش العلاوة
أو لو أدوها العلاوة يبقى ده يكون وفق جدول زمني لرفع الدعم عن السلع ... بس الأول الحكومة المفروض تخلي المرتبات مساوية للسلع ... للبضايع اللي الناس هيشتروها ... زي ما بيقول الاستاذ سليمان جودة ...
الناس عايزة تلاقي سعر الوكل .... عايزين حاجة تلمى بطونهم
و بعدين اللي يفقع المرارة ان فاتورة النور عند كل اللي اعرفهم ذادت
حتى شركة الكهربا هتخمس معانا في العلاوة
إخص عليهم إخص
آه على فكرة
أحمد عز هو صحيح بيلبس نضيف قوي قوي قوي و تحسوا في الصور انه لسه مستحمى و مسرح شعره
بس هو غير مهندي بالمرة و ممكن نلاقي ياقة خارجة بره جاكيت البدلة و التانية مستغطية في الدفا جوه ...
الراجل بيشقى يا عيني
إلا صحيح
أنتوا ما بتقدموش هنا أي حاجة للضيوف الجداد
شاي قهوة ... عصير سبانخ ... أي حاجة ؟؟؟؟؟؟
أستحلفك بالغالى..
أنا حاصبر التلات سنين دول مع حضرتك
بس وحياة والدك
أول ما تلاقى حد يسفرنا من غير ما يغرقنا
إحجزيلى على طول
ربنا يكرمك
تحياتى
يانهار ابيض ايه البوست ده بصي يا ياسمين كل الي عرضتيه بجد صح وفعلا الي بيحصل ده عشان يطفشونا ويخدوها فعلا مخضره انا مش عارفه محتاره مابين حاجتين والاتني ليهم نفس الاهمه يا بجد ولا د الذين دول ربنا يغورهم في اي داهيه وربنا يرحمنا بولاد حلال مكانهم يرحمونا من القرف الي احنا عايشين فيه وده طبعا عقبال اما يحصل يادوبك لو عرفنا نتجوز يبقي الاحفاد الاحفاد هما الي ممكن يعيشوه انما في حاله ان الشباب فقدوا الامل في الحياه ونصهم انتحر والربع انحرف والربع التاني نصه قرر يعيش عازب طول عمره والربع التاني بقي سرق عشان يتجوز وطبعا اتمسك ففبالتالي مش هنتجوز يبقي الجيل ده هينقرض ومش هيبقي في حد في يشوف الدنيا الي هتتصلح ده التفكير الاول التفكير التاني هوه انه طب ليه نعذب نفسنا في بلد الي ماسكنها سارقنا ونهبينها ونهبينا وبيدفعونا تمن زجاجه الميه المعدنيه الي بيشربوها عشان مش يجيلهم اي مرض اما يشربوا الميه العاديه طب ليه نعذب نفسنا طب مانسافر بس ليه نسيب بلدنا دي بلدنا حلوه والله والله اجمل منها مافيش من غير الي مسكنها
حسبنا الله ونعم الوكيل
اللهم ارحمنا ممن سرقونا ونهبونا وجوعونا وجعلو الفقراء منا عرايا
(منتظره زيارتك
سياده الرئيس,,,,,,,,,,,,اريد ان اهرش
www.confusedgirl-tota.blogspot.com
مدونة جميلة جدا ورائعة
يسعدني
ان
تزوري مدونتي
أبائنا
يا حلاوز يا خلاوص
متخلنيش أعيط
لا اله إلا الله
كان فيه خير ورزق وثروة وكل اللى نفس الواحد فيهوالمشلتت ينزل بالصنيتين
وجمبيهم بلاصى العسل
ههههههههههههه
حلوة الحتة دى
ههههه
بس كان بجد
والله
والأراضى الزراعية
والدوار بتاعنا
يااااااااه ايام
وانا كنت فى الإبتدائى عشت سنتين
راحوا على الإعدادى كده
وربنا يعطى اللى بالى بالك طولة العمرعشان ناكلفى بعضينا بدل الأكل
د/هيما
السلام عليكم ورحمة الله وبركاته
هاتهجي تروحي فين يا بنتي ،هايجيبوكي هايجيبوكي ،ووراكي ماترح مانتي رايحه
الناس دي مابتهزرش ياماما دول حالفين لنا وناويين لنا علي نيه كحلي
ربنا يستر
السلام عليكم
ازيك يا سمسمة
دخلت امبارح اعلق عندك والنور اتقطع بعد ما كتبت كتيرررررررر
ودوخت عما وصلتلك تانى
ربنا يستر المرة دى
شوفى يا قمر باختصار
أنا متفقة معاكى فى مشاعرك اللى كلنا بنشاركك فيها .. اننا مش عارفين نعيش فى بلدنا .. مش عارفين نشتغل .. مش عارفين ناكل كويس ..مش عارفين نتعلم صح .. مش عارفين ومش عارفين
بس
مختلفة معاكى فى حكاية انك تسيبى البلد بعد ما تخلصى
لو كل حد فينا عمل كده مين هيعمر البلد دى
مين هينشلها من الغلب اللى هيه فيه
فيه ناس كتير يهمهم اننا نوصل للحالة دى
اننا كلنا نهج ونسيب بلدنا ونقدمهالهم على طبق من فضة
وقتها هتبقى سهلة اووووووى بالنسبة لهم
وخلى باااااااااااااالك
فيه ناس بتتابع مدوناتنا وبتسمع شكوتنا و بيسعدهم الوضع الساخط اللى احنا فيه .. وبتشجعنا كمااااااااااااان
وجنسيتهم باينة من اسمائهم
فاهمااااانى ؟؟؟؟؟؟؟؟؟؟؟؟؟؟؟؟؟
ياريت تفكرى تانى
مصر بلدنا
حتى لو حل فيها الفساد
فإحنا مستقبلها
هنمدلها ايدنا ونساعدها تقوم من كبوتها
مش هنبطل
مش هنفارق
مش هنسيب
حتى لو مش لاقيين ناكل
دمتى بخير أختى
سالى
والله يابنتي الغربه مش ساهله كده ...ربنا يحفظك وتقدري تحققي كل إللي نفسك فيه في بلدك ..وخللي عندك أمل
قلبتي علي المواجع
بس اوعي تعمليها وتسيبي البلد بجد
خلينا كده علي قلبهم لحد مايطفشوا هم
أحييكي علي مدونتك
دي أول زيارة لي
وان شاء الله مش الاخيرة
تقبلي تحياتي
السلام عليكم ورحمه لله وبركاته
طبعا اول زياره لمدونتك
ربنا يوفقك
وجزاكم الله خيرا على الموضوع
وأن كنت لست ممن سيهاجر
لن اتركها لهم ففيها وفينا الخير ان شاء الله
ربنا يوفقك وجزاكم الله خيرا على الموضوع وأن كنت اعقب على اللغه فيه شويه
جزاكم الله خيرا والسلام عليكم
د/أحمد جمال
ممممممممممممم
كويس كدا تمام
كده ابدا احس ان لسه فيه امل فى بنات مصر
:d
عزيزتى
انا زعلان قوى
انا دخلت المة اللى فات رميت كلمتين ومشيت ومشوفتش الموضوع اللى كتباه
بجد لما قريته لقيتك بتقولى كلام كبير قوى
بجد الواحد بيتخنق من اللى بيحصل فينا وفى اهل بلدنا
ويمكن ناس مننا كتير قادرة تعيش وعارفة تعيش
بس بقه الغلابة قوى هيعملوا ايه
الست اللى جوزها ميت ولا هربان ولا مسجون هتعمل ايه مع اولادها
قوليلى ايه الحل ادامها
لو اشتغلت اى شغلة مش هتجيب عيش حاف
ربنا يرحمنا ويساعد الغلابة دول
دول مثل بس
وهتسبيها مخضرة برضوا ليهم
ويهون عليكى تسيبى الغلابة دول للظالمين والحرامية
ربنا يجعلك امل لحد ويمكن سبب لمساعدة انسان محتاجك
تحياتى
سلام
انا كمان نفسى اطفش واهج واسيبهالهم يبيعوها للى يحبوه
مش عارفه يعنى هى ليه حلوه ليهم وحشه لينا
ده احنا غلابه والله وماحدش سائل فينا
يعنى نطلع نشحت ولا ايه
ربنا يتولانا
والله انا بحب البلد دى بس مش عارفه بحب فيها ايه
هى بس صعبانه عليا
كل البلاد اتقدمت وعيالها كبروا وفهموا واحنا بس اللى بنرجع لورا
منه لله اللى كان السبب
جيت اسلم واطمن عليكي يارب تكوني بخيييييييير
اه والله كده يا اجدع بنوته
حسبي الله ونعم الوكيل
بس ايه ده كله
جبتي الكلام ده كله منين؟
ده حتي نانسي بتقول الدنيا حلوه واحلي سنين
ولو سألتك انت مصري
------------------------
صحيح لو سألتك انتي مصريه تقوللي ايه ؟
-------------------------
مش عارف اقول لك ايه بصراحه اول مرة ادخل هنا
ومش هقدر اقول كتير لإن المدونين اللي فوقي قالو كل حاجة وبجد احنا شعب يستاهل اللي يحصله على سكوته ده
احنا مبقناش نتكلم لإننا سوري في اللفظ " بالجزمة بنمشي" ربنا معانا وبتألأم لبوستك قوي على فكره
تحياتي
لا والله ماتتشفش كده
هاتكبري وتتخرجي وتشتغلي
وهاتعرفي ان ليكي قضيه بتدفعي عنها
وقدام انتي حالك مش من حال اللي مش بيتعشى..فامتتكلميش بلسانهم..لان لسانهم بيقول غير كده
وان كان على السفر الناس كلها مسافره جوا وطنها
ياريت ماتبعيش المتر فيه بالرخيص
ده المتر فيه غالي
بالرغم انى شايفه ان كلامك صح وده رأى معظم الشباب ونفسهم يطفشوا من البلد
بس أنا مش مقتنعه بده
طب ليه منفضلش ونحاول نصلح على قد مانقدر كل واحد فى مكانه ومجاله
صدقونى هتفرق كتير أوى ... نبطل نهرب شويه
دى فالأخر بلدنا والعيب مش البلد ده فى اللى فيها ف بالتالى لو كل واحد صلح من نفسه أولا وبعدين باللى حواليه أكيد هييجى يوم والبلد كلها هتتصلح .
تحياتى
كده برضه يا بنوتة لا طبعا قاعدين علي قلبهم و هما اللي حيمشوا و لو انا ما لحقتش اشوف اليوم ده انت حتشوفيه ان شاء الله خليك متفائلة يا جميلة و ذاكري كويس و انجحي بتقدير و حجيب لك واحدة جلاكسي هدية و ربنا حيكافئك بتحقيق المثل القائل
اصبر علي جار السو يا يرحل يا تيجي له مصيبة تاخده
هاى يا ياسمين
والله إنتى طيبة أوى .. بتتكلمى عن الهجرة كإنها بتتباع فى السوبر ماركت اللى تحت بيتنا .. هو الموضوع سهل كده.. من خرج من داره يتقل مقداره
أما الوالد بقى فبجد اللى ملوش حل.. أنا ساعات بقعد ابص لبابا وأقول فى نفسى أنا نفسى أفهمك .. إزاى قاعد وسطينا كده وبتتكلم معانا وإنت شايل هم الدنيا على دماغك.. ومن موقعى هذا أحب اوجه رسالة لكل أب
ربنا يعينكوا ويصبركوا
ههههههههههه
ربنا كونفى عوننا جميعا ياقمر
بس بجد انا مش بحب فكرة الهجرة بس بردو انتى كدة مش هتهاجرى انتى مطرودة سورى يعنى مقهورة
ربنا معااكى ياقمر استحملينا بقى الشوية دووول
منتظراكى لما ترجعى تزورينى كنت عاوزة كشف مستعجل بس شكلة كدة هيتأخر حبتيين
سلاااااااااام
هى دى زاتونة الموضوع ... و الحمد لله ان الشعب بدأ يفوق ... و يعرف الحقيقة ... اللى هى ... ان البلد دى مستحملانا بقالها سبعتلاف سنة ... بالذمة مش كتير ؟؟؟ ... و بعدين التغيير سنة الحياه ... و البلد من حقها تشوف حالها بقى ... هتفضل تربى فينا لغاية امتى ؟؟؟ ... كبرتنا و علمتنا تعليم مجانى و الحمد لله كبرنا و بقينا شحوطة ( جمع شحط ) ... متهيألى بقى نسيبها تشوف حالها بقى ... و يا سلام لو ندورلها على عريس ... بجد مخنووووووووووووق ... بس مش علشان البوست ... مع انه حلو ... بس علشان خرماااااااااااان و معييش سجاير ... حد يحن عليا و يبعتلى سيجارة
معلش طولت عليكى ... بس يمكن نطلع بسيجارة من الليلة دى
يالهوى عليكى يا دكتورتى
انتى بتكتبى الكلام دة ازاى
رغم ان البوست مش حزاينى كدة بس انا حسيتة كدة
خلانى دمعت يابنتى
وخصوصا فى الجزء بتاع
....................
مش عايزه اكل لحمه يابابا .. م اليوم انا نباتيه
بابا مش عايزه انزل الفلف بالعربيه واشم هوا .. م اليوم مرحبا بالموتورجلى
مش عايزه جلاكسى وكم يعتصر قلبى وانا بقولها .. م اليوم اهلا باجيرسى نو
مش عايزه موبايل يابابا .. بص يابابا ولا نت كمان
ولا الكهرباااااا .. هزاكر ع لمبة جاز .. بس الجاز هيغلى يابابا
بابا .. هو انت ازاى بتدلعنا ب ال 400 جنيه المرتب
.................
حسيت يابنتى بجد بمعاناة الاهل عشان يعيشونا الايام السودة دى
ربنا يرحمنا جميعا
وحشانى فعلا بجد بعد اجازتى اللى كنت فيها
وترجعى لنا من اجازتك على خير
:))
ايه ده يا بنتى
انتى قلبتى عليا المواجع الى هى متقلبه جاهزه
طب انتى يا ياسمين هتهاجرى وتبقى كائن محترم فى بلد محترم .. وترجعى او مترجعيش المهم هتتجوزى شاب حليوه وتخلفى عيال امامير والحياه تمشى معاكى فل .. طبعا مش بتفكرى الراجل الى هتجوزيه ده هيصرف منين وهيجيب فلوس منين فى زمن اصبح الواحد يعمل جمعيه عشان يجيب عيش الإسبوع
اقولك على حاجه ؟
انا لله وانا اليه راجعون
تحياتى
أنا معاكى
ربنا يرحمنا برحمتة
ويرحمك يابابا من الى انت بتشوفة
والله بتصعب عليا
وياريت الدنيا والاسعار بتقف على كدة
حبة واول مانتاقلم ولو حتى بطلوع الروح
هيقولوا دول قدروا يتكيفوا
زودوا تانى
وتانى
وتانى
لحد امتى؟
ممكن بعد كدة نحط بنزين بتمن عربية
وبردوا هنسكت وهنعمل كدة
الغلط فينا مش فيهم
احنا الى بنوافق وبنقول امين وكمان
ويوم مااحتجينا
احتجينا غلط
ربنا يقوينها
ويهديهم
تحياتى
الفرعونة العاشقة
الناس يا دوك في المدونات يعتبرو قدوة بلاش تبقي قدوة ياءسه
ياسمين انا ربنا يعينك في امتحاناتك بس انتي ليكي تاج عندي يا قمر اما تخلصي تعالي خديه ربنا معاكي
كلامك مضبوط يا دكتورة
وانا بصراحة قريت التعليق على قطة الصحراء بس مش عارف ابعاد المشكلة عشان ادى فيها رأى بس أنا اكيد معجب بكتاباتك وأسلوبك فى الحوار وصحيح شتيمة يا بوبى دى انقرضت خلاص عشان اكتشفوا انها كلمة اجنبية
عاوزك تروقى ومتاخديش فى بالك
واسف على التأخير وعدم التعليق كنت مشغول شويتين
وافتقدت تعليقاتك
تحياتى
Post a Comment