لا حول ولاقوة الا بالله ...
منكرش انى اتصدمت م كلامها ..
وان كل جمله كانت بتقولها زى 30 قلم ف بعض
خايفه اتجوز ... يقتلنى ....
هى بنت تتسم بملامح هاديه وطبيعه حالمه
عروسه ع وش جواز .. مع ايقاف التنفيذ .. برغبتها الشخصيه
ظروف ايه اللى عاشت فيها خلتها تبقى كده ..
مصايب ايه شافتها خلتها تبقى كده ...
لا الصراحه هى شافت كتير ..
لو كان ابوها يتصور .. انه ف اليوم اللى زق مامتها فخبطت ف الحيط
واتفحت راسها ... و وقعت نزفت ع رجل بنت عندها ست سنين ..
هو نفس المشهد اللى هيكتب نهاية مسلسل لسه مابتداش
تحت تتر .. خايفه اتجوز .. يقتلنى
... دى بنت خايفه تتجوز .. لتصحى ف يوم .. تلاقى جوزها معلقها
ف النجفه وهيولع فيها مثلا .. او يدبحها
.. ربنا يشفيها ويهديها ..
ويارب كل اب وام ياخدوا بالهم م اى حاجه بيعملوها قدام اولادهم
دى بنت كل ذنبها .. انها حضرت ع استحياء وهى 6 سنين خناقه بين
ابوها وامها واحتدمت المناقشه .. .. وبس خلاص
مشهد مدته 10 دقايق .. دكاتره نفسيين وشيووخ وناس ع قد ماتتخيل
مش عارفيين يشلووه م مخها .. وازاى يشلوه وهو بقى محور حياتها اصلا
لكل اب وام ..
متقلش ان ابنك ده عيل ايه يعنى ميشوفك بتهيين امه
او بنتك دى عيله ايه يعنى متشوفك بتفتشى ف جيب ابوها
حرام عليكمممممممممم ...
انك تبقى اب او تبقى ام .. مش انكم تخلفوا عيال وبس
انكم تربوا عيال صح ...
55 comments:
iهييييييييييييييه اول رد
صح يا دكتوره
الحاجات الزوغيوره دي اللي بيحسوا انها مش مهمه فعلا بتأثر ف نفسيه العيال
وعشان كده بقول واكرر
اللي بين المتوزين مايطلعش برا باب اوده نومهم لاي حد
صح مش مهم الخلف المهم التربيه
لان القطط والفيران بيخلفوا
لكن الانسان السليم
ينشأ من نتاج تربيه سليمه
السلام عليكم
والله يادكتورة الموضوع ده اصعب من المستحيل
الموضوع هو التربية
فاكرنها سهلة وعادي
لكن للاسف الطفل تربيته من اصعب الاشياء اللي ممكن تكلف انك تعملها
تصور نفسك عن تنشأة نفس بشرية
شوف هتعمل ايه
انا بقول نفس
يعني ياجماعة فعلا لازم نراعي نفسية وشعور الطفل ده
بصراحة يادكتورة جزاكي الله خيرا علي الموضوع الرائع ده
لانه كل ما افتكر انه ممكن ان شاء الله يعني اكون مسؤل عن اسرو واطفال في يوم من الايام بخاف اوي
لا حول ولا قوة إلا بالله
ربنا يكون في عونها ويهديها
الخلافات دي لابد من تجاوزها طول ما فيه ابناء ومش توصل للضرب والإهانه
اللي بيهين مراته عشان سبب تافه . يبقى بيهين نفسه قبلها
صح جدا , من الغباء التصور ان الطفل صغير خلاص ,مش فاهم حاجة , علي العكس اي شئ في السن ده بينطبع في الذاكرة ,وبيكون شئ اساسي في تكوين الشخصية وبيكون علاجه امر صعب جدا
تحياتي
اكيد طبعا التربية اهم من اى شىء
بس المشكلة اصلا ان دى ثقافة عامة عند الناس صدقينى حتى المتعلمين مش بس الاميين والجهله فعشان تتغير العادات دى لازم تعيدى بناء شخصيات ناس كتير اوى
وعلى فكرة من الاسباب الاساسية غياب الوعى الدينى عن طريقة المعاملة بين الزوجين وكيفيه التنشئة يووووووووووووه حاجات كتير اوى
تحياتى
هما لاقين ياكلو عشان يخلفوا لاعيال
دى هيافه
عزيزتى
الموضوع مش مشهد ادام طفل بس
الموضوع اخلاق واحترام ودين ومينفعش الاب يضرب الام بالطريقه اللى بتقوليها دى سواء ادام ابن او مش ادام اى حد
وااست لازم تجعل حدود لتصرف زوجها معاها فالضرب بالطريقه دى حرام
ودينا بيرفض الاخلاق دى والاخلاق ترفض التصرف ده
لاكن هكذا الدنيا فيها مشاكل لايرحم منها حتى الصغار والاطفال
تحياتى
سلام
يا سبحان الله اصلهم ساعتها بيفكروا ان دول عيال
مش عارفين ان عقللهم بيخزن ويسترجع
ربنا يرووق بالها يارب ويهديها
الدور دلوقتي على الزوج المستقبلي هو الوحيد اللي ممكن يغير من نظرتها
ولازم دة كله قبل ما يتم الزواج وفي اطار شرعي مع ابوها وامها وطبيب نفسي كلهم كفريق عمل علششان يرجعولها ثباتها النفسي وسكينتها
ربنا يعافيها يارب
بارك الله فيكي
يا سبحان الله اصلهم ساعتها بيفكروا ان دول عيال
مش عارفين ان عقللهم بيخزن ويسترجع
ربنا يرووق بالها يارب ويهديها
الدور دلوقتي على الزوج المستقبلي هو الوحيد اللي ممكن يغير من نظرتها
ولازم دة كله قبل ما يتم الزواج وفي اطار شرعي مع ابوها وامها وطبيب نفسي كلهم كفريق عمل علششان يرجعولها ثباتها النفسي وسكينتها
ربنا يعافيها يارب
بارك الله فيكي
بصى يا دكتوره نفسيا
الى بيشوفه الطفل فى السنوات الاولى من عمره والخبرات الى بيكتسبها بتكون هى العامل الاول فى تفكيره واتجهاته فى الحياه
موضوع ضرب الراجل للست
نتفق انى بعد الزواج بتكون كرامه الست من كرامه جوزها فلو الراجل عرف انى اهدر كرامه زوجته هو اهدار لكرمته الشخصيه مش حيعمل كده ويضربها
المجتمع االمصرى للاسف مجتمع ذكورى احادى التفكير وبتنقص فيه كل طرق الثقافه الزوجيه عموما وده الى بيخلى نسبه ضرب السيدات المتوجات وجرائم الاعتداء الاسرى على السيدات مرتفعه
المهم ان التربية تكون على اسا مظبوط مش بالفطرة وعلى سجية البنى آدم
لازم تكون على اسس موضوعية واسلامية وبدماغ واعية للغاية
وربنا يوفق
مينفعشى على اى مستوى تقولى ان الطفل مش بيفهم ومش بيستوعب الدراسات بتقول ان الطفل بيعى وبيأثر فيه كل شىء من وهو فى بطن مامته
تحياتى لدماغك الحلوة
وقوليلها لو تعرفيها ان الغلط من الاختيار فتختار صح وربنا هيسهل ومتنساش تعمل استخارة وتستعين بالله
سلام
هبة
يا دكتوره هاتقولى ايه وتعيدى ايه دى خلاص حاجات بقت خصائص فى الشعب مهما تنادى مش هاتتغير
وسمعنى احلى سلام لست الحبايب
مع خالص تحياتى
الباش مهندس احمد
لا حول ولا قوة إلا بالله ..
الواحد بيتغاظ من الناس اللي زي دي (الآباء أقصد)
هو الناس مبتقرأش : "فأمسكوهن بمعروف أو سرحوهن بإحسان" ؟
مبتقرأش : "إن أحبها أكرمها ، وأن أبغضها لم يهنها" ؟
---
إنك تبقى اب او تبقى ام .. مش انكم تخلفوا عيال وبس
انكم تربوا عيال صح
---
ربنا يبارك فيكي
صح جدا
السلام عليكم ورحمة الله وبركاته
الناس اللي زي دول بيجنوا علي ولادهم من غير ما يعرفوا
وعلي راي ابو العلاء المعري :
هذا ما جناه ابي عليّ وما جنيت علي احد
يا جماعة الجواز مؤسسة فاشلة البنت دى محظوظة من حيث لا تعلم بس كنت اتمنى انها ترفض الجواز عن اقتناع وليس عن خوف
عموما مش كل الناس زى بعض بس كمان انا شايف ان 99فى المية من الجوازات فى مجتمعاتنا الشرقية فاشلة لان الكل بيتجوز بس لان اللى حوليه اتجوزو يعنى عشان ما يحسش انه شاذ فى وسط مجتمعه انا مرة سألت ابن خالتى انت عاوز تتجوز ليه ودايما الرد امال عاوزنى اعمل ايه؟ ما كل النماس بتتجوز
حرام بقى فوقوا وعيشوا لنفسكوا شوية اتمتعوا بالحياة ولما يا سيدى تلاقى واحدة مقتنع بيها او يا ستى تلاقى الراجل اللى يناسبك ابقوا اتجوزوا بالهنا والشفا عليكو
ممكن حد يشوف ان ردى مش فى الموضوع انما انا اقصد ان الاب والام هنا واضح انهم اتجوزوا جواز تقليدى وفى النهاية الابناء هما الضحية بس البنت تقدر تعدى الموقف كمان لو بس قدرت تلاقى نفسها بعيد عن الجواز يعنى شغل او سفر او صداقات بجد انا شايف ان البنت دى محظوظة
انا كنت سمعت ان الاطفال عندهم ذاكرة صور حديدية
اى موقف قدامهم مش بينسوه بالساهل
والله انا احبذ ان مشاكل الاب والام متخرجش بره غرفة نومهم علشان مياثروش على نفسية اطفالهم
تحياتى
الناس محتاجة تفهميعنى ايه رجولة ويعنى ايه انوثة قبل ماتفكر يعنى ايه جواز وبعدها لما يبقوا بنى ادميين الاول يبقوا يخلفوا بدل ماهم بيجيبوا فى نفوس بيشوهوا فيها من اول ماتفتح عينها
للاسف احنا فى مجتمع نسى اصول التربية وانتشرت فيه امراض كتير زى العنف ضد المرأة او انها اصبحت ملكية خاصة وراح منه قيم واخلاق كانت موجودة زمان وضاعت منا دلوقت
تخيلى اعرف فعلا نماذج فاشله فى زواجها ومعقده بسبب
الاب والام وعلاقتهم ببعض
وطبعا يتكون علاقتهم مع الاخرين غير سويه
شوفى الاختيار من الاول لما يكون صح بيوفر حياه هاديه واولاد اسوياء
ربنا يصلح حال صاحبتك ويكرمها اللهم امين
ايه يا دكتوره الكلام الجميل ده....رؤيه جميله ..و بتحصل ..و الكبار مش بيحسوا بيها....و بتسيب رواسب عند الصغار...انتى عارفه الكلمه بتسيب اثر...و الاب و لا الام يقولولك ده مش حيفهم...لا بيفهموا و بيسجلوا تعابير الوجهه كمان...عجبنى البوست جداا
و يلرب مايطلعلكيش واحد زى مفقوعه ينكد عليكى و يقولك ده مسلسل اجنبى و انتى ناقشاه.....انتى متاكده انك طب؟طيب طب نفسى؟
تعرف انها فعلا مشكله
الاباء والامهات مش بيخدوا بالهم من الموضوع ده خالص بجد
اساسا احنا معندنا تربيه فى مصر الثقافه دى مش موجوده هما فعلا بيخلفوا وبس
ربنا يشفيها يارب
طبعا فى حاجات فى الذاكره مستحيل تتلغى
لان العقل استوعبها
وطبعها بحروف بارزه
وده عيب اندفاع الاباء
هذا ما جناه عليا ابي و ما جنيت علي احد
مش الأب لوحده و الأم
عندك حق والله يا دكتورة وفعلا الامور اللي بتحصل بين الزوج والزوجة وقدام الابناء بيبقى ليها اكبر تأثير على حياة الاولاد بعد كده ولازم فعلا كل اب وام ياخدوا بالهم من تصرفاتهم قدام اولادهم
البوست ده جامد جدا فعلا
عارفه ان ناس كتير اعرفهم معقدين من الحكايه دى لانهم شافوا الخلافات بين اهلهم
طريقة معاملة ابوهم لامهم او طريقة استفزاز امهم واهانتها لابوهم
تحياتى
الطفل فى مرحة الصغر بيلقط أى حاجة زى ما بيقولوا علماء الاجتماع وبتتكون على المشاهد اللى بيشوفها خلفيته اللغوية والثقافية والاجتماعية وحتى آرائه فى أى شىء نابعة من المشاهد اللى شافها وهو صغير
البوست اكثر من رائع وبيعالج مشكلة أغلب الآباء والامهات غافلين عنها
شكرا
علي فكره من الثوابت العلميه ان اهم فتره في تربيه الطفل هي اول 6 سنين يعني مفيش حاجه اسمها دا لسه عيل
لينا نفس نخلف يبقي نربي كويس مش عيال وخلاص وبعدين يطلعوا مشوهين نفسيا
لا فض فوك يا بنوته
والله العظيم يا بنتى صوتي راح من كتر ما اقو لكده للناس دي
طب تعرفي بقى وده من ارض الواقع ان مره واحده بنت ......... حلاااااال زي بعضه
لقيت البنت ايدها متعلم فيها بجرح كده زي حرق ولسه جديد يعنى
باقولها من ايه ده يا بنتى وانا مخضوضه بقى ان البنت وقع لها حادث اليم
اتضح ان الهانم سخنت معلقه وحرقت بنتها . طبعا انا كان فاضل شويه واولع فى امها وابوها الى لسه سايب الست دي علىذمته
وبعدين قالتلى اصلها بتفتن وكانت هاتوقع الدنيا فى بعضها
وبعد كام يوم عرفت القصه كلها من مصدر موثوق منه ان البنت ببراءه قالت لابوها هات فلوس اجيب كذا قالها مش معايا فلوس قالتله خد من ماما قالها ماما مش معاها فلوس قالتله لا معاها فلوس وانا شوفتها بتعينها فى المكان الفلاني ...............
انتهى الموضوع بقصه طويله عريضه عن الفلوس دي وانها بتاعة امها ( وفى الغالب فلوس متدكنه من ورا جوزها ) وكان نصيب البنت فى الحرق ده .
اول لما شوفت امها وابوها هددتهم تهديد جاد جدا واديتهم فين يوجعك بس للاسف وانا مؤدبه لانهم اكبر مني كتير .
وحسبى الله ونعم الوكيل
واسفه على انى طولت كده
نصايح مهمه فعلا
الحاجات دى بتأثر على الاطفال فعلا ولازم
ناخد بالنا منها هما العيال ناقصه مش كفايه عليهم الزمن الاغبر اللى جاى
متميزه دايما ياسمسمه
كلامك سليم
موضوعك رائع
تسلمى علية
الطفل كل حاجة بتحصل قدامة بيخد بالة منها اكتر كمان من الكبار
تحياتى
السلام عليكم
والله عند حق الاب والام مش اللى يخلفوا وخلاص الاهم انك تربى صح تطلع عيل مش معقد ولا فيه مرض نفسى
وتسلم ايدك على البوست الجميل ده
سلام
يالله
معقول
بجد ربنا يهديها
انا اعرف ناس كده برضه
علاقتها باهلها وحشة جداً
لانهم زمان كانوا بيتخانقوا قدامهم
المفروض ميبقاش فى خناقات اصلا ولو فى يبقى بينهم وبين بعض
لان الطفل المشاهد دى بتثبت ف دماغه جداً
ربنا يهديها يارب ويوفقها
:)
فعلا فى ناس بيستهونوا بتربية ابنائها وبيبينوا ادامهم كل الحماقات اللى المفروض يخبوها عنهم
ياااااااااااااااه
اول كلمه قلتها لما قرات الموضوع
فعلا حرااام
وللي يحير اكثر انك تلاقي التصرفات ده من ناس متعلمه وفاهمه
فعلا الحالات ده بقت موجوده وبكثره
وانا عن نفسي فعلا اعايش حاله مماثله خايفه تتجوز تتكرر مشاهد معينه في حياتها
للاسف وصلت لمرحله عدم الثقه في اللي قدامها
اللهم عافنا مما ابتليت به غيرنا
واشفه مما ابتليتهم به
صديقتي البنوتة
كلامك في الجون بس ناس قليلين جدا اللي بينفذوه حتي لو كانوا مثقفين و مدركين لمدي صحته عارفة انا اكتر ميزة اذكرها لوالدي حتي الان انه كان دايما يتكلم عن ماما بأحترام و مدح شديد في غيابها امامنا و احنا صغيرين بغض النظر انه اكيد له عيوبه معها كزوج
انا بحاول اعمل كده مع ولادي بس هما حشريين :)) كل ما يلاقوني بتكلم مع باباهم يدخلوا في الموضوع نفسي اتخانق معاه براحتي مش عارفة :)) بفكر اديله موعد في كازينو او سينما عشان نتخانق بعيد عن الاولاد مش فكرة بذمتك
و في الختام رزقك الله زوجا يخشي الله اذا احبك اكرمك و اذا كرهك لم يهنك آمين
لسلام عليكم
:::دعوة :::
يدعوكم فريق مدونة حركات
الى زيارة المدونة الاولى فى خدمات المدونين
:: حركات ::
والتى تختص بالتصميمات
الخاصة بالمدونات
وكذلك التعليم
،،:::،،
نسعد بتشريفكم لنا وانضمامكم معنا
فريق المدونة
www.harakat-86.blogspot.com
ماهو كل المصايب والعقد النفسيه بتدأ
من البيت اللي كله اهانه وتهزيق وتصرفات نيله
علشان اصلا مفهوم الجواز اتجوز واخلف ويبقي ليا عيال
لكن مسألش نفسه هعلمهم صح هكون قدوه ليهم هحافظ علي شعورهم مش هيين البني ادمه اللي هي امهم
الكلمه اللي انتي قولتيها
كتب مشهد النهايه في مسلسل لسه مبتداش
والله دي فعلا حقيقه مره
تحياتي
فعلا
الأبوة والأمومة تربية لا إنجاب
..
أسأل الله أن ينتبه الجميع لتربية أبنائهم
فبأيديهم يزهر المستقبل أو يُقتل
...
لكِ تحايا
فعلا الذاكرة فى عقل الأطفال الصغيرين وعقلهم الباطن بخزن حاجات تفضل معاهم لما يكبرا وده بسبب مشاكل كتير جدا
ويجب على كل أم وأب يراعوا بجد مشاعر الأطفال لإن دى بتحصل كتير ولو حتى مش خناق ساعات الأطفال بيشوفوا أهلهم فى أوقات ميصحش يشوفوهم فيها والأباء بيقولو دى عيال ومش فاهمين حاجة
ربنا يستر
موضوعع لذيذ يادكتور
http://elmancy2000.blogspot.com/
يااااه
قصة مؤلمة اوى
عندك حق والله
لازم نتربى ازاى نربى عيالنا فالتربية مش اكل واشرب واغير لا طبعا
كتير مش بياخدو بالهم ان الاطفال بيتأثرو اوى بكل اللى بيحصلهم واللى بيتحفر فى دماغهم من وهما صغيرين مبيرحش ابدا
بجد مواساتى لصاحبه القصة وربنا يفرج عنها كربها ده
تحياتى يا قمرة وكل سنة وانتى طيبة
اهو ده الكلام ياسمسم
اتقوا الله فى رعيتكم
دعوه عامه
أتشرف بدعوتك يا سمسمه انتي وكل زوار مدونتك العثوله دي لحضور ملتقى شعري في كلية طب طنطا
يوم الثلاثاء 29/4/2008الساعه الواحده ظهرا
هيبقى ملتقى جميل بإذن الله
أشوفكم يومها بقه
تحياتي
نسيت أقول إن الملتقى هيكون في قاعة ابن سينا .. بالدور الثالث بمبنى كلية الطب
مستنيكم
بسم الله
عندك حق
الخناقات اللي امام الابناء بتسبب وصمات نفسية صعبة جدا للابناء
عندي امتحان نفسية وعصبية يوم الثلاثاء القادم هههههههه
نسالكم الدعاء
تحياتي
مش عارف بعلق تانى ليه بس حبيت اضيف
ان الاب والام هنا بيتحملوا المسؤولية بس كمان انا عاذرهم لاننا عايشين فى مجتمع الجواز فيه روتين لما نوصل لسن معين فاول ما حد بيوصل للسن ده يلاقى الاهل والاصحاب بيضغطوا عليه عشان يتجوز كمان نلاقى حد تانى اللى بيخطار العروسة يعنى جواز تقليدى واكتر من نصف جوازات المجتمع عندنا تقليدية يجى بقى الولد والبنت بعد الجواز يلاقوا نفسهم فى حياة ما كنوش بيحلمو بيها وتبدا المشاكل تظهر وتزيد واغبى فكرة شفتها فى المجتمع بتاعنا ان بعد الجواز اللى هو سواء تقليدى او عن حب بيطلبوا من الزوجين انهم يخلفوا باسرع وقت واللى تقعد سنة متخلفش تلف على دكاترة البلد يعنى قلمين ورا بعض جواز وخلفة يجى بعد كده الزوجين مش قادرين يتحملوا المسؤولية اللى اترمت على اكتافهم فجأة والبيبى هو الضحية عشان كده انا بقول ان قبل ما حد فينا يتجوز لازم يفكر حلو قوى وقبل ما يخلف لازم يفكر مليون مرة عشان لما البيبي يجى بعد كده يتولد فى اسة عايزاه واسرة تقدر تدليه الحنان والامان عشان يكبر صح
هى دى العقد النفسيه اللى تودى فى داهيه
بجد التربيه مهمه جدا
ربنا معاهم
ولازم من البدايه الناس تفهم ان الاطفال دى فاهمه والله ابن اختى ماشاء الله عليه بيفهم كل حاجه وهو سنتين
ربنا يرحمنا بقى
السلام عليكم يدكتوره
طبعا لازم الاطفال ميشفوش مشاكل الاهل
لانها يتاثر عليهم
والمشهد البيشوفوا الطفل بيحب يقلد اهله
زى مبيجى يتعلم الصلاه
بيكون من تقليد اهله
لانوا دايما الاب صح
فبالتالى لو شاف مشاكل
هتتكون عندوا فكره ان دا هيحصل لما يكبر
وموضوعك جامد وتقبلى مرورى
صح الصح
يا دكتورة
انا بجد مش عارف اقول ايه
المجتمع عايز اباده وبعدين يرجع يتبني من الاول علشان تطلع اجيال نضيفه يربوا ولادهم كويس
موضوع هايل المرادي
يستحق الثناء
تحياتي
سبحان الله
أنا مش عارف الناس دي إزاي بتعمل كده
دول مش بني آدمين أصلا
وطبعا زي ما خبيب قال
فين هما من "فأمسكوهن بمعروف أو سرحوهن بإحسان"
بس هي دي سنة الحياه
فيه الحلو وفيه الوحش
تسلم إيدك على البوست الرائع
انا جاي اعلق على التمهيد اللي مكتوب قبل كتابة التعليق
مش كدا والا إيه
وفي رواية
الاختلاف في الرز لا يفسد للوز صينية
3ala fekra ana metghaaaasz gedan we nefsy amsek el ragel da amaweto darb
le7ad maymooooot fe3lan fe edy
3andek 7a2 wallahy
atamanalek el takadom da2eman
Post a Comment