انت مش ابنى يامنعم .. انت لئيط
مش وقته ياابو منعم انت .. هات بس مفتاح الاوبترا
انا اللى هسوق الاوبترا يامنىىىىىىىىىى
انت بتحلم ياحلمى .. نياهاهاها
بعيدا عن منى وحلمى ومنعم
وقطعا الاوبتراااااااااا
بيجو .. 307 .. للرفاهييه عنوان اخر
ولاد الحلال مخلوش لولاد الحلال حاجه ..
متتتنحليش بقى كده .. منا لسه قايله ان كلنا ولاد حلال
وولاد ناس ومحترمين وبناكل تلات وجبات ف اليوم
انا عن نفسى باكل اتنين بس .. فرق سورعات بقى ..
كتير ببقى ماشيه بالعربيه
والاقى حد مثلا ف مكان مقطوع وواقف يستنى مواصلات
رجل .. ع دواسة البنزين .. والرجل التانيه بتفكر تنتش فرامل
عمركم شفتوا حد بينتش فرامل برجل ورجل ع البنزين
هو ده التمكن القيادى الصح
وتكون الغلبه للرجل اللى ع البنزين والتانيه تنتش دبرياش
وتالت .. واطيييييير
كتير بلاقى حد واقف بعربيته ف مكان مقطوع
وبيغير عجلته .. او عربيته عطلانه .. او ما الى ذلك
ويتكرر نفس الموقف ...
كتير بشوف اتنين ستات بيتخانقوا .. واكون هموت وادخل افصل بينهم
بس ارجع امشى ..
وقد ايه .. بكره نفسى ف مثل هذه المواقف .. بل وبضربها بالجزمه كمان
بحب حرف بل ده اوى ...
طيب انا ايش ضمنى ان اللى هنزل اساعده ف عربيته ده
ميخطفنيش مثلا .. ودى ف حد ذاتها نو واى تحصل .. لان انا اخطف بلد
احم احم .. بس برده .. ايش ضمنى انى اللى هركبها معايا ف العربيه دى
متقتلنيش مثلا ..
متخدرنيش .. وتاخد منى اهم حاجه ف حياتى ..
..
القلم الرويترنج الاصفر ابو خمسه جنيه ..
ايام مكان الرويترنج ماشى بيتقمع
.. لووووووووول ..
او ادخل افصل بين الستتين .. يقلبونى ولا حاجه
وانا والحمدلله .. محفظتى دايما عامره باللبان والجلاكسى
حقا هذا الخيال المريض
والذى تسبب فيه اصلا
ان ولاد التيييت الاولانيين مخلوش لولاد التييت التانيين حاجه
وماشاء الله خيال خصب .. يوميا نقرى عن الست اللى خدرت سواق تاكسى
واللى قتل سواق الملاكى وخد الكاسيت
حماااااااااااااااااااااااااااار
يقتل وياخد كاسيت وياريته سبتلايزر ده كان صينى مش حتى سانيو
هههههههههههههههههههههههههه ويسيب العربيه
المهم بجد الموضوع ده بيقتلنى .. فعلا وقد ايه ف كل مره م دول
بخسر احترامى لنفسى اسبوع لحد ماانسى الواقعه
تيجى واقعه غيرها
ولذلك ف اغلب الحالات بتكون نفسى مبتحترمش نفسها
انت يااااااااااض .. بتقول عنى انا مزوداهاااااا
طب اطلع ياله برا المدونه ..
لا فعلا انا مش مزوداها خصوصا انى م النوع المساعد جدا جدا
لابعد مما تتخيل
معرفش ليه
غير انى مولوده كده بعشق مساعدة الغير
فلما تبقى عامل دايت وخايف ع صحتك وقدامك فرخه محمره
احساس ولا ابشع بالقهرررررر
فارجوكم ياولاد الحلال .,. سيبوا لولاد الحلال حاجه
خلونا نعرف نساعد اللى بيقع ف ورطه بجد
متقهرونييييييييش
96 comments:
هييييييييييييييييه انا اول واحدة
عداكى العيب و طلع على الرابع يا اجدع بنوته.و الله يا حبيبتى انا زيك كده بحب مساعدة الناس جدا... بس دلوقتى ياختى عاوزه اللى يساعدنى نفسيا من اللى شوفته....مش انتى دكتوره برضه..امال ياختى حتعملى ايه بقى لما تلاقى ولاد الحلال اللى زيك..مش سايبين ولاد الحلال اللى زيك برضه...يساعدوا و لاد الحلال اللى زي ...وبياشطوهم...اشى كليه و اشى قرنيه...و انتى جايه تقوليلى لبان و جلاكسى..و قلم ...ده انتى غلبانه جدا.. و فعلا عاوزه مساعده..تعلى و انا اساعدك
هههههههههههه
كلاكيت تانى مره
--------------
انا اخدت الطياره و عملت لفه مش بطاله على كا مواضيعك......الصراحه انتى بنت جادعه و كلامك .دخل فى العضل.. و فكرك سليم...وحرام اللى دخلك طب انتى لازم تدخلى مجلس الشعب ...وانا حنتخبك من بكره...بس حتكونى عن اى دايره علشان اعزل واجى دايرتكم
بجد بحييكى على كل الموضوعات
بل انا مبسوط قوى انى رجعت اقرا موضوعاتك
بل انا مش فاهم حاجة فى السكونتsquint ممكن تشرحيهولى بما انك بتحبى تساعدى الناس
بل لازم تشكرينى على ال3 بل اللى فى الكومنت بتاعى لانى بقدمهوملك هدية بما انك بتموتى فى البل
اه نسيت اقولك شيلى رجلك من ع البنزين وانتى بتشرحى السكونت
معلش جيت تانى علشان اقولك ان فعلا ولاد التيت ما سابوش لولاد التيت حاجه و منهم لله... تصدقى كنت فى مدونه دلوقتى و انا بقرأ التعليقات لفت نظرى تعليق كده مبهم قلت اشوف مين صاحبه... و اتاريه فايروس و كان حيدمر الجهاز لولا البرنامج ال انتىفايروس ..زكان زمانى دلوقتى فى خبر كان
لا بصي اللي انتي بتعمليه ده صح لأنك اولا بنت وثانيا معدش في امان في الدنيا بس ممكن توجهي حاجتك بمساعدة الناس في اماكن مضمونة يعني ممكن تساعدي واحد في وسط البلد مثلا وتغيري معاه الكاوتش او تصلحي العربية او تحوشي بين اتنين بيتخانقوا في مول مثلا مش لازم في حتت مقطوعة يعني وبعدين عليكي وعلى الجمعيات الخيرية والعمل التطوعي واسألي مجرب
وربنا يعينك
السلام عليكم
لا قلم الرويترنج دلوقتي بقي ب18 جنيه وش كده
حافظي عليه ارجوكي
ههههههههه
مش عارف والله عندك حق
الواحد ساعات بيتحط في المواقف ده كتير اوي
وبيني وبينك بعمل عبده العبيط واستندل زيك كده بالظبط
هههههههههه
أجدع بنوتة
انا متفق معاكي في ان الشك بقى يحكم علاقتنا بغيرنا
ودي حقيقة دايما الواحد يسال نفسه طيب هو الشخص اللي هاساعده ده مش ممكن يضرني
والاجابة دايما للأسف أيوة
خاصة لو كانت اللي هتساعد بنت في مكان مقطوع
اخلاق الناس فعلا اتغيرت
علشان كدة انا ما انصحكيش انك توقفي لحد بالعربية في مكان مقطوع او حتى فيه حد
احسن بعد كدة تغني ظلموه
وتفتكري المقولة الشهيرة
أكلوك الحلاوة يا ذكي
تقبلي مروري
خليكى زى ما انتى ...بس...خلى بالك كويس...مش كل الناس تستحق المساعدة
والله عندك حق
وفعلاااااا بيحصل معايا المواقف دى كتيييير وبكره التردد الى جوايا ده اوى
وياسلام بقى لما اوقات اساعد واتغلب على القلق ده واخد على دماغى بقول مانا كنت فحالى لازم اعمل فيها شجيعة السيما؟؟ واهو ده مشكله تانيه اننا فقدنا اى نوع من التعاون او الترابط بجد حاجات محتاجه تتصلح كتييير اوى
عارفه ؟ انا كمان ساعات كتير بيبقى نفسى اعمل اللى انتى بتقولى عليه ده بس انا مش عندى عربيه بس بيبقى نفسى لما اشوف حد واقع فى ورطه وانا معديه من جمبه اساله فى ايه اساعدك ازاى لكن اللى بيحصل بيخلينى اكمل فى طريقى زى الالف وان شا الله تولع
تعالى هنا
انتى ايه اللى عرفك ان السبتلايزر
كان صينى
هو انتى اللى عملتيها اعترفى
هلا
ايه التنوعات الكتير اوى دى
:)
جميل انا الواحد يكون من جواه بيحب يساعد الناس ومينتظرش منهم اجر
بس المشكلة عايزين افعال الناس متصدناش اننا نساعدهم
حتى لو كانوا ميستحقوش
نخدم فيها الجانب الابيض
وما شاء الله مدونة حضرتك التانية جميلة جدا ومميزة
وقلما نجد مثل هذه العقليات وهذه النظرة للزواج والحياة الزوجية
السلام عليكم
بغض النظر ان اسلوبك رائع
وجااااااااااامد جداااا
وبتنقشى نفس اسلوب التفكير الكلوا بيفكر فيه
والجميع مش حاسس بالامان
ومحدش بيساعد حد
وتقبلى مرورى
اه
وممكن واحد يقتل لاهيف من كده كمان
العبيط
او الحمار اللى سرق الكاسيت
فى احمر منه
بيضطره لكده
اجدع بنوته احلى حدوته
انا هاسيب كل حاجة وامسك فى الروترنج
قوليلى بتجيبية منين ابو خمسة دة
شكلة صينى زى السبتلايزر
او اكون انا اللى بيضحك عليا
مممممممممم
ليه كل ده
مش مهم عربيه خالص
ههههههه
علي يااااادّدّيي
مساعده والله العظيم مساعده
اجدع بنوته
اييييييييه
دي هيه مولوده اصلا عشان الصالح العام
لاحول ولاقوة إلا بالله
فعلا يابنتي كلنا نعاني من هذه المشكلة
ولأول مرة نحقق انتصارا في معركة من هذه المعارك وبعد عشر سنوات مسكنا حرامي الأحذية في المسجد
والذي استنزف هو وأمثاله من ميزانيتي بمعدل جنيه أو جنيه ونصف يوميا لمدة عشر سنوات
زى ما بقول لاختى
انتى مش راجل
عايزه تساعدى الناس ساعيهم وخليكى فاكره انك مش راجل
اتز فرى ايزى
ان الله فى عون العبد مادام العبد فى عون اخيه
ومن مكانى هذا بقول لولاد التيت
سيبو لولاد التيت حاجة
تحياتى
يا بت الايه يا بنوتة
والله و طلعتي من الطبقة البرجوازية
عربية اوبترا
و كاسيت سانيو
و جالكسي
و روترينج
فاضل تقوليلي انك مشتركة في نادي الجزيرة و بتلعبي سكواش و الجمعة تنس
بصي يا بينتي
انا اهم حاجة عندك خفت عليها هوا انتي
طبعا كداب
اقصد الجالكسي بجد
وبعدين جميل قوي ان يبقى جواكي كل الجدعنة دي و مبتنفذيش اي حاجة
لا و مسمية نفسك اجدع بنوتة
امال لو نتشتي فرامل و نزلتي هتسمي نفسك ايه بقى يا هانم
خليكي دايسة بنزين
وراعي الغلابة اللي زيي اللي واقفين في طابور العيش
قال جالكسي قال
سلام مؤقت
اوعي تكوني بتزعلي
ده نقد هزلي بس
انا اصلا باكل فينو مبكلش عيش :)))))))))))))
كنت عايز اعرف بس هو الولد اللى سرق الكاسيت ده
بيبيعه فين ؟؟؟؟؟؟؟؟؟؟؟؟؟
بصي انا لغاية نص البوست مكنتش مستوعب ايه الموضوع ,الواحد مخه مهيس طبيعي ..
انا طبعا فهمت قصدك ,احنا بقينا نخاف من بعضينا , بقي سوء الظن هو اللي غالب ..
علي اساس ان ممكن يكون نيتك خير لكن تلاقي نفسك وقعتي في مصيبة ..
علي فكرة حتي مع الناس اللي تعرفيهم برده ممكن يشوفوا مساعدتك ليهم بطريقة مختلفة ..
الحل ؟؟؟؟؟؟؟
مش عارف ,باين ده طبيعة العصر المادي اللي احنا عايشينه ..
بس برده في ناس لسه بتساعد حتي ناس متعرفهاش وبتغلب حسن الظن في معاملتها بس ربنا يستر وما بنقرضوش مع الوقت
تحياتي
محمد
قلم الرونرنج بتاعك بخمسة جنيه
اعمل ايه انا بقى .. ده انا باشتريه
بخمسين وشوية كمان
بجد كتير بحس فعلا اني عايزة
اعمل حاجة ايجابية
اني لما اشوف حد بيضرب طفل في الشارع
حتى لو كان ابوه او امه اروح اوقفه
عند حده واقوله عيب كدة !
او اني لما اشوف واحدة بتشحت اورح
اسالها بتعملي كدة ليه ولو كانت بجد
محتاجة اعملها اللي اقدر عليه
لكن دايما بلاقي نفسي مكملة طريقي
وانا في قمة الاحباط .. شعور وحش اوي
ولاد ال... مخلوش لولاد ال... اي حاجة
واجدع تحية لاجدع بنوتة
يا حبيبتشي انا كمان بحب المساعدة اوي لابعد ما تتخيلي
بس ساعات كدة باتحرج اقدمها خصوصا اني ست وموقف حصل لي يوم الخميس هحكيه في بوست قريب
بس فعلا ولاد الايه الاولانيين ما خلوش للولاد الايه التانيين حاجة
عااااااااااا
تحياتي
انا عن نفسى باكل 5 وجبات فى اليوم
انتوا عايزين تشوهوا صورة البلد لييييييه
ثقافة الأنانية التي غُرست فينا غرسا
وأعني بالأنانية : الحرص على حياة الفرد ولو كانت على حساب حياة المجتمع
والحرص على مصلحة الفرد ولو كانت على حساب مصلحة المجتمع
وما على هذا قامت دولة الإسلام سابقا
لكن بهذا سقطت أمام الصليبيين وأمام التتر ..
واليوم .. أمام اليهود
"لو أخذوا على أيديهم لنجوا ..
ونجوا جميعا
ولو تركوهم لهلكوا ..
وهلكوا جميعا"
بالطبع هناك مواقف معينة لها فهم خاص
يعني مثلا .. ان بنت تقف لحد في حتة مقطوعة؟
لكل مقام مقال
عملنا كومنت موديريشن ؟
:)
ليه ؟
أتصور أن عقلك المتميز وآراءك الواضحة تستطيع أن تدافع عن نفسها ببراعة
وأما من يسب فيمكنك حذف تعليقه فيما بعد
لكن لا تمنحي أحدا فرصة التشكيك في قدرتك على الحوار عند طرح موضوع هام مثلا
---
دمت بخير في جميع الأحوال
. انت لئيط
دى كلمه يا شيخه حرام عليكى هههههههههخخخخخخخخ
المهم عندى اسأله انتى بقى بتصلحى عربيتك كل قد ايه بسواقتك دى هاااااااا
اظن كل يوم ويوم
عموما يا سمسم انا رافعه الشعار معاكى يا واختشى خاصه لما بكون مسافرة ههههههههه
اما بصراح فى القاهرة الجدية ساعات ممكن اخد ام والادها مثلا لما يكون الجو برد او حر او بنوته واقفه فى المطرة
انما فى الحر بسبها تتسلق هههههههههخخخخخخخخخخ
بس بصراحه ومن غير ضرب اكتر ناس مش ممكن اركبهم المنقفبات لان والله مش ببقى عارفه دول ايه وفعلا فى دى ولاد الستين تيت مخلوش لاولاد الحلال حاجه
تسلم ايديك يا دكتورة على ما تفرج
السلام عليكم
اولا بجد بجد وحشتنى مدونتك
ووحشتيني انتى شخصيا ووحشنى دمك الخفيف
ووحشتنى الكومنتات والبلوجات وكل ما هو آت .. :)
نيجي بقى لاولاد التيت اللي مخلوش لاولاد التيت حاجة
فعلا عندك حق
واحيانا مش بيتخانقوا او واحد عربيته عطلانه
ده احيانا يكون اتنين بيتكلموا وواحدة تدي للتانية معلومات غلط ومتقدريش تتدخلي بينهم
قد يطولك كلمتين في العضم امثال .. وانتى مالك يا انسه ، ماتخليكي ف حالك
واحيانا بتشوف مشكلة احداثها حصلت كلها ادامك ومتقدريش تبدي رأيا ... الفضول وحش:D
واحيانا بقى بيوصفوا لرجل ما مكان ينزل فيه من المينى باس مثلا- بيوصفوا غلط اصلا وحيتوهووه - وتبقي مش قادرة تتدخلى وتقوليله على المكان الصح .. لانك بنت ، والبنت بجد مينفعش تكلم حد متعرفوش ، ودي نقطة انا مش معترضة عليها بالمناسبة
يالا
نو تراست
:S
سلاماتي وقبلاتي:))
يابنتى انتى معاكى ثروة قلم رويترنج دة محدش عارف يشترية دلوقتى وكمان شيكولاتة لالا خافى على نفسك واوعى حد يضحك عليكى انا مبسوطة انى اول مرة ادخل المدونة وبجد عجبتنى وبهنيكى على موضوعاتك الجميلة
تحياتى
فعلا طول ما ولاد التيت الاولانيين موجوديين عمر التانيين ما هياخدوا حقهم ابدا
ده بشوفه فى الصيدليه اما بييجى الاخوه المدمنيين يطلبوا ادويه الجدول
ده بيضطرنى انى ارفض حتى المريض الحقيقى
تقبلى تحياتى
DEAR DOCTOR,
I HAVE READ THIS POST AND REALLY I CANT GRASP WHAT YOU ARE UP TO.
I FOUND YOUR LINK WHEN I WAST VISITING ANOTHER BLOG AND I FOLLOWED IT, AND BELIEVE IT OR NOT I'M UPSET OF WHAT IS HAPPENING HERE, BEING OUT OF EGYPT I CAN SEE THROUGH SOME BLOGS THAT YOU EVEN MISS THE STYLE TO EXPRESS YOURSELF AND THAT WHAT I WAS SAYING IN THE OTHER BLOG
WELL
YOU HAVE TERRIBLE SPELLING MISTAKES THOUGH YOU ARE A DOCTOR
WAW
SECOND
YOU DONT HAVE THE LEAST ABILITY TO EXPRESS YOURSELF THROUGH A PROPER STYLE
THIRD
YOU DONT HAVE ANY THEME, IT SEEMS THAT YOU ARE A VERY POOR READER, YOU CAN'T WRITE WITHOUT READING
FOURTH
YOU ARE OVER ESTIMATING YOURSELF, YOU ARE NOT EVEN FISHING FOR A COMPLEMENT YOU ARE IMPOSING COMPLEMENTS ABOUT YOUR "GREAT" "CHIVALRIC" PERSONALITY ON YOUR VISITORS THAT TELLS THAT YOU ARE SO TRIVIAL AND SUPERFICIAL
THIS IS VERY SAD COZ AT THE PLACE I M LIVING YOUNG PEOPLE LIKE YOU START TO READ A LOT AT A VERY EARLY STAGE
SOME OF THEM ARE GOOD READERS THOUGH THEY ARE CARPENTERS NOT DOCTORS SO IT IS SO SAD THAT A YOUNG DOCTOR LIKE YOU IS THAT IGNORANT AND SUPERFICIAL THAT MAKES ME SAD ABOUT MY COUNTRY
AND THAT DESCRIBES WHY PEOPLE IN THE WEST EXCEED US IN EVERY THING
YOU EVEN DONT HAVE A POINT OF VIEW
JUST MAKING THIS BLOG TO SAY THAT YOU ARE THE GREATEST OF THE GREATS?
WHAT SILLY
ههههههههههههههههه
يخرب عقلك
لئيط
وبيجوو يا منى
و
القلم الرويترنج الاصفر ابو خمسه جنيه ..
ايام مكان الرويترنج ماشى بيتقمع
بجد بجد شكلك كده مشكلة
انا اول مرة اجى هنا
بس متخفيش لابدالك ف القفص
وكمان ابن منى
ده انا هنفخك :D
مساء الانوار :)
انتى جدعة اه
بتحبى تساعدى الناس شىء جميل
بس الحذر حلو طبعا
ولاد التيييت اكثر من ولاد التيييت التانيين
وربنا يسترها وبلاش تقلبى العربيات وخصوصاالسبتلايزر
تحياتى ليكى
خالد
عندك حق والله
دا احنا ...(اللي هم الولاد يعني) بنخاف نركب حد معانا ولما بنشوف خناقه بنقدم رجل ونأخر رجلين
عيشي حياتك يابنتي ولا تسألى
لو قلبت المحفظة ولا حاجة
مفيش حاجة بتروح
والمال الحلال مايضيعش
اتكلي على الله بس
حرام عليكي الخمسة عين اللي قلتيهم في البوست اللي فاااااااااااات
يعني هي كانت ناقصة
السلام عليكم
ازيك يا اجدع بنوته والله كلامك صح الواحد بيخاف يعمل خير للتقلب عليه بشر صح اخاف اسلك بين اتنين ستات يقلبونى بس انا محفظتى مش فيها الا قبضى يعنى اللبان ارحم هههههههههههههههههههه ابقى ابعتى ليه لبان من اللى معاكى وحته شيكولاته ماشى بوست هايل ودمك عسل
سلام
السلام عليكم ورحمة الله وبركاته
للاسف عندك حق في كل الكلام اللي قلتيه ، الواحد بقي بيخاف يمد ايده لاي حد بالمساعده ليعضها
الناس ولاد التييييييييييييييت الاولانيين دول فعلا ماسابوش ولاد التييييييت التانيين اي حاجه
ربنا يسامحهم
والله يا سمسمة
موضوع يستحق التفكير
بس انا عموما لما بلاقى حد واقع فى ورطة واقدر اساعده بعمل كدة من غير ما افكر فى العواقب
وخصوصا لو كانوا ستات
او رجالة عواجيز جدا
غير كدة مبهتمش باى حد
ومبقعدش افكر اذا كانوا هيؤذونى ولا لأ
انا بتكل على الله وربك اللى بيسلم فى الاخر
تحياتى ليكى
اختك خيخة
والله عندك حق ... انا بأبقي هامووووت واساعد الناس بس من اللي باشوفه في الحوادث بقيت اترعب منهم
هاهاهاهاهاها
جمييييل اوى البوست
انا اول مرة ادخل البلوج بتاعك
بس تحفه بجد
فكرة جميله و باسلوب خفييييف
و حيث ان الختلاف فى الرأى لا يفسد للوز مهلبيه فانا من رأيى .. "بل" انا رأيى ان
ولاد التيييت ماخلوش لولاد "التراباتييييت" حاجة
بصي بأه...انتي عارفة اللي بتحكيه ده عامل زي نظرية المؤامرة اللي بيقولوا عليها بس على صغير..الواحد شايف الدنيا سودة مشجرة بكحلي وظنه سيئ بكل الناس..على فكرة مش لوحدك..كلنا بقينا كده...ما انتي قلتيها ربنا يسامحهم ولاد الحرام....
موضوع جميل...........تقبلي زيارتي
عندك حق فى كل اللى قلتيه انا مثلا كل ما امشى فى الشارع وحد يوقفنى يسألنى على حاجة بخاف اقف ارد عليه احسن يطلع مش ولا بد واكيد انتى فهمانى
اوبس كل مرة انسى
دى اول زيارة و اوعدك مش هتبقى الاخيرة
هههههههههه
حلوه اوى على فكره البوست ده
عارفه بيحصل معايا الموضوع ده كتير اوى
مره يابنتى كنت عند كوبرى الطاهره اللى فى سراى القبه ولاقى ولدين صغنانين راجعين من المدرسه فى عز الحر وماشيين على الكوبرى مش عارفه مامتهم ماخفتش عليهم ازاى
وكانو هايخدوها للسواح مشى
قلت لسواق التاكسى اسئلهم رايحين فين وناديلهم يركبو معاناووصلهم
الاقى الراجل بيقولى ايه يابنتى انتىعايزه تلبسينا تهمه ويقولو اننا خاطفينهم
طبعا كاعادتى طلعت الوجه المتشرد وزعقلته وركبتهم ووصلتهم بس لما حكيت لماما زعقتلى برضه مش عارفه ليه يعنى
تسلم ايدك على البوست
بس بقولك اعملى الحاجه ومتخافيش ادام نيتك كويسه وخير ربنا هايتسرها معاكى
نونااا
بعتلك تعليقى موصلش ليه
عموما ياسمسومة اعلق تانى
بجد موضوع مقلق انك تبقى عايزة تقدمى خير وخايفة من اللى ممكن يحصل ده حتى البوليس لو شافوا واحد انقذ التانى من حادثة مثلا يخلوه هو المتهم الاول
سيبك انتى احنا نعقلها ونتوكل واهم حاجة خدى بالك من الجلاكسى ههههههههه
اجدع بنوته
انتي اصلا حدوته
عسسسسسسسسسسسسسسسسسل
ويارب ولاد الحلال يخلو لولاد الحلال حاجه
سلامي ليكي ووحشني بوستاتك
ههههههههههههههه
يلا ندورلنا ع حد يساعدنا احنا الاتنين يامفروسه يااوختى
وربنا يخليكى وميرسى ع الكمبليموون الظريف ده
بل انى ممنونه جدا ياماجيك وسعيده جدا بعودتك لعالم التدوين الشرفيه
وتحت امرك ف ال سكوينت
ههههههه ماشى ياهيرو اساعد بتوع وسط البلد بس يعنى
حد ف العشوائيات لا ...
قلم الرويترنج ف عنيااا ياافاق الحريه انت بتكلم ف ايه
ده اعز ما املك
اكلوك الجبنه الرومى بقى يازكى هههههههههه
تمام يا ف حب مصر
شكلك واحد م البلد دى وفاهم البلد كويس فعلا
شرفتنى بزيارة حضرتك
دى تبقى كارثه .. الشيطان بقى ياشموع يقعد يقولك
منا قولتلك م الاول هتنضرى يابطه هههههههه
انشالله تولع ياهند ع اسم مصر
هما كانوا م بقية اهلنا ياشيخه
قطه .. استرى علياااااااااااااااااااا
امام الجيل العزيز ,,, ماهو الواحد يخاف تيجى الطوبه ف المعطوبه
ويتوكل ع الله ويساعد وياخد ع دماغه ف الاخر
هى بقت سودا كده ليه ياابو حنف
خالتى فرنسا .. ف واحد قتل علشان جوز جينهات يعنى
ميرسى يااصوت مصر العالى
لا ده انا جيباه سنة 2000 ياواحد مش فاهم حاجه
يعنى ف مطلع القرن .. تراااااااث
هههههههههه لما مش مهم العربيه يا حسام مهم ايه
انا مثلا هههههههههه لا طبعا العربيه اهم
عزيزى بهدوء اتريق اتريق ههههههه مساعدتك اللى جايه ف ظوف صعبه
استنى بس لما تفك الدنيا .. هتشوف مساعده محصلتش
ياعينى يابابا عصفور .. جنيه ونص يوميا ولمدة عشر سنوات
ده حضرتك لو كنت دخلت بيهم جمعيه كان زمنهم مبلغ محترم
اتز فرى ايزى جدا يابطوط
يااااارب كلنا نكون ف عون بعض يامدحت
شاه باشا انت جاااااااااااااااااى تنق ولا ايه
ع فكره ياشاه
انا بستجدع والله ع طول
بس ف مواقف بتكتف الواحد
ع فكره ياشاه
انا بستجدع والله ع طول
بس ف مواقف بتكتف الواحد
عبده يارايق .. مساء الخير
الحل ؟؟؟ صح الكلام يافارس
يونيككككك عينننك شويه والقلم
هينفجر ف ايدى ياجدعان
اختى عاشقة النقاب .. مستنيه البوست
مالها صورة البلد يا أوعى تفكر
ده زى الفللللللل ومبهره
تم الاخذ برأيك العزيز ياخبيب العزيز
أأبى انا العربيه مبسوقهاش قد مبصلحا ياحبيبتى ههههههههه
حبيبتى مش قادررررررررررره
وانتى كمان والله وحشتينى اكتر متبقيش تغيبى بقى
تانى عنيككككم م ع الرويترنج يافيس مووون
ادوية الجدول دى صداع .. ربنا يكون ف العون ياصيدلالنيه
نورتينى حمامه
حاضر يامستر خالد مش هقلب حد والله تانى ههههههه
تيكو هههههههههه يعنى الاولاد كده كمان .. طايببب
ونعم بالله يامصطفى وع البساطه البساطه
م عنيا احلى لبانه واحلى مستكه لاحلى حنين القلب
ربنا ياخدهم ياخمسه فضفضه
جامده ياخيخه ..
حبيبتى المفقوع مرارتها .. تعالى نموت سوا مقهورين
ميرسى سحسوحتى ... الاسم غريب اوى !!
اه واه م المؤامره يادواييير
تمام يانونيموس
كنتى اضربيه ع قفاه يافتافيت ياحبيبتى
ربنا يقوينا ياموناليزا
عاشقة الفردوس ياحبيبتى .. انتى اعسل
Post a Comment