.jpg)
نهاركم .. لذيذ
انا عندى مبدأ يابنى ....
كشكشها ومتعرضهاش ..
.. ضاقت بيك .. تبقى عايزنى اكون حواليك
.. ضحكت ليك .. اخلاصى يكون حمل عليك
.. ف الحالتين انسانى .. لا بنساك ولا عايز انساك ..
لووووووووووووووووووووول
ياعم بقولك عندى مبدأ
ياعم بقولك كشكشها ومتعرضهاش
ها هو .. يتقدم ف خطوات ثابته .. زى ماعملها المره اللى فاتت بالظبط
يصعد المنصه .. ينظر لنا جميعا بعيون نصف مكسوره .. وع وجهه ابتسامه
لا اعرف لها سبب ,, انا ف ترقب .. .. تصل لى همسات م بجوارى
معقول هيعملها تانى ..
يترقب الجميع .. ها هو .. سلاح الجريمه ..
اذن .. نحن ع مشرفة جريمة قتل مع سبق الاصرار والترصرر
.... يفتح كراسة الغياب .. تك تك تك .. يعلم ع كل الغياب اللى عنده
صح .. صح .. صح .. صح ...
اذن .. انه امرا كان مفعول ..
ثار ضميرى .. فلم اجد نفسى .. الا وانا براا .. وبتكلم وبشجب
ولو كررتها تانى انت حر
.. الواحد معملش لسه بشلن حسنات علشان تشيلنا ذنووب
فين ضميييييييرك .. .. اقسم بالله .. وهتعرف .. وهتشوف .. وهتعمل
وكأنى .. حرم وزير الدفاع الامريكى .. واللى برنة تليفون منه
يتحرك المارينز والهليكوبترات والحربيات والمدرعات ..
دخلت تانى وجت الدكتوره وقد قاموا فاعلات خير غيرى
وقلولها ان .. دفتر الغياب اتلعب فيه
فرزعتنا كلمه ..
انا بعد كده لما اخرج هاخد شنطتى .. الواحد ميضمنش ؟؟؟
ااااااااااه .. همست ف اذن ياسمين بجوارى .. قصدها ان احنا حرميه يعنى
لا لا ياشيخه ... هى يمكن قصدها انها تاخدها علشان لو حبت تشترى حاجه
وهى ف الريست بين الشرح يعنى
ياشيخه .. طااااااااااااااايب
........................................................................................
كعادتى الدئوبه .. عرجت الى المكتبه ..
اهو ازاكرلى كلمتين بعيد ع النت ..الواحد اول مبيجى البيت مبيعرفش يفتح منه كتاب
بزاكر ف حالى .. heavy metals
قعد جنبى حد ملتحى .. بنطلونه قصير وعلامة الصلاه هتخرم وشه
.. انه احدهم .. فيرست بارت م ماستر اطفال ..
(( لغير الناطقين بالعربيه .. بيعمل ماجستير يعنى ))
لحد كده .. كويس جدا .. ربنا يوفقه وعؤبالنا كده ف العقد الجاى لما نبقى زيه
.. انه احدهم .. فيرست بارت م ماستر اطفال ..
(( لغير الناطقين بالعربيه .. بيعمل ماجستير يعنى ))
لحد كده .. كويس جدا .. ربنا يوفقه وعؤبالنا كده ف العقد الجاى لما نبقى زيه
لقيته بسلامته .. كشكها ومتعرضهاش هو كمان
مطلع ورقة الحضور .. وعمال يفبرك الامضاءات
لقيت ضميرى بيقوم عليا .. فميلت .. لا مش ع الشخص
ميلت ع الكتاب قدامى وقلت ازاكر بدل ماتشهد المكتبه
ع جريمة هتك عرض ورقة غياب ..
وامسكها اقطعهاله واضيعله مستقبله ..
بعد مخلص لقيته بيووريها للشخص الاخر اللى معاه وبيقوله شوف
تيبيكل .. ولا حد يعرف يفرقهم م بعض .. والتانى بيقوله تسلم ايدك ياعم الشيخ
شيييييييييييييييييييييييخ .. ياخيبتها اللى عايزه خلللللللللللللللللللللللللف
غطونى وصوتوا عليااااااااااااااااااااااااااااااااا
قولت لا مبدهاش بقى .. لابد ان ادخل عليها ..
وروحت راشقه عينى ف ورقهم .. بطريقه مستفزه
وروحت راشقه لسانى .. هو حضرتك بتعمل كده ازاى
ده حلال ولا حرام ...
ويارتنى ما سالت ويارتنى مطلعت المكتبه ف اليوم ده
ويارتنى ماكنت زاكرت الهيف ميتلززززززززززززز
قالى حلااال .. قال ايه ياولاد .. حلال
حلال ازاى ياولاد .. لان الدنيا كلها ظلم والكليه كلها ظلم
هتيجى عليا يادكتوره ..
قولتله لا متجيش عليك .. ياشخص .. اسفه مقدرش اديك لقب دكتور
لانك ف قاموس حياتى .. متستاهلوش
ال حلال ال .. ده عند امه ياادهمممممم ..
وكان نفسى اجيب شوية arsenic
واحطهم ف بؤه وش كده
الموضوع كبر ف دماغى .. عملت استفتاء بقى
لقيت نتيجته ايه بقى
كشكها ومتعرضهااااااااااااااااااااش وبالثلث
تحت مبدأ الغايه تبربر الوسيله
تحت مبدأ الكوسه ماليه البلد اجيب حقى بايدى
تحت مبدأ اشمعنا ولاد الدكاتره مبيجوش وغيابهم متقفل
تحت مبدأ بالغيظ ف البت المعقربه سمسمه ..
لذلك .. انا اعلنها عاليه متعاليه
انا اسفه يازميلى العزيزى .. بعد كده لما تحب تغير غيابك
قلمى تحت امرك .. ولو حبيت حد يأمنلك المكان علشان الدكتوره متقفشكش
فانا تحت امرك .. شعارنا للمرحله القادمه
الازازه ف البزازه
.............................................................................
ما هو الضمير ؟؟
ايه تعريفك للضمير ؟؟
رجاء الجميع الاجابه ع السؤال ؟؟
هل انت م .. اصحاب .. انا عندى مبدأ ؟؟ ام هتكشكشها ومهتعرضهاش ؟؟
الموضوع كبر ف دماغى .. عملت استفتاء بقى
لقيت نتيجته ايه بقى
كشكها ومتعرضهااااااااااااااااااااش وبالثلث
تحت مبدأ الغايه تبربر الوسيله
تحت مبدأ الكوسه ماليه البلد اجيب حقى بايدى
تحت مبدأ اشمعنا ولاد الدكاتره مبيجوش وغيابهم متقفل
تحت مبدأ بالغيظ ف البت المعقربه سمسمه ..
لذلك .. انا اعلنها عاليه متعاليه
انا اسفه يازميلى العزيزى .. بعد كده لما تحب تغير غيابك
قلمى تحت امرك .. ولو حبيت حد يأمنلك المكان علشان الدكتوره متقفشكش
فانا تحت امرك .. شعارنا للمرحله القادمه
الازازه ف البزازه
.............................................................................
ما هو الضمير ؟؟
ايه تعريفك للضمير ؟؟
رجاء الجميع الاجابه ع السؤال ؟؟
هل انت م .. اصحاب .. انا عندى مبدأ ؟؟ ام هتكشكشها ومهتعرضهاش ؟؟
103 comments:
دخلتي جحر كبير
محتاج كلام كبير
انا نفسي محطوط في موقف صعب جدا
انا مطلوب مني احضر يوميا في المستشفى من 9 الى 2.5
وامضي حضور وانصراف
وآخد يوم و اتنين نبطشيات
واستنى القبض اللي بتكون كلته الدوده على ما جه
وكذلك بتاع الماجستير اللي بيصرف مرتب 6 او 7 شهور على اوراق رسالته
الموضوع صعب ومحتاج كلام خاص في الدين
انا بكالب بيه معاكي
لكن ان يكون الموضوع لضروره بس
انا عن نفسي بشتغل شغل تاني خالص غير الطب
ولسه مش قبضت خالص من الطب
وناوي القبض بتاعي فعلا مش اصرف منه حاجه يعني هديه لأي حد خالص واريح دماغي
لكن فعلا
الموضوع صعب صعب صعب
أظن ده مبدأ تاني
:)
ههههههههههههههه
لا يا سمسم انتى اتصرفتى صح شيخ ايه ونيله ايه واللى بيمشى بمبدئه ده بيكون مظبوط وبعدين ده معندوش مبدأ بلا نيله
تحت مبدأ الغايه تبربر الوسيله
وبعدين ايه مبدأ الملايه تحت السرير ده اللى انتى كاتبه ممكن تقوليلى ههههههههههههه
تحت مبدأ الكوسه ماليه البلد اجيب حقى بايدى
وبعدين كوسه ايه تأكلها ليه بتعمل مغص دى على رأى ابن اختى وهسه يا خالتو وهسه ههههههههه
هههههههههههههههه
الكلية فيها ظلم والدنيا كلها ظلم فهو بياخد حقه بالرداع
يا حلولى
مش المفروض ده اللى بيعلم الناس تعاليم الدين برضه
كويس انه مش قالك وانتى مالك يا علمانية يا زنديقه
طبعا انا تبع مبدأ ان مكنتش انت تدلعنى مين هيدلعنى
الله ينور عليكى
يا دكتورة تعريف الضمير لا يختلف كثيرا عن تعريف عادل امام للمنطق فى مدرسة المشاغبين
وبما انى كنت علمى لا انا عارف المنطق ولا الضمير كمان
حلال ولا حرام يا شيخ
كل شيخ وانتى طيبة
ويا فرحتك يا قطة فى الشيوخ
ههههههه
تحياتى يا دكتورة وبالتوفيق
لو في ضمير كان زمان البلد دي اتغيرت للاحسن وبقت احسن بلد
يبقى مفيش ضمير
فبالتالي مفيش تعريف ليه
لانه معدوم الايام دي
تحياتي
:D
فكرتينى بتعريف للضمير
" الضمير لا يمنعك من ارتكاب الخطيئة , لكنه يمنعك من الاستمتاع بها "
بس بعيدا عن " الشيخ " اللى مكنتش احب انك تذكريه هنا , منعا للتعويل على الدين او اللحية او اى اتجاه دينى , لان الامر ملهوش علاقة بالدين بل بالضمير زى ماهو موجود فى العنوان بتاع التدوينة .
nice blog >> keep posting
نو نو نو
زيس اذ نوت ضمير
الضمير بتاع صاحبنا ده ضمير ام فرخه
وعندنا فى الحى ناس بتمضى افرى داى
من غير مانشوف وشها بتاتا
حتى انى بسميهم اشباح الحى
ربنا يجعل كلامن خفيف عليهم
هو اكيد انتى اللى صح
والبيضرب الامضى غلطان
بس انا مش عارف
او متلخبط
مهو لو كان غصب عنه او متعجز فعلا يعمل ايه
انا عن نفسى فى الروند بسنع جمله شهيره
كدب مساوى ولا صدق منعكش
وفى نفس الوقت لو لقينا شويه تساهل فى حكايه الغياب دى اكيد مش هضرب
ويبقى ليه فى غياب مهو اللى عايز يستفيد هيحضر
واللى مش عايز حتى لو حضر هينام
بجد انا متلخبط
دكتوره سمسمه
طبعا الصح صح فى اى مكان وفى اى ظروف
وحكاية الغايه تبرر الوسيله دى مش بتاعتنا احنا للاسف هو ده اللى اتعلمناه من الغرب
بيتهيألى تعريف الضمير
انه يقوم بدور الرقيب على الانسان وتصرفاته ليمنعه من الخطأ
تحياتى ليكى يا دكتوره
موضوع حلو ياسمسمه وكنت بشوفه كتير في الكليه
بيس احلي حاجه بقي
ان كتير من الي ردوا اتكلمو عن _الشيخ_الشخص الملتحي يعني
ونسيو الشباب العادي المش ملتحي
لا والاجمل بقي
ان واحده تقولك مش المفروض ان هو ده اللي بيعلمنا الدين
ياراجل
ياسلام
هههههههههههههههههههههه
هو اي حد هيعلمك الدين
ياسبحان الله
المفروض ان كل واحده عارفه هي بتتعمل دينها منيين
يعني مثلا انا لو غلطت
عادي ماكلنا بنغلط
وياما اكتر اخطائي التي ارجو الله ان يغفرها لي
بس ساعتها الغلط مش هيبقي في الدين ولا حد يلاقي لنفسه مبرر علشان ينتقد الدين فيه ولا يقول اني بعلم الدين او اكون قدوة
دي نقطه بيت اوضحها
اما بقي الموضوع ده فكان مستفز جدا
البنات بتحضر دايما عندنا
اما الصبيان بقي
فان واحد يحضر ويمضي لخمسه من اصحابه
بس هههههههههههههههه
يااااااااااااااه كانت ايام فكرتيني بالذي مضي
هيييييييييييييييه
تعرفي
من الغياب والامضاءات دي
كان فيه ناس كتير بتتظلم
فعلا موضوع صعب جدا ويضايق ودي مش مساله مبدا
دي مساله ين واخلاق وضمير
الضمير ؟؟؟؟؟؟؟؟؟؟؟؟؟
عارفه لو كل واحد اتعامل مع ضميره زى ماهو عايز الناس تعامله كانت نسبه
90 فى الميه من مشكلاتنا اتحلت
لكن للاسف
الناس عايزه الناس تعاملها بضمير
وهما عايزين يعاملوا الناس حسب الظروف
تحياتى لكى
ضمير قال ضمير قال!!!!!!
غياب قال غياب قال !!!!!
بصي من الآخر العوض على الله
اسمحيلي ابدأ من الآخر
تعريف الضمير:فيه تعريفات كتير ممكن أقترحها منها مثلا:
الضمير مصطلح بنستخدمه في كلامنا بس لكن علشان نطبقه بقى من المستحيلات.
الضمير هو مادة مصنوعة من القماش او البلاستك اللي بيتمط بحيث انه في حالة معينة يبقى واسع قوي وفي حالات اخرى ينكمش على الآخر تبع مقتضيات الظروف.
الضمير هو عبارة عن التمسك بالقيم والمبادئ والأخلاق.. بس لما تكون في مصلحتناوتخدم أهدافنا.
الضمير عبارة عن كيس مخروك أو شنطة مخرومة كل ما تحطي فيها حاجة تختفي.
الضمير انك تشوفي الظلم قدامك في كل مكان وتقولي وانا مالي.
الضمير مصطلح من المصطلحات اللي انقرضت ياريت يا أجدع بنوتة تنسيه لأنه ما بقاش موجود.. دلوقت فيه حاجة واحدة بس معروفة اسمها انعدام الضمير
مصري معندوش ضمير
لا طبعا
الواحد لازم يبقى عندو مبدأ
وربنا هيكون معاه طبعا
الضمير احسن حاجه ف الدنيا
موضوع ف الجوووووووون
بجد جااااااااااامد
برافو يا دكتور
صباح الخير يا ضمير
انا مش عايز اقسم بس هقول الناس اللي بتقول عندها مبدأ ؟ مبدأ ايه يا أبو مبدأ
ومع اول اختبار .....للاسف هتقول صباح الخير يا ضمير
وعاوز اقلك حاجه مش كل واحد بدقن وعلامة صلاه يبقي ملااااااااااك لا غلط والله
للاسف زي ما قلتي ...اشمعنا انا
كلمة اشمعنا دي دخلت القاموس ومستحيل هتخرج منه بعد كده
بس الواحد علي قد ما يقدر ما بيحاولش ينجذب للمغريات وامثالها
في انتظار ان يصحي الضمير من سباته
روحي يا بنتي ذاكري ال
iron
اكتر حاجة تغيظ انه اكيد مشهور بتزمته فالمصيبة الاكبر من وجهة نظرى انها جت منه هو بالذات
انا متفق مع كلام د وائل بالحرف فبلاش اكرر الكلام
ان بتضايق جدا لما واحد يأخذ غياب واحد تاني وهو موجود
ماهو مش انا أحضر واصدع دماغي بدكاترة أغلبهم ياما مش عارفين يشرحوا يأما مش عارفين يسيطروا على المجموعة وهو بسلامته عمال يذاكر باليل وينام بالنهار
ماهو لنعيش عيشه فل لنموت أحنا الكل
بس انا مش ممكن أختصر الضمير كله في حاجة ذي ديه لاني متأكد ان لو حاسس انها غلط وانه هيضر حد تاني مش هيعملها
وأخيرا
الضمير صوت صغير يهمس في اذنك ليريك كم أنت صغير
الضمير هو محل رفع خبر مضاف اليه همزه
انا مش مقتنع انى عندى ضمير لان لو عندى ضمير هموت نفسى
ههههههههههههههه
امممممممممم
طب ممكن أغير السؤال
طب مفيش أختيارات
يوووووة ايه الاسئلة الصعبة دى
:)
شوفى يا بنتى الحكاية وما فيها أن الغل جوا البنى أدم ممكن يعمل اى حاجة يقتل الضمير والاخلاق وكل حاجة
دى حاجة
أما الحاجة التانية فزى ما الناس قالت
أن الضمير لا يمنعك من ارتكاب الخطيئة , لكنه يمنعك من الاستمتاع بها
وبعدين للاسف بقى فى ناس بتاخد من الدين اللى بيأثر فى أشكالها وننسى أخلاقنا وقلوبنا
وحشتنى مدونتك وكلامك العسل بس راجعت اللى فاتنى
تحياتى يا دكتورة
الضمير هو كائن يسير بيننا كعابر السبيل احدنا ياخذه ويضيفه والاخر ينفره ولا يرغبه
ومنا من ياخذه احيانا لديه ويتركه يوما اخر لان حاله متعسر ولا يستطيع ان يحتويه لديه
يمكن عندك حق اكيد بس انتى بتكلمى فرد النظام بتاع الغياب فى كليتك خاطىءءءءءءءءءءء
تحياتى وسلملى عالضمير يا ابو محسن على فكرة الضمير ده عند امه يا ادهم
انا حكتفي بالأجابة بالسؤال
لأني شخصيا مليش دعوة بالغياب
لا بحضر ولا شوفت الكلية من اول الترم غير مرة كنت رايح اخد حبة بنزين من واحد صاحبي يرجعني البيت
الي هو اساسا كان رايح يقابل البت بتاعتو
ده ما يدل لا يدل الا علي ان مفيش تعليم في مصر
الأجابة
أه اكشكشها معرضهاش
لما تشتغلي حتعرفي ان الكشكشة دي ليها عدة اشكال وعدة مكاسب
بس من غير ماغضب ربنا
يعني مسكتش علي سرقة
و قول مكشكشها
دا يبقي اسمها خيانة للأمانة
لا طبعا عندي مبدأ وبسببه باقع في كل مصيبة والتانية
بس باستحمل علشان خاطر ضميري ما يوجعنيش لانه المرض الوحيد اللي مالوش علاج في الطب والالم الوحيد اللي مالوش مسكنات هو وجع الضمير.
بسبب الضمير دا سقطت في مادتين في سنة اولي مع ان كان قدامي فرصة اتخلي عن مبدئي واغش وانجح بس ضميري قال لا والف لا
بالنسبة لموضوع الغياب ان غبت كتير جدا وتقريبا ما باحضرش الروندات الا ايام معدودة فيه حاجات اتمضت وحاجات تانية لا وانا ما اهتمتش اوي وعارفة اني ممكن انقص بسبب الغياب ومش فارقة معايا الكام درجة بتوع الغياب اساسا
بس فيه ناس بقي توصلوا لحل انهم بيعملوله استئصال ويرتاحوا منه ويكشكشوها وما يعرضوهاش لحد من كتر الكشكشة كادت تختفي المباديء وتخنق الضمير او ما تبقي منه
بصى يا بنتى
هو تقريبا من شروط دكتور الجامعة فى طب انه يكون مبدأه كشكشها وماتعرضهاش
وشاهد على كدة ولاد الداترة اللى ماحدش بيشوفهم طول السنة فجأة بقدرة قادر تلاقيهم جابين
full mark
وخصوصا فى المادة بتاعة دادى
انا مش عارفة انت فى جامعة ايه
بس انا فى عين شمس
والكوسة عندنا للركب
انا مش عارفة هما ازاى بيعرفوا يناموا بعد كدة
الضميرررررررررررررررررررررر
هو فين؟؟؟؟؟
عموما المشكله الحقيقه في الضمير الجزئي
يعني لو الموضوع ميمسنيش شخصيا يكو ن رايي وتعليقي نابع ومؤيد للضمير..والشرف والاخلاق..والحق وكل المعاني المجرده الجميله دي
لكن لو الموضوع لمسني !!! معطلكش ملعون ابو الضمير مصلحتي اولا وده اهم اسباب تخلفنا وضياعنا الا من رحم ربي
يارب يجعلنا من اصحاب الضمير
وبجد موضوع مهم وبوست جامد
تحياتي
اللى يدايق ان شخص بيدعى انو متدين ولحيه وقصير ويعمل كده ويقولك ضروره او جت علينا لو احنا مرفضناش حاجه زى كدا مين هيرفضها .لو مش هنغير مين هيغير .استمرى فى موقفك
الضمير هو الحاجه اللي بتولك اعمل كذا وماتعملش كذا
وساعات ماكانش المفروض تعمل كذا
وبرافو عليك اللي عملت كذا
وهوه نفسه اللي خلاكي تتضايقي م موضوع الغياب ف الراوند
الضمير موجود..... اكيد
عند كل الناس؟؟ اكيد برضه
بس
بدرجات
ناس ضميرها صاحي ع طول وناس تانيه سبحان الله الضمير بيطلع ف حاجات وينام ف حاجات
بيمشو حالهم
طب اقولك ع موقف لذيذ اوي حصلي انا شخصيا
انا ف الراوند عمري ماغبت
رحت اشوف غيابي فرحان بقي غيابي كامل وبتاع
رحت للمدام بتاعت الغياب بقولها وانا كلي فخر ولسالي تكه وهنور وشويتين وهفرقع م الفخر
ممكن اشوف غيابي؟؟؟؟
الست راحت باصالي بصه وقالتلي طيب يا بني
في سري الله يكرمك والله شكلها طيوب وحبوب
ولقيتها بتعد وقالتلي انت غايب يومين ولسالي في اللي مسموح بيهم يوم واحد
والله سعتها انا سكت والنور اطّفا
قلتلها ايام ايه دول وراحت قايلاهملي بالتاريخ
انا رحت موطي باصص ف الكشف لقيت حد كده مش بيجي غالبا غيابه متقفل
رحت ماشي ولا اتكلمت اصل هقول ايه؟
رحت جري ع الراوند وقلت لكل العال اللي بيشاركوني ازمتي ف الحضور م 8وربع الصبح كل يوم
لقيت اللي غايب 4 و5 واكتر قلت ف عقل بالي احمد ربنا ياد
وربنا يستر ع عبيده
بوست اكتر م رائع يا ياسمين موضوع كان ف بالي وعاوز يتفتح م زمان
بس هقولك حاجه سر بيني وبينك
الدفتر اللي اتلعب فيه مش بتاع الغياب مشي رجليكي للاوده اللي فيها الغياب وشوفي الدفتر الحقيقي كده
ولا شطبه والناس حاضره وزي الفل وصباح الفل
مون
أول زيارة تقبلى مرورى ~، دمك شربات0
اممممممممم الضمير , الضمير دا كدة حاجة بتوجع لما نلمسها , حاجة مش محسوبلها , يعنى ماينفعش نقول ضميرى بيوجعنى من حاجة معينة , لأ خالص احنا لما بنيجى نخالف ضميرنا كدة من غير لما نعرف إن دى حاجة بتمس للضمير بصلة , بنلاقى حاجة فجأة كدة وجعتنا , من غير مانعرف سبب , وفى ناس بتحاول تريح ضميرها ودى اللى بتعمل الصح , على عكس ناس تانى بتقول وجع ساعة ولا وجع كل ساعة , بتفضل المصالح الشخصية على الضمير , فكل شوية بتقعد تلمس الضمير دا لغاية لما بيوصل لفترة انه يبقى تلم ومابيحسش , ولا ألف حاجة توجعه , مش عارفة المعنى اللى اقصده هيوصلك ولا لأ
صباح العسل يا أجدع بنوتة
في جامعة الزقازيق الكلام ده؟
آه يا قلبي
بجد
أنا فاض بيّ ومليت مليت.. هفضل أكرر المقطع ده كتير واضح كده
مش عارفة ايه اللي بيحصل ده والله معايير متلخبطة وحالة..... ما علينا
شكشكيها وكملي جميلك يا شرقاوية يا كريمة وأقلبيها شكشوكة بالبيض بلا دكتوراة بلا هم.. باهزر طبعاً.. هي جت على الغياب!.. ما علينا
ربنا يوفقك ويكفيكِ شر حرقة الدم يا بنتي
صباحك ورد وفل
اممممممممممممممم
امممممممممممممممم
ايوة للاسف بعلنها صراحة
انى مش بس بكشكشها ومبعرضهاش
انا للاسف الشديد
بعمل نفسى مش واخدة بالى
وفى بعض الاحيان بقول وانا مالى
اصل لما بعرضها بتوسع منى اوى ومعرفش اكشكشها تانى ازى
اوعى حد يزقلنى بالطوب
الضمير؟
لاء بصراحه معنديش تعريف للكلمه بس عندى ضمير وديما بينقح عليا اوى
معاكى مسكن اسكته بيه؟
نيجى بقى للمبدأ لاء أنا بصراحه عندى مبدأ
الله ينتقم منه عم ميكافيلي بتاع الغاية تبرر الوسيلة ,ورغم ان اللي بيكشكشوها عندنا ميعرفوش المرحوم ميكافيلي , بس هما بيطبقوا كلامه بالحرف مع مواكبة العصر بمصطلحات زي الكوسة , وهي جت عليا ,واللي تغلبه العب به ..
عمرك شفت حد عمل جريمة من غير ما يبرر لنفسه , اللي بيسرق واللي بيكدب واللي بيرتشي ..
الكلام اللي فات ده ناس بتدي بنج للضمير عشان ينام له شويه واحيانا جرعة البنج بتكون شديدة والضمير بيفطس ويلفظ انفاسه الاخيرة ..
اخيرا زي ما بيقال الطريق الي جهنم
ملئ بالنوايا الحسنة
سلام يا ياسمين واوعي تكشكشيه لان اللي بيكشكش مرة ايقعد طول حياته يكشكش
الضمير؟؟؟؟
ده اصطلاح انقرض من زمان والدليل على ده النوم الكتير...الناس بقت بتعرف تنام
أبقى سارق وأنام
أقتل وأنام
ظالم وأنام
لو كان في ضمير ماكنش حد نام
أنا بسبب تمسكي بمبادئي كتير بزعل ناس مني..بس باحس بشعور غريب بعدها رغم اني حاسة ان في حد ممكن يكون زعلان لكن احترامي لنفسي موجود
مافيش أسوأ من ان الانسان ينزل من نظر نفسه قبل عيون الآخرين
مبدئيا كده بودن زعل الموضوع حلو بس طويل كان ممكن تختصريه عن كده كان هيبقى احلى
انا قلت اتكلم بصراحه عشان اريح ضميرى
وبخصوص الضمير
ارى اننا نعيش فى زمن الضمير المستتر
وهو مستتر مستخبى يعنى وراء مجاملات ونفاق عينى عينك
صعب ان تجدى من يعامل ضميره فى هذا الزمان قولا وفعلا
تقبلى تحياتى
تعرفى انا والله فى شغلى ناس مبنشوفش خلقتها
وكل يوم نلاقى ممضيلها
فى دفتر الحضور والانصراف
عشان
الضمير فى الايام دى غايب
فالغايب يحضروه
وممكن الحاضر يغيبوه لو اتاخر ثوانى
عن معاده المظبوط مجاش
فى الحالة دى هيعرضها
ولو العكس
كان كشكشها ومعرضهاش
تحياتى
فعلا بوست هايل الناس بقت معرضها قوى ومفيش كشكشها عندها خالص
فعلا فى كتييير سلبيات فى المجتمع علشان لقى الاكبر منه بيعمل كده
ولا انت بتذكرى فى المكتبه هروبا من البيت علشان انت مدمنه نت طيب دا انا كنت جيالك يا دكتوره علشان القى عندك العلاج
ليك عندى تاااج تعالى خديه
تحياتى ولاء
يادكتوره
ماكلنا عارفين ان الواقع زي الزفت
بصى يادكتوره
هاديكي نصيحه
ياتذاكري توكسسيسيتي كويس
ومالكيش دعوه غير بانتي في صفحه كام من الكتاب
يامى لو حبيتي تعملي حاجه تانيه
فكفايه نقد لواقع مرير
وحاولي تصلحيه احسن
قولي انتي صلحتي ايه
أحسن ماتقولي انتي شفتي ايه
تحياتي
من طالب قرفان من التوكسسيسيتي اللي في المجتمع
وبيعملها
إميرجينسي
جميل
يادكتورة
بلاش الكلام كده على الشيوخ
اللى بييجى عليهم مابيكسبش
وايه يعنى واحد ملتحى عمل كده
ماهو فى خمسين واحد غيره بيعمله العكس
ماعلينا
الضمير بيتهيألى مش لازم اعرفه ولا حاجه
اهم حاجه انى اكون باعامل ربنا قبل اى حد
يعنى اللى يغضب ربنا بلاش
واللى يرضى ربنا اكتر منه
ومن غير لف ودوران
ومن غير اختلاق تبريرات لنفسى
وان شاء الله عمرى ماهاكشكشهاوماعرضهاش بس ربنا يستر
وعلى فكرة بوست جميل جدا
ممممممممممممممممم
قصه رهيبه
بس احب اقول ان مش كل الملتحين كده
على فكره انا مش ملتحى (عشان لسه صغير)ولا بافكر اربى لحيتى لما اكبر
بس
وربنا يوفقك
والصراحه انا من اصحاب انا عندى مبدا
ومن اصحاب كشكشها ومتعرضهاش
الاتنين
ههههههه
حلوة
كشكشها متعرضضضضضضهاش
تحياتي
السلام عليكم
نو كومينت
على الموقف
ولكن تحياتى لكى وصح
ان الواحد لازم يكون عنده مبدا
وحلوة كشكشها متعرضهاش
بس انا بعمل بمبدا
كشكشها للمسمار ينتشها
ههههههههههههههههه
انا تهت كده جدااااااااااااا
الموضوع ده كبير من اول ما تعرضهاش دى لحد النهايه
انا همشى تانى
هو بالصلاة على النبي عليه الصلاة والسلام
اولا نعرف يعني ايه
arsenic
وهل دي انجليزي دي يا مرسي ؟
ثانياً
الضمير لسه موجود
بجد
انا مقريتش التعليقات علشان متأثرش بحد
بس زي مبقولك لسه فيه ضمير
لمست ده اوي
وتعريف الضمير عندي
هو انك لما تكون في مكان ومطلوب منك حاجه
تراعي ربنا فيها
بمعنى
انا طالب وزميلي عايزني اكتبه في الغياب
انا كده في موضع قرار
اشوف بقا قراري ده حيرضي ربنا واللا لأ وانفذ
وكذلك بقا في اي عمل اعمله
اول ملاقي نفسي حاخد قرار
ابص اشوف القرار ده حيرضي ربنا واللا لأ
وانفذ
وبكده يبقا الواحد عنده ضمير
وشايف ان لسه فيه ناس كتير بتعمل كده
طبعاً مش 100% بس مفيش حد مش بيغلط
والمهم انه ميستمرش في الغلط
ايه يابنتى ده
انتى مالك ومال الكلام ده
كشكيشيها
اوعى تعرضيها
بسم الله
في البداية الاخ اللي قابلتيه لا يعبر الا عن نفسه لان عندنا مبدا ان احنا لا نلوم مجموعة بخطا فرد فيهم
بس بيني وبينك احيانا بعض الروتينات المتخلفة تضطر الواحد الى ان يتخد طرقا قد لا يستسيغها احد الا المضطر اليها
وفي الاخير نقول انه لا يصح الا الصحيح
تحياتي
الضمير شيء من الصعب جدا تعريفه في هذا العالم
تحياتي
معاكى
ما ضاع حق ورائه مطالب ولو فى بلدنا
وبيخيلى اللى معندوش ضمير يكون عنده ضمير
الحمد لله عندى مبدا....
اصل طالما حاجه مش ينفع فيها كشكشها ومتعرضهاش....يبقى لازم نبقى اصحاب مبدا
بس احيانا بيبقى لازم تكشكشيها غصب عنك....لانك وحدك ادام مليووون غيرك....ولو مكشكشتيهاش هيكشكشوهالك بالعافيه
بس الواحد بينكر على قد ما يقدر...من باب يارب انا عملت اللى اقدر عليها
ربنا يهدى ويصلح الحال
جزيتى خيرا يا اجدع بنوته ف الدنيا
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً
بصي حاجة تزعل اوي لما الواحد يلاقي سلوك خاطيء يجي من حد مظهره انه ملتزم لانه طبعا سفير بمظهره الالتزامي دة
لكن ما ننساش انه بشر برضه بيخطا وانه مش ملاك
لكن يا ترى هل هو عمل كدة هل الغاية اللي هو بيقولها اعطته مبرر ليه وبالتالي بقى حلال ولا الموضوع تقصير ومعصية وخلاص
يعني هو بيجي مثلا وحد ماشافش امضته او نسي يمضي فبيكمل امضته ولا اصلا ما بيجيش وما بيمضيش وكدة بياخد حق غيره
ولا ما بيجيش لاسباب قهرية وغيره ما بيجيش للدلع وبينجح عادي وهو اللي محتاج انه ما يجيش هيسقط
يبقى لازم ندور قبل اصدار اي احكام
هقولك موقف واحد رايح في قضية هو مظلوم فيها بس مش عارف يثبت
صدقه ولو قاله يتحكم عليه ظلم يبقى الحل في انه يكدب علشان يطلع نفسه براءة لانه بريء
ايه رايك هنا يكدب ويطلع نفسه براءة خصوصا انه فعلا بريء
ولا يقول الصدق ويتسجن وهو برضه بريء
قيسي كدة على الضرورات نبيح المحظورات
الاخوة بتوع علماني وشيخ بلحية والكلام اللي قالوه
هسسالهم سؤا بسلو سمحوا
طيب اللماني اللي مش زنديق دةبيكشكشهاوما بيعرضهاش ولا العكس
غريبة اوي على الناس ايه بقى جاب وجه المقارنة هنا لو سمحتم بلاش خلط
تحياتي ليكي يا اجدع دكتورة بنوتة صغنتوتة
نسيت اجاوب على السؤال
الضمير دة بالنسبة لي هو ازاي ارضي الله بشتى الططرق حتتى ولو على حسابي لان مبداي ااكيد ربنا هيعوضني خير
ودائما وابدا باذن الله اعمل ب مبدا من ترك شيئا لله بله خير ا منه
اكشكشها وم اعرضهاش امتى لوحاجة بقى مما فيهاش معصية
او هاجي على نفسي وبس
لكن دة ما بيخلينيش
ملاك انا بس بحاول اكون طائعة على اد ما ربنا يقدرني
وربنا يجعلك دايما من اصحاب الضمير الليي يرضي الله
اعتذر على الرغي
الدوده .. اكلت ضميرنا ومرتباتنا واكلنا
هاتوها .. الدوده بنت الدوده دى يادكتورنا الحر
الغايه تبربر الوسيله يا أأبى متعرفهوش
تعرفيه منين صحيح ده م ابداعى انا
شوفلنا حد يدلع الشعب كله بقى ياقطه الصحراء
الضمير .. كتله مفرغه ف الفراغ ياهمس الاحباب
جبتى المفيد والله يادينا
حلو اوى تعريف الضمير ده ياوائل
الضمير لا يمنعك م الخطيئه ولكن يمنعك م الاستمتاع بها
ضمير عبده الرايق عالى اوى ياجدعان
انت متلخبط ولخبطتنى معاك والله ياابو الاحناف
دكتوره سمسمه .. مش لايقه ع بعض اطلاقا
بالعكس يابحبك يامصر .. الغرب ضميرهم عالى جداااااااااااااااااااااا
الغرب اخلاق اسلام بلا اسلام
عاشقه انا ضربت مثال بالملتحى لانه مفروض يكون اكثرهم التزاما
وواجهه مشرفه مش يكشكها هو كمان
الضمير ضاع يافرنستى .. مع غياهب العولمه
لووووووووووووووووول
ونعم بالله ياهيرو
سودتلى الدنيا اكتر ماهى سوده يااعزيزى ف حب مصر
نورهالى تانى بقى
انا عندى مبدأ .. عشتى ياسمسم
صباح الخير ياضمير هههههههههههههههههههههههه
جامده يامودى هههههههههههههههههههههههههههههه
صح ياموناليزا ...
تمام الاتفاق بطوط
مودى فور ايفر .. محروق هو كمان زينا هههههههههههه
همزه ولا غمزه يامحمد صوت م مصر
يالهوى ياسهر .. لااااااا
الغل لما يقتل كل حاجه هيحولنا حيوانات
عابر سبيل .. طب ممكن تقله يهدى شويه ياطبيبنا بلا سماعه
ويقعد معانا شويه
اشته يا أنور ..
انور هيكشكشها يارجاله
سنووايت زىى بتقع ف مصايب بسبب المبدأ
سمبل جيرل .. دكاترة الجامعه اكتر ناس بتكشكشها
خايف م الحقيقه ضربت ع حتة بوينت
الضمير الجزئى فعلااااااااااااااااااااااا
والحوا بعيد عنه يقولك فين الضمير
وقت مايمسه .. سلام ياضمير
مستمر يا تايهه ياعزيزى
انونيومينوس .. بدرجات يعنى ضمير لارج وضمير سموول
تصدق فعلا عندك حق
ميرسى زوجات عاشقات
ف ناس اخدتله مسكنات يا زى الهواا .. علشان ضميرها ميوجعهاش ابدا
صباح الفل يامروه .. تعالى نولع ف الجامعه وننجز
وانا مالى وانا مالى ياخيخه .. لوووووووول
احلى مبدا ياهند ع اسم مصر
منه لله ميكافيلى يافارررررررررس
ولاء اه ياانا ياتاجاتك
ميرسى يادكتور سيد
هههههههههههههههههههههههههه
ماشى ياعمار هنبطل كلام ع الشيوخ
محدش قال ان كل الملتحين كده ياحسام
كشكشها ياافاق
ميرسى يانجم
يعنى ارزينك يازوجل هههههههههههه زرنيخ يعنى
نو واااى اكشكشها ياصحفيه ياروشه
طبعا يااحمد سعيد .. لا يعبر الا عن نفسه
ميرسى يادرش ع المساهمه
ههههههههههههههههه ماشى يامحمد ياشاعر
ربنا يبارك ف مبداك ياحطم قيودك
والله احلى ختام فعلا واحلى رد ياعاشقة النقاب ياغاليه
The product, according to the brand, can be applied throughout the day on dry hair if one's hair is medium to very coarse. My hair doesn't always look good when I'm going to attend openings and red carpet events. A well groomed woman will look to her hair and makeup first and a poll of 3,000 females across the UK revealed that about 44% feel attractive if they are having a good hair day, this compares to 16% who felt pleased with their appearance if good teeth gave them that winning smile.
Look at my web-site - hair products
Can add to the beauty of the landscape when used correctly.
If you are working on a riding mower or a mower with an electric starter, you will also want to disconnect
the battery as to prevent any accidental startups while servicing
your machine. When ordering mulch, find out what the delivery cost is and compare it between companies before ordering.
Take a look at my blog ... mulching
If you have a Jewel crafting or a jewel crafter friend. It also happens sometimes that your character will say something silly.
Data mining is mostly a relatively new term that represents the process by that predictive
patterns are made from information.
Many people argue that eating too many plants grown with commercial fertilizers or pesticides can
cause health problems. Due to the popularity of organic gardening, organic
potting soil and compost are available at most garden centers.
Again, using companion planting techniques will help
your organic garden flourish.
Here is my page - misdealt
Post a Comment