.jpg)
نهاركم .. لذيذ
انا عندى مبدأ يابنى ....
كشكشها ومتعرضهاش ..
.. ضاقت بيك .. تبقى عايزنى اكون حواليك
.. ضحكت ليك .. اخلاصى يكون حمل عليك
.. ف الحالتين انسانى .. لا بنساك ولا عايز انساك ..
لووووووووووووووووووووول
ياعم بقولك عندى مبدأ
ياعم بقولك كشكشها ومتعرضهاش
ها هو .. يتقدم ف خطوات ثابته .. زى ماعملها المره اللى فاتت بالظبط
يصعد المنصه .. ينظر لنا جميعا بعيون نصف مكسوره .. وع وجهه ابتسامه
لا اعرف لها سبب ,, انا ف ترقب .. .. تصل لى همسات م بجوارى
معقول هيعملها تانى ..
يترقب الجميع .. ها هو .. سلاح الجريمه ..
اذن .. نحن ع مشرفة جريمة قتل مع سبق الاصرار والترصرر
.... يفتح كراسة الغياب .. تك تك تك .. يعلم ع كل الغياب اللى عنده
صح .. صح .. صح .. صح ...
اذن .. انه امرا كان مفعول ..
ثار ضميرى .. فلم اجد نفسى .. الا وانا براا .. وبتكلم وبشجب
ولو كررتها تانى انت حر
.. الواحد معملش لسه بشلن حسنات علشان تشيلنا ذنووب
فين ضميييييييرك .. .. اقسم بالله .. وهتعرف .. وهتشوف .. وهتعمل
وكأنى .. حرم وزير الدفاع الامريكى .. واللى برنة تليفون منه
يتحرك المارينز والهليكوبترات والحربيات والمدرعات ..
دخلت تانى وجت الدكتوره وقد قاموا فاعلات خير غيرى
وقلولها ان .. دفتر الغياب اتلعب فيه
فرزعتنا كلمه ..
انا بعد كده لما اخرج هاخد شنطتى .. الواحد ميضمنش ؟؟؟
ااااااااااه .. همست ف اذن ياسمين بجوارى .. قصدها ان احنا حرميه يعنى
لا لا ياشيخه ... هى يمكن قصدها انها تاخدها علشان لو حبت تشترى حاجه
وهى ف الريست بين الشرح يعنى
ياشيخه .. طااااااااااااااايب
........................................................................................
كعادتى الدئوبه .. عرجت الى المكتبه ..
اهو ازاكرلى كلمتين بعيد ع النت ..الواحد اول مبيجى البيت مبيعرفش يفتح منه كتاب
بزاكر ف حالى .. heavy metals
قعد جنبى حد ملتحى .. بنطلونه قصير وعلامة الصلاه هتخرم وشه
.. انه احدهم .. فيرست بارت م ماستر اطفال ..
(( لغير الناطقين بالعربيه .. بيعمل ماجستير يعنى ))
لحد كده .. كويس جدا .. ربنا يوفقه وعؤبالنا كده ف العقد الجاى لما نبقى زيه
.. انه احدهم .. فيرست بارت م ماستر اطفال ..
(( لغير الناطقين بالعربيه .. بيعمل ماجستير يعنى ))
لحد كده .. كويس جدا .. ربنا يوفقه وعؤبالنا كده ف العقد الجاى لما نبقى زيه
لقيته بسلامته .. كشكها ومتعرضهاش هو كمان
مطلع ورقة الحضور .. وعمال يفبرك الامضاءات
لقيت ضميرى بيقوم عليا .. فميلت .. لا مش ع الشخص
ميلت ع الكتاب قدامى وقلت ازاكر بدل ماتشهد المكتبه
ع جريمة هتك عرض ورقة غياب ..
وامسكها اقطعهاله واضيعله مستقبله ..
بعد مخلص لقيته بيووريها للشخص الاخر اللى معاه وبيقوله شوف
تيبيكل .. ولا حد يعرف يفرقهم م بعض .. والتانى بيقوله تسلم ايدك ياعم الشيخ
شيييييييييييييييييييييييخ .. ياخيبتها اللى عايزه خلللللللللللللللللللللللللف
غطونى وصوتوا عليااااااااااااااااااااااااااااااااا
قولت لا مبدهاش بقى .. لابد ان ادخل عليها ..
وروحت راشقه عينى ف ورقهم .. بطريقه مستفزه
وروحت راشقه لسانى .. هو حضرتك بتعمل كده ازاى
ده حلال ولا حرام ...
ويارتنى ما سالت ويارتنى مطلعت المكتبه ف اليوم ده
ويارتنى ماكنت زاكرت الهيف ميتلززززززززززززز
قالى حلااال .. قال ايه ياولاد .. حلال
حلال ازاى ياولاد .. لان الدنيا كلها ظلم والكليه كلها ظلم
هتيجى عليا يادكتوره ..
قولتله لا متجيش عليك .. ياشخص .. اسفه مقدرش اديك لقب دكتور
لانك ف قاموس حياتى .. متستاهلوش
ال حلال ال .. ده عند امه ياادهمممممم ..
وكان نفسى اجيب شوية arsenic
واحطهم ف بؤه وش كده
الموضوع كبر ف دماغى .. عملت استفتاء بقى
لقيت نتيجته ايه بقى
كشكها ومتعرضهااااااااااااااااااااش وبالثلث
تحت مبدأ الغايه تبربر الوسيله
تحت مبدأ الكوسه ماليه البلد اجيب حقى بايدى
تحت مبدأ اشمعنا ولاد الدكاتره مبيجوش وغيابهم متقفل
تحت مبدأ بالغيظ ف البت المعقربه سمسمه ..
لذلك .. انا اعلنها عاليه متعاليه
انا اسفه يازميلى العزيزى .. بعد كده لما تحب تغير غيابك
قلمى تحت امرك .. ولو حبيت حد يأمنلك المكان علشان الدكتوره متقفشكش
فانا تحت امرك .. شعارنا للمرحله القادمه
الازازه ف البزازه
.............................................................................
ما هو الضمير ؟؟
ايه تعريفك للضمير ؟؟
رجاء الجميع الاجابه ع السؤال ؟؟
هل انت م .. اصحاب .. انا عندى مبدأ ؟؟ ام هتكشكشها ومهتعرضهاش ؟؟
الموضوع كبر ف دماغى .. عملت استفتاء بقى
لقيت نتيجته ايه بقى
كشكها ومتعرضهااااااااااااااااااااش وبالثلث
تحت مبدأ الغايه تبربر الوسيله
تحت مبدأ الكوسه ماليه البلد اجيب حقى بايدى
تحت مبدأ اشمعنا ولاد الدكاتره مبيجوش وغيابهم متقفل
تحت مبدأ بالغيظ ف البت المعقربه سمسمه ..
لذلك .. انا اعلنها عاليه متعاليه
انا اسفه يازميلى العزيزى .. بعد كده لما تحب تغير غيابك
قلمى تحت امرك .. ولو حبيت حد يأمنلك المكان علشان الدكتوره متقفشكش
فانا تحت امرك .. شعارنا للمرحله القادمه
الازازه ف البزازه
.............................................................................
ما هو الضمير ؟؟
ايه تعريفك للضمير ؟؟
رجاء الجميع الاجابه ع السؤال ؟؟
هل انت م .. اصحاب .. انا عندى مبدأ ؟؟ ام هتكشكشها ومهتعرضهاش ؟؟
دخلتي جحر كبير
ReplyDeleteمحتاج كلام كبير
انا نفسي محطوط في موقف صعب جدا
انا مطلوب مني احضر يوميا في المستشفى من 9 الى 2.5
وامضي حضور وانصراف
وآخد يوم و اتنين نبطشيات
واستنى القبض اللي بتكون كلته الدوده على ما جه
وكذلك بتاع الماجستير اللي بيصرف مرتب 6 او 7 شهور على اوراق رسالته
الموضوع صعب ومحتاج كلام خاص في الدين
انا بكالب بيه معاكي
لكن ان يكون الموضوع لضروره بس
انا عن نفسي بشتغل شغل تاني خالص غير الطب
ولسه مش قبضت خالص من الطب
وناوي القبض بتاعي فعلا مش اصرف منه حاجه يعني هديه لأي حد خالص واريح دماغي
لكن فعلا
الموضوع صعب صعب صعب
أظن ده مبدأ تاني
:)
ههههههههههههههه
ReplyDeleteلا يا سمسم انتى اتصرفتى صح شيخ ايه ونيله ايه واللى بيمشى بمبدئه ده بيكون مظبوط وبعدين ده معندوش مبدأ بلا نيله
تحت مبدأ الغايه تبربر الوسيله
وبعدين ايه مبدأ الملايه تحت السرير ده اللى انتى كاتبه ممكن تقوليلى ههههههههههههه
تحت مبدأ الكوسه ماليه البلد اجيب حقى بايدى
وبعدين كوسه ايه تأكلها ليه بتعمل مغص دى على رأى ابن اختى وهسه يا خالتو وهسه ههههههههه
هههههههههههههههه
ReplyDeleteالكلية فيها ظلم والدنيا كلها ظلم فهو بياخد حقه بالرداع
يا حلولى
مش المفروض ده اللى بيعلم الناس تعاليم الدين برضه
كويس انه مش قالك وانتى مالك يا علمانية يا زنديقه
طبعا انا تبع مبدأ ان مكنتش انت تدلعنى مين هيدلعنى
الله ينور عليكى
ReplyDeleteيا دكتورة تعريف الضمير لا يختلف كثيرا عن تعريف عادل امام للمنطق فى مدرسة المشاغبين
وبما انى كنت علمى لا انا عارف المنطق ولا الضمير كمان
حلال ولا حرام يا شيخ
كل شيخ وانتى طيبة
ويا فرحتك يا قطة فى الشيوخ
ههههههه
تحياتى يا دكتورة وبالتوفيق
لو في ضمير كان زمان البلد دي اتغيرت للاحسن وبقت احسن بلد
ReplyDeleteيبقى مفيش ضمير
فبالتالي مفيش تعريف ليه
لانه معدوم الايام دي
تحياتي
:D
ReplyDeleteفكرتينى بتعريف للضمير
" الضمير لا يمنعك من ارتكاب الخطيئة , لكنه يمنعك من الاستمتاع بها "
بس بعيدا عن " الشيخ " اللى مكنتش احب انك تذكريه هنا , منعا للتعويل على الدين او اللحية او اى اتجاه دينى , لان الامر ملهوش علاقة بالدين بل بالضمير زى ماهو موجود فى العنوان بتاع التدوينة .
nice blog >> keep posting
نو نو نو
ReplyDeleteزيس اذ نوت ضمير
الضمير بتاع صاحبنا ده ضمير ام فرخه
وعندنا فى الحى ناس بتمضى افرى داى
من غير مانشوف وشها بتاتا
حتى انى بسميهم اشباح الحى
ربنا يجعل كلامن خفيف عليهم
هو اكيد انتى اللى صح
ReplyDeleteوالبيضرب الامضى غلطان
بس انا مش عارف
او متلخبط
مهو لو كان غصب عنه او متعجز فعلا يعمل ايه
انا عن نفسى فى الروند بسنع جمله شهيره
كدب مساوى ولا صدق منعكش
وفى نفس الوقت لو لقينا شويه تساهل فى حكايه الغياب دى اكيد مش هضرب
ويبقى ليه فى غياب مهو اللى عايز يستفيد هيحضر
واللى مش عايز حتى لو حضر هينام
بجد انا متلخبط
دكتوره سمسمه
ReplyDeleteطبعا الصح صح فى اى مكان وفى اى ظروف
وحكاية الغايه تبرر الوسيله دى مش بتاعتنا احنا للاسف هو ده اللى اتعلمناه من الغرب
بيتهيألى تعريف الضمير
انه يقوم بدور الرقيب على الانسان وتصرفاته ليمنعه من الخطأ
تحياتى ليكى يا دكتوره
موضوع حلو ياسمسمه وكنت بشوفه كتير في الكليه
ReplyDeleteبيس احلي حاجه بقي
ان كتير من الي ردوا اتكلمو عن _الشيخ_الشخص الملتحي يعني
ونسيو الشباب العادي المش ملتحي
لا والاجمل بقي
ان واحده تقولك مش المفروض ان هو ده اللي بيعلمنا الدين
ياراجل
ياسلام
هههههههههههههههههههههه
هو اي حد هيعلمك الدين
ياسبحان الله
المفروض ان كل واحده عارفه هي بتتعمل دينها منيين
يعني مثلا انا لو غلطت
عادي ماكلنا بنغلط
وياما اكتر اخطائي التي ارجو الله ان يغفرها لي
بس ساعتها الغلط مش هيبقي في الدين ولا حد يلاقي لنفسه مبرر علشان ينتقد الدين فيه ولا يقول اني بعلم الدين او اكون قدوة
دي نقطه بيت اوضحها
اما بقي الموضوع ده فكان مستفز جدا
البنات بتحضر دايما عندنا
اما الصبيان بقي
فان واحد يحضر ويمضي لخمسه من اصحابه
بس هههههههههههههههه
يااااااااااااااه كانت ايام فكرتيني بالذي مضي
هيييييييييييييييه
تعرفي
من الغياب والامضاءات دي
كان فيه ناس كتير بتتظلم
فعلا موضوع صعب جدا ويضايق ودي مش مساله مبدا
دي مساله ين واخلاق وضمير
الضمير ؟؟؟؟؟؟؟؟؟؟؟؟؟
ReplyDeleteعارفه لو كل واحد اتعامل مع ضميره زى ماهو عايز الناس تعامله كانت نسبه
90 فى الميه من مشكلاتنا اتحلت
لكن للاسف
الناس عايزه الناس تعاملها بضمير
وهما عايزين يعاملوا الناس حسب الظروف
تحياتى لكى
ضمير قال ضمير قال!!!!!!
ReplyDeleteغياب قال غياب قال !!!!!
بصي من الآخر العوض على الله
اسمحيلي ابدأ من الآخر
ReplyDeleteتعريف الضمير:فيه تعريفات كتير ممكن أقترحها منها مثلا:
الضمير مصطلح بنستخدمه في كلامنا بس لكن علشان نطبقه بقى من المستحيلات.
الضمير هو مادة مصنوعة من القماش او البلاستك اللي بيتمط بحيث انه في حالة معينة يبقى واسع قوي وفي حالات اخرى ينكمش على الآخر تبع مقتضيات الظروف.
الضمير هو عبارة عن التمسك بالقيم والمبادئ والأخلاق.. بس لما تكون في مصلحتناوتخدم أهدافنا.
الضمير عبارة عن كيس مخروك أو شنطة مخرومة كل ما تحطي فيها حاجة تختفي.
الضمير انك تشوفي الظلم قدامك في كل مكان وتقولي وانا مالي.
الضمير مصطلح من المصطلحات اللي انقرضت ياريت يا أجدع بنوتة تنسيه لأنه ما بقاش موجود.. دلوقت فيه حاجة واحدة بس معروفة اسمها انعدام الضمير
مصري معندوش ضمير
لا طبعا
ReplyDeleteالواحد لازم يبقى عندو مبدأ
وربنا هيكون معاه طبعا
الضمير احسن حاجه ف الدنيا
موضوع ف الجوووووووون
بجد جااااااااااامد
برافو يا دكتور
صباح الخير يا ضمير
ReplyDeleteانا مش عايز اقسم بس هقول الناس اللي بتقول عندها مبدأ ؟ مبدأ ايه يا أبو مبدأ
ومع اول اختبار .....للاسف هتقول صباح الخير يا ضمير
وعاوز اقلك حاجه مش كل واحد بدقن وعلامة صلاه يبقي ملااااااااااك لا غلط والله
للاسف زي ما قلتي ...اشمعنا انا
كلمة اشمعنا دي دخلت القاموس ومستحيل هتخرج منه بعد كده
بس الواحد علي قد ما يقدر ما بيحاولش ينجذب للمغريات وامثالها
في انتظار ان يصحي الضمير من سباته
روحي يا بنتي ذاكري ال
iron
اكتر حاجة تغيظ انه اكيد مشهور بتزمته فالمصيبة الاكبر من وجهة نظرى انها جت منه هو بالذات
ReplyDeleteانا متفق مع كلام د وائل بالحرف فبلاش اكرر الكلام
ReplyDeleteان بتضايق جدا لما واحد يأخذ غياب واحد تاني وهو موجود
ReplyDeleteماهو مش انا أحضر واصدع دماغي بدكاترة أغلبهم ياما مش عارفين يشرحوا يأما مش عارفين يسيطروا على المجموعة وهو بسلامته عمال يذاكر باليل وينام بالنهار
ماهو لنعيش عيشه فل لنموت أحنا الكل
بس انا مش ممكن أختصر الضمير كله في حاجة ذي ديه لاني متأكد ان لو حاسس انها غلط وانه هيضر حد تاني مش هيعملها
وأخيرا
الضمير صوت صغير يهمس في اذنك ليريك كم أنت صغير
الضمير هو محل رفع خبر مضاف اليه همزه
ReplyDeleteانا مش مقتنع انى عندى ضمير لان لو عندى ضمير هموت نفسى
ههههههههههههههه
امممممممممم
ReplyDeleteطب ممكن أغير السؤال
طب مفيش أختيارات
يوووووة ايه الاسئلة الصعبة دى
:)
شوفى يا بنتى الحكاية وما فيها أن الغل جوا البنى أدم ممكن يعمل اى حاجة يقتل الضمير والاخلاق وكل حاجة
دى حاجة
أما الحاجة التانية فزى ما الناس قالت
أن الضمير لا يمنعك من ارتكاب الخطيئة , لكنه يمنعك من الاستمتاع بها
وبعدين للاسف بقى فى ناس بتاخد من الدين اللى بيأثر فى أشكالها وننسى أخلاقنا وقلوبنا
وحشتنى مدونتك وكلامك العسل بس راجعت اللى فاتنى
تحياتى يا دكتورة
الضمير هو كائن يسير بيننا كعابر السبيل احدنا ياخذه ويضيفه والاخر ينفره ولا يرغبه
ReplyDeleteومنا من ياخذه احيانا لديه ويتركه يوما اخر لان حاله متعسر ولا يستطيع ان يحتويه لديه
يمكن عندك حق اكيد بس انتى بتكلمى فرد النظام بتاع الغياب فى كليتك خاطىءءءءءءءءءءء
تحياتى وسلملى عالضمير يا ابو محسن على فكرة الضمير ده عند امه يا ادهم
انا حكتفي بالأجابة بالسؤال
ReplyDeleteلأني شخصيا مليش دعوة بالغياب
لا بحضر ولا شوفت الكلية من اول الترم غير مرة كنت رايح اخد حبة بنزين من واحد صاحبي يرجعني البيت
الي هو اساسا كان رايح يقابل البت بتاعتو
ده ما يدل لا يدل الا علي ان مفيش تعليم في مصر
الأجابة
أه اكشكشها معرضهاش
لما تشتغلي حتعرفي ان الكشكشة دي ليها عدة اشكال وعدة مكاسب
بس من غير ماغضب ربنا
يعني مسكتش علي سرقة
و قول مكشكشها
دا يبقي اسمها خيانة للأمانة
لا طبعا عندي مبدأ وبسببه باقع في كل مصيبة والتانية
ReplyDeleteبس باستحمل علشان خاطر ضميري ما يوجعنيش لانه المرض الوحيد اللي مالوش علاج في الطب والالم الوحيد اللي مالوش مسكنات هو وجع الضمير.
بسبب الضمير دا سقطت في مادتين في سنة اولي مع ان كان قدامي فرصة اتخلي عن مبدئي واغش وانجح بس ضميري قال لا والف لا
بالنسبة لموضوع الغياب ان غبت كتير جدا وتقريبا ما باحضرش الروندات الا ايام معدودة فيه حاجات اتمضت وحاجات تانية لا وانا ما اهتمتش اوي وعارفة اني ممكن انقص بسبب الغياب ومش فارقة معايا الكام درجة بتوع الغياب اساسا
بس فيه ناس بقي توصلوا لحل انهم بيعملوله استئصال ويرتاحوا منه ويكشكشوها وما يعرضوهاش لحد من كتر الكشكشة كادت تختفي المباديء وتخنق الضمير او ما تبقي منه
بصى يا بنتى
ReplyDeleteهو تقريبا من شروط دكتور الجامعة فى طب انه يكون مبدأه كشكشها وماتعرضهاش
وشاهد على كدة ولاد الداترة اللى ماحدش بيشوفهم طول السنة فجأة بقدرة قادر تلاقيهم جابين
full mark
وخصوصا فى المادة بتاعة دادى
انا مش عارفة انت فى جامعة ايه
بس انا فى عين شمس
والكوسة عندنا للركب
انا مش عارفة هما ازاى بيعرفوا يناموا بعد كدة
الضميرررررررررررررررررررررر
ReplyDeleteهو فين؟؟؟؟؟
عموما المشكله الحقيقه في الضمير الجزئي
يعني لو الموضوع ميمسنيش شخصيا يكو ن رايي وتعليقي نابع ومؤيد للضمير..والشرف والاخلاق..والحق وكل المعاني المجرده الجميله دي
لكن لو الموضوع لمسني !!! معطلكش ملعون ابو الضمير مصلحتي اولا وده اهم اسباب تخلفنا وضياعنا الا من رحم ربي
يارب يجعلنا من اصحاب الضمير
وبجد موضوع مهم وبوست جامد
تحياتي
اللى يدايق ان شخص بيدعى انو متدين ولحيه وقصير ويعمل كده ويقولك ضروره او جت علينا لو احنا مرفضناش حاجه زى كدا مين هيرفضها .لو مش هنغير مين هيغير .استمرى فى موقفك
ReplyDeleteالضمير هو الحاجه اللي بتولك اعمل كذا وماتعملش كذا
ReplyDeleteوساعات ماكانش المفروض تعمل كذا
وبرافو عليك اللي عملت كذا
وهوه نفسه اللي خلاكي تتضايقي م موضوع الغياب ف الراوند
الضمير موجود..... اكيد
عند كل الناس؟؟ اكيد برضه
بس
بدرجات
ناس ضميرها صاحي ع طول وناس تانيه سبحان الله الضمير بيطلع ف حاجات وينام ف حاجات
بيمشو حالهم
طب اقولك ع موقف لذيذ اوي حصلي انا شخصيا
انا ف الراوند عمري ماغبت
رحت اشوف غيابي فرحان بقي غيابي كامل وبتاع
رحت للمدام بتاعت الغياب بقولها وانا كلي فخر ولسالي تكه وهنور وشويتين وهفرقع م الفخر
ممكن اشوف غيابي؟؟؟؟
الست راحت باصالي بصه وقالتلي طيب يا بني
في سري الله يكرمك والله شكلها طيوب وحبوب
ولقيتها بتعد وقالتلي انت غايب يومين ولسالي في اللي مسموح بيهم يوم واحد
والله سعتها انا سكت والنور اطّفا
قلتلها ايام ايه دول وراحت قايلاهملي بالتاريخ
انا رحت موطي باصص ف الكشف لقيت حد كده مش بيجي غالبا غيابه متقفل
رحت ماشي ولا اتكلمت اصل هقول ايه؟
رحت جري ع الراوند وقلت لكل العال اللي بيشاركوني ازمتي ف الحضور م 8وربع الصبح كل يوم
لقيت اللي غايب 4 و5 واكتر قلت ف عقل بالي احمد ربنا ياد
وربنا يستر ع عبيده
بوست اكتر م رائع يا ياسمين موضوع كان ف بالي وعاوز يتفتح م زمان
بس هقولك حاجه سر بيني وبينك
الدفتر اللي اتلعب فيه مش بتاع الغياب مشي رجليكي للاوده اللي فيها الغياب وشوفي الدفتر الحقيقي كده
ولا شطبه والناس حاضره وزي الفل وصباح الفل
مون
أول زيارة تقبلى مرورى ~، دمك شربات0
ReplyDeleteاممممممممم الضمير , الضمير دا كدة حاجة بتوجع لما نلمسها , حاجة مش محسوبلها , يعنى ماينفعش نقول ضميرى بيوجعنى من حاجة معينة , لأ خالص احنا لما بنيجى نخالف ضميرنا كدة من غير لما نعرف إن دى حاجة بتمس للضمير بصلة , بنلاقى حاجة فجأة كدة وجعتنا , من غير مانعرف سبب , وفى ناس بتحاول تريح ضميرها ودى اللى بتعمل الصح , على عكس ناس تانى بتقول وجع ساعة ولا وجع كل ساعة , بتفضل المصالح الشخصية على الضمير , فكل شوية بتقعد تلمس الضمير دا لغاية لما بيوصل لفترة انه يبقى تلم ومابيحسش , ولا ألف حاجة توجعه , مش عارفة المعنى اللى اقصده هيوصلك ولا لأ
ReplyDeleteصباح العسل يا أجدع بنوتة
ReplyDeleteفي جامعة الزقازيق الكلام ده؟
آه يا قلبي
بجد
أنا فاض بيّ ومليت مليت.. هفضل أكرر المقطع ده كتير واضح كده
مش عارفة ايه اللي بيحصل ده والله معايير متلخبطة وحالة..... ما علينا
شكشكيها وكملي جميلك يا شرقاوية يا كريمة وأقلبيها شكشوكة بالبيض بلا دكتوراة بلا هم.. باهزر طبعاً.. هي جت على الغياب!.. ما علينا
ربنا يوفقك ويكفيكِ شر حرقة الدم يا بنتي
صباحك ورد وفل
اممممممممممممممم
ReplyDeleteامممممممممممممممم
ايوة للاسف بعلنها صراحة
انى مش بس بكشكشها ومبعرضهاش
انا للاسف الشديد
بعمل نفسى مش واخدة بالى
وفى بعض الاحيان بقول وانا مالى
اصل لما بعرضها بتوسع منى اوى ومعرفش اكشكشها تانى ازى
اوعى حد يزقلنى بالطوب
الضمير؟
ReplyDeleteلاء بصراحه معنديش تعريف للكلمه بس عندى ضمير وديما بينقح عليا اوى
معاكى مسكن اسكته بيه؟
نيجى بقى للمبدأ لاء أنا بصراحه عندى مبدأ
الله ينتقم منه عم ميكافيلي بتاع الغاية تبرر الوسيلة ,ورغم ان اللي بيكشكشوها عندنا ميعرفوش المرحوم ميكافيلي , بس هما بيطبقوا كلامه بالحرف مع مواكبة العصر بمصطلحات زي الكوسة , وهي جت عليا ,واللي تغلبه العب به ..
ReplyDeleteعمرك شفت حد عمل جريمة من غير ما يبرر لنفسه , اللي بيسرق واللي بيكدب واللي بيرتشي ..
الكلام اللي فات ده ناس بتدي بنج للضمير عشان ينام له شويه واحيانا جرعة البنج بتكون شديدة والضمير بيفطس ويلفظ انفاسه الاخيرة ..
اخيرا زي ما بيقال الطريق الي جهنم
ملئ بالنوايا الحسنة
سلام يا ياسمين واوعي تكشكشيه لان اللي بيكشكش مرة ايقعد طول حياته يكشكش
الضمير؟؟؟؟
ReplyDeleteده اصطلاح انقرض من زمان والدليل على ده النوم الكتير...الناس بقت بتعرف تنام
أبقى سارق وأنام
أقتل وأنام
ظالم وأنام
لو كان في ضمير ماكنش حد نام
أنا بسبب تمسكي بمبادئي كتير بزعل ناس مني..بس باحس بشعور غريب بعدها رغم اني حاسة ان في حد ممكن يكون زعلان لكن احترامي لنفسي موجود
مافيش أسوأ من ان الانسان ينزل من نظر نفسه قبل عيون الآخرين
مبدئيا كده بودن زعل الموضوع حلو بس طويل كان ممكن تختصريه عن كده كان هيبقى احلى
ReplyDeleteانا قلت اتكلم بصراحه عشان اريح ضميرى
وبخصوص الضمير
ارى اننا نعيش فى زمن الضمير المستتر
وهو مستتر مستخبى يعنى وراء مجاملات ونفاق عينى عينك
صعب ان تجدى من يعامل ضميره فى هذا الزمان قولا وفعلا
تقبلى تحياتى
تعرفى انا والله فى شغلى ناس مبنشوفش خلقتها
ReplyDeleteوكل يوم نلاقى ممضيلها
فى دفتر الحضور والانصراف
عشان
الضمير فى الايام دى غايب
فالغايب يحضروه
وممكن الحاضر يغيبوه لو اتاخر ثوانى
عن معاده المظبوط مجاش
فى الحالة دى هيعرضها
ولو العكس
كان كشكشها ومعرضهاش
تحياتى
فعلا بوست هايل الناس بقت معرضها قوى ومفيش كشكشها عندها خالص
ReplyDeleteفعلا فى كتييير سلبيات فى المجتمع علشان لقى الاكبر منه بيعمل كده
ولا انت بتذكرى فى المكتبه هروبا من البيت علشان انت مدمنه نت طيب دا انا كنت جيالك يا دكتوره علشان القى عندك العلاج
ليك عندى تاااج تعالى خديه
تحياتى ولاء
يادكتوره
ReplyDeleteماكلنا عارفين ان الواقع زي الزفت
بصى يادكتوره
هاديكي نصيحه
ياتذاكري توكسسيسيتي كويس
ومالكيش دعوه غير بانتي في صفحه كام من الكتاب
يامى لو حبيتي تعملي حاجه تانيه
فكفايه نقد لواقع مرير
وحاولي تصلحيه احسن
قولي انتي صلحتي ايه
أحسن ماتقولي انتي شفتي ايه
تحياتي
من طالب قرفان من التوكسسيسيتي اللي في المجتمع
وبيعملها
إميرجينسي
جميل
ReplyDeleteيادكتورة
ReplyDeleteبلاش الكلام كده على الشيوخ
اللى بييجى عليهم مابيكسبش
وايه يعنى واحد ملتحى عمل كده
ماهو فى خمسين واحد غيره بيعمله العكس
ماعلينا
الضمير بيتهيألى مش لازم اعرفه ولا حاجه
اهم حاجه انى اكون باعامل ربنا قبل اى حد
يعنى اللى يغضب ربنا بلاش
واللى يرضى ربنا اكتر منه
ومن غير لف ودوران
ومن غير اختلاق تبريرات لنفسى
وان شاء الله عمرى ماهاكشكشهاوماعرضهاش بس ربنا يستر
وعلى فكرة بوست جميل جدا
ممممممممممممممممم
ReplyDeleteقصه رهيبه
بس احب اقول ان مش كل الملتحين كده
على فكره انا مش ملتحى (عشان لسه صغير)ولا بافكر اربى لحيتى لما اكبر
بس
وربنا يوفقك
والصراحه انا من اصحاب انا عندى مبدا
ومن اصحاب كشكشها ومتعرضهاش
الاتنين
ههههههه
حلوة
ReplyDeleteكشكشها متعرضضضضضضهاش
تحياتي
السلام عليكم
ReplyDeleteنو كومينت
على الموقف
ولكن تحياتى لكى وصح
ان الواحد لازم يكون عنده مبدا
وحلوة كشكشها متعرضهاش
بس انا بعمل بمبدا
كشكشها للمسمار ينتشها
ههههههههههههههههه
انا تهت كده جدااااااااااااا
ReplyDeleteالموضوع ده كبير من اول ما تعرضهاش دى لحد النهايه
انا همشى تانى
هو بالصلاة على النبي عليه الصلاة والسلام
ReplyDeleteاولا نعرف يعني ايه
arsenic
وهل دي انجليزي دي يا مرسي ؟
ثانياً
الضمير لسه موجود
بجد
انا مقريتش التعليقات علشان متأثرش بحد
بس زي مبقولك لسه فيه ضمير
لمست ده اوي
وتعريف الضمير عندي
هو انك لما تكون في مكان ومطلوب منك حاجه
تراعي ربنا فيها
بمعنى
انا طالب وزميلي عايزني اكتبه في الغياب
انا كده في موضع قرار
اشوف بقا قراري ده حيرضي ربنا واللا لأ وانفذ
وكذلك بقا في اي عمل اعمله
اول ملاقي نفسي حاخد قرار
ابص اشوف القرار ده حيرضي ربنا واللا لأ
وانفذ
وبكده يبقا الواحد عنده ضمير
وشايف ان لسه فيه ناس كتير بتعمل كده
طبعاً مش 100% بس مفيش حد مش بيغلط
والمهم انه ميستمرش في الغلط
ايه يابنتى ده
ReplyDeleteانتى مالك ومال الكلام ده
كشكيشيها
اوعى تعرضيها
بسم الله
ReplyDeleteفي البداية الاخ اللي قابلتيه لا يعبر الا عن نفسه لان عندنا مبدا ان احنا لا نلوم مجموعة بخطا فرد فيهم
بس بيني وبينك احيانا بعض الروتينات المتخلفة تضطر الواحد الى ان يتخد طرقا قد لا يستسيغها احد الا المضطر اليها
وفي الاخير نقول انه لا يصح الا الصحيح
تحياتي
الضمير شيء من الصعب جدا تعريفه في هذا العالم
ReplyDeleteتحياتي
معاكى
ReplyDeleteما ضاع حق ورائه مطالب ولو فى بلدنا
وبيخيلى اللى معندوش ضمير يكون عنده ضمير
الحمد لله عندى مبدا....
ReplyDeleteاصل طالما حاجه مش ينفع فيها كشكشها ومتعرضهاش....يبقى لازم نبقى اصحاب مبدا
بس احيانا بيبقى لازم تكشكشيها غصب عنك....لانك وحدك ادام مليووون غيرك....ولو مكشكشتيهاش هيكشكشوهالك بالعافيه
بس الواحد بينكر على قد ما يقدر...من باب يارب انا عملت اللى اقدر عليها
ربنا يهدى ويصلح الحال
جزيتى خيرا يا اجدع بنوته ف الدنيا
أدعوكم، وتدعوكم ورقة وقلم .... إلى الاحتفالية المقامة بمناسبة فوز بوكر العربية ببهاء طـاهر ، وذلك يوم الثلاثاء القادم .... الأول من إبريل ... في نقابة الصحفيين الدور الرابع ... السادســـة مساءً
ReplyDeleteبصي حاجة تزعل اوي لما الواحد يلاقي سلوك خاطيء يجي من حد مظهره انه ملتزم لانه طبعا سفير بمظهره الالتزامي دة
ReplyDeleteلكن ما ننساش انه بشر برضه بيخطا وانه مش ملاك
لكن يا ترى هل هو عمل كدة هل الغاية اللي هو بيقولها اعطته مبرر ليه وبالتالي بقى حلال ولا الموضوع تقصير ومعصية وخلاص
يعني هو بيجي مثلا وحد ماشافش امضته او نسي يمضي فبيكمل امضته ولا اصلا ما بيجيش وما بيمضيش وكدة بياخد حق غيره
ولا ما بيجيش لاسباب قهرية وغيره ما بيجيش للدلع وبينجح عادي وهو اللي محتاج انه ما يجيش هيسقط
يبقى لازم ندور قبل اصدار اي احكام
هقولك موقف واحد رايح في قضية هو مظلوم فيها بس مش عارف يثبت
صدقه ولو قاله يتحكم عليه ظلم يبقى الحل في انه يكدب علشان يطلع نفسه براءة لانه بريء
ايه رايك هنا يكدب ويطلع نفسه براءة خصوصا انه فعلا بريء
ولا يقول الصدق ويتسجن وهو برضه بريء
قيسي كدة على الضرورات نبيح المحظورات
الاخوة بتوع علماني وشيخ بلحية والكلام اللي قالوه
هسسالهم سؤا بسلو سمحوا
طيب اللماني اللي مش زنديق دةبيكشكشهاوما بيعرضهاش ولا العكس
غريبة اوي على الناس ايه بقى جاب وجه المقارنة هنا لو سمحتم بلاش خلط
تحياتي ليكي يا اجدع دكتورة بنوتة صغنتوتة
نسيت اجاوب على السؤال
ReplyDeleteالضمير دة بالنسبة لي هو ازاي ارضي الله بشتى الططرق حتتى ولو على حسابي لان مبداي ااكيد ربنا هيعوضني خير
ودائما وابدا باذن الله اعمل ب مبدا من ترك شيئا لله بله خير ا منه
اكشكشها وم اعرضهاش امتى لوحاجة بقى مما فيهاش معصية
او هاجي على نفسي وبس
لكن دة ما بيخلينيش
ملاك انا بس بحاول اكون طائعة على اد ما ربنا يقدرني
وربنا يجعلك دايما من اصحاب الضمير الليي يرضي الله
اعتذر على الرغي
الدوده .. اكلت ضميرنا ومرتباتنا واكلنا
ReplyDeleteهاتوها .. الدوده بنت الدوده دى يادكتورنا الحر
الغايه تبربر الوسيله يا أأبى متعرفهوش
ReplyDeleteتعرفيه منين صحيح ده م ابداعى انا
شوفلنا حد يدلع الشعب كله بقى ياقطه الصحراء
ReplyDeleteالضمير .. كتله مفرغه ف الفراغ ياهمس الاحباب
ReplyDeleteجبتى المفيد والله يادينا
ReplyDeleteحلو اوى تعريف الضمير ده ياوائل
ReplyDeleteالضمير لا يمنعك م الخطيئه ولكن يمنعك م الاستمتاع بها
ضمير عبده الرايق عالى اوى ياجدعان
ReplyDeleteانت متلخبط ولخبطتنى معاك والله ياابو الاحناف
ReplyDeleteدكتوره سمسمه .. مش لايقه ع بعض اطلاقا
ReplyDeleteبالعكس يابحبك يامصر .. الغرب ضميرهم عالى جداااااااااااااااااااااا
الغرب اخلاق اسلام بلا اسلام
عاشقه انا ضربت مثال بالملتحى لانه مفروض يكون اكثرهم التزاما
ReplyDeleteوواجهه مشرفه مش يكشكها هو كمان
الضمير ضاع يافرنستى .. مع غياهب العولمه
ReplyDeleteلووووووووووووووووول
ونعم بالله ياهيرو
ReplyDeleteسودتلى الدنيا اكتر ماهى سوده يااعزيزى ف حب مصر
ReplyDeleteنورهالى تانى بقى
انا عندى مبدأ .. عشتى ياسمسم
ReplyDeleteصباح الخير ياضمير هههههههههههههههههههههههه
ReplyDeleteجامده يامودى هههههههههههههههههههههههههههههه
صح ياموناليزا ...
ReplyDeleteتمام الاتفاق بطوط
ReplyDeleteمودى فور ايفر .. محروق هو كمان زينا هههههههههههه
ReplyDeleteهمزه ولا غمزه يامحمد صوت م مصر
ReplyDeleteيالهوى ياسهر .. لااااااا
ReplyDeleteالغل لما يقتل كل حاجه هيحولنا حيوانات
عابر سبيل .. طب ممكن تقله يهدى شويه ياطبيبنا بلا سماعه
ReplyDeleteويقعد معانا شويه
اشته يا أنور ..
ReplyDeleteانور هيكشكشها يارجاله
سنووايت زىى بتقع ف مصايب بسبب المبدأ
ReplyDeleteسمبل جيرل .. دكاترة الجامعه اكتر ناس بتكشكشها
ReplyDeleteخايف م الحقيقه ضربت ع حتة بوينت
ReplyDeleteالضمير الجزئى فعلااااااااااااااااااااااا
والحوا بعيد عنه يقولك فين الضمير
وقت مايمسه .. سلام ياضمير
مستمر يا تايهه ياعزيزى
ReplyDeleteانونيومينوس .. بدرجات يعنى ضمير لارج وضمير سموول
ReplyDeleteتصدق فعلا عندك حق
ميرسى زوجات عاشقات
ReplyDeleteف ناس اخدتله مسكنات يا زى الهواا .. علشان ضميرها ميوجعهاش ابدا
ReplyDeleteصباح الفل يامروه .. تعالى نولع ف الجامعه وننجز
ReplyDeleteوانا مالى وانا مالى ياخيخه .. لوووووووول
ReplyDeleteاحلى مبدا ياهند ع اسم مصر
ReplyDeleteمنه لله ميكافيلى يافارررررررررس
ReplyDeleteولاء اه ياانا ياتاجاتك
ReplyDeleteميرسى يادكتور سيد
ReplyDeleteهههههههههههههههههههههههههه
ReplyDeleteماشى ياعمار هنبطل كلام ع الشيوخ
محدش قال ان كل الملتحين كده ياحسام
ReplyDeleteكشكشها ياافاق
ReplyDeleteميرسى يانجم
ReplyDeleteيعنى ارزينك يازوجل هههههههههههه زرنيخ يعنى
ReplyDeleteنو واااى اكشكشها ياصحفيه ياروشه
ReplyDeleteطبعا يااحمد سعيد .. لا يعبر الا عن نفسه
ReplyDeleteميرسى يادرش ع المساهمه
ReplyDeleteههههههههههههههههه ماشى يامحمد ياشاعر
ReplyDeleteربنا يبارك ف مبداك ياحطم قيودك
ReplyDeleteوالله احلى ختام فعلا واحلى رد ياعاشقة النقاب ياغاليه
ReplyDeleteThe product, according to the brand, can be applied throughout the day on dry hair if one's hair is medium to very coarse. My hair doesn't always look good when I'm going to attend openings and red carpet events. A well groomed woman will look to her hair and makeup first and a poll of 3,000 females across the UK revealed that about 44% feel attractive if they are having a good hair day, this compares to 16% who felt pleased with their appearance if good teeth gave them that winning smile.
ReplyDeleteLook at my web-site - hair products
Can add to the beauty of the landscape when used correctly.
ReplyDeleteIf you are working on a riding mower or a mower with an electric starter, you will also want to disconnect
the battery as to prevent any accidental startups while servicing
your machine. When ordering mulch, find out what the delivery cost is and compare it between companies before ordering.
Take a look at my blog ... mulching
If you have a Jewel crafting or a jewel crafter friend. It also happens sometimes that your character will say something silly.
ReplyDeleteData mining is mostly a relatively new term that represents the process by that predictive
patterns are made from information.
Many people argue that eating too many plants grown with commercial fertilizers or pesticides can
ReplyDeletecause health problems. Due to the popularity of organic gardening, organic
potting soil and compost are available at most garden centers.
Again, using companion planting techniques will help
your organic garden flourish.
Here is my page - misdealt