Tuesday, March 18, 2008

الحناكيـــش

لو مكنتش انت تدلعنى .. مين هيدلعنى
..
بوست جديد .. ع ابنتى الاخرى
..




من هما الحناكيش .. ومن هو الحنكوش ؟؟

سؤال لطالما .. تسائلت به .. (( يعنى ايه تسائلت دى ))

الحنكوش .. ف لغتى الخاصه .. هو حنكوش

ببساطه جدا .. الحناكيش هم حناكيش

اسم فاعل لفعل مقصور منتهى بياء وشده

ونقطتين وم اول السطر

.....

بامبووووووووووووووووووووو

الحنكوش هو ذلك الشخص المبتسم دائما

يقابلك يوميا ف اى مصلحه حكوميه ترتاد اليها

ويقولك كل سنه وانت طيب ......

بامبووووووووووووووووووووو

الحنكوش هو ذلك الشخص اللى برده مبتسم دائما

والذى يطالعنا يوميا ف الصحف والتلفاز

ويقولنا بان الحال زى الفل .. وان عشرات المصريين يتمتعون بالرخاء المتقع

بامبووووووووووووووووووووو

الحنكوش هى تلك السيده التى تخرج م اى غرفه

ف اى مستشفى سواء كانت محترمه او غير محترمه

لتقول لك .. فين البشاره

بامبووووووووووووووووووووو

الحنكوش هو ذلك الطفل المسكين صاحب بشره

بصم عليها الزمن .. تجده ف اى مكانا ممسكنا بعلبة مناديل

ويقولك .. اى حاجه بس يااستاذ

بامبووووووووووووووووووووو

الحنكوش هى تلك السيده الغير متزوجه

صاحبة ال 70 عاما .. رئيسة مجلس حموم المرأه

وتقولك .. لابد م حماية المرأه م زوجها المفترس

بامبووووووووووووووووووووو

الحنكوش هو ذلك الاستاذ لا يفتأ يشعرك بانك اغبى خلق الله

ليأتى لك ف ساعة صفا

ويقولك .. انت بس لو تاخد عندى درس هتفرق كتير

بامبووووووووووووووووووووو

الحنكوش هو ذلك الشيخ صاحب لحيه مسجله بموسوعة جينس

ويقولك .. اوعى تنام ع جنبك الشمال .. حرام حرام حرام

بامبووووووووووووووووووووو

الحنكوش هو ذلك الطبيب يخدعك بضرورة .. شيل المراره والا ستفقد حياتك

وتخرج م الغرفه تبحث عن كليتك اليمنى .. فتخبط دماغك ف الحيط

بامبووووووووووووووووووووو

الحنكوش هو ذلك الميكانيكى الدمس الهيئه

تذهب له لتغيير الكاوتش .. يطالعك

بضرورة تغيير الموتور والا فان السياره ستنفجر بامر الله

بامبووووووووووووووووووووو

الحنكوش هو صديقك .. واللى هيكون معاك

ف الوش دلايه وف القفا سلايه

بامبووووووووووووووووووووو

الحنكوش هو ذلك الانسان خلقه ربه

ليعمر ف الارض .. لا اعلم لماذا ولكنه اشاع فيها فسادا

بامبووووووووووووووووووووو

الحناكيش هم نحن .. ونحن هما الحناكيش

فمرحبا بكم ف عالمى .. اعزائى الحناكيش
...
هل م اضافه .. لتعريف الحناكيش ؟؟
.................
...................
تحديث

د/اجدع بنوته said...
عاشقه ياحبيبتى انا اقصد الراجل المتستر بعباية الدين وطالع يتاجر بفتاويه وسايب كل مايشغل حياتنا م متناقضات واثام ممكن تدمرها انه يفتى ان النوم عن الجنب الشمال حرام حرام حرام وكأن بايد اى حد مننا يختار النومه اللى هيفضل عليهااو انه يقرر انه هينام ع اليمين وعمره مهيتقلب تحياتى
March 18, 2008 2:24 PM
د/اجدع بنوته said...
ميرو ..انا لا بتريق ع الشيخ ولا ع اللحيه انا بوصف المتستر بلحية الدين وعباية الايمان وماشى يتاجر بفتاويه لدرجة ان بقى اهم م تحريم الزناا و القضاء ع التحرش ان النوم ع الجنب الشمال حرام حرام
وان الواحد لو ف اتوبيس وجنبه راكب معاه الجرنال وهو بص فيه
فده حرام حرام حرام .... مبقاش عندهم اسهل م الحرام والحلال
at

123 comments:

  1. بحبك يامصرMarch 18, 2008 at 8:35 AM

    الحنكوش هو واحد بلطجى مسك منصب معين وماسك فيه بايده وسنانه
    الحنكوش هو شخص مستفيد من الوضع الظالم ويجلس فى برنامجه على الفضائيات يدافع عن الانظمه المتسلطه
    الحنكوش هو شخص يظهر خلف نجم الكره او من يستضيفه التلفزيون ليظهر فى الكاميرا
    وتحياتى

    ReplyDelete
  2. almasryMarch 18, 2008 at 9:11 AM

    الحنكوش مش ليه تعريف محدد .. وقوليلى الا بالحق هو يعنى ايه كلمة حنكوش فى قاموس اكسفورد؟



    تحيـــــاتى
    المصـــــــــــرى

    ReplyDelete
  3. ضــى القمــرMarch 18, 2008 at 10:19 AM

    ما خليتى لينا اى وصف تانى للحنكوش ..

    لكن هى المعانى دى نزلت فى اى قاموس :)

    بجد رائعه يا بنوته

    ReplyDelete
  4. Desert catMarch 18, 2008 at 11:41 AM

    الحنكوش هو من يجلس فى اى شئ وكل شئ وحينما تتحدثى عن واقع يحادثك عن شئ سوف يحدث فى المستقبل وكأنه يتنبأ

    ReplyDelete
  5. بنت الصالحينMarch 18, 2008 at 2:01 PM

    الحنكوش هو ذلك الشيخ صاحب لحيه مسجله بموسوعة جينس

    ويقولك .. اوعى تنام ع جنبك الشمال .. حرام حرام حرام


    دي اللي زعلتني منك ياسمسمه

    http://www.islamweb.net/ver2/fatwa/ShowFatwa.php?lang=A&Option=FatwaId&Id=5439


    عدا ذلك فالحناكيش كتييييييييييير

    وتدوينه عسوله

    ReplyDelete
  6. Mero..March 18, 2008 at 2:16 PM

    "الحنكوش هو ذلك الشيخ صاحب لحيه مسجله بموسوعة جينس

    ويقولك .. اوعى تنام ع جنبك الشمال .. حرام حرام حرام"


    ﻷ ﻷ ﻷ ﻷ مع احترامي بس ليكي كدا غلط
    أنا معرفش انتي بتتريقي ع اللحية ولا ع الشيخ
    لكن هما أمران أحلاهما مر..

    تحياتي ع البوست

    ReplyDelete
  7. د/اجدع بنوتهMarch 18, 2008 at 2:20 PM

    شكرا لاضافتك يااحمد بحبك يامصر

    مجموعة حناكيش جديده

    ReplyDelete
  8. د/اجدع بنوتهMarch 18, 2008 at 2:21 PM

    لا الحنكوش يامصرى لسه منزلتش ف اكسفورد

    دى اخرها ف قاموسى الكلمنتيشى

    ReplyDelete
  9. د/اجدع بنوتهMarch 18, 2008 at 2:21 PM

    ضى القمر ميرسى جدااااا

    زى ماقولت قاموس حياتى ياعين

    ReplyDelete
  10. د/اجدع بنوتهMarch 18, 2008 at 2:22 PM

    حنكوشك جامد جدا ياقطه

    ReplyDelete
  11. د/اجدع بنوتهMarch 18, 2008 at 2:24 PM

    عاشقه ياحبيبتى

    انا اقصد الراجل المتستر بعباية الدين

    وطالع يتاجر بفتاويه

    وسايب كل مايشغل حياتنا

    م متناقضات

    واثام ممكن تدمرها

    انه يفتى ان النوم عن الجنب الشمال

    حرام حرام حرام

    وكأن بايد اى حد

    مننا يختار النومه اللى هيفضل عليها

    او انه يقرر انه هينام ع اليمين وعمره مهيتقلب

    تحياتى

    ReplyDelete
  12. د/اجدع بنوتهMarch 18, 2008 at 2:25 PM

    ميرو ..

    انا لا بتريق ع الشيخ

    ولا ع اللحيه

    انا بتريق ع المتستر بلحية الدين وعباية الايمان

    وماشى يتاجر بفتاويها

    لدرجة ان بقى اهم م تحريم الزنا

    او القضاء ع التحرش

    ان النوم ع الجنب الشمال حرام حرام

    ReplyDelete
  13. كلاكيت تانى وتانىMarch 18, 2008 at 2:34 PM

    الحناكيش فحياتنا كتير قوى ملهمش عد
    موضوع جميل وفكرة عبقرية من شرقاوية جدعة مثلى
    بدعوكى تدخلى المدونة دى انا بحبها جدا http://the-lady-of-winter-sonata.blogspot.com/
    تحياتى لكى

    ReplyDelete
  14. AnonymousMarch 18, 2008 at 3:44 PM

    الحنكوش هي ببساطه كلمه قديمه قدم التاريخ
    وتلاقيها ف باب ح ن ك ش
    ومش محتاج اتكلم فيها كتير لان الكل عارفها كويس

    وهي اللي يظبطك ومش يفوترك
    مش بذمتك فدييييييييمه

    اصلك متظبط متظبط
    فليه تتظبط م الغريب


    مون

    ReplyDelete
  15. الفارس الملثمMarch 18, 2008 at 6:20 PM

    انتي عارفة وانا بكتب الرد الكهربا قطعت , باين عليه واحد من الحناكيش كان بيلعب ولا حاجة ..

    الحنكوش هو ذلك الاستاذ لا يفتأ يشعرك بانك اغبى خلق الله
    ليأتى لك ف ساعة صفا
    ويقولك .. انت بس لو تاخد عندى درس هتفرق كتير

    انتي عارفة النموذج ده شفته كتير وتلاقي التلميذ اول ما ياخد الدرس يبقي خلاص احمد زويل التاني بعد ما الاستاذ اكتشف العبقرية المدفونة جواه

    الحنكوش هو رئيس صحيفة قومية مصر دايما مصران البلاد تسبح في رخاء اقتصادي بس جماعة اعضاء النجاح هما اللي دايما بيبصوا لنصف الكوب الفاضي" مع ان الكوباية بقت مشروخة ومفيهاش ولا نقطة ميه " بس نقول ايه اطعم الفم تستحي العين

    خلي بالك يا ياسمين لواحد من الحناكيش يكون سمعك ويستضيفوكي في المقر العام للحناكيش

    سلاممممممممممممممم

    ReplyDelete
  16. صوت من مصرMarch 18, 2008 at 8:13 PM

    للاسف انى لقيت مصر كلها حناكيش بس حسب نوع الحنكوش جواه

    ReplyDelete
  17. ammarMarch 18, 2008 at 9:28 PM

    ايوه الحناكيش كتير فعلا
    بس ......
    مش احنا الحناكيش
    اعزائى الحناكيش اهلا بكم
    دى تتقال لاى حد
    بس ماتتقالش لمدونين
    يادكتور دول المدونين هم الناس اللى فايقه للبلد
    ومع ذلك البوست جميل مع اعتراضى على بعض نقاط وحضرتك رديتى عليها فى التحديث
    بس لما نتكلم فى الشيوخ
    او فى الدعاة
    او فى رجال الدين
    نوضح الكلام
    اصل دول اللى بييجى عليهم مابيكسبش ابدا
    ههههههههههههههه
    تقبلى مرورى

    ReplyDelete
  18. Empress appyMarch 19, 2008 at 12:16 AM

    دى امراض القلب دى يا سمسه مش حناكيش
    وبعدين الحناكيش هو اللى بيحنكش جواه عقولنا المفرغه المبهمه اللى راكننها صف تالت وجه ونش غتت كلبشها ووداها المرور وعملوها عربيه كبده هههههههههههههههه

    ReplyDelete
  19. دكتور حرMarch 19, 2008 at 1:23 AM

    الحنكوش هو المصري وخلاص يا دكتوره

    :)

    بالنسبة لزعل الناس منك انا هاعمل على رأب الصدع
    قوليلي اتفضل

    شكرا
    ***
    كلام ياسمين قمة الصح بالنسبه للشيخ وده المعنى اللي انا فهمته من قراءتي الأولى للموضوع
    فعايز أقول حاجه
    ليست ياسمين بما عرفنا من كتابتها هي التي تقوم بمثل هذا الهجوم بهذا القصد والمفترض يا عاشقه وميرو ان احنا متابعين كده

    الحاجه التانيه
    في كلمة للاستاذ سيد قطب بيقول فيها :
    انهم يريدون اسلاما امريكانيا يحارب الشيوعيه فقط ويستفتي في نواقض الوضوء فقط اما ان يحكم ويتحكم ويسود ويقود ويدافع كلا انهم لايريدون ذلك ,انها لحقا المهزله"
    فأنا اعتقد ان هذا ما تقصديه فعلا وأؤيدك في ذلك تماما

    لأن الهدف من الحنكشه في هذا الأمر ان يفصل الدين عن جوهره وعن شموليته بحيث نظل في العبادات والمسجد والحمام وفقط
    ونترك نواحي الدين الأخرى


    وزي ما قلتلك الحناكيش دول في كل مكااااااااااااااان

    وربنا المعين

    ReplyDelete
  20. ساكت ليهMarch 19, 2008 at 2:22 AM

    لحنكوش هو ذلك الطفل المسكين صاحب بشره

    بصم عليها الزمن .. تجده ف اى مكانا ممسكنا بعلبة مناديل

    ويقولك .. اى حاجه بس يااستاذ
    انا نفسى اعرف ايه علاقة دا بالحناكيش انتى قولتى حاجات كتيرة مش حلوة طيب دا ايه اللى دخله ضمن الحناكيش يمكن انتى قصدك الظروف ويمكن انت مضايقة منهم بس انا مش عارف ايه علاقتهم بلحناكيش وعلى ما اعتقد ان ملهمشى علاقة بالحناكيش الاطفال دول مش زنبهم انهم بقو كدا خالص

    ReplyDelete
  21. Hosam Yahia حسام يحيىMarch 19, 2008 at 3:20 AM

    الحنكوش هو ................



    كل اللى قلتوه ده


    حسب معلوماتى : الحنكوش هو الشحط الذى يريد ولا يريد

    ويقول ولا يقول

    محدش فاهم حاجه

    دا اللى انا عاوزه
    هههههههههه
    تحياتى

    ReplyDelete
  22. أحساس لسه حى ...أنا مش موافقMarch 19, 2008 at 3:50 AM

    عزيزتى
    الحنكوش

    اللى بيقول كل سنه وانت طيب هتلاقى مرتبه مش مكفيه عيش حاف وشايف مديره راكب عربيه وفرق بين مرتبهم شئ بسيط

    الحنكوش

    اللى بيقول ان الحال مش زى الفل هتلاقيه ساكن فى فيلا وراكب عربيه اخر موديل وعمره ما وقف فى طابور عيش

    الحنكوش

    يمكن لما تقولك فين البشارة وتاخد منك شئ بسيط احسن ما تسرق ولا تبيع حاجات كتيره بتنباع بسبب الاحتياج نديها بدل نقدر ندى واكيد مهما هنديها مش هتعيش احسن عيشه بردوا

    الحنكوش

    الطفل اللى ملقاش حد يسرف عليه وعاش طفلته يوم جعان ويوم فى الشارع
    والله العالم مستقبله هيكون ايه نشترى منه المنديل ونقوله ادعلنا دعوتك مستجابه لانك مظلوم

    الحنكوش

    السيده دى رتيسه مجلس حموم المراه تلاقيها امنه وجوزها سى السيد بس الوش ده بتقلعه لما بتخرج من البيت

    والحنكوش

    المدرس اللى مقدمهوش حل الا يدى درس علشان يكفى نفسه وعليته

    الحنكوش

    الشيخ اللى يقولك نام على جنبك اليمين وخش برجلك اليمين ولما تركب موصلات قول ذكرها ولما تاكل سمى ولما ..الف مره

    اما مين اللى يقول كده اذا الشيخ ما يقولش فيفى عبده مثلا

    انا قريت تحديثك بس ليه نهاجم اى نصيحه فى الدين حتى لو كانت كلمه بسيطه

    الكلمه صدقه تصدقى

    واكيد الشيخ ده مش هيقولك لو معملتيش كده هقيم عليكى الحد لان اللى بيقوله ده اشياء بينا وبين ربنا ملهاش اى حدود

    الحنكوش

    الطيب اللى يقولك شيل المراره تشليها وفاتورته تلاقيها جبتلك الف مراره

    الحنكوش

    هو الميكانيكى اللى شايف اصحاب العربيات الحديثه حراميه فيقول سرقتهم حلال برضوا

    الحنكوش

    هو الصديق اللى الحق عنده انه يكسب منك ويستفاد والظلم عنده انك تقوله كلمه حق حتى لو فى مصلحته

    الحنكوش

    هذا الانسان اللى ربنا خلقه لكى يعبده وما عبده حق عباده ابدا

    الحنكوش

    كلنا حناكيش

    لاكن منا من اضطر يكون حنكوش

    ومن احب ان يعيش حنكوش

    تحياتى

    ومتزعليش من اعتراضى عليكى فى بعض الامور

    لانك ساويتى الظالم بالمظلوم

    سلاااااااااااام

    ReplyDelete
  23. DobaMarch 19, 2008 at 5:44 AM

    انتى يا بت يا ياسمين
    انا بحبك قوى
    بجد والله

    مش عارفة ليه بس فرحانة بيكى قوى
    ربنا يحميكى يارب
    ويبارك فيكى

    وعموما انا عارفة انا بحبك قوى ليه
    هبة

    ReplyDelete
  24. SooooMarch 19, 2008 at 5:49 AM

    حنكش الشيء .. أي فحلقه
    والفحلقه في اللغة الأزوريه القيدمه هي النشكاح المشرئب
    وعندما ينشكح الانسان وتشرئب نظرات عينيه .. يبدأ في الحنكشه
    -----
    وقديما قيل في الامثال .. قال يا محنكش ايه حنكشك .. قال مالقتش اللي يديني بالجزمه

    ومن هنا
    اناشد
    وااويد
    وابايع
    كل حلات الجزم .. للقضاء على ظاهرة الحنكشه

    والله ولي التوفيق
    كان معكم .. شهيد عقيد فريد مريض .. سوووو عبد المجيد




    سلامووووووووووووز

    ReplyDelete
  25. همس الاحبابMarch 19, 2008 at 6:41 AM

    بامبوووووووووو
    حناكيش عالم مليان حناكيش
    اه بالمناسبة يعنى ايه بامبوووووووووو
    هههههههههه
    تحياتى يا دكترة
    خالد

    ReplyDelete
  26. عاشــــــ النقاب ـقــــة"نونو"March 19, 2008 at 8:54 AM

    بلد حناكيش صحيح
    مقصدك منموضوع الشيخ ابو لحية انا فهمته جدا
    بس هضيف اضافة صغيرة لمن يرى
    في غزوة من الغزوات لا اذكرهاالان المهم اللي علق في دماغي منها ان القائمين عليها من المسلمين لقوا نفسهم عاملين بيتهزموا والحرب اشتدت عليهم
    تخيلي انهم في حرب
    عملوا ايه بقى لموا بعضهم وسالوا بعض ايه بنسيبه من الطاعات والعبادات هو السبب في الحاق الهزيمة دي
    عارفة لقوا ايه ؟؟؟
    لقوا انهم بيتركوا السواك وهو سنة مؤكدة !!!!!!!!!!!!!!!!
    تخيلي وهم في الحرب افتكروا اهم سايبين سنة السواك واعزوا اليها الهزيمة
    دة الفرق بينا وبينهم
    اننا في زمانا دة سخفنا من قضايانا الدينية البسيط منها قبل القوي
    ودة نتاج اللي بقينا فيه
    بوركتي حبيبتي واتمنى تكون فكرتي وصلت ليك يا اجدع بنوتة

    ReplyDelete
  27. AnonymousMarch 19, 2008 at 10:10 AM

    ههههههههههههههههههههههههههههه

    الله ايه الحنكشة التمام دي

    فكرتني بسر البقبقة

    اضحك الله سنك وهكذا الحياه هم يضحك وهم يبكي

    ReplyDelete
  28. عبده الرايقMarch 19, 2008 at 10:24 AM

    الحنكوش هو قريب الفنكوش
    وطالما الفنكوش طلع اونطه يبقبى الحنكوش اونطه برضه
    مش كده ولا ايه ؟؟؟؟

    ReplyDelete
  29. فرنسا هانمMarch 19, 2008 at 11:29 AM

    الحناكيش
    هما المحتكرين السوق المصرى
    والمواطن المصرى

    ReplyDelete
  30. Mohamed Hesham SafaMarch 19, 2008 at 11:34 AM

    كده ونص وتلات تربع

    ReplyDelete
  31. drpharmaMarch 19, 2008 at 11:48 AM

    خلى باللك دى مسالة اخلاق

    ReplyDelete
  32. Ali KorkorMarch 19, 2008 at 12:50 PM

    سيظل موضوع الزوار اللي من مورريشيوس لمدونتك دول لغزا محيرا

    ReplyDelete
  33. walaaMarch 19, 2008 at 2:06 PM

    ههههههههههه
    اما مين بامبوووووووووو
    وماذا تعنى
    عرافينى اللغه يا سمسه
    بس بجد عندك حق فى سلبيات كتيير قوى فى حيانتا لازم تتغير
    تحياتى ولاء ا

    ReplyDelete
  34. آفاق الحريةMarch 19, 2008 at 2:29 PM

    السلام عليكم
    الحنكوش هو ايه
    كلمة مش موجودة غير في الشعب المصري

    ReplyDelete
  35. الـسـيـدة نـونMarch 19, 2008 at 2:30 PM

    اعتقد ان الحنكشة بتبقى زى حالة كدة
    كلنا ممكن نمر بيها
    انا متهيالى مرت عليا لحظات
    كنت فيها احدى الحناكيش
    تحياتى ليكى
    اختك خيخة

    ReplyDelete
  36. جهاد خالدMarch 19, 2008 at 3:04 PM

    تقريبا الحنكوش

    هو كل الناس في حالات مختلفة

    تحياتي

    ReplyDelete
  37. خمسة فضفضةMarch 19, 2008 at 3:07 PM

    السلام عليكم ورحمة الله وبركاته

    دا احنا علي كده عندنا 70 مليون حنكوش وحنكوشه

    ربنا يعافينا

    ReplyDelete
  38. "النجم القادم"March 19, 2008 at 3:35 PM

    السلام عليكم

    الله ينور عليكى يادكترة

    بس انتى تقصدى الحنكوش ولا الفنكوش
    ههههههههههههههه

    الحنكوش هو كل شخص سايب حقه

    لشوية حرامية يسرقوه

    الحنكوش هو كل الا بيقول

    وانا مالى خالينى فى حالى

    الحنكوش هو الا ساكت وصامد وبيقول بكرة هيجى الافضل بس هو فين

    الحنكوش هو كل واحد خايف

    ومش بيعمل بكلامى

    وانا بقوله إوعى تخاف

    ReplyDelete
  39. ابن حـجـر الـعـسـقـلانـىMarch 19, 2008 at 4:37 PM

    يا خبر ... كل دول حناكيش ؟؟؟ دة أنا كنت خايف لاحسن مواصفات واحد منهم تطلع متطابقة عليا

    ربنا يحفظنا

    ReplyDelete
  40. StRoNg MeDiCiNeMarch 19, 2008 at 5:07 PM

    تى تا تيت حناكش حناكش

    -----------------------------
    بجد حلو الموضوع ده

    بس الحاجات دى انت ألفتيها

    ReplyDelete
  41. NIDAAL .RMarch 19, 2008 at 5:53 PM

    اول زيارة و مش الاخيرة ان شاء الله
    بوست جااااامد
    الحنكوش هو صديقك .. واللى هيكون معاك
    ف الوش دلايه وف القفا سلايه
    دى ممكن اوى ... وكل الكلام ممكن اوى اوى ... تحياتى ليكى على البوست الجميل و الى عرفتينا فيه عل معنى كلمة من معجمك الكلمنتيشى ..تحياتى
    نضال

    ReplyDelete
  42. بنت الصالحينMarch 19, 2008 at 6:51 PM

    ممممممممممممممم

    يبدو ان سمسمه افتكرت اني زعلانه

    سمسمه ياقلبي
    اولا بحبك في الله

    بس فيه مشكله
    انك اما عملتي تحديث بقت اوحش
    ازاي

    هقولك

    اولا ياسمسمه مافيش حاجه في ديننا اسمها هايفه او مالهاش لازمه او مش مهمه صح

    لكن فيه حاجه اسمها فقه الاولويات انا معاكي


    بس مفيش حاجه اسمها مش مهمه او مش شرط الشيخ يتكلم فيها

    المهم

    يامرحبا بعالم الحناكيش


    ولا تزعليش
    هههههههههههههههههههههههههه

    ReplyDelete
  43. nigroMarch 19, 2008 at 8:05 PM

    الزيارة رقم مليون و سبعميت ألف
    بس أول تعليق
    الحنكوش هو أحد دكاترة الجامعة المحترمين اللي طلب من طالب عنده انه يربطله رباط الجزمة علشان ينجحه في المادة
    و الحنكوش أيضاً هو نفس الطالب اللي وافق انه يربط رباط الجزمة للدكتور
    و الحنكوش كمان هو أحد دكاترة الجامعة المحترمين جداً اللي كان سؤاله في الشفوي لطالب عنده
    قولي اسم أخر أغنية لنانسي عجرم
    والحنكوش أيضاً هو الطالب اللي فضل واقف قدام الكتور و ماسابش المكتب و خرج

    ReplyDelete
  44. AnonymousMarch 20, 2008 at 12:38 AM

    السلام عليكم ورحمة الله وبركاته
    مع الاسف والالم كلامك صح....بلدنا بقت 70
    مليون حنكوش ليه كده؟؟ حتسئلينى والبقى كاقولك فى خارج مصر لاما ماشين صح والاعيشهم حيتقطع (بره مفيش ياما ارحمينى)لاما جوه مصر ومش عارفين يبقوا حنكوشيييييييين....ليه؟للاسف متربين غلط لما كانوا بيطبعوا ارشادات الاداب العامة والسلوك الصح وشعارات وجداول الضرب على ظهر الكراسات والكشاكيل(قبل نانسى ولوسى وروبى(
    اقولك ربنا يرحمنامن اللى احنا فيه .بلدنا مابقاش مشكلتها فرد او مجموعة افراد لأ ياأستاذة بلدنا بقت مشكلتها اهلها نفسهم سلوكهم اتغير حتقوايلى مضطرين لهذا :الزحمة الغلاء اللىمش عارفة ايه؟لا يااستاذة ناسنا نفسهم استسهلوا عمل الخطأ
    وانا اسفة اذا كنت طولت عليك لكن مدونتك اثارت مواجعىّ
    وتقبلى تحياتى
    norahaty.

    ReplyDelete
  45. جمعاوىMarch 20, 2008 at 12:50 AM

    الحنكوش

    هو ذلك الشخص التى يطل علينا بطلعته " البهية "

    و يقول

    لا لإلغاء الدعم

    و نعم لمجانية التعليم

    ReplyDelete
  46. كاميليا بهاء الدينMarch 20, 2008 at 1:20 AM

    اولا احيكى على البوست الجميل
    ثانيا اقولك كل سنة وانتي طيب

    الحقيقة مش عندى تعريف للحنكوش
    أنا اول مرة اعرفه منك
    ومن اصحابك اللى كملوا التعريف

    تحياتى وحبى

    كاميليا

    ReplyDelete
  47. ELMANSYMarch 20, 2008 at 7:04 AM

    الصراحه أنا مكنتش اعرف يعنى ايه حنكوش الا لما قريت البوست ده
    على كده بقى:
    لاعب الكره المعتزل (بدون ذكر أسماء) وتلاقيه فى التليفزيون المصرى وعلى الفضائيات وفى مجلس الشعب وفى اتحاد الكوره وفى اذاعه الماتشات وف كل مكان ده "أكبر حنكوش فى مصر " ربنا يسهله

    ReplyDelete
  48. قلوب بتغنىMarch 20, 2008 at 7:41 AM

    الحنكوش هو سواق المكروباص الى بيقعدنا خمسات فى عز الحر ويقولك الى مش عاجبه ينزل
    اول زياره لمدونتك جميله قوى والذ ما فيها انك بنوته
    بدعوكى لزيارتى انتى وكل الى يحب
    اشطات

    ReplyDelete
  49. Mero..March 20, 2008 at 8:30 AM

    بداية ..كويس إن الخلاف انتقل لنقطة أقل أهمية
    لكن أنا برضه شايف إن الدين منظومة وتربية ومنهج مش مجموعة أفعال نعمل دا ونحط دا على جنب على ما نفضاله..
    الانسان المتدين أفعاله ماشية في خط واحد ولا هو بيعاكس ولا بيزني وبرضه بينام على جنبه اليمين وحريص قوي إنه يخش الحمام بالشمال ..هو شخصيته كدا ..مسلمة..كلها على بعضها بتيجي حتة واحدة..

    ع العموم أنا اسف إني خرجت عن نقطة موضوعك الأساسية بس مش مشكلة ..دي مهمة برضه

    ReplyDelete
  50. Asmaa mahabaMarch 20, 2008 at 9:19 AM

    لا والله كدا تسلمى فعلا...وانا بصفتى مجنونه ...بقولك انتى صاحبه نظريه الحنكوش
    مسجله ببراءه اختراع
    تحياتى ليكى سومه_87

    ReplyDelete
  51. د/اجدع بنوتهMarch 20, 2008 at 10:41 AM

    كلاكيت اجدع ناس الشراقوه طبعا

    مش عشان انا منهم .. اطلاقا اطلاقا

    ههههههههههههههههههههههههه

    ReplyDelete
  52. د/اجدع بنوتهMarch 20, 2008 at 11:05 AM

    ههههههه فوتر خيرك يامووون

    ReplyDelete
  53. د/اجدع بنوتهMarch 20, 2008 at 11:06 AM

    لا متقلقش ... مش هتوصل لمقر الحناكيش يافارس باذن الله

    اخرنا نحنكش هنا ودمتم

    ReplyDelete
  54. د/اجدع بنوتهMarch 20, 2008 at 11:07 AM

    برافو عليك يامحمد قولنا كمال

    اول حد يوصل لفكرتى

    كل واحد مننا جواه حنكوش بس بصوره معينه

    ReplyDelete
  55. د/اجدع بنوتهMarch 20, 2008 at 11:07 AM

    ااااه طبعا ياعمار اللى بيجى عليهم مبيكسبش

    بس زى مقولت ان كلنا حناكيش

    سواء كنا جهله او متعلمين

    وحناكيش ع فكره موش شتيمه

    ReplyDelete
  56. د/اجدع بنوتهMarch 20, 2008 at 11:08 AM

    أأأبى الباركنج .. تانى شارع ع اليمين

    انتى غلطتى وجيتى تركنى هنا ولا ايه

    ReplyDelete
  57. إخوانى حتى النخاعMarch 20, 2008 at 11:48 AM

    ألحنكوش أول لما يحنكش فى الحناكيش بيتحنكش حنكشتا ملهاش لزوم

    وإذا لم يتحنكش ينحنكش جامد جدااا


    هوا دا تعريف الحنكوش الصح



    أخوكم إخوانى حتى النخاع
    http://ikhwangeeee.blogspot.com

    ReplyDelete
  58. د/اجدع بنوتهMarch 20, 2008 at 12:49 PM

    عزيزى همام .. الحناكيش مش شتيمه

    الحناكيش هما واحنا الحناكيش

    ReplyDelete
  59. د/اجدع بنوتهMarch 20, 2008 at 12:51 PM

    حسام هههههههههه الحنكوش فعلا هو الشحط ده

    ReplyDelete
  60. د/اجدع بنوتهMarch 20, 2008 at 12:52 PM

    انا مش موافق .. منور

    ReplyDelete
  61. د/اجدع بنوتهMarch 20, 2008 at 12:52 PM

    وانا بحبك موت يادوبا وربنا اللى يعلم

    ReplyDelete
  62. د/اجدع بنوتهMarch 20, 2008 at 12:53 PM

    ونعم الحنكشه ياسووو ياصديقى

    ReplyDelete
  63. د/اجدع بنوتهMarch 20, 2008 at 12:54 PM

    بامبووو يعنى هأأأأأأو يخالد

    ReplyDelete
  64. د/اجدع بنوتهMarch 20, 2008 at 12:54 PM

    بارك الله فيكى عاشقة النقاب

    لا فض فوكى فعلا ..

    ReplyDelete
  65. د/اجدع بنوتهMarch 20, 2008 at 12:55 PM

    ايه سر البقبقه ده ياجمعاوى

    ReplyDelete
  66. د/اجدع بنوتهMarch 20, 2008 at 12:55 PM

    لا الفنكوش مش اونطه ياعبده

    انها حقيقه واقعه

    ReplyDelete
  67. د/اجدع بنوتهMarch 20, 2008 at 12:56 PM

    مصر هى ام الحناكيش يافرنستى

    ReplyDelete
  68. د/اجدع بنوتهMarch 20, 2008 at 12:56 PM

    اشته يامحمد كده ونص وربعين ياعم ولايهزك

    ReplyDelete
  69. د/اجدع بنوتهMarch 20, 2008 at 12:57 PM

    صح ياشمه ... الفاصل فعلا الاخلاق

    ReplyDelete
  70. د/اجدع بنوتهMarch 20, 2008 at 12:57 PM

    على ههههههههه بعينك مش هرسيك ع السر ده ابدن

    ReplyDelete
  71. د/اجدع بنوتهMarch 20, 2008 at 12:58 PM

    اظن فطمتك ع اللغه ياولاء ع الميل اهو

    اى خدمه

    ReplyDelete
  72. د/اجدع بنوتهMarch 20, 2008 at 12:58 PM

    افاق الحريه ... لا ف حناكيش كتير ف كل انحاء العالم

    ReplyDelete
  73. د/اجدع بنوتهMarch 20, 2008 at 12:59 PM

    خيخه فعلا جبتى الديب م ديله فعلا

    برافو عليكى اكتر حد فهمنى

    هى حاله كلنا بنمر بيها فعلا

    ReplyDelete
  74. د/اجدع بنوتهMarch 20, 2008 at 1:00 PM

    برافو برده يانجمه وصلتى للفكره

    ReplyDelete
  75. د/اجدع بنوتهMarch 20, 2008 at 1:02 PM

    صح يافضفضتى .. احنا بقينا 82 مليون حنكوش

    ReplyDelete
  76. د/اجدع بنوتهMarch 20, 2008 at 1:03 PM

    شكرا ع مشاركتك يانجم

    ReplyDelete
  77. د/اجدع بنوتهMarch 20, 2008 at 1:05 PM

    ماانت كمان حنكوش ياابوالعساقيل لا تقلق

    ReplyDelete
  78. د/اجدع بنوتهMarch 20, 2008 at 1:07 PM

    اه حصريا م قاموسى اللغوى ياسترونج ميديسن

    ReplyDelete
  79. د/اجدع بنوتهMarch 20, 2008 at 1:08 PM

    تحياتى ليك ياناضال

    ReplyDelete
  80. د/اجدع بنوتهMarch 20, 2008 at 1:09 PM

    انا مقلتش مش مهم ياعاشقة الفردوس

    بس اولى يدوروا ع جواز عرفى والتحرش

    والحجات اللى قاصمه ضهرنا

    مش فتوى ندخل الحمام برجلينا اليمين ولا الشمال

    ReplyDelete
  81. د/اجدع بنوتهMarch 20, 2008 at 1:09 PM

    انت حارقينك دكاترة الجامعه اوى كده ليه يانجرو

    ReplyDelete
  82. د/اجدع بنوتهMarch 20, 2008 at 1:10 PM

    نورهاتى .. بقينا 82 مليون مش 70 خالص

    ReplyDelete
  83. د/اجدع بنوتهMarch 20, 2008 at 1:10 PM

    لا لاغاء الدعم ياجمعاوى طبعا .. ونعم لمجانية التعليم

    ReplyDelete
  84. د/اجدع بنوتهMarch 20, 2008 at 1:11 PM

    اى خدمه ياكاميليا .. بديكم عصارة خبرتى اهو

    ReplyDelete
  85. د/اجدع بنوتهMarch 20, 2008 at 1:11 PM

    ههههههههههههه البلد كلها حناكيش يامنسى .. مجتش ع لاعيبة الكوره

    ReplyDelete
  86. د/اجدع بنوتهMarch 20, 2008 at 1:12 PM

    ياعينى ياقلوب .. ده السواق ده هو اكبر حنكوووش

    ReplyDelete
  87. د/اجدع بنوتهMarch 20, 2008 at 1:12 PM

    ياميرو يازميلى .. انا مقلتش حاجه

    بس مش هسيب الراس واخد الايد

    يعنى الاهم فالمهم

    ReplyDelete
  88. د/اجدع بنوتهMarch 20, 2008 at 1:13 PM

    شوفتى ياسوما .. انا مش بس صاحبة نظرية الحنكوش

    انا صاحبة نظريات كتير

    احم احم

    ReplyDelete
  89. رئيس جمهوريه نفسىMarch 20, 2008 at 1:19 PM

    المشكله انى البلد اتملت حناكيش صباح الحنكشه

    ReplyDelete
  90. د/اجدع بنوتهMarch 20, 2008 at 1:29 PM

    الحنكوش اول لما يتحنكش بيتحنكش حنكشه ملهاش لزمه فعلا يااخوانجى

    ReplyDelete
  91. د/اجدع بنوتهMarch 20, 2008 at 1:30 PM

    صباح الفنكشه يارئيس جمهوريتنا المتحده

    ReplyDelete
  92. Maryama QandilMarch 20, 2008 at 2:04 PM

    salam alikom...
    بنلف يمين ونلف شمال نلاقي حنااكيش في كل حتة

    نااقص نبص في المرااية نلاقيهم في وشناا

    ربنا يحفظنا ياارب

    ReplyDelete
  93. صحفية روشةMarch 20, 2008 at 4:06 PM

    الفتاوى كترت
    مع ان اجرأكم على الفتوى اجرأكم على النار
    ومع ان فى حاجات كتير فى المجتمع اهم اننا نحرمها اكتر من اننا لازم ندخل الحمام برجلنا الشمال
    وكمان يطلع واحد من دول يفسر فعل من افعالى على انى مشركة بالله مثلا والعياذ بالله
    مع انهم لو عذبونى عذاب المسلمين من اجل ان ارتد
    ساقول احد احد
    والحنكوش هو كل شخص عامل نفسه بتاع فى المكان اللى هو فيه مع انه مش بتاع خلاص ولا يمكن يكون بتاع فى يوم من الايام
    المطلوب منك انتى بقة تعريف البتاع ده يطلع ايه
    :)

    ReplyDelete
  94. UnknownMarch 20, 2008 at 6:41 PM

    الحنكوش هو كل حاجة غلط فى المجتمع علشان كده اقدر اسمى مصر بلد الحناكيش الاولى على مستوى العالم
    علشان كل حنكوش موجود فى مصر وبس

    تحياتى لكى واتمنالك التوفيق

    ReplyDelete
  95. امواجMarch 21, 2008 at 3:21 AM

    تعرفى الحنكوش ده فكرنى بايه
    بالشنكوتى

    اه والله فضلت فتره طويله لحد ما فهمت يقصد ايه بالشنكوتى

    اهو انتى عملتى مصطلح زيه كده

    الحنكوش



    مدونتك جميله فعلا يابنوته

    ReplyDelete
  96. د/اجدع بنوتهMarch 21, 2008 at 8:52 AM

    هههههههههههههههه

    ياروما

    ReplyDelete
  97. د/اجدع بنوتهMarch 21, 2008 at 8:53 AM

    والحنكوش هو كل شخص عامل نفسه بتاع فى المكان اللى هو فيه

    هههههههههههههههههه صحفيه

    ده ع كده فعلا مصر كلها حناكيش

    ReplyDelete
  98. د/اجدع بنوتهMarch 21, 2008 at 8:55 AM

    هيثم منور مقر الحناكيش الدولى

    ReplyDelete
  99. د/اجدع بنوتهMarch 21, 2008 at 9:02 AM

    امواج اهو اى خدمه

    يعنى لولا مدونتى مكنتوش عرفتوا يعنى ايه الحنكوش

    ملحوظه هههههههههه الحنكوش دى حاجه م اختراعى اصلا

    ReplyDelete
  100. مروة الزارعMarch 21, 2008 at 10:31 AM

    جامد البوست دة يا دكتورةوجاب من الاخر وإذن كلنا محنكشين

    :))))

    كل سنة وانتى طيبة ومامتك طيبة وباباكى كمان وان شالة ما حد حوش

    ReplyDelete
  101. Ahmed Al-SabbaghMarch 21, 2008 at 11:27 AM

    ههههههههه

    فكرتينى

    وانا صغير كان فى واحد بيدلعنى يا حموكشة
    يقرب للحنكوش ده

    تحياتى

    ReplyDelete
  102. 3ala asm masrMarch 21, 2008 at 1:23 PM

    والله عندك حق
    انا مسشتغربه على رجال الدين اللى لما اتسب الرسول معملوش حاجه وهما كل شويه يقولوا الحرام والحلال
    واحد حلو هيقولى وانتى عملتى ايه
    هقوله هما مش دول رجال الدين اللى فاهمين فى كل فروع دين مين يقدر يتكلم ويوصل سيرة النبى احسن منهم

    ReplyDelete
  103. http://kasperb4.blogspot.com/March 21, 2008 at 1:59 PM

    كلها فعلا حناكيش موجودة للأسف
    نتمنى اختفاءها من عالمنا

    ReplyDelete
  104. مي بهاء الدينMarch 21, 2008 at 3:50 PM

    حلو البوست المحنكش ده يا بنوتة
    وحيث أنكم جمعتم كل صفات الحناكيش في هذا البوست فلا يبقى لي إلا أن أتحنكش وأسلم عليكي

    :)

    ReplyDelete
  105. سنووايتMarch 21, 2008 at 4:54 PM

    أخيرا عرفنا من هو الحنكوش
    ولكن يا تري ايه اسباب انتشار الحناكيش وتوغلهم في البلاد

    ReplyDelete
  106. في حب مصرMarch 22, 2008 at 2:04 AM

    ايه الحنكوش ده
    هو انتي تطلعي مصطلحات غريبة وعايزة تعرفيها كمان؟؟؟؟ هههههه
    واضح ان اللي انتي بتقصديه هي السلوكيات الشاذة والسلبية، ولو هي كدة يبقى كلنا حناكيش في مصر

    وبعدين ما هو فيه حناكيش أطباء برضة ليه ما تتكلميش عليهم، يعني مثلا الدكتور اللي مش فاهم المريض عنده ايه ويقعد يتفلسف عليه ويخليه يدفع دم قلبه في التحليلات وفي الاخر يشخص المرض غلط ويكتب العلاج غلط ده حنكوش

    والدكتور اللي ما يراعيش الوضع المالي للمريض ويرفض يكشف عليه او يعالجة من غير ما يدفع الفاتورة ده برضة حنكوش

    بس اعتقد ان احنا بتوع الفكر السياسي معندناش حناكيش؟؟؟؟ ههههههههههههههههههه

    مصطلح جميل وليكي عليا افكر أعمله تأصيل لغوي وعملية ضبط مصطلحي قريب بس طبعا بعد ما تدفعي الفاتورة؟؟؟؟؟؟؟؟؟؟؟؟؟؟؟؟؟

    ReplyDelete
  107. شهرزادMarch 22, 2008 at 5:04 AM

    ياااه احناكيش زادوا أوي يا بنوتة
    كلام في الصميم

    ReplyDelete
  108. S H A HMarch 22, 2008 at 5:20 AM

    تقريبا انتي لميتي كل الحناكيش هنا
    ملقتش ولا حنكوش اتكلم عنه

    تحياتي على البوست الجامد موت ده

    ReplyDelete
  109. د/اجدع بنوتهMarch 22, 2008 at 7:13 AM

    وانتى طيبه يامروه ياحبيبتى

    كل سنه واحنا محنكين فعلا

    ReplyDelete
  110. د/اجدع بنوتهMarch 22, 2008 at 7:14 AM

    حموكشه ياصباغ هههههه

    لووووووووووووووووول

    ReplyDelete
  111. د/اجدع بنوتهMarch 22, 2008 at 7:14 AM

    مثلا ياهند ..

    بدل ميعملوا ندوات ف الجامعات والنوادى

    عن التحرش .. والجواز العرفى والادمان

    يفتوا الواحد يدخل الحمام بانهى رجل

    وقد يكون السائل عن هذه الفتوى مبيصيليش اصلا

    ReplyDelete
  112. د/اجدع بنوتهMarch 22, 2008 at 7:15 AM

    لا

    نتمنى اختفائها ازاى ياالام ..

    كده البشر هينقرضوا

    ReplyDelete
  113. د/اجدع بنوتهMarch 22, 2008 at 7:15 AM

    جيتى متأخره انتى يامى هههههه اخدتى قاموس الحناكيش ع الجاهز

    ReplyDelete
  114. د/اجدع بنوتهMarch 22, 2008 at 7:16 AM

    استنينا السنه الجايه ياسنوو ياحبيبتى

    هكون عملت دراسه عن اسباب الحنكشه الوراثيه

    ReplyDelete
  115. د/اجدع بنوتهMarch 22, 2008 at 7:16 AM

    اتكلمت والله ف الدكاتره يا ف حب مصر

    وماشى مستعده ادفع الفيزيته ... بس المهم تعمل التأصيلا م الاخر

    تسلمنى انضيف ,,,, اسلمك نضيف

    ReplyDelete
  116. د/اجدع بنوتهMarch 22, 2008 at 7:17 AM

    شهروزه هههههههههههههه

    نحن ف زمن الحناكيش

    ReplyDelete
  117. د/اجدع بنوتهMarch 22, 2008 at 7:18 AM

    ربنا يحنكش خيرك ياشاااه

    ReplyDelete
  118. HEROMarch 22, 2008 at 11:00 AM

    بامبوووووووووووو

    ذنبوا على جنبوووووووو

    ReplyDelete
  119. UnknownMarch 24, 2008 at 6:18 PM

    الحنكوش هو واحد يدخل مدونتى وميعلقش على أى بوست
    عجبتنى المدونة جدا وإن شاء الله مش هتكون آخر زيارة
    أسلوبك يهلّك من الضحك

    ReplyDelete
  120. محمد صقرMarch 31, 2008 at 5:50 PM

    انا اول مرة ادخل
    بس ايه الاداء ده
    لا موضوع جامد جدا
    انا اعتقد ان احنا كلنا حناكيش

    ReplyDelete
  121. د/اجدع بنوتهApril 1, 2008 at 8:54 PM

    هههههههههههههههههه

    هيرو ذنبو ع جنبو فعلا

    ReplyDelete
  122. د/اجدع بنوتهApril 1, 2008 at 8:55 PM

    واضح انك ديمقراطى جدا يا ايمن

    وبؤمن بحرية التعبير هههههههههه

    ReplyDelete
  123. د/اجدع بنوتهApril 1, 2008 at 8:56 PM

    زياره مبروكه يامحمد صقر

    حللت اهلا

    ReplyDelete

مـش كـده ولا ايـه
..
ده حتى الاختلاف ف الراى .. لا يفسد للوز مهلبيه
..
اه والله