لو مكنتش انت تدلعنى .. مين هيدلعنى
..
بوست جديد .. ع ابنتى الاخرى
..
من هما الحناكيش .. ومن هو الحنكوش ؟؟
سؤال لطالما .. تسائلت به .. (( يعنى ايه تسائلت دى ))
الحنكوش .. ف لغتى الخاصه .. هو حنكوش
ببساطه جدا .. الحناكيش هم حناكيش
اسم فاعل لفعل مقصور منتهى بياء وشده
ونقطتين وم اول السطر
.....
بامبووووووووووووووووووووو
الحنكوش هو ذلك الشخص المبتسم دائما
يقابلك يوميا ف اى مصلحه حكوميه ترتاد اليها
ويقولك كل سنه وانت طيب ......
بامبووووووووووووووووووووو
الحنكوش هو ذلك الشخص اللى برده مبتسم دائما
والذى يطالعنا يوميا ف الصحف والتلفاز
ويقولنا بان الحال زى الفل .. وان عشرات المصريين يتمتعون بالرخاء المتقع
بامبووووووووووووووووووووو
الحنكوش هى تلك السيده التى تخرج م اى غرفه
ف اى مستشفى سواء كانت محترمه او غير محترمه
لتقول لك .. فين البشاره
بامبووووووووووووووووووووو
الحنكوش هو ذلك الطفل المسكين صاحب بشره
بصم عليها الزمن .. تجده ف اى مكانا ممسكنا بعلبة مناديل
ويقولك .. اى حاجه بس يااستاذ
بامبووووووووووووووووووووو
الحنكوش هى تلك السيده الغير متزوجه
صاحبة ال 70 عاما .. رئيسة مجلس حموم المرأه
وتقولك .. لابد م حماية المرأه م زوجها المفترس
بامبووووووووووووووووووووو
الحنكوش هو ذلك الاستاذ لا يفتأ يشعرك بانك اغبى خلق الله
ليأتى لك ف ساعة صفا
ويقولك .. انت بس لو تاخد عندى درس هتفرق كتير
بامبووووووووووووووووووووو
الحنكوش هو ذلك الشيخ صاحب لحيه مسجله بموسوعة جينس
ويقولك .. اوعى تنام ع جنبك الشمال .. حرام حرام حرام
بامبووووووووووووووووووووو
الحنكوش هو ذلك الطبيب يخدعك بضرورة .. شيل المراره والا ستفقد حياتك
وتخرج م الغرفه تبحث عن كليتك اليمنى .. فتخبط دماغك ف الحيط
بامبووووووووووووووووووووو
الحنكوش هو ذلك الميكانيكى الدمس الهيئه
تذهب له لتغيير الكاوتش .. يطالعك
بضرورة تغيير الموتور والا فان السياره ستنفجر بامر الله
بامبووووووووووووووووووووو
الحنكوش هو صديقك .. واللى هيكون معاك
ف الوش دلايه وف القفا سلايه
بامبووووووووووووووووووووو
الحنكوش هو ذلك الانسان خلقه ربه
ليعمر ف الارض .. لا اعلم لماذا ولكنه اشاع فيها فسادا
بامبووووووووووووووووووووو
الحناكيش هم نحن .. ونحن هما الحناكيش
فمرحبا بكم ف عالمى .. اعزائى الحناكيش
...
هل م اضافه .. لتعريف الحناكيش ؟؟
.................
...................
تحديث
د/اجدع بنوته said...
عاشقه ياحبيبتى انا اقصد الراجل المتستر بعباية الدين وطالع يتاجر بفتاويه وسايب كل مايشغل حياتنا م متناقضات واثام ممكن تدمرها انه يفتى ان النوم عن الجنب الشمال حرام حرام حرام وكأن بايد اى حد مننا يختار النومه اللى هيفضل عليهااو انه يقرر انه هينام ع اليمين وعمره مهيتقلب تحياتى
March 18, 2008 2:24 PM
د/اجدع بنوته said...
ميرو ..انا لا بتريق ع الشيخ ولا ع اللحيه انا بوصف المتستر بلحية الدين وعباية الايمان وماشى يتاجر بفتاويه لدرجة ان بقى اهم م تحريم الزناا و القضاء ع التحرش ان النوم ع الجنب الشمال حرام حرام
وان الواحد لو ف اتوبيس وجنبه راكب معاه الجرنال وهو بص فيه
فده حرام حرام حرام .... مبقاش عندهم اسهل م الحرام والحلال
123 comments:
الحنكوش هو واحد بلطجى مسك منصب معين وماسك فيه بايده وسنانه
الحنكوش هو شخص مستفيد من الوضع الظالم ويجلس فى برنامجه على الفضائيات يدافع عن الانظمه المتسلطه
الحنكوش هو شخص يظهر خلف نجم الكره او من يستضيفه التلفزيون ليظهر فى الكاميرا
وتحياتى
الحنكوش مش ليه تعريف محدد .. وقوليلى الا بالحق هو يعنى ايه كلمة حنكوش فى قاموس اكسفورد؟
تحيـــــاتى
المصـــــــــــرى
ما خليتى لينا اى وصف تانى للحنكوش ..
لكن هى المعانى دى نزلت فى اى قاموس :)
بجد رائعه يا بنوته
الحنكوش هو من يجلس فى اى شئ وكل شئ وحينما تتحدثى عن واقع يحادثك عن شئ سوف يحدث فى المستقبل وكأنه يتنبأ
الحنكوش هو ذلك الشيخ صاحب لحيه مسجله بموسوعة جينس
ويقولك .. اوعى تنام ع جنبك الشمال .. حرام حرام حرام
دي اللي زعلتني منك ياسمسمه
http://www.islamweb.net/ver2/fatwa/ShowFatwa.php?lang=A&Option=FatwaId&Id=5439
عدا ذلك فالحناكيش كتييييييييييير
وتدوينه عسوله
"الحنكوش هو ذلك الشيخ صاحب لحيه مسجله بموسوعة جينس
ويقولك .. اوعى تنام ع جنبك الشمال .. حرام حرام حرام"
ﻷ ﻷ ﻷ ﻷ مع احترامي بس ليكي كدا غلط
أنا معرفش انتي بتتريقي ع اللحية ولا ع الشيخ
لكن هما أمران أحلاهما مر..
تحياتي ع البوست
شكرا لاضافتك يااحمد بحبك يامصر
مجموعة حناكيش جديده
لا الحنكوش يامصرى لسه منزلتش ف اكسفورد
دى اخرها ف قاموسى الكلمنتيشى
ضى القمر ميرسى جدااااا
زى ماقولت قاموس حياتى ياعين
حنكوشك جامد جدا ياقطه
عاشقه ياحبيبتى
انا اقصد الراجل المتستر بعباية الدين
وطالع يتاجر بفتاويه
وسايب كل مايشغل حياتنا
م متناقضات
واثام ممكن تدمرها
انه يفتى ان النوم عن الجنب الشمال
حرام حرام حرام
وكأن بايد اى حد
مننا يختار النومه اللى هيفضل عليها
او انه يقرر انه هينام ع اليمين وعمره مهيتقلب
تحياتى
ميرو ..
انا لا بتريق ع الشيخ
ولا ع اللحيه
انا بتريق ع المتستر بلحية الدين وعباية الايمان
وماشى يتاجر بفتاويها
لدرجة ان بقى اهم م تحريم الزنا
او القضاء ع التحرش
ان النوم ع الجنب الشمال حرام حرام
الحناكيش فحياتنا كتير قوى ملهمش عد
موضوع جميل وفكرة عبقرية من شرقاوية جدعة مثلى
بدعوكى تدخلى المدونة دى انا بحبها جدا http://the-lady-of-winter-sonata.blogspot.com/
تحياتى لكى
الحنكوش هي ببساطه كلمه قديمه قدم التاريخ
وتلاقيها ف باب ح ن ك ش
ومش محتاج اتكلم فيها كتير لان الكل عارفها كويس
وهي اللي يظبطك ومش يفوترك
مش بذمتك فدييييييييمه
اصلك متظبط متظبط
فليه تتظبط م الغريب
مون
انتي عارفة وانا بكتب الرد الكهربا قطعت , باين عليه واحد من الحناكيش كان بيلعب ولا حاجة ..
الحنكوش هو ذلك الاستاذ لا يفتأ يشعرك بانك اغبى خلق الله
ليأتى لك ف ساعة صفا
ويقولك .. انت بس لو تاخد عندى درس هتفرق كتير
انتي عارفة النموذج ده شفته كتير وتلاقي التلميذ اول ما ياخد الدرس يبقي خلاص احمد زويل التاني بعد ما الاستاذ اكتشف العبقرية المدفونة جواه
الحنكوش هو رئيس صحيفة قومية مصر دايما مصران البلاد تسبح في رخاء اقتصادي بس جماعة اعضاء النجاح هما اللي دايما بيبصوا لنصف الكوب الفاضي" مع ان الكوباية بقت مشروخة ومفيهاش ولا نقطة ميه " بس نقول ايه اطعم الفم تستحي العين
خلي بالك يا ياسمين لواحد من الحناكيش يكون سمعك ويستضيفوكي في المقر العام للحناكيش
سلاممممممممممممممم
للاسف انى لقيت مصر كلها حناكيش بس حسب نوع الحنكوش جواه
ايوه الحناكيش كتير فعلا
بس ......
مش احنا الحناكيش
اعزائى الحناكيش اهلا بكم
دى تتقال لاى حد
بس ماتتقالش لمدونين
يادكتور دول المدونين هم الناس اللى فايقه للبلد
ومع ذلك البوست جميل مع اعتراضى على بعض نقاط وحضرتك رديتى عليها فى التحديث
بس لما نتكلم فى الشيوخ
او فى الدعاة
او فى رجال الدين
نوضح الكلام
اصل دول اللى بييجى عليهم مابيكسبش ابدا
ههههههههههههههه
تقبلى مرورى
دى امراض القلب دى يا سمسه مش حناكيش
وبعدين الحناكيش هو اللى بيحنكش جواه عقولنا المفرغه المبهمه اللى راكننها صف تالت وجه ونش غتت كلبشها ووداها المرور وعملوها عربيه كبده هههههههههههههههه
الحنكوش هو المصري وخلاص يا دكتوره
:)
بالنسبة لزعل الناس منك انا هاعمل على رأب الصدع
قوليلي اتفضل
شكرا
***
كلام ياسمين قمة الصح بالنسبه للشيخ وده المعنى اللي انا فهمته من قراءتي الأولى للموضوع
فعايز أقول حاجه
ليست ياسمين بما عرفنا من كتابتها هي التي تقوم بمثل هذا الهجوم بهذا القصد والمفترض يا عاشقه وميرو ان احنا متابعين كده
الحاجه التانيه
في كلمة للاستاذ سيد قطب بيقول فيها :
انهم يريدون اسلاما امريكانيا يحارب الشيوعيه فقط ويستفتي في نواقض الوضوء فقط اما ان يحكم ويتحكم ويسود ويقود ويدافع كلا انهم لايريدون ذلك ,انها لحقا المهزله"
فأنا اعتقد ان هذا ما تقصديه فعلا وأؤيدك في ذلك تماما
لأن الهدف من الحنكشه في هذا الأمر ان يفصل الدين عن جوهره وعن شموليته بحيث نظل في العبادات والمسجد والحمام وفقط
ونترك نواحي الدين الأخرى
وزي ما قلتلك الحناكيش دول في كل مكااااااااااااااان
وربنا المعين
لحنكوش هو ذلك الطفل المسكين صاحب بشره
بصم عليها الزمن .. تجده ف اى مكانا ممسكنا بعلبة مناديل
ويقولك .. اى حاجه بس يااستاذ
انا نفسى اعرف ايه علاقة دا بالحناكيش انتى قولتى حاجات كتيرة مش حلوة طيب دا ايه اللى دخله ضمن الحناكيش يمكن انتى قصدك الظروف ويمكن انت مضايقة منهم بس انا مش عارف ايه علاقتهم بلحناكيش وعلى ما اعتقد ان ملهمشى علاقة بالحناكيش الاطفال دول مش زنبهم انهم بقو كدا خالص
الحنكوش هو ................
كل اللى قلتوه ده
حسب معلوماتى : الحنكوش هو الشحط الذى يريد ولا يريد
ويقول ولا يقول
محدش فاهم حاجه
دا اللى انا عاوزه
هههههههههه
تحياتى
عزيزتى
الحنكوش
اللى بيقول كل سنه وانت طيب هتلاقى مرتبه مش مكفيه عيش حاف وشايف مديره راكب عربيه وفرق بين مرتبهم شئ بسيط
الحنكوش
اللى بيقول ان الحال مش زى الفل هتلاقيه ساكن فى فيلا وراكب عربيه اخر موديل وعمره ما وقف فى طابور عيش
الحنكوش
يمكن لما تقولك فين البشارة وتاخد منك شئ بسيط احسن ما تسرق ولا تبيع حاجات كتيره بتنباع بسبب الاحتياج نديها بدل نقدر ندى واكيد مهما هنديها مش هتعيش احسن عيشه بردوا
الحنكوش
الطفل اللى ملقاش حد يسرف عليه وعاش طفلته يوم جعان ويوم فى الشارع
والله العالم مستقبله هيكون ايه نشترى منه المنديل ونقوله ادعلنا دعوتك مستجابه لانك مظلوم
الحنكوش
السيده دى رتيسه مجلس حموم المراه تلاقيها امنه وجوزها سى السيد بس الوش ده بتقلعه لما بتخرج من البيت
والحنكوش
المدرس اللى مقدمهوش حل الا يدى درس علشان يكفى نفسه وعليته
الحنكوش
الشيخ اللى يقولك نام على جنبك اليمين وخش برجلك اليمين ولما تركب موصلات قول ذكرها ولما تاكل سمى ولما ..الف مره
اما مين اللى يقول كده اذا الشيخ ما يقولش فيفى عبده مثلا
انا قريت تحديثك بس ليه نهاجم اى نصيحه فى الدين حتى لو كانت كلمه بسيطه
الكلمه صدقه تصدقى
واكيد الشيخ ده مش هيقولك لو معملتيش كده هقيم عليكى الحد لان اللى بيقوله ده اشياء بينا وبين ربنا ملهاش اى حدود
الحنكوش
الطيب اللى يقولك شيل المراره تشليها وفاتورته تلاقيها جبتلك الف مراره
الحنكوش
هو الميكانيكى اللى شايف اصحاب العربيات الحديثه حراميه فيقول سرقتهم حلال برضوا
الحنكوش
هو الصديق اللى الحق عنده انه يكسب منك ويستفاد والظلم عنده انك تقوله كلمه حق حتى لو فى مصلحته
الحنكوش
هذا الانسان اللى ربنا خلقه لكى يعبده وما عبده حق عباده ابدا
الحنكوش
كلنا حناكيش
لاكن منا من اضطر يكون حنكوش
ومن احب ان يعيش حنكوش
تحياتى
ومتزعليش من اعتراضى عليكى فى بعض الامور
لانك ساويتى الظالم بالمظلوم
سلاااااااااااام
انتى يا بت يا ياسمين
انا بحبك قوى
بجد والله
مش عارفة ليه بس فرحانة بيكى قوى
ربنا يحميكى يارب
ويبارك فيكى
وعموما انا عارفة انا بحبك قوى ليه
هبة
حنكش الشيء .. أي فحلقه
والفحلقه في اللغة الأزوريه القيدمه هي النشكاح المشرئب
وعندما ينشكح الانسان وتشرئب نظرات عينيه .. يبدأ في الحنكشه
-----
وقديما قيل في الامثال .. قال يا محنكش ايه حنكشك .. قال مالقتش اللي يديني بالجزمه
ومن هنا
اناشد
وااويد
وابايع
كل حلات الجزم .. للقضاء على ظاهرة الحنكشه
والله ولي التوفيق
كان معكم .. شهيد عقيد فريد مريض .. سوووو عبد المجيد
سلامووووووووووووز
بامبوووووووووو
حناكيش عالم مليان حناكيش
اه بالمناسبة يعنى ايه بامبوووووووووو
هههههههههه
تحياتى يا دكترة
خالد
بلد حناكيش صحيح
مقصدك منموضوع الشيخ ابو لحية انا فهمته جدا
بس هضيف اضافة صغيرة لمن يرى
في غزوة من الغزوات لا اذكرهاالان المهم اللي علق في دماغي منها ان القائمين عليها من المسلمين لقوا نفسهم عاملين بيتهزموا والحرب اشتدت عليهم
تخيلي انهم في حرب
عملوا ايه بقى لموا بعضهم وسالوا بعض ايه بنسيبه من الطاعات والعبادات هو السبب في الحاق الهزيمة دي
عارفة لقوا ايه ؟؟؟
لقوا انهم بيتركوا السواك وهو سنة مؤكدة !!!!!!!!!!!!!!!!
تخيلي وهم في الحرب افتكروا اهم سايبين سنة السواك واعزوا اليها الهزيمة
دة الفرق بينا وبينهم
اننا في زمانا دة سخفنا من قضايانا الدينية البسيط منها قبل القوي
ودة نتاج اللي بقينا فيه
بوركتي حبيبتي واتمنى تكون فكرتي وصلت ليك يا اجدع بنوتة
ههههههههههههههههههههههههههههه
الله ايه الحنكشة التمام دي
فكرتني بسر البقبقة
اضحك الله سنك وهكذا الحياه هم يضحك وهم يبكي
الحنكوش هو قريب الفنكوش
وطالما الفنكوش طلع اونطه يبقبى الحنكوش اونطه برضه
مش كده ولا ايه ؟؟؟؟
الحناكيش
هما المحتكرين السوق المصرى
والمواطن المصرى
كده ونص وتلات تربع
خلى باللك دى مسالة اخلاق
سيظل موضوع الزوار اللي من مورريشيوس لمدونتك دول لغزا محيرا
ههههههههههه
اما مين بامبوووووووووو
وماذا تعنى
عرافينى اللغه يا سمسه
بس بجد عندك حق فى سلبيات كتيير قوى فى حيانتا لازم تتغير
تحياتى ولاء ا
السلام عليكم
الحنكوش هو ايه
كلمة مش موجودة غير في الشعب المصري
اعتقد ان الحنكشة بتبقى زى حالة كدة
كلنا ممكن نمر بيها
انا متهيالى مرت عليا لحظات
كنت فيها احدى الحناكيش
تحياتى ليكى
اختك خيخة
تقريبا الحنكوش
هو كل الناس في حالات مختلفة
تحياتي
السلام عليكم ورحمة الله وبركاته
دا احنا علي كده عندنا 70 مليون حنكوش وحنكوشه
ربنا يعافينا
السلام عليكم
الله ينور عليكى يادكترة
بس انتى تقصدى الحنكوش ولا الفنكوش
ههههههههههههههه
الحنكوش هو كل شخص سايب حقه
لشوية حرامية يسرقوه
الحنكوش هو كل الا بيقول
وانا مالى خالينى فى حالى
الحنكوش هو الا ساكت وصامد وبيقول بكرة هيجى الافضل بس هو فين
الحنكوش هو كل واحد خايف
ومش بيعمل بكلامى
وانا بقوله إوعى تخاف
يا خبر ... كل دول حناكيش ؟؟؟ دة أنا كنت خايف لاحسن مواصفات واحد منهم تطلع متطابقة عليا
ربنا يحفظنا
تى تا تيت حناكش حناكش
-----------------------------
بجد حلو الموضوع ده
بس الحاجات دى انت ألفتيها
اول زيارة و مش الاخيرة ان شاء الله
بوست جااااامد
الحنكوش هو صديقك .. واللى هيكون معاك
ف الوش دلايه وف القفا سلايه
دى ممكن اوى ... وكل الكلام ممكن اوى اوى ... تحياتى ليكى على البوست الجميل و الى عرفتينا فيه عل معنى كلمة من معجمك الكلمنتيشى ..تحياتى
نضال
ممممممممممممممم
يبدو ان سمسمه افتكرت اني زعلانه
سمسمه ياقلبي
اولا بحبك في الله
بس فيه مشكله
انك اما عملتي تحديث بقت اوحش
ازاي
هقولك
اولا ياسمسمه مافيش حاجه في ديننا اسمها هايفه او مالهاش لازمه او مش مهمه صح
لكن فيه حاجه اسمها فقه الاولويات انا معاكي
بس مفيش حاجه اسمها مش مهمه او مش شرط الشيخ يتكلم فيها
المهم
يامرحبا بعالم الحناكيش
ولا تزعليش
هههههههههههههههههههههههههه
الزيارة رقم مليون و سبعميت ألف
بس أول تعليق
الحنكوش هو أحد دكاترة الجامعة المحترمين اللي طلب من طالب عنده انه يربطله رباط الجزمة علشان ينجحه في المادة
و الحنكوش أيضاً هو نفس الطالب اللي وافق انه يربط رباط الجزمة للدكتور
و الحنكوش كمان هو أحد دكاترة الجامعة المحترمين جداً اللي كان سؤاله في الشفوي لطالب عنده
قولي اسم أخر أغنية لنانسي عجرم
والحنكوش أيضاً هو الطالب اللي فضل واقف قدام الكتور و ماسابش المكتب و خرج
السلام عليكم ورحمة الله وبركاته
مع الاسف والالم كلامك صح....بلدنا بقت 70
مليون حنكوش ليه كده؟؟ حتسئلينى والبقى كاقولك فى خارج مصر لاما ماشين صح والاعيشهم حيتقطع (بره مفيش ياما ارحمينى)لاما جوه مصر ومش عارفين يبقوا حنكوشيييييييين....ليه؟للاسف متربين غلط لما كانوا بيطبعوا ارشادات الاداب العامة والسلوك الصح وشعارات وجداول الضرب على ظهر الكراسات والكشاكيل(قبل نانسى ولوسى وروبى(
اقولك ربنا يرحمنامن اللى احنا فيه .بلدنا مابقاش مشكلتها فرد او مجموعة افراد لأ ياأستاذة بلدنا بقت مشكلتها اهلها نفسهم سلوكهم اتغير حتقوايلى مضطرين لهذا :الزحمة الغلاء اللىمش عارفة ايه؟لا يااستاذة ناسنا نفسهم استسهلوا عمل الخطأ
وانا اسفة اذا كنت طولت عليك لكن مدونتك اثارت مواجعىّ
وتقبلى تحياتى
norahaty.
الحنكوش
هو ذلك الشخص التى يطل علينا بطلعته " البهية "
و يقول
لا لإلغاء الدعم
و نعم لمجانية التعليم
اولا احيكى على البوست الجميل
ثانيا اقولك كل سنة وانتي طيب
الحقيقة مش عندى تعريف للحنكوش
أنا اول مرة اعرفه منك
ومن اصحابك اللى كملوا التعريف
تحياتى وحبى
كاميليا
الصراحه أنا مكنتش اعرف يعنى ايه حنكوش الا لما قريت البوست ده
على كده بقى:
لاعب الكره المعتزل (بدون ذكر أسماء) وتلاقيه فى التليفزيون المصرى وعلى الفضائيات وفى مجلس الشعب وفى اتحاد الكوره وفى اذاعه الماتشات وف كل مكان ده "أكبر حنكوش فى مصر " ربنا يسهله
الحنكوش هو سواق المكروباص الى بيقعدنا خمسات فى عز الحر ويقولك الى مش عاجبه ينزل
اول زياره لمدونتك جميله قوى والذ ما فيها انك بنوته
بدعوكى لزيارتى انتى وكل الى يحب
اشطات
بداية ..كويس إن الخلاف انتقل لنقطة أقل أهمية
لكن أنا برضه شايف إن الدين منظومة وتربية ومنهج مش مجموعة أفعال نعمل دا ونحط دا على جنب على ما نفضاله..
الانسان المتدين أفعاله ماشية في خط واحد ولا هو بيعاكس ولا بيزني وبرضه بينام على جنبه اليمين وحريص قوي إنه يخش الحمام بالشمال ..هو شخصيته كدا ..مسلمة..كلها على بعضها بتيجي حتة واحدة..
ع العموم أنا اسف إني خرجت عن نقطة موضوعك الأساسية بس مش مشكلة ..دي مهمة برضه
لا والله كدا تسلمى فعلا...وانا بصفتى مجنونه ...بقولك انتى صاحبه نظريه الحنكوش
مسجله ببراءه اختراع
تحياتى ليكى سومه_87
كلاكيت اجدع ناس الشراقوه طبعا
مش عشان انا منهم .. اطلاقا اطلاقا
ههههههههههههههههههههههههه
ههههههه فوتر خيرك يامووون
لا متقلقش ... مش هتوصل لمقر الحناكيش يافارس باذن الله
اخرنا نحنكش هنا ودمتم
برافو عليك يامحمد قولنا كمال
اول حد يوصل لفكرتى
كل واحد مننا جواه حنكوش بس بصوره معينه
ااااه طبعا ياعمار اللى بيجى عليهم مبيكسبش
بس زى مقولت ان كلنا حناكيش
سواء كنا جهله او متعلمين
وحناكيش ع فكره موش شتيمه
أأأبى الباركنج .. تانى شارع ع اليمين
انتى غلطتى وجيتى تركنى هنا ولا ايه
ألحنكوش أول لما يحنكش فى الحناكيش بيتحنكش حنكشتا ملهاش لزوم
وإذا لم يتحنكش ينحنكش جامد جدااا
هوا دا تعريف الحنكوش الصح
أخوكم إخوانى حتى النخاع
http://ikhwangeeee.blogspot.com
عزيزى همام .. الحناكيش مش شتيمه
الحناكيش هما واحنا الحناكيش
حسام هههههههههه الحنكوش فعلا هو الشحط ده
انا مش موافق .. منور
وانا بحبك موت يادوبا وربنا اللى يعلم
ونعم الحنكشه ياسووو ياصديقى
بامبووو يعنى هأأأأأأو يخالد
بارك الله فيكى عاشقة النقاب
لا فض فوكى فعلا ..
ايه سر البقبقه ده ياجمعاوى
لا الفنكوش مش اونطه ياعبده
انها حقيقه واقعه
مصر هى ام الحناكيش يافرنستى
اشته يامحمد كده ونص وربعين ياعم ولايهزك
صح ياشمه ... الفاصل فعلا الاخلاق
على ههههههههه بعينك مش هرسيك ع السر ده ابدن
اظن فطمتك ع اللغه ياولاء ع الميل اهو
اى خدمه
افاق الحريه ... لا ف حناكيش كتير ف كل انحاء العالم
خيخه فعلا جبتى الديب م ديله فعلا
برافو عليكى اكتر حد فهمنى
هى حاله كلنا بنمر بيها فعلا
برافو برده يانجمه وصلتى للفكره
صح يافضفضتى .. احنا بقينا 82 مليون حنكوش
شكرا ع مشاركتك يانجم
ماانت كمان حنكوش ياابوالعساقيل لا تقلق
اه حصريا م قاموسى اللغوى ياسترونج ميديسن
تحياتى ليك ياناضال
انا مقلتش مش مهم ياعاشقة الفردوس
بس اولى يدوروا ع جواز عرفى والتحرش
والحجات اللى قاصمه ضهرنا
مش فتوى ندخل الحمام برجلينا اليمين ولا الشمال
انت حارقينك دكاترة الجامعه اوى كده ليه يانجرو
نورهاتى .. بقينا 82 مليون مش 70 خالص
لا لاغاء الدعم ياجمعاوى طبعا .. ونعم لمجانية التعليم
اى خدمه ياكاميليا .. بديكم عصارة خبرتى اهو
ههههههههههههه البلد كلها حناكيش يامنسى .. مجتش ع لاعيبة الكوره
ياعينى ياقلوب .. ده السواق ده هو اكبر حنكوووش
ياميرو يازميلى .. انا مقلتش حاجه
بس مش هسيب الراس واخد الايد
يعنى الاهم فالمهم
شوفتى ياسوما .. انا مش بس صاحبة نظرية الحنكوش
انا صاحبة نظريات كتير
احم احم
المشكله انى البلد اتملت حناكيش صباح الحنكشه
الحنكوش اول لما يتحنكش بيتحنكش حنكشه ملهاش لزمه فعلا يااخوانجى
صباح الفنكشه يارئيس جمهوريتنا المتحده
salam alikom...
بنلف يمين ونلف شمال نلاقي حنااكيش في كل حتة
نااقص نبص في المرااية نلاقيهم في وشناا
ربنا يحفظنا ياارب
الفتاوى كترت
مع ان اجرأكم على الفتوى اجرأكم على النار
ومع ان فى حاجات كتير فى المجتمع اهم اننا نحرمها اكتر من اننا لازم ندخل الحمام برجلنا الشمال
وكمان يطلع واحد من دول يفسر فعل من افعالى على انى مشركة بالله مثلا والعياذ بالله
مع انهم لو عذبونى عذاب المسلمين من اجل ان ارتد
ساقول احد احد
والحنكوش هو كل شخص عامل نفسه بتاع فى المكان اللى هو فيه مع انه مش بتاع خلاص ولا يمكن يكون بتاع فى يوم من الايام
المطلوب منك انتى بقة تعريف البتاع ده يطلع ايه
:)
الحنكوش هو كل حاجة غلط فى المجتمع علشان كده اقدر اسمى مصر بلد الحناكيش الاولى على مستوى العالم
علشان كل حنكوش موجود فى مصر وبس
تحياتى لكى واتمنالك التوفيق
تعرفى الحنكوش ده فكرنى بايه
بالشنكوتى
اه والله فضلت فتره طويله لحد ما فهمت يقصد ايه بالشنكوتى
اهو انتى عملتى مصطلح زيه كده
الحنكوش
مدونتك جميله فعلا يابنوته
هههههههههههههههه
ياروما
والحنكوش هو كل شخص عامل نفسه بتاع فى المكان اللى هو فيه
هههههههههههههههههه صحفيه
ده ع كده فعلا مصر كلها حناكيش
هيثم منور مقر الحناكيش الدولى
امواج اهو اى خدمه
يعنى لولا مدونتى مكنتوش عرفتوا يعنى ايه الحنكوش
ملحوظه هههههههههه الحنكوش دى حاجه م اختراعى اصلا
جامد البوست دة يا دكتورةوجاب من الاخر وإذن كلنا محنكشين
:))))
كل سنة وانتى طيبة ومامتك طيبة وباباكى كمان وان شالة ما حد حوش
ههههههههه
فكرتينى
وانا صغير كان فى واحد بيدلعنى يا حموكشة
يقرب للحنكوش ده
تحياتى
والله عندك حق
انا مسشتغربه على رجال الدين اللى لما اتسب الرسول معملوش حاجه وهما كل شويه يقولوا الحرام والحلال
واحد حلو هيقولى وانتى عملتى ايه
هقوله هما مش دول رجال الدين اللى فاهمين فى كل فروع دين مين يقدر يتكلم ويوصل سيرة النبى احسن منهم
كلها فعلا حناكيش موجودة للأسف
نتمنى اختفاءها من عالمنا
حلو البوست المحنكش ده يا بنوتة
وحيث أنكم جمعتم كل صفات الحناكيش في هذا البوست فلا يبقى لي إلا أن أتحنكش وأسلم عليكي
:)
أخيرا عرفنا من هو الحنكوش
ولكن يا تري ايه اسباب انتشار الحناكيش وتوغلهم في البلاد
ايه الحنكوش ده
هو انتي تطلعي مصطلحات غريبة وعايزة تعرفيها كمان؟؟؟؟ هههههه
واضح ان اللي انتي بتقصديه هي السلوكيات الشاذة والسلبية، ولو هي كدة يبقى كلنا حناكيش في مصر
وبعدين ما هو فيه حناكيش أطباء برضة ليه ما تتكلميش عليهم، يعني مثلا الدكتور اللي مش فاهم المريض عنده ايه ويقعد يتفلسف عليه ويخليه يدفع دم قلبه في التحليلات وفي الاخر يشخص المرض غلط ويكتب العلاج غلط ده حنكوش
والدكتور اللي ما يراعيش الوضع المالي للمريض ويرفض يكشف عليه او يعالجة من غير ما يدفع الفاتورة ده برضة حنكوش
بس اعتقد ان احنا بتوع الفكر السياسي معندناش حناكيش؟؟؟؟ ههههههههههههههههههه
مصطلح جميل وليكي عليا افكر أعمله تأصيل لغوي وعملية ضبط مصطلحي قريب بس طبعا بعد ما تدفعي الفاتورة؟؟؟؟؟؟؟؟؟؟؟؟؟؟؟؟؟
ياااه احناكيش زادوا أوي يا بنوتة
كلام في الصميم
تقريبا انتي لميتي كل الحناكيش هنا
ملقتش ولا حنكوش اتكلم عنه
تحياتي على البوست الجامد موت ده
وانتى طيبه يامروه ياحبيبتى
كل سنه واحنا محنكين فعلا
حموكشه ياصباغ هههههه
لووووووووووووووووول
مثلا ياهند ..
بدل ميعملوا ندوات ف الجامعات والنوادى
عن التحرش .. والجواز العرفى والادمان
يفتوا الواحد يدخل الحمام بانهى رجل
وقد يكون السائل عن هذه الفتوى مبيصيليش اصلا
لا
نتمنى اختفائها ازاى ياالام ..
كده البشر هينقرضوا
جيتى متأخره انتى يامى هههههه اخدتى قاموس الحناكيش ع الجاهز
استنينا السنه الجايه ياسنوو ياحبيبتى
هكون عملت دراسه عن اسباب الحنكشه الوراثيه
اتكلمت والله ف الدكاتره يا ف حب مصر
وماشى مستعده ادفع الفيزيته ... بس المهم تعمل التأصيلا م الاخر
تسلمنى انضيف ,,,, اسلمك نضيف
شهروزه هههههههههههههه
نحن ف زمن الحناكيش
ربنا يحنكش خيرك ياشاااه
بامبوووووووووووو
ذنبوا على جنبوووووووو
الحنكوش هو واحد يدخل مدونتى وميعلقش على أى بوست
عجبتنى المدونة جدا وإن شاء الله مش هتكون آخر زيارة
أسلوبك يهلّك من الضحك
انا اول مرة ادخل
بس ايه الاداء ده
لا موضوع جامد جدا
انا اعتقد ان احنا كلنا حناكيش
هههههههههههههههههه
هيرو ذنبو ع جنبو فعلا
واضح انك ديمقراطى جدا يا ايمن
وبؤمن بحرية التعبير هههههههههه
زياره مبروكه يامحمد صقر
حللت اهلا
Post a Comment