Saturday, March 15, 2008

يامواطنين .. ع ماتفرج



الصراحه بقى انا محروقه اوى .. قلولى محروقه م ايه ياياسمين

وانتم مالكم .. يالهوى ع ده شعب م كتر فضوله مناخيره بقت واصله لركبه

وانا ركبى حديد ..

ايه اللى انا بقوله ده ..

خد عندك عزيزى المواطن ..

ابن السيد نظيف .. يعمل ف القريه الذكيه بمرتب شهرى 100 الف جنيه ..

بيعمل ايه .. بيعمل اسم النبى حارسه انت مالك انت .. دع الخلق للخالق

سكرتير اى وزير مرتبه الشهرى لا يقل عن 20 الف جنيه ..

وعدد سكرتارية الوزاره الحاليه 544 ... لو معاك كلكليتور احسبها براحه كده

والسكرتير ده بيعمل ايه .. بيطبخها باميه محصلتش انت مالك انت .. دع الخلق للخالق

بيقولك انهم عايزين يخصخصوا قناة السويس ..

يعنى ايه الصخصخه دى .. يعنى هيبعوهاااااااااااا

والقناه بتعمل ايه .. بتعمل دوخينى يالمونه انت مالك انت .. دع الخلق للخالق

لا وانت عارف يامعلم .. المنتخب الوطنى لما عكش الكاس .. عكش معاه 10 مليون جنيه

والمنتخب بيعمل ايه .. بيعمل عجين الفلاحه انت مالك انت .. دع الخلق للخالق

تعرف كمان .. ان جهاز حماية المستهلك .. بيقولك اوعى تشترى م محل ميكنش معلق سياسة البيع والاستبدال

اه يااخويا .. تشترى الجاكيت ابو 200 جنيه م هنا .. تلاقيه خياطته فاكه م ناحيه .. متعرفش ترجعه

وجهاز حماية المستهلك ملهمش الا انت ياضناياااا .... هيحموك يعنى هيحموك

هنقفل الباب بالترباس ويحممممموك بالليفه ياعباس

والمستهلك بيعمل ايه .. هيستحمى وانت مالك انت .. دع الخلق للخالق

بيقولك ايه كمان انهم لحد دلوقت اعتلقوا 700 اخوااان .. علشان المحليات يامعلم

مش واخدلى بالك ولا ايه ..

والمحليات بتعمل ايه .. بتعمل فوت علينا بكره يامحمد وانت مالك انت .. دع الخلق للخالق

بيقولك بقى ان المحليات هى اللقمه الطريه .. ورك البطه يادقن القطه

ال ايه .. بيهون عليه فراقى .. ال ايه المحليات ذهب منها 450 مليون ولم يعدواا

لا متفهمش غلط .. اوعى تتخيل انهم اغتلسوهم او سرقوهم .. لا ياراجل عييييييب

دول بس اخدوهم بيحوشوهم لينا .. خليك مواطن ذو نوايا سليمه

مش عيزاك تبقى مواطن نواياك نويئه خالص

ايه يعنى انك مش لاقى تاكل العيش الحاف

عايش انت ولا مش عايش

رد عليا .. عايش ولا مش عايش

هتنهببببببببببببببببببببب يعنى

والله العظيم اللى اسمعه منكم يشتكى

او يقول نص كلمه ف حق الحكومه ورعاة الشعب وانجال رعاة الشعب

هعلقه ع باب المدونه .. حتى يكون عبره لمن لا يعتبر يامواطنين ع ماااتفرج

كل واحد يحط لسانه ف بؤه .. ويمشى جوا الحيط

انتو فاهميييييييييييييييييييييييين

صحيح ..

مواطنين كل شين كان ....

.
.
.
اه والدهب .. بقى ب 150 جنيه
وانت لسه بتحلم تجوز .. ياحيلتها ..!!

اختر م بين الاقواس ..


المصير المفضل لك عزيزى المواطن .......

!! اروح انام !!
!! اروح اموت !!
!! اغور واريحهم !!
at

97 comments:

  1. AnonymousMarch 15, 2008 at 7:12 AM

    انا اروح انام واموت وانا نايم وهغور واريحهم

    ولو ع الجواز اتفقنا نخليها فضه او دبله واحده للعريس بس


    لا جامد بجد انتي بدأتي
    الله يستر علينا وعليكي

    وبالنسبه للانجال اشمعني ده اللي باصينله في اللقمه
    دا بيشتغل شهرين ونص عشان يجيب العربيه اللي بيحلم بيها

    تخيل معاناه شهرين ونص واحنا نايمين ومرتاحين

    وان ماكنتش انت تدلعني مين هيدلعني

    ReplyDelete
  2. انكسارات .. احمد البوهىMarch 15, 2008 at 7:18 AM

    والله اسلوبك ممتاز جدا
    انا تقريبا بايت هنا من امبارح عمّال اصول واجول فى المدونة
    ــ
    احيانا كثيرة يهرب الشعب من همومه فيستقطبه الهروب ويتحول الى فن فتضيع معه مذاهب القضايا ما بين زيف ابتسامة او عنت البحث عن لقمة العيش
    ــ
    هو ايه اللى انا كنت بقوله ده .. انا هفضل نايم افضل
    ـ
    تحياتى

    ReplyDelete
  3. مهندس مصري بيحب مصرMarch 15, 2008 at 8:10 AM

    اغور واريحهم
    و ده اللي أنا باعمله حالياً
    بأحاول أغور

    بس موضوع ممتاز لميتي فيه بلاوي كتير بإسلوب 10/10
    :)

    ReplyDelete
  4. Desert catMarch 15, 2008 at 8:11 AM

    بمناسبة الدهب ابو 150 جنيه ده
    سمعت دلوقتى انهم بياجروا الشبكة من عند الجواهرجى بـ 50 جنيه فى اليله
    يعنى العريس والعروسة يروحوا له كدا احنا قادصينك فى خدمة يا عمونا
    احنا هنلبس شبكة بكره
    وخد الخمسين جنيه وعليهم بوسة
    وهنمضى لك على شيكات وايصالات امانة وعقد الاوضة اللى هنعيش فيها فوق السطوح واوضه نوم ام حمادة جارتنا واديلنا الشبكة نلبسها قدام الناس ونجيبها لك الصبح
    والله مبهزر سمعت الموضوع ده ابمارح بس

    ReplyDelete
  5. dr_modymodakMarch 15, 2008 at 9:10 AM

    علي راي الزعيم عادل امام ههههه

    احنا نغور احنا دا احنا ولاد.....

    يخرب بيت اللي مبيحبكش
    ويخرب بيت اللي بيحبك وهو من جواه مبيحبكش
    ويخرب بيت اللي بيحبك وهو من جواه بيحبك وفي واحد جنبة مبيحبكش
    القائد الزعيم والثورة وكل الزعماء
    اللهم اديله جريجيرة اللهم جرجرة بحق جاه النبي
    واديلة طحينة اللهم اطحنة
    واديلة بطيخة من غير بزر الزعيم يلهط على طووووووووووووووول


    دا عادل امام اللي بيقول كده

    ههههههههههه كل سنه وانت ريس يا طيب

    ReplyDelete
  6. سنووايتMarch 15, 2008 at 9:53 AM

    تعيش الحكومة
    والباقي يغور ويموت ولو ربنا كرمه ينام بس ابقي خليهم يدعموا المنومات

    ReplyDelete
  7. همس الاحبابMarch 15, 2008 at 10:20 AM

    طبعا احنا لينا غير حكوماتنا النظيفة الرشيدة
    طب ده كلام يعنى ايقطعوا نفسهم علشان خاطرنا
    عامة انا رايح انام اهو موت صغير برده
    تحياتى يا اجدع بنوته
    خالد

    ReplyDelete
  8. في حب مصرMarch 15, 2008 at 10:33 AM

    انا عن نفسي اخترت الإجابة رقم 3
    وبالفعل غورت في داهية وسبت البلد كلها وطفشت وانا دلوقت في الإمارات

    شوفي كل الكلام اللي انتي قولتيه ده حلو بس هي فيه احصائية جميلة بتلخص كل ده
    الاحصائية بتقول ان 5 في المية من المصريين هم اللي بيملوكوا الثروة وال 95 في المية الباقيين بيخدموا عليهم ويمكن يتباعو في سوق العبيد قريب

    وبعدين احنا مالنا هي البلد بلدنا ولا بلدهم

    وايه يعني الدهب يوصل 150 جنيه أو 200 جنيه يعني هو فيه حد هيتجوز اصلا انتي شوفتي اسعار الشقق وإيجارتها عملت ايه، يبقى جت على الدهب يعني

    على فكرة فيه قرية في الصعيد أعلنت ان الجواز من غير شبكة خالص احتجاجا على أسعار الدهب ياريت كل القرى والمدن يعملوا كدة لو حبوا يبقو إيجابيين شوية

    تحياتي
    مصري غلبان يعمل في الإمارات

    ReplyDelete
  9. عبده الرايقMarch 15, 2008 at 10:41 AM

    لا انا هشتكى
    وهشتكى
    وهشتكى
    ومحدش يقدر يعلقنى على باب المدونه
    بجد مس ياسمين
    انتى طلعتى كل اللى جوايا
    انا سانك يو
    بجد شكرا لكى على البوست ده
    وبعدين هو ابن السيد نظيف جاله الكادر ؟؟؟؟؟؟

    ReplyDelete
  10. ola_barakatMarch 15, 2008 at 11:07 AM

    يابنتي مالك ومال الناس ما تخليكي ف حالك
    هو يعني واحد وزير ولا رئيس وزاره ابنه حايشتغل بكام ؟ ميتين جنيه زي ابن اي واحد مالوش لازمه ؟
    ده اذا كان الريس بيورث ابنه شعب بحاله يبقي رئيس الوزاره مش حايعين ابنه ب 100 الف جنيه .
    بطلوا حقد بقي
    انتي مش عارفه ان كل واحد بيعين ابنه مكانه يعني بكره ابن رئيس الوزاره ده حايبقي رئيس وزاره زيه وساعتها حايجيبك
    اذا كان ابن الممثل بيطلع ممثل وابن الشاعر بيطلع شاعر زيه
    هو انتو لازم تفضلوا تقروا ع الناس وخلاص
    وقناه سويس ايه ومنتخب ايه ما تخليكي ف اكل عيشك اللي ماحدش لاقيه دلوقتي
    طب سمعتي ان العيش حايتوزع علي بطاقه التموين ؟
    اهو ردي بقي
    ساعتهااللي مالوش بطاقه تموين حايعمل ايه ؟
    ربنا يستر
    تحياتي
    علا بركات

    ReplyDelete
  11. Hosam Yahia حسام يحيىMarch 15, 2008 at 11:21 AM

    ايه دى بتبشرينا يعنى ولا ايه


    وعلى فكره الشبكه الوقتى بقت فضه مش ذهب


    ابشرووووا

    ReplyDelete
  12. زهرة العربMarch 15, 2008 at 12:02 PM

    هههههههههههه
    موضوع جامد بجد
    بس انا عندي اجابة رابعة يعني ولا هنام لاني لو نمت اكيد هيجي يوم واصحي وهتبدا المصيبة تاني
    ولو هموت هفرحم
    ولو هغور بعيد عنها هبقي زي اللي بيدفن راسه في الرمل اوبيخبي وشه تحت البطانية من عفركوش
    ولكل ده كررت اني مسكوتش اعمل اي حاجة بس مسكوتش
    والعيار اللي ميصبش يدوشششششششششش
    مش كده ولا ايه................ !شكرا علي الموضوع مرة تانية

    ReplyDelete
  13. بطوط حبوبMarch 15, 2008 at 12:08 PM

    ههههههههههههههه
    ايه المرتبات الضعيه الى انتى قلتيها دى
    100 الف ايه و
    و20الف ايه
    كل ده كلام فاضى
    ودهب غلى عادى عادى عادى
    بسم الله الرحمن الرحيم الاجابه
    !! اروح اموت !!
    هههههههههههههههههه

    ReplyDelete
  14. dr_mody4ever رصيف نمرة خمسةMarch 15, 2008 at 12:32 PM

    لا والف لأه كله ألا الحكومة
    لأ والنعمة والختمة الشريفة ده مايحصل خالص الحكومة ديه غلبانة ازاى هتحكم 70 مليون بيقر بس
    مش كفاية ان الحكومة تعبانة معانا في تسعيرة الترب والمدافن والمقابر ياعني أروح أموت وارقفهم دنيا وأخره

    أنا أغور من وشهم أحسن
    وكشكيشيها يأجدع بنوتة عشان الطوبة ماتقعش في المعطوبة

    ReplyDelete
  15. HEROMarch 15, 2008 at 12:42 PM

    انا قررت اغور واريحهم ومش هسمع كلام بابا اللي بيقلي ( يا اهبل ) انت كده بتعمل اللي هما عايزينوا

    بس اهبل اهبل هو الواحد هيعيش كام مرة
    وبعدين انتي ذكرتي حاجات الواحد مكنش عارفها يعني بتحرقي دمنا زيادة متسيبي اللي يسرق يسرق واللي يختلس يختلس احنا مالنا هي فلوسنا

    انتي مش فلوسك في جيبك ؟؟هه مضش في جيبك ؟

    ReplyDelete
  16. شهرزادMarch 15, 2008 at 2:05 PM

    حتى حق الاختيار في أي حاجة من اللي حطيتيهم مش من حقك
    خايف ابص من الشباك مالاقيش مصر


    لمت هدومها وخادت حاجاتها قرفت طفشت تعبت


    لمت هدومها وخدت هرمها على نيلها وطفشت وحلفت ميت يمين ماهى قاعدالنا


    مابينى وبينك برضه احنا زودناها كاننها استعمرنا ورثناها


    هى دى البنت الاموره اللى كانت زى القمر


    فجأه كبرت عجزت وبان عليها الكبر


    خايف ابص من الشباك فجأه ومالاقيش مصر
    للشاعر عمرو سلامة

    ReplyDelete
  17. صناع المحلة الكبرى .. دواهم في غيدكMarch 15, 2008 at 2:22 PM

    لا ....أنا أروح أموت أريحلي وأريحلهم
    عشان لا يتحرق دمي ...و لا أعكر مزاجهم

    :(
    و عالعموووم مصيري أنا عرفته خلاص
    نقيب الأطباء أعلن أننا لو مخدناش حقنا.. كل الدكاتره هيعملوا أستقاله جماعيه
    و هنفتح أكشاك قدام مستشفيات الحكومه للعلاج بالمجااااااان
    هههههههههههه
    و الله فكره جااااااامده

    يلااا ... أفرحوا يا جماعه ...مصيرنا للكشك
    :)))

    ReplyDelete
  18. wanna b a physicianMarch 15, 2008 at 2:57 PM

    ياستى مش هتفرق كتيير نغور ولا نموت ولا ننام وعلى راى سنووايت ياريت يدعموا المنومات
    بس بجد لو كله صحى هنبقى بنعمل حاجة
    وشكرا على الافكار الغير محفزة من نوم وموت و غوران

    ReplyDelete
  19. خمسة فضفضةMarch 15, 2008 at 3:59 PM

    السلام عليكم ورحمة الله وبركاته

    انام ولا اموت ولا اغور واريحم ؟؟.....وانتِ مالك انتِ ....دعِ الخلق للخالق

    :-)

    ReplyDelete
  20. تــــايه ومش تـــايهMarch 15, 2008 at 4:02 PM

    طيب انتى هتنامى وضميرك مستريح علشان مسرقتيش حد ولا اخدتى حق مش حقك
    الناس دى بتنام ازااااااااااااى؟

    ReplyDelete
  21. الفارس الملثمMarch 15, 2008 at 5:39 PM

    عندك حق ناس عندها حقد طبقي

    بجد بياخد 100 الف جنيه , بس هو حقيقي بيتعب ما تلاقي صاحبنا ده اللي مخمخ في حكاية الحكومة الاكترونية اللي ريحت الشعب علي الاخر حتي روحي لاي مخبز عيش وشوفي التكنولوجيا اللي علي حق ..

    وبمناسبة قناة السويس ياريت لما يجيوا يبيعوها قوليلي اصلي عاوز اشتريلي حتة اعوم فيها شوية مراكب ورق واهو نبقي لحقت حاجة من البلد قبل ما تتباع كلها !!

    اما حكاية المحليات ما هي النتيجة معروفة مسبقا بس هما حرصا علي اموال الشعب عاوزين يوفرواالفلوس اللي بتتصرف من ميزانية الدولة " بدل تزوير " !!!

    ربنا يجعل بيتهم عمار ويتخرب بيت الشعب مش مشكلة امال مين اللي ايضحي عشان البلد.

    سلام يا ياسمين واي حتي تحسي انه عنده حقد طبقي ولا حاجة بلغي عليه عالطول

    ReplyDelete
  22. AnonymousMarch 15, 2008 at 5:54 PM

    هوا انا يابنتي مش قلتلك مية مرة ارحمي نفسك و ارحمينا معاكي.

    طب انا رايح انام بقي
    وهتجوز ........ من عبد الرحيم عمرو !!!!!!!هههههههههههههههه

    ReplyDelete
  23. صوت من مصرMarch 15, 2008 at 6:14 PM

    انا عايز اشتغل جزمجى الريس
    بصراحه كرهنا الفقر

    ReplyDelete
  24. asfour-elnarMarch 15, 2008 at 7:18 PM

    طيب وفيها ايه لما نظيف الابن ياخد له 100 الف في الشهر يعني بلاش الولد يكوم نفسه , ما هي العيشه بقت صعبه برضه طيب شوفي البي ام بقت بكام دلوقتي واللا العيون و اللا الشاليه في الساحل بقي بكام ....وان ماكانش هو اللي حاياخدهم ميييين اللي حايخدهم يعني , الاخوان اعداء الشعب مثلا ... ليه ما هم واكلين شاربين قايمين نايمين (في السجن) ببلاش , واللا المدونين اعوان الاستعمار , واللا الاطباء مصاصين الدماء واللا ...واللا...
    بلاش الافكار الهدامه دي بقي مليتو البلد

    ReplyDelete
  25. أحساس لسه حى ...أنا مش موافقMarch 15, 2008 at 11:43 PM

    عزيزتى
    بجد عجبنى تحيتك الجامده للقلة المحترمه

    ومش عارف ليه لما خبر زى ده بيتنشر مش بيحصل فيه تحقيق

    مرتب ابن وزير مثلا

    وابن الوزير التانى اللى اتنصب عليه فى 3ملايين جنيه

    ومتقهرش تصدقى ولا جتله سكته هو تعهبان فيهم

    والمنتخب اللى فالز بالكاس ما هما بيخدوا من الاتحاد الافريقى ومن جهات كتير ياخدوا ليه من الدوله احنا اروبا

    فى لعيبه افارقه بيسرفوا على منتخباتها

    وجهاز حماية المستهلك اللى سايب التجار يغلوا ويتلعبوا بالاسعار من اول السلع الرديئه لحد الاحتقار

    وطبعا اعتقال الاخوان ومحاولة ابعادهم عن المحليات باى طريقه مش كفايه مجلس الشعب كمان المحليات

    واللى نفدوا بقه من الاعتقال او الابعاد مش هينفدوا من التزوير المعتاد

    وفى ناس برضوا بتكره الاخوان كانهم مسئولين عن الفساد اللى فى الدولة

    وبلاش سيرة الدهب بقه علشان الشباب الصغير ميتعقدش اكتر والكبير مينتحرش

    بلدنا بتندبح وخلاص شكلها خربت

    خربوها والكل بيسرق

    بقولك ايه

    خراب يا مصر

    سلام

    ReplyDelete
  26. أحمد سعيد بسيونيMarch 16, 2008 at 1:58 AM

    مش هنسيب مش هنسافر
    هنفضل موجودين
    يا احنا يا هما
    تحياتي

    ReplyDelete
  27. Empress appyMarch 16, 2008 at 2:42 AM

    لا يا سمسمه قاعده على نفسهم هأخد حقى يعنى هأخده
    مش هسيبها لهم مش هخليهم يقعدوا على مراوحنا هنفوق من الغيبوبه قريب

    اما عن استحمام جهاز المستهبل هههههههههههههههههه فصح فكل اللى قولتيه ههههههههههههه

    ربنا يستر عليكى يا سمسمه من الناس اللى عندهم كهرباء ببلاش دول وكلاب فىالساحه الخلفيه هههههههههههههه

    ReplyDelete
  28. رئيس جمهوريه نفسىMarch 16, 2008 at 4:22 AM

    يا ساتر على الحقدتصحيح بس ابن رئيس الوزراء مرتبه 50 الف جنيه بس فقط لاغير واضافه وزير الاستثمار لديه 26 سكرتير وسرتيره خريجى جانعات اجنبيه فى المكتبين بتوع جنابه وكلهم حديثى التخرج ونعمه الخبره
    المحليات مش بس بتاعت فوت علينا بكره يا سيد المحليات بتاعت اهدار 750 مليون جنيه سنويا وبتاعت التصريح الشهير الفساد للمحليات وصل للركب ده ايام التسعينات زمان المحليات غرقت فى الفساد
    واسمع سلام انا عايش ومش عايش للهضبه عمرو دياب

    ReplyDelete
  29. الـسـيـدة نـونMarch 16, 2008 at 4:34 AM

    تانى كدة
    ابن نظيف بياخد 100 الف جنيه
    ده بجد ده
    ولا دى غلطة مطبعية
    وانا مالى صحيح دع الخلق للخالق


    اختك خيخة

    ReplyDelete
  30. DobaMarch 16, 2008 at 5:23 AM

    لا أعلم من أين
    جئت
    ولكننى أتيت

    انتى مجرمة
    بتوقعينى على روحى من كتر الضحك
    وحلوة قوى يا مواطنيين ع ما تفرج

    الا هيه هتفرج امتى بقى
    احسن الواحد خلالالالالالالالالالالالالاص
    بيشد ف شعره

    سلام يا اجدع بنوتة
    هبة

    ReplyDelete
  31. مدحت محمدMarch 16, 2008 at 7:02 AM

    كدة ونص
    شعب معندوش
    من الاحمر
    بيتدخل فى اللى
    ميخصوش
    احنا
    المفروض نتفرج ونسقف
    ونطبل كمان

    ReplyDelete
  32. الجواز و سنينهMarch 16, 2008 at 7:47 AM

    حرام عليكى قلبتى علينا كل المواجع من كله
    العيش و سنينه و الذهب و سنينه و العيشه و سنينها
    يعنى نموت روحنا يعنى ؟؟؟
    حسبى الله و نعم الوكيل
    امبارح شفت واحد واقف فى طابور عيش بيقول فى التليفزيون لو الناس دى هاجت و قلبت عليهم مش هايقدروا عليهم يعنى هايخسروا ايه اكتر من اللى خسروه

    ReplyDelete
  33. بحبك يامصرMarch 16, 2008 at 8:55 AM

    دكتوره سمسمه
    انا متضامن مع اببى انا قاعد على قلبهم وهاخد حقى من عين التخين انا مشكلتى مش مع الحكومه والله هما حراميه وعنيهم بجحه وانا مش حرامى. اسيبهم واهرب؟ ولا انام ولا اموت؟لو ربنا احيانى قاعدلهم وهطالب بحقى
    كده انتى قربتى من مورا الشمس
    ولا يهمك يا دكتوره مش هنسيبك وراكى
    تحياتى

    ReplyDelete
  34. ساكت ليهMarch 16, 2008 at 11:15 AM

    طيب هو طبيعى جدا ان ابنه يا خد 100الف مش قاعد على الكتب انتى عاوزاه يقعد على المكتب وياخد 50الف بس انتى بصراحة تبقى مفترية هو الراجل هيموت نفسه دا كتر خيره انه بييجى اصلا

    ReplyDelete
  35. Hossam NasrMarch 16, 2008 at 12:17 PM

    ياسلاااااااااااااااااااااااام

    أبن السيد أحمد نظيف -حفظه الله- بيقبض 100 ألف جنية؟

    أبن سعادة السيد طويل العمر قاي مقام السيد العنتيل بياخد 100 ألف جنية؟

    طيب


    المقاتلون بدماء مصر

    ينامون فوق صدور الغواني

    ويبكون بالشعر عهد الوليد

    وتحت المضاجع أشلاء عمر

    وأحزان أم وذكرى شهيد

    وفي الكأس تبكي بقايا دماء

    وأنقاض عطر وأنفاس غيد

    ويلقون فوق رؤوس الصغار

    ثياب الغواني وخبز العبيد

    وفي كل يوم يبيعون شعرا

    ويبنى على الشعر قصر جديد

    يسيرون بالشعر في كل درب

    وفي كل يوم مزاد فريد

    تعالوا نقاتل من جوع مصر

    ونلقي على الناس حلو القصيد

    تعالوا نصافح آلام شعب

    ونصرخ بالحزن هل من مزيد؟

    تعالوا لنسكر من دمع أرض

    ونغتال فيها الزمان السعيد

    تعالوا نحطم أحلام مصر

    وندفن فيها الصباح الوليد

    تعالوا نتاجر في دمع أم

    تعالوا نبيع رفات الشهيد

    تعالوا لنسخر من حزن ثكلى

    على راحتيها شباب شريد

    تعالوا لنحرق أزهار عمر

    ففي الزهر يرقد حلم جديد

    تعالوا ففي مصر سوق العطاء

    ومنها ربحنا وفيها المزيد

    تعالوا نبيع بعطر الجواري

    دموع الصغار ويأس القعيد

    تعالوا لنلقى على مصر صبرا

    ونغرس فيها هموما تبيد

    وهيا لنكتب شعرا جديدا

    فما عاد في العمر شيئا يفيد

    * * *

    وآه إذا الجرح أضحى رخيصا

    تباع الدماء بسعر زهيد

    وتحت المضاجع أشلاء عمر

    وفي الكأس تبكي دماء الشهيد

    يصيحون فوق صدور الغواني

    يعيدون بالشعر عهد الوليد

    فاروق جويدة

    ReplyDelete
  36. بنت الصالحينMarch 16, 2008 at 2:44 PM

    ايه ده لاحول ولاقوة الا بالله

    سمسمه ياحبيبتي خدي بالك من نفسك يااختي

    اديكي قولتيها عندنا تلات اوبشانات

    اختاريلك منهم واحد واسكتي



    حسبنا الله ونعم الوكيل

    ReplyDelete
  37. الشموع البيضاءMarch 16, 2008 at 11:31 PM

    اروح اموت..يمكن دى سلبيه بس فعلا الواحد حاسس بالظلم والاحباط حاسس انه نفق مظلم لا نهاية له...الله المستعان

    ReplyDelete
  38. صاحبة هدفMarch 17, 2008 at 11:17 AM

    ألا إن نصر الله قريب

    صبرا صبرا..فيسرا فيسرا عن قريب ان شاء الله

    جزاك الله خيرا

    سأسعد أختي بزيارتك لمدونتي الجديدة والبسيطة
    http://tamoha-e-90.blogspot.com/

    ReplyDelete
  39. أم حبيبهMarch 17, 2008 at 11:39 AM

    اغور و اريحهم

    بس لازم و حتما و لا بد
    انى اقرفهم شويه

    هو يعنى الواحد دمه يتحرق ببلاش


    اسلوبك لذيذ مووووووووووووت

    ReplyDelete
  40. موناليزاMarch 17, 2008 at 12:21 PM

    كده ياسمسم تعرفينا المرتبات كنتى خلينا كده على عمانا صحيح ياجدعان الحقيقة بتوجع
    بس انتى عرفتى المرتبات دى منين هو انتى تعرفى جواسيس هههه
    " عجبتنى اوى "يامواطنين ع ماتفرج

    ReplyDelete
  41. t3banMarch 17, 2008 at 3:52 PM

    عيش جبان تموت مستور

    ReplyDelete
  42. صحفية روشةMarch 17, 2008 at 7:14 PM

    يا بنتى وانتى بتتكلمى فى الكلام دة ليه بس
    دعى الخلق للخالق

    ReplyDelete
  43. AnonymousMarch 18, 2008 at 4:08 AM

    تصدقى فعلا

    بس اية المانع
    خلوا الناس تعيش
    اية الحقد دة

    باين عليكي ماشربتيش من نيلها
    ولا حتى فكرتي تغنيلها

    ReplyDelete
  44. د/اجدع بنوتهMarch 18, 2008 at 4:34 AM

    انونيموس .. اختيار موفق

    تخيل يشتغل شهرين ونص علشان يجيب العربيه

    يااااااااه ع المعاناه ... ربنا يقويه

    ReplyDelete
  45. د/اجدع بنوتهMarch 18, 2008 at 4:35 AM

    انكسارات .. لقيت بطاطين ولا ياعينى بايت ف الطل كده

    لا طالما ناوى تنام تانى .. نبعتلك بطانيه فورا

    ReplyDelete
  46. د/اجدع بنوتهMarch 18, 2008 at 4:36 AM

    عملت خير والله يامهندسنا

    اختيارك ولا اروع .. برافون برافون

    ReplyDelete
  47. د/اجدع بنوتهMarch 18, 2008 at 4:36 AM

    انا اعرف تأجير الشبكه ده م زمن ياقطتى

    بس الاجدد بقى ان ف محافظات لغت الشبكه اصلا

    وقريبا هيلغوا الشقه هههههههههههههه

    ReplyDelete
  48. د/اجدع بنوتهMarch 18, 2008 at 4:37 AM

    يعمر بيتك وبيته يامودى والله ههههههه

    ReplyDelete
  49. د/اجدع بنوتهMarch 18, 2008 at 4:37 AM

    يدعموا ايه ياسنوووووووو

    انا مش قولت مش عايزه مواطن يفتح بؤه بطلب نهائى

    ReplyDelete
  50. walaaMarch 18, 2008 at 4:37 AM

    انت عارفه قناة السويس اللى عايزين يخصخصوها ولاد الحراميه دول
    بتدخل دخل شهرى لو وزع على الناس بعدل ربنا يكفى الناس اصلا قبل ما يزفتو حاجه الفلوس دى بتروح فييين ومين بقه اللى هيشترى العز ده كله برخص التراب
    بالله عليك ممكن اسالك سؤال هو ليه احنا ساكتين وسكوت فظيع على البهدله دى

    ReplyDelete
  51. د/اجدع بنوتهMarch 18, 2008 at 4:37 AM

    هههههه خالد .. النظيفه الرشيده المتطنوره

    ReplyDelete
  52. د/اجدع بنوتهMarch 18, 2008 at 4:38 AM

    برافو عليك . يامصرى والله

    بس لا .. انا بقى م ال 5% اللى مش بيتخدم عليهم

    لا اللى محروق دم اللى خلفوهم ومش عارفين يعملوا ايه

    ReplyDelete
  53. د/اجدع بنوتهMarch 18, 2008 at 4:38 AM

    عبده رجل المحليات الاوحد

    كادر ايه ياعم .. وحد الله .. ده الدعم بيطلع م بيتهم

    تقولى جاله الكادر

    ReplyDelete
  54. د/اجدع بنوتهMarch 18, 2008 at 4:39 AM

    انا اعرف ياعلا .. هخلينى ف حالى طبعا

    بلا خيبببببببه

    ReplyDelete
  55. د/اجدع بنوتهMarch 18, 2008 at 4:39 AM

    شبكه ايه ياحسام

    المصطلح ده انقرض م زمان

    ReplyDelete
  56. د/اجدع بنوتهMarch 18, 2008 at 4:39 AM

    هتعملى ايه يازهره ياحبيبتى

    اهدى بس كده ومتخليش الحماس يطغى عليكى

    هعععععععععع

    ReplyDelete
  57. د/اجدع بنوتهMarch 18, 2008 at 4:39 AM

    اجابه نموذجيه يابطوطططططططططط

    ReplyDelete
  58. د/اجدع بنوتهMarch 18, 2008 at 4:40 AM

    لا متقع براحتها يامودى فور ايفر .. واحنا بيهمنا

    اخرتها ايه .. هى موته ولا اكتر

    ReplyDelete
  59. د/اجدع بنوتهMarch 18, 2008 at 4:40 AM

    اى خدمه ياهيرو باساهم ف ازاحتكم م الجانب المظلم

    وحرقة دمكم اكتر .. هو انا يتحرق دمى لوحدى يعنى

    متجيش

    ReplyDelete
  60. د/اجدع بنوتهMarch 18, 2008 at 4:41 AM

    جامده اوى العصيده دى ياشهرزاد

    مصر ... مبقتش مصر

    اومال بقت ايه

    وانتم مالكمممممممم

    ReplyDelete
  61. د/اجدع بنوتهMarch 18, 2008 at 4:41 AM

    هههههههههههه هنفتح اكشاك يامصطفى ياعلام

    ربنا يباركلك والله ...

    ReplyDelete
  62. د/اجدع بنوتهMarch 18, 2008 at 4:41 AM

    طبيبنا اللى بلا سماعه .. مين يصحى مع مين

    السك نازل ع النفوخ عامل

    انهبيشن للصحيان سنتر اللى ف االسربيلم

    محدش فاضى يفكر يصحى

    ReplyDelete
  63. د/اجدع بنوتهMarch 18, 2008 at 4:42 AM

    ااااااااااااه سكتناله دخل .. بعربيته الجيييب

    ماشى ياخمسه فضفضه

    ال وانا مالىىىىى ال

    ReplyDelete
  64. د/اجدع بنوتهMarch 18, 2008 at 4:42 AM

    هما بيناموا وزى الفل ... ياتايهه

    الهى يقلق منامهم دنيا واخرررررره

    ReplyDelete
  65. د/اجدع بنوتهMarch 18, 2008 at 4:43 AM

    متقلقش يافارس .. انتم كلكم اتبلغ عليكم م زمان

    ههههههههههه خد بالك هيخبطوا عليك دلوقت حالا

    حضر شنطتك وانزل معاهم بهدوء وزلازه

    ReplyDelete
  66. د/اجدع بنوتهMarch 18, 2008 at 4:43 AM

    ههههههههههههه نبيل

    هو عبد الرحيم لسه عايش ...

    ReplyDelete
  67. د/اجدع بنوتهMarch 18, 2008 at 4:43 AM

    محمد قولنا كمال .. لو لقيت فرصه خدنى معاك

    اشتغل قلم الريس

    ReplyDelete
  68. د/اجدع بنوتهMarch 18, 2008 at 4:44 AM

    واحنا امتى هنكوم نفسنا احنا كمان ياعصفوررر

    ولا ليه صحيح . ماحنا متكومين خلقه

    ReplyDelete
  69. د/اجدع بنوتهMarch 18, 2008 at 4:44 AM

    تحقيق ايه يامدحت ياانا مش موافق

    انت بتلعب ف عداد عمرك

    خد بالك م نفسك بقى

    ReplyDelete
  70. د/اجدع بنوتهMarch 18, 2008 at 4:44 AM

    احمد سعيد بسيونى

    ربنا يقويييييييييييك

    ReplyDelete
  71. د/اجدع بنوتهMarch 18, 2008 at 4:45 AM

    استحمام جهاز المستهبل .. جربتيه ولا لسه يا أأأبى

    بيقولوا ولا ارررررروع حاجه ببلاش كده

    ReplyDelete
  72. د/اجدع بنوتهMarch 18, 2008 at 4:45 AM

    50 الف بس يامحمود باشا

    انت ادرى بقى ... هو انت اللى بتقبضهمله ولا ايه

    سؤال يطرح نفسه

    ReplyDelete
  73. د/اجدع بنوتهMarch 18, 2008 at 4:45 AM

    ايووووون شاطره ياخيخه

    وانتى مالك صحيح

    ReplyDelete
  74. د/اجدع بنوتهMarch 18, 2008 at 4:46 AM

    هتفرررررررررررررج

    هاتوهااااااااااااااااااااااااااااا

    دوبا عندها طموح انها تفرج

    مكنش انعزر ولا باع جزر ولا قالش اسف واعتزر

    ReplyDelete
  75. د/اجدع بنوتهMarch 18, 2008 at 4:46 AM

    مدحت هههههههه

    بس انت تسقف واحنا معاك

    ReplyDelete
  76. د/اجدع بنوتهMarch 18, 2008 at 4:46 AM

    ناس ايه اللى تهيج ياجواز وسنينه

    الناس دلوقت بتفكر تجيب عيش باقل عدد ساعات ممكنه تقفه ف الصف

    ReplyDelete
  77. د/اجدع بنوتهMarch 18, 2008 at 4:47 AM

    ربنا معاك يااحمد بحبك يامصر .. اقعد براحتك يااخويا

    يديك الصحه انت وأأأبى

    ReplyDelete
  78. د/اجدع بنوتهMarch 18, 2008 at 4:47 AM

    شكر الله سعيكم يااحمد .. كتر خيره انه بيجى فعلا

    ReplyDelete
  79. د/اجدع بنوتهMarch 18, 2008 at 4:47 AM

    ويثبرررررررررررررر ولا اروع

    المقاتلون بدماء مصر

    ينامون فوق صدور الغواني

    ReplyDelete
  80. د/اجدع بنوتهMarch 18, 2008 at 4:48 AM

    حاضر ياعاشقه يااختى

    هاخد بالى م نفسى وان مخدتش

    هاخد ع دماغى

    مبقتش تفرق

    ReplyDelete
  81. د/اجدع بنوتهMarch 18, 2008 at 4:48 AM

    خدنى معاك .. ان كنت رايح تموت

    خدنى معاك .. لالالالا

    شموع سوداء فعلا

    ReplyDelete
  82. د/اجدع بنوتهMarch 18, 2008 at 4:48 AM

    ياموسهل ياشيماااااااء

    ReplyDelete
  83. د/اجدع بنوتهMarch 18, 2008 at 4:48 AM

    اجابه جديده دى .. نغور بس لامن وحتمن ولابد نقرفهم الاول

    جامده ياأم حبيبه

    ReplyDelete
  84. د/اجدع بنوتهMarch 18, 2008 at 4:49 AM

    هههههههههههه موناليزا

    نحن عيون الشعب الثاقبه

    ReplyDelete
  85. د/اجدع بنوتهMarch 18, 2008 at 4:49 AM

    عيش مواطن .. تموت مقهور ياانور

    ReplyDelete
  86. د/اجدع بنوتهMarch 18, 2008 at 4:49 AM

    اسكت يعنى .. يانميمه

    انتى شايفه كده

    طااااااايب

    ReplyDelete
  87. د/اجدع بنوتهMarch 18, 2008 at 4:52 AM

    الشعب ساكت السكوت الفظيع ده ياولاء

    عشان

    احنا محدوفين ف دواااااامه

    مين يفكر يتكلم

    وهو مفروض يوفر لقمة عيش لعياله

    وهو مفروض يجوز بنته

    وهو مفروض يعالج ابنه

    مفيش حد بيتكلم غيرنا احنا الجيل الجديد

    اللى لسه مش وراه مسئوليه تقتله

    بس مجرد مهنشيل مسئوليه

    انسى مش هيبقى قدامنا وقت نفكر ف اى حاجه

    ReplyDelete
  88. ELMANSYMarch 18, 2008 at 4:54 AM

    أنا فى الأول كنت داخل على المدونهبتاعتك علشان واحد صاحبى قاللى إنك لو عايز يجيلك تعليقات فى المدونه بتاعتك ادخل على مدونه أجدع بنوته
    بس أنا لما دخلت لقيت إن المواضيع تستاهل تتقرى ومش مهم حتى الرد عليا
    أما عن الموضوع فلا أملك غير إنى أقول
    "هشتكنا وبشتكنا يا ريس
    ده إنت رئيس والنعمه كويس
    يامشخلعنا يامدلعنا
    قول لعدوك قوم اتليس
    هشتكنا وبشتكنا يا ريس "
    بس أنا فعلا شايف إن دى مش غلطته إنه بقى ابن رئيس الوزرا دى غلطه أبوه "يعملوها الكبار ويقعوا فيها الصغار"
    ودع الخلق للخالق
    أما عن الاجابه على السؤال
    فأنا لازم أروح أقول لأبويا يبقى رئيس وزرا
    علشان أنا آخد 100000000000 دعوه عليا من الناس وده فى الفمتو ثانيه

    ReplyDelete
  89. رينـــــــــــاMarch 18, 2008 at 4:54 AM

    انا مسبهله
    والله هو انا مشيت من البلد الحمد لله
    بس نفسى اكبس على انفاسهم اصلا
    حسبى الله ونعم الوكيل

    ReplyDelete
  90. د/اجدع بنوتهMarch 18, 2008 at 4:59 AM

    ههههههههههههههههههه يامنسى

    هى مدونتى بقى مصيدة ردود ولا ايه

    ههههههههههههههههههه

    انت جاوبت ع نفسك اهو

    الفاصل هو جودة المواضيع

    كتير الواحد بيدخل مدونات مشهوره ومليانه ردود

    و يلاقى مواضعها متستاهلش غير اقرب باسكت

    وميردش

    وكتير بدخل مدونات مغموره جدا وابتابعها دايما

    وبكون يمكن الحد الوحيد اللى بيرد

    ع العموم تحياتى ومنور المدونه

    تفتكر الريس هيهشتكنا اكتر م كده

    قول ياااااااارب

    ReplyDelete
  91. د/اجدع بنوتهMarch 18, 2008 at 5:00 AM

    حسبنا الله ونعم الوكيل يارينا جميعا

    ReplyDelete
  92. إخوانى حتى النخاعMarch 18, 2008 at 5:37 AM

    انا معترض

    هوا كل قرش بيأخذه وزير أو أبنه تبصوا فيه ؟؟

    إيه يا جمااعة ؟؟ ينفع كدا ؟؟



    بس بجد بوووست جااااااااااااااااااامد


    http://ikhwangeeee.blogspot.com

    ReplyDelete
  93. دكتور حرMarch 18, 2008 at 6:40 AM

    انتي بسم الله ما شاء الله

    افتريتي قوي يا دكتوره

    انا فاكر اول ما فتحتي مدونتك
    دلوقتي حاجه ما شاء الله

    طلعت منك حاجات كتير
    مواضيع رائعه
    وصياغه نغبطك عليها

    بالنسبه للموضوع
    هسيب المدونه للمدونه
    وأروح انام

    وحسبي الله ونعم الوكيل

    ReplyDelete
  94. ٍSOUMarch 19, 2008 at 4:30 PM

    اسيبها مخضرة

    ReplyDelete
  95. د/اجدع بنوتهMarch 20, 2008 at 8:02 AM

    ههههههههههههه

    انا عارفه يااخوانجى يااخويا

    شعب مفهوش غير عنييين صحيح

    ReplyDelete
  96. د/اجدع بنوتهMarch 20, 2008 at 8:05 AM

    ربنا يخليك يادكتور ابوزيد

    ولسه ياما هيطلع

    هههههههههههههههههه

    ReplyDelete
  97. د/اجدع بنوتهMarch 20, 2008 at 8:06 AM

    سوووو هههههههه

    والله عملتى خير

    ReplyDelete

مـش كـده ولا ايـه
..
ده حتى الاختلاف ف الراى .. لا يفسد للوز مهلبيه
..
اه والله