عايزه اخلعه .. علشان بيشرب شاى

النهارده .. قريت خبر قتلنى م التفاهه

سلاموو عليكم الاول

زوجه تخلع زوجها بسبب وجبة كباب

أحالت المحكمة العامة بمكة المكرمة دعوى زوجة طالبت بالخلع إلى لجنة إصلاح البين

التي عجزت عن الآصلأح بينهما لتقترح التفريق بينهما على أن تعيد الزوجة نصف المهر .

كانت الزوجة قد دعت صديقاتها لتناول وجبة عشاء حيث طلبت من زوجها إحضار ثلاثة كيلو كباب

إلا أن الزوج احضر اثنين فقط .. وبعدما قدمت الزوجة الطعام لضيفاتها اكتشفت انه ليس كافيا

وشعرت بأن زوجها أوقعها في حرج بالغ. وتركت الزوجة على الفور زوجها وذهبت إلى بيت أهلها

ولم تفلح محاولات الزوج لإعادتها بعد اتهامها إياه بالبخل حيث تقدمت بطلب الخلع إلى المحكمة العامة

هع .. هعتين .. تلات هعااات .. مين هناااااااك

.

ده انا ع كده باذن الله .. ابو العيال يوم ميعطس واسمعله صوت

.

اطلب الخلع ع طول .. لا ولا مش ناقص ادخل الاقيه بياكل قدامىى

.

مطلع معلقه وبياكل .. اياااى .. ع بيت ابويا ع طول

.

ومش ناقص بقى غير انه يدخل التواليت زى بقية خلق الله

.

ده هيبقى بيستعبط اوى ... ولا ولا يكون بيلبس شبشب بصباع

.

او بيحب المسقعه ... ده يبقى اتجنن رسمى

.

تحبى تخلعى جوزك ليه يامدام ؟؟

بيحط برفيوم دااارك ماان وانا مبحبش ريحته ياسعادة القاضى

.

انشالله عنه مااحط ولا يحط كالونيه ست خمسات حتى

.

يالهوى ياجدعان وصلت تفاهة زوجه انها تخلع جوزها علشان جبلها

.

اتنين كيلو كباب بدل تلاته ... ياستى المحل شطب

.

انا افتكر زمان .. لما كان يرجع واحد لمراته يقولها

.

اخ نسيت اجبلك الخضار ونسيت ونسيت ونسيت ونسيت

.

وضيعت المرتب وعملت حادثه بالعربيه وفصلونى م الشغل

ولازم نعزل م هنا وهنقعد ف الشارع واحتمال اطلقك قريب

.

ترد هى عليه وبكل برائه .. المهم صحتك بالدنيا يااخويا

.

دلوقت لا صحه ولا بتاع

..

حبيبتى سورى جبتلك جلاكسى فلوتس .. بدل جلاكسى اللى بالبندق

.

طلقنى ياحبيبى

..

ياعينى ع قداسة الحياه الزوجيه

..

كان زمان الراجل يمسك مراته يعلقها ف عمود النور ولا حد يقوله هو ف ايه

.

.. قولنا ماشى معاكم حق حرام العنف ضد المراه

.

دلوقت بقت الستات هى اللى بتضرب اجوازها وبالشبشب وعهد الله وطلعوا فتوه انه حلال

.

كان زمان الراجل يهدد الست كل شويه بالطلاق

.

قولنا ماشى تاخد هى كمان حق الخلع علشان لو مطلع سيئتها تاخد حريتها منه

.

لكن تتخلع علشان جوزها بيمضغ ع الناحيه الشمال وهى بتمضغ ع الناحيه اليمين

.

هل كل مابنبعد عن شرع ربنا ياجماعه كل مابينهار المجتمع

.

التكنولوجيا ليها اضرارها

.

هتقعد ع كمبيوتر وتكلم عمك اللى ف غانا وخالتك اللى ف زمبابويا

.

بس ف نفس الوقت هيجلك استجمتزم (( نوع جديد م جلاكسى بالرومان

..

هل ع هذا الميزان نقدر نوزن .. قضيتنا النهارده

.

كل مابعدنا عن شرع ربنا كل ماانهار المجتمع

.

ربنا قال الراجل اللى يطلق .. عملنا الخلع .. ادى احنا شايفين

.

الشرع قال الراجل مأذون وقاضى وحاكم .. دلوقت بقى ف ست قاضيه ومأذونه وحاكمه

.

فعلا .. ربنا خلق الكون والبشريه .. وادانا كاتلووجه

.

شرع الله

..

عايزين بقى يطوروا ف الكتالووج .. يستحملواا بقى

.

الرامات هتضرب

..

والبروسيسور هيلم هدومه ويروح عند امه

.

علشان المزر بورد .. ظبطه .. متلبسا ...بيــ

.

يلا ان الله حليم ستار

.

وملحوظه لاى راجل .. قبل متكتبلها القايمه يابنى

.

تكتبلك هى قايمه بالافعال اللى ممكن تخلعك عليها

.

علشان تضمنلك مستقبلك برده

.

مش بعد متاخدك فورد ترميك فيات 124

.

وياستات .. بطلوااا تفاهه بقىىى

.

بدل متخلعيه علشان بيشرب شاى .. احبسيه ف اوضة الفيران

.

وخليه يشربه هناك براحته

.

القاكم عما قريب

راحه .. م .. اسلوبى اللاذع

ازيكم .. وحشتونى .. متشوفوش وحش

بما ان الجو سقعه اوى اوى اوى .. فانا والحمدلله اخيرا

ضميرى السياسى والوطنى والاجتماعى برد شويه

ولذلك فهديكم استراحه م اسلوبى اللازع يومين تلاته كده

ع ان نعود وبقوه مع بوست شديد الحساسيه

..

دى صوره م القاهره اليوم

مع مذيعى المفضل .. الصراحه عيلته كلها مفضله عندى

حدش يعرفلى عريس م عيلة اديب ياجدعان

سارع بالاتصال .. لك الاجر والثواب عند الله

.

ياراااااااااااااجل

هو البلوتوث ده اختراااع

الطب اتقدم ياولاه

.

يعنى ايه .. ادخل ياسمين احمد

اطلع نانسى احمد مثلا

مش بقولكم الطب اتقدم

.

انا اسمع عن قرض للبناء .. قرض علشان تجيب عربيه

قرض تجيب لاب توب حتى .. لكن قرض تجميل ده

حد معاه دولى .. علشان الحق اكلمهم
.

والله ولا اجدعها قهوجى

يقدر يرصها الرصه دى ..

احنا نرص حشيش .. وهما يرصوا الكترونيات
.

نام يانونو نام .. وانا اجبلك جوزين حمام

والله ولا قبلها ولا بعدها .. نومه م الاخر

ملحوظه حاولت اعمل ليا بردعه زى دى تحت السفره

بس للاسف مقدرتش تشيلنى

وااااااء
.

طبعا .. معروف العربيه دى كان بيتعمل عليها ايه

ده كبوت العربيه .. وعليه اشعه بالموجات الفوق وسطيه والتحت راسيه

للجهاز الهضمى ومافوق الحجاب الحاجز .. وسلميات الاصابع

.

ياااحنييين .. ياحساس
ياعاتفى .. هو ف كده ياناس

.

الكبير كبير .. والذ بكتير

والله ياابنى انت كبير وم حق الكبير يدلع فعلا

وع رمش عيونها

.

طبعا واضح الشقق دى هتتأجر ليه ..

طبعا

هتتفح بيوت .. د,, بيوت داعمه للمسنين

موزتى .. اعرى وارفع فيها مهما تطول السنين

السلامو عليكم ..

وعليكم السلام .. ازيك ياسمسمه يااختى

اهلا ياحبيبتى انشالله يخلهملك

النهارده جايه اكلمكم عن الاعداء .. الاخوه الاعداء

اولا بنسميهم اعداء ليه ..

لان لما تبقى حد نايم 12 ساعه كل يوم فانت عدو

ولما تبقى حد بتخرج برا بيتكم تتسرمح بواقع ساعتين يوميا

فانت عدوو

ولما تبقى حد بتنزل الجامعه مرتين ف الااسبوع المره ساعتين

فانت وبكل تاكيد عدو

وعندما تزيد عدد مرات ترددك ع كافتريا الكليه بواقع المره ربع ساعه ..

فانت ومما لاشك فيه عدو

ولما تزاكر قبل الامتحان بيومين وتزاكر عشر صفحات و8 منهم يجى الامتحان

ولما تبقى لا تفقه الفرق بين الصفحه الرئيسيه لجريدة الاخبار والاهرام ..

فانت بالدليل القاطع عدوو

وعندما تمتلك حساب ع الفيس بووك والهاى فيف والسكاى بى والياهو والهوت ميل والاى ام

.
اذن فمرحبا بك عزيزى العدو .. نحن نكرهك بشده

كيف تعرف العدو م ع بعد 30 متر ..

..

للعدو مواصفات مميزه ..

تجده مهندما .. الى حدا كبير .. قد يجعلك تفكر .. هو النهارده العيد

ولا الريس جاى .. هو ايه العيال النضيفه دى ع طول بتيجى م فين

تجد حذائه كلاسيكى لامع .. لتتساقط عليه احلامك واحلام بلدك كلها وتتكثف وتطلع تعمل بلونه

وتنفجر فوق نفوخك تحت اشعار اخر

تجد شعره .. مرتب خصيلات خصيلات تكسووه طبقه سميكه لامعه

لتجد نفسك ع وشك ان ترى انعكاس نفسك ف خصيلات شعره

لترددها ف نفسك .. ايه العواكس دى ياولاد

..

عندما تقترب م العدو .. وتقترب اكثر وتتوغل ..

تجد العدو مصاحب بهاله م الروائح الجميله جدا

فمتبقاش عارف .. امه بتغسل بداونى نسيم الصباح

ولا بيغسلوا باومو .. فتطرد م مخيخك الصغير هذه الافكار

وتنتهى لاستناج واحد .. ايه العيال اللى راسمالها منظرها دى

(( ماهو مش حيلته غيره بعيد عنك ))

..

عندما تنظر بغته ف عين العدو ..

تجده سعيدا ببلاهه تكاد تتناثر اشلائه امامك معبره عن سعادتها المطلقه

لتخرج لك لسانها وتقولك .. يامواطن يابائس

(( انا بائس يااشلاء مش لاقيه اللى يلمك ))


كيف يمضى العدو وقته ..

يستيقظ العدو صباحا (( الساعه 12 ف ادان الضهر يعنى ))

يتذكر انه لاطع البت مها مستنياه ف مدرج اداب .. ليرتدى البدى الاسود والبنطلون اللو ويست الرمادى

والشوز الكلاسيكى البحت .. ايون اللى بتتكاثف عليه احلامك ده

ينزل فورا .. ويصل للكليه

ما بين نزوله ووصوله .. فارق زمنى ساعتين

امضاهم ف التلطيع مع كل م لمحتهم عيناه ف الشارع

ليدخل الجامعه

احمد يامااااان اشوفك امس

وليد استنيتك بروح امك

صباحو يازياده ..

بهجت ننوس عينها فينك يابرنس

مها ازيك يامها .. قلبى يامها .. نور عينى يامها

صافى ارحمينى م نظراتك .. دوبت ف حبك دوب

ايه ياشاهى انتى حلويتى كده ليه يابت .. بالبرسيمى اللى انتى لبساه ده

يذهبوا جميعا للكافتريا .. ثم الى جنينة الجامعه

ليتبارواا ف المسك واللمز والغمز والكوشتينه والشطرنج وسلطح

ليعلنوها ف نفس واحد .. الحرس بيطرد الناسس ياجماعه يلا نقوم

وهذا هو تقليدهم الدراسى البحت مبيمشوش الا لما الحرس يطردهم

قد ايه حرص ف طلب العلم ..

يخرج الاعداء بعد يوم مضنى يصلوا الى منازلهم

ومابين فتحهم لباب الشقه وبين خروجهم م الجامعه ساعتين فارق زمنى ايضا

امضاهم كلا ع حده ف التلطيع ما بين المخطره والمعاكسات

يتغدوا ويريحوا ساعه بعد هذا المجهود القاتل جداااا

تدق الساعه ال 8 ف اذان العشاء .. ليخرج نفير الحرب .. توووووووووووووووووت

يتسارع جميع الاعداء فردا فردا ليلبوا نداء الوطن

وع انغام والله وعملوها الرجاله ووقفوا وقفة رجاله ...

يتبارى الجميع ف وقفتهم ع ناصية الحى ..

اللى بعربيته واللى بعجلته واللى برجله

المهم ان الكل بيوقف بما اوتى م قوه .. ف سبيل الله

خمس ساعات م الكلام والاراء الجباره

والتى لو كانت مصر امراه لها اذنين وسمعت كلامهم بصراصير ودانها

كانت خلعت هدومها ف ميدان عام ورقعت بالصوت الحيانىىى

ف نهاية الوقفه .. يتجمع الاعداء ليحزنوا حزنا شديدا بتجاهل

المؤسسات الدوليه والوطنيه ليهم ولارائهم .. واللى لو بس انصتوا لارائهم وخبرتهم

لكان زمن بيوت مصر كلها مفتوحه لمزاكرة الكميا واللى يسقط يزاكروله احياء

.. يترك الاعداء الناصيه بعد ان تتجمع حولهم كلاب المنطقه معلنه

بان خلاص وقت البنى ادمين خلص .. متغوروا ف داهيه منك له بقى

ليخيم الظلام ع المكان .. لا تضيئه سوى لمحات م اشعه حمراء

ناتجه عن احتراق وريقات التبغ الباقيه ف عقاب سجاير المالبرو وال ام

ليذهب كل عدو الى بيته يفتح جهاز الكمبيوتر خاصته ..

ليتفقد احوال المزز النتيه الجامدين فحت ..

ويتعرفلوا ع كام مززه لتوطيد العلاقات المصريه بالعالم كله م الجنسيات المختلفه

م الفيس بووك للهاى فيف للهوتميل لشات مصراوى ...

انا هانى .. م المعادى وبدرس بزنس ادمنستريشن

ف نفس ذات اللحظه يفتح كونفرسيشن اخر .. مع اخرى

انا تامر .. لبنانى وجاى سياحه كام يوم ف مصر

ليسطرها ككومينت ع صوره لاخت كوستاريكيه ترتدى م الملابس ما لا يكفى لستر وليد يبلغ م العمر 20 دقيقه

انتى جامده كده ليه ..!! .. (( مش بقلك بيدعيم العلاقات ياعم ))

لينتهى يومه مؤسسا جروبا جديدا ع الفيس بوك بعنوان .. للتعارف الشفاف فقط

ولا اخفى عليك سرااا الالتزام الدينى .. فهم لا يناموا مطلقاااا

الا بعد ان يسمعوا اذان الفجر كاملاااا وينتظروا اقامة الصلاه .. وبعدين ينامواا

.............

دول اعدائنا واعداء بلدنا .. وللاسف هما اخواتنا واصحابنا واولادنا وشبابنا

دول اللى جايبنا وراا .. ودول اللى بيهم ممكن نطلع قدام

ده شاب مصرى ..

فرفش تعش تنتعتش ..

ناسيا او لست ادرى متناسيا ..

ان هناك مايسمى بالدين وتعاليمه ..

او مايسمى بالاخلاق والاخلاقيات ..

او مايسمى بالسلوكيات وحرمة الطريق ..

كل مايشغل باله .. الحرمه .. بس حرمه م لحم ودم وعضلات

يأكل ويثرثر وينام ...

ارى م الظلم للحمار .. ان نطلق عليهم هذا المسمى

فالحمار يبذل م المجهود ولو تركنا له الفرصه يفكر ..

ستخرج منه باراء تجبرك ع احترامها ..

بعكس التفاهه التى يحيى ويموت فيها هؤلاء الشباب

واللى بقعده واحده معاهم ..

ان لم تخرج م تحت ايديهم .. mental retardation

ابشررر فانت تملك م القوى العصبيه والنفسيه مايكفيك لتحمل ضغط

كوندليزا ريس وعلى مصيلحى ونيكولا ساركوزا مع جورج بوش .. ان يحادثونك ف وقت واحد

...

مش بقول ان الكل كده طبعا .. بس الاغلب بقى كده

قد ايه بفرح لما بشوف شباب ف سنى او اصغر لسه بيفككر ولسه بيتكلم كلام

يفرض عليك احترام عقليته وتفكيره ..

يارب يهدى جميع شبابنااا ويبارك ف الكويس ويزيدهم يارررب ..

ملحوظه ...

والنبى شباب بالمواصفات دى .. يغنولهم خلى عيونكم عليها خلى ايديكوا ف اديها يامصر تعيشى لينا

ولا اخفيكم سراا ..هما فعلا بيسموعها وحافظينها عن ظهر قلب
.
.
خلى عيونكم عليها خلى ايديكوا ف ايديها يا موزه تعيشى لينا

ساعة الجد تلاقينا شيلين مطوتنا ف ادينا حالفين للى يعاديها

موزتنا .. رجالتك مستعدين ..

موزتى الود ودى .. احضن ايديكى بيدى

واشيلك جوا عينى .. اصل انتى غاليه عندى

موزتى الله حاميها .. حاطين ايديهم عليها ..

هنعرى ونرفع فيها مهما تطول السنين

موزتى اجمل جميله .. بلنسز زرقا وكحيله

موزتى كريمه واصيله .. لو رن ع تلفونها مين

...

باخسارة الرحله ..

شكراا

ولكم منى ارق التحيات

المؤامره .. كلكم عليا ولا ايه

العواف

..
يحكى ان ان وان ... الصراحه

.

مش عارفه اول مااقول الصراحه دى بحس انى هكدب ههههههه

الصراحه الصراحه .. انى حاسه بانفراجه ف شعورى الوجدانى

معرفش ده علشان خلصنا الراوند التانى

.

ولا علشان حضرت البرزنتيشن بتاع روند 1 واتاكدت ان احنا شغلنا ف الكوبسى كان برقبتهم

ملحوظه .. لو انت مش ف طب متحاولش تفهم السطر اللى فوق ده

ملحوظه تانيه .. لو انت ااقل م 4 طب فبرده متحاولش تفهمه

بس المهم انى حاسه بانفراجه وخلاص ... ديمها علينا يارب انفراجه

.

وبارك ف زاويتها الحرجه

الجو برد جدااا ... النهارده واحده بقولها الجو برد بقى احنا ف طوبه

قالتلى اه الرطوبه عاليه اوى

...

مرضتش طبعا اوضحلها الكلمه علشان البنت متتقهرش ع سمعها اللى راح ف الكليه

ولا نظرها ايام مكان عندها نظر .. كله راح كله اتكسرررررررررر

مش عارفه ياجدعان انا حاسه ان احنا كل مبنكبر سنه ف الكليه

.

كل مبنكش وبتزيد علينا ملامح الشيخوخه

ندخل بقى ف الموضوع

حاسب ياابنى وانت داخل .. خد بالك م البلاطه المكسوره

صلو ع النبى .. امبارح بليل كنت ف حديث شيق مع ناس مايتخيروش عنكم

ثقافة ايه ورجاحة عقل ايه وكاريزما ايه وكيبورد ايه

...

الواحد منهم يتفك بتلاته نايتى

كنا بنتكلم عن نظرية المؤامره .. هل فعلا الشعب المصرى

بقى مريض بالمؤامره

طبعا مش محتاجه اقلكم .. احم احم ..

انى انا اللى افتتحت المناقشه وانا اللى رشيت الميه

...
وكعادتى مع كل فكره بطلقها م نفوخى العامر بالافكار الشاذه

.

بتقابل باستهجان شديد م كل المحيطين بيا

فالصراحه .. انا خدت بالجزم .. لاااااااااا مخدتهاش ع دماغى

عيب ياشخص تظن فيا كده .. اخدتها تذكار طبعا

ليه دلوقت ....

تقابل اى حد ف الشارع يقلك اصل البلد .. اصل ولاد الحرميه .. اصل اصل

ابنك لو سقط ف الامتحان هيقلك يابابا اصلها كوسه يابابا

عماره وقعت اصل الحى ومهندسينه واكلينها والعه يابيه

واحد مسلم او مسيحى غير دينه .. اصل معرفش ايه والدول الخارجيه

.

وتمويل خارجى ودسائس وفطير وباتيه بالجبنه

روحت محترم تجدد رخصة عربيتك الغير محترمه لقيت عليها غرامات .. اصل ولاد الحرميه

ابن العميد بتاع كليتك طلع اول دفعتكم .. اصل ولاد ستين ف سبعين فاكرينها وراثه

الاهلى خسر الماتش

..
يطلع المدرب يقولك .. اصل ياجماعه الظروف الجويه كانت غير ملائمه .. اللاعيبه كانت لابسه شورتات خفيفه

تطلع اللاعيبه تقول .. اصل والله الحكم ابن الظالمه .. كان لينا ضربة جزاء مستحقه

يطلع الحكم يقولك .. انا واثق م نفسى .. دوروا ع الباقيين

تطلع الظروف الجويه تقولك .. لا تكشف راسها وتدعى عليهم كلهم

ليه دايما نظرية المؤامره متحكمه فينااااااااا

حضرتك شلت ماده .. اصل الدكتور ف يوم عديت وبصتله بصه م تحت النداره فهو اتغاظ منى وقال لازم اشيلك

حال البلد وحش .. اصل حكامها ومسئولينها ناهبينها

ست ام احمد اتخانقت مع جوزها .. اصل نفيسه جارتهم عملاله عمل .. او اصل اخته الناقصه مقوماه عليها

الملكه ديانا ماتت .. اصل معرفش مين دبرلهم الحادثه

فيلم الممثله هانم طالعه السلالم فشل .. اصل الفنانه هايدى اللى هيا والحته الجونيه

.

وست ابوها تئامرواا عليها وضيعولها الفيلم

.

لقيوا افلام ومشاهد مش ولابد للفنانه نازك اللى ماشيه بشرفها ..

.

اصل الفنانه التانيه اتغاظت م نجاحها المبهر فحبت تضيعها فتئامرت عليها

.
ياخوفى ف يوم م الايام يجيلى عيان .. اقوله مالك ياحاج .. يقولى اصل جسمى متئامر عليا .. اعضائه عملت ثوره
.
دور وفتش ف نفسك انت كمان .. هتلاقى عدى عليك موقف ع اقل تقدير .. رجعت وفسرته نسبه للمؤامره

.
ليه لما حاجه تحصل منقولش .. قضاء وقدر .. او احنا غلطنا ف كزا علشان كده حصلت الحاجه دى

مش اول الاسباب دايما نلجأ للمؤامره

ليه منفكرش ف الحاجه م زوايا كامله ناخدها فوميين تفكيرر لحد متقرح ف ادينا

.
ولا هل بنستسهل ونشترى دماغنا

..
معاك ياباشا ان ف فعلا حجات بتبقى مؤامره ونص

.
ع راسى ياباشا .. ع راسى م فوق كمان

.
بس مش كل حاجه بتحصلنا تبقى مؤامره

.
هل الشعب المصرى م كتر اللى شافوه ع وشك انحدار نفسى

واوله هو المؤامره

..
هل ف يوم م الايام هنمشى .. وكل واحد بيتلفت للى جنبه

وخايف يجى حد م ورا يضربه ع قفاه

..
هل اى حد هيحط ايده ف جيبه هتنتظر انه يطلعلك مطواه

..

وهتفاجا انه مطلع المنديل يمسح عرقه

علشان هو كمان نظرية المؤامره هدتله حيله وجابتله هرنيااا

هل تحديات المجتمع والمعوقات والصعوبات اللى عايشنها

.

والزمن اللى بقى ع رقبتنا زى السكينه

بتنحر فينا وف اخلاقنا وف صحتنا وف نفسيتنا

..
ومما لاشك فيه انها بتنحر طبعا ... زى السكينه ف الحلاوه

.
ع فكره

..
ف ناس وحشيين بتحركهم اغراض دنيئه واقفين ع باب المدونه

بيضربوا اى حد يدخل عندى

..
علشان كده مش هلاقى منكم اى كومينات ياحبايبى

شوفتوا المؤامره

.
بلد بتاعة مؤامرااااااااااااااات صحيح

كلكم عليااااااااااااا ولا ايه

انا عايزه احب واتحب

اضع بين ايديكم اليوم .. موضوع غريب جدا

ده حديث دار بينى وبين احدى زميلاتى فى الكليه المصونه

وانا استأذنتها انى انقلهلكم هنا فردت وقالت

,, وريهلهم يمكن يحسوا باللى انا كنت فيه ويعرفوا فضلك عليا ,,

لا فضل ولا حاجه ياشيخه عيب تقولى كده .. احنا ولايا زى بعض لوووول

البنت عباره عن قنبله موقوته كانت على وشك الانفجار فعلا

وهذه البنت مقدما كده مش انا وربنا

كل ماكان يشغلها ف الحياه انها .. عايزه تحب وتتحب

البنت ع درجه كبيره جدا م التدين وحتى علاقاتها بزملائنا الاولاد ف الكليه

محدوده جدااا تصل الى العدم اصلا وملهاش لا ف اللف ولا الدوران

كعادة كل بنات كليتنا المصونه

بس برده كل انسان منا وليه مشاعيره

هو الانسان ايه غير بنطلون وتيشيرت وشوية مشاعر فوق بعض

تحكى هذه الفتاه فتقول ..

شايفه ياياسمين .. كل البنات اتخطبت وبقت ماشيه مع خطيبها ورايحه وجايه

ويتصل يقولها وحشتينى وهى تعمل نفسها مكسوفه وم جواها هو واحشها مليون مره

يقولها بحبك .. ويجبلها ايس كريم

,, ايون انا عملت زيكم اول ماسمعت ايس كريم ده جبت الارض م الضحك ,,

قلتلها ياستى لو ع الايس كريم منتى كل يوم بتاكليه معانا

فردت وقالت .. وهى خلقكم دى خلللق .. قلتلها اه فعلا الواحد محتاج يجدد مناظر

الحب ده .. ااااااااااااااااه .. ولقتلكم عنيها دمعتت .. وع وشك الانفجار فعلا

فاخدت الموضوع بجديه وقولتلها قمستك ونصيبك هيجولك اكيد

وحوشى عاطفيتك اللى هتغرقنى ده ..

قسمتى ونصيبى ماكل يوم بيجولى .. بس بابا الهى ... ربنا يهديه

المهم تبينت ان البنت طبعا كحال كل البنات بيجيلها عرسان طبعا

والسيد والدها المحترم بيطفشهم بكل سلاسه حتى بدون الرجوع عليها

بحجة ان لسه قدامها كتير ف التعليم ..

الخلاصه بقى ,,

ان البت هتحب ع روحها .. وبتقف تبص لكل الكوبلات اللى عندنا ف الكليه

بكمية غل مصاحبه بشلحة حقد مضاف اليهم ملعقة يارتنى كونت مكانك يامعصعصه

ومش كان حاكمها بجد غير دينها ..

انا مبقلش انها كانت ع وشك الانحراف .. لا .. ولا هو ده المضمون

النظريه كلها البنت كانت عايزه تحب ياجدعاااااااااااااااااان

وانا مروحه ف العربيه مع بابا حقا ترددت وكنت ع وشك ان افاتحه

واخد راية ف الموضوع ده .. كعادتى دايما مع بابا انى بستنجد بخبرته

بس معرفش ايه اللى شلضم لسانى واكتفيت باختلاس النظر ع كل الكوبلات اللى ماشيه ف الشارع

وافتكرت ايام الفلانتين ,, انا لا اطيق هذا اليوم بهذا المسمى ,,

بس ارجع واقول الفكره نفسها .. وكل اتنين مختوبين جايبين هدايا لبعض وبيعبروا عن حبهم

واحنا قاعدين زى عواجيز الفرح نتفرج عليهم ...

فوجدت انى الاخرى

كثيرا وكثيرا تمنيت ان اكون مكانها .. ياتى اليها ممسكا ورده

فاقول له يااما جاب الغراب لامه ههههههههههههه

حقا هذه هى رومانسيتى لكنها طبعا كانت هتقوله وحشتنى ياحبيبى

فعلا حق لكل انسان انه يحب ويتحب .. مين منكم ممكن ينفجر لو ملوش اصدقاء

يحبهم ويحبوه .. ومين منكم منفسوش يحب ويتحب

حب برىء .. مشاعر واحاسيس ناصعة البياض ,, مغسوله بأومو

اى دين واى دستور لا يكفل هذا الحق

اذن هو حق لكل انسان انه يحب ويتحبب .. مش انه يتجوز

اصل بعد الكلام ده كله حاسه انى مش عارفه اوصلكم وجهة النظر

بنتكلم عن الحببببب ياجماعه .. الحب البرىءءءءء ابو قلب ابيض ده

وعندما توصلت لهذه الحقيقه .. رفعت سماعة التلفون مباشرة

محدثه ماما صاحبتى .. وحقا كانت جرأة المجنون

وقولتلها اللى فيه النصيب .. وكانت النتيجه

هذه الفتاه ع موعد مع قراية فاتحتها يوم الخميس المقبل

ع ان تعقد حفله ع الضيق يوم السبت الموافق 26/1 ويلبسوا شبكه

لن ولم ولا استطيع ان اصف لكم كم تبدل حال هذه الفتاه ع النقيض تماما

بقت زى الورده اللى اجتمعت فيها الوان الدنيا وصبغتها بلون مختلف

واجتمعت فيها روايح الدنيا واكسبتها طعم ونكهه وريحه مميزه

فتذكرت مقولة امى لما نروح نزور اى عروسه ونباركلها

فتقلها .. هى اللى بتتجوز بتحلو كده ..

طبعا لازم تحلو مش لقيت نصها التانى

اوعدنا ياااااااااااااارب ..

وهذه محادثه م اخرى تحادث زوجها عبر الماسنجر ..

يعنى هما مكتوب كتابهم وفاضلهم شهر ويتجوزوا

ذاتــــــــــــــــــــــــــــي is now Offline

نـــــــــــ: احلى باك

نـــــــــــ: وحشتينى على فكرة

نـــــــــــ: يعنى انتى غيبتى حوالى 20 ثانية

نـــــــــــ: و الثانية فيها حوالى 15 فيمتو ثانية

نـــــــــــ: يبقا الناتج حوالى 300 فيمتو ثانية

نـــــــــــ: و الفيمتو ثانية فيها حوالى مليون ذرة حب بقلبى ليكى

نـــــــــــ: تبقى وحشتينى حوالى تلاتة مليار ذرة حب

نـــــــــــ: و ذرة حبى الواحدة لعيونك تساوى فى مكنونها شمس من الشموس

نـــــــــــ: يعنى وحشتينى قد تلاتة مليار شمس او نجم سماوى

نـــــــــــ: وحشتينى فى الحبة دول قد الكون كللة

نـــــــــــ: وحشتينى

ياحنيييييين ياعاتفى هو ف كده ياناس

ملحوظه متملحظه :: ليها حق البت تتعقد والله تلاقيها قرتلها كام محادثه م دول

نصيحه لكل اب لبنت او لولد .. لازم تحط ف حسابك ان ليهم مشاعر واحاسيس

مينفعش تتجاهلها ولو مفيش فرصه ان بنتك او ابنك يرتبط حاليا

ممكن تفضل جنبه ف اصعب فتره ممكن تمر ف حياته وتحاول تسد الفراغ العاطفى بتاعه

لحد ما ربنا يرزقه بشريك حياته بالصوره اللى ترضى دينه وربه

.

وملحوظه كمان علشان محدش يفتكر ان احنا بننشر الرزيله ولاا حاجه

ههههههههههههههههههههههه اكررر احنا بنتكلم عن الحب الصافى

الذى لا تشوبه شائبه ... اشتته يارب بعد ده كله متفهمش غلط

واختم بهذا البيت والذى دوما ما يردده د/ علاء الفقى

استاذ الانف والاذن بالكليه عندنا

اذا انت لم تعشق ولم تدر مالهوى قم فاعتلف تبنا فانت حمار

.

واسال الله ان يرزقنى واياكم بالشريك الصالح

اللى يعينا ع عبادته ومواصلة المسيره ف الحياه

سجـارة حشيـش لكـل مواطـن

كنت بقلب ف دفاترى القديمه .. لقيت الموضوع ده

ظاهره انتشرت اوى الحشيش ... معاك ولاعه يابنى

ندخل ف الموضوع كل واحد ياخد نفس كبير .. يلا

مش م السجاره اللى ف ايدك ياعم

موضوعنا النهارده جامد اوى والله العظيم جامد بجد ولو فضل ماشيين بالطريقه ده ..

10 سنين بالكتير وهنبقى زى امريكا تحرر دينى وعقائدى وجنسى وفكرى ...

الحياه هتبقى سووده سووده يعنى

مؤخرا انتشرت ظاهرة الشيشه ف اوساط الشباب ..

وانتقلت للبنات الهاى كلاس فعلا مهو يعنى البنات مش نفسهم يجربوا هما كمان .... اشته

الولاد معجبهمش .. هتشيش ايه يابنى متسترجل شويه بقى وتسيبك من كيف البنات ده ..

اديلو حشيش ...

البنات مسكتتش طبعا ...

يعنى ايه الولاد تعمل دماغ احسن مننا اديلو هما كمان حشيش

...
اوك الحشيش والبانجو والهرويين والكوكايين حبوب الصراصير

والطوابع والماكس وكل ده موجود من ايام حتشبثوت يعنى

بس ان الشباب تشربه ف اماكن عامه وتقول ده حريه شخصيه .. لا هنا وستوب

او ان الشباب تردد مبدا انه مش ادمان وانه بيعلى النفوخ وبيخليك تركز والافكار العبيطه ده ..

فبرده هنا وستوب معلش بقى

رجع دماغك لورا .. ركز معايا
يلا مووووف

اضرار الحشيش طبيا واللى انا واصغر حد ف طب عارفها...

هلوسه وده طبعا اخرتها هتحس انك عيل اهبل ماشى مش عارف ف ايه

عدم الشعور بالمكان والزمان يعنى يامحترم لو سايق عربيتك وقدامك كلب معدى وبينك وبينه متر هتحس ان يااااااه ده هناك اهو كلب بيعدى ..

علبال متيجى تفرمل سيادتك هتكون طحنته وعديته وبقيت ف حى تانى اصلا

ومحدش يبصلى ويفتكر الكلب اللى دهسته قبل كده .. ده كان قضاء وقدر مش حشيش وقدر

تدمير خلايا المخ المسئوله عن التفكير والتركيزهتلاقى نفسك اووووو ف الروقان شويه ناسى الشهر ده شهر ايه بعدها ناسى عنوان بيتكم بعدها ناسى اسمك واسم اللى خلفوك وسلملى ع المترو

تدمير القدره الجنسيه ع المدى البعيد مش زى مالكل فاكر يعنى انه تمام واى عريس دلوقت ميقمش من الكوشه طبعا الا وف جيبه حتة الحشيش ... بس صدقنى هتقضيها ليله سوده اصلا عليك وعليها وسلام كبير لام العريس

الاعراض المزمنه الملازمه للادمان .. قىء واسهال وامساك وفقدان شهيه وعنيك تحمر وتخضر وع طول شايلى ف جيبك قطرة بروزالين ب2 جنيه ونص علشان اول متحمر تحط منها ع طول

... لا بس الحركه ده نافعه ف حاجه واحده .. ندارات ريبان اى حد دلوقت تشوفه لابس ريبان اعرف انه حشاش ع طول هععع

تغيير ف الكميكل مدياتورز (( العوامل الطبيعيه )) المسئوله عن الحاله المزاجيه .. شويه مصدع شويه طاير شويه تضحك شويه تعيط يعنى زى ماقلت هتبقى اهبل ...

ع المستوى القانوى انت طبعا بتحط نفسك تحت طائلة القانون

المحيطين ليك ... حاجه لذيذه اوى بتقول ان كل مدمن بيتسبب بادمان خمسه غيره ع طول فترة ادمانه ... وسمعنى سلام احنا شباب الجيل الهابط

الفلوس طبعا بما ان اسعار الحجات ده عليت اوى ولو ان الفلوس مبقتش بتفرق اوى .. كلنا بقينا معانا فلوس وكتير الحمدلله فخلاص البوينت ده مبقاش مأثر

دينيا وده مش هنتكلم فيها كتير ربنا قال متحطوش نفسكم ف التهلكه ... وان اى حاجه تذهب العقل حرام من مسكرات لمكيفات للسجاير نفسها حتى لو فاضيه يعنى ..

يعنى هتقضيها ولعه ف دنيتك وف اخرتك ... قول اميين

طيب بنى ادم حشاش ,,, بنى ادم عينه حمرا .. ايده بترتعش من ان ال اخر ف بداية مرحلة الادمان .. مزاجيا متقلب ... فاقد الشهيه .. يعنى سهل يتعرف من وسط مليون (( الكلام ده ينفع ايام مكان الحشاش او المدمن منبوذ اجتماعيا ))

لكن دلوقت كل ماتعلى وتعلى وتعلى (( ف الكلاس )) كل مانتطاطى نتطاطى نتطاطى (( ف اخلاقنا ))

دلوقت البنت الهاى هى اللى بتضرب .. تضرب حشيش تضرب حبوب تضرب اختها

بس المهم تضرب

وع ملأ سمع وابصار الجميع

ف حمامات الكليه .. ف كافيهات .. ف شارع الحب ف جامعة القاهره وحارة اليهود اللى ف جامعتنا .. الجامعات الخاصه .. النوادى العريقه .. المقطم .. ف كل حته دلوقت زى مابقى التحرش ف كل حته بقى التحشيش ف كل حته

طيب الظاهره منتشره بصوره مرعبه جدا جدا جدا واتكلمنا عن اضرارها بس عايزين نرد ع حاجتين
اللى بيقولوا ان ف دراسه علميه طبيه اثبتت ان الحشيش والبانجو مش ادمان ...

حضرتك لا انت دكتور ولا انت صيدلى ولا انت كيمائى علشان تقول كده ..

انت حتة عيل (( سورى ماهو لو انت راجل مكنتش تقول الكلام الاهبل ده ))

عيل روش طحن تلات اربع كلامه انجلش قرالوا كلمتين ع النت ف موقع الله اعلم اصله ايه وتمويله ايه واللى واقفين وراه مين ...

كلام عبيط واهبل وذاكره قريبه وذاكره بعيده

يااخى هأأأأو لو انت وكل الشباب بيفكروا بالطريقه ده .. يبقى عليه السلامه فعلا

الحشيش ادمان ادمان ادمان ادمان وللناس اللى مبتفهمش عربى

hash is addiction addiction addicition

والله ادمااااااااااااان اينعم اعراض الانسحابيه مبتكنش بالصوره القاسيه اللى بتبقى مصاحبه للهروين والمورفين والكوكايين بس ع المدى البعيد بيبقى ابشع م المورفين يااخى ...

المورفين هيقضى عليك ف سنتين بالكتير.. الحشيش هيحولك اهبل تلات سنين وتعيش بقية حياتك اهبل بقى

وهو ده الفايده من الحشيششششش ليه المخططات الوافده من الخارج

بغرض تدمير شباب البلد دى بقت بتروج للحشيش بالشكل البشع ده لانه فعلا ابشع من الهرويين والمورفين
هيطلع شباب ف البيباى هو هيستفيد ايه لما المدمن يدمن ويموت بعدها بسنتين ولا يروح ف مصيبه ..

تؤتؤ هو يهمه ان المدمن يفضل تاييه كده يتحرش يسرق يقتل يعمل اللى يعمله بقى ...

حرام ياشبابنا ويبناتنا فوقوا وحياة ابوكم بقى لو هتاخدى سجارة الحشيش وتفوقك يوم ولا تعلى دماغك اسبوع بس انتى هتضيعينا كددده هتضيع نفسك وتضيعينا معاكى ارحمونااااااا ...

ارحمى جيل جاى ... ولادك دول هيبقوا عاملين ازاى

اارحموااا جيل راح يعلى ويرفع ف البلدى دى وانتو دلوقت جايين تضيعووها

مش هقلك منظرك وانتى بتشرب السيجاره وبتاخدى النفس كده ولا انت بتشد الشيشه وتسحبها ع صدرك ....

لا باشا يابنى
راعى ربنا فى صحتك ومالك واهلك وبلدك

فوقوااا بقى ... مهو لما يطلع واحد ويقول ايوه ااقبل ان مراتى او اختى يحششوا بكره هيقول ااقبل ان مراتى او امى يمشوا مع اى حد بقى(( وسورى ف اللفظ ))

بس بجد الكلام يحزن ياجماعه ...

زى مافى كتير باظوا فى كتير لسه كويس بس لو مشينا بالمعدل ده

مش هيبقى ف حد كويس والبلد دى هتضيع

ومفيش حاجه تهد حيل البلد وتضرب شبابها غير المخدرات والجنس وماشاء الله الاتنين بقوا موجودين وع قفا مين يشيل

تحرش جنسى .. زنا محارم ... حشيش ... بانجو ...

هما ميهمهمش فلوسكم عندهم فلوس كتييير والله اللى يهمهم يضيعوكم وشويه شويه هيبقى توزيع الحشيش

فور فرررى وهيبقى سيجارة حشيش لكل مواطن
وبدل ماهو مكتوب ف المترو ووسائل المواصلات هيتكتب ممنوع التحشيش ف الاماكن العامه

لووول

زمان كان ف امه عايزه تهجم وتحارب امه تانيه بس الصراحه مش متزكره الاسماء ههههه الظاهر اتسطلت ع الريحه
بعتوا جاسوس يشوف الامه ده حالها ايه راح الراجل مشكور ولقى ولد بيعيط بحرقه اوى طفل ست سنين

... ايه يابنى فى ايه اصل وانا ف مسابقة الرمح ضربت اربعه وضيعت واحده
رجع الراجل قالهم بس عندكم الناس ده اعيلهم بيعيط ع ضربة رمح ضاعت منه هتروحوا فين ..

دول يقطعوكم
وبعد سنين رجع الراجل لقى قعده وفيها رقاصه وغنا وطرب وياليل ياعين ورجع

وقالهم يلا هو ده الوقت المناسب
فعلا هو ده الوقت المناسب ... هو ده الوقت المناسب
مخلاص 6 اكتوبر راحت دلوقت بقى شبابنا بيعمل المستحيل ان شا الله يقطع صوباع رجله ولا ايده علشان ميدخلش الجيش ...
هو ده الوقت المناسب ... هو ده الوقت المناسب

مخلاص راحت النخوه لما كان بس بنت تتعاكس وايه من ع بعد وتسمع كلمه متعجبهاش كانت بتقوم ملحمه شعبيه والكل بيشترك فيها ...

دلوقت ياجماعه بقت البنات بتتخطف قدام عيون الناس ومحدش بيتحرك
ولا دلوقت البنات والامهات بقت بيغتصبوا من اولادهم واخواتهم اللى مفروض اكتر ناس يدافعوا عنهم ويحموهم وهنا وف مصر مش بره يعنى

بس لااااااااااااااا ده مش الوقت المناسب احنا لسه فايقين يامستر جون ويامسزز برايت مش هنسيبكم تعملوا كده بسهووووله

يلا ياشباب اللى يعرف حد بيعمل اللى قلناه ده يفوقه ...

قوموا بقى قبل منضيع ومنلاقلناش مكان فيهاااااا

ده كان موضوع كتبته تعليقا ع مشهد لولد خريج جامعه امريكيه اتسال انت بتشرب حشيش

قال اه .. تقبل ان حد م اهلك يشربوا قال اه هما اوردى بيشربوا ..

لكم منى ارق الامنيات والدعوات

ربنا يحفظكم ويبارك فيكم

فكرة واعداد وتنفيذد/اجدع بنوته

لوووك ع النيو لوووك

ايه الحلاوه دى .. ايه العك ده

..

الحمدلله كانت الولاده متعثره بس تمت بنجاح

..

وحصلت ع مولودى البرمجى الاول

..

اينعم شكله مش ولابد .

..

بس دى اول تجربه تطبيقيه ليا والله

..

فاتمنى ان يحظى النيو لوك بتاع المدونه ع رضاء الجميع

..

ومحدش يقول وحش .. جاملونى ايوه جاملونى

..

ده انا طلع عينى لما عملته

..

لا طبعا بهزر .. عايزه الانتقادات تنزل عليا مطرررر

..

وبعتزر وبششده عن انقطاعى فتره عن زيارة مدوناتكم الحبيبه جدا الى قلبى

..

كذلك الرد ع كومنتاتكم السابقه

..

لان كان ف ظروف معاكسه الواحد امتحانات .. وناس بتموت وتفارق .. وناس بتتولد

..

مكنتش عايزه افتكر الصراحه

..

بس محستش غير ودموعى نازله ..

..

او بمعنى اصح انا فاكره بس عامله ناسيه

..

طبعا اول ماجيت ع التدوين شوفت مدونة شيماء وداليا وبهلوله رحمهم الله

..

بس لما الموت بيقرب منك اوى بتحس بيه اوى

..

ربنا يرحمها يارب ,, هى بنت كانت ف سننا ,,

..

صوتها بيرن ف ودانى لحد دلوقت .. ضحكتها .. بسمتها ..

..

لزمتها اللى مكنتش بتفارقها .. يانكد فوكك منى ..

..

يااااااه يا يمنى ..

..

م فرحة البكالريوس .. لسرير المرض .. وخلاص سبتينا

..

اسفه ياجماعه لو كنت نكدت عليكم ..

..

بس .. بس ايه .. مش لاقيه حاجه اقولها غير ,,

..

يا نكد فوكك منى

..

امانه اى حد يقرا البوست ده ..

..

يقرالها الفاتحه

..

ربنا يرحمها هى واموات المسلمين

..

صعب عليا اوى انى احط الكلام ده ف بوست اوله فرحه ونجوم

..

بس هى عودتنا كده .. ف عز الحزن .. لازم نبتسم

..

والا وشنا هيشقق ياعيال ..هيحوشنى كلامك يايومى

..

مبـارك مـش ..

مبـارك .. مـش

.

يسقط الاستقلاااااااااااال

..

وادحرج واجرى يارومان .. واتنطط ع حجرى يارومان

..
معرفش ياجماعه .. بقالى فتره ضرسى الوطنى بينقح عليا

..
والهى مايوريك لما ضرسك الوطنى يقوم عليك

...
اووووووف ولا جريدة معارضه تريحك .. ولا حتى اقراص العيش البلدى

.
وللا حتى لو حدفت نفسك تحت احدى قطارات هيئة السكك الحديد

.
وزاد التين .. بله ..
عندى بت صاحبتى بتنطق الطين بطريقه .. تخليك هتدوب ف تين البلد كله

.
اللى زاده بله .. انى شوفت صوره خلت جسمى كله يعمل ثوره سياسيه اللى هى الصوره اللى فوق دى ..

.
المهم قولت لابد م وقفه

...
وف ملحمه سيذكرها التاريخ

..
الثوره السمسميه ... وف يوم الجمعه الساعه التاسعه ليلا

..

اتجهت الجيوش بقيادة الزعيمه سمسمه .. مرتديه الايس كاب الاحمر ف ابيض ف اسود ..
وقالتها عاليه مدويه

..
مباررررررررررك مش حرامىىىىىىىىىى ..
....
احدثكم الان م احدى العنايات المركزه بمستشفى الخيانه الدولى

..
بعد مااتحالفت عليا قوى الشعب العامله والعاطله وكله كله

..
الرجاله تضرب والستات تصووووووت والعيال بتعمل حجات غريبه

..
والناس تقول الله اكبر

....
ده كله علشان حبيت اقول كلمة حق

..
عارفه ان بعضكم ان لم يكن اغلبكم ان لم يكن كلكم .. هيتف

..

لو هو لسه مش هيـ هو اوردى عمل كده

..
وساب البوست وخلع

..
ع فكره انا مش عميله .. ومش اخدت اتنين كيلو لحمه مقابل انى اقولكم الكلام ده

..
وبرده مواطنه مطحونه زيكم

...

مش بصيف ف لبنان واشتى ف مدغشقر ولا كل يوم الصبح باكل توست بالمربى
......
بس انا مش هسال غير سؤال واحد ؟؟

..
هل لو حاكم الدوله فاسد فساد الدنيا كلها .. والشعب صالح صلاح الدنيا كلها ..
ياترى هيبقى حالهم ازاى ..
وهل لو الحاكم صالح صلاح الدنيا كلها .. والشعب فاسد فساد الدنيا كلها ..
هيبقى حالهم ازاى ..
وهل لو الحاكم بشر خطاء .. والشعب بشر خطائين بدورهم ..
هيبقى حالهم ازاى ..
ايووووووووووووووووووووووووووووووون

..
لو هما حراميه احنا ولاد ستين ف سبعين

..
الريس مش هينزل يخلصلك معاشك ياامى علشان الموظف مرتشى او بيقلك فوتى علينا بكره

.
ولا هينزل يراقب عليك ف الامتحان ياحبيبى علشان يمنع زميلك م انه يغش علشان جوز خالته فراش ف الكليه

.
ولا هينزل يراقب ع كل عباره ويفحصها علشان متغرقش بعد متخرج

.
ولا هينزل يامعلم يشوفك بتبيع خضار فاسد هيسمم 20 واحد ويدخلهم المستشفى

.
ولا هينزل يقف ف كل لجنه ولا ف كل قسم .. علشان يمسك الظابط م ودانه
لو فكر يستغل سلطته .. ويقوله كده كوخه

.
ايه بيقولوا الريس عايز يعين ابنه خلف ليه.

..
وايه يعنى طب ما هو والدك سيادة اللواء باشا دخلك الشرطه علشان تبقى ظابط زيه

.
ووالدة حضرتك الدكتوره فرضت عليكى تدخلى طب علشان تمسكى العياده بتاعتها

.

وخال حضرتك صاحب مكتب الاستشارات العقاريه صمم انك تبقى مهندس علشان هيسيب المكتب لمين

.
وعم رجب بتاع الخضار خرج ابنه م التعليم علشان يمسكه شادر الخضار بتاعه

.
اذن ... هذا بشر وانا بشر وانتم بشر .. بنغلط وبنعمل حجات حلوه وبنعمل حجات ونندم عليها
...............
سمعاك ياللى بتقلى الريس هو اللى بيختار الوزرا .. اللى مسئولين عن البنيه الاساسيه للبلد

.
طيب هنرجع تانى ونقول افرض الوزير فاسد واللى تحته كويسين وصالحين

.
ياجدعاااااان هى منظوومه .. م الموظف الصغيرر للبوب الكبير

.
لو واحد منهم فاسد لو اتنين لو تلاته مش هتأثر

.

الشعب كله بقى فاسددددددددددددددد

.
سمعاك برده ياللى بتقلى الموظف الصغير ارتشى علشان مش لاقى ياكل

.
والظابط استغل سلطته غلط علشان اصلا اتربى ع قيم غلط

..

اتعلم ان الشرطه سلطه مش حماية حق
يعنى ف الاخر هنرجع الغلط ع البوب الكبير برده

..
انا مقتنعه جدا ان البلد نهضت كتير ف عهد الرئيس محمد حسنى مبارك ..
ومقتنعه اكتر بانه فعلا صمام الامان بالنسبه لمصر

.
وبجد انا م الناس اللى ممكن تضحى بروحها فداااه

.
حتى لو كان ف قرارات غلط حتى لو كان ف عهده اتبنوا سياسات غلط

.
بس ف الاخر ده شخص مسئول عن امه كامله

..

وده ف حد ذاته شىء يرعب اى بنى ادم مكانه

..
ده باباك بيبقى قلقان ياترى انت هتتجوز ازاى

..

وياترى بعد عمرا طويل هيسبلكم اللى يأمن حياتكم

..
مابالك .. كلكم راع وكلكم مسئول عن رعيته

..
يعنى بابا حسنى مسئول عن 80 مليون شخص

..
منهم اللى بيموت م الجوع عارفه والله ومنهم اللى بيدخل السجن ظلم ومنهم اللى مستقبله بيدمر

..
بس ممكن تقولى لما بتطلب حاجه م باباك وهو مش ف استطاعته يعملها بيقلك ايه

..
ما باليد حيله ياابنى اعملك ايه

..
والله هو ده كده .. الريس مش هيأكلكم ويغطيكم ويجوزكم ويشربكم .. ويحميكم .. وينجحكم ويوظفكم
...
صلح حالك انت .. وبعدين ابقى شوف حال غيرك

..
بطل تسرق ياعم المواطن ف الاتوبيسات

.
بطل ترتشى ياعم الموظف

.
بطل تسرب الامتحان ياعم الدكتور

.
بطل تدى دروس ياعم المدرس الخصوصى

.
بطل تغش ياعم طالب

.
بطل تحشش ياعم الروش

.
بطل تبيع مخدرات ياعم المعلم

.
راعى ضميرك ياعم المسئول

.
صلحى حالكككككك يابلدددددددد

.
وبعدين ابقى اتكلم عن حال غيرك

.
كلمة حق

.
م بنتك الزوغيره سمسمه

.
الى

.
بابا الرئيس محمد حسنى مبارك