طالعتنا الصحف القوميه والعالميه اليوم
.
بتصنيف اكثر واغنى 10 اشخاص ع مستوى العالم
.لعام 2030
.
ويتصدر القائمه بيل جيتس مؤسس المايكرسوفت
.
وقد لفت الانتباه المركز السابع والذى احتلته سمسمه
.
ولاول مره ف العالم .. ان يدخل ف التصنيف احدهم يحمل الجنسيه المصريه
.
.......
.
وانتقلت مصادرنا ع الفور .. لاجراء حديث مع هذه الشخصيه التى ادخلت مصر ف مصاف الدول
.
المذيع :: هاى سمسمه
.
سمسمه ::ياويلكم ياويلكم
.
المذيع :: احنا تو دااى جايين ناخد يور اكسبرينس علشان كل الشباب الاجيبشن
.
يمشى اون يور ستيبس ويبقى ريتش ريتش ريتش زيك كده
.
سمسمه :: طبعا الموضوع لارج اوى .. ولازم الشاب م دول يعتمد ع هيز سيلف
.
لان اوريدى الحياه بقت سو ديفكليت ..
.
المذيع :: اوكشن طيب بليز تقدمى نصايح لكل الشباب علشان يبقوا ليك يو اجزاجتلى
.
سمسمه :: اول حاجه ياماى سن .. انك تتنازل عن مبادئك .. توتالى
.
وتنيم ضميرك وتغطيه كمان .. وتعرف ازاى تهلب القرش صح
.المذيع :: تهلب وات از ميننج اوف تهلب
.
:: سمسمه: ياماى لوف تهلب يعنى تعرف ازاى تجيب القرش م بطن العفريت
.
المذيع محدثا نفسه (( بطن العفرين يااااى دى بيئه اوى
.وايه كمان ؟؟
.
سمسمه :: ان الواحد يشتغل ف كل حاجه ف اى وقت وف كل مكان
.
المذيع :: يبقى بتاع كله يعنى
.
سمسمه :: ايون اسم الله ع اسمك بالظبط كده .. تستورد بطاطس موسرطنه
.
.ماشى .. تدخل البلد لحم حمير وقطط ع انه بولبيف فاخر .. ميضرش
.
تدخل مناقصة تركيب كهربا لمدارس حكوميه ب 100000 جنيه
.
وتركبلهم سلوك وحجات متهربده وتطلع انت بفارق المكسب
.
تفتح مصنع طفايات عربيات .. وتتصاحب ع اللى بالى بالك .
وتخليه يطلعلك قانون ان كل عربيه لازم يكون فيها طفايه والا يرفعوا اللى سايقها .. وتبيع انت بقى.
بس تاخد بالك .. يوم متصدر حاجه لبراا ياحبيبى تصدرها ماركة ايه ون .. دول برا مبيرحموش
.
وهما اللى هتجرى عليهم لو وقعت وكترت سكاكينك ولازم تعمل حسابك وتنيملك كام ارنب
.
ف كزا بلد برااا .. علشان يدفوك وقت الزنقه
.
وهلما جرااا يعنى
.
المذيع :: اندرستود طبعا .. يو ميين ان الواحد اوبن هز بريين
.
سمسمه :: يس اوبن يور برين .. ربنا يأوبنها اون يور فيس
.
المذيع :: فاينلى .. بشكر حضرتك ع وقتك ده .. وجوود لووك الييرز اللى جايه
.
سمسمه :: ثانك يو .. ثانك يو
.
متبصليش بعين قويه .. بص الاول اللى ادفع فيا
احم احم .. هذا م فضل ربى
10 comments:
ايه الشغل الجامد ده يا ياسمين
بجد الله ينور
ويؤبنها في وشك
ويجعل كل الرودز بتاعتك ايزي
والله زيس مان جاب المفيد وازاى هى يبقا ريتش بسهولة
أكيد يا سمسمة ان من ضمن المشاريع فيه عربية كبدة..
والنبى الواد ابن سنية اللى انتى كاتبة عليه فى البلوج التانى ناوى يسيب الطب ..
ونفسه انك تشغليه فى مشاريعك ..
وامنيه حياته فى عربية الكبدة..
اقوله ايه؟؟؟
ربنا يأوبنها ف وشنا جميعا ياادكتور حر يارب
شوفتى اى خدمه يااحلى كاات
كيف تصبح مليونيرا ف20 دقيقه
ده كتاب هينزل باسمى قريب
لوووووول
كريم باشا ههههه مش انا صاحبة رواية ابن سنيه ..
اكيد م المشاريع دى عربية كبده وسيبر نت .. ده اساسى يعنى
منور البلوج .. وانا هتصرفلو ف اى كيلو كبده يمشى نفسه بيه
يخرب عقلك يا دكتورة
لغة الفرانكوعرب بتاعتك تجنن
مش عارف ليه بافتكر ملياردير الحديد أحمد عز
مهو ممكن نسميه سمسمة يرده
اولا مبرووووووك علي الثروة
ثانيا
ولازم الشاب م دول يعتمد ع هيز سيلف
هير سيلف ولا زيرسلف
ثالثا وده الاهم
ربنا يأوبنها اون يور فيس
هههههههههههههههه يفتحها في وشه هههههههههههههههه عزيزه عزيزه
متبصليش بعين قويه .. بص الاول اللى ادفع فيا
ههههههه وياناس ياشر كفايه قر
هههههههههههههههههههههه
عليا الطرباش انتي عثل عثل
هههههههههههههههههههههه
تحياتي
هههههههههه طبيب جراح ده مش فرانكو
عرب .. ده عربى بس بيستعبط
هههههههههههه
منور المدونه طبعا
بتتفرج انت ع مولتى كتير يادكتور جوهرى
واضح واضح
والله يبارك فيك عؤبالك كده
لما تتصدر الترتيب معايا
Post a Comment