يادى النور يادى النور

الصراحه راحه طبعا .. لا مش مروى اللى هتتكلم

انا يابنتى ويابنى اللى هتكلم .. لووول

الطماطم هتشتغل بقى .. انا متحدفش بااقل م تفاح لو سمحتوا

منوريين عندى اخيراا انضممت للبلوجز الرسميه حقيقة ..وزى ماقلت قبل كده ان الصراحه راحه

خلاص يابنى هخلص اهو متشدش ف شعرك

طبعا انا مش جديده ع المهمه التدوينيه النتيه الهايتكنولوجيه

وسبق وكان ليا سايت كامل الصراحه

..

بس انا لقيت ان كل اصدقائى الاعزاء مقيمين هنا .. فاللى هو مينفعش اسيبهم هنا واكون انا هناك

وم هذا المزنق قررت .. ان انضم اوفيشيلى وبكل شفافيه لاصدقائى هنا .. حتى نحيا سويا م اجل التدوين

طبعا .. اولا انا مجرد انسانه .. بعيش وبتعايش وبتنفس..تخيل مبتحصلش ده يعنى

بحب الحياه جدا فرفوشه وبحب الضحك والحمدلله الابتسامه مبتفارقش وشى

الله اكبر وم شر حاسد اذا حسد يعنى ... حتى الضحكه الواحد بقى بيتحسد عليها

جدعه وصريحه قويه وبخنق ضعفى جوايا لما بس يحب يشاور عقلو ويخرج يعنى

بحب افهم حاجه عن كل حاجه

...

اسكتوا وفوق ده كلو كمان .. طالبه ف كلية الطب هععع ومش عايزه حد بعد ميشوفلى كام بوست

يقلى مش باين عليكى .. ايه هعلق البالطو الابيض ع باب المدونه يعنى

لا وكمان ايه بقى .. م امبراطورية الشرقيه العظمى .. حيث احمد عرابى

حيث ابو قردان .. حيث انا م البلدى انا م البلدى

وملخص ده كلو .. معاكم اختكم الزوغيره سمسمه

واختتم كلامى بالمقوله اللى هى مبدأ حياتى التدوينيه

يا قارئ خطي لا تبكي على موتي.. فاليوم أنا معك وغداً في التراب

..

فإن عشت فإني معك وإن مت فاللذكرى

..!

ويا ماراً على قبري لا تعجب من أمري.. بالأمس كنت معك وغداً أنت معي

..

أموت ويبقى كل ماكتبته ذكــرى .. فيا ليت كل من قرأ خطى دعا لى

ع بركة الله

,,

سيرى يانورمندى ..