الاستاذه .. اول واحده محتاجه تعرف يعنى ايه حرية رأاى
والاستاذ برده .. معقول يكونوا بلطجيه مزقوقين علينا وانا معرفش
طبعا الاخت المدونه العزيزه .. ليها منى كل احترام وتقدير
طبعا اختى المدونه لما عرضت رايها ف شخصيه عامه وهو الاستاذ عمروخالد
وتناولته بمنظور العميل ذو المطامع الشخصيه وما الى ذلك م اوصاف
ومجرد ماا ف ناس قالتلها لا بكل احترام وادب
اتشتموااا ..!! ... ولما تناولت برده نفس الاخت العزيزه الاضراب
ع انه حركه وطنيه ثوريه سيذكرها التاريخ ف مطلع القرون الوسطى بالبوزتف
ومجرد ما ف ناس قالت ان الاضراب اتسم بالهمجيه ..
اتشتموا ..!! ... وانهم عملاء وبرياله ومش فاهمين حاجه وعيال لسه بيلعبوا بالطوب
وشباب خرع .. وتفة اى عيل م عيال المحله برقبتهم ....
اذن الاخت المدونه العزيزه تجيد حرية التعبير وحرية تقبل الرأى الاخر
.. اللى هى تقوله ... اياااااااااااااك تجادلها فيه ف مدونتها ....
اى حاجه واى حدث يحصل اوعى تكون رااى خاص بيك .. الاول تروح ع مدونتها
وتشوف رايها ايه .. ف الحاجه دى .. وتحفظه بالنص .. وتتبناه كرأى شخصى
يعنى الناس اللى قالت ع الاضراب اتسم بالهمجيه .. مجوش جنبك ولا كلموكى اصلا
توجهيلهم كلام ف مدونتك ليه م قريب او م بعيد ....
انا اعرف ... ان ماشى اقول الاضراب مكنش يتسم بالهمجيه
الاضراب كانت حاجه حلوه اوى .. لكن نشتم ف اى حد يتبنى وجهة نظر مخالفه
يبقى الواد ده ايه ... شنكوتى ... لا بلطجى ومزقوق علينا
والاستاذ .. اللى مش عاجبه اى كلمه بقولها .. واللى بتهيالى لو عطست
هيقيم عليا الحد .. انقد براحتك .. ورينى وجهة نظرك
لكن لمجرد القمع انك تيجى وتشتم .. فده مبياكلش معانا
ولذلك يبقى الواد ده ايه .. برده بلطجى ومزقوق علينا
اى حد يتبنى وجهة نظر مخالفه .. يبقى بلطجى زاقه علينا النظام
اى خطه ولا حاجه نعملها وتفشل .. يبقى النظام هو السبب الرئيسى
يعنى انا اخيرا دلوقت عرفت مصطفى جاب 50% ف الثانويه ليه
هو النظاااااااااااام .. مصطفى مين اصلا
الخلاصه بقى ...
محدش يعيب ع اعضاء مجلس الشعب اللى بيشتموا بعض ف المجلس
ولا الاستاذ اللى ضرب الناظر ..
ولا الحكومه اللى مش فاهمه وجهة نظر الشعب
علمونااااااااا يعنى ايه حرية الرأى الاخر ...
علموناااااااا يعنى ايه حرية تعبير ....
مش عايزه الاقى الكل متمسك برايه كأنه وحل نزل عليه م السماء
وملاقيش الامن والنظام بيقمع اى حد يقول بمممممم
وملاقيش الشعب نفسه نازل يخرب لمجرد انه يقول لا
وملاقيش الشعب مش فاهم حكومته .. ولا حكومته فهماه اصلا
عايزين نعرف كويس نقول كلمة لا وازاى نقولهاا .. وامتى نقولها
ونحترم اللى بيقولها ... وحطلى هنا تلاتين خط .. واستك
وخدها منى حكمه ...
** خليك استك م غير .. وش بلاستيك
قالتلها الزعيمه سمسمه .. محمولة ع الاعناق م فوق محور 29 يوليو
ف ثوره عارمه للمطالبه بحقوق .. سحلب ف امتلاك دى فى دى وجزمه اديداس
ملحوظه متملحظه ..
خليك استك م غير وش بلاستيك .. اى خليك استك ومطاط وتتقبل الراى الاخر
بوش كله ملامح بشريه .. قادره ع التمييز بين ماهو جدير بالثقه
وما هو يستحق ااقرب باسكيت زباله
بص بص بص
م الاخر ..
مش بالضروره انى لما اسمع رايك اكون متفقه معاك فيه ومقتنعه بيه
لكن بالضروره انى لما اسمع رايك اكون انسانه بحترم نفسى وبحترمك
ومؤمنه انك حد عاقل وبالغ بالدرجه الكافيه ان يكون ليك راى وتعبر عنه
وافكر فيه .. واحسبها واعقلها .. واشوف هقتنع برأى سيادتك ولا خارج حساباتى
وكله بالاحترام .. احلى م الاحترام مفيش
مش قولتلك ..
خليك استك .. م غير وش بلاستيك ..!!
ولا هما بس فاكرين ان عندهم مخ ..بيفكر.. واحنا عندنا فول نابت بالصلصله
خدي هما ايه اللى بيوديكي هناك مش عيب اقولك انا اتقال عليا امن منها من غير ما تعرفنى لما كنت كاتبه عن عماد بعرور ههههههههههههه
ReplyDeleteكفايه كده فهمتى ولا لسه يكونش بعرور ده يا اختي شخصيه مهمه هههههههههههخخخخخخخخخخ
انا فاهمه اللى انتى بتقوليه وبعانى منه كيك اخر حاجه متروحيش هناك تانى يا بلاستيك ههههههه
او كومنت ليا عندك واحد عصير قصب
تانتى كومنت
ReplyDeleteبس ممكن سؤال كل ده عشان عمرو خالد
الحمد لله مبحبوش نهائى
ما احبش إن الأمور تمشي تاني في اتجاه نقعد نرد على ناس تانية أنا مش عارف حقيقة بتتكلمي عن مين وطبعا قضيتك غالبا عادلة بس معترض على إن نقعد نرد وناس ترد على ناس والذي منه
ReplyDeleteعايزين نمشي فوروارد
الفول النابت مش وحش برضه
عزيزتى جريمه الاختلاف
ReplyDeleteانتى مش من هنا برضه ولا ايه؟؟
اذا اختلفتى مع الحكومه لابد ان ييهمى بتهمه اى كان اسمها فهى فى النهايه جريمه الاختلاف
اذا اختلفتى مع الشعب فاين كان اسم الجريمه التى سيصفك بها لكنها فى النهايه جريمه الاختلاف
ببساطه اذا اردتى أن تحيا سليمه من الردى
ودينك موفور وعرضك صين
فكبرى دماغك متقوليش رايك
واذا اردتى - كما اريد - ان تقولى رايك فعليكى ان تتحملى سفلات من يحبون ثقافه القطيع
اذكرك نحن مازلنا على الارض لم نصل للجنه بعد
تحياتي يا كتوره على الموضوع الجميل
ReplyDeleteكنت من يومين في لقاء الصباغ في مصر
وجه كام واحد كده كان منهم طالب يدعي انه ليبرالي وانه صاحب فكر وكذا وكذا
ولكن للأسف كان اسلوب حواره ونقاشه نيله خالص
اللي جه على دماغي زي مانتي بتقولي
ان على الأقل لو بنتطلب المثاليه
يبقى نطلبها مش في الشعب عشان مش هنقدر
لكن على الأقل نغير في ثقافتنا الداخلية والشخصيه على الأقل
تحياتي لابداعاتك المتكرره
وجزيتي خيرا
أجدع بنوتة
ReplyDeleteبعد التحية
معلش اسمحيلي اني اذكر أمثلة بالأسم، وده مش الهدف منه التشويه بس التعريف بان فيه ناس بتصادر آراء مش بتعجبها.
في مرة كنت بتصفح المدونات، ودخلت مدونة الأستاذة desert cat ففوجئت بأنها مستخدمة اساليب شتيمة غريبة جدا على شخص ما علق على مدونتها، وبصرف النظر عن تعليق الشخص، كان الرد بمثابة صدمة، انا افهم لو فيه رد مش عاجبني امسحه من عندي مش اكتبه واشتم الشخص اللي كاتبة، المهم اني دخلت وعلقت مش على الموضوع ولكن على الشتيمة وقولت ان اسلوب الرد لازم يكون بشكل كويس، وعلى فكرة انا ما كنتش اعرف الشخص اللي كتب التعليق اللي اتشتم عليه، وفوجئت ان الاستاذة صاحبة البوست حجبت التعليق وما نزلتهوش، رجعت وعلقت من جديد وقلت نفس الفكرة، لكن برضة التعليق بتاعي ما اتنشرش.
واضح ان تعليقي ما عجبش الاستاذة اللي ادت الحق لنفسها تشتم ناس لمجرد التعليق.
على اي حال اللي عايز اقوله ان من حق اي مدون يحذف التعليق اللي مش عاجبة لكن مش من حقه يوجه اهانة لحد، وللمرة التانية بأكد ان الشخص ده انا ما كنتش اعرفه بس هي مسألة مبدأ
تقبلي مروري
المدونة إلي بتحكي عنها دي بحترم نفسي ومبعلقش عندها خالص، هيا أصلا بتقول بوضوح وهيا بتكتب الموضوع إن إلي حيقول غير كدة (رأيها) مش عارف حتعمل فية إية فيبقي الواحد يحترم نفسة وميعلقش عندها أصلا.... عموما كل واحد حر يقول إلي هوا عايزة في مدونتة ويبقي حد يسمعلوا، إلي عايز يشتم يشتم، يعني هوا رئيس جمهورية الشتامين، وبيحدد أوصاف الناس علي مزاجة؟
ReplyDeleteأنا شخصيا كنت برد بأدب علي أي حد عايز يشتم في تعليقاتة، إنما كمان لقيت تعليقات مجهولة المصدر جاية لمجرد الشتيمة وعمل بلبلة، فقررت أي واحد يقول كلام مش عاقل أحذف تعليقة نهائي وكأنه مجاش أصلا وأنساة نهائي، وكمان مبعلقش غير علي المدونات المحترمة إلي بتقول رأي حتي لو أنا مختلف معاة
كل إنسان يحمل فكرة فإنه يعتقد أنها الأصوب والأصح، دينية كانت أو سياسية أو في المجال الاجتماعي أو في المجال المعرفي، ويتمنى لو أن الناس على فكرته ومعتقده، ولكن طبيعة البشر تقتضي الاختلاف والتنوع حتى في مجال الأذواق فكلٌّ له مزاجه وذوقه الذي يتميز به عن الآخرين.
ReplyDeleteكلنا أصحاب فكر وقلم ،، وجميعنا لجأنا لصفحات التدوين لبث خبراتنا في مختلف الأمور العامة والشخصية ،،
لا يحق لأحد أن ينتقد أو يهين أحد بحجة حرية الرأي ،،
بل على العكس يجب ان يكون مرحب بكل نقد طيب ، هدفه الرقي بالموضوع ، وإبداء الرأي بما هو صحيح ،،
قد لا تقبل حديثي .. حقٌ لك
وقد لا أقبل حديثك .. حقٌ لي
وما بين حقّك وحقّي يبقى الحوار
هو الوسيلة لقبول حقّ كلينا
فلا تَغْضَب ولا تُغضِب
وعامل الناس كما تحب أن يعاملونك ،،
وياأجدع بنوتة طول مانتي ماشية في سكة السياسة أو القضايا الشائكة لازم تتدعي ربنا يسترها معاكي قوي لانه صدقيني في ناس الكلام معاهم صحب ولازم يكون معاكي شنطة اسعافات أولية وفيها طبعا ملايقل عن كيلو أسبرين
وسلامي
د / اجدع بنوته
ReplyDeleteهقلك كلمه واحده بس
الاختلاف فى الراى ..... وانتى عارفا باقىالمثل
يااااريت
نطبقه صح
تحياتى
احمد
السلام عليكم بنوتي الصغنتوتة وزيرة الصحة اللي عينتها في عسقلانيا العظمى ربنا يبارك في عقلك
ReplyDeleteللاسف الشديد انا زيك كدة اتخبطت في النوعيات المريضة دي واللي عندها بعيد عنك حبة حقد تغطي الارض
وعلى ايه دي الدنيا فانية وصحتك بالدنيا
وحرية راي قال حرية راي قال
الاستاذ عمرو خالد دة داعية اسلامي وحتى وان كان بيغلط ولا غلط انتي منين اتاكدتي وحكمتي
وليه الناس ما تعرفش تقول اراءها بالحسنى وبالراحة وبعيدا عن التعصب الاعمى اللي بيتهموا بيه غيرهم
عموما موضوعك دة في الجون فعلا
بس والله خدي الايميل بتاعي ضيفيه على ماسنجرك وحطيلي الرابط بتاع االمدونة دي اشوف بيقولوا ايه يمكن اطلع ببوست محترم منهم
nonoymm@yahoo.com
ضيفيه وحطي الرابط وبعدين احذفيه
لو عاوزة
تحية لاجمل بنوتة صغنتوتة
بصى يا دكتوره
ReplyDeleteبغض النظر عن اسماء او اشخاص اة اى حاجه الى بتتكلمى عنه فى البوست ده موضوع عام للاسف لهجه الحوار فى المجتمع المصرى بتطبق كلمه بوش بعد ضرب برجى التجاره العالمى لما قال من ليس معنا فى الحرب ضد الارهاب فهو ضدنا
قواعد الحوار واساسيته او اى حوار راى وراى اخر ونقاش بين الرائين
بننسى كتير حديث الرسول عليه الصلاه والسلام (اختلاف امتى رحمه )بس للاسف الشديد خلافات الراى بتحول لخلافات شخصيه بين طرفى الحوار وبيبقى الخلاف فى الراى المعنونه بيه انتصار راى على الاخر وليس الوصول للصواب باعمال العقل والمنطق
الاختلاف فى الرأى لا يفسد للود قضية
ReplyDeleteتقريبا الرأى ده إتلغى من المقرر
كل واحد عارف كلمتين متمسك بيهم وبيدافع عنهم بشراسة
انا مع عصفور المدينة
عاوزين نمشى لقدام
مش نقعد نسيب نفسنا نتكعبل ونقع -لا لازم نقوم ونمشى صح وبتفكير منظم
امنياتى بكل التوفيق
لانك دماغ بحترمها وعقل يحاول جاهدا ان يبقى كعقل مش حصالة متعبية معلومات
سلام يا اجدع بنوتة
هبة
ممتاااز ..على فكرة الموضوع دا جميل بجد ..صحيح انا غالبا بختلف معاكي في افكارك بس المرادي في الجون..
ReplyDeleteأنا كنت فاكر ان اصحاب المدونات ..ناس عقلياتهم عالية ..المفروض انهم الصفوة الفكرية في الشباب..
للاسف في مدونات كلها شتايم وتجريح في الناس والفاظ غريبة مش متخيل ان ممكن حد يكتبها ع الكيبورد اصلا ..غير انه ينشرها..وكل دا لانه اختلف مع واحد او اتخانق معاه او حتى مخنوق من حياته..
على كل حال ..ربنا يجيب مطر
Danke... :)
عزيزتى
ReplyDeleteاول حاجه ميين الاستاذه دى
مش المفروض نقرا كلامها كله علشان نقول رائينا بحياديه اكتر
بس هرد على كلامك
المفروض ما نهجمش حد بكلام مطلق يعنى وبالذات لما يكون انسان او شئ لم يجمع عليه الجميع بانه وحش او انه حلو
يعنى الاستاذ عمر خالد لو اى حد اختلف معاه فى اشياء كتيرة
اكيد هيتفق معاه فى حاجات اكتر يبقا مينفعش تقول عليه عميل ده شئ زيادة عن الواقع
الاضراب بقه
مهما اختلافنا عليه وشوفنا تصرفات غلط فيه بس وجوده احسن من اللا وجود ليه ومفيش اضراب او مظاهرات ميحصلش فيها تجاوزات يبقا ازاى نقول عليه همج وكلام فاضى يشوفوا الاضرابات فى بلاد تانى بتوصل لايه المهم يكون ليها نتيجه
ولا مش عوزنها وعاوزين الحال كما هو
واكيد لو مش بنقبل تطرف حد او تهجمه بشكل مطلق يبقا منقبلهوش من كل الناس
وعلى اى حد مش نقبله من ناس وناس لا ونقبله على ناس وناس لا
على العموم لازم نشوف رئيها وكلامها علشان الحكم على افكارها يكون اوضح واصدق واعدل
تحياتى
سلام
ياه يا دكتورة
ReplyDeleteما تدقيش
كل واحد عاجباه دماغه و مستريح بيها
لو تفتكري أنا كنت كتبت بوست عن الموضوع ده قبل كده
بس المحترم حيفضل محترم
و اللي غير كده خلاص يبقى ما يلزمناش ندخل عنده و لا نعلق على موضوعاته
:)
روقي دمك
دى مشكلتنا فى اختلفنا فى وجهات النظر
ReplyDeleteالامام الشافعى قال راى صواب يحتمل الخطا وراى غيرى خطا يحتمل الصواب
وياريت لما الواحد يعرض زجه نظره فى امر معين ويكون مختلف عن الاخرين يبقى خلاص منبوذ ويستحق الرجم
بصراحه انا باحب ابعد عن الجدال او الامور اللى فيها اختلاف يكفينى اقتناعى بالامر
الرسول صلى الله عليه وسلم قال استفتى قلبك
طالما راى يوافق الشرع ولا يجرح احد بالدنيا وما فيها لا يهمنى من يظنون بى الظنون
موضوعك وقته مناسب جدا
ونفع به الاخرين
جزاك الله خيرا
انا عرفت انتى قصدك على مين
ReplyDelete:)
دماغك هتوجعك اوى على فكرة وهتحرقى دمك وفى الاخر مش هتطلعى بنتيجة
كل واحد له رايه ولازم نحترمه زى ما قلتى
انا طبعا مش مع ان حد يكون شايف ان رايه بس هو الصح وان باقى الناس مش فاهمة حاجة والكل اغبيا الا اللى متفق معايا
بس هتدخلى فى مناقشات كتير وفى الاخر هتكون ان النتيجة ان كل واحد بيطلع مقتنع باللى فى دماغه برضه
علشان اسلوب الحوار مش موجود اصلا ومتعودناش عليه
خلى روحك رياضية شوية وتقبلى ان الناس مليانين عيوب حتى اللى بيدعو للحرية ومش قادرين يطبقوها
زى ما قلتى احنا متعودناش على ده
وكل حد بيعبر عن اسقاطات كتير جواه
ومتعرفيش اللى الناس مرت بيه او حاسة بيه
مش هتكلم اكتر من كده علشان مينفعش اتكلم اكتر من كده
يمكن علشان اللى بتتكلمى عنها ليها معزة خاصة عندى
حتى لو كنت مختلف معاها فى حاجات كتير اوى
تحياتى
:)
ونسيت اقولك انى من النوع المطاااااط جدااااااااااااااا
ReplyDeleteيمكن علشان كده تلاقينى متسامح مع حاجات كتييييييييير
وشكراااااااااااااااااا :D
اختلاف الرأي لا يفسد للود قضية
ReplyDeleteههههههههههههههه بصى يابنتى انا مقتنعه بحاجة البنى اد الى يتنرفز ويتنطط لان الراى الى اتقال مش ع مزاج السيادة انسان ضعيف ووجهةة نظرة ضعيفه لان لو معلوماته قوية هيبقا هادى ورلكس ويعذر الاخرين انهم مش عارفين المعلومات دى ويحاول يوصلهالهم بس النقطة بقا اننا متعودناش ع ده فحاولنا ننعلمه ع كبر وبالتالى بناخد وقت كتيير ع مانقدر نكيف
ReplyDeleteفى اوروبا والدول المتقدمه هههههه بيعلمو الاطفال من صغرهم ع النقطة دى كل يوم حد يمارس دور واحد اعمى اصم ابكم فقير ووووووليه بقا؟
يفضل من الصبح لحد نهايه اليوم مغمض عنيه ع انه اعمى عشان يحط نفسه مكان الشخص الاعمى وتوصله احاسيسه وهكذاا يعنى م الاخر
لو كل واحد حاول يحط نفسه مكانه التانى هيحس شوية
بقولك ايه يا بنوتة, انا اتدبس و قريت البوست و كله و فهمت موضوع الاحترام و الراي و المبادئ الحلوة دي
ReplyDeleteبس يا ريت تراعي بعد كدة ان البوست يبقى بكبيره 5 سطور بس
احنا ورانا شغل يا هانم
و اسف على الرخامة
بس حبيت اسلم عليكي
الرأي والرأي الآخر أصعب حاجة ممكن نتعلمها في مصر
ReplyDeleteلأننا عمرنا ما مارسناها في اي مرحلة من مراحل حياتنا
بس طبعا دة مش عذر
المهم اننا مانصادرش على راي حد
لأن كدة بنصادر على نفسنا
أأبى .. ربنك هو الستار
ReplyDeleteلا يامحمد صوت م مصر .. عمرو خالد ولو الموضوع عن اى حد غيره
ReplyDeleteالنظريه ف الرأى والرأى الاخر بس
انا مردتش يابابا عصفور .. غير لانها شتمت الناس المضادين لرايها
ReplyDeleteحتى م غير مااصلا يعلقوا عندها
بمعنى ان اى حد مش وجهة نظره زى اللى كتباه يبقى كلهم معاقين ذهنيا
لوووول
بطوط ياابنى .. يعنى اى اختلاف اخره كارثه قصدك كده
ReplyDeleteلاا يااخويا انا مش هختلف مع حد واصل تانى
دكتورنا الحر .. شغالين انتم لقاءات اللهم لا حسد
ReplyDeleteليبرالى متسلط هههههههه معرفش دايما الكلمتين عندى شابكين ف بعض كده
عزيزى ف حب مصر ...
ReplyDeleteبالعكس انا شوفت ف قضايا طرحتها قطة الصحراء ولقيت راى ضد رايها
نشرتهم وبكل حياديه وكانت بترد بالادله لاقتناعها برايها
وانا م ضمن الناس اللى كان ليا راى مضاد ليها ف بعض الحجات
ورديت ونشرت ردى وردت عليا عادى جدا
فانا لو كنت جالى هاجس قد كده انها مبتحترمش الراى الاخر
كنت حطيتها ف لستتنا هنا
اكن هى الصراحه وم وجهة نظرى بتحترم الراى الاخر طالما ف حدود الادب
وليه ادله مش كلام هوجه وشتيمه .. اى حد مكانها هيشيل اى رد كده فورا
زائرى الجديد وجهة نظرى هههههههههههههههههه اه عندها المدونه لا ترحب بالمعاقين ذهنيا
ReplyDeleteوانا اول المعاقين هههههههههههههه
مودى فور ايفر ... كلنا أصحاب فكر وقلم ،،
ReplyDeleteايه ياعم الكلام الكبير ده ..
دلوقت اى حد صاحب فكر بيودوه ورا الشمس
انا عن نفسى صاحب صاحبى
صاحب انت كمان حاجه تانيه أأمنلك
احمد باشا سكر .. حمدالله ع السلامه
ReplyDeleteلا يفسد للوز مهلبيه طبعا
عاشقة النقاب ياغاليه ... منوره
ReplyDeleteونفسى اعرف رايك بعد ماقريتى رايها
هى دى نظرة المحامى فعلا
ReplyDeleteبتفرق كتير عن النظره العاديه
لا فض فوك محمود باشا رئيس جمهوريتنا جميعا
ربنا يخليكى يادوبا ..
ReplyDeleteلا ملغوش المثل .. عملوله نيو لووك بس
بقى زى ماقلت ..
الاختلاف ف الراى لا يفسد للوز مهلبيه
الحمدلله ان احنا اخيرا تقاربنا ف فكره واحده ياميرو
ReplyDeleteدانكى دى .. بط بالبرتقان صح
انا دوقته قبل كده .. لووووووول
عزيزى احساس لسه حى ..
ReplyDeleteالصراحه انا محبكمش تصابووا بحرقة دم تؤدى الى ارتفاع الضغط
وتعلى النفوخ .. وتنتهى بحالة اذبهلال دائمه
اللى عايز رايها بعتهوله ع الخاص
ناقص والله يعملولنا شات ع البلوج سبوت بالمره
تقبلت تحياتك
صح والله يامهندس يامصرى
ReplyDeleteجملة ابويا الدائمه
كل واحد مش عاجبه حاله .. رزقه .. حياته .. وضعه
الا الدماغ .. حتى لو ازغر م خرم الابره .. كل واحد وعاجبه دماغه
المستنصر بالله .. الامام الشافعى شايف انه رااايه يحتمل الخطا
ReplyDeleteلكن ف عصرنا ده اى حد شايف ان رأيه نظريه مسلم بها
لا النتيجه يازوردياك .. حرقة دم مع رغبه ف القىء الصراحه
ReplyDeleteانا روحى استك والله ههههههههههههههههههههههههههههههههه
سنوووايت واضح انها لسه معرفتش انه بقى اختلاف الراى لا يفسد للوز مهلبيه
ReplyDeleteهوندا ههههههههههههههه ف اوربا والدول المتقدمه
ReplyDeleteشايفنا اغبى خلق الله .. بس تصدقى عندهم حق
هناك بوش .. مسموح لاى مواطن يختلف معاه
هنا اللى يختلف ياخد بالجزمه
وسع يابنى لشاه باشا
ReplyDeleteواحد سنيكرز بالموز هنا ..
اسفين ياشاه باشا لو نعرف ان حضرتك كنت هتشرفنا
كنا كشكشنا البوست لحد مبقى كلمه ونص
مش هتتكر تتانى ياريس
احلى سلام
تفتكر يامصطفى .. هنتعلمها ..
ReplyDeleteياباسططططططط
همممممم
ReplyDeleteهي مافيش غيرها مدونه معينه .. مهيسه حبتين اللي بيتعمل فيها الحوارات دي
بس خدي هنا
انتي اصلا اصلا ايه اللي وداكي هناك؟؟؟؟
يابنتي افهمي
في نوعين من المدونين
مدون بيدون عشان يعبر عن رأيه ويوصل لنقطة تلاقي مع غيره
ونوع بيعبر عن رأيه .. وهي كده بقى .. عافيه وغصم واقتدار .. وان اتكلمت هتاخد من المنقي يا خيار
-----------
وبعدين ايه ده .. انتي بتروحي مدونات الناس دي وسايبه مدونتي من غير ماتعبريني بربع جنيه مخروم حتى
يا عيب الشووووووووون
ملحوظه
هي مش اسمها الشوووون برضك؟؟؟؟
سلاموووووووووز
ايه يا ستي ده
ReplyDeleteانا اول مرة اشوف البوست ده
كتر خيرك وخير كل البشريات اللي في الوش مراية وفي القفا سلاية
طب مش حد كان يديني لنك للبوست ده يا شباب؟ ده حتى المثل بيقول ان قلت ما تخافش وان خفت ما تقولش