انت مش ابنى يامنعم .. انت لئيط
مش وقته ياابو منعم انت .. هات بس مفتاح الاوبترا
انا اللى هسوق الاوبترا يامنىىىىىىىىىى
انت بتحلم ياحلمى .. نياهاهاها
بعيدا عن منى وحلمى ومنعم
وقطعا الاوبتراااااااااا
بيجو .. 307 .. للرفاهييه عنوان اخر
ولاد الحلال مخلوش لولاد الحلال حاجه ..
متتتنحليش بقى كده .. منا لسه قايله ان كلنا ولاد حلال
وولاد ناس ومحترمين وبناكل تلات وجبات ف اليوم
انا عن نفسى باكل اتنين بس .. فرق سورعات بقى ..
كتير ببقى ماشيه بالعربيه
والاقى حد مثلا ف مكان مقطوع وواقف يستنى مواصلات
رجل .. ع دواسة البنزين .. والرجل التانيه بتفكر تنتش فرامل
عمركم شفتوا حد بينتش فرامل برجل ورجل ع البنزين
هو ده التمكن القيادى الصح
وتكون الغلبه للرجل اللى ع البنزين والتانيه تنتش دبرياش
وتالت .. واطيييييير
كتير بلاقى حد واقف بعربيته ف مكان مقطوع
وبيغير عجلته .. او عربيته عطلانه .. او ما الى ذلك
ويتكرر نفس الموقف ...
كتير بشوف اتنين ستات بيتخانقوا .. واكون هموت وادخل افصل بينهم
بس ارجع امشى ..
وقد ايه .. بكره نفسى ف مثل هذه المواقف .. بل وبضربها بالجزمه كمان
بحب حرف بل ده اوى ...
طيب انا ايش ضمنى ان اللى هنزل اساعده ف عربيته ده
ميخطفنيش مثلا .. ودى ف حد ذاتها نو واى تحصل .. لان انا اخطف بلد
احم احم .. بس برده .. ايش ضمنى انى اللى هركبها معايا ف العربيه دى
متقتلنيش مثلا ..
متخدرنيش .. وتاخد منى اهم حاجه ف حياتى ..
..
القلم الرويترنج الاصفر ابو خمسه جنيه ..
ايام مكان الرويترنج ماشى بيتقمع
.. لووووووووول ..
او ادخل افصل بين الستتين .. يقلبونى ولا حاجه
وانا والحمدلله .. محفظتى دايما عامره باللبان والجلاكسى
حقا هذا الخيال المريض
والذى تسبب فيه اصلا
ان ولاد التيييت الاولانيين مخلوش لولاد التييت التانيين حاجه
وماشاء الله خيال خصب .. يوميا نقرى عن الست اللى خدرت سواق تاكسى
واللى قتل سواق الملاكى وخد الكاسيت
حماااااااااااااااااااااااااااار
يقتل وياخد كاسيت وياريته سبتلايزر ده كان صينى مش حتى سانيو
هههههههههههههههههههههههههه ويسيب العربيه
المهم بجد الموضوع ده بيقتلنى .. فعلا وقد ايه ف كل مره م دول
بخسر احترامى لنفسى اسبوع لحد ماانسى الواقعه
تيجى واقعه غيرها
ولذلك ف اغلب الحالات بتكون نفسى مبتحترمش نفسها
انت يااااااااااض .. بتقول عنى انا مزوداهاااااا
طب اطلع ياله برا المدونه ..
لا فعلا انا مش مزوداها خصوصا انى م النوع المساعد جدا جدا
لابعد مما تتخيل
معرفش ليه
غير انى مولوده كده بعشق مساعدة الغير
فلما تبقى عامل دايت وخايف ع صحتك وقدامك فرخه محمره
احساس ولا ابشع بالقهرررررر
فارجوكم ياولاد الحلال .,. سيبوا لولاد الحلال حاجه
خلونا نعرف نساعد اللى بيقع ف ورطه بجد
متقهرونييييييييش
هييييييييييييييييه انا اول واحدة
ReplyDeleteعداكى العيب و طلع على الرابع يا اجدع بنوته.و الله يا حبيبتى انا زيك كده بحب مساعدة الناس جدا... بس دلوقتى ياختى عاوزه اللى يساعدنى نفسيا من اللى شوفته....مش انتى دكتوره برضه..امال ياختى حتعملى ايه بقى لما تلاقى ولاد الحلال اللى زيك..مش سايبين ولاد الحلال اللى زيك برضه...يساعدوا و لاد الحلال اللى زي ...وبياشطوهم...اشى كليه و اشى قرنيه...و انتى جايه تقوليلى لبان و جلاكسى..و قلم ...ده انتى غلبانه جدا.. و فعلا عاوزه مساعده..تعلى و انا اساعدك
هههههههههههه
كلاكيت تانى مره
ReplyDelete--------------
انا اخدت الطياره و عملت لفه مش بطاله على كا مواضيعك......الصراحه انتى بنت جادعه و كلامك .دخل فى العضل.. و فكرك سليم...وحرام اللى دخلك طب انتى لازم تدخلى مجلس الشعب ...وانا حنتخبك من بكره...بس حتكونى عن اى دايره علشان اعزل واجى دايرتكم
بجد بحييكى على كل الموضوعات
بل انا مبسوط قوى انى رجعت اقرا موضوعاتك
ReplyDeleteبل انا مش فاهم حاجة فى السكونتsquint ممكن تشرحيهولى بما انك بتحبى تساعدى الناس
بل لازم تشكرينى على ال3 بل اللى فى الكومنت بتاعى لانى بقدمهوملك هدية بما انك بتموتى فى البل
اه نسيت اقولك شيلى رجلك من ع البنزين وانتى بتشرحى السكونت
ReplyDeleteمعلش جيت تانى علشان اقولك ان فعلا ولاد التيت ما سابوش لولاد التيت حاجه و منهم لله... تصدقى كنت فى مدونه دلوقتى و انا بقرأ التعليقات لفت نظرى تعليق كده مبهم قلت اشوف مين صاحبه... و اتاريه فايروس و كان حيدمر الجهاز لولا البرنامج ال انتىفايروس ..زكان زمانى دلوقتى فى خبر كان
ReplyDeleteلا بصي اللي انتي بتعمليه ده صح لأنك اولا بنت وثانيا معدش في امان في الدنيا بس ممكن توجهي حاجتك بمساعدة الناس في اماكن مضمونة يعني ممكن تساعدي واحد في وسط البلد مثلا وتغيري معاه الكاوتش او تصلحي العربية او تحوشي بين اتنين بيتخانقوا في مول مثلا مش لازم في حتت مقطوعة يعني وبعدين عليكي وعلى الجمعيات الخيرية والعمل التطوعي واسألي مجرب
ReplyDeleteوربنا يعينك
السلام عليكم
ReplyDeleteلا قلم الرويترنج دلوقتي بقي ب18 جنيه وش كده
حافظي عليه ارجوكي
ههههههههه
مش عارف والله عندك حق
الواحد ساعات بيتحط في المواقف ده كتير اوي
وبيني وبينك بعمل عبده العبيط واستندل زيك كده بالظبط
هههههههههه
أجدع بنوتة
ReplyDeleteانا متفق معاكي في ان الشك بقى يحكم علاقتنا بغيرنا
ودي حقيقة دايما الواحد يسال نفسه طيب هو الشخص اللي هاساعده ده مش ممكن يضرني
والاجابة دايما للأسف أيوة
خاصة لو كانت اللي هتساعد بنت في مكان مقطوع
اخلاق الناس فعلا اتغيرت
علشان كدة انا ما انصحكيش انك توقفي لحد بالعربية في مكان مقطوع او حتى فيه حد
احسن بعد كدة تغني ظلموه
وتفتكري المقولة الشهيرة
أكلوك الحلاوة يا ذكي
تقبلي مروري
خليكى زى ما انتى ...بس...خلى بالك كويس...مش كل الناس تستحق المساعدة
ReplyDeleteوالله عندك حق
ReplyDeleteوفعلاااااا بيحصل معايا المواقف دى كتيييير وبكره التردد الى جوايا ده اوى
وياسلام بقى لما اوقات اساعد واتغلب على القلق ده واخد على دماغى بقول مانا كنت فحالى لازم اعمل فيها شجيعة السيما؟؟ واهو ده مشكله تانيه اننا فقدنا اى نوع من التعاون او الترابط بجد حاجات محتاجه تتصلح كتييير اوى
عارفه ؟ انا كمان ساعات كتير بيبقى نفسى اعمل اللى انتى بتقولى عليه ده بس انا مش عندى عربيه بس بيبقى نفسى لما اشوف حد واقع فى ورطه وانا معديه من جمبه اساله فى ايه اساعدك ازاى لكن اللى بيحصل بيخلينى اكمل فى طريقى زى الالف وان شا الله تولع
ReplyDeleteتعالى هنا
ReplyDeleteانتى ايه اللى عرفك ان السبتلايزر
كان صينى
هو انتى اللى عملتيها اعترفى
هلا
ReplyDeleteايه التنوعات الكتير اوى دى
:)
جميل انا الواحد يكون من جواه بيحب يساعد الناس ومينتظرش منهم اجر
بس المشكلة عايزين افعال الناس متصدناش اننا نساعدهم
حتى لو كانوا ميستحقوش
نخدم فيها الجانب الابيض
وما شاء الله مدونة حضرتك التانية جميلة جدا ومميزة
وقلما نجد مثل هذه العقليات وهذه النظرة للزواج والحياة الزوجية
السلام عليكم
ReplyDeleteبغض النظر ان اسلوبك رائع
وجااااااااااامد جداااا
وبتنقشى نفس اسلوب التفكير الكلوا بيفكر فيه
والجميع مش حاسس بالامان
ومحدش بيساعد حد
وتقبلى مرورى
اه
ReplyDeleteوممكن واحد يقتل لاهيف من كده كمان
العبيط
او الحمار اللى سرق الكاسيت
فى احمر منه
بيضطره لكده
اجدع بنوته احلى حدوته
ReplyDeleteانا هاسيب كل حاجة وامسك فى الروترنج
ReplyDeleteقوليلى بتجيبية منين ابو خمسة دة
شكلة صينى زى السبتلايزر
او اكون انا اللى بيضحك عليا
مممممممممم
ReplyDeleteليه كل ده
مش مهم عربيه خالص
ههههههه
علي يااااادّدّيي
ReplyDeleteمساعده والله العظيم مساعده
اجدع بنوته
اييييييييه
دي هيه مولوده اصلا عشان الصالح العام
لاحول ولاقوة إلا بالله
ReplyDeleteفعلا يابنتي كلنا نعاني من هذه المشكلة
ولأول مرة نحقق انتصارا في معركة من هذه المعارك وبعد عشر سنوات مسكنا حرامي الأحذية في المسجد
والذي استنزف هو وأمثاله من ميزانيتي بمعدل جنيه أو جنيه ونصف يوميا لمدة عشر سنوات
زى ما بقول لاختى
ReplyDeleteانتى مش راجل
عايزه تساعدى الناس ساعيهم وخليكى فاكره انك مش راجل
اتز فرى ايزى
ان الله فى عون العبد مادام العبد فى عون اخيه
ReplyDeleteومن مكانى هذا بقول لولاد التيت
سيبو لولاد التيت حاجة
تحياتى
يا بت الايه يا بنوتة
ReplyDeleteوالله و طلعتي من الطبقة البرجوازية
عربية اوبترا
و كاسيت سانيو
و جالكسي
و روترينج
فاضل تقوليلي انك مشتركة في نادي الجزيرة و بتلعبي سكواش و الجمعة تنس
بصي يا بينتي
انا اهم حاجة عندك خفت عليها هوا انتي
طبعا كداب
اقصد الجالكسي بجد
وبعدين جميل قوي ان يبقى جواكي كل الجدعنة دي و مبتنفذيش اي حاجة
لا و مسمية نفسك اجدع بنوتة
امال لو نتشتي فرامل و نزلتي هتسمي نفسك ايه بقى يا هانم
خليكي دايسة بنزين
وراعي الغلابة اللي زيي اللي واقفين في طابور العيش
قال جالكسي قال
سلام مؤقت
اوعي تكوني بتزعلي
ReplyDeleteده نقد هزلي بس
انا اصلا باكل فينو مبكلش عيش :)))))))))))))
كنت عايز اعرف بس هو الولد اللى سرق الكاسيت ده
ReplyDeleteبيبيعه فين ؟؟؟؟؟؟؟؟؟؟؟؟؟
بصي انا لغاية نص البوست مكنتش مستوعب ايه الموضوع ,الواحد مخه مهيس طبيعي ..
ReplyDeleteانا طبعا فهمت قصدك ,احنا بقينا نخاف من بعضينا , بقي سوء الظن هو اللي غالب ..
علي اساس ان ممكن يكون نيتك خير لكن تلاقي نفسك وقعتي في مصيبة ..
علي فكرة حتي مع الناس اللي تعرفيهم برده ممكن يشوفوا مساعدتك ليهم بطريقة مختلفة ..
الحل ؟؟؟؟؟؟؟
مش عارف ,باين ده طبيعة العصر المادي اللي احنا عايشينه ..
بس برده في ناس لسه بتساعد حتي ناس متعرفهاش وبتغلب حسن الظن في معاملتها بس ربنا يستر وما بنقرضوش مع الوقت
تحياتي
محمد
قلم الرونرنج بتاعك بخمسة جنيه
ReplyDeleteاعمل ايه انا بقى .. ده انا باشتريه
بخمسين وشوية كمان
بجد كتير بحس فعلا اني عايزة
اعمل حاجة ايجابية
اني لما اشوف حد بيضرب طفل في الشارع
حتى لو كان ابوه او امه اروح اوقفه
عند حده واقوله عيب كدة !
او اني لما اشوف واحدة بتشحت اورح
اسالها بتعملي كدة ليه ولو كانت بجد
محتاجة اعملها اللي اقدر عليه
لكن دايما بلاقي نفسي مكملة طريقي
وانا في قمة الاحباط .. شعور وحش اوي
ولاد ال... مخلوش لولاد ال... اي حاجة
واجدع تحية لاجدع بنوتة
يا حبيبتشي انا كمان بحب المساعدة اوي لابعد ما تتخيلي
ReplyDeleteبس ساعات كدة باتحرج اقدمها خصوصا اني ست وموقف حصل لي يوم الخميس هحكيه في بوست قريب
بس فعلا ولاد الايه الاولانيين ما خلوش للولاد الايه التانيين حاجة
عااااااااااا
تحياتي
انا عن نفسى باكل 5 وجبات فى اليوم
ReplyDeleteانتوا عايزين تشوهوا صورة البلد لييييييه
ثقافة الأنانية التي غُرست فينا غرسا
ReplyDeleteوأعني بالأنانية : الحرص على حياة الفرد ولو كانت على حساب حياة المجتمع
والحرص على مصلحة الفرد ولو كانت على حساب مصلحة المجتمع
وما على هذا قامت دولة الإسلام سابقا
لكن بهذا سقطت أمام الصليبيين وأمام التتر ..
واليوم .. أمام اليهود
"لو أخذوا على أيديهم لنجوا ..
ونجوا جميعا
ولو تركوهم لهلكوا ..
وهلكوا جميعا"
بالطبع هناك مواقف معينة لها فهم خاص
يعني مثلا .. ان بنت تقف لحد في حتة مقطوعة؟
لكل مقام مقال
عملنا كومنت موديريشن ؟
ReplyDelete:)
ليه ؟
أتصور أن عقلك المتميز وآراءك الواضحة تستطيع أن تدافع عن نفسها ببراعة
وأما من يسب فيمكنك حذف تعليقه فيما بعد
لكن لا تمنحي أحدا فرصة التشكيك في قدرتك على الحوار عند طرح موضوع هام مثلا
---
دمت بخير في جميع الأحوال
. انت لئيط
ReplyDeleteدى كلمه يا شيخه حرام عليكى هههههههههخخخخخخخخ
المهم عندى اسأله انتى بقى بتصلحى عربيتك كل قد ايه بسواقتك دى هاااااااا
اظن كل يوم ويوم
عموما يا سمسم انا رافعه الشعار معاكى يا واختشى خاصه لما بكون مسافرة ههههههههه
اما بصراح فى القاهرة الجدية ساعات ممكن اخد ام والادها مثلا لما يكون الجو برد او حر او بنوته واقفه فى المطرة
انما فى الحر بسبها تتسلق هههههههههخخخخخخخخخخ
بس بصراحه ومن غير ضرب اكتر ناس مش ممكن اركبهم المنقفبات لان والله مش ببقى عارفه دول ايه وفعلا فى دى ولاد الستين تيت مخلوش لاولاد الحلال حاجه
تسلم ايديك يا دكتورة على ما تفرج
السلام عليكم
ReplyDeleteاولا بجد بجد وحشتنى مدونتك
ووحشتيني انتى شخصيا ووحشنى دمك الخفيف
ووحشتنى الكومنتات والبلوجات وكل ما هو آت .. :)
نيجي بقى لاولاد التيت اللي مخلوش لاولاد التيت حاجة
فعلا عندك حق
واحيانا مش بيتخانقوا او واحد عربيته عطلانه
ده احيانا يكون اتنين بيتكلموا وواحدة تدي للتانية معلومات غلط ومتقدريش تتدخلي بينهم
قد يطولك كلمتين في العضم امثال .. وانتى مالك يا انسه ، ماتخليكي ف حالك
واحيانا بتشوف مشكلة احداثها حصلت كلها ادامك ومتقدريش تبدي رأيا ... الفضول وحش:D
واحيانا بقى بيوصفوا لرجل ما مكان ينزل فيه من المينى باس مثلا- بيوصفوا غلط اصلا وحيتوهووه - وتبقي مش قادرة تتدخلى وتقوليله على المكان الصح .. لانك بنت ، والبنت بجد مينفعش تكلم حد متعرفوش ، ودي نقطة انا مش معترضة عليها بالمناسبة
يالا
نو تراست
:S
سلاماتي وقبلاتي:))
يابنتى انتى معاكى ثروة قلم رويترنج دة محدش عارف يشترية دلوقتى وكمان شيكولاتة لالا خافى على نفسك واوعى حد يضحك عليكى انا مبسوطة انى اول مرة ادخل المدونة وبجد عجبتنى وبهنيكى على موضوعاتك الجميلة
ReplyDeleteتحياتى
فعلا طول ما ولاد التيت الاولانيين موجوديين عمر التانيين ما هياخدوا حقهم ابدا
ReplyDeleteده بشوفه فى الصيدليه اما بييجى الاخوه المدمنيين يطلبوا ادويه الجدول
ده بيضطرنى انى ارفض حتى المريض الحقيقى
تقبلى تحياتى
DEAR DOCTOR,
ReplyDeleteI HAVE READ THIS POST AND REALLY I CANT GRASP WHAT YOU ARE UP TO.
I FOUND YOUR LINK WHEN I WAST VISITING ANOTHER BLOG AND I FOLLOWED IT, AND BELIEVE IT OR NOT I'M UPSET OF WHAT IS HAPPENING HERE, BEING OUT OF EGYPT I CAN SEE THROUGH SOME BLOGS THAT YOU EVEN MISS THE STYLE TO EXPRESS YOURSELF AND THAT WHAT I WAS SAYING IN THE OTHER BLOG
WELL
YOU HAVE TERRIBLE SPELLING MISTAKES THOUGH YOU ARE A DOCTOR
WAW
SECOND
YOU DONT HAVE THE LEAST ABILITY TO EXPRESS YOURSELF THROUGH A PROPER STYLE
THIRD
YOU DONT HAVE ANY THEME, IT SEEMS THAT YOU ARE A VERY POOR READER, YOU CAN'T WRITE WITHOUT READING
FOURTH
YOU ARE OVER ESTIMATING YOURSELF, YOU ARE NOT EVEN FISHING FOR A COMPLEMENT YOU ARE IMPOSING COMPLEMENTS ABOUT YOUR "GREAT" "CHIVALRIC" PERSONALITY ON YOUR VISITORS THAT TELLS THAT YOU ARE SO TRIVIAL AND SUPERFICIAL
THIS IS VERY SAD COZ AT THE PLACE I M LIVING YOUNG PEOPLE LIKE YOU START TO READ A LOT AT A VERY EARLY STAGE
SOME OF THEM ARE GOOD READERS THOUGH THEY ARE CARPENTERS NOT DOCTORS SO IT IS SO SAD THAT A YOUNG DOCTOR LIKE YOU IS THAT IGNORANT AND SUPERFICIAL THAT MAKES ME SAD ABOUT MY COUNTRY
AND THAT DESCRIBES WHY PEOPLE IN THE WEST EXCEED US IN EVERY THING
YOU EVEN DONT HAVE A POINT OF VIEW
JUST MAKING THIS BLOG TO SAY THAT YOU ARE THE GREATEST OF THE GREATS?
WHAT SILLY
ههههههههههههههههه
ReplyDeleteيخرب عقلك
لئيط
وبيجوو يا منى
و
القلم الرويترنج الاصفر ابو خمسه جنيه ..
ايام مكان الرويترنج ماشى بيتقمع
بجد بجد شكلك كده مشكلة
انا اول مرة اجى هنا
بس متخفيش لابدالك ف القفص
وكمان ابن منى
ده انا هنفخك :D
مساء الانوار :)
انتى جدعة اه
ReplyDeleteبتحبى تساعدى الناس شىء جميل
بس الحذر حلو طبعا
ولاد التيييت اكثر من ولاد التيييت التانيين
وربنا يسترها وبلاش تقلبى العربيات وخصوصاالسبتلايزر
تحياتى ليكى
خالد
عندك حق والله
ReplyDeleteدا احنا ...(اللي هم الولاد يعني) بنخاف نركب حد معانا ولما بنشوف خناقه بنقدم رجل ونأخر رجلين
عيشي حياتك يابنتي ولا تسألى
ReplyDeleteلو قلبت المحفظة ولا حاجة
مفيش حاجة بتروح
والمال الحلال مايضيعش
اتكلي على الله بس
حرام عليكي الخمسة عين اللي قلتيهم في البوست اللي فاااااااااااات
يعني هي كانت ناقصة
السلام عليكم
ReplyDeleteازيك يا اجدع بنوته والله كلامك صح الواحد بيخاف يعمل خير للتقلب عليه بشر صح اخاف اسلك بين اتنين ستات يقلبونى بس انا محفظتى مش فيها الا قبضى يعنى اللبان ارحم هههههههههههههههههههه ابقى ابعتى ليه لبان من اللى معاكى وحته شيكولاته ماشى بوست هايل ودمك عسل
سلام
السلام عليكم ورحمة الله وبركاته
ReplyDeleteللاسف عندك حق في كل الكلام اللي قلتيه ، الواحد بقي بيخاف يمد ايده لاي حد بالمساعده ليعضها
الناس ولاد التييييييييييييييت الاولانيين دول فعلا ماسابوش ولاد التييييييت التانيين اي حاجه
ربنا يسامحهم
والله يا سمسمة
ReplyDeleteموضوع يستحق التفكير
بس انا عموما لما بلاقى حد واقع فى ورطة واقدر اساعده بعمل كدة من غير ما افكر فى العواقب
وخصوصا لو كانوا ستات
او رجالة عواجيز جدا
غير كدة مبهتمش باى حد
ومبقعدش افكر اذا كانوا هيؤذونى ولا لأ
انا بتكل على الله وربك اللى بيسلم فى الاخر
تحياتى ليكى
اختك خيخة
والله عندك حق ... انا بأبقي هامووووت واساعد الناس بس من اللي باشوفه في الحوادث بقيت اترعب منهم
ReplyDeleteهاهاهاهاهاها
ReplyDeleteجمييييل اوى البوست
انا اول مرة ادخل البلوج بتاعك
بس تحفه بجد
فكرة جميله و باسلوب خفييييف
و حيث ان الختلاف فى الرأى لا يفسد للوز مهلبيه فانا من رأيى .. "بل" انا رأيى ان
ولاد التيييت ماخلوش لولاد "التراباتييييت" حاجة
بصي بأه...انتي عارفة اللي بتحكيه ده عامل زي نظرية المؤامرة اللي بيقولوا عليها بس على صغير..الواحد شايف الدنيا سودة مشجرة بكحلي وظنه سيئ بكل الناس..على فكرة مش لوحدك..كلنا بقينا كده...ما انتي قلتيها ربنا يسامحهم ولاد الحرام....
ReplyDeleteموضوع جميل...........تقبلي زيارتي
عندك حق فى كل اللى قلتيه انا مثلا كل ما امشى فى الشارع وحد يوقفنى يسألنى على حاجة بخاف اقف ارد عليه احسن يطلع مش ولا بد واكيد انتى فهمانى
ReplyDeleteاوبس كل مرة انسى
دى اول زيارة و اوعدك مش هتبقى الاخيرة
هههههههههه
ReplyDeleteحلوه اوى على فكره البوست ده
عارفه بيحصل معايا الموضوع ده كتير اوى
مره يابنتى كنت عند كوبرى الطاهره اللى فى سراى القبه ولاقى ولدين صغنانين راجعين من المدرسه فى عز الحر وماشيين على الكوبرى مش عارفه مامتهم ماخفتش عليهم ازاى
وكانو هايخدوها للسواح مشى
قلت لسواق التاكسى اسئلهم رايحين فين وناديلهم يركبو معاناووصلهم
الاقى الراجل بيقولى ايه يابنتى انتىعايزه تلبسينا تهمه ويقولو اننا خاطفينهم
طبعا كاعادتى طلعت الوجه المتشرد وزعقلته وركبتهم ووصلتهم بس لما حكيت لماما زعقتلى برضه مش عارفه ليه يعنى
تسلم ايدك على البوست
بس بقولك اعملى الحاجه ومتخافيش ادام نيتك كويسه وخير ربنا هايتسرها معاكى
نونااا
بعتلك تعليقى موصلش ليه
ReplyDeleteعموما ياسمسومة اعلق تانى
بجد موضوع مقلق انك تبقى عايزة تقدمى خير وخايفة من اللى ممكن يحصل ده حتى البوليس لو شافوا واحد انقذ التانى من حادثة مثلا يخلوه هو المتهم الاول
سيبك انتى احنا نعقلها ونتوكل واهم حاجة خدى بالك من الجلاكسى ههههههههه
اجدع بنوته
ReplyDeleteانتي اصلا حدوته
عسسسسسسسسسسسسسسسسسل
ويارب ولاد الحلال يخلو لولاد الحلال حاجه
سلامي ليكي ووحشني بوستاتك
ههههههههههههههه
ReplyDeleteيلا ندورلنا ع حد يساعدنا احنا الاتنين يامفروسه يااوختى
وربنا يخليكى وميرسى ع الكمبليموون الظريف ده
بل انى ممنونه جدا ياماجيك وسعيده جدا بعودتك لعالم التدوين الشرفيه
ReplyDeleteوتحت امرك ف ال سكوينت
ههههههه ماشى ياهيرو اساعد بتوع وسط البلد بس يعنى
ReplyDeleteحد ف العشوائيات لا ...
قلم الرويترنج ف عنيااا ياافاق الحريه انت بتكلم ف ايه
ReplyDeleteده اعز ما املك
اكلوك الجبنه الرومى بقى يازكى هههههههههه
ReplyDeleteتمام يا ف حب مصر
شكلك واحد م البلد دى وفاهم البلد كويس فعلا
ReplyDeleteشرفتنى بزيارة حضرتك
دى تبقى كارثه .. الشيطان بقى ياشموع يقعد يقولك
ReplyDeleteمنا قولتلك م الاول هتنضرى يابطه هههههههه
انشالله تولع ياهند ع اسم مصر
ReplyDeleteهما كانوا م بقية اهلنا ياشيخه
قطه .. استرى علياااااااااااااااااااا
ReplyDeleteامام الجيل العزيز ,,, ماهو الواحد يخاف تيجى الطوبه ف المعطوبه
ReplyDeleteويتوكل ع الله ويساعد وياخد ع دماغه ف الاخر
هى بقت سودا كده ليه ياابو حنف
ReplyDeleteخالتى فرنسا .. ف واحد قتل علشان جوز جينهات يعنى
ReplyDeleteميرسى يااصوت مصر العالى
ReplyDeleteلا ده انا جيباه سنة 2000 ياواحد مش فاهم حاجه
ReplyDeleteيعنى ف مطلع القرن .. تراااااااث
هههههههههه لما مش مهم العربيه يا حسام مهم ايه
ReplyDeleteانا مثلا هههههههههه لا طبعا العربيه اهم
عزيزى بهدوء اتريق اتريق ههههههه مساعدتك اللى جايه ف ظوف صعبه
ReplyDeleteاستنى بس لما تفك الدنيا .. هتشوف مساعده محصلتش
ياعينى يابابا عصفور .. جنيه ونص يوميا ولمدة عشر سنوات
ReplyDeleteده حضرتك لو كنت دخلت بيهم جمعيه كان زمنهم مبلغ محترم
اتز فرى ايزى جدا يابطوط
ReplyDeleteيااااارب كلنا نكون ف عون بعض يامدحت
ReplyDeleteشاه باشا انت جاااااااااااااااااى تنق ولا ايه
ReplyDeleteع فكره ياشاه
ReplyDeleteانا بستجدع والله ع طول
بس ف مواقف بتكتف الواحد
ع فكره ياشاه
ReplyDeleteانا بستجدع والله ع طول
بس ف مواقف بتكتف الواحد
عبده يارايق .. مساء الخير
ReplyDeleteالحل ؟؟؟ صح الكلام يافارس
ReplyDeleteيونيككككك عينننك شويه والقلم
ReplyDeleteهينفجر ف ايدى ياجدعان
اختى عاشقة النقاب .. مستنيه البوست
ReplyDeleteمالها صورة البلد يا أوعى تفكر
ReplyDeleteده زى الفللللللل ومبهره
تم الاخذ برأيك العزيز ياخبيب العزيز
ReplyDeleteأأبى انا العربيه مبسوقهاش قد مبصلحا ياحبيبتى ههههههههه
ReplyDeleteحبيبتى مش قادررررررررررره
ReplyDeleteوانتى كمان والله وحشتينى اكتر متبقيش تغيبى بقى
تانى عنيككككم م ع الرويترنج يافيس مووون
ReplyDeleteادوية الجدول دى صداع .. ربنا يكون ف العون ياصيدلالنيه
ReplyDeleteنورتينى حمامه
ReplyDeleteحاضر يامستر خالد مش هقلب حد والله تانى ههههههه
ReplyDeleteتيكو هههههههههه يعنى الاولاد كده كمان .. طايببب
ReplyDeleteونعم بالله يامصطفى وع البساطه البساطه
ReplyDeleteم عنيا احلى لبانه واحلى مستكه لاحلى حنين القلب
ReplyDeleteربنا ياخدهم ياخمسه فضفضه
ReplyDeleteجامده ياخيخه ..
ReplyDeleteحبيبتى المفقوع مرارتها .. تعالى نموت سوا مقهورين
ReplyDeleteميرسى سحسوحتى ... الاسم غريب اوى !!
ReplyDeleteاه واه م المؤامره يادواييير
ReplyDeleteتمام يانونيموس
ReplyDeleteكنتى اضربيه ع قفاه يافتافيت ياحبيبتى
ReplyDeleteربنا يقوينا ياموناليزا
ReplyDeleteعاشقة الفردوس ياحبيبتى .. انتى اعسل
ReplyDelete