Tuesday, March 25, 2008

حقيقة .. انى انا .. حقيقه غير قابله للنقاش





حقيقة .. ان جدو على عنده قطه اسمها شطه وولدت قطه وقطه

هى رنة تلفونى .. حقيقه غير قابله للنقاش ..

هتقولى انى بقيت 21 سنه .. هقولك ..ريكس يهب وهوبا يشب يحب اللعب ف وقت اللعب
...............................................

حقيقة .. انى بقعد ع رجل بابا وينطنطنى لفوق .. ويقولى مين حبيب بابا ..

حقيقه غير قابله للنقاش

هتقولى انى بقيت 21 سنه .. هقولك مين روح بابا .. برده انا

...............................................

حقيقة .. ان بس يعنى قولى يعنى اصل يعنى القلب يعنى .. اغنيتى المفضله

حقيقه غير قابله للنقاش

هتقولى انى بنت مثقفه .. هقولك .. قولووووووووووووووووووو

...............................................

حقيقة .. ان البغبان عالموون م اختيارى .. وان ماتتطلع اليه ليس هو ما تراه

حقيقه غير قابله للنقاش

هتقولى انى بقيت 21 سنه .. هقولك .. انا هموت واشترى بغبغان غلباوى بنص لسان

...............................................

حقيقة .. ان بت جدعه وبمية راجل ..

حقيقه غير قابله للنقاش

هتقولى انى بنوته والانوثه مش رقة كلمات .. هقولك وهى عامله ايه دلوقت ..


ياراجل ومين غسلها المواعيين

...............................................

حقيقة .. انى بموت ف الاطفال وبلعب معاهم ف الطين .. لووول

حقيقه غير قابله للنقاش

هتقولى انى بقيت 21 سنه .. هقولك .. بابا اوبح ..

...............................................

حقيقة ان اللى ف قلبى ع لسانى ومش خلبوصه ومش بسقى السم ف العسل

حقيقه غير قابله للنقاش

هتقولى انى بقيت 21 سنه .. هقولك سيبها ع الله

...............................................

حقيقة انى مسلمه مصريه طبيبه

حقيقه غير قابله للنقاش

هتقولى انى بقيت 21 سنه ولسه متخرجتش اصلا .. هقولك خف تعووووم

...............................................

حقيقة انى بحب .. اهلى .. اصحابى .. زملائى .. المدونين .. الشعب المصرى والعربى والعالمى

حقيقه غير قابله للنقاش

هتقولى ده ازاى .. هقولك انا قلبى مساكن شعبيه

...............................................

حقيقة .. ان زى النهارده م كل سنه اطلب م ماما تعملى تورته وهى ترفض وتعملهالى بعد اسبوع

حقيقه غير قابله للنقاش

هتقولى واحنا مالنا .. هقولك طب والله منا مدوقاك منها حاجه

...............................................

حقيقة .. انكم مش فاهمين لحد دلوقت انا عايزه ايه م البوست ده

حقيقه غير قابله للنقاش

هتقولى خنقتينا .. هقولك معلش عيد ميلادى بقى

...............................................

اجدد نيتى لله .. للوطن .. لعلاقاتى البشريه .. لنشاطاتى اليوميه

ع ان اكون عند حسن ظن اهلى بي ..

عند حسن ظن عباد ربى بى ..

استغل ما منحنى الله اياه م عقل وقلب وحياه وروح الى ان ’تقبض بأمره

ف تطوير نفسى .. ومساعدة غيرى ..

وان اسعى جاهده لاكون سبب ف ابتسامة احدهم ..

او ازالة الم وضيق عن احدهم ..

21 عام قضيتهم ..

اطمح ان اقضى مثلهم ..

ليس الا .. لــ

1- مزيد م الاعمار ف الارض
2- مزيد م طاعة ربى واتباع سنة رسوله
3- انهل م علم وخبرة م سبقنى الكثير والكثير

ربى لاتزغ قلوبنا بعد اذ هديتنا

وهكذا ..

ان اراد ربى .. استيقظ غدا

لافتح كشكول بسلك 300 ورقه .. جديد .. واسطر به يومياتى

ياعالم .. هكمله .. ولا هسيب فيه ورق غيرى يكمله

ولا مش هكتب فيه حاجه اصلا

يلا ياجدعاااااااااااان

غنولى ..

هابى بيرث داى تو مىىىىىىى

هابى بيرث داااااى تو سمسمه .. ياسمين .. اجدع بنوته

ليس اسم واحد

ولا اسمان

بلا ثلاث

حقا .. جيليت مايستحقه الرجال

لوووووووووووووووووووول
..........................................................
..
حقيقة .. ان البوست ده تافهه .. حقيقه غير قابله للنقاش
..
هتقولى اومال اتحفتينا بيه ليه .. هقولك .. وش بيطلع لسانه
...
عاعوعاااااااااااااااااااااااااااااااااااا
......................
at

90 comments:

  1. دكتور حرMarch 25, 2008 at 2:22 PM

    حقيقة
    كل سنه وانتي طيبه
    ومسيبتيش حاجه نفكرك بيها في الذكرى دي
    والى الأمام دائما ان شاء الله

    ReplyDelete
  2. صوت من مصرMarch 25, 2008 at 2:22 PM

    اونل تعليق
    ههههههههههههههههه

    ReplyDelete
  3. صوت من مصرMarch 25, 2008 at 2:24 PM

    مش عارف اقول عموا كل سنه وانتى طيبه والسنه الجايه تبقى 22 والى بعدها وهكذا لحد ما يبقى عمرك 70 او 80 وتسمعى جدو على زى مانا برضه بسمعها وانا عندى22 سنه وبسمع سوسه سقف سوسه ومش عيب لاننا اتربينا عليهم ولا ايه

    ReplyDelete
  4. Moustafa`March 25, 2008 at 2:26 PM

    اول مره اشوف يوم ميلاد بالتجديد ده
    فكر ودماغ تستحق الوقفه والإعجاب
    كل يوم وانتى بخير
    كل عام وأنتى غلى الله أقرب وعلى طاعته أدوم.وللخير أسبق
    بجد بوست مش هايف أبدا ً وبناء ولذيذ كومان..ربنا يكملك بعقلك
    هو فى فن شعبى مش عارفه على الرغم ان تقريبا لى نفس الميول
    بس واضح ان سيادتكم ليكم باع طويل
    ربنا معاكى
    سلامى ودعواتى كتير
    على فكره انا بقالى كتير كده بدخل أقرا ..ومش بعلق
    بس كان لازم نقول كل لحظه وانتى طيبه وبخير
    سلام

    ReplyDelete
  5. AnonymousMarch 25, 2008 at 2:28 PM

    المهم فين التورتة والجاتوه والحاجات دي
    أظن مفيش حد قبلي قالك كل سنة وإنتي طيبة على الرغم من حالة الكآبة اللي أنا فيها
    بس مش ينفع أتأخر أبداً عن أختي
    يلا بقى مستني الحلويات بتاعتي ولن أتنازل عنها
    كل سنة وإنتي طيبة ياقمر وعقبال 101 سنة زي 101 كلب مرقش كده

    ReplyDelete
  6. الراقـــص مع الذئـــــابMarch 25, 2008 at 2:36 PM

    السلام عليكم ورحمة الله وبركاته

    كل سنة وانتي طيبة يا دكتورة
    والسنة اللي جياة كدا تبقي 20 سنة
    واللي بعدها 19
    اصل انا عارفكم
    ربنا يجعل ايامك كلها خير وسعادة وطاعة لله عز وجل
    قولي آمين

    ReplyDelete
  7. خمسة فضفضةMarch 25, 2008 at 2:41 PM

    السلام عليكم ورحمة الله وبركاته

    كل سنة وانتِ طيبة يا سمسمة

    وعقبال مليوووووووووووون سنة وانت في صحة وسعاده

    ReplyDelete
  8. الفارس الملثمMarch 25, 2008 at 2:51 PM

    ههههههههههه

    انتي عيد ميلادك النهاردة ده اللي فهمته طشاش ممممممممم

    كل سنة وانتي طيبة يا اجدع بنوتة بجد , بس تبعتيلي حقي من التورتة علي المدونة بتاعتي..

    تحياتي وتقديري

    ReplyDelete
  9. جمعاوىMarch 25, 2008 at 3:02 PM

    كل عام و أنتم الى الله أقرب و على طاعته أدوم

    و لجنته اطلب

    و عن معصيته أبعد

    حقيقة غير قابلة للنقاش

    ReplyDelete
  10. Dr.Mohammed GoharyMarch 25, 2008 at 3:04 PM

    الف بركة وربنا فرحتلك جوي
    كل سنة وانتي ايشطه
    والسنه الجايه تبقي واحد و....قصدي اتنين و..عشرين

    ReplyDelete
  11. Abo 7anfMarch 25, 2008 at 3:06 PM

    كل سنه وانتى طيبه
    على قد احلامك مهى بسيطه ومشروعه
    على قد مهى عظيمه وهايله
    وكون عندك 21 سنه ومخاصتيش طب
    فانا عندى 22 سنه وخلصتش
    وكل سنه وانتى طيبه تانى مره
    وبجد البوست جميل قوى

    ReplyDelete
  12. مهندس مصري بيحب مصرMarch 25, 2008 at 3:13 PM

    يالا حالاً بالاً بالاً هنوا أم الفصاد
    حيكون عيد ميلادها الليلة أجمل الأعياد فلتحيا أم الفصاد
    :)
    هييييييييييييه

    كل سنة و انتي طيبة
    و مبروك بلوغك سن الرشد
    :)

    ReplyDelete
  13. Lobna Ahmed NourMarch 25, 2008 at 3:21 PM

    مش فاهمة اي حاجة

    حقيقة غير قابلة للنقاش

    ههههههه

    كل الجنان ده بمناسبة سن الرشد

    بس انتي بتربحي معانا برضو

    كل سنة وانتي طيبة و اجدع من اجدع بنوتة

    بوست لذيذ .. حقيقة مستحيل تكون قابلة للنقاش

    ReplyDelete
  14. فرنسا هانمMarch 25, 2008 at 3:30 PM

    حقيقه انتى بنت سكره
    دى حاجه غير قابله للنقاش

    حقيقه انا حبيتك
    دى حاجه غير قابله للنقاش

    حقيقه كل سنه وانتى طيبه
    وعايزين الساقع
    دى حاجه حقيقه غير قابله للهروب منها
    عبقال 100 سنه

    ReplyDelete
  15. dr_mody4ever رصيف نمرة خمسةMarch 25, 2008 at 4:06 PM

    حقيقة انك لمضة جدا

    ورغاية جدا

    ومشاغبة مووووت
    وان مدونتك من احسن المدونات
    كل ستنة وانتي طيبة والسنة الجايه نشوفك في اي حته هههه واشوفك دكتوره حقن
    والله وكبرتي وعجزتي زيناوبقى عندك 21 سنة
    كله يقول معاي هابي بيرز دي تو يو

    وإن شاء الله السنه الجايه تكوني حققتي أكتر من إللي كان نفسك فيه وربنا يجازيكي خير يارب إنتي إنسانه محترمه وتستاهلي كل خير

    وعقبال مليون سنة وانت مبدعة

    ReplyDelete
  16. كلاكيت تانى وتانىMarch 25, 2008 at 4:37 PM

    كل سنة وانتى طيبة وبألف صحة وحب كلامك كلة عادى وجميل عادى لأنة طبيعى تفكرى فية وفكل اللى بتحبية وتتمنية فعام جديد لكى وطبيعى لأن دة سنك ولسة الحياة قدامك ويمكن السنة الجاية الاقيكى ببوست تانى وافكار تانية
    بس بوستك مزهقناش ولا حاجة دة رجعنا لأيام كنا بنطير فيها بس

    ReplyDelete
  17. wanna b a physicianMarch 25, 2008 at 6:28 PM

    كل سنة وانتى طيبة
    يا اجدع دكتورة

    ReplyDelete
  18. بطوط حبوبMarch 25, 2008 at 10:23 PM

    بجد موضوع هايل ورئع انا عيد ميلادى كمان خمس ايام وبفكر هكتب ايه وانتى صعبتى على الموضوع لانى كل ما هكتب كلام هقول كلامك احسن

    بعد البوست اقدر اقولك يبقى انتى اكيد المصرى
    كل سنه وانتى طيبه

    ReplyDelete
  19. هونداMarch 25, 2008 at 11:19 PM

    ككل سنة وانتى بخير

    وكل عام وانتى الى الله أقرب :)

    ReplyDelete
  20. عاشــــــ النقاب ـقــــة"نونو"March 26, 2008 at 12:21 AM

    هتقولي ان 25مارس هو يوم ميلادك
    ان شاء الله السنة الجاية تكون الى الله اقرب
    وهقوللك العيد الحقيقي هو ان نكون في طاعة الله
    ححقيقة غير قابلة للنقاش
    الله يرضى ليكي والسنة الجاية تحتفلي بيه مع زوجك وفي بيتك يارب
    يا اجدع دكتورة بنوتة صغنتوتة

    ReplyDelete
  21. بنت حرةMarch 26, 2008 at 1:17 AM

    الاول

    بوست جميل والله

    وكل سنة وانتى طيبة

    وعقبال 100 سنة

    انا لسة مدونة جديدة

    ياريت ...تزورينى ...وتشجعينى


    بوركتم

    ReplyDelete
  22. MonzerMarch 26, 2008 at 1:28 AM

    انا بس يعنى قولى يعنى اصل يعنى القلب يعنى


    قولووووووووووووو


    وأعتقد انك نسيتى واحدة كمان متسيبنيش محتاجلك

    lol

    أنا بحب كل الأغانى دى وعندى 23 سنة



    خليكى على طبيعتك .. خليكى د/أجدع بنوته

    وكل سنة وانتى طيبة

    ReplyDelete
  23. احساس لسه حىMarch 26, 2008 at 2:51 AM

    عزيزتى
    واحد وعشرون عام
    وهذه الاشياء تحبينها

    تمر السنين ويبقا عمرك91عاما

    وستحبين نفس هذه الاشياء

    العمر يكبر وملامح الزمن تتحفر فى اجسامنا

    بس الااس عمره ما بيتغير

    بدل القلب صافى ونقى مش هيتغير

    كل اللى بتحبيه انا بحبه

    وطول عمرى هحبه

    ما عدا انى اقعد على رجل بابا واتنطط

    حرام عليكش للدرجه دى

    وبطلى انتى كمان تتنطتى

    ربنا يخلهولك يا رب

    البوست عجبنى

    مش شايفه تافه

    انا مش موافق على كلامك

    تحياتى
    سلام

    ReplyDelete
  24. آخر العنقودMarch 26, 2008 at 3:17 AM

    حقيقة عايزة اقولك زى خالتو فرنا ماقالت وما تسالنيش ليه

    حقيقة انا معجبة اوى باسلوبك
    ودغير قايبلة للنقاش

    هههههههههههههههههه
    كل سنةوانتى طيبة يارب ياسمسمة
    وعقبال 99 سنة
    :)
    ايه كفاية بلاش طمع


    بجد بوست فكرته رائعة
    تحياتى ليك ياجدعة

    ReplyDelete
  25. مشروع انسانMarch 26, 2008 at 3:52 AM

    كل سنة وانتى طيبة وبخير

    بس بوست مش تافهة
    بالعكس
    تلقائى وجميل

    وبحب انا اوى الكبار الصغيرين دول
    والله احسن كتير
    مفيش احسن من المعيلة :)

    ReplyDelete
  26. Desert catMarch 26, 2008 at 5:01 AM

    كل سنة وانتى طيبة

    ReplyDelete
  27. AnonymousMarch 26, 2008 at 5:36 AM

    بجد
    كل سنة وانتي طيبة
    وعايزة رايي
    كشكشيها ومتعرضيهاش

    عقبال ما تبقي دكتورة على كبير
    صحيح قوليلي
    انتي فعلا من الزقازيق
    وفي سنة كام

    ReplyDelete
  28. Empress appyMarch 26, 2008 at 6:17 AM

    هابى بتاع كده والسنه الجايه تبقى كبيرة وحلوة وعاقله وحبيبة قلبى وعقلى وتتنططى على رجل بابا وماما والكراسى اللى فى البيت تقع وتتكسر ونصلحها تانى مش مهم

    ReplyDelete
  29. بحبك يامصرMarch 26, 2008 at 6:23 AM

    حقيقة يا سمسمه كل سنه وانتى طيبه
    حقيقة عقبال 100سنه
    وان شاء الله السنه الجايه نقولك كل سنه وانتى طيبه
    متميزه دايما ياسمسمه حتى فى عيد ميلادك

    ReplyDelete
  30. همس الاحبابMarch 26, 2008 at 7:54 AM

    كل سنة وانتى طيبة وعقبال مليون سنة بس عيد ميلادك يوم 27 مش كده
    عامة انجيب هدية وانستنى على باب المدونة ونشوف اندخل ولا انطرد بره
    بوست لذيذ ودمه خفيف يا ياسمين
    تحياتى ليكى

    ReplyDelete
  31. سنووايتMarch 26, 2008 at 8:06 AM

    عيد ميلاد الليلة مين.. عيد ميلاد النونة
    كل سنة وانتي طيبة يا اجدع بنوتة وانا مش هناقشك ولا هاتكلم في حاجة علشان تاكليني من التورتة
    هاستنا التورتة بتاعتي لما ماما تعملها بقي :)

    ReplyDelete
  32. مروة الزارعMarch 26, 2008 at 9:16 AM

    حقية انا عندى 23 سنة وبعمل كلللل دة زيك بالظبط

    هههههههههه يبقى دى حقيقتى غير قابلة للناقاش

    كلنا هذا الرجل يا عسولة

    بوست دمة شربات زيك

    عسل عسل عسل عسل

    :)

    ReplyDelete
  33. UnknownMarch 26, 2008 at 9:49 AM

    كل عام وحضرتك إلى أهدافك أقرب
    كل عام وانت إلى الله أقرب

    ReplyDelete
  34. في حب مصرMarch 26, 2008 at 10:18 AM

    هابى بيرث داى تو يوووووووووووووووووو

    هابى بيرث داااااى تو سمسمه .. ياسمين .. اجدع بنوته

    بجد كل سنة وانتي طيبة يا أجدع وأطيب وأرق بنوتة

    وعقبال 100 سنة .. لا ألف سنة

    انتي دلوقت بقيتي خلاص عنصر كامل الأهلية في المجتمع لأنك كملتي 21 سنة يعني مسؤولة عن كل تصرفاتك، وتقدري كمان توقعي شيكات وتبيعي أملاكك

    كل سنة وانتي طيبة مرة تاني

    وهابي بيرث داي ياسمين

    ReplyDelete
  35. AnonymousMarch 26, 2008 at 10:23 AM

    هابي بيرث داي
    وربنا يخلي كل ايامك اعياد




    ممكن ورقه م الكشكول الجديد بس ياريت مش متسطره
    مون

    ReplyDelete
  36. منوفيـــايــةMarch 26, 2008 at 1:15 PM

    حقيقة...انك طيبة وعسووولة
    غير قابلة للنقاش
    ربنا يكرمك ويحققلك كل اللى بتتمنية

    ReplyDelete
  37. رئيس جمهوريه نفسىMarch 26, 2008 at 2:12 PM

    كل سنه وانتى طيبه كل سنه وانتى محققه كل امالك وامنياتك فى الحياه كل سنه وانتى ااقرب لربنا كل سنه وانتى دكتوره قد الدنيا
    كل سنه وانتى قلبك مساكن شعبيه

    ReplyDelete
  38. ابن حـجـر الـعـسـقـلانـىMarch 26, 2008 at 2:27 PM

    يا ستى كل سنة و انت طيبة على الواحد و العشرين سنة ... و عقبال ما تكبرى كدة و يبقى عندك تمنتاشر سنة

    كل عام و أنت الى الله أقرب

    ReplyDelete
  39. زُمُردهMarch 26, 2008 at 3:31 PM

    Happy Birthday 2 You

    كل سنه ووانت بصحه وخير وسلام ومفيده لبلدك واهلك واسلامك

    ربنا يكرمك

    ويخلينا ليك وميحرمكيش منا

    وش بيطلع لسان

    هههههههههههه


    انت تحفه متحركه عسووووووووووووووووووووله جداجدا


    بوست روعه وخفيف اوي
    وقربني منك اوي

    ReplyDelete
  40. 3ala asm masrMarch 26, 2008 at 3:44 PM

    هابى بيرث تو يو يا قمر
    عقبال مليون سنه

    ReplyDelete
  41. ساكت ليهMarch 26, 2008 at 4:12 PM

    عزيزتى سمسمة احبك اقولك كل سنة وانتى طيبة وانتى محققة كل ما تتمنى
    على فكرة انتى اكبر منى ب 3 ايام

    ReplyDelete
  42. nigroMarch 26, 2008 at 4:18 PM

    (:
    حقيقة انك زي السكر و ان البوست ده أكثر من زائع حقيقة غير قابلة للنقاش
    حقيقة انك لمضة لماضة زي العسل حقيقة غير قابلة للنقاش
    عسل و سكر.. المدونة زمانها اتملت نمل
    كل عام و أنت إلى الله أقرب و على طاعته أدوم
    كل سنة و انت طيبة

    ReplyDelete
  43. بنت الصالحينMarch 26, 2008 at 4:32 PM

    هههههههههههههههههههههههههه


    انا مش هقولك هابي بيرث داي ولا الكملام ده



    انا هقولك

    كل عام وانتي الي الله اقرب وعلي الطاعه ادوم

    ويارب يارب لو مكتبلناش اننا نشوف بعض في الدنيا نشوف بعض في الاخره ونتجمع كده كلنا علي حوض النبي


    بحبك ياسمسمه

    سلامي لمامتك وخليها تسيبلنا حته من التورته

    :))

    ReplyDelete
  44. t3banMarch 26, 2008 at 5:19 PM

    happy birth day to u
    happy birth day to u
    happy birth day to yasmeen
    happy birth day to u
    مش حقلك مش عارف مين مكنش بيحب يحتفل بعيد ميلاده علشان مش عارف ايه
    ولا حقلك ليه وعلشان ايه
    ولا اول بنت اشوفها تصرح عندها كام سنة
    بس حقولك 21 سنه معناه انك لك ذمة مالية لوحدك
    وممكن تسافري من غير تصريح
    يعني خدت أفراج من المؤبد الي اتزلدت فيه
    كوني قد المسؤلية
    و عقبال كفاية 60 سنة حلويين
    ولا عايزة اكثر
    و لو مفيهاش سقالة ممكن الحتة الي عليها الكريز
    و كوباية ببثي وحروح علي طوووول

    ReplyDelete
  45. dr_modymodakMarch 26, 2008 at 8:58 PM

    كل سنه وحضرتك طيبهوالسنه الجايه نشوفك منوره كوشتك

    ReplyDelete
  46. AnonymousMarch 26, 2008 at 9:00 PM

    احبه لانه بستحق ان احبه
    ذهبت بعيدا ولكن رجعت اليه
    اخذتني الدنيا ولكن رجعت لاني احبه
    عرفته بالحب عدت بالحب
    هل تحبه هل تسمعه ,الك قلب
    ان كان لك قلب ستسمع
    حتما ستسمع ,
    الم يان للذين امنوا ان تخشع قلوبهم لذكر الله وما نزل من الحق ولا يكونوا كالذين اوتوا الكتاب من قبل فطال عليهم الامد فقست قلوبهم وكثير منهم فاسقون
    اياك ان تذهب اياك ان تمضي ارجع فقط ,ارجع فحسب ,ارجع ان كنت تحب
    ارجع قبل ان يأتي يوم ولاتستطيع الرجوع ,
    الك اله سواه الك رب غيره ,ماهذه الدنيا ومن فيها ومن عليها ,
    يا حسرتى على ما فرطت في جنب الله وان كنت لمن الساخرين
    يا حسرتى على ما فرطت في جنب الله وان كنت لمن الساخرين
    يا حسرتى على ما فرطت في جنب الله وان كنت لمن الساخرين
    العائد الي النور

    ReplyDelete
  47. HEROMarch 27, 2008 at 12:06 AM

    كل سنة وانتي طيبة يا ياسميين وعقبال 87 سنة ان شاء الله وتبقي دكتورة كبيرة وتتحفينا بمقالاتك كمان وكمان

    ReplyDelete
  48. محاولة لكسر الصمتMarch 27, 2008 at 5:23 AM

    حلو اوي الكلام ده........بس عادي انا مش شايفة ان البوست تافه.......يا بنتي انتي كملتي واحد وعشرين سنة........يعني براحتك اعملي اللي انتي عايزاه.وبعدين هوه الواحد هيعدي عليه كام يوم يبقى كمل فيه واحد وعشرين سنة هوه واحد.....وعلى فكرة انا مستنية نصيبي في التورتة عشان زي ماقلتلك مش معترضه على البوست...وأخيرا عقبال ميييييييييييت سنة

    ReplyDelete
  49. غني يابهيهMarch 27, 2008 at 7:09 AM

    كل سنه وانتى طيبه

    ReplyDelete
  50. ftafeetMarch 27, 2008 at 9:38 AM

    حقيقه انى اول مره ازور المدونه وعجبتنى جدااااا حقيقه غير قابله للنقاش

    حقيقه انى هاقولك كل سنه وانتى طيبه ولو مدتنيش حتت تورته هاجى اكل دماغك حقيقه برضه غير قابله للنقاش

    يلا كل سنه وانتى طيبه تااااااااانى كده بقوا حتيتن

    يلا بقى بااااااى

    نوناااا

    ReplyDelete
  51. آفاق الحريةMarch 27, 2008 at 10:13 AM

    السلام عليكم
    كل سنة وحضرتك طيبة
    بس انا عايز حتة تورتة
    ولا انت اكلتيها كلها
    اللي ياكل لوحده يزور

    ReplyDelete
  52. محمدMarch 27, 2008 at 11:25 AM

    اولا كل سنه وانتى طيبه يا اجدع بنوته على قد كلامك
    بس دى اول زياره ليكى وطلعنا جيران
    انتى شرقاويه يعنى
    والمثل اللى بيقولوه عندكوا شرقاوى كريم عظيم

    ReplyDelete
  53. simple girl.. ..simple dreamMarch 27, 2008 at 1:39 PM

    اولا يا ستى كل سنة وانت طيبة
    ثانيا انت لا خنقتينا ولا حاجة بالعكس البوست لذيذ ودمه خفيف
    ثالثا انت جبتى رنة موبايلك منين
    انا عايزاها لوسمحت

    ReplyDelete
  54. simple girl.. ..simple dreamMarch 27, 2008 at 1:39 PM

    اولا يا ستى كل سنة وانت طيبة
    ثانيا انت لا خنقتينا ولا حاجة بالعكس البوست لذيذ ودمه خفيف
    ثالثا انت جبتى رنة موبايلك منين
    انا عايزاها لوسمحت

    ReplyDelete
  55. asfour-elnarMarch 27, 2008 at 2:40 PM

    كل سنه و انتي طيبه و عقبال ميت سنه

    ويارب تحققي كل اللي بتتمنيه

    طبعا التورته خلاص مش فاضل فيها حاجه

    لاني جيت متاخر

    مش مشكله بقي خلينا للسنه الجايه

    ReplyDelete
  56. Ahmed Al-SabbaghMarch 27, 2008 at 3:37 PM

    لالالالا

    مش تافة خالص

    انا شايف انك بتتكلمى كلام مهم اوى بس فى قالب ساخر لكن وراء السخرية معانى كبيرة جدا

    وانا شخصيا احب الاسلوب ده احسن من القاء كلام مباشر

    ورايى فى الكلام ابقى اقرى بوست كنت كاتبة اسمه : كان نفسك فى ايه قبل ما تموت يا خالو احمد .. هتعرفى اد ايه انا حبيت كلامك

    تحياتى لكى

    احمد

    ReplyDelete
  57. سهر الليالىMarch 27, 2008 at 3:47 PM

    كل سنة وأنتى طيبة يا بنوتة وعقبال خمسميت سنة كمان

    هما بيقولو أن السن دة سن الرشد أوعى تصدقى وخليكى على حجر بابا برضو وأستمتعى على قد ما تقدرى

    كلامك جميل وبوست جامد ودكتورة أجمد وأجمد

    كل سنة وانتى أحلى وأحلى وأجدع بنوتة كمان

    ايييييييييه لا أستنى فين حتته التورتة بتاعتى أومال ؟؟؟وعلى فكرة أنا بحب بيبسى أو ميرندا برتقان وشوية ساليزون من اللى هناك دة واتوصى بقى
    ;)

    تحياتى يا قمرة

    ReplyDelete
  58. UnknownMarch 27, 2008 at 9:29 PM

    كل سنة وحضرتك الي الله اقرب وعلي طاعته ادوم
    وان شاء الله ربنا يبارك في عمرك ويجعله كله طاعه ورضي
    وجزاكم الله خير

    ReplyDelete
  59. AnonymousMarch 28, 2008 at 1:27 AM

    أعداها الله عليكى أزمنة عديدة
    كل سنة وانتى طيبة

    ReplyDelete
  60. انا مسلمهMarch 28, 2008 at 3:39 AM

    يا سلام كل دة عشان كملتى 21سنة
    لا بجد مروقة نفسك
    ربنا يجعل ايامك كلها
    سعادة
    وعبادة
    بس على كدة انتى سنة كام فى طب رابعة ولا اية لتكونى دفعة وانا معرفش
    تقبلى مرورى على مدونتة الجميلة

    ReplyDelete
  61. ميندوزا المصريMarch 28, 2008 at 8:27 AM

    كل سنه وانتي طيبه مع انها جت متأخره
    وعقبال 100 سنه وتفضل برده
    جدو على عنده قطه اسمها شطه وولدت قطه وقطه
    رنت موبيلك
    هههههههههههههه

    ReplyDelete
  62. موناليزاMarch 28, 2008 at 10:22 AM

    كل سنة وانتى طيبة يا سمسمة وعقبال 110 سنة بما انك هتقضيهم فى الطاعة يبقوا مش خسارة فيكى وان شالله ماحد حوش

    ReplyDelete
  63. AnonymousMarch 28, 2008 at 11:50 AM

    كل سنه وانتى طيبه يا سمسمه انا يا ستى اول مرة ادخل هنا والحمد لله انى دخلت علشان اخد حته من التورته ولا اكلتيها لوحدك 21سنه عدو والسنين الجايه ربنا يوفقك اكتر واكتر اختك حنين القلب

    ReplyDelete
  64. UnknownMarch 28, 2008 at 3:22 PM

    عقبال لما توصلى 22 سنة جميل البوست ومش هتنازل عن زيارتك لمدونتى ومش لازم تعلقى
    المهم أتمنى التواصل دائما
    وعقبال 100 سنة

    ReplyDelete
  65. شاب نفسة يحقق حلمةMarch 28, 2008 at 11:15 PM

    كل سنة وانتي طيبة يا اجدع بنوتة في العالم انا عارف اني جيت متاخر بس هو انا مليش في التورتة دي
    تحياتي ليكي

    ReplyDelete
  66. UnknownMarch 29, 2008 at 12:23 AM

    كل سنه وانت طيبه
    وربنا يديم عليكي الخير والصحه والسعاده
    متنسيش تقوليلي هاتتخصصي في ايه
    عشان اخد هدية عيد ميلادك كشف مجاني عندك
    LOL

    ReplyDelete
  67. عايش... ولكن !!!!March 29, 2008 at 4:21 AM

    اول زياره
    بس المدونه عجبتنى جدا
    على فكره انا فى هندسه الزقازيق
    يعنى احنا تقريبا جيران
    ههههههه
    عموما كل سنه وانتى طيبه
    ويارب دايما ايامك كلها فرح وسعاده
    تحياتى
    علاء

    ReplyDelete
  68. Ana kedaMarch 29, 2008 at 4:36 AM

    هههههههههههههههههه

    كل سنة وانتى طيبة يا سمسم


    يا رب تبقى سنة سعيدة عليكى يا رب

    بوست والله عسل اوى

    ربنا يخليكى للبلوجرز والامة الاسلامية وانا وانت

    ورقصنى يا جدع
    هههههههههههههه

    حقيقة غير قابلة للنقاش

    انك عسولة موت

    ReplyDelete
  69. رحــــيـلMarch 29, 2008 at 5:34 AM

    كل سنه وانى طيبه ياجدع بنوته

    انتى حد عسل قوى ودمك شربات
    حلوه حياتك كده قوى
    ربنا يهنيكى وتحققى كل اللى بتحلمى بيه يارب
    عيشى حياتك كده زى مانت عايزه ولو حتى بقى عندك 100 سنه ان شاء الله

    سورى علىا لتاخير ظروف نت بقى
    تحياتى وحبى

    ReplyDelete
  70. مطرح ما ترسى....دقلهاMarch 29, 2008 at 6:17 PM

    هههههههههههههههه

    كل سنة وانتى طيبة
    ولو انى بجد ما فهمتش اى حاجة

    تحياتى وهعتبرك ما كتبتيش البوست ده

    ReplyDelete
  71. إخوانى حتى النخاعMarch 30, 2008 at 1:27 AM

    كل سنة وانتى طيبة



    عقبال الستنين (شنة )

    ههههههههههههههههههههههههه



    أخوكى إخوانى حتى النخاع

    ReplyDelete
  72. DobaMarch 30, 2008 at 3:27 AM

    على وشى ابتسامة بعرض البحر والسما
    كل سنة وانتى طيبة
    يا سمسمة
    يا ياسمين
    يا اجده بنوتة فى الدنيا

    وعقبال الف مليون سنة
    والسنة اللى جاية تحققى كل اللى بتحلمى بيه

    احلامك
    اخلاقك
    طموحاتك
    مبادئك

    كلها حاجات تخلينى أفخر بوجودك حتى وان كان من خلال المدونات

    ربنا يسعد قلبك
    ويهنيكى
    ويفرح قلبك والديكى
    وبالهنا والشفا احلى واكبر تورتاية

    هبة

    ReplyDelete
  73. دعاء مواجهاتMarch 30, 2008 at 4:49 AM

    كل سنة وإنتى طيبة ياقمر وبخيير ديماً

    دا إنتى مشكلة
    ع فكرة بييكى فى النيك نيم بتاعك جدا حلوة بجد أجدع بنوتة دى فعلا بيييس

    ReplyDelete
  74. تــــايه ومش تـــايهMarch 30, 2008 at 6:46 AM

    كل سنه وانتى طيبه وعقبال 100 سنه بس وحلوه اوى موضوع الحقيقه دى
    ربنا يوفقك

    ReplyDelete
  75. khobaybMarch 30, 2008 at 10:10 AM

    كل عام وأنت بكل خير

    نفع الله بعمرك

    وأطاله

    وعقبال 100 عام وتكون لسه الرنة :

    "وعمو علي عندو جاموسة" !!

    ---

    دمت بخير

    ReplyDelete
  76. Hosam Yahia حسام يحيىMarch 30, 2008 at 12:56 PM

    ههههههههههههههههههههه


    الف الف مبرووووووووووووووووك


    وعقبال اما نشوفك رئيسه البلد فى عيد ميلادك التمانين

    ونطالبك بالتنحى

    وتورثى ابنك

    ReplyDelete
  77. احمد الجيزاوىMarch 30, 2008 at 5:39 PM

    كل سنه وانى طبيه
    يعنى الان التاريخ
    سوف يقول انه مر على كوكب الارض وعلى الحضارة البشريه 21 عام من معايشه اجدع بنوته له
    كل عام وانتى بخير
    احمد الجيزاوى

    ReplyDelete
  78. BongoMarch 31, 2008 at 11:11 AM

    هههههههه بوست جااامد

    كل سنة و انتي طيبه يا جميل

    و عقبال ملييييووون سنه

    يا سمسمة ... و يا ياسمين و يا

    أجدع بنووووته

    :D

    ReplyDelete
  79. Ali KorkorMarch 31, 2008 at 12:11 PM

    لا بالعكس البوست ده مش تافه و لا حاجة
    ده من اجمل البوستات اللي انا شفتها في المدونات كافة ( واحد بيبص بطرف عينه )
    كل سنة و انت طيبة :)

    ReplyDelete
  80. SooooMarch 31, 2008 at 4:21 PM

    يااااااااااه
    ده ان انا جاي متأخر عشرتلاف سنه ضوئيه
    كل سنه وانتي طيبه
    ويارب في زي الايام دي تكوني محققه كل اللي بتحلمي بيه يارب

    والحقيقه .. اني سعيد جدا اني اكتسبت صداقه بنت جدعه وبمليون الف ديشيليون راجل زيك


    سلامي لوالدك العزيز




    سلاموووووووووووز

    ReplyDelete
  81. صبرني ياربMarch 31, 2008 at 5:01 PM

    كل سنه وانتى طيبه يا ياسمينه يا حبيبتى وعقبال ميت سنه
    والتورته عليا
    ومستعده اعمل للمدونين كلهم ولا يهمك

    احنا عندنا كام ياسمين وبعدين ليه البوست مالوش لازمه ؟؟؟
    كفايه انه عيد ميلادك وعشان الوقت اتأخر بس مش هاعرف ارفعلك اغنية عيد ميلاد النونه
    لو لحقت بكره انزلهالك يا جميل
    كل سنه وانتى طيبه وبخير وسعاده يارب
    والسنه الجايه تكوني اتجوزتي وجبتى بيبى صغير تغنيله عشان تلعبي معاه بدل ما بتستلفي ابن الجيران

    ReplyDelete
  82. ammarMarch 31, 2008 at 6:52 PM

    واحد صاحبى راح يشترى موتسيكل
    قالوله لما تكمل 21 سنه
    دى حقيقه واقعه
    هاتقولى والتعليق ده ماله ومال البوست هاقولك
    كل سنه وانتى طيبه
    وعقبال 100 سنه

    ReplyDelete
  83. كاميليا بهاء الدينApril 1, 2008 at 4:33 AM

    ههههههه

    وى وا وى وا وى وا

    كل سنة وانتى طيبة ياقمراية

    بوست لذيذ خالص

    مع حبى

    ReplyDelete
  84. أم أحمد المصريةApril 1, 2008 at 7:28 AM

    كل سنة و انت بألف خير و دايما في تقدم يااااااااااااااه 21 سنه بحالهم دا انت عجزت قوي مش حقول لك انا عندي كام سنه احسن تتخضي :)

    ReplyDelete
  85. بحبك يامصرApril 1, 2008 at 8:14 AM

    انتى فين يا سمسمه
    طمنينا عليكى مش عوايدك تتأخرى كده

    ReplyDelete
  86. السـيد شبـلApril 1, 2008 at 8:29 AM

    حقيقى
    كل سنه وانتى طيبه
    فهمت كلامك كويس

    ReplyDelete
  87. ِِAdem El-MahdyApril 1, 2008 at 11:15 AM

    السلام عليكم

    اول مرة على مدونتك يكون عيد ميلادك

    دا انا حظى كويس جداا

    على العموم كل عام و انت الى الله اقرب و الى اهدافك اقرب و اكيد تزورينا فى مدونتنا المتواضعة

    www.ademelmahdy.blogspot.com

    ReplyDelete
  88. رفقة عمرApril 3, 2008 at 10:01 AM

    كل سنه وانت بالف خير
    اسفه متاخره شويه
    سامحينى

    ReplyDelete
  89. 3arabyApril 3, 2008 at 5:47 PM

    كل سنو وانتى طيبة يا دكتورة
    وعقبال مليون و 22 سنة ان شاء الله كلها صحة وسعادة ونجاح .

    أنا اسف ان تعليقى متأخر جداً , بس للأسف أنا مكنتش بدخل النت الفترة اللى فاتت الا نادراً.... أنا فعلاً خجلان واتمنى ان تتقبلى اعتذارى لتأخر تعليقى .

    وكل سنة وانتى طيبة.

    ReplyDelete
  90. د/اجدع بنوتهApril 8, 2008 at 6:26 PM

    شكرا ليكم جميعااااااااااا

    ودايما كده مع بعض ف مناسبات سعيده

    ونردهالكم ف الافراح

    وطبعا طبعا التورته نسفتها

    ومسبتش حاجه لحد

    ReplyDelete

مـش كـده ولا ايـه
..
ده حتى الاختلاف ف الراى .. لا يفسد للوز مهلبيه
..
اه والله