بخاف
.. كل اما تدبل وردتى فيا ..
بخاف
.. بخاف .. لتموت الفرحه ..
.. بخاف م الدنيا الجارحه ..
هموت .. هسيبهم ..
خلاص مش هشوفهم ..
خلاص علاقتى بالدنيا انتهت ..
خلاص للابد .. خلاص مبقاش فيه قعدة صحابى
خلاص مبقاش فيه شات .. خلاص مبقاش فيه اكل
خلاص مبقاش فيه ماما ولا بابا
اااااااااااااه
رايحه لربنا .. اه فرحانه ومبسوطه اوى .. بس ايه .. لوحدى ..
تحت التراب .. روح تخرج .. قصه تنتهى .. ذكريات ونزل عليها تتر النهايه
ناس بتبكى .. بس هتنسى ..
امى هتفتكرنى .. لما تدخل اوضتى تلاقيها فاضيه
لما متسمعش صوتى الصبح بقولها .. انتى ياست انتى فين شرابى البمبى
اللى انا اصلا معنديش شراب لونه بمبى
وابويا هيفتكرنى لما ميلاقيش العربيه كل تلات ايام عطلانه بسببى
هيفتكرنى اكيد لما يصحى الصبح يلاقينى اكلت البقسماط كله اللى جابه امبارح بليل
علشان نفطر بيه الصبح
صحباتى هيفتكرونى لما ميلاقوش موبايلاتهم بترن الساعه 3 بليل
زملاتى ف السكشن هيفتكرونى لما ميلاقوش حد يلم كانريهاتهم علشان الدكتوره تاخد الغياب
جيرانى هيفتكرونى اكيد لما ميسمعوش صوت سرسعه الساعه 4 الفجر اصل ياسمين بتزاكر
وبتغنى بقى المبدعه بسلامتها
صحابى ع النت هيفتكرونى لما ميلاقوش حد كل شويه يبعتلهم نيدنج ورينج ويطلع اوف لاين
ويدخل تانى يهنجلهم اميلاتهم
كمبيوتر بتاعى هيفتكرنى .. لما ميلاقيش حد ينضفه والتراب يكركب عليه
لبسى هيفتكرنى لما ميلقيش حد يلبسه ولما يتزنق يقعد بيه ع اى عربيه فيات قدام الكليه
قلامى هتفتكرنى لما ميلاقوش حد بيقرقض فيهم وولما يتعصب يحدفهم واحد ورا التانى م شباك المنور
مصحفى هيفتكرنى .. لما ميلاقيش حد بيفتحه وينزف دموع جواااه
انتم هتفتكرونى .. لما متلاقوش حد بيتعفرت ف مدوناتكم
هيصعب عليا امى وابويا اوى .. انا قردتهم الوحيده هههه اه ع اساس ان احنا عايشين ف جبلايه
هخاف اوى .. وانا لوحدى هناك
بضحك وانا بين نفسى وبينى خوف الدنيا كله ملينى
كل اما احن لناس حبيتهم .. قلبى يحس بشوق ناحيتهم
ااااااااااااه .. اللهم هون علينا جميعا سكرات الموت
اااااااااااه .. يارب رحمتك .. يارب غفرانك .. يارب جنتك
يارب زهد دنيتك .. يارب محبة رسولك .. يارب بصمه حلوه ف دنيا زوال
فعلاً فكرت في الموضوع ده بس من ناحية تانية
ReplyDeleteوهي إزاي الناس أصحابي على النت حيعرفوا إن محمد علام مات ؟
عامة ربنا يديكي الصحة وطول العمر ويفرح أبوكي وأمك بيكي بإذن الله وبأولادك وأولاد أولادك كمان
وبالنسبة للوحدة اللي بتقولي إنك حتحسي بيها فأسأل الله العظيم رب العرش العظيم أن يجعل قبرك وقبورنا وقبور المسلمين روضة من رياض الجنة ننسى بها وحشة القبر وظلماته وأن يجمعنا بأهلينا وبمن نحب في ظله يوم لا ظل إلا ظله ، وأن نجتمع على حوض النبي (صلى الله عليه وسلم) ليسقنا من يديه الكريمتين شربه هنيئة مريئة لا نظماً بعدها أبداً
وفي الختام أقول إننا مش خايفين من الموت لإننا أموات قبل أن نولد ، المهم إننا نموت وربنا راضي عننا وأعمالنا الصالحة تنور علينا قبرنا بإذن الله
لا أسكت الله لك حساً ولا تدوينة ولا حرم عربيات الفيات من قعدتك البهية قدام الكلية
يااااااه ياعلام
ReplyDeleteبجد شكرا ع الرد
اثلج صدرى كثيرا
وبسيطه ياعم هنبقى نعرف
مفيش ارخص م دقيقة المحمول
ههههههههه
يااااااااااااااااه خوفتينى اوى , تعرفى انى كتير بافكر فى الموضوع دا , وارجع واقول عادى الكل هيزعل وهيتأثر بس الحياة هتسير عادى مش هتقف بيا يعنى , زى اى حد غالى عندكوا قبل كدة , مثلا خالتى لما ماتت العيلة كلها قعدت متأثرة تقريبا سنة كاملة وماكناش عارفين نزاول حياتنا عادى , بس مع الوقت اللى بينزل شغل نزل واللى وراه امتحانات ذاكر , والحياة عادية جدا , وهيه برده فى بالنا وديما بندعيلها ربنا يرحمها كلنا مانفتكرها , دا غير انى ساعات بادخل اشوف صورتها , بخاف انسى ملامحها وضحكتها , ماتخافيش صوتك المسرسع دا على قلب والدتك زى السكر , وهيبقى زكرى جميلة , وبعدين ماحدش عارف هيموت قبل مين , بس حاولى تسيبى بصمة حلوة فى قلب كل واحد منك
ReplyDeleteسماح هى الحياه كده
ReplyDeleteلازم اكيد المركب هتمشى
الدنيا لو هتقف كانت وقفت عند سيدنا محمد
اهو الواحد بيحاول يسيب بصمه فعلا
ميقدرش الزمن م بعده يزيلها
"زي الهوا"
ReplyDeleteفكرتيني بجملة قالها راجل كبير لما إبنه مات ، دخل عليه وهو ميت وقاله (الرسول أشرف الخلق مات ياإبني ومفيش بعد كده)
فلو كانت الحياة لتقف لموت إنسان لإنتهت بموت النبي (صلوات ربي وسلامه عليه) ولكن الدنيا إستمرت والحياة إستمرت
المهم أن نحاول إحترام ذكرى من مات وندعوا الله أن يجعل آخر أعمالنا أصلحها ، وأن يجعل آخر كلامنا لا إله إلا الله ، محمد رسول الله
وبإذن الله نجتمع تحت ظل عرش الرحمن لأننا نحب بعضنا في الله دون النظر لأي غرض دنيوي زائل
بوست جميل ومؤثر جدا جدا
ReplyDeleteاللهم ارحمنا اذا غشينا التراب
ونسينا الاهل والاحباب
موضوع في وقته
ReplyDeleteاظنك عارفة السبب
ربنا يرحمنا ويهون علينا فراق احبابنا ويهون عليهم فراقنا
هى الدعوه
ReplyDeleteالحلوه
والسيره العطره
اللى بتبقى لينا ع الدنيا
والعمل الصالح
اللى بيبقى معانا ف الاخره ياعلام
اللهم ارحمنا اذا غشينا التراب
ReplyDeleteونسينا الاهل والاحباب
يارب ياحسااااااام
عارفه ياسنووايت
ReplyDeleteربنا يرحمهم يارب وف الجنه ونعيمها
ويرحمنا جميعا
فما أوتيتم من شيء فمتاع الحياة الدنيا وما عند الله خير وأبقى للذين آمنوا وعلى ربهم يتوكلون
ReplyDeleteوالله أنا برضه هازعل وهافتقدك و أفتقد المناقرة معاكي , و البيزنس الفاشل اللي بنعمله .............. مع تحياتي
ReplyDeleteبوست درامى جدا , ولا يقل عن روحك الحلوة فى الكتابة وده بثبت كفاءتك غى الكتابة على كل لون كوميدى و دراما و تشويق .. بسم الله ما شاء الله .
ReplyDeleteبالتأكيد الدنيا لا تقف على احد , و كلنا فى قطار الحياة وكل واحد مننا له محطة هينزل فيها .اهم شئ حب الناس لبعض والمحبة تكون لله وليس للمصلحة .. كمان اللى بيفكر الناس بشخص يتوفى هو السيرة الحسنة التى تظل فترة طويلة ذكرى لاقرب الاقارب و الاصدقاء , هذا كلام فعلا عن تجربة مع اعز اصدقائى كان قد توفى ولكننا حتى الان مازلنا نتذكر سيرته الحسنة و ندعو له ولامه بالصبر .
وطبعا الحمدلله عامل حسابى انى ممكن انتقل للدار الاخرة فى اى وقت لذلك لست قلقلا لانى عارف انى لم اغضب ربي ,
كمان انا سيبت البلوج و الباسوورد لاحد اصدقائي الذى سيقوم بنشر الخبر ... فهذا هو حال الدنيا .
برافو يا دكتورة على البوست الجميل ده اللى واثق انه هيفوق ناس كتير ناسية ان فيه حقيقة اكيدة وهى ان لكل فرد نهاية ..
وشكرا واسف للاطالة .
ربنا يخليكى لبابا وماما
ReplyDeleteوللناس اللى بتهنجى اميلاتهم
واللى بتتعفرتى عليهم
ولخالتك فرنسا هانم
وخلينا احسن فى الوجه الضحوك
آآآه ... و الله الموضوع تعبنى جدا
ReplyDeleteانا اللي هيصعب عليا فعلا المدونة لأنها هتفتقد دم خفيف موزون في نفس ذات الوقت وبتعبري عن رأيك في خفة ظل
ReplyDeleteعجبني الموضوع وفكرني بحاجات كتيير
بجد عايز اقولك انى نفسى اعيش لوحدى من غير حد يرخم عليه ولا ارخم عليه
ReplyDeleteربنا يرزقنا بمتاع الاخره يارب
ReplyDeleteيابابا عصفور
ياه يابنوته
ReplyDeleteبخاف اوي انا كمان
بدخل تحت التراب
لوحدي
بخاف اوي
يارب هون علينا سكرات الموت ويسر حسابنا
واغفرلنا خطايانا
ربنا يكرمك يابنوته
تفتقد المناقره والبزنس الفاشل يانبيل
ReplyDeleteالله يكرمك يااخى
ما هو النظريه ياعربى
ReplyDeleteان كلنا عارفين
بس الاحساس نفسه
ربنا يقوينا
ربنا يخليكى ياخالتو
ReplyDeleteانا قولت
اوريكو كل الوجوه
ههههههههههه
اسفه والله
ReplyDeleteلو كان سببلك اى تعب ياابو العساقيل
شكرا جدا ياهيرو
ReplyDeleteقلبت عليكم المواجع يعنى
لا حول ولا قوة الا بالله
تعيش لوحدك فين يامحمد قولنا كمال
ReplyDeleteاقولك روح موت يعنى
لا طبعا مفيش احسن م اللناس وعشرتهم
تحياتى
يارب ياعاشقة الفردوس
ReplyDeleteوينولنا الفردوس جميعا
يااااااااااه
ReplyDeleteانتي تعرفي ساعات اتخيل منظر اهلي
وشكل جوزي ازاي وافكر هيفضل اد ايه زعلان وهيتجوز ولا لاء
وبنتي وهي بتعيط عليا وتقول مامي فين
دانا لو سبتها ونزلت برجع الاقيها موته نفسها من العياط
ساعات بكون انانية واقول تموت معايا علشان مش تبهدل وارجع اقول يارب احفظها واديها طولة العمر
وارجع اقول الانسان كل ما بيعيش بيشيل ذنوب وافكر في الحرام والحلال
وافكر في لبسي اني عاوزة اغيرة وانتظم في الصلاه وازاي اربي بنتي تربيه اسلاميه وازاي اخليها تحفظ قرءان
حاجات كتيرة بفكر فيها وبخاف من الموت
بس ربنا غفور رحيم
ربنا يرحمنا برحمته ويغفر لينا ولا اموات المسلمين يارب
خوفتيني اووي يا بنوته
ربنا يديكي الصحه وتبقي عروسة جميلة
اجمل حاجة تريح الواحد المحاسبة الدوريه للنفس
ReplyDeleteلو مطلعتش كل يوم خطوة لقدام فى علاقتك مع ربنا هترجع لورا لان محدش بيثبت مكان
ربنا يهدينا ويهدى بنا ويجعلنا سبب لمن اهتدى
ياااااااااااااه
ReplyDeleteبوست جميل ومؤثر يا دكتره
بس نسيتي حاجة من اللي هيقوللنا عنك لو لاقدر الله حصللك حاجة
الكمبيوتر هيفتكر بس مش هيقول ......هههههههههههه
أرجو زيارة مدونتي ..تم افتتاحها من يومين
ReplyDeleteبداية شكلك عاملة قلق في المنطقة وعلي النت مممممممممممم
ReplyDeleteبصي اكيد كل واحد فينا فكر في الموت ,وساعات لما بتضيق علينا دايرة الحياة وتوجعنا الدنيا بمتناقضاتها بنتمني الموت كطريقة اخيرة للخروج من دوامة الحياة دي
لكن طبعا الموت والحياة بايد اللي خلقنا وحده وهو فقط اللي يعلم امتي انغادر الدنيا
كمان الموت انا بشوفه اشبه ببحر كبير اوي ومحدش يقدر يدعي ان اجتيازه ايكون بالامر الهين
في نقطة اخيرة ياتري لما الواحد يموت الناس اللي يعرفوه ايفضلوا فاكرينه ولا ايسقط سهوا من الذاكرة بمرور الوقت
تقبلي مروري
يابنتى وجعتيلى قلبى
ReplyDeleteوابكيتينى ربنا يطيل عمرك مع حسن عمل وحسن خاتمه اللهم امين
حلو اننا نفتكر الموت حتى نحسن من اعمالنا ونزداد قربا من ربنا
ربنا يبارك فيكى ويقدر لك الخير اللهم امين يارب العالمين
احبك فى الله
ياااااااااااه
ReplyDeleteصعبه اوى الكلمات دى
انا برددها كتير برضه...بس بيتعبنى طول التفكير فيها
تذكرة مؤلمه موجعه...لكن لا مفر منها
ربنا يرزقنا حسن الخاتمه
خالص تحياتى لكى اختى العزيزه
انى احبك في الله
انتى عبرتى عن كل واحد فينا كلنا بنحس بنفس الاحساس ربنا يتغمد الجميع برحمته
ReplyDeleteيااااااااااااه كلنا حسينا وفكرنا فى الاحساس ده
ReplyDeleteياااااااااه
يارب اغفر وارحم وانت خير الراحمين
يااااااااااه
صعب اوى الاحساس ده
وربنا يخليكى لاهلك وصحابك ولينا يا اجدع بنوووووته
المه اننا نعمل حساب يوم زى ده
ReplyDeleteومش مهم بقا ايه اللى هيحصل بعد ما نموت
ربنا يخليكى يااحلى بنوته مصريه
ReplyDeleteويباركلك ف بيتك وجوزك وبنتك يارب
ربنا يهدينا يارب ياهنودا
ReplyDeleteههههههههههههه
ReplyDeleteمتقلقش يااخو الدكتور الحر
خبرى هيوصلكم باذن الله
بس قولوا يارب
ههههههههههه
كمان الموت انا بشوفه اشبه ببحر كبير اوي ومحدش يقدر يدعي ان اجتيازه ايكون بالامر الهين
ReplyDeleteالله ع تشبيهك يافارس
الف سلامه عليكى م وجع القلب
ReplyDeleteيارب يرزقنا جميعا حسن الخاتمه
ReplyDeleteوانا كمان احبك ف الله
ياحطم قيودك
ربنا يقوينا ياحماده
ReplyDeleteربنا يخليكى ياسمسم
ReplyDeleteربنا يقوينا فعلا ع الاحساس ده
وجهة نظر برده ياتايهه
ReplyDeleteاجدع بنوتة
ReplyDeleteمش عارف بصراحة اعلق اقول ايه
بس هو فعلا كفي بالموت واعظا
كفى بالموت فعلا واعظا
ReplyDeleteتحياتى افاق الحريه
ايه ده
ReplyDeleteهيه دي المدونه اللي أنا عارفها ولا لا
انا دخلت ولما لقيت الاستايل متغير
طلعت تاني
وبعدين دخلت تاني
كده احلى
مبروك
أنا عرفت ان هيه دي المدونه من وسطنه الكلام
:)
هاقرأ واجي تاني
كويس انى الانسان يفتكر الموت
ReplyDeleteبوجه عام
بيقربه من ربنا
اه هى المدونه يااحمد
ReplyDeleteهههههههههههه
شكرا
بس انت كنت تايهه ولا ايه
يارب دايما قريبين م ربنا يامدحت
ReplyDeleteاخص عليكى يا سمسمه انتى كده زعلتينى وانا بقول عليك الابتسامه الحلوة على قلبى
ReplyDeleteبص يا ياسمين عمرى ما خوفت من الموووت الحمد لله اما اهلى وناسى واصحابى وكل اللى قولته ممكن يفتكرونى عارف ليه علشان انا مش بعمل حاجه وحشه فى حد وانتى اكيد كده يا سمسم
السلام عليكم ورحمة الله وبركاته..،
ReplyDeleteبتخيل في الجنة ـ ربنا يرزقنا كلنا دخولها ـ هنتقابل وهنعرف بعض
أنتي كنتي مدونة كذا
اه صح أنا كنت بعلق عليكي
ونفضل نقول آراءنا في مدونتنا
وهيكون في انترنت وماسنجر؟؟
ولا هتكون في معايير تانية للنعيم
ربنا يرزقنا الجنة وما قرب لها من قولا أو عمل
حلو اننا دايما نذكر نفسنا بالموت بس الاجمل اننا نعمل لمثل هذا اليوم
ReplyDeleteفان اليوم عمل بدون حساب وغدا حساب بدون عمل
اللهم ارزقنا الميتة الحسنه واجعل مثوانا الجنه
انا حاسس اني في خطبة الجمعه ههههه جميل يا سمسمه
تمام يا يا أأبى بس الفراق صعب برده
ReplyDeleteومتقلقيش باذن الله هفضل بلسم قلبك ع تول
(a)(a)
فقاقيع _كلام_شروق شمس
ReplyDeleteمبدئيا كده الاسم ملهوش حل
يارب يرزقنا الجنه جميعا
بس يبقى ف نت وشات دى صعبه ياشيخه
هههههههههه يامودى
ReplyDeleteلا تنفع تخطب يادكتره
السلام عليكم ورحمه الله وبركاته ،،
ReplyDeleteأطال الله فى عمرك يا بنوته ،، زعلتينى كده وأنا بقرأ البوست على فكره أنا أول مره أدخل على المدونه بس اتأثرت بالكلام أوى ،،ربنا يحميكى ويرزقك يا رب
ربنا يخليكى ياسلمى
ReplyDeleteبس الموت هو الحقيقه الوحيده ف الحياه
لا مفر