Sunday, February 10, 2008

هابـى .. فلانتيـم .. دااى



.

.

عارفه كويس اوى .. ان بعد البوست ده ..
.
.
سيتهمونى بالزندقه (( يامتزندقه ياسوسن ))
.
.
انا بكرهه هذا اليوم بمسماه .. الفلانتيم ...
.
.
بس بستعوض ذلك بانه يوم الحب ..
.
.
سيبكم م انه مناسبه خارجيه وداخليه .. وهجوم شرس م افكار
.
.
غريبه ومستهجنه م اللاوعى الشعورى ف الانبثاقه الذاتيه
.
.
وتعالوا ندى الامور ما تستحقه ليس اكثر م مسمياتها ..
.
.
نديها ايه بالظبط حضرتك.. اديها اللى تدهولها ياعم
.
.
ماتركزش ومتاخدش ف بالك ..
.
.
انا لا اتعدى كونى كائن محب ومتحاب ..
.
.
واعشق هذا اليوم .. يوم الحب .. واتمنى م حجرات قلبى الاربعه ان السنه تبقى كلها كده
.
.
.. اعياد وحب .. ياسلااااااام
.
.
استيقظ صباحا لارى الدنيا محمره .. ده حتى الشمس يومها بتبقى حمرا
.
.
طب ابقى اتاكد كده .. احس ان الدنيا كلها حابه بعضها ..
.
.
ان الكون كله تصالح مع نفسه فى لوحة تعبيريه راقصه انسجها بخيالى ..
.
.
تتراقص فيها الاشجار فوق صفحات الماء يداعب النسيم الماء ..
.
.
فتتطاير قطرات ع طير يقف ف سكون فينفض جسده ف انسيابيه ..
.
.
تحسده السحاب عليها .. فتنفض نفسها هى الاخرى بدورها .. لتسقط قطرات المطر
.
.
تتناثر ع عدسات نظارتى الفامييه ... تتكاثف وتحجب الرؤيه .. تبتعد اللوحه عنى .. ام ابتعد انا
.
.
.. وتعود مع اختفائها روحى .. اغتسلت م احزان .. محمله بورود حب زهرية اللون
.
.
اخرج م صومعتى .. اجد الجميع وقد اكتسى .. اكتسى حبا ..!!
.
.
ام محمد بائعة الخضار تخلت عن عادتها اليوميه م مناهدة استاذ سيد
.
.
لانه مصمم ياخد كيلو الطماطم ااقل بريزه .. وهى تقوله
.
.
ياانا يالبريزه .. طلقنى ..
.
.
وكابتن مصطفى بائع الانابيب .. تخلى عن ازعاج الجميع بعزفه سمفونيته المشهوره
.
.
والمسجله باسمه ف اتحاد الفيفا للانابيب الدوليه تحت .. دقتين والتالته بيب .. اناببيب
.
.
وسائقى الميكروباص .. والتى تجمدت وجوههم .. حتى انك لم تعد بقادر على التأكد
.
.
م انهم بشر ينبضوا قلبا وقالبا ام انهم تماثيل مصمته ابدع صانعها .. لتحاكى واقع مؤلم
.
.
ارى ابتساماتهم ف هذا اليوم .. بل ومنهم اللى (( بيعدى )) ويضحك بصوت عالى كمان
.
.
م اين لهم هذا ..؟؟
.
.
هما ليسوا بمثقفين وليسوا بحبيبه حتى يعلموا ان اليوم عيد الحب .. ليسوا سوى بشر
.
.
تقودهم فطرتهم نحو احاسيس مجهوله .. ليس لها عله
.
.
قررت ان اتجاوز خيالى هذا .. واقطع الشورت ف البسين .. وسألت ام محمد
.
.
صباح الفل ياام محمد .. يسعد صباحك ياست البنات ودكتورة الدكتورات
.
.
(( ام محمد لو قلتلها صباح الخير ف اليوم العادى .. ستكتفى فقط بالنظر اليك
.
.
وتحريك شفتيها .. العليا 2 سم الى اعلى .. والسفلى ربما تجدها ثابته ع مستوى نظرك
.
.
ايام مكان عندك نظر ولكنها ف واقع الحال تتحرك بس بالمينس ))
.
.
لكن ايه ياام محمد انتى مزاجك اخباره ايه .. زى الفل ياست الكل .. ربنا يديمها نعمه ياام محمد
.
.
بس ليه يعنى برده اشمعنا النهارده.. بصتلى ام محمد وكادت شفتيها ان .. فشكرتها ع * دوقيقاتها الثمينه
.
.
التى استنفذتها من رصيدها المتبقى ف الحياه ...
.
.
واسرعت قبل ان ’تسمعنى .. عفوا لقد نفذ رصيدك معايا ياحلوه
.
.
لن احدثك عزيزى .. عن اجواء الجامعه فى هذا اليوم .. فانت اكثر درايه منى بذلك
.
.
ولكنها .. دنيا تتحاب .. وبشر تتعاطف مع نفسها قبل غيرها
.
.
الجميع يستسلمون لعاطفتهم رافعين الرايه الحمرا .. مرددين هابى فلانتين داى
.
.
اما انا فارددها .. كل عام وانت تحب الله والبشر اكثر ..
.
.
اريدهم على هذا الحال كل يوم .. ليصبح كل يوم هو يوم حب
.
.
يوم سلام .. يوم موده .. يوم يتغزل كل منا ف نفسه ..
.
.
يرفرش حبه لنفسه وللاخرين ..
.
.
ولكنها ستكون الكارثه والتى معها لن تكتمل اى قصة حب
.
.
فمن م * الفلانتينريه .. لديه الدعم الكافى ليحضر* لفلنترينته هديه كل يوم ..
.
.
اترككم .. محبين ع خير سلام ..
.
.
فانا لست سوى .. كائن محب ومتحاب ..
.
.
احبك ربى .. احبك رسولى .. احبك عروبتى .. احبك وطنى .. احبك دنيتى
.
.
احبكم اهلى .. احبكم اصدقائى .. احبكم زملائى .. احبك نفسى
.
.
فاحبونى .. بلا عقد ..
.
.
...

دوقيقه .. هى دقيقه بس على بيبى شويه ..
.
.
فلانتينريه .. هما المحتفلين بالفلانتين .. العالم اللى داقه عصافير وبتجيب هدايا دول
.
.
فلانترينه وفلانترين .. هو الطرف الاخر واللى بتجيله الهديه .. الله يسهللله يااابا
.
.

واخيرا لست اتحدث .. عن هذا الفلانتيم الكريهه مسمااه .. انا اتحدث عن يوم يحب فيه كل منا الاخر
.
.
ولمن يفهم غير ذلك .. فـ اعزك الله ..!!
.
اترككم ف رعايته وامنه ..
at

37 comments:

  1. Lobna Ahmed NourFebruary 11, 2008 at 6:14 AM

    انتي يا ياسمينة حد يتحب بجد

    ايه الكلام الجميل ده

    ربنا يجعل ايامنا كلها حب

    تحياااااااااتي

    ReplyDelete
  2. نقطة ميةFebruary 11, 2008 at 9:24 AM

    يا ستي كل سنة و انت طيبة و كل الاخوة الحبيبة طيبين..اهو يوم بندور فيه على الفرحة مع باقي الشعب اللي بيتلكك عليها...
    بوست تحفة
    :-)

    ReplyDelete
  3. ابن حـجـر الـعـسـقـلانـىFebruary 11, 2008 at 11:53 AM

    بارك الله فيكى

    و رزقك محبة الناس فى الدنيا و الآخرة

    ReplyDelete
  4. صوت من مصرFebruary 11, 2008 at 1:32 PM

    الحياه بقه لونها بمبى واحمر ومفيش دكاتره غير بتوع التحاليل الى بيشتغلوا فى لااليوم ده صح ؟
    دم وكده

    ReplyDelete
  5. الراقـــص مع الذئـــــابFebruary 11, 2008 at 2:06 PM

    السلام عليكم
    الحب اه
    انما الفلانتيم لا

    ReplyDelete
  6. walaaFebruary 11, 2008 at 2:50 PM

    جميل قوى دعوتك للحب وجميل قوى التسامح والتصافى
    بس مش ينفع يكون ده فى حياتنا كلها اشمعنى اليوم ده
    ولاء
    انا جاوبت التاج والف شكر ليك على الدعوه

    ReplyDelete
  7. "النجم القادم"February 11, 2008 at 4:22 PM

    هههههههههههه
    والله بتفكرينى باليوم ده بحس
    ان الناس فى الجامعة عندهم حصبه
    كله لابس احمر وكله ماسك ورد احمر وكله شايل جاتوه احمر
    بس بزعل اوى لان عمال النظافة بيلعنوا اليوم ده لان الجامعة بتبقى مزبلة انتى عارفه الحبيبة كتير بقى
    ههههههههههههه
    بس انا ناوى احتفل السنة دى
    اصل بنت خالتى عيد ميلادها فى نفس اليوم ده

    ReplyDelete
  8. Empress appyFebruary 12, 2008 at 1:00 AM

    هابى فلانتيم داى عليكوا يا جماعه ههههههههههه
    سمعتها من واحد بيعاكس بنات فى الشارع وشكله كده امين شرطه اسم الله والله عندك حق فيه ناس مش فاهم اصل الموضوع ده بيرجع لايه بس انا بقول يا سمسم ان الحب طول السنه ملوش يوم معين
    الا ايه زنديقه متزندقه دى يا مرسى دى زى خسأت يا ابن شفلحه هههههههههه

    ReplyDelete
  9. UnknownFebruary 12, 2008 at 4:08 AM

    ربنا يديم علينا الحب نعمه
    والله الواحد بيقول الحمد لله الفلانتاين بيجي ويروح الواحد مش بيحس بيه
    ان شاء الله على بال ما الواحد يجي يرتبط يكونوا لغو الفلانتاين دا
    احنا مش ناقصين مصاريف
    Lol

    ReplyDelete
  10. صناع المحلة الكبرى .. دواهم في غيدكFebruary 12, 2008 at 7:45 AM

    كلامك جميل د /ياسمين
    لازم الناس تحس بحبة مشاعر حلوه ولو ليوم
    وعلى رأي "نقطة ميه" الناس بقت بتتلكك على فرحه

    بغض النظر عن المسمي

    وبعدين نحتفل بالفلانتين ...اه
    بس هدايا....دي اللي نوووووووو

    تقبلي وافر تحياتي

    ReplyDelete
  11. الســـاحرFebruary 12, 2008 at 7:06 PM

    فى البدايه
    يامساء الدكاتره
    وطبعا انا ليه الشرف انى اكتب تعليق عندك
    وانا اول مره اعرف ان الدكاتره دمهم خفيف كده
    هههههه
    وكل سنه وانتى طيبه
    والبوست دمه خفيف بجد ويجنن وفى النهايه سلامى وربنا يوفقك

    ReplyDelete
  12. DayDreamingFebruary 13, 2008 at 5:05 AM

    انا طول عمري بكره اليوم ده ولما عرفت سبب الاحتفال بيه كرهته اكتر

    هو يعني لو محتفلناش بيه نبقى مبنعرفش نحب
    دي حاجه غريبه
    يلا كل فالنتين وانتي طيبه :)

    ReplyDelete
  13. د/اجدع بنوتهFebruary 13, 2008 at 5:09 AM

    يونيييك

    حبيبى هارتى ..

    ربنا يجعل ايامنا كلها حب وموده وسلام

    ReplyDelete
  14. د/اجدع بنوتهFebruary 13, 2008 at 5:09 AM

    ههههههههههههههههههههه ع رايك يانقطه

    الناس بقت تتلكك تفرح فعلا

    ReplyDelete
  15. د/اجدع بنوتهFebruary 13, 2008 at 5:10 AM

    ميرسى ياابوالعساقيل

    رزقنا واياكم يارب

    ReplyDelete
  16. د/اجدع بنوتهFebruary 13, 2008 at 5:11 AM

    هههههههههه لا بيبقى فيه دم

    وكبده ومخ وكله شغال شغال

    استفسار ف محله برده

    ReplyDelete
  17. د/اجدع بنوتهFebruary 13, 2008 at 5:12 AM

    حظاااااااااابط

    الحب ااااااااه

    والجرح لاااااااااا

    وانا ف الحياه .. انا عندى مبدأ

    ReplyDelete
  18. د/اجدع بنوتهFebruary 13, 2008 at 5:13 AM

    جايه اشوف االاجابات يالولو

    واحنا طايلين السنه كلها تبقى حب

    طب ايدى ع كتفك

    ReplyDelete
  19. د/اجدع بنوتهFebruary 13, 2008 at 5:14 AM

    بنت خالتك برده

    الله يسهللله ياعم النجم

    انا جالى الاخبار .. ده فيها هدايا

    وحجات جامده

    بالتوفيق

    ReplyDelete
  20. د/اجدع بنوتهFebruary 13, 2008 at 5:15 AM

    زنديقه متعرفهاش

    يعنى باكل يوستفندى كتير

    لووووووووول

    وم منطتشفتى هذه احب اقول

    لكل رجال الامن .. هابى فلانتين

    ReplyDelete
  21. د/اجدع بنوتهFebruary 13, 2008 at 5:17 AM

    ماسك ههههههههه

    ارتبط انت ياعم ملكش دعوه

    ان شالله تقرى فاتحه حتى

    واحنا هنجبلها الهدايا ملكش دعوه

    ReplyDelete
  22. د/اجدع بنوتهFebruary 13, 2008 at 5:28 AM

    واضح ان الناس كلها عندها مشاكل ف الهدايا

    قضوها ورد وخلاص بقى ياجدعان

    ReplyDelete
  23. د/اجدع بنوتهFebruary 13, 2008 at 5:36 AM

    ميرسى ياساحر ههههه

    اديك عرفت ياعم

    هو مش كلنا يعنى كده

    انا اللى فلته

    احم احم

    ReplyDelete
  24. اجري على اللهFebruary 13, 2008 at 8:38 AM

    سلام عليكم
    اولا فتره طويله غياب عن مدونة الجدعنه لكن معلش انا قريت كل البوستات اللي فاتتني والحقيقه حاجه جميله قوه تدوينيه عاليه اكبر من قوة عصام الحضري امام دروجبه
    ثانيا مش عارف شكلي حايبقى عامل ازاي في المجتمع التدويني لو قلت اني مش عارف يوم الفلنتين داي ده بيكون يوم كام من ايام السنه والحقيقه ماهتمتش في يوم اني اعرف ولا حتى مر بخيالي والسبب على فكرى بسيط جدا
    انا كل يوم عندي هو يوم حب باقوم من النوم الصبح على صلاة الفجر اقابل ناس انا بحبهم جدا يمكن اكتر من نفسي هم اخواني
    بعد كده ارجع علشان اصحي والدتي اللي بحبها جدا واخويا الصغير اللي مجنني واللي اكيد بحبه علشان يروح المدرسه واخويا الاصغر مني واختي ووالدي كل دول بحبهم
    بعد كده بيكون يومي بين ناس انا بحبهم جدا في الكليه او في الشارع او في اي مكان
    طبعا في اوقات باكون عصبي ومش طايق اي حد لكن بحاول اطلب منهم انهم يسمحوني لو غلط في حق واحد منهم في اي يوم من ايام الحب اللي هما عندي 365 يوم في السنه
    لكن الناس اللي بيحصوروا الموضوع في حب الفتاه للشاب فللأسف ضيقوا مفهوم الحب جدا لدرجة انهم بيدوروا على يوم يسموه يوم الحب علشان اصبح عندهم 364 يوم بلا حب او حتى اصبح الحب عندهم مجرد شكل او حرفه فهو النهارده حبيب طالب او موظف حبيب عنده مجموعه من الوسائل بيستخدمها بشكل او بأخر علشان هو حبيب وهكذا
    على العموم هناك مقوله بتقول: بالحب قامت السموات والارض

    مع خالص التحيات
    الشاعر بن هلال

    ReplyDelete
  25. khobaybFebruary 13, 2008 at 9:48 AM

    فعلا أم محمد بتعمل كده في اليوم ده ؟
    فعلا يعني ؟

    أعتقد أن البريزة ستظل تمثل عبئا على ميزانية أم محمد ، وهو ما سيدفعها إلى التضحية بروحها من أجلها في أي وقت من أوقات العام

    عموما .. ما أجمل أن يكون الحب بهذا الشكل الذي ذكرته ، وما أسوأ أن يتحول الأمر إلى يوم الغريزة العالمي .. اليوم الذي يستباح فيه غريب الفعل تحت مسمى الحب

    من يعرف حب الله حقا لا يفضل شراء قلب يحرك غريزة في قلب فتاة على طاعته !
    ومن يعرف حب رسوله خقا سيضع كلامه الذي يقول :"لأن تطعن بمخيط من حديد خير لك من أن تمس امرأة لا تحل لك" ويضع كلام ربه الذي يقول :"ولا متخذات أخدان (أصحاب) " ، و"فلا تخضعن بالقول فيطمع الذي في قلبه مرض" ، و"قل للمؤمني يغضوا من أبصارهم" ، و"قل للمؤمنات يغضضن من أبصارهن" فوق رأسه!

    إذا تعارض كلام ربك وسنة نبيك - أو دعنا نصغها هكذا : إذا تعارضت قيمك وما تؤمن به أيا كان ! - مع أي عاطفة أيا كانت : حبا أو غضبا أو كراهية أو رغبة .. فلأيهما الأولوية عندك ؟؟

    لي موضوع أعرض فيه وجهة نظري في هذا الأمر

    وهي ليست سوى ..

    وجهة نظر

    http://khobayb.blogspot.com/2008/01/blog-post_29.html

    ReplyDelete
  26. بحبك يامصرFebruary 13, 2008 at 12:42 PM

    حد يختلف عن الحب؟
    الحب جميل وياريت يكون طول السنه زى ما انتى قلتى بدل ما نعمله عيد ونخترع يوم نحب فيه بعض الرسول عليه الصلاة والسلام قال(الا ادلكم على شئ اذا فعلتموه تحاببتم.افشوا السلام بينكم)صدق رسول الله صلى الله عليه وسلم
    ومعناه ان الحب سيكون طول العام اذا سلمنا على بعضنا بكلمة السلام عليكم ورحمة الله وبركاته

    ReplyDelete
  27. UnknownFebruary 13, 2008 at 1:01 PM

    رغم ما جاء في مقالك مما تنبأتي له بألا يجد في نفوسنا صدى طيبا
    إلا أنني أعجبني بشده اسلوب المقال
    واعجبني أكثر الطريقه المنطقيه اللتي اتخذتيها لاقناعنا بخبث لا يخلو من الظرف بصحه ما تعتقدين
    و لاأعجبني الكثر من ذلك كله
    الترتيب لاوقات اليوم والسرد الشائق لما يحدث فيه
    ............
    بجد
    رائع
    بس عندي سوال ساذج
    هوه الفالنتين ده
    يوم كام بالضبط
    وهمه هايشوفوا الهلال بتاعه امتي
    ؟؟؟؟؟؟؟؟؟؟؟؟

    ReplyDelete
  28. ابو اعصارFebruary 15, 2008 at 5:24 PM

    مع كل اسف انا متطرف في موضوع الفلاناين وياليتني كاتبها عدل بعتقد انه ابشع صوره تمثل فيها الهبل بحد ذاته لما الا قي مخلوقات لابسة احمر فعلا بيصعبوا عليا ازاي بيبقى هاين عليها تعطل دماغها
    و بتمنى لحظتها ان ربنا يكرمهم بديك رومي
    للجميع الديك الرومي عنده حساسية كبيره جدن من اللون الاحمر


    اما انا فارددها .. كل عام وانت تحب الله والبشر اكثر
    ..


    كلام راقي جدن تسلمو

    ReplyDelete
  29. mesh2draFebruary 16, 2008 at 8:07 PM

    السلام عليكم

    الحوار ده دار بينى وبين اختى
    مع العلم ان اختى ف 6 ابتدائي
    -بكلم نفسي .. ايه ده ،ده فيه عيد حب تانى
    يعنى ايه فيه عيد حب تانى-
    -ششش اسكتى انتى مابكلمكيش انتى لسه صغيرة
    -صغيرة ايه يا طنت .. اسكتى اسكتى
    -بكلم نفسي ... هم مش لسه عاملينه من كام اسبوع ، هو حوار ولا ايه
    -يا بنتى افهمى.. فيه عيد حب مصري وفيه عالمي يا جاهلة
    -يا سلام ، انتى فاكرة انك حتضحكي عليا .. اجري شوفيلك حاجة تعمليها
    ___________
    بصي
    الناس بتدور على اى مناسبة تفرح فيها وخلاص
    يعني انا مثلا مع ان اليوم ده -بما انه موجود غصب واقتدار- فنخليه مثلا يوم المصالحة
    اتنين مزعلين بعض .. يقعدوا قعدة صلح ويصفوا اللي كان
    ويبدأو صفحة جديدة
    انما اتنيين عايشين حياتهم ف نكد اصلا ومطلعين عين بعض وييجوا في الزلانتيخ يقولها كل سنة وانتى اقرب واحب واحلي يا نسمة عينى وهى ترد عليه كل سنة وانت المان بتاعي يا نور عينى يا مريحنى ومهنينى ويضحكوا على بعض بشوية شيكولاته على كام دبدوب على ورد احمر واصفر - بحبك وبغير عليك - وترجع بعد كده ريما لعادتها القديمة يبقى كده دخلنا في طور الاستعباط

    وبعدين يا دكتور ربنا ما يجعلنا من قاطعين الارزاق ابدا
    خلى المحلات تبيع وتكسب
    ده هو يوم واحد في السنة
    يا ساتر على دي ناس:P

    كل يوم وانتى بخير يا دكتور:)

    سلاماتى

    ReplyDelete
  30. د/اجدع بنوتهFebruary 17, 2008 at 6:06 AM

    ابن هلال شعور حلو جدا

    وياريت تبقى السنه كلها سنة حب

    بس احنا مش طايلين ده ولا هنطوله

    يبقى كفايه علينا يوم حب

    الناس كلها تحب بعض

    ومنورنى

    ReplyDelete
  31. د/اجدع بنوتهFebruary 17, 2008 at 6:12 AM

    لا طبعا ياخبيبببببب

    غريزة ايه احنا كنا بنتكلم عن مشاعر حب

    وسلام وود صافييه

    وفعلا ام محمد بتعمل كده

    تصور بقى هههه

    ReplyDelete
  32. د/اجدع بنوتهFebruary 17, 2008 at 6:14 AM

    دعوة حببب طول العام

    وبدل بحبك يامصر

    تبقى بحبك يامصر ويااهلها وبحب البشر

    وبحب نفسى

    الله ع كده

    ReplyDelete
  33. د/اجدع بنوتهFebruary 17, 2008 at 6:18 AM

    لاا ده م غير هلال يااحمد

    ده بلونن .. اول مالدنيا تحمرر

    اعرف انها بقت مسقعه

    لووووووول

    ReplyDelete
  34. د/اجدع بنوتهFebruary 17, 2008 at 6:19 AM

    هههههههههههه متفكرنيش بالديك الرومى ده

    مره جرى ورايا ونتش الفستاان

    يلا ذكريات

    وشكرا ابو اعصار ع المرور الكريم ورايك ع دماغى م فوق

    ReplyDelete
  35. د/اجدع بنوتهFebruary 17, 2008 at 6:20 AM

    اختكككككككككك

    عارفه ان ف اتنين فلانتين

    يالهوىىىىى ده انا معرفتش ده

    غير لما دخلت الجامعه

    واختك ف ساته ابتدائى وتعرف ده

    يالهوىىىىىىىىىىىىىىىىىىىى

    ReplyDelete
  36. SaadFebruary 25, 2008 at 1:00 AM

    انا عايز اقلك ان يوم الحب ده مع انه زي مناس كتير فاهمين انه يوم عيب و وحش وحرام لكنه فعلا يوم جميل لانه بيخلي الناس تعبر عن الجواهم وبيعملو حاجات هما مش متخيلين انهم كانو ممكن يعملوها زي انهم يجيبو هدايا ويقدموها للناس البيحبوهم مش لازم تكون واحده واحد بيكلمها وكده لا ده ممكن تكون الام او الاخت او الصديق واخيرا شكرا علي الموضوع الجميل ده

    ReplyDelete
  37. د/اجدع بنوتهFebruary 29, 2008 at 3:17 PM

    تمام ياسعد

    بغض النظر عن اصل اليوم وقصته

    وانه عيد وفاة واحد عاشق معرفش عامل ايه

    الا انه يوم الدنيا بتحب فيه بعضها

    ReplyDelete

مـش كـده ولا ايـه
..
ده حتى الاختلاف ف الراى .. لا يفسد للوز مهلبيه
..
اه والله