Monday, February 11, 2008

ماضى البنت .. لتصبح خائفة م شىء ما ..

الماضى .. كلمه كبيره اوى .. كلمه غامضه اوى ..
..


ممكن تبقى دوامه تخطفنا ونغرق فيها ..
.
.
ماضى اى حد جزء منه .. مش بالضروره يكون ماضى اسود ممكن يكون
..
ابيض وفى وسطه بقعه واحده سوداا
.
.
يهمك تعرف ماضى الشريك اللى هتربطك بيه علاقه .. ولا ميهمكش ..


..


تفرق معاك اذا كان ابيض او اسود او
.


.
كحلى حتى ..ممكن تغفر .. ممكن تسامح .. ممكن اللى ينكسر يتلزق تانى ..


..


ولا خلاص اللى بيتكسر مبيتصلحش ..
.


.
طيب ايه هو الماضى فى حياة البنت ..
.


.
علاقتها بالصبيان .. قصة حب وارتباط سابق وفشل ..


..


سلوك غير شريف ومشيها البطال.. كل حاجه ممكن تندم
.


.
عليها .. اى حاجه تأثر على سمعتها .. واخيرا تعريف شامل عامل ..


..


الماضى هو اى حاجه مرتبطه بحياتها
.


.
الشخصيه
.


.
ماضى البنت بيأثر على حياتها الجايه ..
.


.
مش كل البنات هتتأثر .. هيضفلها خبره ومش هيخليها ساذجه ..


..


ممكن بالسلب وممكن بالايجاب حسب البنت
.


.
نفسها .. ممكن يأثر ويدمرلها حياتها ويبقى نقطه سوده فى حياتها بعد كده ..


..


مش هيأثر لان دى حاجه مش ليها
.


.
ذنب فيها ولو بدأت صفحه جديده من حياتها.. اكيد البنت هتحترم نفسها وتخاف ترتبط تانى ..
.


.
هل سهل نسيانه ولا ايه ..
.


.
30% شايفين انه اه سهل يتنسى و 70% شايفين انه مش ممكن يتنسى تحت اى ظرف وكان فى راى اشمل ..
.


.
حسب ماضى البنت نفسه وحياتها فى الوقت ده ..
.


.
طيب وممكن يمثل عقده فى الحياه ..
.


.
والله هيأثر بس حسب نوع الماضى ده سواء ارتباط فقط او سلوك غير شريف وحسب شخصية البنت نفسها
.


.
وحسب حياتها فى الوقت ده .. بس الاكيد انه هيسيب بصمه فى حياتها طبعا ..
.


.
تفتكر البنت هيكون عندها الجرأ ه الكافيه للاعتراف بماضيها لزوجها او شريك حياتها ..
.


.
ياريت بدل مايعرف من بره وعلشان تبقى صريحه من اول الطريق ..


..


مش ضرورى وكمان علشان اذا بليتم
.


.
فاستتروا.. اه بس بشرط لو شايفه ان جوزها متفاهم وممكن يسامحها ..


..


لو متأكده ان افعالها دلوقت غير ماضيها
.


.
فتقول بصراحه ..تقول علشان ميصحلش مشكله بعد كده ..


..


لا خالص لانه هيديله انطباع وصوره وحشه عنها
.


.
ممكن يتسبب الماضى فى فشل العلاقه ..
.


.
لو الزوج معندوش ثقه كافيه فيها .. لو كان ماضيها اسود اوى طبعا ممكن يتسسب فى فشل العلاقه ..




وكمان لو
.


.
كان الزوج نفسه متدين وطباعه شرقيه اوى ..


..


لا مفروض الزوج يتفهم ويساعدها انها تقوله وبكل صراحه ..
.


.
بتختلف نظرة المجتمع لماضى البنت ولماضى الولد ..
.


.
اساسى جدا .. ماضى الولد لنفسه وماضى البنت لاهلها .. لان ماضى البنت بيخص الشخص اللى هترتبط بيه
.


.
وهتشيل اسمه فطبيعى يهتم بيه .. لا ده تخلف ورجعيه


..


المفروض ان ماضى البنت زيه زى ماضى الولد
.


.
مفروض الاتنين يتوزنوا بميزان واحد وبكفه واحده .. الولد ميعبوش حاجه ..


..


البنت اى تصرف بيسيب ليها
.


.
علامه ..
.


.
للاسره دور ومسئوليه فى ماضى البنت ..
.


.
اه وكتير .. دور والماضى ده بيتكون وبيترسب فوق بعضه ودور كمان فى القضاء عليه ..
.


.
وعلشان كده دايما ماضى البنت بيرجع لاهلها ... بعكس ماضى الشاب ...
.


.
لان البنت مخلوق ضعيف بطبيعة الحال اى حاجه بتأثر فيه .. فى كل مراحل حياتها بتحتاج لحضن تبقى فيه
.


.
واى حاجه غلط تحصل ليها فى اى مرحله من دول .. بيكون نتيجة تقصير من صمام الامان اللى بيحتويها فى
.


.
المرحله دى .. وصمام الامان ده بيكون الاهل بيكون الزوج بيكون الاولاد ..
.


.
شوفنا ان فيه اتفاق اعتراض .. اه ولا .. معاكم .. وضدكم .. وهكذا هى الطبائع البشريه ..
.


.
منهم من يسامح الفتاه على ماضيها منهم من يجده حاجز لايمكن بوجوده اكمال علاقه ..
.


.
والكل اجمع على انه سيترك بصمه وتأثير فى الحياه ..
.


.


اذن حقا .. تستحق هذه الكلمه المكونه من اربعة احرف ان تغير حياه بل تزيلها على الاطلاق
.


.
استحقنى الماضى .. واصفة اياه بالغموض .. بالاعصار .. بالدوامه اللى تخطفنا وممكن نغرق فيها
.


.
ولكن النتيجه واحده .. فلتحافظن على نفسكن فتياتى .. بماضى ناصع البياض ..


..


بقلب مغلق .. ينتظر شريك واحد
.


.
يقدم عليه بقوه ويفتتحه فى ليله يتذكرها الجميع .. ترتدين انتى فيها الابيض ..


..


كماضيك .. لا تشوبه شائبه
.


.
انها ليلة العمر


..
لكم منى افضل التحيات
at

42 comments:

  1. الـسـيـدة نـونFebruary 16, 2008 at 12:07 PM

    والله يا سمسمة
    كلامك منطقى جدا
    بس ليه دايما الناس عندها اعتقاد ان ماضى البنت لازم يكون عبارة عن ارتباط براجل ما فى مرحلة ما من عمرها
    والنبى يا ختشى الحاجات دى كمان مابقتش مضمونة
    دلوقتى فى احتمال كبير جدا
    ان الراجل يجى يتجوز واحدة تقوله عايزة اصارحك بحاجة يقولها خييييييييير؟
    تقولى انا كان ليا ماضى
    يقولها مع ميييييين
    تقوله مع انجى صاحبتى
    يعنى خلااااص
    مش بالضرورة دلوقتى ان ماضى البت يكون عبارة عن واد
    ممكن جدا ماضى البت يكون عبارة عن بت زيها
    وهو الماضى ايه غير عن ولد وبنت او بنت وبنت وشوية حاجات فوق بعضها
    سلام
    اختك خيخة

    ReplyDelete
  2. رئيس جمهوريه نفسىFebruary 16, 2008 at 12:28 PM

    انا معاكى فى كل كلمه انتى قولتيها بخصوص الماضى والمفروض انى يكون الماضى بيتوزن بميزان واحد وعلى راى خيخه الماضى بتاع البنت بيتكون ازاى ماهو ولد وبنت مسئوليه ماضى البنت مسئوليه مشتركه
    وممكن يكون الولد يكون ليه ماضى يبقى ليه يظلم البنت فى ماضيها
    انا عن نفسى لسه مخطبتش بس يهمنى انى البنت انا اكون اخر واحد فى حياتها افضل ما اكون الاول وبعدى قائمه تانى راى صادم بس ده الى مقتنع بيه
    ------------------------------
    على فكره انا شفت لينك المدونه القديمه عندك فى البلوج تحت وجهات نظر هى اتهكر عليها والى هكر عليها حذفها ياريت تزورينى وتاخدى اللينك الجديد من هناك

    ReplyDelete
  3. الراقـــص مع الذئـــــابFebruary 16, 2008 at 1:10 PM

    السلام عليكم
    انا مش هعلق وهناقشك عشان مريت علي الموضوع مرور الكرام
    وهأجل الرد فيه لقعدة روقان وفي ايدي كوباية شاي

    انتظريني قريباً...انا مش هنسي


    بس قبل ما امشي هقولك الجملة ديه

    الرجل يحب ان يكون اول شخص في حياة المرأءة
    والمرة تحب ان تكون اخر النساء في حياة الرجل


    ولنا لقاء اخر

    سلام

    ReplyDelete
  4. فتوح أبو المفاتيحFebruary 16, 2008 at 1:36 PM

    أول هام

    أنا مع الرأي القائل
    ماضي الراجل لنفسه يبله ويشرب ميته
    وماضي الست برضه لنفسها تبله وتشرب ميته برضه

    سواء الماضي دا حلو أو ظريف أو وحش

    بس على شرط انها بعد ذلك تكون وتتتصرف بشكل حسن
    وتنسى كل ما له علاقة بماضيها
    دا أول هام

    تاني هام
    متقولش لجوزها او خطيبها على ماضيها
    قولولي ليه
    فرضا انه حسن الظن فيها وشديد الثقة فيها
    وهذا في حالته العادية
    وهيسامهحا و الدنيا تبقى ربيع و الجو يصير بديع
    ولكن
    لم نأمن الشيطان
    ممكن في مرة يتخانقوا
    ودا عادي جدا
    إن أي اتنين بيتخانقوا
    ساعتها كل واحد هيكون زعلان من التاني
    الشيطان هيبدأ ينخور في دماغ ساعته
    أو دماغ سعادتها
    لو كان راجلنا له ماضي وحكالها عليه

    وتبقى هيييصة
    ومذبحة وتشعلل ناااااار

    دا رأي المتواضع
    و اللي اطبقه على نفسي في خالة شبه دي
    و محدش عارف الخير فين
    سلاااااااام

    ReplyDelete
  5. عصفور المدينةFebruary 16, 2008 at 1:59 PM

    ثم إن ربك للذين عملوا السوء بجهالة ثم تابوا من بعد ذلك وأصلحوا إن ربك من بعدها لغفور رحيم

    ===========
    يا أيها الشاب ويأيها الفتاة اعملوا ليوم تتمثلون فيه قول الشاعر وتتذوقون المتعة التي فيه

    لعمرك ما أهويت كفي لريبة ….. ولا حملتني نحو فاحشة رجلي
    ولا قادني سمعي ولا بصري لها ….. ولا دلني رأي عليها ولا عقلي
    ولست بماش ما حييت لمنكر ….. من الأمر لا يمشي إلى مثله مثلي

    ReplyDelete
  6. UnknownFebruary 16, 2008 at 2:20 PM

    بت يا سمسمه
    انا بقالى ساعه بشوف المواضيع للى فاتتنى
    انتى جدعه يابت
    بس انا ليا راي فى الموضوع ده
    ليه اصلا البن تسمح لنفسها فى لحظه انها يكون ليها ا ماضى او حاجه تخجل منها
    ليه متصبرش لحد ما ربنا يكرمها باللى تتمناه واكتر
    بدل ما تعمل حاجه تندم عليها او حتى تفكر اذا كانت تقول او متقولش
    سمسمه اسمحيلى اقولك حاجه
    مش تزعلى بس
    لانها مدح
    انتى لاسعه اى والله
    تختارى مواضيع ملهاش حل
    بس لسعان حلو

    ReplyDelete
  7. 3ala asm masrFebruary 16, 2008 at 6:43 PM

    بصى بقى انا حاسه انى هقول كلام كبير اوى محشور جوه زورى
    هو الماضى ده ايه مش حياه؟ مش تصرفات؟مش افعال؟ مش صح وغلط؟ مش كويس ووحش؟
    والولد ده ايه مش انسان ؟مش بيغلط وبيعمل حاجات صح ؟ والبنت مش نفس الشىء بل انها بتكون الاضعف؟
    والاتنين مش بشر وربنا هيحاسبهم؟ ولا حساب البنت هيبقى مضاعف؟
    ليه لازم البنت كل يوم تتجلد على غلط عملته؟
    ليه لازم حياتها تنتهى؟
    والولد حياته ماشاء الله بتكمل وبردو بيغلط وبردو ترجع تمشى تانى ويرجع يغلط تانى ويفضل كده لحد ما بيزهق من كتر ما بيغلط
    انا بجد الحكايه دى بتقهرنى
    روح يابنى اغلط براحتك
    لكن انتى لو غلطتى هنموتك
    حاجات كتير بجد تعلى الضغط
    مش معنى كلامى ان بقول للبنات زى ما الولاد بتغلط وعندهم ماضى انتوا كمان اغلطوا ويبقى عندكم ماضى
    بس بجد حرام نوقف حياة حد عشان غلط فى حاجه احنا بشر وكلنا بنغلط وبلاش ندى نفسنا السلطه اننا نحكم على الناس ونحاسبهم ونقولهم مدام غلطوا هتفضلوا منبوذين طول عمركم لحد ما تمتوا
    ليه يا جماعه ده ربنا مدى الناس تصريح يتوبوا عن اى ماضى وحش واى غلطه
    وهيكتبلهم حياه جديده وجميله
    ورحمة ربنا كبيره وواسعه
    بلاش نوقف حياة الناس عند ماضيهم
    انا اتكلمت كتير اوى ولو فضلت كده هتكلم اكتر يارب تكون وجهة نظرى وصلت
    تحياتى

    ReplyDelete
  8. mesh2draFebruary 16, 2008 at 7:50 PM

    السلام عليكم

    انا لو فتحت ف الكلام حفتح ومش حننتهى
    بس بردو حقول كل حاجة ف نفسي:)

    زمان كنت مقتنعة بمبدأ
    وهو ان مينفعش ارتبط بحد كان خاطب قبل كده او كان بيحب
    بس الايام اثبتت لي ان مفيش ولد على سطح الارض محبش قبل كده
    انشاله حب على نفسه او حب من طرف واحد
    وبالتالي لو فضلت مقتنعة بموقفي السابق مستقبلي الاسري حيتدمر
    ومش حلاقي حد ما ارتبطش قبل كده
    نياهاهاهاهه

    حاجة كمان
    انا مع ان البنت ماتقولش حاجة عن ماضيها
    وده لان الراجل ممكن يترجم تصرفاتها على اساس الماضي ده ويربط كله ببعضه
    وف نفس الوقت مع ان الولد يقول كل حاجة عن ماضيه الاسود
    وده لان قلبنا ابيض وبنسامح وننسى
    :D

    حتقوليلي كده شيزوفرينيا
    وكده انتى بتطالبي بحاجة مش حتديها اصلا

    طقت ف دماغي قبل كده وسألت اخويا
    ترضى تتجوز واحدة كانت بتحب واحد قبلك
    الراجل قالي آه مش خلاص نسيته
    اكتشفت انه طيب اوى:D

    بس من الاول انا مش مع ان الواحد يكون له ماضي يعذبه
    امشي عدل يحتار عدوك فيك :)
    بس ف نفس الوقت ساعات الانسان ميبقاش عارف ان الحاضر اللى هو عايشه حيبقى ماضي اسود وذكرى سيئة

    الموضوع حلو اوى يا دكتورة
    وعرضك له فوق الوصف
    برافو اوى:)

    سلاماتي

    ReplyDelete
  9. AnonymousFebruary 16, 2008 at 10:56 PM

    الله ينور يا دكتوره

    كلامك تمام لو حصل شيء من هذا
    ده من سبيل العلاج

    لكن زي ماقالت لماضه والعصفور

    ليه من الأول

    اومال هو الاسلام حافظ على البنت قوي ليه
    وأمرها بالحجاب العفيف ليه
    ونهى عن الاسراف في الاختلاط ليه
    وعمل غض البصر ليه
    ونهى عن القذف وعمل له حد رهيب ليه

    الاسام دين يحب المرأة ويحافظ عليها


    لك تحية كبيره كبيره كبيره قوي
    على الموضوع الرائع والحيوي

    ربنا يكرمك يا دكتوره يا رب

    ReplyDelete
  10. Empress appyFebruary 16, 2008 at 11:22 PM

    بصى يا دكتورة انا عارفه ان لينا خطوط حمراء فى حياتنا مينفعش نتخطاها ولازم البنت تحافظ ولازم تبقى محترمه كل ده كويس جدا وصح ولازم لان دى اخلاق بس قوليلى لو حبت وغصب عنها هى حبت مين طيب مش راجل مصرى شرقى مش المفروض هو يحافظ ولا هنا هتقع المسئوليه على البنت بس......علامات استفهام كتير يا سمسمه فى المواضيع دى وبتتغير من مفهوم لمفهوم وراجل لراجل وفى النهايه لازم نحافظ على الاقل علشان دينا
    ملحوسه الكتابه بتاعتك عندى فىالبوست الاخير علامات استفهام كتير بس هى دى مقصوده ولا غلطه مطبعيه ابقى شوفيها

    ReplyDelete
  11. Dr.khaledFebruary 17, 2008 at 12:39 AM

    ربنا سترها...ليه تفضح نفسها؟؟؟
    باعتقادي...انه حتى لو الراجل متفاهم -ولا اعتقد ان مثل هذه الامور بيكون فيها تفاهم-
    فالتفاهم ده هيكون في البداية فقط...
    اما مع اول مشكلة ..هيبتدي يعايرها..
    او لو حتى قالت لحد سلام عليكم..
    هيبتدي الشك يساوره...
    نهاية..
    نصيحتك طيبة..
    ولكنك استخدم (لكم) والمفروض (لكن )
    :)

    ReplyDelete
  12. بحبك يامصرFebruary 17, 2008 at 10:02 AM

    رأيى يا دكتوره
    ان المفروض فعلا البنت والولد يتحاسبوا امام المجتمع سواسيه وانهم يحافظوا الولد زى البنت
    ولو فرض وحصل ان البنت كان ليها ماضى انا مع الرأى اللى بيقول انها متقولش لزوجها حتى لو كان متفهم لان احنا طبعنا الشرقيه مش بتخلينا ننسى بسهوله
    فى حاجه كمان انا رأيى ان البنت متقولش لزوجها عن اى حد اتقدم لخطبتها قبله شوفوا وصلت لحد فين احنا شرقيين يجماعه وطباعنا كده

    ReplyDelete
  13. أم أحمد المصريةFebruary 17, 2008 at 10:15 AM

    عزيزتي اجدع بنوتة انا دخلت مدونتك بعد مالفت نظري صديقنا بحبك يا مصر لفكرك الايجابي في مدونة حنروق مصر لقيتك الله ينور دماغ كبير في الشئون العامة والخاصة كلامك عن الماضي صح جدا بشرط ان البنت تقدر تنفذه و ده مش سهل خصوصا في مجتمعنا المفتوح و انا بقول لك الكلام ده و انا اولادي علي اعتاب الشباب ( بس انا مش عجوزة ) :)
    هو بس الخطأ درجات يعني ممكن واحدة تحس ان لها ماضي لأنها لفترة من عمرها مثلا اتعلقت بشاب بينها و بين نفسها تتعامل معاه عادي جدا و هي بداخلها تحبه و ياخد الموضوع من وقتها و مشاعرها الكثير حتي ينتهي و ممكن كمان ينتهي بصدمة ما حدش يشعر بحدوثها سواها و تشعر ان لها ماضي كبير اثر علي حياتها لكنها مش غلطانة اكيد زي بنت مثلا بتحب و تصاحب ... و هكذا بس اقول لك علي سر البنت لو ما عاشتش تجربة الحب دي حتي لو بينها و بين نفسها و تزوجت بعد كده زواج تقليدي مهما كانت سعيدة بتحس ان فيه حاجة نقصت م حياتها هو البني ادم كده دايما يتطلع لما ينقصه و لكن العاقل من يستعين بالله علي ضعفه البشري و خير الخطائين التوابون وفي الاخر اعلن تضامني الشديد مع رأي فتوح ابو المفاتيح في نقطة الا تحكي أي شيء من سترتبط به لأنه مهما بدا متفهما لن يغفر لها و لو مجرد التفكير في غيره بينما يمكن للمرأة ان تغفر ما هو اكثر من هذا بكثير
    عصمك الله و بناتي من الخطأ و وفقك لخير مما تتمنين و رزقنا جميع خير الدارين
    و ارجو ان يكون هذا التعليق بداية صداقة بيننا و ابقي اتفضلي عندي

    ReplyDelete
  14. khobaybFebruary 17, 2008 at 4:44 PM

    من قال أن الماضي للبنت فقط ؟
    ومن قال أن الماضي يعني الماضي العاطفي فقط ؟
    --

    الماضي - ببساطة - يعني "ما قدمت يداك" ، فإن خيرا فخيرا ، وإن شرا فشرا

    وإن تبت وأقلعت وتغيرت فأنت ما أنت عليه ، لا ما كنت عليه

    وإن بقيت على حالك ؟

    الذي يحاسب الناس بماضيهم يكذب على نفسه ، فأين هو من ماضيه في المعصية ؟ أي إنسان سيقبله إذا علم ماضيه ؟

    --

    القصد : المشكلة ليست "لك ماض" أم لا

    المشكلة : هل لك حاضر ؟؟؟؟؟؟ فهل تضمنين أن يكون لك مستقبل تتوبين فيه من ماضيك ؟

    ReplyDelete
  15. فرنسا هانمFebruary 17, 2008 at 6:02 PM

    البنت فى مساله الماضى دى بتختلف عن الولد
    لان غلطه الولد وارده
    اما غلطه البنت بفوره
    علشان كده الاسره بتعمل حساب لغلطه البنت اكتر من غلطه الولد
    ماضى البنت لازم يكون ابيض
    ولازم كل بنت تحافظ على ده
    وتحياتى لكى

    ReplyDelete
  16. صوت من مصرFebruary 17, 2008 at 7:02 PM

    اقدر اقولك حاجه واحده
    ان الى بيفكر يسال عن الماضى ملوش حاضر ولا مستقبل وميستهلش انى اكون معاه

    ReplyDelete
  17. Desert catFebruary 18, 2008 at 2:40 AM

    البنت فى مجتمعنا بتتعامل على انها تااااابع
    والتابع ده مش من حقه ياكل ولا يشرب ولا يضحك الابإذن من الاسرة او غيرها
    علشان كدا او غلطت وفكرت يبقى لها حياة مستقلة كعلم بتحبه تدرسها براحتها او كاختيار لشريك حياة او كشغل مستقل يبقى كدا تعدت كل الخطوط الحمرا وخرجت عن العرف
    يبقى التار ولا العار
    محتاجين النظرة للبنت تختلف شوية وتتغير ... محتاجة تاخد راحتها شوية علشان تقدر تتنفس ... محتاجه يبعد عنها كل الذئاب البشرية اللى مالية الشوارع علشان يدخلوا عنيهم تحت الهدوم اللى لابساها ... بمعنى محتاجين شوية عدل ... وبعد كل ده تقولى لى ماضى .. هى عارفه تعيش الحاضر يا جميل لما هتدور فى الماضى

    ReplyDelete
  18. الـسـيـدة نـونFebruary 18, 2008 at 11:48 AM

    معلش عايزة اعلق تانى
    بدل ما الاهالى يربوا ولادهم انهم عادى يغلطوا ودول ولاد يعنى مافيش حاجة تأثر عليهم
    والبنت لو غلطت غلطة بسيطة بيقيموا عليها الحد
    مش هاقول ان احنا نعامل البنت زى الولد
    هاقول العكس نعامل الولد زى البنت
    يعنى انت كمان لو غلطت هتاخد فوق نافوخك
    زيك زى اختك
    لو اختك غلطت هنديها بالجزمة
    يبقى لازم تفهم انك لو غلطت هنديك بالجزمة برضه
    بلاش بقى الازدواجية فى طريقة التربية
    وان الولد عادى انه يسهر لحد الساعة تلاتة الفجر والبنت اخرها الساعة تمانية

    اوكى عايزين البنت تكون فى البيت من الساعة تمانية يبقى اخوها كمان موجود فى البيت من الساعة تمانية
    ومحدش احسن من حد

    افففففففف
    تعبتونى
    سلام
    اختك خيخة

    ReplyDelete
  19. Hosam Yahia حسام يحيىFebruary 19, 2008 at 12:14 AM

    اظن ان الماضى هو من يشكل خياه الانسان

    مدونه حضرتك رائعه ودى اول زياره ان شاء الله اكررها

    من فضلك زورى مدونتى المتواضعه وابدى رايك فيها
    www.sotelhoria.blogspot.com

    ReplyDelete
  20. د/اجدع بنوتهFebruary 29, 2008 at 2:58 PM

    ههههههههههههههه

    انا ليا ماضى مع واحده صاحبتى

    جامده ياخيخه

    ReplyDelete
  21. د/اجدع بنوتهFebruary 29, 2008 at 2:59 PM

    تمام كده ياريسناا

    ماضى البنت وماضى الولد مفروض يتوزنوا بكفه واحده

    ReplyDelete
  22. د/اجدع بنوتهFebruary 29, 2008 at 3:05 PM

    الرجل يحب ان يكون اول شخص في حياة المرأءة
    والمرة تحب ان تكون اخر النساء في حياة الرجل

    تمام ياحظابط

    ReplyDelete
  23. د/اجدع بنوتهFebruary 29, 2008 at 3:10 PM

    فتوح كويس والله

    اهو كزا حد شايف ان ماضى البنت مساوى لماضى الولد

    ياترى كل الردود هتكمل ع كده

    ولا هيكون ف اراء اخرى

    ReplyDelete
  24. د/اجدع بنوتهFebruary 29, 2008 at 3:12 PM

    صح كده يابابا عصفور

    بس كمان انا فهمت حاجه تانيه م رد حضرتك

    ان ربنا بيغفر

    البشر ازاى بيفضل قافش

    ReplyDelete
  25. د/اجدع بنوتهFebruary 29, 2008 at 3:13 PM

    ميرسى يالماضه

    يعنىا زى مانا قلتلكمن برده

    احفظن نفسكن بقلب ناصع البياض

    فعلا ليه البنت تسمح لنفسها انها تكون صاحبة ماضى

    ReplyDelete
  26. dr_modymodakMarch 1, 2008 at 7:12 PM

    الصراحه يا دكتوره انا قريتلك كذا موضوع تقريبا نفس الفكره مع اختلاف المضمون المهم بقي


    ليه دايما بنبص علي نص الكوبايه الفاضي بالرغم ان في زماننا هذا ان البنت اللي ليها ماضي ده طبيعي جدا عادي

    بس علي النقيض فيه بنات محافظه علي اهلها الاول وكمان محافظه علي نفسها بتراعي ابوها واخواتها اللي قاعدين في البيت قبل ما تراعي نفسها


    لا الولد مش ليه اي ذنب علفكره وميصحش نقول اشمعنا هو ليه ماضي وهيا لا لان البنت لو محترمه نفسها مش هيبقي فيه ولد وبالتالي مش هيبقي فيه ماضي

    وشكرا

    ReplyDelete
  27. د/اجدع بنوتهMarch 4, 2008 at 8:09 AM

    قولتى ياهنودا وارتاحتى

    وياريتك ماقولتى يااختى

    كده شيلتينى حملك

    وفعلا واضح ان المشكله بنات كتير حاسه بيها

    اومال لما انتو حاسين محدش بيتكلم ليييييييه

    تحياتى هنودا

    ReplyDelete
  28. د/اجدع بنوتهMarch 4, 2008 at 8:30 AM

    عزيزتى مش قادره ..

    انتو تعبتونى يابناااااات

    كلكم رميتوا عليا الحمل

    وشكلى هبقى زعيمه نسائيه قريبب

    ع العموم رايك صح ومعاكى ف كل بوينت منه

    تحياتى ليكى ولاخوكى

    ReplyDelete
  29. د/اجدع بنوتهMarch 4, 2008 at 8:30 AM

    تمام يادكتور انا كمان ف الاخر قلت كده

    مفيش داعى يكون ف ماضى م اصله

    بس اهو احنا بنتكلم لو حصل

    مفروض ميكنش فيه ماضى

    للولد والبنت .. مش للبنت بس

    تحياتى

    ReplyDelete
  30. د/اجدع بنوتهMarch 4, 2008 at 8:30 AM

    تمام يادكتور انا كمان ف الاخر قلت كده

    مفيش داعى يكون ف ماضى م اصله

    بس اهو احنا بنتكلم لو حصل

    مفروض ميكنش فيه ماضى

    للولد والبنت .. مش للبنت بس

    تحياتى

    ReplyDelete
  31. د/اجدع بنوتهMarch 4, 2008 at 8:31 AM

    أأأأأأأأبى لا هى تحب براحتها

    مصرى مين اللى يحافظ ع بنت يا أأأبى

    ده لما بيصدقوا .. يقلك هى محافظتش ع نفسها ولا ع اهلها

    هحافظ انا

    ههههههههههههههه رجاله اوى العيال ده انا عارفه

    ReplyDelete
  32. د/اجدع بنوتهMarch 4, 2008 at 8:32 AM

    ض خالد .. مثال لراجل شرقى فاهم كويس طبيعة الراجل الشرقى فعلا

    مش عارفه انا بأرجح وبشده انها تقوله

    دى حياه ياجدعان هيبتدوها لازم يبقوا ع نور ف كل حااااجه

    ReplyDelete
  33. د/اجدع بنوتهMarch 4, 2008 at 8:32 AM

    بحب مصر .. ف صفنا يابناااااااات افرحواااااا

    شكرا جدا ع رايك وانصافك ..

    ReplyDelete
  34. د/اجدع بنوتهMarch 4, 2008 at 8:33 AM

    ربنا يخليكى ياام احمد شكرا جدا ع زيارتك

    وعجبنى اوى .. الجمله دى

    البنت حتى لو معاشتش قصة الحب دى مع حد
    ..

    لازم برده هتعيشها مع نفسها

    تحياتى لفكر واقعى جدا ...

    ReplyDelete
  35. د/اجدع بنوتهMarch 4, 2008 at 8:33 AM

    الله عليك ياخبيب .. الماضى ماقدمت يداك فعلا

    انت لفتلى نظرى .. ليه احنا لما بنقول ماضى

    بنكون نقصه بيه حاجه مش كويسه

    هو مش الكويس اللى بنعملها وبيعدى بيكون ماضى برده

    تحياتى جدااااااااااااا ع اللفته دى

    ReplyDelete
  36. د/اجدع بنوتهMarch 4, 2008 at 8:34 AM

    فرنسا .. غلطة البنت بفوره ليه

    طالما هتبقى فوره .. يبقى الولد بفورتين كمان

    ReplyDelete
  37. د/اجدع بنوتهMarch 4, 2008 at 8:34 AM

    ايه الوجهة النظر دى ياصوت مصر العالى

    بالعكس ده لازم الماضى علشان يكون ف حاضر ويصبح له مستقبل

    ReplyDelete
  38. د/اجدع بنوتهMarch 4, 2008 at 8:34 AM

    لازم نلغى فكرة التابع دى بقى ياقطتى

    ReplyDelete
  39. د/اجدع بنوتهMarch 4, 2008 at 8:34 AM

    لازم نلغى فكرة التابع دى بقى ياقطتى

    ReplyDelete
  40. د/اجدع بنوتهMarch 4, 2008 at 8:35 AM

    شكرا ياخيخه ع التعليق التانى

    وفعلا تعالى نربى اولادنا ع كده ..

    طالما الامل صوغير ف ان احنا نغيرر اللى كبروا .. يبقى الامل ف اللى جاى

    ReplyDelete
  41. د/اجدع بنوتهMarch 4, 2008 at 8:35 AM

    تمام ياحوسام الماضى فعلا مايشكل حياة الانسان

    ReplyDelete
  42. د/اجدع بنوتهMarch 4, 2008 at 8:36 AM

    ماشى احنا مقلناش حاجه يامووودى

    مدعناش البنات انها يبقى ليها ماضى يعنى

    احنا قولنا فررررضا حصل كده فلازم يبقى موقفه يساوى موقف الولد

    تحياتى

    ReplyDelete

مـش كـده ولا ايـه
..
ده حتى الاختلاف ف الراى .. لا يفسد للوز مهلبيه
..
اه والله