عبيـــ القرن العشرين ـــد بالكرباج يا سيس ..

لا دى ملامحى ولا شكل شكلى .. ولا ده انا

ابص لروحى فجأه .. لقتنى ..................

ونزلت دمعتى .. قوليلى ايه يامرايتى ...

تكونش دى نهايتـــــــــــــــــــــى

يادنيا فين كرامتـى

يابشر فين هيبتـى

.......

ماتوا محروقين .. وبعدين

اكلهم السمك .. وبعدين

انسحقوا تحت الجبل .. وبعدين

غرقوا ف المحيط .. وبعدين

مش لاقيين ياكلو .. عايشين

عريانين .. بردانين .. عايشين

مش عارفين يتجوزوا .. مستحملين

بيجروا ورا المواصلات بالاتنين كيلو ..

بيدخلوا يتبرعوا بالدم يطلعوا مرضانين ..

بيشحتوا .. يناموا تحت الكوبرى ..

ف السجون مسحولين ..

كرامتهم تحت الجزمه ..

مواطنين درجه عاشره ..

حكومه .. رجال اعمال .. م قفاهم لوشهم رايح جاى

مواطن بدرجة حيوان جوا بلده ..

مكتومين وبنقول ليها اخر يارب ....

اهو كلنا ولاد بلدد واحده .. وبنتنطط ع بعض شويه

لكن ... نتهان وننذل م غرررررررررررررريب

لاااااا .. احنا مش عبيد ..

لا بجد .. لا بجد يعنى .. هأأأأأأأأأو بزياده

1500 جلده ايه ..... اااااااااااااااااااااااااه ياانااااااا

اه بتوجع .. اه بتجرح .. اه فوقوا

اه هو فاضلنا ايه بقى ..

ااااه م جواااا ..

مش انا المصرى .. ومش انت المصرى

ومش دى مصر .. ومش دول المصريين

هو احنا رايحين فين .. ولا هيجرالنا ايه

انا خايفـــــــــــــــــــــــــــــــــــــــــــه

جوع ومرض وفقر وجهل وعذاب وموت وذل ...

لا جوا بلدنا عايشين .. ولا برا بلدنا محترمين

ملعون ابوه .. اللى وصلنا لكده

ملعون ابوه .. اللى حط رقبة المصرى تحت جزمة البشر

ملحوظه ..

السيد الرئيس محمد حسنى مبارك .. يبعث ببرقية

تهنئه للاهلى فور انتهاء الماتش

(( مفيش فايده ))

بيقولوا انه عيـد .. بس عارف لمـا انـت

عارف لما تبقى انت زى ماا انت

..
وكل حاجه حلوه حواليك بتتمرر

..
.. هو احنا كبرنا

..
.. ولا الدنيا اللى وسعت علينا ..

العيــد فرحــه

..
تجمع شمل قريب وبعيد

...
سعدنا بيها بيخليها ذكرى جميله لبعد العيد

..
كتر يارب .. فـ اعيادنا .. واطرح فيها وفـ حياتنا البركه وزيد ..
...

يارب العالم يبقى سعيد

..
يارب يبقى كله اخوه .. براا وجواا

..
يارب تبقى الدنيا كلها هناا وفرح وزغاريط ..
...
عيدكم سعيد .. وكحك وبسكويت زى الفل

..
اسيبكم بقى .. والحق انفخ البلالين

...

مهما كبرنا .. ومهما الدنيا وسعت علينا

..
وكل ماالحجات الحلوه هتتمرر

..
نحطلها سكر .. ورانا ايه يعنى

..
لو حد بكره قفشنى ف الشارع .. وانا بلعب بالصواريخ والنطاطه

..
يبقى يستر عليا .. يومكم ابيض .. باذن الرحمن

..
وجانا العيــد

مالك يا مصر ..

هو ايه اللى بيحصل فــ مصر ؟؟؟؟؟

.

.

.

راح فين :: ادخلوها بســـــــلام امنين

.

.

.

يــــــــــــــــــــــــــــــــــــارب

انكسـار ... ولكن نحو القمـه

كثيرا .. ما نسقط ف فجوه .. نكاد نخسر انفسنا

..
نفقد ثقه .. ليست ف المحيطين .. نفقد ثقه ف ما نمتلكه

..
بدايه غامضه .. لانكسار اكثر غموض

..
طريق وان سلكناه .. يعلم الله وحده الى ما ننتهى

..
بشر .. نسعى للقمه ف جميع مناحى الحياه

..
ان نصبح الاكثر مالا .. الافضل اخلاقا

..
الاكثر علما .. الافضل نسبا

..
م منا لم يتمنى ان يصبح كرم جابر ويحرز الميداليه (( انشالله الخشبيه

..

وم منا لم يطمح ف مكانة زويل العلميه .. وم منا لم .. وم منا لم .. الخ

..
وان فشلنا ف احدى مساعينا .. صار الانكسار نتيجه حتميه

..
م منا ايضا .. برع ف ان يحدد معركته ف الحياه

..
نسعى للقمه .. وللفوز بمعارك .. وان نملك الدنيا بما فيها

..
نشتت انفسنا ونحارب ف جبهات

..
لو عرف كل منا ان هناك م يملك مهاره تمكنه م ان يصبح الجراح الاشهر

..
وليس بالضروره ان يصبح الجراح الاشهر والمدرس الامهر والكاتب الاحسن

..
ولو عرفت انك تملك ما يمكنك م شرح علم باسلوب بسيط

..
وليس بالضروره ان تشرح كويس وتغسل كويس .. انت مش بروحين يعنى

..
ما اعنيه ياساده .. لسنا مؤهلين لحيازة القمه ف كل الجبهات

..
ولكن كل منا لديه مايمكنه للفوز بمعركه واحده

..
ويصبح الافضل فيها

..
فـ اسرع وحدد معركتك وحدد ما تملكه يمكنك م انجازها لصالحك

..
ولا تشتت مجهودك ف اكثر م جبهه

..
خلقنا جميعا .. نملك موهبه ف شىء ما ..
..

متضيعش عمرك وانت لسه معرفتهاش
..

ومتندمش ع خسارتك ف معركه .. لم تكن لك م البدايه
..

اشتــــــــــــــــــــــــــــــــــــــــــــــــــــــــــــــــــــــــــــــه

ومـا الحياه .. الا حلة محشى كبيره

هذا البوســت

لا صحاب الدماغ العالى والفكر العالى

والكعب العالى يمتنعون .. لوووول

مفيش فايده ......

سعد زغلول

لو لم اكن مصريا لوددت ان اكون مصريا .........

مصطفى كامل

وما الحياه الا حلة محشـــــــــــــــــى كبيره .............

اجدع بنوته

فرضيات النظريه ...

المحشى .. جوا الحله .. ف صفوف .. الاقرب منها الى النار والابعد

المحشى .. جوا الحله .. صوابع متخته واخده مساحتها وصوابع مزنوقه

المحشى .. جوا الحله .. مختلط .. البتنجان وورق العنب وفلفل

المحشى .. جوا الحله .. متختخ كان او مزنوق .. هيتاكل

..................................

احنا .. جوا الحياه .. ف طبقات .. الاقرب منا الى النار ..مشقات الحياه

تلهبه والابعد اليها تكتفى بلسعه

من لا يجد قوت يومه .. ومن لا يملك مايكفى لشراء حلم عمره ف الرفيرا

حتى ينضج الجميع ع نار هاديه .. يحترق منهم م يحترق ..

..................................

احنا .. جوا الحياه .. ف ناس متختخه واخده مساحتها وناس مزنوقه

ناس عارفه تعبر عن رايها .. ومجرد متقول كلمه بتتسمع

وناس بتلالى ف مالطه ومحدش معبر ابوهم ..

حتى يتزنق الجميع .. يختنق منهم م يختنق ..

..................................

احنا .. جوا الحياه .. مختلط .. رجالا او نساء .. سودا او بيض

مصريين او فرنسيين

يختلط الجميع .. ينصهر منهم م ينصهر .. ليصبح مسخا لاحدهم

..................................

احنا .. جوا الحياه .. متختخين كنا او مزنوقين .. بنلالى كنا

او مسموعين .. محروقين كنا او مستويين .. مختلطين كنا او منصهرين

حتى يؤكل الجميع .. ’يهضم منهم م ’يهضم ..

ومن يأكل اليوم .. سيؤكل غدا ..

لانه سيكون صوباع محشى ف حله اكبر ..

ولذلك

وما الحياه الا حلة محشى كبيره ...

سؤال المناقشه ؟؟

انت ورق عنب ولا بتنجان ؟؟ ونوع حلتك ومقاسها ايه

م شىء وف شىء والى العدم

تحديـــــــــــث

Mero.. said... ..

الجواب بسيط هتلاقيه في اي كتاب عقيدة كتاب القدر باب أفعال العباد.."الانسان مخير يختار الصواب أو

الخطأ ..الطاعة أو المعصية..كل الطرق امامه بكل حرية..ودا له شواهد كتير في القرآن بس مش هطول واكتبها

..من الكلام دا الانسان مخير لكن في نفس الوقت..ارادته واختياراته لا تخرج ابدا عما اختاره الله بعمله

وارادته لانه أدرى به ويعلم سلفا ماذا سيختار..زي مثلا ولله المثل الاعلى الاب بيدي ابنه جنيه

وهو عارف تماما انه هيجيب بيه شيبسي ..الواد ممكن يجيب أي حاجة..بس الاب عارف ابنه كويس..

ولله المثل الاعلى ربنا عارف الانسان احسن منه فعارف كل اختياراته وتحركاته سلفا لذلك فارادته وعلمه مقدمة..

وبالتالي الانسان من النقطة دي مسير..حطي الاتنين على بعض يبقى الانسان "مسير ومخير في نفس الوقت"..

...........................................................

ابو اعصار said...

قال الله تعالى انا هديناه السبيل اما شاكرا واما كفوروقال الله تعالى ونفس وما سواها فالهمها فجورها وتقواها

قد افلح من زكاها وقد خاب من دساها .. في امو حنا مخيرين فيها وفي امور لايعني الانسان يختار شي معبن

لأن له اختياراً وله مشيئة، فهو مخير من هذه الحيثية؛ لأن الله أعطاه عقلاً وإرادة ومشيئة وفعلاً،

وَلَوْ شَاء رَبُّكَ لآمَنَ مَن فِي الأَرْضِ كُلُّهُمْ جَمِيعاً أَفَأَنتَ تُكْرِهُ النَّاسَ حَتَّى يَكُونُواْ مُؤْمِنِينَ [ يونس الآية 99]

لقد رفض الله أن يكرة الناس على الايمان و كان هذا فى امكانة و لكنة اراد للأنسان ان يكون حرآ مختارآ ,

يختار الأيمان او الكفر كما يشاء لكن ممكن يحصل مفاجاه انت مش مختارها او اشياء انت مجبر عليها كيوم ميلادك

او وفاتك و مرضك باختصار اللي تعرفه انت مخير فيه اللي ما تعرفه (الغيب) انت مجبر عليه

المكتوب مكتوب ..!!

الانسان ’مسير وغير ’مخير

الانسان ’مسير وفقا لسيناريو ربانى

ف اروع مسرحيه .. لحياه البشر

كلنا شخوص فيها .. ولكن م البراعه

اننا جميعا نجسد جميع مشاهدها

فانا ااكل واشرب وانام وامشى

وانت كذلك ..

انا الابنه والام والصديقه والزميله والطالبه

وانت كذلك .. باستثناء حرف الهاء م كل كلمه

حتى الصفات الانسانيه بقبحها وبجمالها

فانا الطيبه والشريره

وانت ايضا الطيب والوحش

ولكن ايضا الانسان ’مخير

كم م مره .. وضعتك حبكة السناريو

ف نقطه بين طريقين .. وتركت لعقلك البشرى الصغير

وقلبك البشرى الاصغر .. ونفسك الانسانيه الغروره

فرصة اتخاذ القرار ..

حقيقة .. ما اروعها لحظه .. ان كنت لم تدرك روعتها

فانت لم تدرك روعة الحياه بعد ..!!

تخيل لو كنا نعمل طبقا للسيناريو بحذافيره

نسير ع الطريق المكتوب .. ولا مجال لنقطه بين طريقين

حتما سنشعر بالملل .. سنشعر بالكسل .. سنشعر بخيبة الامل

ماهو كله مكتوب ..!! هنشتغل ليه .. هنتعلم ليه ..

ولكن الخالق عز وجل .. منحك حق الاختيار

ولتعلم .. ان ماستختاره .. كان مختار لك منذ البدايه

يالله .. سبحانك ربــــــــــى

تذهب انت بفكرك وتصول وتجول .. ماذا اختار

علمى ولا ادبى .. وتلجأ لخبرات م سبقوك

وما تلبث .. ان تلجأ للاوبشن

الاوبشن الربانى لمعرفة الغيب ...

تفشل ف اتخاذ قرار مصيرى لحياتك

فتلجأ للخالق .. تصلى صلاة الاستخاره

للاطلاع ع النص .. السيناريو الربانى

تصحى الصبح .. محلمتش بحاجه

لتوهم نفسك .. بانه طالما محلمتش بحاجه يبقى خير

وتختار .. انت تختار .. ما هو بالاساس مختار لك

تفشل .. واصلا مكتوبلك الفشل

تنجح .. واصلا مكتوبلك النجاح

يالله .. اصل لنفس النتيجه

الانسان ’مسير غير ’مخير

.. والكافر .. انسان اختار له الخالق عز وجل

جهنم وبئس المصير .. ولكن لو اراده اكثر الناس ايمانا

لكــان

فلماذا لم يرده مؤمنا .. ولماذا المؤمن لم يرده كافر

اديان سماويه ورسل تدعو الى الله ..

لنصير مؤمنين او غيره

عابدين جدا او بدرجات مختلفه

ان كنت تصلى الفروض الخمس فقط

فهذا ما هو مكتوب لك ..

وان كنت ستصلى غدا الفروض الخمسه والسنه

فهذا ايضا مكتوب لك

وان كنت غدا لن تصلى الفجر .. سهوا

فهذا ايضا مكتوب لك

ان كنت كافر وستؤمن .. فهذا مكتوب لك

وان كنت كافر ولن تؤمن .. فهذا ايضا مكتوب لك

يادماغــــــى

سبحانك يالله .. سبحانك يالله

سبحانك يالله .. سبحانك يالله

عقل بشرى .. يظن نفسه الاعلى ذكاءا

والاقدر معرفة .. ولما لا

وهو م اكتشف الذره والجنين والفيروس

واخترع الطائره والكمبيوتر

بس .. لو عرف .. ان ده كله مكتوبله م الاساس

كان عرف مدى ضئالته قدام الخالق وعظمته

ولكانت انكسرت نزعة الغرور الانسانيه

ولكن .. كل مجازى بعمله ؟؟

انهى عمل .. اللى مكتوبلى وهعمله

والا اللى هيوهيئلى انى انا بختاره وبعمله

كالعاده ..

اعجز عن التفكير

وجيم اوفر

واصل لنهاية الافق الكونى المسموح فيه بالتفكير

وانتهى بـــ

اشهد ان لا اله الا الله وان محمد رسول الله

سبحان الله .. ولا حول ولا قوة الا بالله

.. ادخل هذه الدائره الفكريه والتى اسميها

بـ م شىء وف شىء والى العدم..

افكر ف دائرة المجهول ..

اعلم انها اخطر دائرة قد تجد نفسك فيها يوما

فيا .. الى الجنون .. او الى شىء اخر

ولكن انا ادخلها ..

عندما اشعر بفوران نفسى البشريه

عندما يعلن عقلى البشرى العصيان ويظن انه اقترب م القمه

عندما ينزع غرورى البشرى .. سلامى النفسى

ادخلها .. لاخرج منها مطمئنه كما كنت

مسيطره ع نفسى البشريه .. ملجمه عقلى صح ..

واحمد الله .. انى اعرف حدود هذه الدائره المغلقه

وهى .. انه عندما يعجز عقلى عن التفسير

هذه هى النهايه .. والتى يجب ان ارجع منهااا فورا

وانتهى كما قلت

بـ اشهد ان لا اله الا الله وان محمد رسول الله

سبحان الله ولا حول ولا قوة الا بالله

سؤال للمناقشه ؟؟

هل دخلت الدايره ده ؟؟ ولا بتبعد عن الشر وبتغنيله ؟؟

ولا بتعتبرها دائره محظور الاقتراب منها اصلا ؟؟

ميديكال بلوجرز .. شرقاوى .. مش اى كلام

..

** تحديث 1

..

وسيلة تعارفنا

..

كل واحد معاه ورقته .. هههههههههه

,.,

اولا .. البوست ده شخصى

اه .. علشان لو حد طلع وقال واحنا مالنا باللليله دى

هحطله الجملتين دول .. والزقهمله ف ندارته

...

لوووووووووووووووووووووووووووول

ثانيا .. انا مخدتش اذن الناس ع نشر الصوره

بس طالما انا موافقه (( ع اساس انى مش باينه اصلا

(( يبقى مفيش مشاكل .. وباذن الله محدش يضايق

ثالثا .. البوست طويل جدا .. لان اللى عايزه اقوله

ميعبرش عنه كلام للصبح

لكم انا سعيده .. سعيده سعيده يعنى ...

لا سعيده بجد .. مش سعيده سعيده ...

اللــــه مقولنالك سعيده ياعم .. ف ايه ..!!

كان اروع ختام للسنه اللى احنا منعرفش انتهت ازاى

البعض بيقول انها سقطت سهوااااا ...!!

والبعض يتبع نظرية المؤامره ويقول .. انها قد سرقت(( بضم السين )) مننا ..!!

وقد كلفنا وكالة تحريات اجنبيه (( بالدولار يعنى )) للبحث والفحص والتمحيص

حول ماهية .. موقعنـا كطلبه .. حاسين انهم اتعلقوا م رجليهم ..

احسن ختام .. لسنه .. م النجاحات .. حملت لى الكثير

1- ظهور تدوينتين (( حته واحده )) ف كتاب مدونات مصريه للجيب

2- ميكنج نيو فرندرز (( ارابين فرانكو )

3- ميكنج نيو اوبنينز ..

(( اخيرا مسكتك بايدى ))

بدأ يومنا (( نحن المدونون ))

بحضور برزنتيشن زميلنا المدون (( الجعر .. بشد الجيم علشان الراجل ميزعلش ))

بعنوان (( ع الزراعيه .. ساعة العصريه ))

بقيادة المايسترو .. الجعر ... محمد اكمل .. محمد وصفى .. محمد جمال .. واخرين

.. (( الناس دى .. 10 سنين .. وسيصبح احدهم بأمر الله ..

مخرج عالمى هايل – مذيع وطنى هايل –

سيناريست شرقاوى هايل – ممثل ومغنى بتقفيلة بلاده .. هايل برده

(( بالاضافه لكونهم دكاتره ناجحين باذن الله ))

انتقلنا فيما بعد ..

لمن سيصبحون (( مفكرى المجتمع الشرقاوى ومؤلفين هايلين برده ))

بالاضافه لكونهم (( دكاتره ناجحين باذن الله تعالى ))

(( احنا هنشتغل كل حاجه ف البلد دى ولا ايه .. ))

لبى (( الف مد ولا مقصوره )) الدعوه .. ما يعادل بتاع

.. حوالى .. تقريبا يعنى 15 زميل وزميله

كانت اهدافنا م التجمع::

1- كلنا نعرف بعض كمدونين زمله وولاد بلد واحده

2- بحث كيفية الانتقال بدورنا .. م العالم الافتراضى للعالم الحقيقى

3- تعميق العلاقات الفكريه الادبيه .. الاقتصاديه السياسيه

4- بحث دوافع الازمه اللبنانيه

5- البحث عن حلول ... للخروج بالصناعه الوطنيه م قبضة الضرايب مصلحتهم اولا

(( اذا كنت احد ال 15 .. السابق ذكرهم .. فليس م الضرورى انك تسيح

وتقول ان احنا لا عمقنا ولا بحثنا .. ولا حلينا .. خليك زميل محترم واقرى واسكت

وخد برستيجك صح .. وعيش اللحظه .. وبرده متقلقش مسيرنا هنعمق ونحل ونبحث ))


تمت المناقشه .. بنظام شديد .. ماشاء الله .. موافقون .. موافقه ..

كان محور اللقاء::

الاجابه عن الاسئله الاتيه ::

1- بدأت التدوين امتى ؟؟ وعرفته م فين ؟؟ ها م فين ؟؟

2- طب استفدت منه ايه ؟؟ ها ها ايه ؟؟

3- اهدافك م التدوين ايه ؟؟ (( تقلش بنحرر بنها م غزو ام فاروق ))

4- لو هتختار اسم لمدونتك تانى ؟؟ تختار ايه ؟؟


ومرت الاجابات بالسلام .. توسطه قنبله متوسطة المدى م (( اختكم الزوغيره ))

هو احساس حلو ان الناس تبقى بتتكلم عنك (( اسمك الالكترونى ))

وانت قاعد وسامع الكلام سواء مدح او ذم ..

(( بالنسبالى حاجه حلوه جدا .. لأن ف اللحظه دى بحس انى لابسه ملاية الاخفا ))


الاقتراحات التى خرجنا بيها م اللقاء::

1- عمل مجلة حائط .. خاصه بمدونى طب الزقازيق ..

2- نسعى لمشروعات مشتركه وانشطه ف ارض الواقع

3- عمل جروب .. فيس بوكاااى .. لينا (( اشمعنا احنا يعنى ))

4- بس قبل ده كله (( ننجح السنادى باذن الله ))

الملحوظات التى دخلنا م غيرها وخرجنا بيها ::

1- لا للبيبسى .. لا للكولا .. نعم لعصير القصب

2- انا مخدتش الرولز بتاعتى

3- انتو لميتوا (( ازاز )) البيبسى اللى انكسرت ..

بعض الانطباعات التى دخلت انا م غيرها وخرجت بيها ::

1- دكتور خبيب .. فكر منظم .. فكر جديد .. انت معه ف مركب امينه

2- فرى كيلر .. لازم تغير اسمها .. لان الكل فاكرها ولد

3- فرى كيلر برده بتدون علشان الورق بيضيع منها .. فشافت انه اسهلها

تحتفظ بيه ف خزانة (( عمكم بلوج سبوت )) ونعم الاهداف ياكيلر

4- دكتور بهدوء .. تصدق طلعت بهدوء ع حق ربنا ..

5- د/ احمد الحاج .. لكم كنا سعداء بلفتة حضرتك الكريمه والثناء ع افكارنا

(( طول مافى ناس كده ... ياجماعه مصر هتفضل بخير ))

6- شكرا .. يامحيي .. كنت عامل زى ابو العروسه النهارده والله

7- د/خبيب .. الوحيد اللى مجاوبش .. قعد يسال واخدنا ف الدوكه ..

مخططنا جميعا للايام القادمه ::

1- المزاكره حتى المووت .. للانتقال م نجاح لنجاح

2-....................................

3- .....................................

(( نسيتهم .. ))


جاى .. ليييست لمدونى طب الزقازيق .. ومنها لفديوهات البرزنتيشن

اخيرااااا

سعدت بلقائكم جميعا .. ع امل رؤيتكم مجددا

ف اسعد حال وف اسعد صوره .. ومعا م اجل رفعة المجتمع الشرقاوى

بلدنا .. امانه ف ايدينا .. نعليها مادام عايشين فيها ..

(( انا هعيط .. م فرط السعاده ))

وبهذه .. يكون هذا اخر بوست .. حتى شهرين م تاريخه

لكم منى افضل الحجات ...

ودى .. وردتى النهارده .. لقيتها فتحتتت واينعت

وقررت انى اسميها ع اسمكم جميعا

ميديكال بلوجرز .. شرقاوى .. مش اى كلام

(( ده اسمها رباعى ))

نقوووول كمان

جبتولى الضغط

أبــــــــــص

اجدع بنوته & عالم حدوته

خبيـــــب

واحد من النـاس

كل يوم ف جديد ف حياة الجوهرى

فرى .. كيللر

قصاصة ورق

بلدك يا رأفت

حكاوى القهاوى

على قرقر

عمرو اكشن

عيش ندل تموت محروق

اذا لم تكن معى

dizzy-thoughts

Legend of the fall

هيروووووو

من اجل البشريه المعذبه

من ادهم عن اى شىء

كلمات الصمت

قصاقيص مشاعر

الشباب .. المتكاظى

مطرح ماترسى دقلها

Someone Different

وخير الختام .. ومسك الكلام

فليعد للدين مجده

المستقبل بايدينا .. لو اردنا !!

ويارب منكنش ناسيين حد .. فيديوهات البرزنتيشن

http://www.youtube.com/watch?v=W7FHThcnw3c

http://www.youtube.com/watch?v=T9TDOr1m_Xg

http://www.youtube.com/watch?v=ZIbe09ZCd6I

http://www.youtube.com/watch?v=hOLQ1eyf3bA


وانتظرونا جميعا ..

ف شغل ومناظرات وبوستات ..

حجات م الاخر .. غير وجامده اخر حاجه

اجدع بنوته

رحم الله اجدادكم .. وبارك لكم ف ثرواتهم

.........................................................

...

...

هذا المكان مفروض يكون فيه صوره.. بس اعزرونى هرجع

...

...

............................................................

رساله الى السيد والدى العزيز

مش عايزه اكل لحمه يابابا .. م اليوم انا نباتيه

بابا مش عايزه انزل الفلف بالعربيه واشم هوا .. م اليوم مرحبا بالموتورجلى

مش عايزه جلاكسى وكم يعتصر قلبى وانا بقولها .. م اليوم اهلا باجيرسى نو

مش عايزه موبايل يابابا .. بص يابابا ولا نت كمان

ولا الكهرباااااا .. هزاكر ع لمبة جاز .. بس الجاز هيغلى يابابا

بابا .. هو انت ازاى بتدلعنا ب ال 400 جنيه المرتب..

عارفه هتقولى الحمدلله واحنا مرتاحين جدا عن ناس كتير

لا يابابا .. الحمدلله علشان ابو جدى كان عمده .. وظبطنا صح

رحمك الله ياابو جدى وبشبش الطوبه اللى تحت راسك

بس مش كنت تدكن كمان شويه يعنى ..

ده افترااااااااااااااااااا

وعهد الله ده افترااااااااااااااااااا

ده تجاوز لكل الحدود الحمرا ياعالمممممممممممم

لا ده كده كتير وبزيااااااااااده

ياناس ارحموناااااااااااااااااااااااا

ياعز باشاااااااااا نبوس راس ابو الهول

ارحمنا ببدلك السينيه .. بدلتك تفولى العربيه سنتين ياكبيررررررر

تمن العربيه كلها اصلا ميجيش ربع ربع تمن ساعة سعاتك

هو الوقت بيهمك للدرجادى ياباشا

احنا بننداسسسس

وعهد الله بننداسسسسس

احنا كمان عايشين معاكم والله ..

لا سمح الله مقصدش اساوى الروس ..

بس والله احنا كمان عايشين ..

بنتنفس احنا كمان وبناكل .. يالهوى لا مبناكلشش

لا يسمعوا كلمة بناكل دى .. يزودوا االضرايب ع السلع الغذائيه

انا وم حبى للبلدى .. وشدة اعتزازى بيها

بقولها وحياة الغالين بقى

بينى وبينك تلات سنين .. الهف الشهاده واغور ف ستين داهيه

انا هرجع لكتابى دلوقت وهزاكر وهفحت ف الصخرررررر

علشان لما اهاجر .. اهاجر لمكان محترررم ..

اخد فيه ع قد مجهووودى اصل انا تعبت بجد

متقلبش وشك كده .. وتشير ليا م الجانب المظلم

وتقول الخاينه اهى

لا انا مش خاينه .. بس انا ولا مؤاخذه اتفقعت

اه والله اتفقعت ....

اتفقعت.. مش علشان مش هتعشى ..

بس علشان فيه اللى لا هيفطر ولا يتغدى ولا يتعشى

اتفقعت مش علشان صفيحة البنزين زادت 12 جنيه

اتفقعت ع اللى هياخدها كعابى بعد مهيوفر جنيه المواصلات يشترى رغفين عيش

اتفقعت مش علشان ضرايب العربيه هتزيد ف السنه للضعف

اتفقعت ع الراجل اللى وشه اتكشف م كتر ماقال الضرايب مصلحتك اولا

اتفقعت مش علشان سجاير السيد الوالد هتسحب م صحته وم فلوسنا المزيد

اتفقعت ع اللى مش هيلاقى سجاير ويعض ف صوابع رجليه ويخمس مع كلاب السكك

تولع العربيه وتولع مصلحتهم و تولع مصلحتنا

امضاء

مواطنه مفقوعه بشده وبعمق وبارتفاع


رساله الى علية القوم ..

استحملونى بس التلات سنين دووول يمين ع يمينكم

هسبهالكم مخضرره .. انا خلاص فهمت الرساله

اه وربنا فهمت الرساله .. واضحه زى الشمس اصلا

هطفش لوحدى بالزوق والله ..

مش محتاجه ترفعوا ضغط والدى ولا تجبوله ذبحه

لما اطلب منه 2000 جنيه للكورس و 700 جنيه لامتحان العملى

وبنزين عربيه وهم الممم ونت وكهربا وتليفون وميه وهدوم وسجاير

وشحن موبايلات .. وضرايب بيت وعربيه وفلوس نضافه

ودوا وجلاكسى .. لووووووول

ارجوكمممممم .. خلاص انا استسلمت

ارفعوا الراياااااات وكفوااا عن تطفيشنا .. هنطفش لوحدناا

.............
رحم الله اجدادكم جميعا

..

وبارك لكم ف ثرواتهم

..

عوده مره اخرى لاجازتى التدوينيه

طاقية خيخه وتاج زى الهوا هوايا

طاقية خيخه الخفيه ..

مين اللى هتضربه على وشه بالقلم من غير ما يشوفك

المقنعين (( مرتدى الماسكات ))

المتوحد برايه (( اللى مبيحترمش راى غيره ))

اذن هضرب نص الشعب بالقلم .. هع

مين اللى هتديله بوسة فى جبينه

بابا وماما .. وكل اللى بحبهم

اذن هبوس نص الشعب التانى .. هع

مين اللى هتدخل بيته وتعرف هو عايش ازاى

العميد ورئيس الجامعه هههههههههههههههههه

لا مش هدخل بيت اى حد طبعا

ولو سرقت هتسرق ايه

هسرق جمل طبعا

هتسرق بنك ولا محل دهب

البنك المركزى ولو انه ع وش فلس ..

وهتعمل ايه بالحاجات اللى هتسرقها

هشترى جلاكسى .. واروح احط لكل مواطن 50 جنيه يوميا ف جيبه

ومين اللى هتدخل بيته وتحطله فلوس فى الدولاب

مقلت مش هدخل بيت حد انا .. هحطلهم ف جيوبهم برا البيت

ومين الست اللى هتبص عليها وهى بتستحمى

كوندليزا رايس لووووووووووووووول


ومين البنى ادم اللى تبقى عايز تشنكله فى الشارع وهو ماشى

الواد سحلب ابن الجيران .. اصله واد قرداتتتى ومطلع عين اهله

واى بت لابسه بدى واى واد لابس لوو ويست ..

او تضربه على قفاه نوع من انواع الذل علشان متغاظ منه

اى حد ف الدفعه بيتسربله الامتحان .. ااااااااااااااااااااااااااه

وايه هى الاماكن اللى هتدخلها وماكنش ينفع تدخلها ابدا لما كنت مرئى

مشيخة الازهر ( لجنة الفتاوى )) ... امن الدوله

المعتقلات والسجون ... وهعسكر ع تلفون بوش المحمول

كونترول الكليه ...

ومين الانسان اللى هتحضنه وهو مش عارف مين اللى بيحضنه

لا لا .. ياكزوووووووووفى .. هحضن اى عيل زوغير اشوفه وابوسه ف دماغه

.....................

................

وده تاج سموحا .. حبيبة قلبى زى الهوااا

وم العزيز المتغرب .. ف حب مصر

اولا اذكر عشرة اشياء عن نفسك ...

بنوته مسلمه عربيه مصريه شرقاويه ..

بحب ماما وبابا وطنط وعمو وخالتو ف اسكندريه

اتميز بالنقاء الشديد والشفافيه وروحى حلوه ..

المحصله بريئه يعنى .. ياكزووفى

بشوشه جدا والضحكه مبتفارقش وشى

وبحب اعمل مقالب ف قرايبى وصحابى اوى

طموحه جدا .. ولا اتنازل عن القمه دائما

عاشقه للكوشرى وعصير القصب والمانجه والجلاكسى

جدعه .. وضميرى دايما صاحى حتى لو ع نفسى

وعندى سلام نفسى وبحب الخير للجميع

بحب اعرف عن كل حاجه حاجه كهربا ميكانيكا سيارات ..

مناخيرى طويله يعنى

هاديه جدا .. ومبتعصبش ورأكشناتى لا يمكن التنبوء بيها

اقدس الحياه واتقن فن الاستمتاع بكل لحظه فيها

ثانيا اختار خمس اشخاص تهديلهم التاج ..

ليه الغلاسه دى بقى 5 بس .. الود ودى احط 50

ع العموم السمك .. لسه بيعموم

منيو الخمسه لسه بخمس( هذا اعلان مدفوع الاجر لوول )

والامر لله م قبل وم بعد

هما اكتر 5 لسه برسملهم ملامح لشخصيتهم

فاكيد هيفيدنى اجابات التاج طبعا

العزيزه دوبا
العزيزه شاهى
العزيزه مش قادره
العزيز دكتور بهدوء
العزيزة عاشقة النقاب

رابعا عرف اللى بعتلك التاج انك نزلته ..

بت ياموحااااااااااااااااااااااااااا .. انا نزلت التاج اهو وجاوبت عنه

واللى مسمعش يسمع واللى معرفش يعرف

وتحت بيت ام فاروق .. هااااى هاااااى

وكل اسبوع وانتو مأجزين ومرتاحين

وبعيد شم النسيم وتحرير سينا والعمال محتفلين

وم الاضراب .. لورا الشمس .. رايحين رايحين

خايفه تجوز .. يقتلها .. اه والله

لو ليا حق .. هنروح انا وانت م بعضننا فين .. للمتزوجين فقط

بوست جديد .. مطرقع جدااا

http://adam7owa.blogspot.com/

لا حول ولاقوة الا بالله ...

منكرش انى اتصدمت م كلامها ..

وان كل جمله كانت بتقولها زى 30 قلم ف بعض

خايفه اتجوز ... يقتلنى ....

هى بنت تتسم بملامح هاديه وطبيعه حالمه

عروسه ع وش جواز .. مع ايقاف التنفيذ .. برغبتها الشخصيه

ظروف ايه اللى عاشت فيها خلتها تبقى كده ..

مصايب ايه شافتها خلتها تبقى كده ...

لا الصراحه هى شافت كتير ..

لو كان ابوها يتصور .. انه ف اليوم اللى زق مامتها فخبطت ف الحيط

واتفحت راسها ... و وقعت نزفت ع رجل بنت عندها ست سنين ..

هو نفس المشهد اللى هيكتب نهاية مسلسل لسه مابتداش

تحت تتر .. خايفه اتجوز .. يقتلنى

... دى بنت خايفه تتجوز .. لتصحى ف يوم .. تلاقى جوزها معلقها

ف النجفه وهيولع فيها مثلا .. او يدبحها

.. ربنا يشفيها ويهديها ..

ويارب كل اب وام ياخدوا بالهم م اى حاجه بيعملوها قدام اولادهم

دى بنت كل ذنبها .. انها حضرت ع استحياء وهى 6 سنين خناقه بين

ابوها وامها واحتدمت المناقشه .. .. وبس خلاص

مشهد مدته 10 دقايق .. دكاتره نفسيين وشيووخ وناس ع قد ماتتخيل

مش عارفيين يشلووه م مخها .. وازاى يشلوه وهو بقى محور حياتها اصلا

لكل اب وام ..

متقلش ان ابنك ده عيل ايه يعنى ميشوفك بتهيين امه

او بنتك دى عيله ايه يعنى متشوفك بتفتشى ف جيب ابوها

حرام عليكمممممممممم ...

انك تبقى اب او تبقى ام .. مش انكم تخلفوا عيال وبس

انكم تربوا عيال صح ...

كى تكون انسان ..هارش اللى قدامك كويس

عزيزى العميل .. انت ع دماغنا م فوق

..

طول مافاتحلنا دماغك وسايبنا نغرف منه براحتنا

..

عزيزى العميل .. كى تكون انسان .. هارش اللى قدامك كويس

..

يتطلب منك بعض المواهب تكون سمييع كويس .. تكون ذكى والمعى .. وقبل كده

..

تكون عميل ف مدونتى العزيزه

..

م مذكرتى الشخصيه اتحدث اوراق سريه

..

الوثيقه رقم 112 لسنة 2012 .. باعتبار ما سيكون .. لووولات

..

كى تكون انسان يخطف العقل م اول لحظه .. لا بد ان تدخل بها

..

اصدى فيها .. تعشش ف مخ اللى بتكلمه تخترقه

..

لكل منا ثغراته م اهتمامات مختلفه .. وانشطه اكثر اختلافا

..

اللى بيشجع الاهلى واللى بيحب هيفا .. والليبرالى

..

ولكن لنا جميعا .. ثغره افتتاحيه

..

ان تتحدث بلسانه

..!!

ما أروع ان تكون افتتاحية حديثك مع اخو زميلتك الرخم الزوغير

..

.عن ازيك .. ياحبيبى .. ياختى سكر

..

وف مثل هذه الظروف حتما هيفقعك الواد كلمه يخلي منظرك شراب مبلول

..

او افتتاحية حديثك .. مع جد خطيبتك ف اول مره تقابله فيها

..

والتى حتما هى الاخرى ستنتهى بلفحك خبطه م العكاز ع منتصف سن نملة الدبان

..

ف منتصف الهدف مباشرة

..

اولا ..

دى دى .. دى دى وااا .. اعلم جيدا ان الانطباع الاول ان لم يكن سيدوم

سيشكل الانطباع الثانى بنسبة

90% ..

احرص ع ان يكون محادثتك الاولى .. مميزه ..

ان تقدم برزنتيشن .. شخصى .. مبهر ..

ان تتحدث بلسانه ..

1- حدد مدخل اللى قدامك

ان كان شخص مسن .. فما اروعك تفاتحه عن خير زمان ودنيا زمان الحلوه

ان كانت سيده .. فما اروعك تحدثها عن اسعار خضروات وفاكهه سوق العبور اليوم

وان كان شاب روش .. فابدع واصفا عمرودياب وماتش الاهلى الاخرانى

ان وجدت انطباعاته .. الى حدا ما تشبهه ضفدعه ع وشك الولاده

فورا .. تشتم ف ابو الاهلى .. واهلا اهلا بالزمالك

وان كان طفلا .. حبيب هارتى .. اديله سبيس توون وتيمون وبومبا

2- تجنب احتدام المناقشه ف اى موضوع ..

يعنى محبكتش تقلبوها ندوه سياسيه حامية الوطيس

هل جمال عبد الناصر كان افضل .. ام السادات ؟؟

3- امنحه بعض التعليقات الجيده ..

راي حضرتك ف الموضوع ده والله مميز فعلا

جزمة حضرتك بتدل ع رجوله طاغيه

4- احرص ان تكون دماغك مسستمه .. صح

اى تمتلك سستم خاص .. زى ماريو كده ..

تمرره بعدة اختبارات .. تستنتج منها ما تريد

5- انتبه جيدا لكل انطباع وكل كلمه

هل هو شخص ينصت للاخرين ..

شخص بتاع قول اللى عندك ولخص مش فاضى

وغيرها م الانطباعات

6- حدد بير السلم بتاع اللى قدامك

بعد مدخلت م المدخل وجذبت انتباه .. نور بقى بير السلم

واكشف ع العدادات .. تطرق بيه ف كزا موضوع

لفلف بيه م سياسه لثقافه لتعليمى وهكذا

مجرد موضوعات بسيطه

يعنى شجرة الدر ضربوها بالقباقيب ....... تاريخ

هند رستم مثلت الدور ده كويس اوى ...... فن واعلام

بس كانت فيه اسقاطات سياسيه متمثلتش صح ... واديها سياسه

7- اياااااك واييييياك ان يشعر م اامامك انه ف جلسة ممتحنين محو الاميه

او ف اختبار كيف تسعدين صديقتك ...

يادوب تكاااات كده .. مش تعالى هنا ياعم .. قولى فيما لايزيد عن 15 ساعه

عن دور كليوبترا ف سقوط الدوله القسطنطينيه .. لوووووووووووول

8- اياك ان يخلو وجهك م ابتسامه م القلب ..

حتى لو رايح تعزى .. ادخل عليهم ..بس بابتسامه مكسوره شويه

9- اجعله متيقنا ومتأكدا وواثقا بانك منتبه لكل حرف جر بيقوله

حتى لو انت سرحان ف ملكوت اخر ...

10- اديله برستيجه ..

حتى لو شخص ااقل منك علميا او سنا او غيره

مااروع انك تديله برستيجه .. علشان ميدلكش ف وشك

وابدع انت بقى ..

وجمع نتايجك يامعلم ..

وكون فكره وافيه كافيه عن اللى قدامك م مقابله واحده

معا .. كى تكون هارش اللى قدامك كويس

د/اجدع بنوته .. بنغطى اكتر م 90% م سكان مصر

احسن ناس

.............................................

تحديث ** البوست مش هدفه انك تنافق حد

..

او تتصنع علشان الناس يحبوك ..

..

لا اطلاقا .. انك تفهم اللى قدامك كويس

..

وتجذبه لشخصيتك م اول مقابله بينكم

..

بس ...

..

وبعد متبقوا اصحاب ابقى عرفه انك بتشجع الاهلى

..

واضربه ع دماغه كمان لو تحب هههههه

..

بس المهم اول مره .. والانطباع الاول

ولاد التيت .. مخلوش لولاد التيت .. حاجه

امى .. اريد ثمرة جوافه

لتذهب الى الجحيم .. بنى

انطلاقا م نقطة ان احنا كلنا ولاد ناس

اومال هنكون طالعين شيطانى يعنى

انت مش ابنى يامنعم .. انت لئيط

مش وقته ياابو منعم انت .. هات بس مفتاح الاوبترا

انا اللى هسوق الاوبترا يامنىىىىىىىىىى

انت بتحلم ياحلمى .. نياهاهاها

بعيدا عن منى وحلمى ومنعم

وقطعا الاوبتراااااااااا

بيجو .. 307 .. للرفاهييه عنوان اخر

ولاد الحلال مخلوش لولاد الحلال حاجه ..

متتتنحليش بقى كده .. منا لسه قايله ان كلنا ولاد حلال

وولاد ناس ومحترمين وبناكل تلات وجبات ف اليوم

انا عن نفسى باكل اتنين بس .. فرق سورعات بقى ..

كتير ببقى ماشيه بالعربيه

والاقى حد مثلا ف مكان مقطوع وواقف يستنى مواصلات

رجل .. ع دواسة البنزين .. والرجل التانيه بتفكر تنتش فرامل

عمركم شفتوا حد بينتش فرامل برجل ورجل ع البنزين

هو ده التمكن القيادى الصح

وتكون الغلبه للرجل اللى ع البنزين والتانيه تنتش دبرياش

وتالت .. واطيييييير

كتير بلاقى حد واقف بعربيته ف مكان مقطوع

وبيغير عجلته .. او عربيته عطلانه .. او ما الى ذلك

ويتكرر نفس الموقف ...

كتير بشوف اتنين ستات بيتخانقوا .. واكون هموت وادخل افصل بينهم

بس ارجع امشى ..

وقد ايه .. بكره نفسى ف مثل هذه المواقف .. بل وبضربها بالجزمه كمان

بحب حرف بل ده اوى ...

طيب انا ايش ضمنى ان اللى هنزل اساعده ف عربيته ده

ميخطفنيش مثلا .. ودى ف حد ذاتها نو واى تحصل .. لان انا اخطف بلد

احم احم .. بس برده .. ايش ضمنى انى اللى هركبها معايا ف العربيه دى

متقتلنيش مثلا ..

متخدرنيش .. وتاخد منى اهم حاجه ف حياتى ..

..

القلم الرويترنج الاصفر ابو خمسه جنيه ..

ايام مكان الرويترنج ماشى بيتقمع

.. لووووووووول ..

او ادخل افصل بين الستتين .. يقلبونى ولا حاجه

وانا والحمدلله .. محفظتى دايما عامره باللبان والجلاكسى

حقا هذا الخيال المريض

والذى تسبب فيه اصلا

ان ولاد التيييت الاولانيين مخلوش لولاد التييت التانيين حاجه

وماشاء الله خيال خصب .. يوميا نقرى عن الست اللى خدرت سواق تاكسى

واللى قتل سواق الملاكى وخد الكاسيت

حماااااااااااااااااااااااااااار

يقتل وياخد كاسيت وياريته سبتلايزر ده كان صينى مش حتى سانيو

هههههههههههههههههههههههههه ويسيب العربيه

المهم بجد الموضوع ده بيقتلنى .. فعلا وقد ايه ف كل مره م دول

بخسر احترامى لنفسى اسبوع لحد ماانسى الواقعه

تيجى واقعه غيرها

ولذلك ف اغلب الحالات بتكون نفسى مبتحترمش نفسها

انت يااااااااااض .. بتقول عنى انا مزوداهاااااا

طب اطلع ياله برا المدونه ..

لا فعلا انا مش مزوداها خصوصا انى م النوع المساعد جدا جدا

لابعد مما تتخيل

معرفش ليه

غير انى مولوده كده بعشق مساعدة الغير

فلما تبقى عامل دايت وخايف ع صحتك وقدامك فرخه محمره

احساس ولا ابشع بالقهرررررر

فارجوكم ياولاد الحلال .,. سيبوا لولاد الحلال حاجه

خلونا نعرف نساعد اللى بيقع ف ورطه بجد

متقهرونييييييييش

ياضنايا .. يابنتى .. طب بشرى

.

كل مااقعد مع حد ويعرف انى ف طب

..

احس انه خلاص الدمعه هتفر م عينه ويطبطب عليا

امد ايدى ف جيبى واطلعله منديل ..

يمكن يكون افتكر ان الحكومه ناويه تشيل الدعم وان الانبوبه هتبقى ب 40 جنيه ...

عيان .. عواطلى .. عاله ع ابوه وامه .. عايز يتجوز ومش عارف .. على باب الله ..

هذه هى الخمسه عين المصاحبه للطبيب الان

واللى كانوا عروسه .. عربيه .. عزبه .. عياده .. عماره

طب ليه محدش بيفكر ف الطب كمهنه انسانيه ..

محدش بيشوف انك هتقبض 120 جنيه .. ومعاهم 120 الف حسنه ..

الكل تركيزه ماديا .. هتاخد كام ..

ماهما عندهم حق برده .. دلوقت بقت كل حاجه بكام

معاك كام .. هتسوى كام ..

عايز تجوز .. معاك كام

ع العموم .. بقى

انا فخوره انى ف طب وهكون طبيبه ومبسوطه فحت بالـ 120 جنيه اللى هاخدهم

ومش عايزين شفقه م حد ..

دكتوره محترمه .. داخل عليها عيان العياده

ومصمم يدفع الفزيتا دبل .. يعنى الضعف

هههههههههههههههههههههههههههههههههههه

تقريبا فكر ان الصندوق اللى قدام الجامع اللى تحت العياده

تبع الدكتوره .. تبرعوا لاختكم الدكتوره

هههههههههههههههههههههههههههههههههههه

طبعا موقف لا تحسد عليه .. والراجل مصمم يدفع

ياعم ف ايه .. يقولها كله خير لوجهه الله يادكتوره

هو حد قالك انى الفرع الشرقاوى للجنة الزكاه

ياسيدى شيل فلوسك وامشى

يادكتوره متكسفيش انتو محتاجين فلوس تلبسوا برده

هو الدكتور ايه غير قميص وبرفان وجزمه نضيفه

هههههههههههههههههههههههههههههههههه

انت شايفنى بشحت ياراجل انت .. امشى اخرج براااا

واحتدم الموقف ..

لحد مقطعتله الفلوس كلها ... بما فيهم الفزيتا نفسها

هههههههههههههههههههههههههههههههههه

الله يخربيتك ياللى كنت السبب .. وخليت الناس تتجرأ علينا كده

ولا دكتور محترم .. رايح يتقدم لوحده ...

ابوها طرده برااا .. امشى اطلع برااااا انت اتجننت تيجى تطلب ايدى بنتى

ع اساس انه ابن عم على الجناينى مثلا

زمان .. كان الدكتور اسمه حكيم وبيتهزله شناااب

دلوقت حكيم .. بقى دكتور ساقط ف طب 12 سنه

هعععععععععععععععععععععععععععععععععععع

خليك استك .. م غير وش بلاستيك

الاستاذه .. اول واحده محتاجه تعرف يعنى ايه حرية رأاى

والاستاذ برده .. معقول يكونوا بلطجيه مزقوقين علينا وانا معرفش

طبعا الاخت المدونه العزيزه .. ليها منى كل احترام وتقدير

طبعا اختى المدونه لما عرضت رايها ف شخصيه عامه وهو الاستاذ عمروخالد

وتناولته بمنظور العميل ذو المطامع الشخصيه وما الى ذلك م اوصاف

ومجرد ماا ف ناس قالتلها لا بكل احترام وادب

اتشتموااا ..!! ... ولما تناولت برده نفس الاخت العزيزه الاضراب

ع انه حركه وطنيه ثوريه سيذكرها التاريخ ف مطلع القرون الوسطى بالبوزتف

ومجرد ما ف ناس قالت ان الاضراب اتسم بالهمجيه ..

اتشتموا ..!! ... وانهم عملاء وبرياله ومش فاهمين حاجه وعيال لسه بيلعبوا بالطوب

وشباب خرع .. وتفة اى عيل م عيال المحله برقبتهم ....

اذن الاخت المدونه العزيزه تجيد حرية التعبير وحرية تقبل الرأى الاخر

.. اللى هى تقوله ... اياااااااااااااك تجادلها فيه ف مدونتها ....

اى حاجه واى حدث يحصل اوعى تكون رااى خاص بيك .. الاول تروح ع مدونتها

وتشوف رايها ايه .. ف الحاجه دى .. وتحفظه بالنص .. وتتبناه كرأى شخصى

يعنى الناس اللى قالت ع الاضراب اتسم بالهمجيه .. مجوش جنبك ولا كلموكى اصلا

توجهيلهم كلام ف مدونتك ليه م قريب او م بعيد ....

انا اعرف ... ان ماشى اقول الاضراب مكنش يتسم بالهمجيه

الاضراب كانت حاجه حلوه اوى .. لكن نشتم ف اى حد يتبنى وجهة نظر مخالفه

يبقى الواد ده ايه ... شنكوتى ... لا بلطجى ومزقوق علينا

والاستاذ .. اللى مش عاجبه اى كلمه بقولها .. واللى بتهيالى لو عطست

هيقيم عليا الحد .. انقد براحتك .. ورينى وجهة نظرك

لكن لمجرد القمع انك تيجى وتشتم .. فده مبياكلش معانا

ولذلك يبقى الواد ده ايه .. برده بلطجى ومزقوق علينا

اى حد يتبنى وجهة نظر مخالفه .. يبقى بلطجى زاقه علينا النظام

اى خطه ولا حاجه نعملها وتفشل .. يبقى النظام هو السبب الرئيسى

يعنى انا اخيرا دلوقت عرفت مصطفى جاب 50% ف الثانويه ليه

هو النظاااااااااااام .. مصطفى مين اصلا

الخلاصه بقى ...

محدش يعيب ع اعضاء مجلس الشعب اللى بيشتموا بعض ف المجلس

ولا الاستاذ اللى ضرب الناظر ..

ولا الحكومه اللى مش فاهمه وجهة نظر الشعب

علمونااااااااا يعنى ايه حرية الرأى الاخر ...

علموناااااااا يعنى ايه حرية تعبير ....

مش عايزه الاقى الكل متمسك برايه كأنه وحل نزل عليه م السماء

وملاقيش الامن والنظام بيقمع اى حد يقول بمممممم

وملاقيش الشعب نفسه نازل يخرب لمجرد انه يقول لا

وملاقيش الشعب مش فاهم حكومته .. ولا حكومته فهماه اصلا

عايزين نعرف كويس نقول كلمة لا وازاى نقولهاا .. وامتى نقولها

ونحترم اللى بيقولها ... وحطلى هنا تلاتين خط .. واستك

وخدها منى حكمه ...

** خليك استك م غير .. وش بلاستيك

قالتلها الزعيمه سمسمه .. محمولة ع الاعناق م فوق محور 29 يوليو

ف ثوره عارمه للمطالبه بحقوق .. سحلب ف امتلاك دى فى دى وجزمه اديداس

ملحوظه متملحظه ..

خليك استك م غير وش بلاستيك .. اى خليك استك ومطاط وتتقبل الراى الاخر

بوش كله ملامح بشريه .. قادره ع التمييز بين ماهو جدير بالثقه

وما هو يستحق ااقرب باسكيت زباله

بص بص بص

م الاخر ..

مش بالضروره انى لما اسمع رايك اكون متفقه معاك فيه ومقتنعه بيه

لكن بالضروره انى لما اسمع رايك اكون انسانه بحترم نفسى وبحترمك

ومؤمنه انك حد عاقل وبالغ بالدرجه الكافيه ان يكون ليك راى وتعبر عنه

وافكر فيه .. واحسبها واعقلها .. واشوف هقتنع برأى سيادتك ولا خارج حساباتى

وكله بالاحترام .. احلى م الاحترام مفيش

مش قولتلك ..

خليك استك .. م غير وش بلاستيك ..!!

ولا هما بس فاكرين ان عندهم مخ ..بيفكر.. واحنا عندنا فول نابت بالصلصله